#يمامه_خلف_القضبان#البارت العشرون
الي يحب ينقل القصه ماامانع بس مع ذكر الاسم
غدير وسام ...
💐💮💮🏵🌹💮🌸💐🌸💮💮
من انت اخبرني
مالسبيل الى حلك سيدي
انت لغز . عجزت عن حله .. ومتاهة ضعت داخل اسوارها
💐💮🏵🌹💮🌸💐🌸💮💮
مشتاقلج بكد رحمة الله .. لج ماتحمل لمن اروح وارجع هسه اريدج .. .. مابتعد عني اله . واثار هجومه موزعه بكل مكان بجسمي . فات للحمام . غسل
باس راسي حضني . مضطر اروح . لو بيدي ابقه يمج
شاهين . راح احتفظ بشكلج هذا بدماغي لاجازتي الجايه غمزلي وباس محمد ها ومن اتصل جاوبي وطلع
كمت باوعت لنفسي بلمرايه شتحتفظ ياحضي
كفشتي . وجهي مشخط من لحيته النابته ستوها وشاربه
غسلت واستحيت اطلع احس الكل عرف شسوينا بالغرفه
لمن اجت احلام . بيبي تريدج
جيت
طلعت كالت تعاي تغدي . وتضحك
ها .. كفشج وراح
ههههه
اكلي اكلي . عرفته والله مايضيع اله حق
بس اشوف زينه .. واجي
زينه وقتيبه ماكو .. خفت عليها صعدتلها دكيت بابها فتحه قتيبه ... ها خويه تفضلي
طلع واني فتت شفتها .. تبجي
ها
زينه .. شاك بس مامتاكد .اخذ تلفوني دور بي مالكه شي
هو شسمع بالضبط
مادري ... مصطفى اتصل واني بسرعه ختمت ويا لان البيت هوسه
هو ليش ميسويها رسميه
بس يتخرج . يتقدم بس الكل يدري بي رايدني
ميخالف يجي يتقدم ماكلنه يزوج بس شي رسمي على الاقل يجنبج هيج مواقف
صح كلامج ..راح اكله
خفت عليج ..والله مالحكت عليه من صعدلج .
زين هو مو شاهينوو ذاك جان كطعني بدون تفاهم . هههه
تغديتي
لا
يمامه ..دكومي اني هم وامي منتظرتنه
نزلنه نتغدا . وقتيبه مرزل تقى ونهاد لكيناهن بلمطبخ يشتغلن
شاهين رجعت للدوام مرتاح لان تصالحنه يابه عبالك جنت مختنك هسه تنفست
محمد اليوم شبيك توزع ابتسامات
فريد جان يحجي بالتلفون سده والتفت
الله ربه فطرر واجه خوما مثلنه
عينك ..لك ..عينك . قل اعوذ برب الفلق .. ماتتقندر تولي لبيتك .شجم اجازه صارلك هنا
دسكت يمعود ارجع لعبان النفس . هي اول ماطب امك اخواتك
وامي مرتك ... ومرتك
شاهين ..اني ارتاحيت من هاي الفقره .. الحمد لله
فريد يوم الالي . اكلك شنو احساسك وانتي مثني اريد اعيشه هذا الاحساس ياولي ههههه
شاهين .. ماحاس بي اني ممعتبرنفسي مزوج اثنين .
محمد وفريد كلش قريبين مني يدرون بيه تارك تقى بس اكيد محاجي الاسباب .
يمامه .. . زينه ٠جابت التلفون هاج الحكومه تتصل
ترددت بعدين كتلها جيبي .
الووو
هلا بهالصوت .. يابه شدعوه حارمتنه شلونج .حمودي شلونه
زين الحمد لله شوكت تجي
اي هاي .يمامتي مشتاقتلي
امممم .
هسه اذا تردين
لا والله شوكت تجي
احتمال يومين تلاثه
ان شاء الله . تجي بالسلامه
محتاجه شي
. بس تعال
اي شكو ماكو
ماكو امي خذت حمود عده لقاح . وصخن ويومين يله تحسن
لا والله
والله .بس هسه زين يلعب .. من يسمع صوت قتيبه يتلفت لان يشبه صوتك عباله انت
هههههه ... اشتاقيتلكم . اول يوم اجي تنامون بحضني اثنينكم
امممم .
والعب بيج خلقه ادمرج
ليش .تطلبني ثار
مال اطلبج اطلبج هواي . اجي ونتحاسب
يمامه ..شاهين ..احبك
شون تخليني اهج .بهذا الوكت لج بابا خطيه اني
هههه . احبك اموت عليك ابو محمد
اشتعل ابو محمد .
فريد خف علينه سيدي تعال يردوك
شاهين رايح حبيبي .
الله وياك .
زينه . حاطه ايدها على خدعا وصافنه .. احححح
شبيج هههههه
انتو مع التصحر العاطفي والجفاف الرومانسي
ليش صوفي وين
بلدوام من يجي بلاجازه يحجي ويه خاله والولد
اكلج زيون اريد ارتب وجهي وشعري من جبت هامله نفسي
مال ترحين صالون الحكومه متقبل . اني اسمكرج حسب مقدرتي
حفتلي . وعدها جهاز شمع نظفت جسمي كالت العصر اروح اجيبلج لون عسلي واصبغ شعرج .
تذكرت قبل .. شكد جنت اطلب هاي الشغلات من ابويه
وهو سوده عليه ميتعاجز ابد.. رحت جريت جنطتي ظامتهن من ريحته وريحة تعبه بوستهن.. تذكرت الصبغ مال الاظافر بس من انعذر عذر شرعي اصبغ.. صار هواي من ولادتي لليوم هي ماكو بس امي كالت عادي لان ارضع
رجعتهن .. العصر راحت .زينه جابت صبغ وصبغتلي
بس ماقتنعت بالون ..عبالك غيم على وجهي
سشورته . ورتبت الكذله .. هم ماقتنعت
باليل نتعشه وطب شاهين . يضحك سلم وكعد .
لاتكومون ماعلى الزاد سلام .
كمت جبتله مي واكل حطيته يمه وبست راسه ضحكلي
وجرني باس خدي . .كعدني يمه شلونج
مشتاقتلك
خلينه نتعشه جوعانين .
ههههه اكل الف عافيه
كمت قبله حضرتله الحمام . وسويت جاي
مخلي حمودي بحضنه ويسولف فتت غمزلي .
شفت تقى تباوع عليه وعليه .. وعاوجه حلكها
جاب حمودي واجه يبوس بي .
اريد اغسل يم
غدير وسام *)))
يمامتي اريد اغسل
اي حبيبي حاضر الحمام
شاهين .بروح الحجي تعاي غسلي ضهري .
ها .. ااا
حلفتج .
بس اودي حمودي لامي
رحت اطيته الها وجيت لكيته بالحمام .. دكيت الباب فتحه يضحك كال
هههه كلت فلتت
غسلتله ضهره .. وردت اطلع
شبيج بس تردين تنهزمين وجهج احمر عبالك اول مره تشوفيني . ترا لابس اني هههههه
ضربته وطلعت اضحك .ولايستحي
طلع البخار ورا طبيعته المي كلش حار يله يغسل بي مرات اتعجب شون يتحمله بس هو يكول ماعرف اله هيج
رحت جبت حمودي خليته بحضنه
جنت مريض باباتي .. صخنت
ضحكت عليه يبرطم ويشتكي اله عبالك افتهمه
هههه يشتكيلك
بيه ولابيك أبويه .اموتهم اذا ودوك بعد
اخذه وراح نام على الجربايه
اخذه منك تنام
عوفي اريد انام على ريحته . باوعت هذا هم يغفي
طلعت كملت شغلي ورجعت نايمين . فدوه كلبي رفس جوه صدري من شفتهم
غسلت جسمي شعري عفته وبدلت ثوب خفيف .
طلعت لكيته يلعب بتلفونه
باوعلي .مستغرب . نسيت صبغ شعري
يمامه ..شبيك
شاهين ..شنو شعرج شوكت صابغته
اليوم ..زينه صبغته
محلو ملايكلج
دنكت راسي .اي ادري اصلا اول مشفته ماعجبني باجر اغيره
ليش تعبين شعرج بلصبغ حلو عوفي مو باجر تسوي فتره يله
زين .
تعاي .
تقربت منه . رفع خصل شعري ورجعها ورا اذاني
ضجتي ..
امممم
انتي حلوه وكلشي يلوكلج يجوز لان اللون غريب ممتعود عليه
يجوز . شلت راسي لكيته مبحر بوجهي
شلون بيه اني
شبيك .
شوكت اشبع منج واكتفي
يارب متشبع وتبقه تحبني
احبج وماريد ابطل بس ماتحمل بعدج عني حليها شون
اروح وياك
هههههه عبالج مامفكر بيها لا والله مرات افكر ارجع ااجر بيت
صدك تسويها شاهين وتاخذنا
لا يابه شبيج قبل ابوج وياج ومااامن هدور وحدج
شال حمودي وداه . للمهد مالته ورجع يمي
انتجه على التاج وجرني لصدره وخله رجليه على رجليه
ويصعد بيهن وينزل عبالك يمرغ بيهن رجليه خشنه ضحكت .
شبيك .
رجليك خشنه اذتني
عيني انتي ناعمه عبالك كطن لون وملمس
يمامه..شاهين .. اكلك شي ومتعصب
شبيج احجي
اشو قبل مااحجي انفعلت
لا وعيونج ماكو شي احجي
تقى ونهاد هواي يسمعوني حجي انت مو كلت اخليهن حد
كام .. تربع . شكالن الج
حجيتله الصار
هاي شوكت
من جنت بالدوام
بسيطه . بسيطه .
ثاني يوم على الريوك حاجه جعفر كله كل مره احاجيك وماجاي اشوف تغيير
جعفر هي مرتك متريدنه وتدور حجج حتى نطلع لاتخاف جاي ادور بيت
شاهين محد جاب طاري الطلعه اني اطلع وانت تبقه ممتفضل عليك بس نريد نكعد بيتنا بهدؤ بدون مشاكل
لا جايبين طاري ومرتك كايله لنهاد اطلعكم هذا بيتي وبيت ابني وانتو ملتمين علينه مماخذين راحتنه
باوعلي شاهين كتله والله محاجيه هيج
شاهين محاجيه يمامه مرتك تجذب
جعفر . تجذب متجذب احنه نطلع بكرامتنا احسن ماننطرد
كتلك .محد يطردك . وهذا البيت بيتكم بس. بدون مشاكل
جعفر ..مرتك تعدت عليه وعلى مرتي كل مره تكول مرتك هيج حجت اروح اطيح حضها هالمره حقي يمك لو ترده لواطلع
جاي يكوم كله اوكف .
صاح نهاد وتقى
طلع الجهال .. كال احجوو كدام جعفر
حجيت الصار . شاهين تفاجأ لان اني محجيتله عن ردي عليهن .. وهذا اكبر غلط ارتكبته وخليت الحق عليه
هنا ماقصرن زيدن واثنين على واحد . اكيد معادله خسرانه
تقى تكلي الزمج الشارع انتي وبناتج .. وكالت لنهاد كافي حسو اطلعو من البيت واذا متطلعون ابقه اسوي مشاكل الى ان تنكشرون
رغم الكل يعرف تقى ونهاد شنو بس الحق تركب براسي حتى امي .ضاجت وطلعت
يمامه شاهين اني حجيت بس موبالطريقه الحجنها والله بس ردت ادافع عن نفسي
شاهين ..لا يمامه الغلط مو بيج بيه .. تدرين ليش . لان انتن النسوان مينحط بحلكجن حجايه صوجي كتلج هذا بيتي والغلط الثاني من كتلج اخلي باسمج اتصورتي الج الحق تطردين اخوتي وبناتي
اني مطارده احد . كتلهن اخلي شاهين يطردكم .بس . حجايه تنكال مقصدت شي
شاهين خلص مالج دخل باحد بعد افتهمتي
طلع وعافني حضنت ابني مجان لازم اسمع كلام زينه واشتكيله دوم اني ماعندي حظ ويا
جعفر سواها للضالين اطلع واطلع والكل يتوسل
حتى قتيبه بليل اجه يكله اجمع نصيبي اني وامي وزينه ونشتري .
شاهين شنو هاي اللغوه محد يطلع المعاجبه هو يولي هذا بيت ابونا مفتوح للكل وباجر احوله باسم امي
يمامه .. كلهم كاعدين كتلهم محاجيه اني وماكو داعي
كلساع واحد جاي اذا تردون اني اطلع
خزرني شاهين
غدير وسام ))***
خزرني شاهين وكال امشي فوتي لغرفتج
زينه شبيك شاهين وياها ترا اني جنت موجوده وسمعت الحجي مكالت شي هذا كله تلفيق
وهي مارادت تحجي اني كتلها احجي لشاهين لو ادري جان سكتنا
شاهين كافي سدو الموضوع مينفتح بعد
يمامه فتت لغرفتي حطيت ابني وكعدت ومن اليوم عرفت اني وحدي بالدنيا وكل الي نحجه دكت صدر بس
والامان راح ويا ابويه
فات يتحسر . راح تمدد صاح طفي الضوا اريد انكبرر
خذت محمد طفيتله الضوا وطلعت
كعدت بلمطبخ .. امي مثكله وجه والهول بي قتيبه
الفوك محتلينه قوات المغول ومن حجينه ابتلينه على عمرنا
شاهين .. اول مره تشتكي من احد وجعفر لعبت نفسي منه كل ماحجي اذبح واصلخ تالي تزيد مرته متنقص من حجيت وياهم
اشو طلع الحجي يختلف .. والمدام ماخذه حقها مربع ومطردتهم . اني صوجي من حاجيتها وكبرت راسها على اخوتي واهلي .. اعرف بيهن حطن فلفل وبهارات على الحجي بس اذا سكتتلها على هاي تسوي الاكبر .
حتى من شهدت وياها زينه سديت الموضوع مو بس لان ادري لا لان صارت حساسيه بالموضوع قتيبه وامي
يمامه ..نزلت زينه ها ولج هجروج
هههه اي طردونا شوفي حتى حميد ماشفعلي .اليوم
زينه هههه سوده عليه امشي لغرفتي
صعدت وياها لان تعبانه مو بس جسمي حتى روحي تعبت
بس طبيت حطيت محمد وبجيت .. المن جبتك للظيم والقهر
زينه كولي ياالله شبيج
تعبت زينه والله تعبت لشوكت لا الله ولاعباده راحميني
.استغفري ربج هاي انتي هيج تححين
استغفر الله لااعتراض على حكمك يارب
لج وين اروح والله لو الي احد ماابقه بهاي الذله .يوم ينصلح وياي وثاني يوم يرجع ذيج تقى لاعبه لعب طلعات وطبات ولبس .واني حسره عليه الطلعه . واذا طلعت يسويها عليه سوده ومصخمه ويطلعها من عيون الخلفوني
من يريد حقه .اامري احجي شتردين . وراها طز بيج .
زينه .لا مو لهاي الدرجه
لهاي الدرجه واكثر .. شفتي .من ضربني علمود التلفون كال ارجعي والبيت اخليه باسمج .كتله ماريد بس كرامتي تنحفظ
وينها كرامتي زينه يعيروني بلبسي واكلي . وتالي انلصم على حلكي .ولازم اسكت لا واعتذر وابرر للكل حتى خالتي وقتيبه كلبو عليه
زينه .. على كيفج يمعوده مو هيج . لايصير بيج شي سكتي حبيبتي .وبعد من انصحج شيلي النعال وركعيني
مو صوجج زينه اني ماعدي حظ ويا . يكلي احبج وهو يجرحني .ويأذيني
زينه . تحملي
مو ماكله ...تبن .. ومتحمله شبيدي
بس ياشاهين هذا حدي ويا ولج تعبت تعبت
شهكت .. محمد صرخ وياي .. خذته زينه .. كافي شبيج الولد تخبل .
افترت بي وهو على فد صرخه ..كتلها جيبي رضعته وسكت تمددت على الكاع
زينه ..كومي نامي على الجربايه .
.
لا هنا بس اطيني مخده وغطا انكتب علينه يوميه بمكان خلينه نتعلم على الكاع
.صدك تحجين يمامه ترا هواي ضخمتي الموضوع
سكتي زينه .. انتي متعرفين شي
نمت بلكاع ومقبلت حتى اخلي فراش جوايه بس محمد فرشتله الملحف مالته وغطيته وياي
شاهين . كعدت ب٢ ماكو يمي ومحمد ماكو . طلعت رحت لغرفة امي ماكو يمها .
بلهول قتيبه نايم وين راحت
صعدت لغرفة زينه شفتها نايمه بلكاع . نزلت . وللصبح مانمت
يمامه كعدت زينه بدلت تروح للدوام . ومحمد هم يكعد من وكت
زينه فديته اليضحك من الصبح ولك .. يخبش . كامت تاخذله صور . وسلفيات هي ويا
رايحه اني اعتبرو الغرفه غرفتكم عيثو فيها فسادا
مع السلامه
يمامه ..الله وياج .. الطابق الفوك مرتب مثل الارضي
بيه حمام خذت محمد غسلتله ورجعت للغرفه
بدلتله حفاظه ولبسته نفس ملابسه مبيهن شي ونمنا اني ويا .
شاهين نزلت زينه صباح الخير
جاوبتها
صباح النور كعدو جماعتج
.
زينه اي كاعدين طلعت امي سوت ريوك
. صاحت امي تعال تريك
شاهين ماشتهي يمه . لعبانه نفسي معدتي ثكيله
من القهر الله يساعدك وين حمودي ماكاعد شعجب
زعلانين فوك نامو
يا .اااا صدك عود
اي والله
شجاكم يمه
اني كتلها تطلع وزعلت
ميخالف . روح الها صالحهة خطيه
صعدت فتحت الباب نايمه هي وحمودي . كعدت يمهم بوسته
تمددت وراها وحضنتها . ماكو فاصله الاخت
خليت راسي بركبتها وايدي على خصرها رجليه على رجليها وغفيت .
كعدت على صوت حمودي يبجي قريب مني لكيتها كاعده ترضع بي . لزمت راسه ولعبت بشعره . هو باوعلي وضحك .. تعال باباتي .جريته منها نمت على ضهري وشلته لعبته يضحك ....سئلتها
ليش نمتي هنا ؟؟؟
ماحبينه نزعجك . مبين متريدنا
شاهين منيلج هذا الحجي كتلج طفي الضوا مكتلج طلعي
غدير وسام ))****
باقيه جان انطردت
شاهين . لابكيفج تطلعين حجي واخر مره تطلعين من الغرفه افتهمتي
يمامه .. سكتت خذت محمد ارضعه لان بجه
كومي نزلي
ماريد
شاهين لاتختبرين صبري كومي بلعيني والاغاتي
يمامه .. مانزل اريد انام مالي خلك
شاهين كمت وعتيتها حيل من ايدها حست حتى الاوتار تكطعت بايدي عاطت ومحمد صرخ وياها لطمتها على حلكها راشدي . . وخذته منها .
دقايق والكاج جوه لا وحق كفيل زينب اسحلج من شعرج على الدرج .
يمامه بقيت بالغرفه ابجي وبعدين نزلت ماريد ذني الحيايه يشمتن بيه
فتت للغرفه سبحت وبدلت لفيت راسي ونمت بعد لو يحترك البيت مالي شغل
شبعت بجي . كل مره يحلف ويعتذر ويرجع يضرب
انفتح الباب . وفات شايل صينيه بيها ريوك
كومي اكلي
باوعتله ودرت وجهي وين ابني
يم امي كومي اكلي واذا كلتي ماريد اعدلج البجم العوجته فوك
باوعتله لكيته يضحك . تقدم علييه جرني .. دفعته وبجيت وخر ايدي توجعني . شتريد تسكطني
حضني وباس راسي . الف مره اكلج لا تعاندين . ااذيج
يمامه .انت تسمي عناد .اني اعتبره احتاج اكون لوحدي وافكر . ممعاندتك ماريد اتواجد بمكان واحد وياك معناهة مطايقتك .. من ماريد اكل مو دلع ولا عناد معناهة وصلت لهنا ومامتحمله روحي مو الاكل عاد
شاهين ..هسه شتردين
ماريد .. فقدت الحق بلاختيار من زمان انت حدد شريد انام وياك بغرفه وحده بعد متضربني وتطردني وتفرض نفسك عليه اكل شوكت ميعجبك انام شوكت متريد
شاهين . ملاحضه نفسج شون تحجين وياي صايره
اي ملاحضه والبركه بيك . قتلت شكو احساس جوايه بكفخاتك
كعدت بلكاع .٠جريت الاكل حتى يسكت مني رغم لاطعم ولاريحه احس بي بس هيج سامعين بلي يدفعها بعصى
راح جاب محمد .. اني هلايام الصبح اسويله لب للصمون بجاي واوكله جبن شويه صفار البيض امرده حيل وانطي اله .
يباوع عليه يهمش يريد كلشي
عوفي لاتوكلي صمون وجاي اجيبله سريلايك
محاجيته اجه كعد بصفي . كال يمامه . ممتريك اني
قربتله الصينيه
متفوت اللكمه وانتي زعلانه
مزعلانه عادي تعودت على الاهانه والتكفخ وماحجي بعد وحتى تقى ونهاد خلي يدوسني بنعالتهن عليه بعد ماحجي
ولا تكول شحدهن واذبح واصلخ شفتك شسويت
جريت ابني وكمت طلعت غسلتله بره .
فاتت امي . باوعتلها كالت خلي شاهين يتريك ماله خلك ترا
جاوبتها كاعد ياكل . ورجعت للغرفه
لكيته يدخن . والاكل على حطته
تاكل لو اشيله
ماريد اتسمم شيلي
رحت للمطبخ . ذبيتهن وطلعت
تقى انتي هيه تعاي غسلي مواعينج جاوبتها
ليش انتي شنو شغلج لو بس للعلف
عفتها تلغي ورجعت للغرفه .انعل ابو بيتكم الذاليني بي
طبيت للغرفه كتله اريد تلفون ابويه
شاهين . شنووو تفضلتي
مثل ماسمعت اريد . تلفون ابويه . ذيج مرتك الي لكيتها ويا واحد تحجي مو اني جاي أطلع عقدك عليه
طفر . عليه من الجربايه وخنكني
شكلتي ولج بنت الكلب
لاتغلط .وتسب ابويه تريد تسب وتغلط روح طلع مراجلك على تقى مو تطبق قوانينكك براسي
كمت مادري الضرب منين يجي كل ضربه ورفسه اكول خلص روحي طلعت وتوعيني الضربه الوراها الى ان فقدت يمكن . مادري جرو مني .كل الي اسمعه بجي حمودي وغلطه الي مينلبس عليه هدوم كومي متبقين عندي طلعوها ماريدها
جرني قتيبه لغرفة امي شجاج خويه مو اكول عليج عاقله
كتله وديني لبيت مؤيد
كافي خويه اسكتي
طبت امي غلطت عليه وغمتني راح يموت ماكو مره شفت كلبه وريحت خاطره المتعوب متعوب الله لايطيجن
البيت انخبص صياحه رج البيت رج يريد بس يلكفني .وقتيبه مانعه عني كوه
شفت تلفون امي على الميز دكيت على لمياء كتلها تعاي انتي ومؤيد
شببج ولج
تعاي هسه
شويه صار هدؤ .اريد ابني طبت امي كالت كومي غسلي .حتى اجيب الولد ترضعينه فرفح الله يغضب عليكم
فتت للحمام صارت لويه بطني وحسيت دم نزل عليه
وجهي ضايعه معالمه يمكن من تزوجت لليوم نسيت شكلي الطبيعي ثوبي مشكك
لكيتها .واكفه باب الحمام امشي لغرفتج بدلي وطلعي هدوم لابنج وتعاي بساع كبل لايرجع
خذت ملابس النه وطلعت لكيت حمودي بغرفتها بس ساكت . .تلعب بي وئام ويضحك
رضعته ونام واني تمددت ويا جسمي كله يون
غفيت وكعدت على لويه قويه بطني
عصرت نفسي كوه ولميت رجليه عليها شويه راحت
طبت امي جابت صينيه الغدا حطتها كالت اكلي
سكتت .مليت من الحجي والوجع يحفر بروحي
اكلي لخاطر هذا الولد ولج يمه فكري بي بنفسج ليش هيج تخلينه يضربج هو مثل الجاهل يفتر وراج ماعرفتي تكسبينه . طردج من الغرفه .
وصعد وراج يريد يراضيج .. سوالج ريوك بايده واخذه الج ..
اكابله واكل . واعتب عليه ويعتب عليه بهدؤ وبينه شجاكم
يمامه ..صعد راضاني لو كفخني وفصخ ايدي
ياامراضات هاي التحجين بيهة
لوما معاندته ماضربج
ها حقه يعني يمه
لا مو حقه وما اقبله لاعبالج بس احجي عليج لا وهو هم غسلته غسل اثنينكم غلطانين وشمتو تقى والحيه نهيوه بيكم . ثيران مدري مطايه مادري الله منين خالقكم
عصرت وجهي الويه رجعت . امممممم
شبيج ولج
شنو المابيه حتى شعر راسي يوجعني
حيل بابو زايد ياخبله امداج . طلعت
سويت لمحمد شويه ثريد وكلته .ماكدر ارضعه
شربته سوب .. مسحتله بلمناديل
وخليته بلكاع يريد يلعب
حسيت اكو رطوبه زادت
هسه لو زينه تجي . انعصرت بالوجع هالمره وكام يزيد
وجفته دم نزلت عليه . لااكدر اكوم ولاابقه كاعده
طبت وئام ..كتلها صيحي بيبي ركض يتبع ..
💐💮🏵🌹🏵💮🌸🌸🌼🌼
مساء النور . اليوم النشر من وكت ولبارت طويل
هواي بنات دخلو انتقدو شخصيه شاهين قبل لاانشر القصه كتلكم هلقصه هواي بيها تعنيف وضرب .
يعني حضرتكم للاحداث .اما الي يطلب اغير الصوره فاني مااخلي اي صوره اواعتباط . لازم يكون شبيه او قريب للبطل وشكل شاهين مقارب للصوره ماكدر اغيرها .
الي تحس القصه بيها مبالغه او معاجبتها اكو قصص ثانيه اذا تحب تقراهم . تحملوني هاي اخر قصه اليه ان شاء الله ..... الدكتور منعني من الكتابه .بسبب تمزق الاربطه والتهاب المفصل