واحنا راجعين على البيت...وبنتونس وبنضحك...فجاه اشووف ليك مزمل جاي علينا من هناك انا م عرفت اعمل شنو بس بقيت واقفه وكان غضبان،جاء علينا مصعب سلم عليهو كيف يا أبو الشباب،ما رد عليهو وقال لي بتعملو في شنو معاهو ي نوون😠وكنتي وين،م قدرت ارد طبعا والدموع خلاص اتجمعت في عيوني،مصعب قال ليهو دقايق بس ي مزمل انا اختم زي اختي اول شي ،ولاقيتها اسي وهي راجعه سلمت عليها وسألتها من الاحوال وبس مافي حاجه وي سيدي انامتأسف،مزمل بقى ماسكو من قميصو اسمع هنا ي زول اختي اووعك تقرب منها فاااهم ،وانتي امشي البيت سريع حسابي معاك بعدين ..رجعت البيت وانا برجف لقيت اني قاعدة اول م دخلت قالت لي عملتي ياتو مصيبه ي وش الشوم،قلت ليها م عملت شي ي امي مزمل في اللحظه دي كان فتح الباب ودالشارع وضربو وجاء داخل قبل م اقول اي اداني كف وبقت امي تكورك في شنو عملت شنو ي مزمل ،تاتي رفعني واداني كف بتحومي من وراي اااه وبقى يضرب فيني ،بتك ي هانم لافه ولقيتها اسي م ود الحله ،انا انا اختي يقولو لي عاين ليها ااا وماسكني من شعري وانا بس ببكي وبقول ليهو فكني وبنادي في امي عشان تنجدني لكن بقت واقفه معاهو ،حسسسك عينك ااني القاك وااقفه معاه ساي فاهمه واداني كف تاني رماني في الواطه ومشى،وانا بس راقدة وببكي وامي م كلفت نفسها ترفعني من الواطه لحدي م قمت براي، مشيت غرفتي ،وكل ما ابكي كرهي ليهم بزيد زيادة،..قعدت على الحال دا لحدي بالليل لمن ابوي جاء وسامعاهو برا بكورك في ناس امي وشويه وجاني قلت خلاص حيضربني هو زاتو،لمن جاء قعد جمبي قلا ليها بابا انا ما عملت شي،بقى بمسح لي في شعري قال لي تعالي تعالي انا عارفك ي بتي ما بتعملي حاجه غلط،لكن اخوك بس خايف عليك وما عرف يتصرف كويس هو غلطان انا عارف لكن اخوك بريدك ما تزعلي منو،يلا اسي قوومي غسلي وشك،وماف تزعلي في زول عسل كدا وعندو جضووم بزعل ،بقى يجضمني ويضحك فيني،جاب لي سندوتش وعصير...اكلت وانا مبسووطه وبدعي ربنا انو يخلي ابوي ويحفظو...بعد شويه كدا ضرب مصعب ،قال لي انتي كيفك اسي قلت ليهو كويسه ،قال لي انا ٱسف ما كنت عاوز اعمل ليك مشاكل ،قلت ليه لا عادي ماف شي،ي مرام انا عاوز اعترف ليك بحاجه عارف م وقتت بس صدقيني ما قادر،قلا ليهو قول ،صن شويه كدا وقال لي انا ي مرام بحبك،هجمني طبعا صاح كنت بحسو معحب بي لكن قلت اكيد م بحبني،قال لي انا عارف انك معتبراني صديق وقبل م يتم كلامو قلت ليهو وانا بحبك ...قعد يضحك قال لي الله عليك الله جاادة بتحبيني رديت عليه بخجل قلت ليهو اي بالجد...يالله ي مرام انا م مصدق هههه ...ربنا يخليكي ياخي وما يحرمني منك ابدا،المهم بقينا نتونس كدااا لحدي ما نمت لاول مرة وانا مبسووووطه شديد كدا اول مرة احس الاحساس دا وكان جميييل جدا (بس ما كنت عارفاه مخبي لي شنو)...علاقتي بمصعب كل يوم ماشه اجمل واجمل وبديت اتعلق بيهو شديد ...مع مرور الايام بقينا نتقابل اكتر ،وبقيت م شغاله ب أمي ولا مزمل وبعمل كدا غتاته كدا بس حيعمل لي شنو يعني حيضربني،خليهو يضربني..ودي اسوا حاجه كنت عنيدة شديييد وما بفهم لكن للاسف الحاجه فهمتها متأخر...الامتحانات قربت وبقيت مركزة مع القرايه ومصعب مساندني فيها ،لكن فجأه كدا ابوي بقى عيان ورقظ مستشفى الكلام دا بعد الامتحانات لسه النتيجه ما طلعت،ومزمل كان اتخرج يادوب ،بنبيت معاهو في المستشفى وكنت كل م اشوف اولاد خالتي قلبي بوجعني ،وبقوم بمشي بخلي المكان..لحدي م ابوي طلع بالسلامه..ومصعب كان كل يوم بجي يطمن عليهو..لحدي م خرجووهو بالسلامه ..تاني يوم طوالي كانت النتيجه وكنت متحمسه شديد الصباح جيت لابوي قلت ليهو دعواتك ي حاج هههه الليله النتيجه قال لي مووفقه ي بتي الحلوة عارفك انا اكيد حتنجحي وترفعي راسي ي دكتورة عافي منك ي بتي ربنا ينور طريقك ويوفقك كمان وكمان بوستو في راسه ومشيت ..ومشي معاي مصعب...والحمدلله طلعت الاولى على دفعتي بالجد كنت فرحاااانه شديد ..لكن اتفاجئت بصحباتي بدل يفرحو لي بيعاينو لي بطريقه كيف كيف وباركو لي بطريقه باردة،زعلت لدرجه بقيت ببكي لمن طلعت لمصعب برا وانا ببكي اتهجم افتكرني ببكي عشان شلت ملحق او كدا ،م اتكلم ساقني ومشينا محل قعدنا وجاب لي مويه وعصير دا كلو وانا ببكي ،جاء قعد جمبي وفجأه مسك يدي،حتى انتبهت ليه وعاينت عليه ،هز لي راسو نظام ايوا عارف اني ماسك يدك،بالرغم من انو الحركه دي غلط لكن ما عارفه ليه. حسيت بالامان وهو ماسك يدي ،قال لي مالك في شنو،قعدت احكي لي قعد يضحك قال لي انتي هبله وللا شنو انتي جيتي الاولى وهما م نجحو المفروض يبكي منو هما اكيد،اسي خوفتيني عليك قلت البت شايله ملاحق وللا حاجه،ي شيخه الله يسامحك،قعدت اضحك بقى ساكت وبعاين في عيووني،قال لي انتي جميله جدا ،نزلت عيوني وعاوزة افك يدي بقى ماسكها زيادة،قال لي انا بريدك شديد ي ميمو ،وبتمناك تكوني ملكي للابد،خجلت شديد وما عرفت ارد زحيت يدي،وقلت ليهو الزمن اتأخر ي مصعب خلينا نمشي لانو الزمن اتأخر ،ولاول مرة الاحظ لنظراتو لي بتبسم وبعاين لي بطريقه غريبه،لكن م ختيت فيها حاجه،قمنا مشينا وطول الطريق انا متحمسه عشان افرح ابوي واشوف نظرة الفخر في عيونو ،ما عارفه ليه لكن كان قلبي ماكلني...لمن رجعت البيت فرحانه ...لقيت الناس ملمومه قلت اكيد دي الكرامه ....وبقيت داخله على البيت الناس دي وشوشها ما تمام ،لقيت عمي وخالاتي اي زول يمسكني ويقول لي البقاء لله ،بقيت خايفه وما عارفه المات منو لا شايفه امي لا ابوي لا مزمل........دخلت جوا..#يتبع
