ليث : لاه درتيلها هكذاك
مريم : بسك هدرت هدرة كبيرة عليها بزااف ، واش غاضتك ولا
ليث : هههههههههههه لمسكينة شعرها لقيتو طالع في السما مع هو قصير حسيتها بيلاروس تاع يوزارسيف
مريم : تستاهل ، و ماتزيدش تجيبها فهمت
ليث : هادي مانقولكش عليها وي بسك ماكانش سبة مقنعة باه نزعكها ، مانلعبوش برزق الناس هنا
مريم : واش أسي محمد لا تكون عاجباتك
ليث : واشمن عاجبتني يرحم باباك ، ماكانش حل اوخر و مزلت لحد الان ميش فاهم واش صرا
مريم : شوف تدخل هيا نخرج انا
ليث : شنهي الهدرة هادي .لاه لعب دراري هنا
مريم : ابووون ولات هدرتي لعب دراري معليه اصلا الدار دارك دير واش تحب
هوما يهدرو و امين قدم لليالين : ليالين واش صرا
ليالين : الغيرة و ماتدير ا امين
امين :احكي احكي
حكاتلو ليالين واش صرا ، امين : قليل لي دارتولها والله
ليث : يا مريم رانا سيريو لهنا ميش نخدمو بالقوسطو
مريم : شوف اسيدي درك ولات خدمة و لازم اوك نتا دير رايك و انا ندير رأيي ، مي من الأحسن قوللها ماتوريليش وجهها بسك ماعمباليش واش راح ندير
ليالين و امين بي لايك
ليث : امري لربي
راح ليث يعيطلها ، مريم تبعاتو بعينيها : مينينينينيننينينينيننيني و يزيد يقول واش درت لالا غير تزيد تدير
ليالين و امين قعدو يضحكو مود فيبرور دارت ليهم مريم
مريم : اضحكو نتوما لاه راكم حاكمينها اضحكو لا تموتو
هي خلصت و هوما طرطقو ارواح نتا و سكتهم
مريم : اييي صاي حبسو ، ليالين ارواحي نوصيك
ليالين : وي
مريم : شوفي من غير التسياق و لا غسيل لماعن مانقبلها تدير والو لماكلة ديريها نتي و كي نريح راني نجي نعاونك ماتخليهاش تمس حتى حاجة تاعنا
ليالين : هاي هاي كابتن
مريم : اوك انا نروح نريح شوي و نتوما عينيا راهم عليكم ماتحسبوش بلي بيلاروس هاديك دالتي عقلي
امين : هههه روحي ارقدي متهنية ماعندناش مانديرو مزال الحال
ليالين حمارت ، قالتلو مريم : احمم شوي قدر
و راحت لشمبرتها تضحك عليهم ، دخلت هزت تيليفونها عيطت لامها
مريم : آلو ماميشكوو توحشتتتتتتتك
امال : يالكلبة يالرخيسة هاداوين ماتعيطي ماتسقسي + كي نعيطو ماتهزيش مامبا خير الالة رحتي لهيه نسيتينا طوول
مريم بعدت تيليفون على وذنها لسلامتها الصحية بسك عياط نبع الحنان وصل لتونس الشقيقة ، و هي هكذاك زدم عليها ليث جا راح يهدر "الهدرة بيناتهم بلغة الإشارة "
مريم :: اسكت
ليث : معامن راكي تهدري
مريم : وي ماما اني معاك
ليث كي عرف بلي امها راح قعد قدامها و مريم تبعد فيه مي الله غالب حبيبنا باتيكس قعد لاصق يسمع فيهم
مريم : ااااا يا ماما والله ماكنت قاعدة طول اونبليس فزدتلي تيليفوني
ليث : كزاب وميييت كزااااب -عمي ابو محمود -
امال : شنهي الهدرة هادي
مريم : اواه راني نتفرج برك
امال : هيه نقولو فزدلك ، ماتقدريش تعيطي بتاع راجلك
مريم : ياو راهو خدام عندو15 ماجا للدار
ليث : اا..
حطت يدها في فمو : تنطق تموت
امال : اسمعي لاتكونو متهاوشين ؟؟
مريم : اااا شنهي الهدرة هادي رانا في الشباب شبييك ، اعععع دورتيهالي استجواب ، قوليلي واش راكم واش راه بابا خليل جوري لولاد توحشتهم بزااااف
امال : رانا اوووكل لاباس مي راهم يتحلفو فيك لي مين رحتي نسيتيهم
مريم : هههههههه قوليلهم درك نسكنلكم في رأسكم ماتخافوش
امال : اهاه ونتي واش راكي و ليث واش راه
[هاداوين تفكرتي يا نبع الحنان ]
مريم : لاباس الحمد لله
امال : و واش راهو معاك
مريم : رانا هايلين ماتتحيريش مرره
امال : اهاه كاش جديد ولا
مريم : من عندك
امال : يالبغل راني نحوس عليكم ، كاش بيبي كاش ..
مريم و ليث دنقو في بعضاهم
امال :اووو ماتقوليليش راكي حمرة معليش معليش ماتحشميش من أمك
مريم : مامااااا حبسي
امال : بلعي يخي ران نهدر برك ، ايه قوليلي وكتاه يروح ليث
مريم دنقت فيه : اليوم
امال : همممم يسما راهي حاكمة عندك
مريم : اااه
امال : لاه يابنتي لازم نقريك ، لازم تسقمي الدار و توجديلو الماكلة لي يحبها و تستيكي روحك و الشمبرة و تلبسي...
ليث ناض يضحك اما مريم ماقدرتش تهز وجهها
مريم : اععععع صاي ماما عمبالي ماتقلقي ماوالو عمبالي واش ندير
ليث : فاقوو
مريم دنقت ليه بنظرة قاتلة : اهاه بدلي السوجي راني فاهمة كلش
ماما : يابنتي كون مانعرفكش نقول هيه راني شاكة راكي تعامليه كي صاحبو
ليث : عندها الحق
قرصاتو و قالتلها : خسارة عليك يخي انا بنتك
امال : جيكسطومون
مريم : اااااا الباب واقيلا ليث وصل
امال : روحي روحي و كيما وصيتك قومي براجلك
مريم : ايه ايه هادي اني جييم غدوة ان شاء الله و نهدرو سالي عليهم بزااااف
امال : نتي تاني سالي عليه بالسلامة /كوبات
مريم غمضت عينيها و طلقت روحها على السرير باستسلام حتى سمعت ليث يضحك حلت عين وقالتلو: بلع و طير على راسي
ليث :ااااا عيب عليك واش كانت توصي فيك طاطا امال ااه
مريم : روح لبيلاروس تاعك قيلني يرحم باباك
ليث: الله الله يا طاطا امال هدرتك دخلت من خرجت من . ماوصاتكش هكذ هي
ناضت قابلاتو : ماما واش وصاتني وصاتني على عفايس نديرهم لراجلي ياك
ليث : وي
مريم : سوو ماتخافش عليا كي نكون مع راجلي نطبقهم و بالزايد تاني. و درك تقدر تقوللي لاه جيت و تتفضل
ليث : اووووووووووف مريم مزلنا في نفس ليسطوار
مريم :جاسباغ كو نتا هو لوتور تاع هاد ليستوار _ لاي لاي على الفرنسية لو سمحتشو-
ليث : يخي هدرنا هاداك النهار علاه راكي تديري هكا علاااااااااااااااااااااااااه
مريم : في واااه هدرنا اااه فكرنيييي فااااه . مزلت لحد الان ميش مبينلي شنهي انا بالنسبة ليك و بيانسير اذا عدت ميسيون و عاقبة ماتستناش مني نديرلك واش تحب ديرها في راسك فهمت
ليث : كالمي بركاي ماتعيطي
مريم : لاااه خليني نعيط هكا لاعوش تفهم شوي
ليث : راااانيييييييي فااااااهم
مريم : ماننظنش نتاااا ماااااااااااتفهممممممممممممممش.
ليث : قلتلللللك راااااااااتي فااااااااهم
مريم : واش فااااهم نتااااا ماتفهمششش
ليث : نحبك فهمممت بلي نحببببببببببببك يار&&
مريم : مااااااااااتف............. واااات
ليث : هيه نحبك فهمت بلي نحبك اوو
مريم : يا كيوت
ليث : ااه؟؟؟
مريم سكتت ليث دنق في وجهها لقاها تستكشف في الزربية و وجهها احمر راح يولي بوردو جا خارج لحق للباب ولى دار لقاها تشوف فيه راح ليها تحضنها لمدة قرن من الزمن و خرج
مريم
اوهاااااااااااه واش صرا مافهمت والو كيفاه بديت نعيط و هو يعيط حتى قاللي هاديك الكلمة انا جيت نحوس على مخي باه يعطيني كاش كلمة نقولهالو مي ذهب و لن يعود مخي ولد حرام جامي لقيتو واقف معايا ديما نلقاه في الباب يتفرج فيا . المهم هو قعد دنق فيا و وجهي بسلامتو مايفرطش . هبطت راسي جيت زعما راح ندير لقطة هندوسية تاع نحشم منو و نقعد نخمم في هدرتو و انو لازم ندير رياكسيون مي الله غالب انا ميش كيما الناس حسيت كشغل بديت نجوع ياس . كرشي قبل كلشي واش كي هزيت راسي باه نقوللو بلي سخفت على شيكولا حتى نلقا السيد وصل للباب و ولى يجري تحضنني . احم هاد الشي لي راكم تسمعو فيه ميش اصوات الحرب العالمية الخامسة و الستون جيست كرشي+ قلبي لي ولا يخبط 1000 واط في الساعة .
كي راح خرج انا قعدت ندير في هاديك العملية الحيوية لي يقولولها التنفس بسك قبيل نسيت كيفاه مبعدا نضت احم اكيد للكوزينة لقيت ليالين تكونيكتي و بيلاروس مقابلتها انا دخلت و هوما دنقو فيا رحت جبدت الما شربت و الهم هاديك مزالت تشوف فيا بهاديك النظرة المسمومة مي انا درت روحي ماشفتهاش طول _يقولك السماطة للكب دوا _ قلت ليالين اذا كاينة شيكولا ولى مي شي عباد فمهم ميش ليهم
نيل : ههه شي عباد مزالو صغار نجيبولهم شيكولا باه يسكتو
مادنقتش ليها طول . ليالين : نن ماكانش درك نديرها فلاليست تاع لقضيان غدوة نروح نشري جيست قوليلي ويناهي لي تحبي
انا : ماكالاه درك نعيط لراجلي -ركزولي عليها_ يجيبلي لي نحبها
نيل : هاهاها راجلك لي كان عياطك نتي وياه واصل لاخر الدنيا
انا قلت لليالين تبعني للشمبرة و خرجت طول بسك كون زدت شوي كون رضخت لاغراء هاداك الموس الكبير هو و خاوتو ميش حابة ندير جريمة و انا ماكليتش شيكولا و ماهبلتش ليث شوي
لحقتني ليالين: خير مريم لاه تهاوشتو
مريم : ايماجيني واش صرا
ليالين : ماتقوليليش برك الحاجة لي خايفة منها
مريم :ايييييه يابنتي الدنيا غدارة و ماتحبش تضحك في وجوه العباد مي معليش
ليالين : انطقي خرجتيلي مرارتي
مريم : مستعدة للخبر
ليالين: ياااو قولي و هنيني
مريم : . قاللي نحبك.
ليالين : وااااااااااااااااااات يويوويويوويويوويويويوويويويويوييييييوييوووووووووووووووووييييييييييييييييييييييييييييييييييي
مريم : بلعي ياوجه الهم فضحتيني
ليالين : اونفاااااااااان الحمد لله ياربي مبروك مبروك
مريم : ههههه اونفان . لعقوبة ليك
ليالين : اميييييييييييييييين يارب
.......
قعدنا هدرنا شوي مبعدا راحت هي تدير لعشا و انا طالعة هابطة في لي باج تاع الجامعات هنا مامزالش بزاف على القراية و انا لحد الان ماسجلتش غبية اي كناو . و بينما انا هكداك حتى يتحل الباب تقوشي داعش زدمو كان....
سلاااااااااااااااااااام
واش راكووووووووووووووووم
نظن عجبكم البارت اي كناو صغير مي ماقدرتش مانحطوش
اراءكم
توقعاتكم . كيفاه راح تكون مريم مع ليث و شكون دخل عليها
ايه راهو بدا العد التنازلي للكرونيك هادي
طشاااو
ليالين