الكاتبــه ايــه محمـــد ✨🧕🏻
بغداد : طلعت من الشركه اني وزياد ورحنه للمطعم
نزلنه اكل ودا ناكل
زياد ؟
اي عيني
تميم بي شي ؟
مثل شنو !
يعني عنده مشاكل او ضغوطات !
ماعرف بغداد اصلا طلعت من مكتبه وضايج لان حجه وياي بطريقه محلوه واصلا جان مكتبه مكسر وغراض بلكاع اكله شبيك يكلي اخذ راحتك
زياد دير بالك على تميم لان انته صديقه
اكيد بغداد
.........
تميم كاعد بعيد عنهم واشوفهم يحجون النادل مرتين يجيني لو ما همه جان كبيت علي بس اكيد يسمعوني
فضليت بس اشرب مي واباوع عليهم
ماشتهيت اكل رغم ممتغدي
دخلت للحمامات وغسلت وجهي
اباوع ع المرايه واحجي وي روحي
انييي شسوييي هنااا !!! شنو هذا حالييي ليش مخربط من شوكت هيج اني ؟ مستحيل اكون حبيتهه احب منووو ؟؟؟
ماريد احبهه لا اني اكرها اكره بغداد مستحيييل احبهه اضوج منهه
مسحت وجهي ودفعت حساب المي وطلعت من المطعم بدون مينتبهون عليه
رجعت للبيت نمت ...
................
من بعد ما عزمني زياد على الغده وتغدينه وصلني لمحلي طلبت منه يتفضل مقبل والدته مريضه ويروح يشوفها ..
دخلت للمجمع كملت شغلي كله وطلعت ب ٥ العصر رغم جان هواي زبائن ويجون العصر اكثر شي بس مضليت لان تعبت
رجعت للبيت جانت والدتي بعدها مجايه اتصلت عليها كالت شوي اتاخر
غيرت ملابسي ونمت ..
كعدت شي ب ٨ بليل ضليت ادور على فوني وجان بلجنطه فتحت الجنطه وانتبهت على التمثال الي اخذته من مكتب تميم
مجان عندي شي كعدت احاول اصلحه
حاولت هوايه يلا صار وطبعا مو مثل شكله القديم
وحاولت اصبغ الصمغ بلون التمثال وصبغته شكله حلو صار
خليته ع الرف
الباجر انطي لزياد او شي ويوصله لتميم
صارت ب ١١ والدتي جانت جايه
شي بعد نص ساعه ويطلع فلم اكشن حلو ..
حضرت اكل الي ولوالدتي وحلويات وبوشار وضلينه سهرانين ع الفلم
................
تميم : كعدت شي ب ٩ واربد ارجع انام بعد تعبان
بس الجوع غلبني
بدلت وردت اطلع جان امير موجود
هلا حبيب
هلا بيك
شنو وين الوالد ؟
نايم باحر عنده اجتماع من وكت
اها ماشي انته نام لضل كاعد
وين طالع
اشوف زياد وارجع
على راحتك
رحت لبيت زياد جان كاعد
ردته يجي وياي نطلع شي
مقبل ضايج مني حاولت اصالحه
بعد معانا يلا صالحني الحمدلله
طلعنه نتمشه
صرنه قريبين يم مطعم واشتريت لفات الي واله وعصير مدخلنه لا كعدنه بره
حاولت اوصل لشي اريد اشوف علاقه بغداد بي شنو !
اكلك زياد
كول
شو صايرين انته وبغداد كلش !
شبيها
يعني علاقتكم قويانه
ههههه والمطلوب
دحجي شنو البينكم
مابينه شي وداعتك اصدقاء
ها يعني ماكو. حببب !
مادري
يولووو شنو مادري !
شبيك يمكن لا
لااا
اييي لاا
اي شي يصير وياك كلي 😑
قصدك تطورات
بلضببببط
الله كريم
مر هذا اليوم بخير ....
يوم جديد .. ١١:٤٦
بغـداد كعدت رحت غسلت وجهي وسويت ريوك الي ولوالدتي
دا اكل واتصفح ب الفيس
اشوف حساب زياد واصدقائه يعزونه ؟
ليش ع شنو
دخلت ع الحساب كله حداد وضليت ادور بي اريد اعرف شنو الموضوع
ضليت ادور ب التعليقات
والدته توفت
كلبي اذاني علي
ماما اني لازم اطلع
وين بنتي
امي زياد والدته توفت
انا لله وانا اليه راجعون
شوكت
ماعرف امي خل اروح واشوف شنو
ماشي روحي
دخلت للغرفه دكيت علي ب ١٥ مره وماجاوب
ضليت ابدل وفوني دك
زياد
ااالو زياد وين انته
ها بغداد
زيياد صدك والدتك..
اي صدك
الله يرحمها
شكراً
طيب وين يعني اانته وين
ب ****** تكدرين تجين بغداد ؟
ااي شي ربع ساعه واكون يمك
.....................
زياد ب الفتره الاخيره والدتي هواي صحتها تدهورت وتعبت اخذتها لهواي دكاتره واطباء بس اريدها تصير زينه قلبها مو زين حاولت اسويلها عمليه ودايم تتاجل واخر شي موعد عمليتها بعد ٥ ايام جنت احضر الها هواي علمود العمليه
من رجعت من بغداد رحت لأمي اشوفها حالتها كانت زينه ووكلتها وكعدنه نسولف ..
لليل شي ب ١١ حالتها تدهورت بشكل جبير اني وحدي وحيدهه معندي اخوان ولا خوات بس هيه امي ووالدي متوفي
ب ١٢ بعد ملحكت عليها سدت عيونها
حاولت اكعدها مكعدت تهسترت اتصلت على عمي وتميم بلكيييي يجوني واتصلت واجوني
نقلنه والدتي للمستشفى وهيه ميته اصلاً مبيها نبض تمنيت ناخذها وهناك تعيش
بعد محاولات توفت
انتقلت لرحمه ربنه
يمكن عمري مابجيت على احد وحتى والدي مبجيت علي من مات لان كالي انته زلمه والزلمه مايبجي ضجت واختنكت ومتتت بعد ايوي بس مابجيت
بس امي اختلفت وهواي صارلي وياها ٣٠ سنه وبس هيه الي معندي غيرها
بقوها كم ساعه ب الثلاجه
ودفناها ..
امشي بدون وعي كن ماعندي روح روحي راحت
ناس واصدقائي يعزون بيه واني مو يمهم بالي يم امي خاف ممرتاحه للازم تاخذ علاجها
اليوم ماصلت صلا الصبح لا ماصلتها
احجي وي روحي وابجي وعمي وتميم وياي معافوني ابد
بس ناس غربه واصدقاء يعني اقارب معدنه احنه لان جنه ببغداد وبسبب هواي مشاكل انتقلنه لعمان من فتره طويله ف نسينه عدنه اقارب
ماعرف بفوني دا يدك
ومابيه ارد
فتحت الفون جانت بغداد
اختنكت ب الزايد
غلقت المكالمه واني رديت اتصلت وايدي ترجف
جاوبتها ببرود قوي ماعرف
انطيتها المكان وانتظرتها تجي
بعالوقت محتاجها اني معندي صديقات بس هيه وحيييل قريبه عني
حبيت اشوفها مكان معزول مابي ناس ماريد احد يشوفها ..
اجتي وكلبي اذاني جانت خايفه عليه حيل
بغداد : زياد
بسسس كالت اسمي بجيت
تقربت مني حيل وخليت راسي على جتفها
لا تبجي انته قوي
بغداد ماكدر والله هاي امي بغداد
زياد جانت تعبانه وانتقلت لرحمه ربنه لا تبجي
منو حيكعدني الصبح بعد ! منو حيقره قران فوك راسي منو يسويلي ريوك بغداد امي روحي والله وراحت مني والله اريد اموت واروحلها
اسسس زياد لتكول هيج اسم الله لعمرك
خلص اني يمك اني وياك زياد انته مو صديقي صدكني يمك وما اعوفك
بغداد اوعديني حتضلين وياي
والله وعد اضل وياك
........
تميم : جنت ملتهي وي الناس واحتاجيت شاحن من سيارتي رحت اجيبه واشوف زياد واكف مقابيل بغداد وقريب عنها ومخلي راسه على جتفها وايدها على جتفه !
تسودنت
بلكوه واكف ماشيييي اصدقاء بسسس مووو هيج يطوخوها
وكفت شويه ودم ماضل بيه
تاخرو
رحت
عليهم واسمعها تكله والله وعد اضل وياك
ماضل دين براسي لا هاهيه حبيبين
زياااااااااد
اندار عليه وبغداد انتبهت
زياد والدي يريدك بشغله بخصوص والدتك الله يرحمها
ماشي حروح
بغداد انتي هم روحي هسه بعدين اشوفج
ماشي
زياد انتبه لنفسك زين
انشالله ...
راح وبغداد باوعت عليه وراحت تفتح باب سيارتها تريد تروح
دا تفتحه طبكته حيل
شبييييك تمييييم
عوفي زياد معليييج بيييي
وانته منو حتى تمنعني
بغداد عوفي زياد مدخلج بي
ممكن تبعد اريد اروح
لوووو شايفكممم غيري بهاي حالتكم شتتوقعين شحيفكر
شدتخبص
بغداد انتييي بنيه ماكو صداقه بين الولد والبنيه
وزياد صديقي واخويه الجبير ليروح بالك بعيد خلي مرتاح ماشييي تميم
بعدت من طريقها وصعدت ضليت اباوعلها
بغداد : صعدت ب السياره ورحت شكد انانييي وحقير هوه شدخله ضوجني من الصبح
ليش دايم يعاركني ويكرهني اني ممسويتله شيي من اول يوم لهسه معاملني زين !
قطع فكري
اتصال مياده
صباح الخير ست
صباح النور
ست شوكت تجين
مياده سدي المجمع اليوم
ليش ست صاير شي
لا حبيبتي سدي وخل العمال يرحعون لبيوتهم وراتبهم مال اليوم ماشي
متأكده ست !
ليش حجيي بي شي غلطت !
لا ست العفو
اخذي راحتج
اتصلت على والدتي جانت ب المجمع الثاني
رحت يمها
ما الي خلك وواهس معندي
بغداد شبيج اليوم امي وليش ساده محلج
امي عيب اتواجد بمحلي وزياد حالته صعبه !
ضايجه وضع زياد يكسر الكلب
الله يرحمها
اي والله كلش متعلق بيها ماما ااول مره اشوف زياد بهالحاله هوه صح فقد ابوه بس مو هيج واني اعرفه من زمان مو هسه
فراق الام اصعب بهواي شكد ماجان فراق الابو صعب الام اصعب
الله يطول بعمر جميع الامهات
راح يجي يوم واني هم اتوفى
هااااا مامااااا شبيج ! من عمري لعمرج لتكولين هيج تدرين بيه اضيع بدونج
بغداد
عيوني
خلنكون جديين اكثر !
اذا اني متت وصارلي شي
اميييي..
خل اكمل حبيبتي اسمعي
اني اذا متت وصارلي شي تره الانسان مضامن حياته محد يعرف شوكت يموت
اني سندج هسه متفقين !
من اموت انتي تبقين وحدج بغداد والرجال تره يكمل المره لازم يكون عندج رجال وسند واطفال حتى تكملين حياتج انتي عاجبج هذا وضعج هسه من المجمع للبيت من البيت للمجمع وهاي الفتره صار زياد صديقج
امي وين تردين توصلين من الاخير !
بنتي تزوجي انتي جبيره وموجود ابن الحلال الرايدج والله
امي رجاءاً
بغداد لخاطري انطي فرصه لنفسج تره مو كلهم مثل ابوج عيوني انتي
ان شالله ماما انشالله
يعني شنو
نحجي بهالموضوع غير مره
الله يهديج
حروح للبيت محتاجه مني شي !
لا بنتي روحي الله وياج
يتبــــع 🖤♥️