شجون العاشقين

الحلقه الثانيه

شجوون العاشقين
💕بقلمي يارا الياسري
مساء بعبق الشتاء وضوء الكمر .
اضغط تصويت قبل القراءه وشكرا 💞
لكل من يزور قصتي اول مرة لاتنسى
متابعه حسابي ..فضلا وليس،امرا ...

رادوني اعوفك وتعاندو وياي....
واني من اعاند حيل اعجبك؟؟؟
جبت ابره وفحم وفنك اسويت...
على كصتي وشم خطيـــــــــت
احــــــــــــــــــــــــــــــــــــــــــبك

ًــــــــــــــــــــــــــــــــــــــــــــــــــــــــــــــــــــــــــــــــــ
سميه...امنه عوفيني افكر،لا تزيديها عليه فدوه ...
ستوي اجيت اتمدد ونسمع صوت رمي طلقه وحده وبالحووش هووسه  وصياح ...اجيت اكووم بس دخت وكعدت بمكاني ..

امنه ..دكعدي كعدي اني اطلع اشووف ...شصاير ..
هذا صوت ابن عمج وعمامي ..وبالفعل كمت اشووف شصاير ..ونسمع عياطهم تقربت الاستقبال ..وامي واكفه تسنط للهوسه....

داخل الاستقبال ...
ابو سميه واخوانها. وعمامها وابن عمها لجان يريدها واربعه ثانين ...وكبت صياحهم ...

عمي وهو يحجي بصلابه وقوه. خوويه ابو كاظم تريد ننطرد من عشيرتنه يا سيد منطي بت للعامي
تريد ننزع عكلنه وبتنه للعامي نزوجها والك خويه تخبلت عقلك طار تخرب نسلنه. وتسوي كارثه ...
ما تدري  ليزوج بته  ينطيها لعامي سند طرده من عشيرته يوصله ثاني يووم. .وينفي .. ..

ابن عم سميه الجبير .عمو انقرضوا الساده خما انقرضوا واذ ماكو سيد ياخذها احنه مستعدين وزوجها على نسوانه اهم شي ماننطيها عامي لو تبقى معنسه واكبر دليل عمتي فاطمه لحد هاايوم عجزت وكبرت وماانطينها عامي. لان مااجاها سيد شني ياعمي ماتكلي تريد ننفضح ..وشيكولن سيد ال ..اول سيد انطى بته وانت معروف بالعشيرة وبين عشاير ااساده جا غير ننطرد وفرجه انصير ويتمسخرون علينه جا ها عمي. دباع لسيد عباس من انطه اخت عامي انطرد ومحد يحترمه بين الساده وشال من المحافظه بكبرها ...

ام سميه... وهي تلوب راحت لغرفته سميه هاي لردتيها يالجلحه اوويلي يمه وليداتي والج صخام ليصخمج. لو ميته ولا جاي هاليوم وج صخمتي وجهنه وحننطرد من العشيره والسبه انتي وج يا مدهوره ماتدرين ثوله ماعندج عقل وتفكرين نمشي ونكول العلوياتت ماينطنه عامي وماشيه من عهد جد جدج هسه حضرتج تردين تكسربن هالشي وتاخذين. عامي كسر خشوم وتكسرين وجوه اهلج واخوانج مااستحيتي شكالتج روحج من حبيتي ..واحد لاسيد ولا شي ..وج الله اكبر عليج ..

سميه ..يوم كاافي كافي حرام عليكم شكم بنيه ادمرت والله لان علوويه ماننطيها عامي شكم وحده ماتت وهي بنيه وبقى حلمها تتزوج ويصير طفل عدها ا بله شلون مااجاها سيد تبقى معنسه وهم الساده بكيفهم الهم حق ياخذ عاميه بس لان بنات مضلومات وخلي يطردون من العشيرة يعني لوي اذراع هي. مايخافوون الله من يكسرون بهالبنات ويعوفنهن شنووو ذنبهن يكبرنه ويموتنه. وهن بليه زواج والله شنووو علويه مااجاها سيد تبقى ماننطيها عامي ..شهااقانون يمته تخلصون وتفكون من هالكلام ...تضل العلويه مضلومه يعني ابتلت انولدت باسره ساده هذا وانتم تعرفون الله ورسوله وجدكم رسول الله وهيج تضلمون البنات ...

ام سميه ..انجبي الج لسانج شطوله بعد سبي ..

..سميه ..مااسب بس حجيت حقيقه .اختج لهاليوم ماتزوجت ليش شنوو ذنبها نسوان الاخو تعيرها معنسه شبيدها مو  عشر قسماا اجتها عوام شيصير لو اتزوجت عامي خايف الله مصلي صايم ..يعني بس السيد يصووم ويعرف الله ..

.بلحضتها امي بكل غضبها جابتني راجدي ...فرني

ام سميه ..الصمي ولسانج بحلكج مااسمعلج صوت ..

..وعافتني وطلعت بقيت انشاغ وابجي وهاي اول مره انضررب من امي كله عمرها ماتمد ايدها بابا محذرها لان مدلعه عنده. .بس انهانيت لان طلبت حقي وردت ارتبط بانسان تحبه ويحبني من اختياري لقاهرني ومدمرني رفضهم مو بس لان صبي لا اساس هم ماينطون الاسيد وكله الساده ماينطون عامي البنيه لبوها ينطيها ينطرد من العشيره هو اي ضلم بحق العلويات وانسكت عنه ..من سنين ..مسحت دموعي وكعدت على الجربايه بس على جمر كاعده منتظرة شيحجون ..تنقلي امنه الحجي ...

..ونسمع اشكال العياط وعصبيه وعمامي كومتهم كايمه ...منه للثنعش طلعوا ..اجت امنه تركض ..
خير،،شصار ختموهه بشنو ...

.امنه ..بابا عصب وعمو كله بس يوصل حجي للبقيه احتمال ننطرد من العشيرة بس بابا وكف بهيبته كللهم منو كلكم بتي اذ قبلت ليوم القيامه اتبرى منها ومااشوف خلقتها وماندري بعد شيصير ...

.اووف ياربي شهالاختبار والج امنه فهميني راح اموتت قهر وج احس سجينه وتندچ بقلبي ..متن يالهي ...

بقيت الوب حزن واسىء .بيومهه من كد التوتر كلهم نامو وتعبانين ...اني اريد بس فرصه اصعد بلكي الكى  توفيق كاعد ...فوك ...والساعه بتلث الفجررر بقيت كاعده. وعلى كيف صعدت. بسكته والخوف ذابحني  كتبت مرسال. بابا وافق. توفيق بس فدوه لاتخذلني  حطيت المرسال بعلاكه وصعدت وفوك لكيت اصبانه مال تصليح سيارت حطيتهه بالعلاكه حتى تثكل وشمررتها على سطحهم اكيد يصعد الصبح على امل يشوفني ..ونزلت لفيت روحي ونمت ..صبح الصبح واسمع الهووسه كابه وهالحجي بعدني مامنطيتهم موافقتي اني احب توفيق مااكدر اعووفه. الاهل خسارتهم صعبه. بس يسامحوني بيوم  مر اسبوع ويوميه هوسه وعمامي مخبوصين بس بابا تتصرف ابرود وادري بداخله بركان يغلي مني ويتمنى لو ميته ولا مسويه هااشي،بس احبه ...

توفيق. ..من صعدت وشفت مرسال سميه رجعت. لحيت على اهلي بس اهلي وكفوا ضدي ...

ابو توفيق .. لهنا و كافي بعد ..نريد نشوف اخرتها وياك تبقى راكض وره هالعلويه..والحليم تكفيها الاشاره هم عوام مسلمين ومنهم وبيهم ماينطونه لازم نحترم عاداتهم ...
ومنه وبكيفك احنه ننتقل للبصره يم عمامك وهالبيت  اناجره  ....وحتى محلات صياغه الذهب انقلهن هناك بويه وكلشي اعوفه واروح يم اهلي واخواني ..وانته بكيفك ...

توفيق ..يابه براحتك الله يوفقك وين ماتروح ..ماعارضتهم لان من زمان ابوي يدك ورايد يرجع لبصره يم اهله واجته الفرصه. وصفى اموره ابويه وخلال اسبوعين راحوا وبقيت اني بالبيت .. الي مفروض بس يستاجره انتقل لبيتي. الصغير .بقيت احاول حتى يرضون لان ابوها بعد حجي عمامها قلب وغير رائي وهالحجي يوصلني من بنيه جيران كبيره بالعمر .. ودزيت ناس على عمام سميه .وابوها ....فبعد معانات لتلث اشهر.  وافقوا .لكن حطوا شروط . رحت  ويه  وجان اكووو رجال  من المنطقه جبير بالعمر كال بويه اني اكفلك  ..واعتبرني ابوك وليدي واخذني ورحنالهم ..

..بطردها ومحد يعترف بيها. وشرط استسلم ووافقت لخاطر انجمع بيها عفت كولشي بالدنيا احبها واريدهه فاعلنت شهادتي ..

وتمت كدام. سيد جبير،بالمنطقه وناس كباريه ..ودخولي للاسلام ..ونطقي للشهاده ..وبنفس اليوم عقدت عليها. ...واتفاجات وراها بشوويه كام ابوها ...من كملنه عقد ودخلت جووه ...

.سميه .. خلصت عقدي واني،طايره من الفررحه بودي اركص  ..واشوف بابا لحكني ..اجيت دابوس ايده وخرها وحجه بقهرررر وصوت خانكته العبره ..

ابو سميه ..بويه امنه كوليلها تاخذ ملابسها وتروح ويه النكس  ومن هاليوم عتبته بيتي ماادوسها ومتبري منها دنيا واخره ...وسفه عليها تربيتي  تاليتها علمود نكس تتخلى عن عزوتها واهلها  وانتم واياشر على اخواني ليسالكم كلوله بسكته زفيناها ولو  ماتنضم فضيحتهه.....

سميه ..بابا اترجاك والدمعه بطرف عينها بابا فدوه انته كلبك جبير،بابا لا تسوي بيه هيج ..بس هيهات يسمعني عافني ودخل لغرفته وركع الباب بقووته ..نضرات الكل احتقار الا مهدي اجه باس راسي ...وكال صعدي لمي ملابسج ..لميتهم واني اشهك واشبك بامي واختي ..وامي تعاتب بيه ...

وج يوم ليش هيج،ليش،شيحملني بعدج مني وج سميه هديتي حيلي بفعلتج هاي ااااخ وج يمه. 

سميه. .ماما والله احبه مااكدر بليه ودخل بالاسلام بعد ليش هالعناد وواكفين بدربنه ...

ام سميه ..اووف وج يمه غير،عامي ومو سيد  ..

سميه يوم لاتنسيني ادعيلي وبست ايديها وابجي وشبكت امونه وكملت لمه كله اغراضي.. امنه راحت وشويه رجعت جايبه بيديها فستان ابيض طوويل مال عرسها ... متوره من فوك ويه طرحته ..هالفستان. مال عرسها بعرسها صادفت هوسه ووضع مامستقر فامي مااخذتها تفتر بيها وخيطلتها عند. الخياطه وبقى. الهه فجابت واجتلي ..

امنه ..جنت اتمنى ازفج بهلاهل سميه وكلنه نركص ونفرحلج بس،قدر الله و ما شاء فعل يا عمري هالفستان مالتي لبسي وفوتي لبيت زوجج كعروس،
ولبستنيه وعدلت شعري سوته كبايه وحطت ورد اكوو قبل صغار ابيض ومكيجت خفيف حمره حمره وكحله وبودره ومورد....

وراحت صاحت مهدي اخذ،الجنطه . وراها نزلني وباس راسي وحط بيدي فلوس وسلمني لتوفيق ووصاه عليه ..

..مهدي ..هاي امانه بركبتك عافت كلشي لخاطرك لا تخذلها وتكسر بيها وبعيونك خليها صوتها وحافظ عليها ...

توفيق ..الله يشهد بعيةني لخليها.  ...لايضلك بال ..

..سميه . بالسياره ..خجلانه وارجف ..

توفيق ..ابتسم لاتخافين ناجلها  السالفه  اهم شي اعصابج سمسمه ..

.سميه ..ساكته ..

توفيق ..اويلي عليج انوب مكياج  شطالعه حبي،اتمنيت ازفج بهوسه ورنه بس بعد شنسوي للساده طنكروا علينه ..

...سميه ..هههههه يكفيني وجودك ويايه شلي بالهوسه والناس ..

.توفيق ..ههههه احبج  ..

.سميه .واني بعد  وصلنه  لبيته. الصغير،لكيته مرتبه ومجهزه ومعدله. ..اول ماردت ادخل كال فوتي بيمينج ...  ياعروسه ...ولكيته مرتب ومزين من كدام دخلت  لكيت ميز مرتب عشه علي صفنت ..

..توفيق ..هاي مرة جيراني من درت بيه كالت اني ارتبلكيه واحضرلكم عشه ولمده اسبوع ادلعكم ياعرسان ...الله يكثر خيرها...

..سميه . بقيت واكفه وساكته .واباوع للبيت صغيروني بس مرتب اول مادخلنه هول واكو استقبال صغير وانوب صاله صغيره  ودرج من نصعد لغرفتي ... هو. نزع سترته.. وحطها على كعده عربيه بالهول واجه الي شالني. وصعدني وانفاسنه علت ...

حطني على السرير ...وكانت ليله من العمر ترجمت مشاعرنا واحساسينه وعشقنه ...ليله ماتنوصف. سرحنه اخذني بجنتات العشق الابدي تحت تاثيررر مشاعرررر وهمساااات صووووته  ..ماشعرت سوه بفررح وامان وسلمت نفسي لحبيبي وابو جهالي ..وراها خلصنه مااشتهيت اكل للصبح العشه بقى مكان ..  الصبح فزيت على دكه الباب ...بالفراش، مغطايه بالشرشف ...شوون اكووم

..فز توفيق ....بعيون النعاس...

..توفيق ..حبي ..منو..

سميه ..ما ادري حياتي ...

.توفيق كام باسني وهو يلبس بجامته حتى ينزل يشوف منووو .. راجعلج وردتي  امتص رحيقج..

..سميه .ايا نحله سامه هههه...

توفيق ..هههه هههه  بس يمج نحل انكلب امتص رحيقج ياورده جووريه ورجع اندك الباب بقوه ..

. الله ولحد اتغلش،الباب بس لاابوج صبح علينه دخليني انزل ....

سميه ...هههه ..نزل واني كعدت كبل لبست الروب مال نوم ابيض لكيته جايبه وحاط على الميز الي ..

ويم علبه مال مجوهرات فتحتها لكيت بيها طقم كولش حلو ابو اليرات القديم قبل اجه موديله ..فرحت بي ...وشويه وصعدلي ها حبي منو ..

..توفيق الجيران محضرات ريوك وجابت العجوز وباركلتي. يله نسبح حتى نتريك ...

..سميه. .بدلع اني اول ..

..هههه لاانتي ولا اني اثنين سووه. ..

سميه تريكنه وخلصنه واستمرت ايام زواجنه حلوه ومستقره وادوام وبلش توفيق يشتغل بصناعيه ويه حجي وتحسنت حالتنه  ومرت سنه على. زواجنه واشهر واحتفلنه بعيد زواجنه وافترينه بغداد ومتونسين وتوفيق غززل اربع وعشرين ساعه .. وبيوم داسوي الغده. .حسيت بلعيته نفس رحت اغسل واتقيىء ..

من اجه توفيق تغدينه وغسلنه ونمنه العصريه كلتله كال خير ان شاء الله ..وابتسم ثاني يوم اخذني للمستشفى وسوينه تحليلات ...

..وهنا احلىى خبرررر سمعته بحياتي ...اني حامل وتوفيق طااار من الفرح ....ومرت فتره حملي اتشهى. وبالدوام اتعب. وتوفيق خطيه ماتحملني يكلي لخاطر  لبطنج ...اصبر. ...

ومرت اشهر حملي سهله لان توفيق متفاهم ويايه وحاطني بعيونه ...

وباليله بسنه ١٩٨٩  صادف شهر  التاسع الجو بي بروده  وتوفيق بالشغل الساعه اربعه العصر صار لي اسبوعين من داخله بشهري. واني توجعت وبلشت تقلصات حملي ... لبست ملابس مرتبه  ولفيت ربطه هيج .. ورحت دكيت الباب على جيراننا الحايط على الحايط وبالكوه اتحرك فتحت المرة الباب واني كعدت كلتلها خاله لحكيني بعد مابيه الطفل طلع من جوه رجليه خطيه  تسمعها صاحت لزوجها ولبست جبه فوك ملابسها واتنخت جيراننا بسيارته اخذنه قبل امان وناس للناس.  واخذوني ..واول طفل ما اعرف شي ولا مجهزه شي غير،كم حضينه ولبسه    كلشي ماافهم محتاجه امي ساعتها تحضني وتكلي يمج اني لاتخافيت المرة ...

من دخلتني صالات الولاده كالت وج يمه نسينه انجيب جنيطتج ...  ...

..حصرتني بجيه فوك الوجع انقهرت ليش وحد عن البنات امي مو ويايه . اووف حسيت بالم باعصابي وراسي صدع من القهر ....والله جاب الدكتورة تفحصني. ..وطار الموضوع .....

..الدكتورة ..انتي بجر مو لاتخافين عندج توسع شوويه تمشي منه لساعه تولدين ...

..كومتني الحجيه تمشيني بالصاله وشفنه مرة جبيره  بتها  دتطلك ...المرة ..كلتلها ...

حجيه اخيتي ..السلام عليكم عيوني. بعد روحي هالبنيه واتاشر عليه بجر وعلويه هي  وباستعجال طلعنه كلشي ماجابت وحايرين الولد  الطفل ...وتعرفين ...

المره بطيبه قبل رغم الناس حالتهم بيها صعوبه بس ناس تساعد ناس وترحم بغيرها  المرة كالت تدلل العلويه اريد من بركتها  يكوم بنيتي ..وطلعت داشدشه وحضينه. وكماط وكالت ذني،يمه اخذيهن واندعيلي ...مشاعري اتاثرت بستها على راسها كلتلها الله يكوملج بنتج بخير وسلامه ...

منه لوره ساعه بدت حمم الطلوك عندي والالم مثل حمم بركانيه واصررخ واتنفس والممرضه تعيط بالف الم والم وخوفه ولدت نووراس، وبس انولدت فقدت من تعب الطلووك ..والمممرضه كالت صلاوات صلاوات شهالكمرررررر اجته كمر مو بنيه على ابنها حمروايه  ...ووجهه عريض ..اني تعبت كوولش،فرحت بيها اول فررحه النه ...اخذتها الحجيه ولفتها وهي تسمي ...وابممرضه حطتني على جربايه بغرفهةبيها بس الي والدت الحجيه ...

.حطت البنيه بحضني وكالت تروح ابشر زوجج اكيد اجه ....

..ورة ساعتين ..ومكمل توفيق بيانها ومسميها نوراس  متفقين اذ،بنيه نوراس،واذ،ولد على اسم ابوي ...

.وطلعنه وخطيه الجيران وكفين وكفه ويانه هالطيبه جيل الطيبين ماكو منها. وصلنه وجو بي بروده وكت الليل ...والحجيه ماقصرت دفتني. وكمطت الطفل ومن شافت ماجايبه شي الا شكم حضينه وملبس . .

كالت يمه لو حاجيه اني اجهزلج ...ولايهمج باجر من الصبح اروح للسوك. ..وتوفيق مارضى حلف لف يمين الا ينطيها فلوس ... .....

..وراها بنص ساعه اندك الباب ..ابن الحجيه خطيه  بناتها طابخات ومسويتلي اكل دافي  وشوربه ..

وعشتني وكملت ودفتني وكالت هاليله اضل يمج وباجر  ...اصبح على جنايني .....

...وراها نامت يمي وتوفيق. جووه بالصاله ..ونمت غفيت .....لهناك سمعت طكطك ...وفتحت باب غررفتي. فززيت اشووفها دنيا الصبح ...وانصدمت من شفتها كددامي فتحت عيووني بووسعهن ....اجااابج ..

يتبع ..

لقلوبكم السعاده