#يمامه_خلف_القضبان#البارت ال٢١
#أحببتكَ رُغم اني , لا #أحتضنكَ و لا اراكَ دوماً 😔
احببتكَ #لاني كتبت #لك ,📝
, #وَضحكت من اجلكَ
وَ تغيرت #لأجلكَ
, #احببتكَ و انتَ - #بعيـداً ولا زلت #أحبك
فقط #احببتك أكثر #مما ينبغي .... 💔👈
💐🌸🏵🌹🌹🥀🥀🏵💮💮💮💮🌸🌸🌸🌸🌸🌸
وصعد وراج يريد يراضيج .. سوالج ريوك بايده واخذه الج ..
اكابله واكل . واعتب عليه ويعتب عليه بهدؤ وبينه شجاكم
يمامه ..صعد راضاني لو كفخني وفصخ ايدي
ياامراضات هاي التحجين بيهة
لوما معاندته ماضربج
ها حقه يعني يمه
لا مو حقه وما اقبله لاعبالج بس احجي عليج لا وهو هم غسلته غسل اثنينكم غلطانين وشمتو تقى والحيه نهيوه بيكم . ثيران مدري مطايه مادري الله منين خالقكم
عصرت وجهي الويه رجعت . امممممم
شبيج ولج
شنو المابيه حتى شعر راسي يوجعني
حيل بابو زايد ياخبله امداج . طلعت
سويت لمحمد شويه ثريد وكلته .ماكدر ارضعه
شربته سوب .. مسحتله بلمناديل
وخليته بلكاع يريد يلعب
حسيت اكو رطوبه زادت
هسه لو زينه تجي . انعصرت بالوجع هالمره وكام يزيد
وجفته دم نزلت عليه . لااكدر اكوم ولاابقه كاعده
طبت وئام ..كتلها صيحي بيبي ركض
اجت . تركض شافتني ..وجهي اصفر.
ها ولج
رفعت الغطى لطمت على وجهة شنو هذا ولج
مااااادرررري . وجع . يمه وجع
وين اروح بيج .. .شاهييييين . ولك شاهيييين
. طبو لمياء ومؤيد
وهو طلع من الغرفه اني كمت مثل الطير المذبوح اتلوه
شاهين شكو شبيها .
تسئل شبيها . تسئلني اسئل روحك .. الله لايطيك
امشي .. لمياء .. كوميها للحمام حيل ماضل بيه بدليلها خل ناخذها .. لام .ضياء .
خذتني لمياء ..والوجع كطعني .ماكدرت اوكف وكعت منها .طلعت صاحت شاهين
ماكدرلها وحدي على بختك
فات سندني هي نزعتني . وغسلت رجليه .ولبستني عطت . اخخخخخخ . . امممممم . راح اموت لك ياااااابه
طلعتني .رحنه للبنيه الجيبتني نفسها . شافتني راسا فحصتني كالت طفل واكع طارحه . هاي
ضربتلي ابره كالت اذا لشويه منزل اخذوها مستشفى
بس واكع هو من جبت كلت ماكو وجع يشبه وجع الولاده بس هذا لافاقه بهواي حسيت روحي طلعت
بديت افقد . وحسيت شي نزل وراها ماحسيت بشي
شاهين ..داست بطني وحجيها خلاني افقد اعصابي
محسيت على نفسي من ضربتها ولوما وخروها مني جان طلعت بروحها . صدك روحي طلعت امي حجت وياي كالت ليش هيج جارم بيها
ماحجيت مالي نفس .
جابت الغدا ماحطيت لكمه بحلكي . شويه وسمعتها تصيح طلعت مخروع . وشفت يمامه دمها بطولها غسلنالها وخذناها . للنفس البنيه الولدتها حموي
طلعت ام سيف . كالت . طفل واكع كعدت على الرصيف
ماشالتني رجليه . كتلها
ام سيف .ناخذها مستشفى الاجهاض مو مثل الولاده
لا خويه واكع هو ماباقي شي اصلا هسه تشوفها اذا تحتاج تكللنه
يمامه صحيت الوجع مختفي . الحمد لله خلصت كل الوجع الباقي اهون منه لكيت امي تبجي .. لمياء يم راسي ..ها شلونج هسه
يمامه . احسن .. .عفيه حمودي وين
.عد زينه لاتخافين عليه
طبت البنيه كومتني كالت . الله يعوضج . شوفي الطفل واكع بس راجعي اخاف اكو للطفل للجاره بقايا . وهاي تحاميل . خليهن ينظفن رحمج الى ان ترحين دكتورتج . والله يعوضكم مره ثانيه
كومتني لمياء لكيته واكف بره يم السياره ..تقرب لزمني وصعدني .. بدون ميحجي وياي ويباوع عليه بلمرايه
ومن وصلنه نفس الشي . بس هلمره شالني من الكراج
مادري ضعف حاجه حب خليت راسي بركبته وبجيت حسيت بي ريحه من ابو غايب الي احتاجيته كلش وردت حضنه يضمني من كل الوجع والظلم
طلعت مني كلمة اخ يابه حسيت بي تشنج .وشدد لزمته
ابتعدت هي يمكن لحضات ضعفت بيهم
💐🌸💮💮🏵🌹🌹
وادري حجايتي #تعور🥀
وينة المايخون #الزاد🥀
او وينة الوفي #المايغدر🥀
فتت سوك الوفه #وياحيف🥀
لكيته معزل #ويصفر🥀🥀
💐🌸💮🏵🌹🌹🥀
راد يروح للغرفه امي كالتله يمي جيبها
نزلني بفرااشي الي مبدلته زينه ومرتبه الغرفه
هو اخذ حمودي الي من شافني بجه وطلع
نمت وبالي افكار .شنو الي صار وليش
معقوله اني غلط . يمكن لو ساكته من صعدلي ماصار كل هذا
يمكن لو من جاب الريوك تريكت ويا وححيت عادي جان ماخسرت الطفل ..صفنت طفل . روح جانت بداخلي وبسبب عنادي خسرته . اني الي موته مو شاهين صرخت وبجيت بشهكه
كافي يمه . الله ماقاسمه الكم
لا يمه . القسمه معليها اني موته اني
حرام عليج .حمدي ربج وشكري
طبت زينه جايبه معلاك . هاج شاهين جابه كال خل تتعشه وهذا سريلايك لحمودي ولعمته .
كعدت امي تسوي لفات وتوكلني زينه مسويه نص العلبه عود توكله وهو صفه بطنها
شاهين . شبع حمودي امي كالتله
لا عمته شبعت يمه شأكل منه المكرود
راح انومه ع
غدير وسام ))****
راح انومه عندي وانتو نامو
يمه يرضع الولد ويكعد يريد امه
شاهين اي عود اجيبه اخذته يمي لعب شويه وباوعلي وبرطم
ها بابا .تريد امك
بجه راسا .. شلته لكيتها كاعده هذا يريدج مدت ايدها مالحكت انزله ذب نفسه عليها .. عطت لك لا اوكف
هي تلكته مني .طلعت .ضايج منها وعليها .يمكن لو ماخذها على كد عقلها ومفكر شويه بيها هي تعاند
وحبت تستفزني
صار فتره ماتحمل منها كلمه وايدي والضرب وياها وراها اتندم على الامانه الي ماصنتها مو ذاك اليوم وكفت يم كبر ابوها واعتذرت منه وعدته متكرر بس رجعت مديت ايدي عليها . باب الفرفه مفتوح وهي صارت كبالي وجهة مورم ومن تتحرك تتاذى استغفر الله العظيم تمددت على القنفه بلهول . قتيبه يلعب بتلفونه
ها ابو محمد مانمت
لا
قتيبه . شبيك . لاتضوج الله يعوضكم
ان شاء الله
قتيبه .. على كيفك يابه ترا انت صايرر نار ماجنت هيج وام محمد ورده متستاهل ..
شوف من حاجيتك علمود نطلع مو تحسست من كلامها لا الله شاهد بس انتو هم حقكم تاخذون راحتكم حتى جعفر حاجيته ميصير هيج ترا
شاهين قتيبه سد الموضوع
مو بس هيج . ترا اني احب بنيه وناوي اتقدم والصراحه من حجيتلها عن وضعي كالت اريد بيت وحدي
شاهين ..وليش متعيش ويانه
هي واهلها مايردون كالت بيت شقه عادي بس المهم نستقل كتلها اخذ امي واختي وياي هي ماعارضت
شاهين . تريد تطلع براحتك بس امي وزينه يبقن يمي
قتيبه تمام
كمت شفتها نايمه رحت بفراشي عبالك يبزز بيه
تسحبت وفتت لغرفة امي وطبيت وراها امي مخليتلها جربايه ام النفر من شلت الغطى ثوبها مرتفع رجليها كلهن اثار ضرب
تذكرت شون ضربتها واذيتها كرهت نفسي
يمامه حسيت بس من دخل وياي بالفراش سويت نفسي نايمه بس من هزت جسمه وهو مخلي راسه بضهري عرفته يبجي .. يمكن هاي حركته دمرت كل دفاعاتي وقراراتي محسيت على نفسي شون التفتت عليه وحضنته هو هم جرني حيل لصدره ويتحسر
بجيت بحضنه
شاهين .. التفتت عليه وذبت نفسها بحضني عكس كل توقعاتي كلت راح تصدني وتبتعد عني او تتجاهلني بس لا
شكد جنت مشتاق لحضنها بوستها من كل مكان وهي تشهك
اسف بنيتي ادري كل مره اعتذر وارجع ااذيج
كافي لاتحجي عوف الصار انساه
شاهين صار .حبيبي صار .بعدج متوجعه
شويه .احس وجع بطني وجسمي
من شوكت حامل ليش مكتيلي
مادري بنفسي والله لو اعرف جان حافظت عليه من الهوا
. اسف وكع من وراي ابد مااسامح نفسي على الصار
اني هم استفزيتك .. واذيتك بلحجي حضني .وباس راسي .. حصرتج بلمكان مضايقه
لا.. اكو مكان
عبالي حتى ماكوم ههههه
اني ماريدك تكوم
هو اني لازك لاتعبين نفسج
شلت ردنها ..ايدها زركه لج هاي شمسوي بيج اني
يمامه .. عوفه مو كلنه منححي بعد
لا اوكفي . جريتها عليه واتفحص بيها
ولااتذكر . فقدت تدرين
مني الصوج . اني تجاوزت هواي
بقينا نتعاتب . رغم واحد جرح الثاني بس كل واحد بينا صوج نفسه وخله الحق عليه
نمت واني حاشره نفسي جوا وبين ايدي
شاهين ..كعدت على صوت امي .تسبح وتستغفر تريد تصلي شافتني
يمه منكم البارحه تاوكلوو لحم واليوم نايمه بحضنه
الله يهديكم
حسيت بيمامه تضحك
ها سمعتي الرزاله
اممم .حقها ..ههههه اليشوفنه البارحه ميصدك بهذا وضعنا
شاهين وخري خلي اصلي وارجع
شفنه امي واكفه وين ترجع روح نام بفراشك لاحك البنيه هنا بفراشها وحاصرها
يمامه ....لايمه ماحاصرني
يا هي قابله اني شعليه عسه مايكسر ضلوعج
صله ورجع تمدد . يمي . اشو نام على ضهره واخذ المكان كله
يمامه . شاهين متاكد بس صليت ورجعت
اي حبيبي ليش
اشو عبالك حجمك زاد اخذت المكان كله
ههههه نشنشت .من حبج تعاي
نام صفح وحضني
شو حميد ماله حس اليوم
يمامه سوده عليه تعبان زينه تكول هواي بجه
نامي حبيبتي .. انتي هم تعبتي . اوف من شفتج واكعه بالحمام . تمنيت ميت ولا ماد ايدي عليح
باوعتله .. شاهين مرات احس بيك تكرهني من تضربني عبالك عدك ثار وياي
شاهين .. لا حبيبتي افقد بس مو لدرجة اطلبج ثار هذا ضربي مو من كل كلبي
لا والله
وداعتج
يمامه لا صدك ولاجذب ترا ماتحمل بعد شاهين اني بعمري محد مد ايده عليه .ابويه مدللني جان ومن يصير شي يكعد يحجي وياي يفتهم مني بعدين يحاسبني اذا غلطانه واذا لا يعتذر مني
شاهين اوف .يمامه تعبت مجنت هيج
شغيرك لعد
غدير وسام )***
شغيرك لعد حضي
شاهين الشفته مو قليل.
بس مو كل اصابعك سوا
ادري بنيتي .. ومجان لازم اتصرف هيج وياج ادري بيهن لوما جافصات بطنج متحجين هيج وياهن
يمامه .. محجيت شي وياهن غير الكلته الك بس هنه زيدن الحجي
شاهين يمامه بنيتي عيب اخوتي يوصلهم هيج حجي
يحسون أمننهم بكعدت البيت وهما ماعدهم يطلعون ببيوت
هاي نهاد مو مره معدله وتلزم ضهره وتلمه وهو هم مخلي كلشي بايدها شوفي لمياء شون لمة مؤيد واني لوما امي واني هم حريص ولميت الفلس على الفلس جان هم بقيت حالي حالهم لوما امي هو لو المرا لو الرجال يكون فطن ويلم نفسه .
يمامه .. ماقصدت . هيج بكلامي بس ردتهن يسكتن مني .
مسمعت شون حجن وياي طلعني عبالك مكديه منهن وطابه عليهن بلبس مشكك
خيولن يرحلج فدوه منو يلحك نظافتج ترتيبج بيتكم ذاك رغم جان تعبان بس من اطبله اتخبل على ترتيبه ونظافته ونزاكته لو طبخج هم يحلالي من بعد طبخ امي غيره طبخ
يمامه ...ابويه هم جان هيج يكلي
الله يرحمه خجلان منه ماحفظت امانته
ردت اخفف عنه بس شكله شاهين اذاني هواي اكثر مااذيته اني .
بجه حمودي كام اطانيا رضعته
شاهين هذا باجر علمي على الممه لاتخلي فد على صدرج
ان شاء الله
راح انام قفلت تردين شي
نام حبيبي ماريد شي
خلص حمودي ونمت كعدت الصبح ماكو احد بالغرفه ومسدود عليه الباب . تذكرت شصار
كمت اغسل بلباب لاكاني شاهين
ها عيني صباح النور
يمامه صباح الخير ..اريد اغسل
تعاي . حبيبي . لزمني يوصلني لاكتنه نهاد نطت عينها علينه لان اضحك ويا
فوتني سد الباب عليه
لكيت النزف هواي بعده اصلا من كمت حسيت بي نزل جفته
طلعت التحميله وكعت مني واني مجايبه غيرها عفتها
بدلت وغسلت
اكلك شاهين بعدني انزف
ها . ليش مو كالت ماكو شي
لا كالت اخاف باقي شي الاحسن تراجعين دكتورتج
.اخذج يعني
اي العصر
زين تعاي ارتاحي و تريكي هسه
تمددت ..اجت امي حجالها واتفقو ياخذوني
خلصتها بين نوم وكعده للعصر بدلت واخذنه شاهين شرح وضعي للسكرتيره استئذنت من المراجعات وفوتتني
حجيتلها . الصار
الدكتوره صعدي اسويلج سونر اذا اكو شي يبين حتى احولج مستشفى اسويلج كورتاج وانظفج
مشت الجهاز على بطني متاكده وكع
يمامه مادري بس هو نزف والم بعدين هدات
شوفي بنتي .اكو طفل هذا ومبي شي اصلا نبض بي
بس انتي الجاره مالتج مفطوره وهذا سبب النزف متعرضه لوكعه .او ضرب او حركه قويه ماديه للفطر واعتقد جنتي حامل بتؤام واحد منهم واكع والثاني بعده بس الجاره مفطوره وهذا الي مخله النزف يكطع
شنو يعني دكتوره مواكع
اكو طفل ونبضه موجود واعتقد انتي داخله بنص الرابع
كتبتلي ابر مثبته . ونوم على ضهري ونهائيا ماكو حركه ولا رجال .اي جهد ممنوع
دكتوره اني ارضع
.افطمي امي موزين عليه واصلا حليبج بعد مبي فائده اله حولي ممه
انتبهي نوم اريد بس للحمام تكومين وكثري تفاح اخضر .. حليب حتى تلتئم الجاره
طلعت . لشاهين وامي ضحكت
شاهين .شنو
يمامه .بعده مواكع هههه بعده
اللهم صل على محمد وال محمد . يمه بيها الخير الله يحفظه الكم
كتلهم على التعليمات
شاهين ..هذا هو لعد متتحركين ابد وحمود هسه اشتريله حليب
جاب علاجي وحليب وممه رجعنه سبحان الله البارحه جنا بحال واليوم بحال
امي كالت تبقه يمي بغرفتي بعد لمن تجيب ماامن عليها يمك
شاهين صدك تحجون ماسوي شي والله
ابد . كوم روح لغرفتك
ها حجيه اتطرديني
اي اطلع .بره .يله يله
ههههه باعتني علمود حفيدها
يمامه ..لحد مادخلت بلخامس .يله التئمت الجاره بس هم مقبلت اتحرك حركه قويه وشاهين .من ينزل يجي ينام يمنه حمودي حولناه ممه
مراجعتي للدكتوره قلت ونهاد وتقى ماشوفهم لان اصلا ماطلع بس للضروره
بس زينه كالت شاهين لازمهن اثنينهن ومطيح حضهن ومفشل جعفر كايله تريد تطلع براحتك خوما اجلب بيك كوه ذاك خانس بعد محاجي بلموضوع
زينه اكلج صفاوي راح ينزل من الدوام ويكول اريد اشوفج واني مقبلت
يمامه .اكلج هو ليش ميتقدم هسه ولمن يتخرج تزوجو
اني ماقبل
اي ليش ياعيني على الاقل تكدرون تشوفون بعض براحتكم وماتتختلون
هيج تشوفين
اي ولج احسن روحي شوفي وكليله بحجينه
مو اخاف
عليمن خايفه مواثقه منه
لا بلعكس
هذا هو اخطي هاي الخطوه وشوفي ليش متردده ياحضي لاتظلين هيج يجوز نيته غير شي ذبحيها على قبله
شجعتيني ولج جنت خايفه
لاحبيبتي
((غدير وسام ))****
تشجعي لاتخافين
اوك .على حجيج راح امشي وانتي شخبار النونو ماعرفتي شنو جنسه
على الاكثر بنوته بس تكول من التقلصات مامتاكده
الله كريم المهم تمام الخلقه
الحمد لله .
شاهينوو تاخر هاي المره
اي سوده عليه صار شكد منازل .. دكيلي عليه
جاي تتصل هو دك عليها . ههههه كلب المؤمن دليله
الوووو
هلو زينه شونج
اي وبعدين
شاهين شبيج لج
ادري ممخابر عليه هي تبدي شلونج زينه وتخلص يمامه يمج . فلااختصار الوقت هاك .
ههههه خبله
شلونك حبيبي
هلا بلصوت الحمد لله وانتي
اممم .هسه صرت زينه . اووف
الحمد لله شبيج تتحسرين
ماببيه شي . بس كلت لزينه هالمره تاخرت
احسن خليني اجي وبس اباوع واتحسر انتي وامي مسويات عليه حصار
ها هيج شاهين
اي والله شبيج
يعني متجي بس علمود هذا الشي
باع هاي . لج . عدي انذار اضحك عليج
لا ..لا .طلعت حقيقتك
ههههههه . اي وشتردين
ماريد يله مع السلامه عود من اجيب اخابرك تجي
اي والله تسوين فضل اذا ورا الاربعين
ها ..اااا .. مع السلامه شاهين
الله وياج ام محمد ملتقانه بعد ٤ اشهر .و١٠ ايام
ههههههههه
سديته .عابتلك
شاهين نزولي بعد يومين بس ضحكت عليها شويه .
فريد ..ضحكت خير
خير يصيبك . .. ابو شوقي ههههههه
يمعوده شوقي امينه رزق بس خل يجي
الله كريم .حبيبي ماكو شي بعيد على ربك
ونعم بالله .. تعبت ياخي . امي . تلح .تريد اتزوج .
وانت شنو رائيك ..
تدري جنت رافض . بس ورا الصار خلص فكرت بشكل جدي بلموضوع .. جانت مستغفلتني طول هاي الفتره تكول مابيه شي تالي من خذنها امي واختي طلع منها الصوج
حقك . شتريد تسوي محد يلومك .
والله لو من الاول مصارحتني مافكر مجرد تفكير ازوج غيرها بس من سوت هيج .. دمرت كلشي بينه ..شاهين تدري ليش احجيلك كل هذا
شاهين ..ليش
فريد .. لان اريدك تكون على اطلاع على حياتي حتى تفكر بلموضوع الي راح احجي وياك بي
شاهين .كول
فريد .. اريد اناسبك
شاهين اني . قصدك . تريد تتقدم لاختي
فريد .اي
بس اختي صغيره وبعدها تدرس . ومرتك شلون
واني اخليها تكمل
مادري شكلك . اطرح الموضوع واشوف بس على الاغلب ميوافقون وانت تعرف ليش خليني اكون حيادي
فريد . كول انت متريد تطي
وداعة خوتنا لو افر الدنيا مالكه مثلك ولو عليه لو على عشر نسوان ازوجها الك واني مغمض ومأمن تصونها بس تعرف الاصول اسئلهم وارجعلك خبر
فريد تمام انتظرك
شاهين .. فريد رجال سبع واخويه الي يامه شديت ضهري بي بمواقف وجربته ولو عليه زينه اطيها اله بس هو مشاكل ويا اهلة وزوجته اخاف اظلمها
يمامه . اليوم الدفر مو طبيعي بطني لزمت بطني واني اوجه كلامي لامي وزينه
صلي على نبيج يمه
اللهم صل على محمد وال محمد
شنو شاهين ماناوي يرجع ماكلج
جان سئلتي انتي يمه مو يخابرج .
كتله يكول اطول
يمامه . اني هم كلي
زينه ..يكول امي كاطعه عليه المي والكهرباء مارجع
وجع انتي شعلمج على هاي السوالف
اهوووو يمه . بقه احد مايعرف .
دارت عليه انتي تسولفيلها ؟؟كتلها
لا والله يمه ..ضربت زينه وخزرتها
دك تلفون امي شالته طلع شاهين عتبت عليه لان متاخر
جابته واطتنيا .
جاوبته من ورا خشمي
الووو
وجعووو اشو من ورا خشمج
لا من حلكي مو من ورا خشمي
ها .. تصنفين
اي يعجبني ..
اي شكوو بيها يحقلج .وينه حمودي
هذا خليت السماعه يم اذنه وفتحت سبيكرر شفته ضحك
حمود . . بابا شونك ..
حبيبي ..اروح فدوه لصوتك . .
اكلج يمامه .
نعم ..
حملج شلونه .مارفعتو الحصارعني حتى اجي
يمامه ..شاهيييييين
وسم شبيج
هسه اجي لو لا حتى اعرف امدد دوامي
لا تجي مدد دوامك . يعني لااشتاقيت لامك لبناتك لحمودي اليه همك بس .؟؟؟؟؟
هسه انتي شعليج بيهم .. احد كلج احجي باسمه
اي همي بس الغلستي عليه
يمامه .. اذا كتلك الدكتوره كالت ماكو شي ترجع
يعني شنو ماكو شي حددي . الماكو شي سلاح ذو حدين
تنفهم من الصفحتين وداعتج هههههه
لا ماكو . ماكو يعني كلشي ماكوو ابقه بغرفة امي وانت تحضن المخده وتنام
لعد شعدي راجع
شاهيييين
شبيج ولج غير احجي الصدك
شاهين ..نزلت اجازه قريب مااوصل للبيت خابرتها اريد اتحارش بيها . كامت تفور اني فتت للغرفه وكفت وراها
حست صوتي قريب التفتت شافتني
يمامه .التفتت لكيته واري بدون ماادري ذبيت نفسي بحضنه
شاهين ههههه مخبله مشتاقلج
ضربته على صدره خبيث تضحك عليه
هههه انتي كمش
اه
والله .....
دوخر لعد ماريدك ......يتبع .....
قفلة كيوت وبارت مليان مشاعر وحب مليان . ومابي تكفخ .. . صباحكم ورد لعيون السهرانات ومنتظرات
ملاحظه ... البارتات القادمه . راح تكرهون شاهينووو كلش .
بس اريد شويه على كيفكم ويا بلغلط . وحاولو تتفهمون وضعه مو دفاع عن العنف ضد المراة اني اصلا كتبت القصه حتى ابين مظلوميتها لمن تكون مكسوره الجناح ومالهة احد بس هو هم مجان هيج واكو ضروف حولته لانسان متسرع وعصبي . . هذا توضيح لااكثر مو فرض رائي او وجهة نظر او دفاع .