يمامة خلف القضبان

يمامه خلف القضبان الرابع

#بمامه_خلف_القضبان#.. البارت الرابع

غدير  وسام ))**&

💐🌸💮💮🏵🏵🌹🌹

اسمع الرياح  تعزف لحنا حزين

ارى السماء  تحمل  دمعا مرير

اقف مابين مفترق  طريق ..فاما النار او  النار  فايمها اختار 

💐🌸💮💮🏵🏵🏵🌹🌱
جاوبت . اجاني  صوت بنته تبجي  عفيه الحكلي ابوي تخربط  ومادري شسوي 

شاهين . جايج  بابا لاتخافين  حضري 

طلعت  لبست كلت لفريد  .  رايح لابو  غايب متخربط  راد يجي كتله الزم مكاني . رحت سريع  وصلتهم بوقت قياسي فتحت الباب لكيتها يم راسه تبجي . لابسه جبه  ومتحضره  شلته وهي لحكتني .مادري  ليش كتلها لبسي عبايه وغطي وجهج .

يمامه عفيه بسرعه مو وكتها  .فدوه الحك ابويه 

اني   هم  باوعت  شكاعد  احجي    طلعت  بسرعه .وصلنه للمستشفى    طلع ضغطه مرتفع وسكره  هم 

هي بجت كالت ماعده سكر  هو 
.
شاهين .  الله كريم  يجوز شي  عرضي

  بقينه للصبح يله كدرو  يسيطرون  على ضغط وسكره .

من صحه عاتبته ليش . تجي وانت  مريض شفت شصار

  هي  متحجي بس الشهكه   بصوتها شكد باجيه .  لخاطر  ربج .حقها ابوها وسندها الله يلوم الي يلومها

مو من الجيه  سيدي  هو اني تعبان  .

تعبان  تكطع كل هاي المسافه ..

تستاهل  سيدي ........ .كافي  بنتي  هياني  يمج مبيه شي

يمامه .. رجع تعبان .. والليل كله يون  اني خفت عليه   مانمت ...بعدين  كام كل شويه يروح للحمام  ومشيته  مو متوازنه   كمت اتجيله الى ان وكع عليه تخبلت    راسا خابرت لهذا الرجال . وتنخيت بي وهو  ماقصر  اجه .واخذنا للمستشفى ..  واني بس ابجي  خايفه خصوصا من كالو  مشكل عده سكر .. 

الصبح  راح  جاب  ريوك واجه  

منو  يشتهي  ليش كلفت  نفسك .

اكلي  وكلي  ابوج  من البارحه  بدون اكل 

وانت ..

((غدير  وسام ))*

شاهين  .. اني  ماأكل  من وكت  . 

خابرو  الولد  كالو  جايين  نشوفه

شاهين .وين  وصلتو  محمد  .

باب المستشفى  وين انتو 

...نازللكم دقيقه لاتتحركون .  .  باوعت لابو  غايب هذوله جايين جوه شلون  وين اوديها 

طبي للحمام يابه

شاهين .رادو  يفوتون حمام شون

تعاي .خذتها   للممر  مكان  ختله كتلها كعدي لاتتحركين واي احد يحاجيج لاتجاوبين  هاج هذا  تلفوي  دكي على ابوج اذا ردتي شي 

يمامه ..هزيت راسي هو راح دنكت  تلفونه ميسكت  كلساع  داك .اسماء اشكال 

شاهين  واكف وياهم  وبالي يمها كلساع  اطلع اباوع عليها  وارجع

كوه يله راحو  .
فريد ..  روح واني بمكانك نام وتعال العصر 

شاهين ..لا .روح ماعدي  شي  علاجه متعرفه ومواعيد   عده تحاليل  مطالعه روح انته 

فريد  اودعناكم . 

فتنا من يمها   شالت راسها باوعتلي  خزرتها لان مبينه جاي تحجي وياي

محمد....بويه  غير طيره . لك شنو  هاي

شاهين ..شبيك . محمد
وضحك شبيك  دخلي نباوع على نعمة الله   لك كاعده وحدها  مبينه عدها مريض خلي اروح اشوفها شمحتاجه

  فريد ..طاح حظك  صار  خير   .    .دمشي  لك  .

رجعتلها فاير  ..انتي شكو  تباوعين شنو  هاي عينج الصلفه

يمامه ..ماباوعت والله بس تلفونك  دك البيت   وردتك  تاخذه  خاف يردون شي

عتيته   منها جيبي ولي لابوج

ركضت  خلسني  عيونه تريد تطلع وصار  احمر 

ها  بابا شبيج

مابيه  شي

الظهر  كالو  طلعو  لبيته    واكله خاص وشربه .

رجعتهم ..  نام .. واني كتله راجع للمقر 

رجعت ..  تعبان بس عندي  واجب وخطيه الولد  بمكاني  حتى فريد اجازته  طير  منها يومين  ..كتله روح .

جم  يوم بس بالتلفون اطمن  عليه   ..البيت نزلت    وجانت تقى  راجعه .والدكتوره منعتها من الحمل  لان  الرحم  تعبان  لان اخر  فتره   ملتزمت .وحبلت بطن  على بطن .  
واني هم روحي  جزت  وخاف  تخربط   وماتخذ  الحبوب  كمت مااوصللها

اخر  مره وصلت  للضالين  وياها  حتى  ردت اضربها

متفكر  لابيه ولابنفسها  . عبالها هي  حباله وكبل 

امي  هم تلح . تريد  ولد . 
   
يمه  كافي .بعد سدي  الموضوع . ماكو  لاولد  ولابنيه  بعد  كافي .هاي  بناتي يسون عشر  ولد

شون .البنيه  شماكبرت  وتعبت وربيت تاليها للرجال .ماتريدلك  ولد يشيل  كبرتك .

شاهين .   ماريد .وسدي  الموضوع  ترا تعمين عليها   هاي اذا حبلت بعد لو  تموت لو تشيل  رحمها 

سكتتهن بس ادري بيهن  . لاامي  تسكت ولاهاي تقتنع لذلك قررت   اهجرها .

رجعت  لدوامي  وابو  غايب مو  مثل  كبل  السكر  ماذي حيل واشوفه بلنازل  ...مره  يمه اشرب جاي  كال

سيدي .اريدك بحجايه .

كول .حجي

والله اني مستحي منك ومادري شون  احجي  

كول  حجي  محتاح فلوس

لا سيدي ..  بس .  والله مادري شون تطلع مني ..

يمامه .  اريد اامنها كبل لااموت .

شاهين ..عمرك طويل   ..هم مافتهمت  شكدر اسويلك

اكوول . يعنييي . ماتعرف  ولد  عله عرفك . وضمانتك   رايد  
يزوج . ازوجها ووامنها

لا والله حجي . يعني  هواي ناس اعرفهم بس  مامعاشرهم . زين والبشر   اله تعاشره .

والي اعرفهم معاشرهم   وعندي  ثقه بيهم مزوجين

والله مادري  . بس خليني  بالك .

 

الله كريم حجي .   

طلعت  من يمه  .

ابو غايب  افكر  بيني وبين نفسي .لو  انت تتزوجها  والله انام رغد .   شسوي . وهم حرام عليه افكر  بنتي واخرب بيته

رجعت للبيت شايل همها   بس من تضحك  بوجهي  انسه كلشي  .

يمامه .  الله يساعدك يابه .. 

هلا بيج يابه ..    غسلت  وخلت  عشه    واباوع عليها  بنيتي حلوة  ماخذه صفات امها  وفوك كل هذا  فقيره ...  واخاف من الدنيا عليهة . .

شاهين .. فكرت .منو  من الحواليه  يستاهل    والله كلها هتليه واخاف اقترح واحد  وانوب  خطية البنيه بركبتي  تصير .. 

اكو  ولد منتسب .   خوش  ولد . وخلوق     دزيت عليه 

نعم  سيدي  .

تعال ماجد...اكعد  هنا بابا

نعم  سيدي 

اكلك  انت متزوج خاطب

.ماجد . لا والله سيدي   

ليش

سيدي .. يعني  اني   لاملي جم فلس   ومرتب وضعي بس من نروح نخطب . يطلبون  هواي     واكو  ناس  من تعرفني  منتسب . ترفض

ها.. زين واذا اشوفلك بنيه بت  حلال  .وتقبل    بالقليل   شتكول

مني هاي سيدي  الله وايدك .  

يعني  انت    موافق كمبداء  حتى اطي للناس خبر  واخذك تتعرف عليهم

ماجد ..  اني  عن نفسي  واثق منك سيدي واذا على معرفتك   موافق . ..نروح نشوفهم

شاهين . دروح .  هسه واني احجي وياهم وابلغك 

نعم سيدي ..

يمامه  جريت  تلفون ابويه والعب  بي  ومدري شيبيه كلساع اطلع اسمه  واباوع بحروفه واتلمسهن  .  واتذكر  من صاح بوجهي . يمه يخوف  وهيبه .   ابتسمت  . مادري ليش افكر  بي هواي . 

نمت  وحلمت بي .  يمشي . بستان . كله ورد        اتقرب  لورده  كطعها  ذبلت  منه وطاحت   والثانيه  والثالثه  والرابعه   .جرحته  ونزل  منه دم  اني ركضت

ركضت  عليه . واطيته . وردتين  ولزمت ايده بلمسه مني كطع الدم  بس بقيت ابجي لان مجروح . ابتسم  ومد ايده لوجهي  فزيت  على صوت الاذان .   كعدت  صليت  وحضرت  لابويه  اكله والجاي  وكعدته .تجدد وصله  وراح ..رديت افكر  بالحلم . بس شنو  عبالك مشتاقتله  واريد اشوفه   

خلصت يومي اتصفن. بي

شاهين ..دزيت  ولد  سئل  على ماجد  واهله بمحافظته جان من اهل  الناصريه 

يومين  واجه كال كلها  تمدح  بيهم ناس فقرا .. بس كالو   ا
البيبيه لسان وهي المشيه البيت وكلشي بايدها

شاهين ..هو   ماجد شكالو  عليه

..سيدي  كالو   احنه بس باجازته نشوفه وخوش ولد يعني حجي عام .

ها ..توكل  بالله   تعبتك

رحت فاتحت  ابو  غايب جنه ضاج

.ابو  غايب .من حاجيته..ردته هو  ..بس اليوم اجه كال لكيتلك  شاب فقير  بس  من غير  محافظه .

الصدك خايف سيدي  جااني اذب يمامتي لغير محافظه

كيفك  حجي  ..الولد  اني حجيت ويا .مكمل اموراته بس هو  وضعه . بالمعقول .ورايد بنيه حلال  وشفته مناسب وكيفك انت  اقتنعت اجيبه وتشوفه  ماقتنعت منا وتنسد هو حتى ميعرف عليمن حجيت 

خاف نكله  ويشوفها ومايقتنع بيها لو  هي ماتقتنع    ويحجي  والسر  الضامه كلها تدري بي 

شاهين . مافكرت بيها هاي

لازم نفكر

زين . ليش ماخذها    لمكان .تشوفه ويشوفها اذا اقتنعو   ذاك الوكت   تتعارفون

بكيفك  انت احسبها اختك سيدي  

تمام . لعد .باجر اجي اخذها   واخلي يجي    شكلت 

بكيفك سيدي  موافق

رجعت .للبيت .   تعاي  بابا يمامه احجي وياج

نعم ..يابه .
بنيتي . حاجيت الملازم شاهين يشوفلج قسمه على  معرفته

شنو  قسمه يعني  ..مافتهمت

يعني  ابن حلال اامنج عده واغمض  عيني  مرتاح

صدك تحجي يابه ليش هيج تسوي

بنيتي  اني  مادايملج .اليوم باجر  حاط راسي  وميت منو  الج انتي

بجت ..بابا لاتبجين . بس اسمعي 

.كول .يابه .

شافلج  ولد عنده  عسكري . وكال يشوفها وتشوفه

يمامه .من كال هيج  متت قهر  وبجيت  . مادري ليش تمنيت يكول  لا.

شكلتي ..

يمامه .شنو 

لج بتي شصار ساعه احجي .باجر يجي الملازم ياخذج تشوفينه .

يا .وليش مايجي لبيتنه هو  اني اروحله الدور  حلوة هاي

بتي اني شحجيت  ..كتلج  ماريده يعرف بتمن انتي  صارت ذاك الوكت نكله

يمامه  .. شسوي  هسه .

ترحين  ويا .الملازم

..يا .وحدي

اي 

لا  ماروح وحدي  تجي  وياي

مو  اكلج منريده يعرف

ما ..ما   ماروح  ويا وحدي  .

شلون   بله ١

تروح وياي .وتكعد  بغير مكان .

اشوف   الله كريم .

شاهين   خابرني  كال هاي تخاف ومتقبل اله هو  وياها

اي  حقها .بنيه مطالعه  ومتعرفنه  شون تريدها تقبل   تعال وياها انت وعود  اكعد بعيد

والله سيدي احنه متعبينك .

لاتكول هشكل  حجي   انت  مثل  والدي الله يرحمه  وبنتك اختي .. يله باجر  اجيك ونتفاهم 

يمامه ..لزمتني رجفه  وخايفه  من جهة اول مره اطلع بلنهار  و من جهة   راح اشوفه  لا وجايبلي عريس    واني ماريد  اتزوج .واعوف ابويه    بس شسوي

بليلتها ماشافت  عيني  نوم .  وابويه من كعدته الصبح كال اجي من وكت ونطلع 

نظفت  البيت وغسلت   رحت طلعت   عندي  هي جبه وحيده  جمعت  واشترتها الي ام اسماعيل  الله يذكرها بالخير  
وجواها .لبست   دشداشه . كشمير  .اني خيطتها  و عدلت الشال ...وردي ..  وشحاطه ابويه جابها اليه .  انتظرت  طب  كال  مكمله بعد ابوج 

يمامه . اي  

يله .. 

سلمت  عليه وكعدت ورا  . باوعتله بلمرايه . لبسه العسكري  ونجماته . وصوته  .وضحكته  كله اله وقع بنفسي  وجاي اتاثر  حيل بكل حركه منه    ليش مادري  .  انوب   نكتت الافكار من راسي  باوعت بره اشوف الدنيا متغيره والناس تمشي كلمن بهمه   

وصلنه لمطعم .. نزلنه ابويه راح بعيد . واني  ويا كعدنه شفته شال التلفون  واتصل  يوصف لواحد .اني رجفه لزمتني  ..انتبهلي من شلت كلاص المي حتى بديته

شاهين . ليش خايفه بابا صيري سباعيه

يمامه ...ممما اخايفه 

هههه مبين  من  رجفتج شكد شجاعه  . شوفي يمامه اني  مقدر وضعج  وانج طالعه لاول مره وراح تشوفين شخص غربب .عنج بس الهدف حتى  تعرفي ويعرفج  زين بنتي

يمامه .صارر . بس اريد اكلك شي

.احجي

اني ماريد اتزوج انت من يمك فضها الله يخليك

لبش بابا

احسن  ..ابويه شون اعوفه وهو  مريض   تخربط صار بي شي  منو  يمه

بنتي  هو  كل خوفه عليج يريد يامنج  .

ماعليه شي .  الله يخلي اليه ان شاء الله

امين  يارب ماكلنه شي   بس فكري بي انتي . هو اغلب مرضه بسبب تفكيره بيج . هو  كلما اكعد يمه  كلامه بيج . لمن يزوجج . ويطمن عليج اكيد  يرتاح 

يمامه ..هو  .هيج يكلك .بسببي .اني ثكيله .والله  ماطلب منه بعد  شي  بس يخليني يمه  لااريد .  غراض  ولااكل 

افتهمي  بابا هو  ممتعاجز  من طلباتج . بس هو يفكر لبعيد .

بجت . قهرتني .  ..  شوفي  محد يجبرج شوفي  الولد

ما . ما اريد . ماعوف

شوفي  الولد  بلكي تقتنعين ..

دك عليه ماجد  كال وصلت ..  وصفتله اجه .سلم . وكعد

اعرفكم . ماجد  يمامه .. 

يمامه ..باوعتله . وكمت اقارن بينهم وكفة شاهين رجحت  ليش قارنت وليوين اريد اوصل  مادري 

ماجد ..اسمر   وضعيف  طوله متوسط  يجي اطول  مني  بشويه  ..   مامربي لاشارب ولالحيه  عيونه  كبار  جوزيات  وشعره اسود ..  .خشمه طويل  متناسق ويا تقاسيم وجهة 
من يضحك عنده غمازه وحده بخده الايسر .. شكله  حلو  ويمكن  اي بنيه بغير  وضعي تطير بي .بس اني لا  ..

.
شاهين . كتلهم  شويه وراجع . شفت  بعينها نظره   ترجي  لاتعوفني   وصدك مردت اتحرك  تبسمرت بمكاني  ..واني اشوفها تترجاني بدموعها  وشفايفها  الي لامتهم  ومبرطمه  

لحضه   تمنيت احضنها . وابعد عنها كلشي ..حسيتها تخصني 

التفت شفت  ابو غايب بزويه .  رحتله

ها .بشر  سيدي

ستوه اجه  

ياالله . انت متاكد منه سيدي    

حجي دزيت سئلت عليه .اهله خوش ناس وهو  مو من النوع اليختلط بس بشكل عام .خوش ولد واني اعرفه من زمان  

الله يطمنك .يارب  بس  ربك وهاي تقتنع  ادري بيهة لخاطري ماراح ترضه

اي  كلتلي . ماريد اتزوج .

اعرفها . ....سيدي  نروح  كافي 

(غدير وسام)))

يمامه  هذا صافن بوجهي  ويباوع بلا مستحه   اني مدنكه وعركت غديت مي   .وارجف 

اي يمامه شمكمله .

سادس ..ابتدائي 

لا بربج . ليش 

ظروف .

ها .. .اي .احجيلي  عنج  .ليش ساكته

يمامه .ماكو  شي احجي .  

يعني  انتي   يامواليد . جم اخ  واخت عندج .شتحبين شتكرهين

مواليد . ....    وحيده اهلي  امي  متوفيه  وبس ابويه عايش .

الله يرحمها  اني .. عدي  ٦ اخوه  و٥ اخوات .  كلنه كاعدين  بيت  جدي اهل ابوي    اخوتي كلهم معرسين  وخواتي هم بس اني  بعدني    ولمن الملازم كال عليج  حاجيتهم  كالو اذا اقتنعت نجي  لبغداد  ونخطبها الك . 

مجاوبته  .اصلا مامقتنعه بلشغله كلها  

شويه  واجه  .اني  هم  وانزاح  من كله  يله خلصتوو وكفت على  حيلي  هو  ضحك .. 

شبيج  مستعجله .

سكتت ..وافرك بايدي .  واعض بشفتي    بيه طبيعه من اتوتر   ..

ماجد ..سيدي ..اني اترخص  بس  الجواب  منين اخذه

شاهين   يمي  اذا صار  قبول  أني ابلغكم

سيدي من جهتي  اقتنعت 

هذا هو   ابني .  اني  اتصل  بيك .

خلا يروح .. وكال كعدي  بين ميطلع يجي  ابوج 

شحجيتوو  بداخلي  اريد  اعرف  بفضول  غريب  المفروض انتظر  ابوها يسئلها   بس ماتحملت 

يمامه ..عادي  ماكو  شي سئلني  شمخلصه وشكد عندي اخوان  .

اي

وكال سئليني    ..اني  ماسئلته ..هو كام يحجي عن نفسه

ليش مسئلتي .. 

عادي . مايهمني  .

وليش ميهمج  غير  تتعرفين عليه لعد المن جبته وكعدتي  ويا .

مادري اني ماريده الكعده  ابويه    لح  عليه 

ها. . يله. دك لابويه . واجانه .

ها يمامتي اقتنعتي 

لا

ليش بابا  

ماريد 

ليش  بي شي الولد ضوجج بشي 

لا...بس ماريد اتزوج   واعوفك

لج بنتي احنه شحجينه ..ليش تعاندين   ماعرفج عنوديه 

اذا عليه راحتي  بزواجج 

ماريد  بجيت  

شاهين   لاتضغط عليها حجي . .

كومي بالبيت نتفاهم

وصلنه للبيت  وابويه لزمني  ساعه يقنع بيه   .. لمن راسه وجعه  

بليل  تخربط  عليه شربته علاجه  وكعدت يمه  

ها يمامه فكرتي

يابه .ليش ماتقتنع  ماكدر  . هسه لو  هنا  بيته اوافق

بس  شوفة  عينك ..وين تريد  تشلفني  للناصريه  .

شسوي   انتي محد  يعرفج   وطلبت من  استاذ شاهين  يشوفلج على معرفته 

انغثيت  من ذكرني  هو  جايبه    جاوبته  بكيفك  يابه اذا انت موافق تشلفني وماتريدني صار  حملي ثكيل عليك .عفته  ونمت بغرفتي وهاي اول ليله اسويها  نحبت وبجيت للصبح على  حضي     طلع الفجر  واني ابجي كمت توضيت  وصليت شفته على كعدته مانايمه  سوده بوجهي  اكيد  حجايته غثته   ذبيت روحي  بحضنه وبجيت 

سامحني حبيبي والتريده سوي    

اريدج بقناعتج  ماغصبج بس يابه والله الدنيا تخوف  والمن اعوفج  اريد  احطج بركبة  زلمه معدل  يحميج  ومايجاوز عليج

بكيفك   ..بكيفك .

طلع لشغله   واني  سلمت امري للواحد القهار  هو  يعلم حالنه 

((غدير وسام ))**

شاهين .  خابرني الحجي  كال جايك  .

سيدي  رجعله خبر وافقت 

شاهين     اكيد  لبارحه لحد  ماوصلتكم هي ماراضيه

حاجيته   اول  زعلت . وكالت انته استثكلتني    وانوب اجت باست راسي وكالت بكيفكم  ..

شاهين   خطيه  الله يخليك الها .   يعني  ابلغه . جوابها نهائي

بلغه سيدي  . ..واني اترخص 

دزيت على ماجد .

نعم سيدي ..

تعال ماجد .  .. شوف البنيه وابوها وافقو  بقه تعرف منو  هي وشنو  وضعها  وراها   بكيفك  بس  اذا   ماعجبك  وضعهم الحجي بينه يظل

ماجد  ..شني القضيه  خوفتني  سيدي  بيهم شي

..لا  وين راح بالك . تعال اكعد  ...شوف  انت تعرف ابو  غايب

ماجد .   ابو  البسطيه مال العتيك ؟؟؟؟
. يتبع  .