اوقعتنى فى حبها

الخاتمه

حبايبي الحلوين الروايه خلصت بس مش معنى كدا انى هختفى بقا لا انا راجعه وراجعه بروايه اقوى من ديه وهعلن عنها يوم الحد طبعا هتكون مفاجأة ليكم جدا وهتكون بعيدة عن توقعتكم الكلام إللى هقوله دا مهم للكل بس قبل اى حاجه حبه اشكركم كلكم انتوا أساس نجاحى انتوا اخواتى مش متابعين وبس انا السنادى خرجت بيكم فعلا
وبشكر الولاد إللى بتقرا ليا بجد شكرا انتوا خلتونى غيرت فكرتى عن الرجاله شويه لان نص الرجاله مش بتحب الروايات وشيفها ان ديه حاجه تافهه بجد بشكركم
نبدأ بقا بكلام عن بطلنا

مراد عز الدين ..راجل زى اى راجل وسيم لدرجه كبيرة اتعود ان البنات بتترمى تحت رجليه وبتبيع نفسها علشانه لدرجه انه وصل بيه انه كره البنات وافتكر انهم صنف واحد لحد ما دخلت عشق حياته وفهمته ان مش كل البنات صنف واحد هو اتاكد من دا بس فضل فى جزء من عقله بيقوله متصدقش لحد ما شافها وهى فى حضن حد غيره انا مش هقول انه مش غلطان بس لو حد حط نفسه مكانه مراد عاشق مجنون بيحب التملك وطالما حب حد هيفضل يحبه لحد اخر نفس فيه لما يشوف مراته وحبيبته فى حضن شخص تانى ومش بتعمل اى رد فعل يدل انها رافضه لازم هيعمل كدا الغيرة بتخلى الراجل مجنون بتخليه يحس بنار جواه وهرجع اقول مراد انانى بس قدر يتغلب على كل الصفات الوحشه ديه

عشق ..عشق شخصيه موجودة فى بنات كتير عارفة ربنا كويس مثقفه ونجاحه فى حياتها حبت شخص وزى ما بيقوله مرايه الحب عاميه مشافتش عيوبه او شافت عيوبه بس حبتها اتعذبت كتير بس هى كمان عذبت لان الست قويه محدش يفتكر ان الست ضعيفه الست تقدر تجرح زى الراجل بظبط الست إللى من غيرها المجتمع مايمشيش وياريت الرجاله كلها تفكر فى دا سيدنا ادم لما نزل على الأرض يا جماعه نزل ومعاه حواء محدش فكر ربنا ليه خلق حواء من ضلع آدم علشان يبين أن الست هى جزء من جوزها جزء من الراجل وانهم بيكمله بعض

ادهم ..صاحب موجود فى حياة كل شخص فينا مرح وبيطلع اى حد من المود يا جماعه اختاره الاصدقاء صح اختارهم بعد تفكير طويل وتجارب لان الاصدقاء بوشوش واسالونى انا عنهم لانى شوفت منهم كتير بس زى ما شوفت الوحش شوفت الحلو بس اهم حاجه الاختيار الصح

منه ..اخت زى اى أخت بتحب الجنان وبتحب المرح وبدارى وجعها ورا ابتسامه ربنا عوضها بادهم والحمد لله جمع المجانين مع بعض بردو لازم نقرب من اخواتنا ونحافظ عليهم

احمد .. احمد مش شخص خيالى يا جماعه انا شوفت زيه كتير شوفت اخوات ولاد بيخافه على إخواتهم وبيحافظه عليهم ياريت يا جماعه الولاد تقرب من اخواتها انتوا متعرفوش البنات بتتعرض ليه أوقات بتبقا خايفه تقول لباباها او مامتها يبقا انت كاخ قرب منها وخليها تحكيلك أسرارها وهى مالها خليك صاحبها مش أخوها وبس خليك سند ليها طبطب عليها ادخل عليها بشوكلاته شيبسي اى حاجه هتفرحها خليكم حنينين عليهم بدل ما يشوفه الحنان دا برا وساعتها انتوا إللى هتندمه

رنا ..رنا زى ما شوفنها بنت بريئه جدا حبت واحد وغلتطها انها وثقت فيه وهو كان باين من الاول العيب عيب الاختيار والقلب إللى بيدق لأشخاص غلط بس احنا مش هنتعلم بساهل اهم حاجه نتعلم ونتغلب عن واجعنا مش نخليه يسيطر علينا ونفضل تعيط ونسيب حياتنا وساعدتنا علشان شخص ميستهلش متوقفوش حياتكم علشان حد مهما كان هو مين .

آدم.. آدم دكتور شاطر اعجب بعشق وافتكر ان دا حب وكان حزين لما حبت غيره وحس ان حياته وقفت بس لما سافر وشاف رحمه وحبها اكتشف انه مكانش بيحب
عشق وحب رحمه مع الوقت ونسي عشق وعاش حياته وبقا سعيد فيها دا كله هديه من عند ربنا ربنا كاتب لكل واحد فينا نصيبه بس بلاش نزعل على اى حاجه نصيب دايما بيبقا احلى بس احنا إللى بنمسك فى حاجات مش بتاعتنا

رحمه ..صاحبه قليله اووى مش موجود منها حبت فعلا عشق من قلبها كان ونعمه الصحابه وكانت ونعمه الحبيبه قدرت تقف جمب إللى بتحبه لحد ما خلته اعترف انه بيحبها ومش بيحب غيرها بس بالعقل مش بالغصب

كدا انا كلمت عنهم عايزة اقولكم نصيحه ليكم بقا قبل ما ابدا تكمله البارت الأخير

* انتى قويه 💪*

فتره وهتعدى بكل حاجه فيها هتعدى انتى قويه لدرجه انك هتعدى كل حاجه صعبه فى حياتك وهتبقي اقوى من الاول هتفتخرى بنفسك كل يوم عن اليوم إللى قبله الفتره ديه مهما قالوا ليكى الناس او مهما عملوا او مهما كسروا فيكى حاجات كتير خليكى عارفة ان لولا الحاجات ديه مكونتيش هتبقي قويه اووى كده💪❤

انتى قويه علشان انتى عديتى حاجات كتير قبل كدا
كنتى بتقولى عليها مش هتعدى وأنها صعبه وهستحمل ازاى وخلاص انا انتهيت بس بعد فترة عديتى وبقيتى أكثر قوة وأكثر نضجا وأكثر حكمه ❤💪

متسمحيش لحد انه يكسرك ويقعد يضحك عليكى قومى وحاربي واتغلبي وبانى قويه قدام الناس وخلي الضعف دا بينك وبين نفسك كل ما تحسي انك هتكسري وهتتضعفي قولى لا وحاربي نفسك وشيطانك واتغلبي على الدنيا ببتسامه ❤

رفقا بهم ...😊

نبدا بقا

بعد تالت سنين

حياة ..بابي يا بابي

مراد ساب إللى كان بيكتبه ..ايوة يا قلب بابا

حياة بدموع..انا مش عايزة العب مع ملاد تانى

مراد وهو بيضحك على بنته إللى لدغه فى حرف الراء ..ماله مراد عملك ايه

حياة ..بيزعق ليا يا بابي وضلبنى لما لعبت مع مالك ابن انكل ادهم

مراد بغضب يطاطير من عينيه ..نعم ضربك دا انا هعلقك يا بن آدم انهاردة

حياة سقفت..هيييييييه عاش بابي عاش

ضحك مراد على محبوبته الصغيرة شالها مراد وخرج ليهم فى الجنان إللى كان الكل متجمع فيها معاد احمد ورنا

مراد بغضب مصطنع ..انت يا واد يا مراد

مراد بقوة ..نعم يا خالو

مراد بغضب ..انت بتضرب حياة ليه

مراد بغيره..علشان بحبها ومش عايزها تلعب مع مالك تلعب معايا انا وبس هى بتاعتى انا وبس

مراد فهم انه هذا الطفل يحب بنته بجنون ..اوعدك لو فضلت تحبها لحد ما تكبره هجوزهالك بس انت مش تضربها

مراد ببتسامه..حاضر

مراد الصغير ..حياة هتيجي تلعبي معايا

حياة ببتسامه..هلعب معاك بس انت مث تضلبنى

مراد الصغير باسها من خدها ..مش هضربك تانى خالص

ضحكت حياة وخدها مراد وطلع يجري يلعب معاها

مراد ..ابنك دا مجنون يا آدم

آدم..اعمل ايه بيحب بنتك بقا يا سيدي وبعدين بنتك ديه قمر هو فى جمال كدا

مراد..يعنى اعمل ايه فيها احبسها

آدم ..لا بس سيبها تاخد حريتها شويه يا مراد بلاش تبقا جمبها دايما لانها هتبدا تتخنق

مراد ..بس انا بخاف عليها

آدم.. كلنا بنخاف عليهم بس مش لدرجه بتاعتك ديه

مراد ..هبقا افكر فى الموضع دا بعدين

خرجت عشق ورحمه وهى شايله أطباق الاكل

عشق وهى بطنها منفوخه أثر حملها..اخيرا خرجت وفضيت لينا

ادهم ..هو ايه كل شويه هنشوف البلونه ديه

عشق..وانت مالك انت يا رخم

مراد ..ايوة ياض وانت مالك بمراتى

عشق ..ملكش دعوه بيه يا حبيبي دا عيل حقود

مراد ضحك ..ايوة جدا

عشق..قولى صح هى ماما هترجع امتى هو انت كل سنه تسافرها عمره قبل ما انا اولد

مراد ..اعملك ايه انتى إللى بتولدى فى وقت غريب وبيبقا وقت عمره

عشق ..هو بايدي ديه بتيجي كدا

مراد ..طيب لما نشوف المرادى

دخل فى الوقت دا احمد ورنا

احمد..عندى ليكم خبر تحفه

آدم ..خير خايف انا من اخبارك

احمد...لا ديه حاجه متصدقش

مراد ..قول

احمد وهو بيبص على رنا ..رنا حامل اخيرا

عشق ...واووووو بجد

احمد..اخيرا يا عشق هبقا اب بعد تالت سنين حرمان

عشق جريت عليه وحضنته ..مبروك يا حبيبي مبروك يا رنا ان شاء الله تقومى بسلامه

رنا ..ان شاء الله

عشق ..طيب يلا نحتفل

مراد ..لا بس ثوانى

عشق ..فى ايه

مراد خرج بوكس ..افتحي دا

عشق فتحت البوكس ولقت فى روايه مكتوب اوقعتنى فى حبها ومكتوب اسم الكاتب مراد عز الدين

عشق بدموع ..انت كتبت حكايتنا

مراد ..ايوة علشان مصر كلها تعرف انتى بنسبالى ايه

عشق جريت على مراد وحضنته

ادهم ..يلا نتصور كلنا سيلفي

مراد ..يلا

كل واحد حضن مراته وبص ليها واتصوروا سيلفي

وبكدا انتهت القصه

وشكرا انكم وقفتم جمبي عايزة اشوف تعليقتكم ل اخر مرة فى الروايه

الكاتبه/ esraa mahmoud