هالااااااااااااااااااااااااااااو
حتى يدخلو زوج رجالة هي تشوكات بسك فوطو كوبي على لي مقابلينها دارت ليهم
مريم : ماتقولوليش برك خاوة
قراندايزر : نن
لحقو الزوج هادوك ليهم قعدو يوشوشولهم ساعة و هوما يهدرو سكتتهم كي قالت
مريم : قداه طلبتو
قراندايزر : شنهي
مريم : الفدية ولا واش تقولولها ، قداه طلبتو
قراندايزر : لاه تحوسي ، ولا غاضك راجلك
مريم : نن مي كي تهدرو معاه زيدو في لبري و مدولي و مانتعبكمش معايا
قراندايزر : ههههههه خسارة مي ميش حنا لي نهدرو معاه
سكتو شوي حتى تزيد تنطق ( هي و السكات خطان متوازيان)
مريم : وجعوني رجليا حلوهوملي ياك راني مربوطة من الفوق ياسر
دنقو في بعضاهم مبعدا راح واحد حلهملها
مريم : اووووه اونفان
قعدت تحرك فيهم في الهواء مبعدا زادت نطقت
مريم : اووووووووف درك نقعد انا لهنا
قراندايزر 2 : لاه الالة ماعجبكش الحال لهنا نديوك لصالون دو تاي باه تستراحي ههههه
مريم : هاهاها تضحك بسلامتك
قراندايزر : واش تحوسي
مريم : اللي يسمع يقول راكم تحت خدمتي ، وكتاه يجي الهم تاعكم ولا تبدلولي لبلاسة قلقت منا
قراندايزر 2 : ماتخافيش مامزالش بزاف و يجي
البوس و نشوفو واش نديرو بيك
مريم : ماعندكمش كاش مطرح هكدا ، نعست
قراندايزر 2 : قالولك اوتال 5 ايتوال هنا ، مي لاحبيتي نعاملوك كيفهم نورمال
قاللها و هو يقدم ليها مبعدا حكملها وجهها
قراندايزر 2 : مي اوموا يخلينا نعقبو شوي وقت معاك ، بيانسير الزين هادا اوكل ميش راح يروح هكداك
مريم كرزت سيرتو كي ناضو يضحكو ولات قالتلو
مريم : قدم ليا نمدلك كادو
قراندايزر 2 دار لصحابو يضحك ، ولى قدم ليها
هي شافتو قدم ليها و تهز رجلها و تخبطو
قراندايزر 2 : اي ن&(@٨٧((؛(&"£٤٥££
مريم : احشم ماتسبش ، ماعلموكش بلي حرام تسب ، دراري اخر زمن
قراندايزر 2 بعدما توجع و خلص و أيقن بلي المستقبل باي باي راح حكم وجهها زير عليه
مريم : هههه هادي هي لافورص تاعك ، بفففف مرأة و تلض خير منك
قراندايزر 2 : درك نعتلك الراجل واش يدير
مريم دفلت عليه في وجهو ( قصفت الجبهة )
جا راح يضربها بكف هي قعدت تدنق فيه ماحركتش وجهها مرره حتى حبسو صاحبو قاللو : ماتنساش قاللنا ماتوشيوهاش يالوكان شعرة
قراندايزر 2 : عندك الزهر البووس موصي عليك
مريم : اي روح برك درتو سبة كون جيت راجل كون ميش انا مربوطة لاصقة في الارض و نتا تتمرجل عليا ، نحيلي السناسل هادو ونشوفو الرجلة
........ : ههههههههههههههههه ، مسترجلة يااه
لي قراندايزر هادوك اوكل ولاو في صف واحد تقوشي دي روبوت مريم كانت مقابلتهم يسما ماشافتش شكون كان موراها مي عرفت لاڤوا
مريم : ماتقولليش برك نتا هو الرخيس لي راهو في بالي
الياس : اوووو عيب عليك تقولي عليا هكذ
مريم : رخييس ماغلطتش كي سميتك الرخيس
قراندايزر جبد سلاحو دارو في راسها وقاللها : ايييي اعرفي واش تهدري
مريم : ههه و كون مانعرفش تقتلني ، اقتل اقتل ديجا مانيش حابة نشوف وجهو مره
الياس : اخرجو
مريم : اااا لالا ريحو غير هاذاك الموصيبة صح اخرج ( على قراندايزر 2)
الياس : لاه كشما دارلك
مريم : خرجو عليا و بلع
الياس : برا عليا اوكل
خرجو يجريو اما هو هز كرسي و قعد مقابلها هي حطت كراع فوق كراع ( قعدة تاع شيكور )
مريم : اييه
الياس : خرجت عليك القعدة لهنا زدتي زينتي
مريم : بلع بركا من الخرطي وقوللي كيفاه تفاهمت مع المسمامة هاديك
الياس : اااا زينب ا عيب عليك تحكي على أختي هكذ
مريم : وااااااااااااااااااااااااااااات
الياس : بالعقل على وذنيا ، هيه أختي
مريم : الحية لاختها ، و زيد نسيبك هو لي عاونكم تاني
الياس : نسيبي ؟؟ سنان ؟ لاه واش دخلو في النص
مريم : لاه ماعاونكش هو
الياس : الوطني الندبي هاداك يخدم هاد الخدايم خخخخ منيتك هاذاك قطة يخاف يقتلها
مريم : اييه و درك واش ندير انا لهنا
الياس ناض من بلاستو و قدم ليها وجهو مقابل وجهها : يخي قلتلك نقلبك ليا نقلبك
مريم : و يخي قلتلك كون تقعد نتا اخر واحد في الدنيا نقتل روحي و مانتزوجش بيك
الياس خبط الكرسي
{ عملية التحول الى وحش بوووووم }
حكم الكرسي هاداك برد قلبو فيه كسرو قلبو فراتت مريم قعدت تتفرج فيه ، ، كي خلص قعد يدور و يدو في شعرو يزيد شوي ينحيه من بلاستو
مريم : خلصت
الياس : هيه عندك مشكل
مريم : نن راني مرتاحة هكذ و السناسل هادو دايرين بيا و ماعمباليش اذا راح نموت ولا ، ماتخافش ماعندي حتى مشكل
الياس : نتي لي جبتيها لعمرك كون من النهار الاول حليتيلي باب قلبك كون ماناش في هاد الحالة
مريم : لاه قالولك قلبي دار لي يجي يدخل ، و ديجا واش ناوي تديرلي
الياس : كلش في وقتو حلو
مريم : معاك ههه مانظنش
الياس عيط عليها : مريييييم ماتجهلينيييييش
مريم : ااااااي صااااااي شنهي لعب الذر هادا اااه هاتلي من اللخر هدرة تاع راجل واش ناوي تدير
الياس : كالمييي شبيك
مريم : ههههههههههه نتا داخلهالي نية في الهبال
خرج الياس من غير حتى كلمة مريم قعدت تخمم في حل يخرجها من عند البسيكوبات هادا و واقيلا لقات الحل هادا
هي هكداك و يزيد يدخل الياس بعد ساعة حست بيه موراها حط راسو على كتفها
مريم : الياس نحيلي جد السناسل هادو ، ا سو بوان مانسواش عندك تديرلي سومتي من سومة الكلب و تربطني ، ماعمباليش بلي لي يحب يهين ههه
الياس : ياااا وشحال جا اسمي ملييح كي خرج من فمك
مريم : الياس نحيهملي
هدرت معاه بآفوا حنينة لاعوش يستجيب و ظهر صح حمار بسك بدا يحل فيهم هي فرحت
الياس : شوفي راني درت فيك كونفيونص و راح ندير روحي ماسمعتش هدرتك قبيل
مريم : اوك و انا ندير روحي ماقلتهاش ، في رايك كيفاه تكون رياكسيون تاع وحدة مخطوفة ااه
الياس : صح حبي عندك الحق
مريم تمتمت - تحبك حبة و تعضك كلبة -
الياس نحالها السناسل هادوك و هي وقفت حاكمة يديها تمسد يديها
الياس : نعتيلي يديك
جا راح يحكم يديها بعدتهم و قالتلو : معليش عليهم نورمال
الياس عمبالو ميش راح ترخضلو طوول : اوك ، هايا نخرجو منا
هي كانت تحرك في عظامها تدور حتى تشوفو راح يجبد تيليفون وقفت موراه تشوف الكود مي دارو بالزربة شافت غير الحرف اللخر M عرفت بلي اسمها ، المهم هو عيط لواحد يجيبلو طوموبيل
راحو داها لدار جاية بعيدة على لاسيتي لي عقبو عليها لقاو واحد واقف توال الباب يستنا فيهم مريم مع الاول شبهاتو مي نساتو ~ذاكرة ذباب~
كي هبطو هو حط يدو على كتفها
مريم في داخلها : كالمي كالمي ماتكسريلوش ذراعو كالمي باه تصوڤي روحك
جا هاداك توالهم و هو يضحك
// الهدرة اين انجلش تبعا مي عمبالي ماتفهموهاش مليح سو طرجمتهالكم (ضميري : تكذب ) بلع //
الياس : اووو جونسون راهو يستنا فينا ثانكيو
مريم -جونسون - : اوهاااااااااااااااااااه
الياس و جونسون : شبييك
مريم : نتا هو جال دوش قصدي ولد هاداك الشيخ مول لوبيتال
جونسون : اووو نسيتيني
مريم : تلاقات الشحمة واللحمة دارولنا عيش حار
جونسون : وااات
الياس : هايا هايا ندخلو
دخلو
الياس : لي شومبر تاوعنا توال بعضاهم كشما تستحقي راني هنا روحي ريحي شوي قبل لعشا
مريم : أوك
و قبل ماتدخل قالتلو
مريم : الياس معليش نطلبك في حاجة
الياس : اطلبي عينيا نمدهملك
مريم : اذا عندك دوا تاع نوم اعطيني باه مبعدا كي نتعشا ناكلو
الياس : اوك مبعدا نجيبلك
مريم : مرسييي
دخلت مريم للشمبرة لقاتها شمبرة مليحة يعني قعدت تدور حتى تلقى ورقة فوق لكوافوز - بب شمبرتك راهي واجدة من كلش ان شاء الله تعجبك-
راحت شافت لخزانة لقاتها ماغازان ميش خزانة كلش فيها
مريم : مليح خلي نتقلشو شوي مالغري مانيش راح نطول مي
عقبت هاديك العشية و هي كارهة حياتها حتى تسمع الباب حلت تلقاه الياس قاللها هايا نتعشاو
راحت معاه مبعدا طلعو دخلت للشمبرة زاد شوي طبطبلها في الباب
مريم : وي
الياس : اا يخي قلتيلي على الدواء
مريم : ايه صح نسيت مرسيييي
الياس : با دو بروبلام
مريم : امممم معليش تقعد معايا شوي
الياس مات بالسعادة : وي بيانسير
قعدو هكداك هو يهدر و هي حاكمة روحها باه ماتنوضش تخبطو حتى قاللها عطشت
مريم : اونفااان
الياس : ااه؟؟؟
مريم : ااا استنا نجيبلك تشرب مام انا جعت نشوف كشما نجيب ناكل ، تاكل
الياس : نن نتي لي ماكليتيش ، نجي معاك
مريم : ههههه هايا
هبطت مريم لحقها راحت دارت حبة دوا في كاس تاع الماء لمزية هو زاد شوي باه لحقها
هي جبدت فرماج و خبز( الكسكروط الأسطوري في بلد في اي مكان في اي زمان )
الياس شرب ألما و قعد يضحك عليها : ههههه مزلتي تحبي الفرماج
مريم هزت راسها ؟.؟
الياس : ياو راني حافظك اكثر من روحك
مريم : امممم
الياس : .......
Layth
نروحو نشوفو حالة ليث
ليث ماقراش الميساج حتى للربعة تاع لعشية ، راح للدار لقاها ماكانش عيطلها حرق تيليفون مي مسكر قال لامين يعيطلها لاعوش تهز عليه مي كيف كيف ، ولى ناض راح لدار سنان طبطب احم قصدي كسر الباب خرج سنان
سنان : تي شبيك اولدي كسرت الباب
ليث : مريم وين راهي
سنان : في جيبي شوف
ليث حكمو من لكول تاع شوميز : ر@& كون نلقاك درتلها حاجة ندفنك هنا
سنان : والله مليحة هادي في دارك و يهبط عليك البلا
ليث : درك نعتلك لبلا كيفاه مصور
ولى طلقو و دخل للدار حوس منا و منا ماكانش شاف زينب الحمد لله ماتلاحش ليها مي عياطو يكفي
- يزأر كالليث -
ليث : ويييييييييين راهيييييييييي مرييييييييييم
زينب : ههه عند حبيبها
ليث : شنهييييييي
زينب :عند حبيبها الياس
ليث : ......
هاااااااااي
بارت سامط مي عاونو رواحكم بيه
واش راكم
واش أحوالكم
ايه حبيت نديرو برك قبل العام الجديد باه ماتقولوش يارا عندها عام مادارت بارت هههههه و ان شاء الله 2020 تجينا بخير و تفرج على كل المسلمين و ان شاء الله تكون سنة نجاح و توفيق لينا اوووكل وو.... خلاصتلي الهدرة ههههه
تقعدو لل12 باه ترقدو؟؟؟؟
نتلاقاو العام الجاي ان شاء الله