Good evening po admin first time ko pa lang po mag-share ng story sana po ma-post na! Pa-shout out pala sa mga taga Camarin, Caloocan na mga balibolista na avid fan/reader ng page na 'to!
So ito na po. Way back September 16, 2017, I think it's Friday , pumunta kami ni mama sa bahay ng tita ko malapit sa Laguna, so sinamahan ko si mama pumunta doon para maglinis ng bahay tutal wala din naman akong gagawin ng weekends, nakasanayan na rin namin na pumunta kila tita every 2nd week of the month kasi yung totoong may-ari ng house umalis, pumuntang Baguio (minsan lang umuwi yung may-ari kaya yung mga gamit parang pinag-iwanan na ng panahon). So si mama muna at yung iba ko pang tita ang magbabantay ng house. So yung bahay is hanggang 4th floor. Naglilinis sila mama sa baba habang ako naman nanonood lang ng tv sa taas parang bodega siya na imbakan ng mga gamit na di na gagamitin pero mukha pa rin siyang kwarto kasi nakaayos yung mga gamit at ang luwag (alam naman natin na maraming lumang gamit don so natatakot na ko at this point). Habang hinihintay ko sila mama matapos, kasi nga tatlong floor ang nilinis nila , so around 11pm na sila natapos, so umakyat na sila. Apat na kaming nasa taas. Around 12am natulog na kami
(so ayun na nga hindi pa diyan nagsisimula ang storya)
So eto na nga natulog na kami (syempre di naman natin maiiwasan na managinip pero ang panaginip na ito ay naiiba sa lahat ng panaginip na napaginipan ko) bigla nalang akong nanaginip na may isang babaeng duguan ang buong katawan ang nagmamakaawang humihingi ng tulong at that time hindi ko naisip na panaghinip lang ito, di naman ako marunong ng Lucid Dreaming, parang totoong-totoo ang mga nangyayari, tapos gumagapang sya pababa ng hagdan na tila ba kahawig din ng hagdan na tinutuluyan namin ngayon at ang babae ay hindi ko mamukhaan o maaninagan yung mukha niya pero feeling ko non nasa bingit na siya ng kamatayan hindi na ako nag-atubiling tulungan siya "tutulungan kita dadalhin kita sa ospital" ang sabi ko sa kanya pero sinabi lang niyang "wag na, wag mo na akong tulungan lumabas ka na ng bahay dahil kapag nakita ka niya isusunod ka nya!" paglingon ko sa likod ko may isang lalaki, may hawak na baril at yung lalaki, naka-bonnet hindi ko siya mamukhaan, unti-unti siyang lumalapit sa amin anumang tangkain kong makagalaw parang na-paralized ang buo kong katawan. Hanggang sa malapitan niya ako at bigla niyang tinutok sa ulo ko yung baril na hawak niya! Naiiyak na ako nagdasal ako kay Lord na sana kung ito na ang huli kong buhay nawa'y gabayan niya ang aking pamilya. Habang nakatutok yung baril sa ulo ko nabaling ang atensyon niya sa babae na tila ba hindi pa siya tapos sa kanya. Nilagpasan niya ako at binaril sa ulo yung babae. Ako naman dali-dali akong tumakbo pero kahit anong bilis ng takbo ang aking gawin hindi ako umaalis sa kinatatayuan ko binilisan ko ngunit di ko talaga magawang tumakbo ng mabilis na parang may mabigat na anuman sa paa ko, binilisan ko pa akala ko nakalabas na ako ng bahay hanggang sa napalingon ako sa likuran ko para tanawin ang lalaking hindi ko mawari kung magnanakaw o mamamatay tao. Lumingon ako pero hindi ko na siya maaninag na para bang naging worth it yung pagtakbo ko, naging kampante ako na akala ko natakasan ko na siya pero nagkamali ako pagtingin ko sa harapan ko nasa harap ko na siya at yung baril nakita ko nalang na nakatutok agad sa ulo ko nagmakaawa ako sa kanya ngunit sa kasamaang palad binaril nya ko.
Nagulat na lang ako na panaginip lang ang lahat at nakakapagtaka tumayo agad yung balahibo ko ng mapansin ko na paggising ko nasa kusina na ako syempre kinabahan ako hinahanap na pala ako ni mama nakita na lang nila akong nakabulagta, nagtaka rin sila kung bakit daw ako nandun hindi ko alam nalang ang isasagot ko, ang alam ko sa taas ako natulog hanggang sinabi ng isa ko pang tita na i-check natin sa cctv kung ano talaga ang nangyari (concern sila sa akin wow). Ayun na nga nung ni-review nila yung cctv nakita nila na parang may kumukontrol sakin kasi ung hagdan ni hindi man lang ako napapatid. Pagbaba ko ng hagdan pa 2nd floor dun na ako nagsalita na parang may kausap at para akong nagmamakaawa hanggang sa pababa ako ng pababa hanggang sa makarating ako ng kusina nakita nila ako doon nakahiga tapos ginising nila ako dun tapos nagtaka sila kung ba't ganun ang nangyari sakin natatakot pa rin ako hanggang sa kinuwento nila tita na hindi lang pala sila ang unang tumira doon, may mag-asawa daw pala na nag-away sa bahay na ito, nagtalo daw, hanggang sa napatay ng lalaki yung asawa niya dahil sa pagseselos. Hindi lang yon, ang nakakapagtaka din na yung bangkay ng babae nakita daw sa may hagdanan. Lalo pa akong natakot dahil parang yung panaginip ko may ipinapahiwatig na hustisya yung babae through panaginip pero hindi ko naaninag yung mukha ng lalaki sa panaginip ko? Paano na yan?
Permission to post admin. Nabulok na po yan di nyo pa po napo-post! Mababangungot nalang ako't lahat di na alam ang istorya ng pagkamatay ko (in case lang).
TRANSGENDER.
Caloocan