بدا يحاول يتوككض .. عاد وعا براااسو وبداو كيدوزو قدامو اخر الاحداث لي عاشهم .. غي تفكر حالة اسد بدا قلبووو كيضضرب ورتاج سمعات الدقااات فالجهااز تسارعات .. وضااارت عندو بزربة .. لقاتو مكمش عينيه وكيحاول يهز يدو بثقاالة يحطها على قلبو .. وهي قربات عندو
رتاج : شششش رتاااااح ... بشوية عليك ...
هو بمجرد سمع صوتها ماقدش يفتح عينيه المشدودين .. بقا بنفس وضيعيتووو جامد ..
رتاج : مامزيانش ليك التوتر ... رتااااح وحاول تننننفس مزيااااان ... .
حل عينو فيييها وباااتليه واقفة وكتشوف فيه بخوف ماااتبدل فيها والو منغير انها دايرة نظارات طبية .. باقا بنفس الملامح الطفولية... والجادبية في عينيها لي مطيحاتش تفاحة .. طيحات قلبو .. مكتشوفش فوجهو كاع ... كتشوف غي للجهازز وكتضبط السيروم ... وهو عاد ررمش عيينوو واستوعبها ...
عدنان : ( مقادش يدوي بااغي يقولي اش كيديري هنا ولساانوو ثقيييل ) اا . اااش ...
رتاج : ( شفت عندو ) بلا مدير شي مجهووود .. منبعد وهضر حتا تبرد كاع حروفك ... فتح ليا عينيك نشوف دابا ( قربات عندو تفحصو وهو مخنزرر فيها كيتفكر اخر مرة اش قالت ليه وبلي مدين ليها بحياتو مححملش وبعد راسو )
رتاج : متعاااندش .. هادشي لصحتك ... فتح ليا عينيك نشوف ...
عدنان بدا يززيررر على يدو شافتو غير مغايكفس حالتو وبعدات ...
رتاج : صاافي غير تهدن مغانشوفش ...
محملش هاد طريقة لي كتعامل بيها بحال شي وحدة شفقااااانة عليه و الجهد معاندووووش لي يدير ردة فعل ...والخاااطر و والمورال زيرو .. اصلا اش كيفكر فيه هو كبرر مشاكل الحب و العناد ..
عدنان : ( كيحاول ينطق ) ا .. ا س ..د ...
رتاج : راه بيخير ... ولاكن لابقيتو نتوما على هاد الحال .. ويفيق يلقا مرتو شادة شومبر وخوه حتى هو ....كون اكيد مغايكونش بيخير وغاتردوه لسرييرر لي غاينوض منو ...
عدنان كيييحاول ما امكن يعلي راسو
رتاج : غير رتاح .. باقي مغاتقدش تهضر بطلاقة .. مادريش مجهود عفاك ... غانعطيك منوم من بعد غاتفيق غاتلقا راسك فشومبر عادية و تقدر تهضر وتحرك كيف بغيتي ...اما دابا نو ...طاقتك كولها استهلكتها ليك الازمة خصك تعوضها ... ماتشوفش فيا هاكداك اعدنان .. نسا الى كتعرف شي وحدة سميتها رتاج .. انا هنا غير دكتورة خاصة بك .. و بحالتك .... كنتصرف معاك كيف كنتصرف مع كاع المرضى .. سوووو ..جاااست رولاكس ..
عدنان : ( كيتززير يهضر ويتجنن ) مم .. م اا محت .. ممامح
رتاج : مااامحتاجينيش!!!!؟؟ .. لا مااشي نتا لي كتقرر .. انا وحالتك لي كنقررو امتى تحتاتجني و امتى لا .... ( ضربات ليه المنوم فسيروم ) استرخا .. ونعس ... تيقني غااتتفيق غاتحس براسك مزيان .. حمد الله مابقيتيش محتاج لانعاش ... و تخطتي الازمة و تخطيط دالنبضات كيوضح هادشي .. قووي كيف عرفتك وغاتبقا ....
عدنان : ( صوت ثقيل بسيف باش مسموع ) خخ .. خر .. خرجي .. ع لي ا
رتاج : لا ... ميكنكش .. انا هنا معاك وهادي خدمتي ... الى بغيتي تهنا مني .. حاول تبرا وتعطي راسك راحة باش توقف على رجليك وماتبقاش تشوف وجهي .. اما لانفاعلتي ووماتحكمتيش فراسك وسمحتي للتوتر يغلب عليك .. غاتجيك ازمة اخرى و غاتكون مضطررر تحملني مدة طويلة .. سوووو .. نتا لي غاختاارر واش بغييتني نبقا معاك ولا لا .. الى شفت حالتك دهورات واخا ب 1فالمية .. غانعرف سيادتكم ماساخيش بيا و باغيني .... انا لاوقفتي على رجليك غانتأكد بلي بصح نتا مامحتاحنييييش ... ومااابااااغينش نبقا معاك ...( ضحكات ليه حيت شافت عينيه كيتسدو والمنوم كيسري المفعول ليه وخلات ليه ديك الكلام اخر مغايسمع ولاحت المرة فملعبو بشكل الصحيح و الدكي لي يخليه يبرا ) نووم الهنا ... نتلاقاااو ملي تفيق ... باش نعرفو قرارك بخصووووصي ... ( غمزاتو ومشااات وهو استسلم لمنوم ... )
خرجات رتاج من شومبر و هبطات فسانسور لشومبر ديال لامار لقات الدكتور النفسي ديالها يلاه كيهضر مع سفيان ويونس ..
رتاج :دكتور ... كيف بقات ؟
دكتور : لقيتني يلاه كنوضح ليهم ... مكاينش شي حاجة لي تخلعكم .. هادشي عادي يطرا فصدمات بحال هادو لي كيكون دماغ متوقعهوم ولاكن مامستعدش ليهم ... خصها غير الدعم ديالكم .. وتاخد دوا ديالها فالوقت و بانتظام .. وتعطيوها شوية ديال الانيغجي بووزيتيف .. الى استمداتها منكم .. غاااتجاوز هاد الصدمة .. ماتكونوش حداها حزاااان و كئيبين .. خاصها جو زوين لي تقدر تستمد منو الحيوية .. .
سفيان : كيف غانديرو ادكتور وحنا براسنا محتاجين لحيوية ...ماحد مزال مافاق اسد لا حنا ولا هي غانقدرو نتجاوزو هادشي ..
دكتور : حاولو تكلمووو معاها ... حاولو تلقاو ليها لي نقط قووتها ... خبروها بيهم .. قويوها .. هي محتاجة تعرف قوتها فييين ! محتاحة تستمدها .. وبحكم نتوما لونطوغاج ديالها عارفين فين كاينة قوتها .. نتونا غي وريوها ليها وغاتصدمكم ....
يونس : الى دوينا معاها غاتسمعنا عادي ؟
دكتور : اكيد راها واعية وصاحية ... غير هي فواحد الكالة ديال السهو العميق ... و حالة ديال عدم الاكتراث بالمحيط الخارجي .. يعني دماغها مامهتمش لشي حاجة يشوفها و لا يعيشها من غير انو توقف فلحظة لي سمعات بخبر الحادثة ... صافي دماغها مابقاش عندو اونفي انو يغيش شي لحظة ويكترث ليها ... يعني هادشي هي دايراه لنفسسسها ... خصكم نخليوها تعرف .. ان مكاينشغير اسد لي دمغاها يكترث ليه ويبغي يعيش لخظاتو ... هصها تعرف ان كاين حوايح خرين لي نتوما عارفينهم كتر مني ...الى بغات تسمعك غاتسمعك ... غير خص اشكتقول ليها يكون مهم بنسبة ليها لي تلفت ليه ... وتستيقظ ... وباش نعطيكم شرح اوضح وسهل .. دماااغها فحالة سبااات ... نوم عميييييق .. ونوم كيخصوو شي حاجة تفييييقووو .. شي حاجة قوووية لي يفيق عليها ... ولي تلفت ليها عي وتسمعها .. كلام هادي مغايفيقهاش ... خثها شي حاجة قوية... فهاد نوع من الحالات ميدخلش الطب .. من غير ااني نقدر نوصف ليها الدوا .. ولاكن الباقي على دعمكم .. وقوتها ...
رتاج : فمهما ادكتور ثانكيو سو ماااتش .. غانحاولو معاها هي قوية ماااضعييفاااش لهاد الدرجة غير خصها تجاوز هادشي .. والى سمعنا خبر زوين على اسد ليوم هادشي غايعاونها ... حنااا معاها وهي ماشي بوحدهااا ... الحييوية موجودة علاش ماتكووونش اش طاري ( كتشوف عندهم ) غاااتكون ... حنا ماشي ضعاف... كون هاني ادكتور ... صبااحك مبروك ( مدات يدها سلمات عليه وضارت عنهم ) باااقين بلا فطور ولاشنو ؟؟؟؟ واش هاكا كتعاونو خوكم ..
