الحكيمة المجنونة

ثاااااارتيييييييييييي ااااااااااااايت

هاااااااااي

حتى تسمع لاصونات تاع الباب حارت ليث مفتاحو عندو راحت تشوف ماكاين والو هي دورت الطريق زادو صوناو مي طلت ماكاين والو

مريم : حتى لهنا و عندهم عقلية الذر بففف

ولات للكوزينة لاصونات تحرقت مي هي ولا على بالها كملت خدمتها دارت بانيني هي حطت تتغدا و تسمع الباب تحل كملت تاكل كلي ماكاين والو هو راح للصالون حط حوايجو كي راح للكوزينة لقاها هاداك وين ناضت جبد كرسي قعد يتفرج فيها يشوف واش راح تدير مي مريم دارتو هو و الكرسي للي قاعد عليه واحد ، غسلت لماعن و البانيني لي بقا دارتو في طبسي حطاتو فوق الميكروهوند جبدت تيليفونها و جات خارجة حتى تحس بحاجة حكمتلها تريكو تاعها بلا ماتدور قالت

مريم : اطلقنيييي

ليث ضحك ضحكة تاع تمسخير

مريم : قلت اطلقنيي اوو

ليث مزال يضحك ، مريم استغفرت دارت تلقا ليث مزال قاعد في بلاستو و لقات التريكو تاعها حكمو الباب مريم حمارت سيرتو كي قعد يدنق فيها هي ماهزتش راسها طول نحاتو منين حصل دارت تكمل طريقها حتى تزيد تحبس تاني ماحبتش تتبلاه دارت باه تشوف وجه التبهدايل (التريكو ) وين زاد لصق حتى تشوف يدو للي حاكمة التريكو ، طلعت راسها تلقاه يزيد شوي يلصق فيها أوب يجبدها ليه يدو تحت تريكو حست مريم ببرودتها في ظهرها يبست في بلاستها مخها أهو يستوعب فلي يصرا و هو هبط راسو باه يقابل وجهها {يارا : واش اصحبي القدر مايقزيزتيش عندك واقيلا } هوما تلاقاو عينيهم و هي تفكرت الكف تاع لبارح دزاتو بعد عليها

مريم : لادارنيار فوا تزيد تمسني فهمت ، ماتنساش روحك

و طلعت تجري لشمبرتها تسمع فيه تاني طلع موراها راح لشمبرتو خبط الباب

مريم : أندب تستاهل ما اكثر

راحت لبلاستها كي العادة من لفايس للانستا حتى تسمعو يطبطب في الباب و دخل (يعني شتيت برك تطبطب نتا ماستنيت لا إذن لاسيدي زكري ) ناضت قالتلو

مريم : خير ان شاء الله

ليث : عندي ميسيون 15 جور باه نولي ، لمي حوايجك نديك للفيلا لهيه ولا لدارنا كيما تحبي ، ايه و نعقبو قبل توال دايفد نقولولو ماكالاه الخدمة هادي

مريم : اصبر اصبر وعلاه ماكالاه اسيدي

ليث : بسك انا قلت هكذ

مريم : ليث ماتكرزنيش لاه ماكالاه ماكاين حتى سبة مقنعة بالعكس خدمة هايلة على حساب هدرتو

ليث : بسك نتي مرتي و انا ميش حابك تخدمي عند هاداك العبد سيرتو بنو هو لي راح يكون مسؤول عليك

مريم خبطت المخدة لي توالها و ناضت : ههه عذر أقبح من ذنب ، عمبالك بلي مالقيتش روحك طول

ليث : انا ني هدرت هدرتي

مريم : و نظن عمبالك بلي مانيش راح نقبل بيها

ليث : مادامك لهنا و اسمك مكتوب على اسمي هدرتي لي تمشي

مريم : ايييييي صااااااااااي نتا واقيلا ديتها في روحك واش بيييييك واش صرالك اليومين هادو شنهي هادي وليت تتحكم فيا ولا ، اسمع ياوسمك ماتنساش الهدرة تاع النهار الاول و ماعندكش الحق مررررره باه تقوللي مرتي ماتنساش ، و تاع تتحكم فيا هادي غير أنساها نموت و مايتحكمش فيا واحد كيفك

هي تهدر و هو يقدم ليها مي هكذاك و كملت تهدر و تعيط

مريم : يخي تفاهمنا من نهار الاول كل واحد حر في حياتو ، درك انا ميش راح نسقسيك وين كنت قبيل ولا وين بتت البارح

ليث و هو واقف قدامها : أمم وعلاه ماتسقسينيش مالغري نقدر نجاوب نورمال ~_~

مريم ببرودة : بسك مااتهمنييييش سمعت ماتهمنيش و ان شاء الله انا تاني نولي مانهمكش و ماعمباليش لاه تخمامك تبدل في ليلة و نهار مي كي تريفيزي روحك تعرف بلي نتا لي حطيت هاد القوانين اوك و ماتنساش طاحت الكلمة بيناتنا من هاداك النهار

ليث هز راسو استغفر و قاللها : يسما مزلتي ميبسة راسك

مريم : و راح نقعد هكذ بسك راني نهدر في الصح مي نتا مانعرف واش صرالك

ليث : تحوسي تعرفي واش صرالي

مريم : هيه

ليث : ارواحي شوفي / وجبدها داها للبالكون نعتلها بيدو على طوموبيل

ليث : راكي تشوفي فيها

مريم : واش بيها

ليث : عمبالك تاعمن هادي

مريم : ايه هادي تاع طاطا ايليزابيث جات زارتني الصباح و نساتها لهنا

ليث : مريم مانيش نقصر

مريم : بففف منيتك كيفاه راح نعرفها

ليث : هادي تاع مستر الياس حب قلبك جيت الصباح لقيتها هنا

مريم : واااااااااات واش جابو هادا لهنا ، اصبر ماتقولليش هو للي من فجر ربي و هو يصوني حرق لاصونات عبالك

ليث دنق فيها شوي و قاللها : يسما صح ماعمبالكش بلي تاعو يعني ماحليتيش عليه الباب

مريم : ولاه نحل عليه الباب ، اسمع تزيد تقول هاديك الكلمة قسما بالله غير اللخرة بيناتنا

ليث مانطق والو ، تحضنها طول

مريم مافهمت والو ، جات تبعدو بسك حرام نقولو تحضنها كسرلها عظامها وي

ليث تبدل وجهو تقولي ماكان هو نفسو لي كان مقلق ولا تاع البارح ولى نفس العبد لي موالفاتو ، المهم بعد عليها و هو يزيد شوي ينوض يشطح

ياس انفصام شخصية

لاتخرج قبل ان تكتب لا اله الا هو يا الهي ماهذا؟.؟

مريم : معليش تفهمني واش راهو صاريلك

ليث : البسي قشك درك نخرجو و نفهمك في كلش

لبست مريم و وجدت كابة صغيرونة فيها المستلزمات الملتزمة اللازمة للالتزام بكل الملزومات ... مرقتها اي كناو

المهم خرجت لقات الطوموبيل تاع قبيل ماكانش راحت ركبت مع ليث

مريم : اهاه و درك ماكش ناوي تحكيلي

ليث : هاداوين هدرت مع الياس

مريم : ابري

ليث : يخليني نهدر

مريم : مانيش حاكمتلك فمك على حد علمي

ليث : المهم هدرت معاه السيد قاللي كيما البارح مريم : اااه كيما البارح ايه بسك البارح شرحتلي بزاف بسلامتك

ليث : ليسونسيال خلينا منو تعيشي

مريم : اديني للفيلا

ليث : مريم مزلتي متغششة من البارح

مريم تخنزرت فيه و كملت تخنتش في تيليفون كلي ماسمعت والو حتى تحس بطوموبيل حبست دنقت فيه لقاتو يدنق للطريق ولات هبطت راسها ( برودها سيقتله يوما بوهاهاهاها )

ليث : اسمحيليي

مريم ....

ليث : مريم راني نهدر معاك اسمحيلي

مريم طلعت راسها و هبطاتو : كمل طريقك

ليث : يسما ميش ناوية تهدري معايا كي العباد

مريم (ماتقدرش تحكم فمها ) : والله ياخويا انا مانقدرش نمشي على حساب قوسطوك و درك هايا راح الحال

ليث : خوووووك ؟؟؟؟

مريم : وي حارتلك ، نسيت نتا لول قلتلي نعاملك كي أختي و درك هايا و لدايفد

ليث : بفففف اوك عندك الزهر ماعنديش الوقت بزاف

مريم : اممممهنمم

راحو تفاهمو مع دايفد قاللهم بعد شهر تروح يفهمها في الحالة بيان مبعدا وصلها للفيلا كانوا امين و تيم قاعدين ثما هدرت معاهم شوي مبعدا طلعت لشمبرتها حطت لكابة و التيليفون يشارجا و عاودت هبطت لقاتهم مزالو مجمعين امين رايح مع ليث اما تيم يقعد ثم يعني يبات برك ( كونكوا راجل تاع دار ) كي عادو خارجين مريم عيطت لليث

ليث : وي ، اممم ماتقوليليش راح تتوحشيني ههه

مريم تمتمت يتوحشك الشر : ايه حبيت نقوللك مادامك حطيتلي لقارد كور راني نخرج كيما نحب مع لبنات و راني نروح لداركم للمعلومات برك

ليث : وين تروحي معاهم

مريم : مزلنا في وين و وكتا *-*

ليث : بففف ماقلت والو مي قولي لتيم يديك

مريم : مليحة هادي قارد كور + شوفور خدمة ولا اروع اوك

ليث : مريم تيم هادا اكثر من خويا فهمتي و هو لي نقدر نامنك عندو و درك اتهلاي في روحك و ان شاء الله كي نجي نلقاك سمحتيلي

مريم : ايه نخمم و درك روح امين راهو حرقها بلكلاكصون

جا راح يسلم على راسها بعدت فهم روحو قاللها اسمحيلي و خرج

هو خرج تبعهم تيم يسما قعدت وحدها ثم ، راحت طول للكوزينة تلقاهم مجمعين سلمت عليهم و زادت تعرفت عليهم مليح حبتهم مام هوما حبوها ( أكيد وين راح يلقاوها هادي مولات الدار تريح معاهم ) قعدو مقصرين ، مبعدا جبدت ليالين دكوتي و قعدو يهدرو من هاديك الخطرة و هوما يهدرو مع بعض في لفايس يعني ولاو صحابات

مريم : بس وجه الهم كاش جديد

ليالين : من عندك اصحبي

مريم : والله ناشفة اخويا ، ايه مبعدا كي تعيط ماريا ارواحي بسك هبلتها بيك

ليالين : كيما هبلتيني بيها

مريم : ايا بللع

ليالين : اهاه كيفاه راكم نتي وليث

مريم : لكيستيون هادي شي وين سمعتها يا ربيي

ليالين : ههههه باينة من عندك عجوزك

مريم : ايه صح مي لمزية فهمو رواحهم بلي راهم بهدلوني و خلاو زغبة قدر بيناتنا

ليالين : ماتخافيش هاديك الزغبة تزيد تروح بايبي مع الوقت تزيد تروح

مريم : بلعي الناس يفايلو للخير ياوجه الشر

ليالين : هاا كي درتيها ميش شر و كي هدرناها ولينا وجوه شر - و تبسمت بخبث

خبطتها مريم بالطاوة على راسها

ليالين : اييييي يايمااااا تحوس تقتلني قبل مانتزوج يايماااا بعدوها عليا

مريم : نعيط معاك و لا ماكالاه

ليالين : كثر خيرك انا نكفي

مريم : بلعي ، هادا باه ماتزيديش تمزقي فمك

ليالين : مي يابنتي ما يهدر معاك في الكوزينة غير للي حاب يموت ديجا هايا نخرجو سينون اليوم نعشي في السبيطار

مريم : امشي قدامي بسك الشيطان بدا يلعبلي في راسي

راحت ليالين تجري و مريم تبعتها و هي تضحك

راحو لشمبرة كشغل تاع ضياف المهم هكذا مصورة ( بيت و أثاث و الدنيا اووكل بمختلف طبقات اللون الازرق ياااا ماي درييم )

مريم : اهاه كشما تحكي

ليالين : من عندك

مريم : اممم يخي تعرفيني قرعاجة

ليالين : ههههههه حفظتك يابنتي من حكاياتك سقسي سقسي واش تحوسي تفهمي

مريم : اممم احكيلي كيفاه راكي لهنا

ليالين : كيفاه يعني

مريم : بف حكايتك حياتك يعني نتي لافامي تاعك هنا من صغرك و نتي ساكنة هنا ولا ، و كيفاه وليتي تخدمي هنا

ليالين : حكاية طويلة

مريم دارت رجل فوق رجل : عندنا الوقت اصحبي

ليالين : حسيتك راجل ياجدك

مريم : زيدي حسيني مرأة كما يقول الحكيم انها اشعري كما تريدين فهي مجرد شعشرة ، و درك بركاي ماتليكيدي و ابداي احكي

ليالين :ااه شوفي انا ككل طفلة شوكوبيستانية حبيت نكمل قرايتي باه نتزوج ب..

مريم : وااااات ، لاه كملتي قرايتك

ليالين : هيه عمري 24 سنة

مريم : وااااااااااااات

ليالين : يسموها وذني اذا ماعندكش مشكل

مريم : حسبتك قدي في العمر ، ماتبانيش ياجدك المهم كملي

ليالين :احح احم زيدي امدحيني شوي

مريم : بف نسيت ماجبتش الطاوة معايا

ليالين : صاي سكتت ، ايه مي راني نحكي بالتفصيل بسك مانعرفش نختاصر

مريم : ياو روحي برك

ليالين : هههههه اوك ، المهم كي خلصت قرايتي كنت متخصصة في علم الاجتماع ( ماعمباليش اذا كاين منو و قداه من عام يقراوه مي عقبو برك ).جا ولد عمت بابا هاد السيد اسمو موسى يسكن هنا في لندن هو راجل كبير عندو اولادو رجالة هو من بكري يجي لدزاير و ديما يجي لدارنا مي الخطرة هاديك جا هو و مرتو و اولادو يعني هرج كبير في الدار ، استقبلناهم نورمال كي العادة قعدو 15 يوم مبعدا راحو لتونس عقبو فاكونس و عاودو ولاو لينا ايا كي جاو موسى هادا هدر مع بابا عليا ، يعني حب يخطبني لبنوا الصغير بسك هو برك لي ميش متزوج من بين خاوتو الطفل هاداك ديما ساكت قليل وين يهدر امو و ابوه ديما معاه مام هو يدور غير بل اولاد انا كنت ديما نشوف فيه جاني بيزار بسك مايشتيش يخرج بزاف و ديفيرونت على لي نعرفهم

المهم كي قال لبابا هكداك هو قبل طول بسك يعرفهم و بلابلابلا و مادامو قبل انا لازم نقبل بسك عمبالي بلي بابا مايحبلي غير الخير ، كي قاللو هكذاك بعد سمانة دارولي الخاتم هو ماهدر معايا ما والو جيست قاعد يتبسملي انا قلت لاعوش حشم ولا ، بعدها تفاهم بابا و باباه على كلش انا مادرتش عرس كي لبنات بسك قاللو حتى نجي لهنا و نديرو عرس واحد على خاطر لافامي تاعهم اوكل في لندن ، و قاللي كي نروحو يقابلنا كورتاج يديونا للاصال ثم لاروب بلونش شراوهالي سيربريز يعني عرس بيرفكت سو

حنا درنا عشا للاقارب برك ، جا النهار لي نجيو فيه للندن و هو كان بعد 4 أشهر من الخطبة قيسما وجدولي كواغطي ، جاو باتو في دارنا نورمال و هو ماهدرش معايا كي العادة مام في التيليفون جامي هدرنا ايا كي رحنا للايروبور و كي كنت راح ندفع الباقاج و نطلعو سلمت على بابا و يما نطق موسى : ياولد خالي سلم على بنتك و اشبع من ريحتها ميش راح تزيد تلقاها ههههه

حنا حسبناه يقصر يعني صح ميش راح نولي للدار ثم ثم راهي من بلاد لبلاد ميش من ولاية لولاية هههه، ايا رحنا عقبنا السوايع هادوك ، في لمطار لقينا غير طوموبيل وحدة تستنا فينا انا قلت لاعوش الطريق بعيدة كملنا الطريق هاديك ساكتين حتى نلحقو لدار يعني هي دار كبيرة توالها ابارتمون صغيرة هبطنا من الطوموبيل انا مافاهمة والو جا موسى حكمني من ذراعي كركرني للابارتومون هاديك و ابنو مورانا يتبع هو و امو دخلنا شفت لقيتها كشغل قاراج مقسوم فيه شمبرة فيها صال دوبان و كوزينة

موسى : هادي هي دارك

انا : و شنهي الدار هادي و العرس ؟؟

موسى دار لمرتو : هههههه مسكينة كانت تستنا في عرس صح هههههه يابنتي صاي درك راكم متزوجين يسما ماكالاه العرس و درك اتهلايلي في وليدي انا نخليك

انا ثم حكمتني لاكريز كيفاه يعني كلش كذب في كذب ، خرجو هوما انا قعدت للأرض نبكي بالسكات من الشوك اما هو ههه حتى اسمو يغيضني كي نخرجو من فمي مهدي ، جا مهدي قعد توالي يلعب بيديه مبعدا هز يدو مسحلي وجهي و عينيه في الارض قاللي : ماتبكيش بليز

و ناض يجري للكوزينة انا حرت فيه ، المهم لحق الليل بعدما فرغت قلبي قلت هو واش ذنبو باين ميش برأيو نضت درت ماكياج و لبست رحت توالو

في رايك نتي واحد كي يشوف مرتو لابسة و مسقمة روحها في نهارهم الاول اتفه حاجة يتغزل بيها ، عمبالك انا واش صرالي ههههه

هز الغطا و قاللي اتغطاي درك تمرضي راهو البرد

ههههه تامني انا ثم صااي راح نهبل عرفت بلي هاد الراجل ماهوش صحيح ، لغدوا جات امو خرجتني معاها رحنا للفارماسي هي في بالها مانفهمش اونجلي تيماجيني كيفاه حسيت كي سمعتها دوموندات دوا تاع لي بسيكوبات

انا ثم عرفت بلي لعبولي بحياتي صح ، و عرفت بلي جابوني خدامة لبنهم نقوم بيه ميش مرأة ليه

و في بالك لعشية وين داوني

للبار وييي للبار هادا موسى ظهر وجهو لوخر ظهر فرعون ميش موسى منافق في دزاير كان هو و مرتو من الاولياء الصالحين ، لا هنا مرتو بالسروال السليم الدخان الشعر المطلوق ، ايماجيني قاللي روحي عقبي وقتك و نتلاقاو على الربعة تاع الصباح باه نروحو و جيبيلي الصوارد ليا ،انا خرجت طووول من ثما قعدت برا نبكي على زهري لمسود

مي لمزية كي قعدت نندب تفكرت بلي جبت معايا تابلاتي بسك تيليفوني نحاهولي من النهار الاول ايا كي روحنا طوول خرجتها و لغدوة كي كان موسى و مرتو في الخدمة رحت للدار و بالسييف باه مدتلي الخدامة لمودباس ، رحت عيطت لاختي طوول عمبالك 3 سوايع و انا نهدر معاها دموعي شلال و هي كيف كيف ، مالقيتش كيفاه ندير أكيد في بلاد الغربة مانعرف عليها والو ماعنديش حتى لمن نهرب

20 يوم عقبت عليا جحييم

عقبتها نورمال كيشغل ما فقتلهمش طوول و مافقتش بلي مهدي بسيكوبات عقبتها عادي جداً مي السمانة اللخرة بابا عيط لموسى يعرضو لعرس خويا كان بعد 15 يوم و قاللو اذا نقدر نروح باه نعاونهم و تاني توحشوني هو مانعرف كيفاه عماه ربي و قبل و راح شرالي بيي انا لميت حوايجي لي نستحقهم و عفايس هكذ مي ميش اوكل باه مايفيقوليش جا النهار لي نهبط فيه لدزاير ايماجيني انا من الفرحة و الخلعة لاكشما يدير بسك مافيهش لامان داني وصلني توال طيارة و راح انا كي طلعت هدرت معايا المضيفة قالتلي لايطاليا ياك انا حرت قلتلها نن لدزاير قالتلي راكي غالطة في الطيارة و داتني نعتتلي الطيارة تاع دزاير

ياس فيراج ماراحت عليا الطيارة الرخيس بالذمة حب يضيعلي الوقت اصلا خرجنا روطار من الدار هادا اوكل باه مانروحش مي الحمد لله رحت و وصلت لدزاير تامني كي هبطت الطيارة خرجت نجري باقاجي نسيتو حتان نشوف خويا يقولي وللي جيبي حوايجك قبل ، رحت لقيت ماما ثم اول حضن استقبلني هي تبكي و انا اكثر بابا خويا ايييي اوكل نتباكاو حتى الغاشي بكيناه معانا

بعد ماروحت بداو يجريولي على أوراق الطلاق و موسى ماعلابالو في والو عمبالو راح نعقب عرس خويا برك و نولي لاه بسك قبل ما نجي كان ديما يقوللي تاع داركم ميش راح يقبلوك توليلهم مطلقة ريحي هانية و روحي وولي انا كنت راضختلو نتبع في هدرتو برك باه مايشكش

ايه و هكذا تطلقت مي حتان جيت لهنا بسبت الأوراق المزورين تاع موسى لي لازم نكون في لندن باه نقدر نتطلق ومن هذاك النهار مازدت هبطت لدزاير غير فاكونس برك ولات حياتي هنا بنيت روحي سيرتو كي تلاقيت بليث هو للي عاونني يعني صدفة برك بسك هو للي دخل موسى للحبس بسبة التزوير ظهر السيد خادم خدايم اكثر منو المهم و هو اللي دبرلي هاد الخدمة

اووف كثرت الهدرة واقيلا ههههه

مريم تحضنت ليالين طوول مبعدا جبدت روحها

مريم : الله اكبر ، مالقيت مانقول عبالك

ليالين : اتشوكاي بالعقل ابنتي

مريم : واو عنجد واو قصتك تصلح فيلم عبالك

ليالين : عمبالي ههههههه

مريم : مزلت ميش مامنة ، يعني سبحان الله اختبرك ربي في عشرين يوم مي الحمد لله منعتي باين كنتي نتي و اهلك ناس خير ماحبش ربي يحشمكم

ليالين : ويييي سيرتو كي اعمامي اوووكل كان عمبالهم بالخطة تاع موسى مي هكذاك ماقالولنا والو عمبالك تشوكاو كي شافوني ثما

مريم : واااااااااااات حتى اعمامك و داخلين في اللعبة

ليالين : وي هوما اصلا يكرهونا مالغري بابا هو للي دارلهم الديار و هو اللي دبرلهم الخدمة مي يكرهوه و يغارو منو ايه وي هادي هي الدنيا

مريم : فري رخاس ، تاع الصح رخاس ل"()؛(!&(£@ اععععععع كون نلقاهم نقتلهم اوكل عبالك مي هادو لعبولك بحياتك يالرب دمروووووووك

ليالين : هههه بالعقل اطفلة ، درك واش نديرو وكلنا ربي عليهم واش نزيدولهم اكثر ربي درك يخلفلنا الثأر تاعنا ، يمهل ولا يهمل ماتنسايش

مريم ناضت من بلاستها : اوووف بيي اووف عمبالك ..... مالقيت مانهدر والله

ليالين : شوفي مريم نتي هي الوحيدة لي عمبالها بحكايتي في هاد الدار نتي و ليث برك بسك راني معزاتك اكثر من أختي ، ماحبيتش نقول للباقي بسك ميش حابة نظرة الشفقة ولا الحقد من عند اي واحد و ....

مريم جبدتها تحضنتها طووول حتى تسمعها تبكي قعدت هكداك خلاتها فرغت قلبها مريم مسحت الدمعة لي طاحت { ميش لازم تنوض تبكي ياك } و بعدت ليالين مسحتلها دموعها

مريم : اووو صحبي انا والفتك تضحكي ميش تبكي ايا ماتزيديش تهبطي هاد الدمعات علاجال عباد مايستاهلوش يكونو عباد حتى ، درك عاودي حياتك و اذا قدرت راح نعاونك و نوقف معاك في كلش ان شاء الله

ليالين : مرسييييي ربي يحفظك

مريم : اووو مابيناش هاد الهدرة فهمتيي

ليالين : هههه اوك

قعدت تدنق في مريم

مريم : كشما تودرلك في وجهي هههه

ليالين : عمبالك نتي و ليث عندكم نفس العقلية ربي يخليكم لبعضاكم والله تخرجو على بعضاكم ، شوفي مهما يديرلك صححيلو غلطتو بسك ليث راجل و والله ماتلقاي كيفو انا وقف معايا وقفة تاع رجالة و قليل وين تلقاي واحد هكذ حافظي عليه مريم ماتضيعيهش من يدك

مريم : ايه ان شاء الله

ليالين : ماتقوليليش برك تهاوشتوا

مريم : اممم لالا شكون الكذاب لي قال....

ليالين : مريم ماتعرفيش تكذبي يو ناو ذات

مريم : اعع تقدري تقولي تهاوشنا هو الظالم والله

ليالين : ميش راح نقوللك احكيلي بسك هادو دي سوجي يقعدو بيناتكم مي ماتزيريش عليه تخافي يكره منك

مريم : ؟.؟

ليالين : اواه نتي لازم نديرلك دروس كيفاه تكسبي راجلك

مريم : لالالاا ماكالاه خلي برك اني نعرف كلش

ليالين : مي علاحساب الحطة هههههه ماتقهميلهاش غرام

مريم : يابنتي يخي قلتيها بفنك هادو بيناتنا خليهم بيناتنا عيب نهدرو عليهم

ليالين : اممم ايه ايه امنتك

مريم : 

ليالين : امممم شكون قعد لهنا في الدار موسيو تيم ولا امين

مريم : موسيو تيم ، لاه امين ماتقدريش تقوليلو موسيو

ليالين : اااا نسيت هيه موسيو امين

مريم : همممم >_<

ليالين : غير الخير

مريم : راني نشم في وحد الريحة

ليالين :هادي تاع مخك للي راهو يتحرق و نتي لاخبر ، انا نروح للكوزينة

حكمتها مريم : ريحي تشوو التهرب هادا راني نعرفو

ليالين : تهرب ؟ انا ؟ لاه نتهرب

مريم : من وكتاه ونتي طايحة في امين

يارا : خارجة للعيب طاي طاي

ليالين حمارت : انا لالا راكي غالطة زلقت برك ماقلتش موسيو عشينا في طايحة ماطايحة

مريم : اممم ايه ايه ، مي امين عقليتو فور والله اذا كنتي فحلة اكسبيه

ليالين : ااا ونتي منين تعرفيه

مريم : كان يقريني

ليالين : اااه احم و انا واش راح ندير بيه

مريم : يا ليالين ماتكذبيش عليا عينيكم فاضحينكم غير ماكالاه

ليالين : اااه يسما مام هو

مريم : اني شاكة ، ولازم نقطع الشك باليقين يلزملها خطة

ليالين : مي ماتبهدلينيش توالو تعيشي

مريم : هممم اذا تطلب الامر ، مي درك ندير خطة تصلح ماتخافيش

ليالين سلمت على مريم : مرسييييييييييييي

و خرجت تجري مريم قعدت تضحك ياس في دقيقتها فاقتلهم من امين و لي جاست تاوعو على اتفه حاجة يروح للكوزينة

المهم و بينما هي تخمم يلحقها ميساج من عند ليث

ليث : بايب تعشيتي ولا مزال

مريم : مزال و نتا

ليث بعثلها فوطو ليه هو و امين يتعشاو في الحوت

مريم : devil

ليث : hhhh why

مريم : و يزيد يهدر يخرجلي في قلبي و يقوللي لاه

ليث : لاه واش دارولك تتعشاي

مريم : والله ماعلابالي مزلت ماهبطتش

ليث : روحي قبل مايجي تيم راهو يدخل على 11

مريم حبت تخرجلو قلبو : اااا مالا خلي نستنا حتى يجي و نتعشا معاه

ليث : شنهيييي ، انا ماتستناينيش و هو تستنايه والله غير مليحة هادي

مريم : هو ناس ملاح ميش كي شي عباد

ليث : وين تعرفيه ناس ملاح ولا لالا

مريم : نتا لي قلت

ليث : بطلت ماهوش ناس ملاح و والله كون تستنايه و تتعشاي معاه مانتفاهموا و مانيش نقصر

مريم : مبعدا ندزلك فوطو باه تتأكد بلي مانخافش منك

ليث عيطلها طوول هزت عليه و هي حاكمة الضحكة بالسيف

ليث : آلو

مريم : اممم

ليث : مريم ماتيبسيش راسك و خوضي الرأي رانا صح مانتفاهموش كون تديريها

مريم : لاه يخي نتعشاو برك

ليث : ماتجهلينيش و روحي درك خيرمن ..

مريم : واش راح تدير

ليث : نولي ليك

مريم : هههه مرحباً بيك

ليث : مريم كوني طفلة عاقلة خطرة برك و ماتهبلينيش خليني نعقب الطريق نورمال سينون ندخل في كاش سيمي

مريم : لاه يخي راك تتعشا

ليث : نن هاديك قبيل درك راني نسوق

مريم : قول والله غير راني نسوق

ليث : هههه والله غير راني نسوق ٠-٠

مريم : مييي نتا مهبوووول من قبيل و نتا تهدر و تسوق

ليث : نورمال واش فيها

طيييييط

ليث ناض يضحك على المهبولة كوبات بصح دزتلو ميساج - كي توصل عيطلي و حط جد التيليفون و سوق كي العباد -

هبطت مريم تتعشا على زهرها لقاتهم دارو حوت تاني ( للحصول على هذا الزهر الرجاء قيام الليل بسك يلزملها دعاء بزاف ) قعدت تعشات معاهم كانت راح تعاونهم مي تعرفو تاع والله ماتمسيهم و درك نخلص المهم سهرو مع بعض في الصالون أوب تحل الباب جا تيم مريم دارت خيمارها و هزت تيليفونها راحت توالو( ليث اذا مات سبابو مريم )

مريم : ااا بونسوار تيم سافا

تيم : الحمد الله ونتي

مريم : لاباس اممم حبيت نسقسيك ماعيطولكش اذا وصلو ولا نن

تيم : مزالت لهم نص ساعة و يوصلو اتهناي

مريم : اوك مرسييي و بون نويي

تيم : ههههه بون نوي

خلال هذه المحادثة مريم صورت تيم ، باه بعد نص ساعة تبعثهالو - ماهيش حابة تقتلهم درك خخخ-

المهم عقبت نص ساعة مريم قالتلهم نروح نرقد طلعت للشمبرة دزتلو التصويرة طول شوي باه عيطلها

ليث : ......

هااااااي

توحشتكوووووووووووووم كنت في العصر البلاانترناتي و درك تحلبت يهيهيهييييي

راني درتلكم بارت اكثر مني في الطول مالغري تافه مي كوفو رواحكم

اراءكم

توقعاتكم

رأيكم بخصوص حياة ليالين و مريم واش راح تدير و كيفاه درت فعل ليث

اااا ديزولي على الأخطاء 

تشاااو