قيود بين سلاسل الماضي
بارت ٣٧
اشكر الكل لان اشوفهم أصروا على كتابة البارتات بكل تفاصيلها لذالك قررت ارجع وياكم لقبل الحدث الأخير حتى ابين الكم بعض النقط المعينه منها تغيير حمايه او بالاحرى عيالي كلهم
سرى
بعد مااحمد كام يعيرني باافنان وشفت الكل بده يحبها يحترمها هاي الأمور بدت تزيد النار بكلبي قبل كنت اكره افنان
هسه اشوف دم سنوني ولااشوفها (هاي كلمتها بلسانها منقوله عنها نصا كانت تكول اشوف دم سنوني ومااشوف أفنان بعيني )
ولهذا السبب قررت ازيد باانتقامي منها اول شي فكرت انو استمر باستخدام السحر الي كل فتره اعيده عليهم وعلى ميس والي كان يساعدني بعمل السحر امي وزوجة خالي (هذا كان اعتراف من قبل وحده مقربه السرى بمرور البارتات راح تعرفون منو فضح سرى وأهلها وشلون )
اتصلت على امي وكتلها شكد حاولنه وي أفنان نهجم حياتها هي وعماد بس مدايفيد ابد
امي بعد شنو الي مسويناه الهم متكوليلي
سرى ماما لو آخر يوم بعمري هم الا اخلي ميس وافنان مدمرين بي
امي
شلون شفتي بعينج كل شي مدايفيد وعماد يحب أفنان حيل انوب دايزيد بمحبته إلها
سرى هو اني شنو الموتني غير هذا حبهم الي كل ما احاول انهي يزيد
امي والحل
سرى
بيت عمي راح ابلش بيت عمي وأولهم زوجي الي كل ما يكون ويكعد كال مرة عماد
اوف اله احول حياتها جحيم
امي ههههه يله الله وايدج واني بضهرج مااتركج ابد
سرى ماشي واتفقنا اني وامي على يوم نروح ونسوي سحر البيت عمي عموما والزوجي خاصتا والقصد يكرهون أفنان مثل ما اني أكرهه وأكثر
أفنان
بعد رجعت عماد رجعلي بحب اكبر ودلال أوسع بحيث كنت كل شي اريده يسوي وكان مخلينه جوه عيونه صح مرات أتحسس من تغيير بيت عيالي بس مكنت اهتم حيل كان اليوم الي يريد يجي بي عماد من عمله او مجرد تقرب جيته ابدي اقضي على
كل عمل البيت حتى أفضى اله كم مره اسمع حمايه زوج سرى يعتب سرى ويكولها صيري مثل مرة عماد شوفي اليوم شلون مطلعه جهالها وشلون هي لابسه ومتحضره اله ويبدي حماي يتقرب الاطفالي يبوسهم ويلعبهم ويسالهم شوكت يجي ابوكم
حمودي اليوم
احمد يجي بالسلامه
أفنان
علاقتي بحمويني فقط للسلام حتى مابيوم حاولت اتكلم وياهم بس احمد كان مخلي باله يم كل شي نسوي بحياتنه بحيث يبقى يسمع كلام بيوم الي يريد يجي عماد كلام شقه وضحك والى اخره
الا سرى كانت كل ما تحس عماد اليوم جيته تصعد بناتها ال٤ فوك السطح ويبدون يهوسون وتخليهم يراقبون كل حركه اسويها بيتي من شبابيك السطح ويبقى هذا حالهم لحد ماعماد يرجع العمله كان تصرفها هذا هو تجزيع العماد اما أطفالي كانوا من النوع الهادءين حيل وصوتنه ميطلع الهم ابد
سرى عم
الحجي ها
سرى
هاي مرة عماد بس اكل ونوم شوف حتى جهالها علمتهم مثل طبعها هاك شوف اي صوت ماالهم ليل نهار نايمين
الحجي عساها بتوم ومشافت النوم واحنه شعلينه
سرى كلبي فرح من داخلي اي بده مفعول السحر وي عمي هاي خوش بداية
احمد
كنت كل هاي الفتره اشوف أفنان بصوره أكثر من زينه ماكو شي سيء اذكره إلها بالعكس هواي كانت تساعدنه ومتسوي اي شي اذا متشاركنه بي بس ما اعرف ليش بديت اشوفها عزرائيل بعيني والي يجيبها كبالي اموتها ومايبرد كلبي
أفنان كاعده وندك الباب كمت افتح الباب طلع عمي
أفنان هلا عم
الحجي مرديت وكتلها لشوكت تضلين اكل ونوم وبس كمتي تشتغلين ذبيتي كل الزبل علينه مو عيب عليج متستحين هاي الافعال تركيها لو اصرف تصرف ميعجب الكل
أفنان مصدومه من كلامه يازبل ياوصخ هاي شبي تركني وراح حتى بدون مينطيني مجال ادافع عن حالي
وتكررت هاي جياته الي بين فتره وفتره آخر مره تهمني شامره النكاسه عليهم رغم أطفالي كبار
وحتى حفاظات ميلبسون وتكررت هاي الحاله هواي وكل مره عماد هو الي يدافع عني وميسمح الاي بشر ياذيني حتى لوكان ابوه بعد فترة صار عمي اذا أمر من يمه يدير وجهه عني اما احمد زوج سرى كان بهاي الفتره اذا شاف أطفالي ميعديها عليهم سلامات ابد لازم يكتلهم وحاربوا وأولادي
حرب نفسي كانت باب البيت متحرمه عليهم كفر اذا بيوم واحد منهم طلع او وكف باب البيت الا ويجوني فاحطين بجي
مرة الأيام على هالحال واني اهون على روحي الخاطر حبيبي وابو بيتي زوجي وكان فعلا يستحق كل هاي التضحيه مني
شكد حاولت افهم تصرفاتهم ليش هيج تغيروا مكدرت يمكن لان البريء والطاهر صعب يفهم او يدرك كمية الخبث والرذيلة الي بالطرف المقابل سرى كانت ارذل واخبث انسانه تمر بحياتي لان خبثها ورذالتها طالت حتى الاطفال مكان يهمها شي
المهم توصل الغايتها وهي تفريقي عن عماد وتفريق ميس عن محمد السوء البيها مخلاها تشوف شكد ايدها تلوثت وتجردمت حتى بدم اطفال بريئين ذنبهم الوحيد يعودون الي والميس
مرة الأيام واني وعماد كل مالزمن يقسووا حبنه يكبر وصل لدرجه اذا شفنه بعض نفهم من النضره الي الاخر يريده حب ترجمته الافعال غطه بحبه عن كل فعل محلووو من اهله او من سرى احتواني بكل قوه وخلاني اميره بمملكته الصغيره ماديا كبيره معنويا
كل ماعماد يروح العمله لازم سرى واحمد يخلقولي مشكله صرت العدو اللدود الأحمد اما عمي فصدق المثل الي كال مامن عداوه الامن بعد محبه هههههه
كره بعد المحبه يكون كره عظيم
كانت حماتي الصغيره داءما تسال أبوها ليش هيج وي أفنان وشغيركم كانت إجابة عمي الشهيره(لان اخوج مخليها على راحتها وينفذ كل طلباتها ويحبها لدرجه معاد يشوف احد غيرها حتى النه نسانه من وراها )كنت بالبدايه من توصلني كلماته
اعتبره غيره على ابنهم مني بس طلعت سرى ام الخباءث هي الي ورى كل هذا الكره شكد كنت احب يكونون قريبين الي بقرب اهلي وحاولت هواي اكسبهم لكن كان الشيطان سرى يتربص ويكيد المكاءد والحيل
سرى كلهم كدرت اكسبهم الجانبي واحول الحب والاحترام إلى كره الا عماد مع شكد
سويتلهم سحر حتى يتغير عليها ومتغير لازم اليوم ارجع الهذا الي اشتغل عنده واعرف السبب ليش مدايفيد شغله وي عماد
سرى اريد اشكرك على كل شغلك وياي بس اريد افهم ليش الكل مثل ما ردت صار وأكثر الا زوجها بالعكس دايزيد بحبه إلها
ابو الشغل حماج يصلي
سرى اي
يصوم
سرى اي
ملتزم دينيا لو عنده منا منا
سرى لا ملتزم حيل وما عنده هيج أشياء
حتى بدون علم زوجته
حتى بدون علم زوجته ما عنده اي شي بالعكس حيل نضيف
ابو الشغل هذا هو السبب الي دايخلي العمل ميطيق عليه
سرى شلون هسه اني سويت شغل يمك ودفعت الك اريد حل
الحل الوحيد نسوي عمل اقوى وعلى نكاسه
سرى يعني شنو
بعدين افهمج حاليا اريد ملابس من حماج وزوجته
سرى صعب ادبرها بس اذا بيها نجاح اسوي كل شي
اي اكيد شغل ناجح مليون بالميه
سرى
طلعت من يم الرجال وكلبي ينزف حقد بكد الجبال على أفنان وعماد يعني كل هاي الفلوس دااذبها حتى اهججكم من البيت وتصير حياتكم جحيم تالي شسوي افشل بس وين ترحون وراكم وراكم
دخلت للبيت وطبيت الغرفتي
أفنان
كعدت بيومها اريد أذكر اني شسويت الهم ليش هيج حاقدين اريد الكه سبب واحد ماكو والله ماكو غيرج ياسرى حسبي الله ونعم الوكيل
حطيت ورقه وقلم وكعدت اكتب ابتديت باايه قرآنيه وختمت كلامي بهذا الكلام سرى اني بنت خالتج أفنان كافي حقد ومغثه لهنا واستغفري ربج وتوبي عن ذنوبج وهاي آخر مره اسامحج بيها بعد هاي الكتابه راح ارفع ايدي بالدعاء واشكيج لله وعمر الدم ميصير مي
اتقي الله وكافي تاذيني وتاذين أطفالي ترى الله يمهل بس ما يهمل سرى ارجعي لله وتوبي عن اذيتي هاي اخر مره احاول بيها اصلاحج لان تعبت منج ومن مصايبج
خليت الورقه بيد بنتها ودزيتها السرى
سرى دخلت بنتي وبيدها ورقه وكالت هاي من عمه اخذتها من ايدها قريتها وشككتها وشمرتها من فوك الحايط على بيت أفنان
أفنان
شفتها من شمرت الورقه عرفت هاي مستحيل تجي الطريق الصح وكل المحاولات الزينه مجابت وياها اي نتيجه وهي هي باقيه ومصره على الطريق االخطاء بل زادت وكانت تطلع بشكل مو طبيعي محد من عيالي يكدر يجرء ويسالها وين جنتي او وين رايحه وكل طلعه بهاي الفتره كانت تطلع فارغه تدخل محمله أشياء وكميات كبيره وكل ماعمتي تسالها هاي منين هالااشياء
سرى من أخويه
العمه ليش اخوج منين اله كل هالااشياء
سرى يساعدني يدري احمد ميشتغل
العمه بس هاي أشياء هواي مو مال مساعده
سرى اي لان يجمعهن ويخابر يكولي تعاي اخذيها
وهاي يوميه هيج يجمع
سرى
لا مو يوميه بس كل متصير يدز واروح اجيب منه
مرة الأيام واني هذا حالي ما بين أطفالي وعماد الي كان وقت ميجي من عمله تتقصد سرى شكو مصيبه تجي بالها تسويها ساعه تخلي بناتها
يدكون الباب وينهزمون وساعه يشمرون شكو وصخ وشكو حجار علينه مرات عماد يغلس ومرات لا يطلع يكتلهم ويطببهم البيتهم وكانت سرى متسكت ابد واذا دخلت وحده من بناتها تبجي بدل متعلمها الصح وتكولها عيب انوب تكوم تفشر وتغلط وتسب وتدعي
بااشكال وأنواع الادعيه وبقى هذا حالنه كلها كنت اتجاوزها الخاطر عماد لان فعلا كان يستحق انو اضحي اله ايام وأشهر وسنين وهو كل مره يثبت بيها شكد هو متمسك بينه ومراعي الله بينه هواي كان يدافع عني وعن ولده حتى كدام ابوه
وميخلي احد يجرحني لو بكلمه حتى لو كانوا امه وابوه وبقى هذا وضعنه لغاية ما صار الي صار بيومها دخلوا عمامي وافتهمت انو احمد ضارب سيف بسجين ولد عمي ضاربين حمايه ومكسريه تكسر بحيث خلوه شهر نايم بالفراش من خلال الواسطه
كدروا الطرفين يطلعون الجرحى لتلقي العلاج وبعدها رجعوهم بنفس الساعه للسجن اتصل عماد بيومها وافتهم من عمي كل الصار
عمي بويه عماد الوضع كذا وكذا
عماد هاهي يستاهل وعقابه بعده مخلص خل ارجع الا اخلي طلقه برأسه هالنذل هذا
العم لا بويه هذا اخوك لتحجي هيج
عماد يصير خير خل ارجع وين أفنان
عمي أفنان
أفنان نعم
عمي عماد يحجي وياج
اخذت الموبايل وكلبي يقره من الخوف الف
عماد صاحت الو واجه بالي صوت صراخها هي والأطفال واني اسمع أخويه الي المفروض هو يحميهم بغيابي ويلبي كل حاجياتهم هو سبب لوعتهم وموت طفل بعده حتى امه متعرف بوجوده
أفنان
حجيت وكنت حيل خايفه من ردت فعله لان الكل بيومها خوفني من عماد كالولي اكيد راح يجي يشوف اخوه مكسر ومراح يتقبل هالشي وهيج انتي ولدج الضحيه
أفنان صحت الو
عماد الو شلون صرتي
أفنان موجوعه
عماد شنو وجعج
أفنان اليوجعني كلبي عماد
عماد تهون وداعت هاي الدموع لغاليه الا اخلي يندم على كل شي سواه بيج
أفنان لا كافي اترجاك
عماد ليش
أفنان اخذ جزاته وهسه بالسجن
عماد لا بعد الا اخليه يتمنى الموت وميلكاه
أفنان لا فدوه يكفي والله معاد بي حيل وقوه الاي مصيبه
عماد ماشي اخذي نفس عميق ٣ مرات واذكري الله ونامي
أفنان ماشي سديت ورحت رجعت الموبايل بيد عمي
سرى بعد ما اجت الشرطه وأخذوا احمد سحل فوك الضرب الي اكله اخذت حديده من بيت عمي وخليت البرميل مال النفط يم الحايط
اليفصلهم عنه صعدت على البرميل ونزلت البيت أفنان وبديت شكو غرض اكسر بي واول مابلشت بالمطبخ سويت الكاونتر طحين شكو مواعين كسرتها والكاونتر كسرته وطشرته طشر وطلعت على باقي الغراض مخليت لاطباخ ولا غساله
حتى التنور الغازي والأشياء الكهربائية حطمتها واصرخ و اصيح اليوم اله احرك دمج مثل مجنتي عايشه وحاركه دمي اليوم ما اخلي شي صاحي بيتج سويت الأثاث والفراش طشار عبالك معركه دخلت للغرفه وشكو شي كبالي كسرته اثاث وغراض
وحتى الهدوم طلعتهم اشكك واصرخ اليوم الا انتقم منج اسمه الباب تندك ويصيحون يردوني أطلع لاجاوبت ولافتحت الباب وباقيه اطشر سويت البيت عباره عن طشار خليته رماد هناك واسمعت الباب نكسرت ودخلوا نسوان جيرانه وجتفوني جتف وبدوا يردون يطلعون واني أصرخ عوفوني اريد ابرد كلبي
اليوم احرك كلبها حرك عوفوني ولكم عوفوني ما اريد أطلع ولج سرى امشي حرام عليج بيش طالبه البنيه ولج الله يرضى هيج سويتي بيتها وج البنيه هذا تعب كلبها مال سنين حتى تشتري وتخلي بيتها تجين انتي هيج سوين وفوكاها هي مموجوده وج سرى اتقي الله هي وزوجج انتي شعليج
سرى
عوفوني معليكم واصرخ طلعوني سحل حتى بدون حجاب وكنت لابسه نص ردن واحمر والزلم كلها بره صافنه على الدااسوي ويكلولون للنسوان عمي طلعوها شكد متستحي هم رمضان وهم المشكله مو وياها مبقى احد مسمع صوتها وعرامتها وهذيج مرة عماد لحد هاي اللحضه محد سمع صوتها شكد عرمه لعد من حطيتي برميل وتعبرين على بيت حماج والله وكحه حتى الزلم مو بجرءتج
دخلوني البيت عمي واني أصرخ عليهم وادفع
بيهم كنت اتمنى ابقى أكثر ما اريد اخلي شي سالم بيت أفنان اريد اطفي نار البكلبي الواجه من سنين
دخل عمي وكال هاي شكو ليش هيج العالم ملمومين علينه
سرى هاي أفنان الكحبه الساقطه دزت اخوتها ولد عمها على احمد وكتلوه تكسر وفوكاها اخذوه للسجن
الحجي بسيطه ورحت البيت أفنان الباب مطبوكه وكل ضني هي بالبيت دفعت الباب بكل قوتي ومتحلف اكتلها خلاص
اباوع البيت عباره عن معركه صاير طشار وكل البيت مكسر ردت أطلع ودخلت جيرانه
ها حجي شلونك
الحجي هلا
شوفي هاي اخر الدلال والحب مال عماد المرته شوفي شلون سوت تالي عمرنه ندخل سجون بسببها البت الكلب
جيرانه استغفر ربك ترى الحجي مو مثل مسمعت أفنان اعتده عليها ابنك ومن الصبح هي مموجوده بالبيت وهاي سرى بنت اخوك هي الي سوت هيج بالبيت حجي ترى حرام عليكم ضيعتوا البنيه وبيتها بسبب احمد هو المعتدي
الحجي بقيت اباوع إلها ومتعجب من كلامها وكتلها يصير خير
طلعت واني طلعت ورحت للشرطه كالوا احمد مستحيل يطلع لان كاتل مره وعدنه تقرير عليه
اما اخوه أفنان فطلعوه لان ما عنده اي اعتداء باقي ابني ولد عم أفنان ٢ رجعت للبيت بركان من الغضب صح عرفت الحقيقه من أكثر من شخص بس مراضي عقلي يصدك غير الي بي وهو الكره والحقد الي متغلب على عقلي وكلبي جمعت ولد ابني الجبير الي كانوا حاضرين بالعركه وحجولي كل الصار
جدو ترى عمو احمد هو العايل أفنان حتى مموجوده بالبيت بعد منضربت راحت البيت اهلها وعم احمد بدل ميتفاهم هو واخوها راح ضربه بسجين شتريد الناس تسكت
وبعدين على هاي زين تعال كولنه شنو عذركم كدام عمو عماد شراح تجاوبوه على هاي المعركه الي صارت بحق زوجته وأطفاله ادري داعش وهجمتوا عليها
الحجي اسمعوا زين انتوا وياي لو ضدي
امجد واخوه وياك اكيد بس بالحق
الحجي
عماد بعد يومين ويجي وهذا اذا عرف مرته ممسويه شي راح يقتل اخوه وتصير اكبر يعني واحد سجن واحد بالكبر
جدوا لعد هو عم احمد مفكر شيكول العم عماد شيقدمله عذر
الحجي الحل عندي
امجد واخوه و شنو هو
الحجي تشهدون ضد أفنان
الولد شلون جدو حرام هالشي فوكاها نشهد زور
الحجي اي تشهدون وي عمكم على أفنان والا
الولد والا شنو
الحجي
والا بعد لااني جدكم ولااعرفكم
الولد هذا عمنا وهذا هم عمنا شلون هيج الله ميرضه
الحجي لعد تردون عمامكم يذابحون بينهم على مود مره المره تروح تجي غيرها بس الاخ من يروح ميتعوض صح احمد غلط بس هذا هو مكسر وبالسجن هذا ثمن غلطه بس مال اشوف ولدي يذابحون هاي متصير
الولد وتوكع برأس المسكينه فوك الكتله وموت الطفل
الحجي اي هذا الي اريده أفنان مستحيل تكون بعد هالحضه على ذمة عماد
الولد جدوا تفكيرك خطاء الله يطلعها بينه ترى
الجد هذا احسن حل واني يطلك منا ازوجه منا واحسن وحده هم
امجد عمو يريد زوجته ام اولاده مستحيل يسوي هيج
الجد انتوا المهم تشهدون ضدها والباقي عليه
امجد جدو ياباقي احجي لازم نفهم
الجد عماد اذا مطلك أفنان اعرف شلون اجبره على طلاكها
امجد
شلون والله ميطلك شداتحجون انتوا صح احنه وكفنه وي عمنا بس مومعناها نهجم بيت عمنه ال٢
الجد البيت
امجد يا بيت
الحجي بيت عماد
امجد شبي
الحجي
البيت بعده بااسمي واذا منفذ وطاعني وطلك مرته وحاول ياذي اخوه على مود مرته اخذ البيت وميدخل بعد بي من هاليوم
امجد جدو حرام والله حرام
الجد الي داتسوي مرته هو الحرام
امجد والله عم احمد هو الي سوه هيج
الحجي حتى لو احمد العايل الا اكسر خشم أفنان وتطلك
وانتوا تشهدون ورجليكم فوك روسكم
أفنان ،،،مرة الأيام واليوم عماد يرجع واني باقيه بيت عمي حرت شلون ادبر الأيام طلعت ومماخذه وياي اي ملابس لا الي ولا للولد واريد اروح للبيت اجيب عمي ميرضه يكول خل زوجج هو من يجي حتى لتصير مشاكل
بيومها قررت اروح البيت اهلي كان سيف اله سنه من مزوج ومرته بيت اهلي امي وابويه مسافرين للهند رحلة علاج
واني كلت اقلها بيت اهلي وعماد من يجي نرجع سوه اني وياه رجع عماد واتصل بيه
الو أفنان انتي وين
أفنان بيت اهلي
عماد جاي بالطريق
أفنان اوك انتظرك
سديت الخط منه وكنت حيل حذره وياه بالكلام اتصل عمي وكال بشري عماد اجه
أفنان بالطريق
عمي ماشي جايين لعد
أفنان منو
عمي اني وعمج واكو طرف ٣ بالموضوع
أفنان ماشي
بعد شويه ودخل عماد وبعده مباشرة دخلوا عمامي ٢ واحد ٣ وياهم بعد ما دخلت الهم عرفت ال٣ هو صديق للوالد وهو الي دايتفاوض مع الطرفين لحل المشكله
عماد كعدنه وبعد السلام كال ابو مازن عم احنه طرف البنيه وانت واهلك طرف وهذا العينتين طرف ٣ يحل الموضوع بالتفاهم
عماد
على راسي بس اني من طرف زوجتي وغير هالحجي ماعندي اني مو من طرف اهلي
ابو مازن اسمع للااخير وقرر بعدين
عماد تفضلوا
ابو مازن اخوك متاذي حيل
عماد بالقير يستاهل
ابو مازن مكسر تكسر اذا تشوفه ينكسر كلبك عليه لان حتى وجهه متشوه
عماد ليش يمد ايده على مره هاي بدل ميكول أخويه بحلك الموت اني بغيابه احافظ على عرضه واحميله بيته وعياله
ابو مازن حقك عم بس اهلك عدهم شروط عليك وعلى مرتك
عماد فوكاها هاي بدل ميعتذرون عن أفعالهم الشينه
ابو مازن لتستعجل ابني اهلك ذول واحتمال الي راح تسمعه يخليك متبقى من طرف أفنان
عماد مرتي واعرفها متطلع منها العيبه ابد وبااذني سمعت أخويه شلون يتهجم عليه
ابو صبا
احنه لازم نحجيلك كل الكلام لان اذا سكتنه راح تسمع من الطرف ال٣ واكيد راح تنصدم وتعتب علينه
عماد احجوا اسمعكم
الطرف ال٣ ابوك عنده شرط الرجعتك للبيت
عماد ليش اليرجع البيته بشروط
ابو صبا ابوك يكول البيت بااسمي وعماد ماله طبه بعد للبيت الا اذا طاوعني
عماد
اني ممخالفه ابد ولاعاقه المفروض منه يصير بجانبي فوك غيابي وموت طفل انوب يشرط ويريد يأخذ البيت الي بنيته بعرك جبيني صح بعده بااسمه بس الكل تشهد البيت اني بنيته طابوكه طابوكه
أفنان سمعت الكلام وباقيه مصدومه انوب عمي ديحاربني الله اكبر على هيج بشر
ابو مازن عم عماد تسمع شرط ابوك لو شنو
عماد اسمع
الطرف ال٣ الشرط طلك أفنان مقابل دخلت البيت
عماد شنو وكفت الحيلي وكتلهم مع احترامي للكل اكيد تخبلتوا
يتبع