الحكيمة المجنونة

ثارتيييييييييي سيييكس

هالاااااوز

ناضت مريم راحت تدير لغدا حتى تحس بعبد موراها دنقت ماكاين والو ولات كملت شغلها و هي تغني مع الاغنية تاع sinsirella أوب تنوض تضحك ياس. الموصيبة تاع ليث ناض يدغدغ فيها مريم ماجات تهدر و تقوللو اخطيني حتى تقيسو بالموس بسك كانت تقطع ، ليث نحا يدو طوول مريم طيشت الموس من يدها راحت حكمت يدو شافتو جرح ميش كبير ولات راحت جابت لابوات فارماسي دارتلو شوي الكول

ليث : اححح حرقتيني

مريم : تستاهل بسك عمبالك راني نقطع و جاي كي الفحل تدغدغ فيا هههههههه

ليث : بييي نتي باردة صح كون وحدة اخرى كون راهي مخلوعة ولا تبكي ونتي تقوشي راكي تلعبي برك

مريم : لازم البرودة من درك بسك لي تبكي و تخلع ماتكون طبيبة {احم احم ديجا ضمنت الخدمة } اصلا ماصرالك والو لاه راك توحوح عند راسي يخي مشونع يخي ( مشونع = لي مايحب حتى حاجة تقيسو ولا عبد يهدر معاه صفة الاطفال ) ليث قرصها

مريم : ايييي نحي يدك

ليث : و كون ماننحيش

مريم : هممم ،تحوس نكمللك يدك واقيلا

طلقها ليث و قاللها : لالا نتي مانريسكيش معاك نعرفك تديريها

مريم : مالا طير درك خليني نكمل شغلي راهم قريب يلحقو و انا ماخلصت والو

ليث : تحيري والله ، لاتية بأهلي و ناسيتني انا

مريم راحت تكمل خدمتها : واش نديرلك يا افندي

ليث : مادرتيليش نفطر

مريم : نظن عندك يدين الله يبارك لوحدة اكثر من وجهي و اصلا كلش واجد

ليث : عيب عليك تخلي راجلك يدير فطورو وحدو

مريم تفكرت هدرة لبارح قالتلو : بيانسير مانخليش راجلي يدير فطورو وحدو مي نتا ماكش راجلي ماتنساش ، و بعدت راحت تجبد لحوايج

ليث شمها حامضة تفكر هدرتو ماحبش يزيد عليها ولى دار فطر غسل كاسو و قاللها راني لفوق كشما تسحقي ولا

كملت مريم توجد دارت شربة + بوراك(سخفت عليه ) + طاجين الجبن ( و دي بلا اذا حبيتو تزيدو معليش لكم الحرية ههه) ماننساوش ديسار دارت صالاد دو فروي + تيراميسو ( ميش تاع ام وليد خخخخ ) المهم كفاها الوقت الحمد لله مي هي خلصت نحات الطابلية و تسمع لاصونات مافهمت تروح تحل مافهمت تبدل قشها مالقاتش واش تدير جات راح تطلع تشوف ليث هبط

ليث : روحي البسي و ديري خيمار بسك كاين رجالة

مريم طلعت طول ماريبونداتلوش مي قعدت تخمم شكون الرجال هادو ياك ماعندوش خوه ولا و امين مايجيش معاهم

راحت لبست هكذا

الخيمار   في النوار

نقدرو نقولو طولت شوي لمزية ليث سلكها قاللهم كانت تتدوش [ مريم : لغدا دارتو ناناك يخي] ولات هبطت تلقاهم قاعدين في صالون سلمت عليهم اوكل ماعدا امين و واحد ماعرفاتوش ( اللي هو فؤاد ولد خالة ليث ) هدرت معاهم برك تاع سلام سافا ، ليث عجبو الحال لأسباب مجهولة بسك ماسلمتش حتى ما بونجرتش عليهم

قعدت معاهم شوي ولات ناضت للكوزينة جات تنوض نجوى قالتلها ريحي برك نضرب طلة ونجي

راحت ستيكات السلاطة و وجدت لماعن ، زادت شوي ناضت توجد في الطابلة حطت كلش و عيطتلهم لقاو الدنيا بيرفكت قعدو تغداو سميرة و ليلى يشكرو في الماكلة و يعاودو مريم حست روحها شييف بوراك هههه مبعدا هزت لماعن و داتلهم ديسار و راحت تغسلهم هي و نجوى اومامتون يتعرفو على بعضاهم مريم هي اجتماعية . صح مع الاول تحشم مي تعرف تجبد لعباد ليها هي هكذ

كي خلصو لقاو النسا طلعو للشبه صالون هو صالون صغيرون لفوق قاعدين و الرجالة قعدو التحت هوما دخلو و سمرة سكتت و دنقت فيهم راحو قعدو مريم ماعرفت واش تدير يااس جا هاداك السكات السامط + الغاشي اوكل يدنق فيها مما سبب احمرار خدودها وجوه التبهدايل مي اكييد لازم يتقطع هاداك السكوت و كوغار ماتقطعش

سميرة : اهاه مريم عجبك الحال لهنا عمبالي مزلتي ماوالفتيش مي واش راح تديري هادي هي الدنيا

مريم : ااه هيه الحمد لله . ويي عندك الحق

سميرة : اهاه و ليث كيفاه راه معاك

مريم (ايي والله شتي كي بدا الحياء يطير هالاه اصحبي واش درتلك ) : لاباس الحمد لله

ناضو يضحكو مود سيلونس ومريم هبطت راسها تسكاني في الارض لاعوش بدات تتحل

ليلى : مريومة نتي عندك اختك ياك

مريم : هيه جوري متزوجة و عندها طفل

ليلى : اااا يسما طفرت في فؤاد

مريم فهمت بلي تحوس تخطبلو مي دارت روحها مونقول و تبسمتلها راح بالها لماريا ههههههه

المهم نعقبو الهدرة و التبلبيل هاداك بعدما شربو القهوة فهمو رواحهم و قررو يروحو مريم بعدما خرجو راحت ديراكت نحات جد الخيمار و الروبة لبست بيجاما راحت تغسل لماعن تاع القهوة كي خلصت لقات ليث مريح في الصالون جات طالعة عيطلها

مريم : ويي

ليث : مرسييييييي

مريم: علاواه

ليث: على كلش . الغدا لي درتيه على هدرتك و وقفتك معايا خليتيهم غير يشكرو فيك مرسيييي بزاف ماكنتش متوقع هكدا

مريم : كيفاه كنت متوقع ندير

ليث : مانعرف اتفه حاجة ماتهدري معاهم كي العباد ولا ماديريلهمش حاجة مليحة . ماتقوليلهمش بلي رانا عايشين بيان

مريم : صديقي انا بنت اصل و فاميلية رباوني على اكرام الضيف الله لاكان عدوي و اصلا انا النهار الاول مديتلك كلمة ميش كل يوم نعاودو الهدرة فهمت . جيست حاجة منا و جاي احسن الظن و ماتديرش احكام مسبقة على حاجة ماتعرفهاش

ليث : ويي عندك الحق

مريم شافت الجو بدا يتكهرب قالتلو : انا ديما عندي الحق - وبدات تمسح على كتفها

ليث : متواضعة بسلامتك

مريم: اي ناااو و درك راني رايحة نريح شوي

ليث : كاين لعشا ولا نجيب

مريم : نن كاين

طلعت لشمبرتها حلت شعرها و راحت طيشت روحها على السرير قعدت تتفرج في مسلسلها ف أمان الله حتى يزدم عليها ليث مريم تنشعت سقمت روحها طوول و قالتلو

مريم : نظن ماتعرفش تطبطب عى الباب كي العباد

ليث :اييي ديزولي نسيت والفت ندخل وين نحب

مريم : هاد الشمبرة تبدلت ماهيش تاعك

ليث : صح و درك لاه جيت ايه جيت نقوللك توجدي روحك ربع ساعة اهبطي اوك

مريم :ااااع لاااااه ، مانجييييش روح وحدك

ليث : ماعمبالكش حتى وين رايحين

مريم : مام تكون بلاسة فيها ماكلة قصدي منظر مليح مانجيش ياو من فجر ربي و انا واقفة

ليث : هايااااا برك و كي تروحي راح تفهمي بزااف حوايج

مريم : مثلا

ليث : راح تتلاقاي بلي كان السبة في تعرفنا

مريم تمتمت ~ لي يسمع يقول دار انجاز ~ : هاد العبد بالذات ميش حابة نشوفو

ليث : علاااه مي كون ميش هو كون ماكيش لهنا و هو لي راح يقوم بينا لهنا

مريم~ تقوشي لاقا لقلوب لبعضاهم ~ : ليث من اللخر اذا عدت مزروب غير سهل من درك انا مانيش جاية من اللخر

ليث : مي....

مريم : نن

ليث : شوفي هاد الخطرة برك و مبعدا والله مانسيف عليك تروحي معايا لاي بلاسة تعيشيييي هاني نحاول فيك ياالرب لاه للدرجة هادي مانسوا عندك والو

مريم : ههه لاه انا نسوا عندك ، كون جيت نسوا عندك ماتخرجني و تنعت فيا للرجالة

ليث : مريم ماتخلطيش الهدرة + هادا ماهوش واحد منا ولا منهيه و تاني هو لي راح يتهلا فيك في غيابي

مريم : نجي مي تخرجلي عفسة منا ولا منا ماتحاسبنيش فهمت

ليث : اوك ازربي البسي

راح و هي ناضت لبست قشها و خرجت لقاتو في الطوموبيل يستنا راحو طريق طول و هوما ساكتين حتى وصلو قبل ماتهبط حكمها ليث

ليث : اهدري نورمال ماتقعديش ساكتة و ماتتحنزريش فيه تعيشي

مريم : اوك أوامر اخرى

ليث : يامرييييييم

هبطت و هو لحقها هاداوين باه تولهت بلي لحقو لشركة صغيرونة ( تشفاو على الشركة الصغيرة واش فيها يعني انا وما شفيتش سو عقبو برك  ) حكملها يدها هي حست تريسيتي حكمتها هو يمشي و هي تتبع ( تبع و قول بعع ) قعدو يمشيو حتان وصلو لوحد البيرو جاي في طرف الدنيا وحدو طبطبو و دخلو قابلهم راجل ابيبري 45 سنة ولا ليث سلم عليه اما مريم لاحت السلام برك  و قعدت  نطق الراجل هاداك دايفيد (اذا تشفاو مالغري مستحيل تشفاو انا لولة نسيتو ماعدا خداوج ذاكرتها خمسة و سبوع عليها ) هلاا ا بيكم مرة ثانية -اين انجلش تبعاا_ و دار لمريم 

دايفيد : سمعت بلي حابة تكملي قرايتك و تولي طبيبة

مريم : هيه ان شاء الله

دايفيد : بما انو ليث عزيز عليا بزاف و خدم معايا ميش عام ميش زوج اعوام سوو حبيت انو نردلو على الاقل شوي من اتعابو

مريم مافهمتش : اهاه وانا لاه

دايفيد : نظن ماحكالكش ليث عليا ههه معليه المهم انا عندي  فروع من مستشفيات***** وليث كان ديما واقف معايا تقدري تقولي ذراعي الايمن مي مؤخرا بعثتو للجزائر و نظن درت مليح مالغري ضميري مزال يانبني لدرك .  احم واش رايك تجي كل اسبوع لواحد من المشافي و تديري جولة  مع اي طبيب في اي تخصص لي تحبيه و تقدري تدي نصائح منهم تاني يعاونوك و مستقبلا تولي تديري دوراتك التدريبية عندنا و اذا قبلتي تولي طبيبة معانا  و راح يعاونوك اوكل حتى ابني

مريم تشوكات اشهر سبيطار المدير تاعو عرض عليها  عرض هكذ دنقت في ليث لقات ملامحو باردين مافهمتش ولات دورت راسها كانت راح تقبل هي حلت فمها سبقها ليث : ثاانكيوو سيير على العرض درك نخممو فيه و غدوة نقلبولك الخبر بسك عمبالي مريم راهي متفاجئة -افتجاءت ههه- نخليوك درك

دايفيد : نن اصبرو شوي درك يلحق بني و اتعرفو عليه اسمو....

.....  : جونسون *** اوووو ميستر ليث لي راه هنا ويلكووم 

ليث قلب عينيه و بونجر عليه مي جونسون تحضنو مريم مزالت قاعدة عرفت بلي ليث مايشمش في الجونسون هادا المهم كي خلص الدراما تاعو راح جيهة مريم  السيد زادم يتحضنها طول مي قابلاتو يدها لي حبساتو في نص الطريق  : نايس تو ميت يوو مستر جونسون

فهم روحو بلي تم حرقه بنجاح  ليث قعد يضحكو قعد هاداك الشومبوا في بلاسة توال ليث و مبعدا ناض كي لحقو ميساج خرج طوول و زاد موراه ليث و مريم ودعو دايفيد و لحقوه 

هوما يمشيو في امان الله حتى مريم تييبس ليث حس بيها ماهيش تمشي توالو دار ولى ليها 

ليث  : واش بيك مريم

مريم  : راك تشوف واش راني نشوف 

دار ليث شاف جونسون واقف مع واحد مايعرفوش 

ليث  : تعرفيه لي معا جونسون 

مريم  : .............

هااااااااااااااااااااااااااااااااااااااااااااااااي

صوووووووووووووووري على  التاخر مي بالسييييييييييييييييف باه عقبو الهم تاع الاختبارات و الويكاند هادا ديتو راحة المهم

واش راكووووووووووووووووووووووووووووووم واش احوااااااااالكووووم ان شاء الله تكونو خدمتو شوي 

 واش رايكم في البارت لي راني حاساتو مايشبه لوالو مي عقبو برك المهم النية

رايكم 

توقعاتكم

هاد البارت درتو برعاية جونسون خخخخخخخخخخخخخ 

اي نسقسيكم ندير تصاور تاع القش ولا ماكالاه

ايا دمتم