لحدي ما في يوم كتب اسمو في الحلقه البنزلها كل مره...لمن شفت اسم وليد اصلو ما صدقت ،وقلت معقوله طيب هو ليه م حصل حكى لي عنها ...مشيت اليوم عادي لحدي م خلصت ..وجيت طالعه شايفه ليك وليد والناس ملمومه حولو ...وشغال يحكي ليهم عن القصه وما ادراك وشنو ..قلت مافي داعي امشي اقعد معاهو لانو حيكون اصلا نا فاضي والناس ديل يقعدو يتكلمو وبتاع ..احسن امشي اطلع
البيت وفعلا مشيت..اول م وصلت لقيت ليك البيت ملان ناس والعربات واقفه برا ،دخلت سلمت علي خالاتي واولادهم وامي قلت ليها في شنو قالت لي مزمل رجع من السفر،قلت ليها ايوااا وانا في نفسي قلت الكريه دا الرجعو شنو ،مشيت استحميت وقفلت باب الغرفه ورقدت نمت ،صحيت م واعيه زاتو طلعت برا ما لقيت زول ،دخلت شربت لي مويه وقلت اخت لي حاجه اكلها ،سمعت لي كركبه كدا وقبلت وراي مزمل حضني ،مشتااقين ي دبه يااخ السنه كلها تاكلي وشغال يجضم فيني وانا بس بعاين ليه،عاين لي كداوقاللي يامسيخه سنه كامله م قلتي اخوي دا اضرب اشوف احوالو شنو ،قلت ليه م انت عارف براك الجامعه والتعب وكدا،قال لي م مشكله ي ستي عازرك،اها تعالي احكي لي الحاصل عليك كلو والجامعه ،قلت ليه بمساخه كدا
،عاين لي ي مزمل انا ما فاضيه ليك اسي وبكره عندي جامعه وتعبانه ماشه انووم،وفكيت يدي ومشيت ،وهو واقف بعاين لي،سامعه امي بتقول ليه بتكون زهجانه ساي خليها،دخلت وقاعده بفكر ليه قلت ليه كدا،ياخ ما قادره بالجد بكرهم هم السبب في اللي انا فيهو دا ،اثناء م بفكر كدا ضرب لي وليد قلت داكمان مالو معانا ،داير شنو،تاني ضرب لي حتى رديت،الو اي ي نون كيفك،قلت ليه ،كيف انت،الحمدلله
قبيل شفتك لمن جيتي مالك م قعدتي
قلت ليه ساي بس م بحب التجمعات
قال لي ايووا ،وانا ..
قلت ليه انت مالك
ما بتحبيني
قلت ليه وليدعاين م تعمللي درامات ،عاوز شنو..قال لي اهدي اهدي بهظر معاك انا ههه،المهم ي ستي بكره عازمك انا...
قلت ليه لشنو يعني ،قال لي انتي مالك بس صحبتي وعاوز اعزمك...قلت ليه اوك يلا سلام لبكره...
سلام...
بعدقفل قلت هه شكلو حنكو زيي الباقيين واكيد عاوزني في حاجه...مامشكله يلا تمت الناقصه...
صحيت الصباح اتظبط وقشرت...طلعت. لقيت امي ومزمل بشربو في الشاي صبحت عليهم بطرف لساني وشلت القروش،مزمل قال. اقعدي اشربي الشاي قلت ليه وانا في الباب نا عاوزه اتاخرت علي الجامعه،ومشيت فووو طوالي...
اول ما وصلت الجامعه مشيت لشلتي وقاعده معاهم كدا حسيتهم.م طبيعيات لكن قلت ماف شي ،وشايفه ليك كل ما يجي زول ماري يعاين لي ما استغربت قلت احتمال عجبتووللاحاجه،لكن برضو الوضع ما عجبني،قمت سألتهم قلت ليهم هوي انتو في شنو بتعاينو لي كدا ،قالو لي يعني ما عارفه،قلت ليهم عارفه شنو،قالو لي انك طلعتي بطله القصه،اي قصه ،قالو لي قصه وليدوقعدو يضحكو،قمت ردحت ليك فيهم لمن عرفو حاجه ومشيت خليتهن،ساكتين،طلعت طوالي وضربت لوليد انت وين قال لي وراك ،قبلت لقيتو وراي وجاي مبتسم ،صباح الخير،قلت ما باين الخير تسمح توريني دا شنو البحصل دا وقصه شنو وشغاله اكورك،جراني من يدي وقال لي اهدي ي مرام في شنو ي
عايني ارح.معاي وانا اصلا عاوز احكي ليك لو صبرتي تمام،قلت فك يدي الاول وبعدين ارح وين كمان،قال لي مرااام انتي جنيتي وللا شنو يا بنت ،انا مش قلت ليك عازمك،وبعدين دا شنو الاسلوب البتتكلمي بيهو دا اللي ماشين وين خاطفك انا ي بت الناس،وانا بس بعاين ليه،اوووف ارح ي مرام خلينا نمشي بالله واناحاحكي ليك برواقه،طلعنا على العربيه ومشينا وطول الطريق بحاول يتكلم معاي وانا برد باختصار شديد لانو بالجد زهجانه...
وصلنا طلب لينا اتنين عصير ،قعدنا. شويه كداّ.قام قال لي انا عارفك حتكوني زعلانه مني بس صدقيني ما قاصد،انا كنت عاوز احكيليك برواقه بس انتي عرفتي قبل ما اوريك،قلت ليه احكي انا سامعاك،
قاللي بغض النظر عن اي شي ي مرام...
وسكت شويه..انا عاوزك تسمعيني للآخر...
قال لي انا ي مرام بعرفك من زمان من قبل ماتعرفيني ،من اول ما نزلنا الجامعه اظنك زاتو ماكنتي بتلاحظي لي،كنت معجب بشخصيتك جدا بس بتحاشى اتعامل معاك لانك كنتي صعبه وما عندك علاقه بزول،ما عارف شنو الطرأ عليك فجأه غيرك كدا(انا جملتو دي وجعتني جووا قلبي وابتسمت بالجمبه ) المهم ي ستي ،م كنت عارف اصلك او اجي اسألك ،سألت شلتك القديمه منك وحكو لي انك. بقيتي منعزله عن الناس من يوم وفاه الوالد الله يرحمه.وحكو لي انك وسكت...
قلت ليه هه اني بقيت كعبه صاح..
بس. انا م صدقتهم ي مرام ،عشان كدا بقيت اتقرب منك،وكنت في كل مره بكتشف فيك حاجات أجمل. معظم الناس ما عارفنها وبقيت اكتب عنك في الجريدة دي،كنوع من الفضفضه لانو م كنت قادر اعترف ليكي،لكن لقيت انو كل. الناس حبت القصه وبقو متابعنها اكتر مني،فبقيت اكتب اكتر واكترلحدي ما في يوم قررت خلاص اني لازم اكتب اسمي ،كنت كاتب زول مجهول،وزول واحد بس عارف اني كاتب القصه دي صحبي الوحيد،لكن اسي كل الناس عرفت ،وبقى عندي معارف كتار واصحاب كتار من.زي زمان ما.كان في زول شايفني اصلا،الكلاااام دا كلوو بسببك انتي يا مرام انتي غيرتي حياتي وبقيتي ليهامعنى، بتمنى ي مرام تفهميني انا ما زول بتاع لعب وللا الهبل الحاصل الايام دي صدقيني انا جادي معاكي،وو..
رفعت راسي وقاطعتو وقلت ليه ،انا بنت ما كويسه ي وليد كل اللي سمعتو عني صااح،وبقيت ببكي ما عارفه ببكي ليه مع اني عارفه الحقيقه دي بس عمري ما اعترفت بيها،مسك لي يدي وما عرفتو بقوي فيني وللا في نفسو لانوواضحه عليهو الصدمه،وقال لي احكي انا معاكي وسامعك وصدقيني اي حاجه حتقوليها لي عمرها ما حتغير من شي انا صحبك وحأظل صحبك،للآخر،كلامو دا شويه طمني مع اني كنت خايفه افقدو لانو الوحيد الصاحبني من غير م يكون عندو غرض مني ،
...
مسحت دمووعي وبقيت بحكي وبحكي وبحكي حكيت ليهو عن كل شي عن كل اللي مريت بيهو ومن بين كل الساعات دي ما قاطعني وللا مل مني....لحدي ما انتهيت وهو مبتسم لي..
وبعاين لي بحنيه ،قال لي انتي عارفه..
قلت ليهو عارفه شنو كنت مفتكراهو حينبذني،
قال لي انك قويه ي مرام..ردو دا صدمني..قال لي م تتخلعي..بالفعل انتي قويه ،لانك اتحملتي كل الحصل ليك دا ،بس برضو ضعيفه،عارفه ليه،لانك دمرتي نفسك،لانو جاتك الفرصه عشان تتوبي وتصلحي نفسك ،خليتيها بدل المره ألف ،انتي صاح اتألمتي ي مرام لكن م اتعلمتي،وما فهمتي،انو دا كان اختبار من ربنا عشان يشووفك.حتعملي شنو هل حتصبري وللا لأ،حتختاري التوبه وللا والضلال حترجعي ليهو عشان يقويك وللا لأ،دا كلووخلينا منو ،اكبر غلط ارتكبتيهو في حقك نفسك...
ما بين دموعي قلت ليهو شنو...
قال لي
انك عمرك ما لمتي نفسك وللاقلتي الحاجه دي حصلت لي لاني انا اخترت كدا لاني انا عملت كدا....
دا اكبر غلط،عشان كدا م عرفتي تتغيري للاحسن لانك م واجهتي نفسك،وانا معاك انو اهلك برضو عاملوك بطريقه سيئه ،لكن دا من خوفهم عليك صاح اسلوبهم كان كلو غلط في غلط ،لكن لانو. هم اكبر. منك وشايفين البلاوي الحاصله قدامهم قدر شنو،وعاوزين يحموك لكن هم في الاصل ضيعووك وهم ما عارفين،وسكت اتخيلو ،لمن رفعت راسي لقيتو ببكي،هه وليد ببكي ،انا قلت ببكي عشان احب وحده زيي،،عشان كدا قلت ليهو يلا نمشي...
ما رد علي مسك يدي شديد وعاين لي شديييد،قال لي اوعي تكوني فاكره اني ببكي عشان حبيتك لأ،ببكي عشان ما عارف اخفف وجعك دا كيف،عشان ما عارف اعمل شنو بالضبط،قلت ليه الله يرضى عليك م تعمل شي وخلينا نمشي من هنا ي وليد انا م مرتاحه وما قادره ...
بعديها طلعنا طوالي ،ووصلني البيت،اول م.نزلت شفت مزمل بعاين لي قلت خلاص اصلا دا الناقصني باقي اليوم دا ..قام وليد نزل ومشى سلم عليهو وما عارفه قال لي شنو وجو الاتنين علي ومزمل مبتسم قال لي اسي بقيتي كيف،ما كان تضربي لي اجي اسوقك اسي انتي كيف،عاينت لوليد غمز لي،قلت لمزمل ،لا بقيت كويس الحمدلله سلم على وليد وقال ليه شكرا ليك ي ابو الشباب تعبناك معانا،وليد قال ليهو لا لا معقوله ياخي دي اختي انا برضو يلا سلام،لا لا لازم تنزل تتغدا معانا،وليد قال ليهو مره تانيه مستعجل والله تسلم...السلام عليكم وعليكم السلام..
لحدي مشى،دخلت جوا جابو لي الاكل امي قالت لي مالك،مزمل قال ليها تعبت وجاها هبوط عشان كدا وليد جابها البيت،قالت لي يحليك ي بتي م ترهقي نفسك شديد،وانا مستغربه طبعامن كل الحنيه دي وهم كيف فجأه اتغيرو كدا وللا هم من زمان كدا واناما.ملاحظه،ما قدرت اكل ،ومشيت دخلت غرفتي بفكر لحدي ما.نمت..وصحيت على صوت التلفون،عاينت لقيت جمبي في كج عصير ..ومغطيني بي بطانيه شويه وجاني مزمل اطمن علي ومشى وقال لي خلي بالك.من نفسك تاني،...
دا كلو وانا مستغربه وقلبي دا واجعني شديييد😖...
...شويه.كدا ورجع لي وليد...
#يتبع