̨حۡــڵــڦــۃ "39"
كتاباتي:Raghad
(( الـحَلْـقَـِةَ مـا قـبـل الـاْخِيَرهَّ ))
في صبح ثاني يوم ناضوا ولميس و محمد و هيبو و فطروا
لميس : من يبي يقعد مع هيبو اليوم
محمد : مشعارف اكيد انس يبي بمشي اليوم
لميس : اها و حتى انا لازم نمشي 3 ليله اليوم ناصيف يقعد معاه كانشي
محمد : ناصيف يبي من يعانيه راسه ديما مصدع مش حيتحمل هيبو
لميس : باهي و كيف
محمد : شكلي نبقى انا و انت تمشي مع انس للعزاء بكرا
لميس : مع انسس
محمد : اها كنك فتحتي فمك
لميس : لان استغربت زمان مهزبني عشان سلمت عليه و توا تقولي اركبي معاه بروحك
محمد : انس خيي واثق فيه
لميس : اها
محمد : كولي ما كليتي شي توا ادوخي غادي
لميس : ماعنديش نيه
محمد : بجوكك بس انا عارفك مش حتاكل حاجه ع لحم و حدوخي
لميس : لالا
محمد براحتك
صبوا محمد و هيبوا و قعدوا يلعبوا بالبلايستيشن لميس خشت لبست و كانت لابسه جاكه اقرب للرسميه لونها اسود و بلوزه بيضه و كانن الاثنين خ
كسيرات للفخذه و سروال واسع قماش اسود و كويش اديداس ابيض و محرمه دميه مع شنطه ظهر سوده
لميس : قلت لانس
محمد : اها قلتله هيا ننزل معاك ، هيبو
مهاب : هاا
محمد : قول نعم يا حمار
مهاب : نعم يا حمار
محمد ضحك : فرخ انا نازل شويه و نجي
مهاب : به
نزلوا لجنان و انس كان مزال ما طلع
محمد باسها في خدها
لميس بحتتله : مشعارف كنك اليوم نحس فيك بدير شي غلط
محمد : ما صحح وجهك شن بندير مثلا قاعد تاعب و نبي نقعد مع مهاب و تقولي بندير حاجه غلط
لميس : اها
محمد : كنك طولت
انس : كنت نكلم في الحب
محمد ضحك بإستهزاء: انتَ
انس : المستهزي مبتلي
محمد : ههههه
انس : هيا ركبوا لسيارة و محمد ركب و قعدوا يحكوا انس و لميس
انس : هههههه
لميس بإستغراب : كنك تضحك
انس : ما عمريش توقعت محمد يركب مراته معايا حتى زمان يقولي مراتي نخمرها قدامك
لميس : هه عاد هذك حياة الشقره مش انا
انس بإستغراب : كيف عرفتي انها شقرة
لميس اتزرطت لانها محمد عمره ماوراهم صورة لحياة : ءء هك توقعت يعني قصدي محمد يحب الشقر و بعدها شن فيا انا بيش يخمرني
انس : كنك هازيه على روحك محمد يحبك
لميس : استحاله
انس : توا انا مش متأكده انه يحبك بس انت تعنيله حاجه ما يقدرش بدونك هوا ، باين عليه كمية الخوف الي فيه عليك واضحح
لميس : ممكن يخاف عليا بس مايحبنيش
انس سكت ..
وصلوا خشت لميس سلمت عليهم و لقت مريم في مطبخ بروحه
لميس : ميمي ؟ خير
مريم : مانبيش منك خير
لميس : مريم
خشت عليهم نيسان : خير
مريم : خطيلي خلقه توا مريم صحح خذيتي خويا مني غيرتيه عليا وياريته محمد بس الاثنين و ماما زياده قدرتي تغيريهم عليا تحسابيني مشعارفه اكيد انتي الي مخششه فكرة قيس لراس محمد بيش تتريحي في حوش بروحك جبناك من مستوى واطي و عيشناك في دلعع من سفر و سفارتي من وكال وكليتي من من تدهوير و ادهورتي من دبش و شريتي بس كويس الي عرفتك على حقيقتك توا كنت نحسابك البنت البريئه الي تفكر في ناس قبل نفسها العفويه الطيبه بس طلعتي مسمومه و خبيثه وحده من تحت لتحت
لميس كان دموعها ينزلوا مع كل كلمه تقولها مريم وجعتها في وسط قلبها
مريم : طروح البكاء قدام نيسان فكيني منه
نيسان : اطلععي براا يا فرخخه واعيه روحك شن تقولي
مريم : طالعه اساساً و طلعت لميس بحتت نيسان و طلعت حتى هيا
نيسان طلعت حطتلهم حليب و تمر و عدت ادور في لميس الي كانت مصبيه في زاويه و تبكي
نيسان : ميسو قربت منها ضمتها و قعدت تبكي تأثرت بشكلها و كيف كانت
لميس ضمت نيسان بالقوه و قعدت تبكي و تشهق و تحكيلها : مش هكي انا انا والله محمد كنت نعد فيه خويا بس انجبرت ان نتزوجهه شن اندير باهي انا كلهم يحطوا في لوم عليا نطلق باهي كان بيرضوا عادي نبات في شارع عادي
نيسان : يا حبيبتي تحكيش هكي
لميس قعدت تبكي
نيسان : ميسو كان تبي تسمعي كلام ناس مش حتخلصي حتى مريم انهبلت مشعارفه ليش كلام هذا ومن هالقيس هذا
لميس حولت من على نيسان : جارنا هو فقير بس توا عنده مطعم مش عارف كيف فتحه
نيسان : طرف ولاا
لميس : حلوو يشبهه بوراك التركي
نيسان : عنبووساعتها و تبيش توافق عليه ليش خارقه هذا
لميس تكذب على نيسان : تبي تكمل قرايتها بالك
نيسان : الا تطلع البنت مدايرة علاقه
لميس : نندريش
نيسان : هيا امسحي دموعك و اضحكي
لميس مسحت دموعها و ضحكت
نيسان : يؤبرني هالجمال يي عوين خيي بيك
لميس : هههههههههه
..............................................
حياة : ها حمادي نتفق مع صاحبتي و مجيك
محمد : لالا فوتي
حياة : باه طشهه والله وحشني مش حتقعد في حوش بروحك مره اخره
محمد : حياة فوتي
حياة : محمد انت مش شايف الاولاد يجرو ورا بنات و يبوا كلمه منهم بيش يجوهم لحوشينهم وانا قاعده نجري وراك بجوك انا ما ذليت روحي الا واجد
محمد : لو كان اولاد الي تحكي عليهم عيال حرام ف انا مش زييهم
حياة : نجيك ولا منلاخير
محمد تنهد: تعالي
.........................................
على مغرب كانوا غزاله و ملك يضموا في بروا و يوزعوا ع ناس و لميس قاعده تضم في مطبخ هيا و نيسان و حاسه روحها تعبانه لانها مش واكله من صبح
نيسان : ميسو انت كويسه
لميس قعدت تبحتلها و حست الدنيا برمت بيها و طاحت
نيسان : لممييس يا ماااماااا
نيسان : ميسوو حبيبتي نووضي ميسوو قعدت تشمملها في عطر و مابتش تنوض بخت وجهه ميه و ما ناضتش
نيسان قعدت تبكي و تعيط : يا مااامااا يا ماااماااا
جت نعيمه و صبايا يجروو
نعيمه من بعيد : شن فيي
نيسان تبكي
نعيمه : لمييس كنهاا
نيسان مش عارف كتا نضمووا في مطبخ و بعدها قلتلها انت كويسه طاحت بخيتلها ع وجهه ميه و شممتها عطر ما ناضتش
نعيمه قعدت تشمملها في عطر : لموسه نووضي حبيبتي كلميي ناصيف بسررعه
نعيمه : مريم جيبيلي بصله بسرعه
مريم تبكي و مستكه
عدت ملك جابتها
نيسان رنت على ناصيف كم مره ماردش كلمت انس : ايوه
نيسان : انسس قاعد برا انت
انس : اها شن في
نيسان : لميس داختت ماوعتش نادي ناصيف شيلوها المستشفى
انس : هياا هيي
طلعوا انس و ناصيف يجرو لجيهه مطبخ
انس : بشويةة. يا راجلل
ناصيف : تي من شن بدوخ اززف عندها القلب البنت ان شاء مش حد فاجعها بشي حاجه
خشوا للمطبخ لقوها طايحه و نعيمه حدا رجلها
نعيمه قعدت تشمم فيها في بصل لعند وعت
نعيمه : نعليا يا بنيتي فجعتينا
لميس قعدت تفتح في عيونها
نعيمه : فجعتينا عليك
لميس ساكته : ......
جدتة هيبو "ام رتاج" : روحوا بيها تعبت خلاص بنت من صبح هيا واقفه و ماحطت حاجه في فمها
نعيمه : تعال يا نصوفه سنْدها
سندها ناصيف
نعيمه : روح بيها تعبانه بنت ،جيبلها حاجه حلوه في طريق
ناصيف : تمام
نيسان : انا بنروح معاها مايصيرش تقعد بروحها
مريم تبكي: حتى انا
نعيمه: ومن بيقعد في مطبخ
غزاله : خليها يا عميمه البنت تعبانه لازم يقعد معاها حد و انا و ملك قاعدين
انس كانوا عيونه على غزاله
ناصيف : باهي هيا سقدن
ناصيف تنهد و ركب لسيارة
لميس كانت مسنده راسه على باب سيارة حكتله : تحبها
ناصيف بحتلها من المرايه : موت
لميس : باين حتى هيا تحبك
ناصيف : ما اعتقدش
لميس : كان ما تحبكش راه عيطت و فضحت بيك لما ضميتها
ناصيف : تعتبر فيا خوها
لميس : بس انت مش خوها انت ولد خالتها
ناصيف تنهد : خايف نموت ما نقعدش معاها بالحلال حتى لو يوم
لميس : بعيد سوء عليك امم تزوجها
ناصيف : و عزاء رتاج و قصي و باه كان متت بتقعد ارمله و هيا عمرها 20 سنة بس
لميس : مش حتموت ان شاء الله حترد و ترد اقوه من قبل
ناصيف ضحك
هذا كله كانوا يحكوا و لميس مغمضه عيونها و ناصيف مسند راسه ع كرسي سيارة
جوا مريم و نيسان و انس ركب انس قدام و ركبت مريم في نص و نيسان ع روشن
المهم ركبوا و ناصيف قعد واقف ما حركش سيارة
انس : ناصيف امشي
ناصيف هز راسه بالنفي و سكت شويه و بعدها : مش قادر تعال سوق انت
انس نزل و ساند ناصيف ركبه لجيهته و ركب هو يسوق
مشوا
مريم مسك يدين : ميسو اسفه على كلام الي قلته لكي من بدري
نيسان : توا اسف يا كلبه هاا
مريم : انت اسكتي
مريم : ميسو مسامحتيني
ناصيف : شن دايرتيلها يا غبيهه
لميس و نيسان في نفس الوقت
نيسان : ماعقبت كلمه عليها و ما قالتها
لميس : مادرتليي شيي
نيسان : خليك هبله بهه ما اتسمحيهش
مريم : صكري فمك هذا مش هبال هذا طيبه قلب
انس : انا مع مريم
نيسان : عاد متربي معاها من انت و صغير تبي تقول انك معايا اخسس
انس : هههههه بس فعلا هذا مش سذاججه بس طيبه قلب
مريم : ها ميسو سامحتيني
لميس تحكي و باين عليها تعب : مازعلتش منك اساساً كلام الي قلتي صح مش غلط
مريم حطت راس لميس في حضنها: لحظه غضب اسف مافيش ولا كلمه صح محمد اختارك انتي يرد يلقاك انتي مش هيا يصرف عليك انت مش هيا راحته جنبك انت مش هيا
لميس : قلبه عندها و مش عندي
ناصيف : يحبك مع الوقت انت عوديه عليك محمد طبعه هك بعد يتعود على حاجه معش بعيش بدونها العبيها بشطارة و عوديه عليك
لميس سكتت
انس درس سيارة على اليمين
ناصيف : وين نازل
انس : لجهنم و نزل
ناصيف بحت لانس لوين عدا و ضحك
ناصيف : اكرم منه مافيش راجل هذا
نيسان : عليش
ناصيف : نازل يجيب وكال و شوكلاطات للميس عشان دايخه كانهو حد اخر راه مد يده و خذا فلوس و قال انا نبي نوكلكم انتوا ، ولا اقل شي جابه و قعد يتجمل
مريم : خيناا ثالث نحبه كيففك ووكيف محمد
نيسان : متعود عليكم واجد حتى مره شفته مضبط مريم مفيش واحد فيكم حكاا
ناصيف : ولا نقدرو نحكوا من نحنا و صغيرين و هوا معانا قبل حتى لا تتجوز اخته و بعدها عاش معانا بإستمراريه خونا و اكثر
جا انس
ناصيف : تعبناك
انس : تعبكم راحه
انس : لميس هاكي خير ما تصيرلك حاجه و بعدها محد يقدر يفكنا من يدين راجلك
لميس : شكراً يا انس واجده جبت عرم شوكلاطات
انس : كسدي عليهم نعرف ان بنات ادمان شوكلاطات
انس : امسك حتى انت دايخ راه مش كويس هك رايح ناقص
ناصيف : انت عارف بعد ناكل نرجع في دم فوت
انس عليا طلاق تاخذه
نيسان : وانااااا نسيتتنني
انس : ننسا روحي ولا ننسا خيتي عطاها شكاره
مريم : واناااااا
انس : عطااهااا نوتيلا كبيرره بكلل
مريمم : ياا سلاام شكرا حبيبي
انس : عفوا
انس عطا لناصيف سندوتشين : انت بانيه و نيسان مزلتي تحبي شيش ولا
نيسان : زدت كبدت عليه
انس : هاكي
نيسان : نقدرش اثنين
انس : لا تقدري
انس : هاكي لميس
لميس : ناكلش الا توستر و شاورما و كباب راه 😅
انس : جبتلك شاورما
لميس : شكرن بالنون
انس بضحكه : عفواً بتنوين
مريم : هيا دووري توا
انس : بوسة خوك جبتلك حاجه تحبيها
مريم : شنو
انس اشر على خده
مريم باساته : هيا شنو
انس عطاها
مريم : لاافينووو شكرا حبيبييييي خوياا الي يهبل
ناصيف : خدعوك ف قالوا بقولك توصل لقلب راجل ببطنه تاريتها المراه هيا الي هكي
مريم : ضحكت
ناصيف قعد يكح في منديل و كالعاده طلع معاه دم
انس تنهد و حرك سيارة مشوا للحوش
........................................
محمد : ممكن نفهم انت عليش محوله محرمتك
حياة : عادي انا معاك مش غريب
محمد : بس انا شنو بيش تحولي حجابك حدايا
حياة حطت يدها على خده : حبيبي
محمد نزل يدها : افضل معش تلمسيني خلاص هيا تصقدي
حياة : لزز عيني عينك
محمد ضحك : اها هيا وجهك
حياة : حلوه صح انا
محمد : لميس احلى منك
حياة : اووف سيده فرنساا هذذ شن عجبكك فيها
محمد : كل حاجه فيها بديت نحبها هيا رني على صحبتك قوليلها تجيك
حياة : تحبها ؟؟ او اووف مغرب مزال
محمد : مرات تجي لميس انا نبيش نخسرها
حياة : مغررب شن يبي يروحها توا
محمد : اساساً انا مشعارفه كيف بنقول لهيبو ما يقوللهش انك جيتي
حياة : خايف
محمد : تصدقي فعلا خايف خايف نخسرها خايف نفقدها خايف نوض يوم و ما نالقهش جنبي
حياة : انت واعي كلام هذا تقول فيه لمن
محمد : واعي كل الوعى انا ما جبتكش هنا بيش تعزيني كيف ما انت قلتي بس انا جبتك بيش ننهوا كل حاجه حياة انا معش نبي نشوفك خلااص نحنا ما نكتبنش لبعضنا من الاساس انا نبي نكمل مع لميس و توا في بناتنا عيل
حياة : حااامل
محمد : ان شاء الله تحمل بس لا مهاب نبي نعيشه معايا وهوا متعود على لميس
حياة : قصدك الفرخ الي يقولي انت كلك ميك اب
محمد : اها
حياة ابتسمت : تزوجني و توا نعوده عليا
محمد كان يبي يحكي بس شاف قدامه و لقا سيارة ناصيف قدامه حس روحهه انشلل
محمد : شن درتيي فياا انتيي شن دررتيي فيا شن بنقول توا شن بنقول
وقف انس سيارة و نزلوا كلهم لميس قعدت واقفه و تبحتلهم و دموعها ينزلوا
هيبوا جا و ضم لميس و هيا واقفه عيونها
ناصيف : اكيد تشفطط
مريم قربت منه و قعدت تصفق : مبروك خسرتها
نيسان مشت تجري جيهت حياة : انت يا بنتت الحرام نطت فوقها و قعدت تضرب في حياة و حياة تعيط
محمد قعد واقف في مكانه
ناصيف : شنن درتت انتت شن دررت
محمد كان مطبس عيونه و ساكت
هيبو : لمميسس و ضبطها
لميس بحتتلله و عيونها دموع
هيبو : وحشتينيي بكلل لعبنا انا و خالو بالكورة و بعدها جت البنت هذي "و اشر على حياة " تبي الحقيقه هيا كلها ميك اب اهه انا نبي نقولك انا نكرهه خالو عشان هو قال لميس احلى وحده و قال ان يحب لميس انا بس نحبك هو لا شين
محمد قرب منها : لميس
لميس وخرت و هزت راسها بالنفي و خشت جوا
اما حياة رنت عليها صاحبتها و طلعت
مريم : يا حمااار خسرتهااا
نيسان : توا تعض صواببعك ندمم عليها
و خشوا للميس هنا لاثنين
نيسان : ميسو
لميس بحتتلهم و قعدت تضحك و تبكي حكت يدها على فمها و قعدت تضحك ودموعها مزالوا ينزلوا زي شلال
نيسان توشوس لمريم : ركبها حاله نفسيه ولد الكلب
مريم : اسس ما ضحكنيش
نيسان عدت قمعزت حدا لميس و حطت راسها في حضنها : ما تضايقيش منه مرات نكونوا ظالمينه مزلنا مش فاهمين القصة
مريم : ظالمين طياح سعده حبيبته قاعده معاه في الحوش
نيسان : يعطيك لقوه في لسانك صكريه هالخارب
مريم:😒😒
.
.
.
ناصيف : من عقلك انت
محمد : .........
ناصيف : خليك ساكت باهي
محمد : .........
ناصيف : معش حتبحت في وجهك خسرتها بجد اختي و نعرفها حتجي و حتطلب من طلاق و صدقني لو جت وطلباته و ما طلقتهش الا نطلقها منك بالقوةة و نعيشها معايا معززهه مكرمه كان ربي عطاني عمر
محمد : اسكت بلاش كلام فاضي
ناصيف : هذا الي شاطر فيه تغلط ولا عمرك تعترف بغلطك ولا تأسف
انس بصوت واطي : خلاص ماتزيدهش عليه اساسا مافهمتش انا شن القصة
ناصيف : وااضح كل شي ، هه غير ياخذها و يدير الي يبيه بالحلال مش يمشي في طريق الحرام
محمد خبط يدهه في طاوله : خلااص زحح انت مش فاهم كلكمم فهمتوا غلطط
ناصيف : مرااه شقرااا قاعدههه معااك شنن تبيننااا نفهمووا من هياا اساساً
محمد : ...........
ناصيف : رد جاووب
محمد : حياة
ناصيف : بتقتلني انت اتقي الله جايب حبيبتك في حوشش
محمد : ناصييف من بدرري وانت تحكي و ساكتلكك انا اكبر منكك احتررم نفسكك
ناصيف : سيبتلك الاحترام و بحت فيه و عداا
مهاب : خالو ليش تتعاركو
محمد : شي يا خالو
انس : ماكانش مفروض ادير هك
محمد : انتوا مش فاهمين
انس : من حياة
محمد : بنت الي زمان كنت نحبه
انس : وشن قصة جيتها
محمد حكا لانس كله حاجه من طقطق لسلام عليكم
انس : بس هيا جت برضاك
محمد : كنت بننهي معاها اخترت لميس بس جيتوا في وقت الغلط كانت ماشيه اساساً الي قعداته كله ثلث ساعه
انس تنهد : تسامحك زعمك
محمد : تسامحنى بس اكيد خواتي منجوهات يملوا في راسها
انس ضحك : عليش
محمد : بذات نيسان قاعد نتخايل في شكلها و هيا تقوللها و كان تعيشي في شوارع ما تسامحيه
.
.
.
خش عليها
محمد : لميس
لميس : .......
نيسان : امشطلعبرا
محمد : اسكتي انتي
لميس تبكي و تبيس تبين انها تبكي
محمد : لميس والله انت فهمتي غلط والله انا تعودت عليك نحبك انا
لميس قعدت تبكي : باهيي عليششش و قعدت تشهق
محمد : .......
لميس : عمري قلتلك ما تشوفهش ماه تجي قدامي و تحكي معاك و ما نقولش في كلمه مش صاح عليش يا محمد
محمد : انتي مش فاهمهه
مريم قربت منه و بصوت واكي : خلاص اطلع سيورها ترضا مضايقه هيا توا تهدا و حتحكي معاها
طلع محمد و قمعز حدا البسين
دقق الباب طلع ناصيف يحل
يوسف :
ناصيف : اووو سيفا
يوسف : خير
ناصيف : خير برو كيف حالك
يوسف : تمام و انت
ناصيف : ميع الميه
يوسف : طلعت تأشيرة و اهم تذاكر رحلتكم بعد بكرا
ناصيف : منور خلصك فيهم محمد ولا
يوسف : هه من امتى بيناتنا جو هذا متغيرين انتوا الاثنين
ناصيف : اي مش قصدي هك حتى لو دفعها محمد كنت نبي نردهم له نبيش نعالج بحساب كد الي عندي بنعالح بيهم
يوسف : اها بس خلاص مه هذي فوتها هيا تذكرتين و تأشرتين هما الي حصلتهم ،وينه خوك هو
ناصيف : قاعد جوا التافهه
يوسف : كنه
ناصيف : ما قالكش شي هو
يوسف : اها خوك مقطع روحه و قاعد يحكيلي تي هيا اخر مكالمه بينا كان يقولي شوفلي تأشيرات و تذاكر
ناصيف : مريضض
يوسف : متعارك معاه
ناصيف : خشله توا يحكيلك الحصله
يوسف : اوكي
خش يوسف و كان محمد مقمعز على كرسي في جنان
قرب منه : و قمعز حداه
محمد بحتله و رد يبحت في الوطا
يوسف قعد ساكت
محمد : والله مادرتش حاجه غلط
يوسف : شنو
محمد : صح خلـ
....يتبع....
و ال 40 الحلقه الاخيررهه
اسفف بجدد على تأخيرر بسس كان بسبب ان نتت كتمل و ما عبيناه الا امسس ليل كان عندي قرايه و مفضيتش نزلهااا المهمم ان شاء الله الحلقه تكون عحبتكم عقبولي رأيكم في الكومنتاتت🖤