#يمامه_خلف_القضبان# البارت الاول
غدير وسام .
اتوقفت نظراتي على الباب
متوقعه ان تطرقه
انتظار ....قلق ... ترقب .لهفة ...خوف
خليط من المشاعر
تعكسها تعابير وجهي ومرائتي المهترئه
انظر الى ملامحي الشاحبه خلف ظلمة المشاعر
واطلال العمر الضائع .
والامنيات التائهة ....
تبدا فصول قصتي تحمل معها تقلبات ومواقف
ها نحن نستعد لنبحر مع ابطال قصتنا ..فلنبداء
(((بسم الله الرحمن الرحيم )))
#يمامه_خلف_القضبان# البارت الاول .
صليت المغرب مثل كل يوم واتنظر جيته معلمني المغرب ورا الصلا ومرات كبلها يرجع للبيت لان اخاف وهو هم يخاف عليه منطقتنه مكطوعه . وبيتنا تجاوز عباره عن بلوك ..وجينكو . والسكف . يخر علينه بلشتأ
طب ..ضحكتله من رحت فدوة لطولك المحني
الله يساعدج بويه يمامتي
يمامه ..الله يساعدك يابه ويقويك خوما تعبت
...شتشوفين انتي .ههه.. اي والله تعبان .جيبلي مي اشرب نشف ريكي .هذا ابو الواز مارضه يطب بيه ليجاي ذبني يم بيت ام اسماعيل
.ياسوده بوجهي وجيت مناك لهنا مشي
شسوي يابويه هاج .هاي علاكتج . وهذا عشانه
فتحت علاكتي . جايبلي صبغ وحمره يدري بيه احبهن
والعلاكه الثانيه بيها طماطه وبتيته نص كيلو
وصمون بخمسميه كافي علينه ..رحت اسوي عشه اني حاميتله مي على الجوله وديته للحمام وحطيتله غيارات وكصصت البتيته والطماطه . بيتنا رغم فقرنا بس اني مرتبته .. كلشي بمكانه . ومرات .ابويه يجيب شغلات قديمه من الناس يشتريهن اليه ارتبهن واعدلهن . . واوصي على تول .وخيوط .هو رغم ماعنده بس مايكلي لا شريد يجيب ومسويه البيت جنه ..كلشي نظيف ومرتب .
كملت عشانه وشعلتله الصوبه لمن يطب يله اشغلها اقتصد بلنهار الف روحي بطانيه وانام لو اباوع تلفزيون مشيه روحي هيج
...ها.بابا كملتي
اي يابه . خليت القوري على الصوبه . وجبت صينيتنه اكلنه
اكلك يابه عود اني اشتهيت بيض وجبن للريوك
..باجر اجيبلج تدلل يمامتي هو انتي من تكولين اريد شي الله يرزقني مرزوقه من يومج
...يابعد كلبي .. اني اطلب .بس مو الي هو ماياكل زين واخف عليه . اسوي حجتي بروحي وهو ياكل على واهسي
صدك تذكرت ..وحده جابت مكينتها كالت بيعها الي عطلانه
كتلها بيش رايدتها .. كالت بيش ماتفيدك خذها شغلتها يابويه ماشتغلت ..كتلها ماتفيد .نوب اجت وحده عاملتها عليها وخذتها منها ب٢٥ .انوب ردتها المرا جانت يم ابو المخضر تعاركن ... المهم .هاي صارفه من الفلوس ١٠ ..كالت حجي اطيني عشره واخذها .. والله يابويه انقهرت عليها مبينه جايه تبيعها وتتسوك لعيالها تطيتها ال١٠ .وراحت
.كتله ..اي
. والله يابوج بس راحت . شغلت المكينه اشتغلت .. كلت هاي قسمة يمامتي باجر اجيبها الج
يمامه اني اعرف اخيط واحوك .كلشي تعلمت من التلفزيون
بس مو كلشي متوفر عدي اخيط بايدي
ابويه يبيع شغلات مستعمله ..ومرات كلنس بلتقاطعات من كلش .توكف عده . اني ..مايخليني اطلع ولااحد يدري بي عنده بنيه .يسمونه ابو غايب . من يجي احد مسويلي مثل السرداب يختلني بي .يكول هاي دنيا وانا اطلع من الصبح لليل . والناس من تدري عدي بنيه .يجوز تفكر غير تفكير . .وخصوصا انتي حلوة
اني ..بيضه .وكصيره . شعري اسود .طويل كلش . وعيوني سود كبار حاجبي مثل السيف . خشمي . صغير وشفايفي بارزه كلش ابويه يكلي انتي تشبهين امج جانت حلوة مثلج . امي . تمرضت وماتت اواني عمري ٨ سنوات
وراها اجينه اني وابويه هنا .ومحد يدري بيه لو يعرفني بس ام اسماعيل مره جبيره
غدير وسام
صبيت جاي لابويه وفرشتله ونام سوده عليه بس يحط راسه يشخر من التعب . رجليه مورمه . مديت فراشي وتمددت راسي يم راسه والتلفزين كبالي متابعه مسلسل . بس حسيت الضوا والصوت ضوجه كمت طفيتهن هو والصوبه . ونمت .كعدت على صوت الاذان يجينه من بعيد بس نسمعه . كعدت ابويه وصلينه حضرتله ترمز جاي هو يحب الجاي وحطيتله جم كبايه وخيار وطماطه يتغده بيهن ...طلعت البقه من العشه وطكيت عليه بيضه .وتريكنا ابوي طلع واني رديت نمت كعدت ب١٠ سويت غدا . عدي دجاجه مره ذابحتها وجايبتها فجران دم .ودفع بلاء جابتها ام اسماعيل ابويه مايقبل ناخذ من احد بس هي تجيبلي مرات واخذ علموده منظفتها اني وخليتها بلفريز .طلعتها .وخليتها على الطباخ اسويها تشريب اصفر وميها اخلي يشربه سوده بوجهي صاير اصفر بعد عمري يابه
ابو غايب شونك اليوم
هلا ..هلا .بيكم وين صار اسبوع ماكو
بعد الواجب . تعرفه ودوامنا كل فتره بمكان
الله يساعدكم . تعالو شربو جاي ..يله حضرة الملازم لو لكيت جاي اطيب من جاينه
ملازم شاهين .... .لا .الشاهد الله حتى بلبيت خابصهم . دصبلي كلاص وتوصه بيه
مو تدلل . وهاي هم لفة كبه وياها اكل الف عافيه
شاهين .. والنعم بوكتها . محتاج شي ابو غايب تريد شي
لا يابه مستوره وانا بطرك روحيتي شريد
ان شاء الله متحتاج
شاهين احب هذا الرجال من اهل الله . اجي اكعد يمه حجيه يرد الروح واشرب يمه اطيب جاي حتى الاكل رغم ميجيب شي . بس تحسه اله طعم . الكبه يمه ومرات عروك .وحتى البتيته رغم بس سلك مرات بس احبها وسبحان الله هو يجيب حافظه صغيره ويسويلنه اني والولد لفات وميخلص . شكد نفسه طيبه والله رازقه على كد نيته
ابو غايب .شونه ابنك
لا الحمد لله بركة دعائك الحمد لله
كلت للحجيه بس ابو غايب دعاله طاب
.الله يخلي الك وليدي طلعت تلفوني اشوف بيش الساعه
شاهين.اووو الناس وين وصلت وانت بعدك على هذا تلفونك حجي
...على كدي شسوي بيه اني هاي اشوف بي الساعه لو اوقته للصلا .واضوي بي نوبات
هههه خوش ..فايدك .والله لو تقبل اجيبلك واحد جديد على حسابي هديه مني
.لا تدري بيه ماخذ صدقه اني بعدني بحيلي اشتغل واجيب بس اكو مره جيرانه موصيتني على جهاز بسعر زين كون تحصل حواليك اطيني خبر .
شاهين.تدلل حجي . شكد حدك .
..ابو غايب ..بكلبي اريده ليمامتي مسوي سلفه ويا ام علي بلسوك الفين بليوم واستلم ٢٥٠ .اشتريلها واحد .ب٥٠ واجيب ثلاجه . ثلاجتنا تعبت مرات نلكاها طافيه وحدها ترد تشتغل. كتله .
شاهين .. سهله اشوفلك . يله اترخص حجي محتاج شي
.
لا الله يحفظك .. .احبه هذا الولد .وارتاحله هو وصاحبه فريد
كمت توضيت صليت الظهر ورديت لمكاني مسويلي سقيفه وكاعد جواها ابيع .. طلعت من الاكل البقه .واكلت .هسه يمامتي تغدت لا اليوم مشتهيه جبن وبيض . من اعزل اروح اجيبلها ..اليوم بعت خير من الله
عزلت كبل المغرب وجبتلها بيض بالف وجبن . وصمون خذت خيار وطماطه .البيتنجان احبه بس يمامه بيها حساسيه منه ومن اخذه تاكل منه نفسها دنيه عليه هههه ضحكت . وشلت مكينتها وطلعن صحت على حسن ابو الواز يذبني يم بيتي
حسن .شلك بلمكينه حجي
..لاام اسماعيل موصيتني . نزلني مثل كل يوم .بس مابيه منا المسواك والمكينه .دكيت باب ام اسماعيل . وصلتني .. طبت سلمت على يمامه الي طارت بلمكينه .
يابه حلوه هاي من الي يطرزن
اي بابا بلعافيه
ام سماعيل .. ولج بعد كله تخيطيلي هههه
يمامه ..تدللين كلهن قطعج الحرير والكشمير يمي هههه ضحكنا المثل حالنه يلبس المستعمل . بس ابوي ابد مايقبل البس من احد . واني بدون مايدري اخذ من خاله
ابو يمامه .. البارحه شون اجت مريه تبيع قماش القطعه ب٣ونص باجر اجيبلجن
راحت ام اسماعيل وانه حضرت الحمام .ورحت حميت المركه
صدك نسيت اوصيك على خبز اليوم سويتلك دجاج
...ومين جبتي
..ام سماعيل جابتها مطينها اثنين
..اني مو كايلج لاتاخذين من احد
عجبني اسوي دجاج
اي تكليلي واني اجيبلج .احنه مامحتاجين صدقه من احد زين بابا مادامني بحيلي لاتمدين ايدج لاحد من اموت عود ذاك الوكت .اخذي
.اسم الله عليك يابه عمرك طويل عسه يومي كبل يومك
اخر مره والله
زعل مني ومارضه يتعشه راضيته مافاد . ونام بدون عشه صخام بوجهج يمامه . ليش هيج . ظليت كاعده يم راسه .للصبح
بس كعد كتله صباحك خير
..وصباحج
بعدك زعلان .عليك بروح امي لاتزعل مني
هاي اخر مره تاخذين من احد
يمامه ..والله توبه وداعتك بسته من راسه . ضحك يمه ردت روحي من ضحكلي يابعد كل عمري وسنينه
ركضت خدرت جاي وخليت الجبن والبيض
تريكنا
اكلك يابه شحطلك غدا . ماجبتلي جريش الفلك كبه
لاتحطين شي
كتله لا شون .ماحط . دخذ الدجاجه واشتريلك خبزات مناك وتغده وانا مجمعه فلوس راح اطيهن لام اسماعيل بدالها
غدير وسام
لا .هاج هاي فلوس بمكانها اطيهن اله و. كومي حضريهة
ركضت حطيتها واطيتها اله الف عافيه
كبل لا اطلع لشغلي .كتلها .اخ بابا يمامه لوبيدي ماأكسر خاطرج ولااخلي شي بنفسج بس ماريدج تتعلمين على كسره النفس اريدج دومج تظلين غاليه ورافعه راسج
يمامه ..اني مامحتاجه شي وراسي عالي بيك يابعد حيلي
رحت لشغلي اشتريت وبعت . كمت جبتلها قطعه من هاي المرا صفر ومشجره باسود . وخذتلها قراريص وصبغ لكيت هيج علبه بيها كل الوان . بالف جبتلها
رديت لكيت الملازم شاهين واكف
.ها حجي وينك .اليوم اريد جاي
...ههههه جيتك .جيتك . سيدي
مقرهم قريب عليه ودوم يجي يمي رغم هو ملازم واله مكانته بس كلش متواضع
حطيت الغراض . وجنت جايب خبز وطرشي للغدا
ماتاكل وياي . شون مرك دجاج
شاهين .بعد الزين مايراداله حجي ..هههه وداعتك حتى ريوك ممتريك
صحت ام علي تحمي النه هي تسوي بيض وسياح تبيع .وعدها . طباخ
ثردنا وكعدنا ناكل ربعه التمو محمد ولد جنود وفريد
شاهين.هههه مو دجاجه طلعت صارت عليها طكه وطيح
ههههههه
ابو غايب . بلعافيه بويه
..حجي هاي انت تطبخ
...ها ..ااا . اي من ارجع اسوي اكلي وانام
..والله عاشت ايدك بحياتي مماكل مثل اكلك
لو يبيع اكل يذبج كسر ام علي .ههههههه
ام علي . هو ذابني مو هل تجون تشربون منه جاي وتاكلون
شاهين ..ععععع بويه زعلانه . لا . ولكم من باجر ريوكنه من ام علي خخهه
صدك ابو غايب .اكو ولد جندي عده جهاز كلكسي بس يريد
راده بميه . ..عاملته قفل على ال٧٥ يفيدك
..والله اني مااعرف بيهن . .انت تعرف
شاهين . محمد يعرف .شفته ابو جاسم
اي خوش جهاز وترس جلده ال٧٥ .اخذه لكطه
ابو غايب .يمته تطيني السلفه ام علي
.ام علي ..هي قرعه مادري
شاهين شوف راح اطي اني ومن تستلم اطينياهن .
ابو غايب ..لا ..لا . عوفه
..هسه انت ليش تسوي بينه كلفه . من تستلم اطيني ترا متلكه جهاز بهيج سعر يفوتك .
لا سيدي .رحمه على موتاك عوفه .
شاهين ..كيفك يابه .دصبولنه جاي . ..اني الجهاز اخذته الولد راده ب١٥٠ . واخذته منه . وضميته .اله . هو كال لجيرانهم بس اعرفه اله ويستحي يحجي راحو الولد بقيت بس اني يمه
كام يصب جاي وكعت علاكه وكعن منها صبغ وقراريص
ههه شنو هاي حجي المن لصاحبتك شفته ارتبك وضمهن
ابو غايب لا مريه اشترت ونستهن يمي
شاهين والله كيفت عبالي لصاحبتك ههه يله اترخص
الرجال يكسر خاطري وحده بهذا العمر . بيته بلتجاوز وماعنده احد . جم مره كتله اخذك لدار عجزه واني اتكفل الدفع ميقبل . اني اشوف بي الوالد الله يرحمه مثله نفسه عزيزه ..مات على الستيرن مال التكسي حتى مانحتاج احد .. . رجعت لبيتي اني مزوج . بت خالتي .عندي منها ٣ بنات ولد علي الصغير امي طايره بي . تريد ولد . ولحت كومه على تقى زوجتي اني مجنت رايد اخلف هواي بس هنا بينهن لان قبله صارو ولد وماتو وهذا هم عليل الحمد لله بنياتي الحلوات احبهن وئام . واحلام وسهام الجبيره ٧سنوات
والصغير .. علاوي . عمري ٣٥ ...سنه . شكلي ..مقبول جسمي تارس مو سمين انما خشن .طويل كلش وابيض على حمار شعري اسود خفيف . عيوني وسط . حواجبي كثيفه بترتيب وخشمي شويه بي كبر متلائم ويه وجهي . عندي شوارب يعجبني اسوي لحيه وتلوكلي بس ممنوع .. بحكم شغلي
ارجع لعائلتي . امي الله يحفظها عايشه وعندي . و٣ اخو ان خوات ٤ مزوجات٣ وحده لا خواتي الي ماخذه غريب والي ماخذه من عمامي والاخوه مزوجين واحد طالع واحد بيتي لان ماعده امكانيه البيت اليه اني اشتريته وفاتحه للكل خواتي .وخواني وامي تقى خذتها عن اقتناع حبابه . وخدومه وتحب اهلي بس . بارده تجاهي قايمه بكل واجباني . وماعليه قاصر . بس .برود ..
امي من اطب للبيت تتلكاني كاعده بلصاله وبحضنها علاوي
الله يساعدك ياعامود بيتي وخيمتي
شاهين ويساعدج ..بست راسها وايدها .. نزولي مو كل يوم ..لا بين ٤ ايام والخامس . اجن بناتي يركضن هلا .. هلا . بابا . تعالن .. بوستهن .. وكعدن بحضني علاوي .شو هم مصخن
... والله يمه هذا الولد مايصحه . موتني
.. اسم الله عليج يمه . وين امه . تقى. ياتقى
.. نعم . الله يساعدك .
هلا بيج . شو هم مصخن مو خابرت كلتي زين
...ها .هو زين .
..يازين مو هذا مشتعل نار لو متدرين بي
..هي خالتي ماتطي شسوي
ها .وانتي ماتدرين .بي . دبدليله وانتي البسي امشي اخذه دكتور
اخذته ..طلع صدره ملتهب علاج وابر . كومه خلصت الاجازه ودي للمضمد وجيب علاج .
ابو غايب ...يمامتي قاصتج شكد بيها .
يمامه ..مادري انت شتطيني احط
دفتحيها . .
يمامه ..فتحناها طلع بيها ٥٠ الف .
حصلتلج تلفون بس ب٧٥ . يله ادبر ال٢٥ البقت مين مجان
.صدك . يابه . شونه التلفون
..ماشايفه بس كالو من ذن الحديثات . دلسكي مدري شسمه
يمامه ..كلكسي يابه
اي هو ..هو . جيبي فليساتج .واطيهن للولد واجيبه
نمت واني اتحلم بلجهاز الجديد ..الله يصير عدي واخابر بي ابويه .وام اسماعيل . ههههه وبعد مالعب بتلفون ابويه .. دوده . واخلصه شحن
كعدت ابوي الفجر . صلينه وحضرتله اكله والجاي . ورديت نمت
ابو غايب ..اليوم ملازم شاهين ماكو مو رد من اهله
محمد ..لا حجي . باجر يجي يمكن ابنه مريض ودايخ بي
..الله يشافي .ويعافي اله
رديت ..خطيه يمامه متانيه التلفون جم يوم دوم اسئل عليه .وهو ماكو خليت رصيد وخابرته اطمن على ابنه .
جاوبني وكال متحسن يومين ويرجع لدوامه
يمامه ..كامت ام سماعيل تجيب قطع واخيط الدشداشه ب٥ .نوبات باقل .. هي تتسوكلي دانتيل وورد . وتكللهم هي تخيط . لان اني محد يعرفني ..مو هواي تلكط .
ابوي من كتله ماقبل بس محد يدري بيه اني الاخيط كولتن ام اسماعيل . وهي تطب وتطلع احنه بيتنا مكطوع بس هي يمهم جم بيت وتروح وتسير لغير مكانات
ابو غايب .اجه ملازم شاهين تحمدتله بلسلامه وكتله على التلفون .. اطيته ٥٠ .
شاهين .خلص .هسه اجيبه وال٢٥ تبقه لمن تستلم ميحجي الولد . .
رحت طلعته من المكتب مالتي .وجبته اله . شفت لمعه بعينه .وفرحه .. عبالك ملك الدنيا
يمامتي.. تعاي
شوفي شجبتلج ..
.جيت يابه الله يساعدك ..شنو
طلعلي تلفون يمه كمت اكمز . ههههه جبته ..جبته ياعمري انت يابه جبته
اي هاج تعرفيله .
.. اي اعرف . باوعت .بي . خوش منزلين العاب حلوة
من احصل بيعه زينه اجيبلج .خط .ورصيد .
.اي يابه حتى اخابرك .. هههه حطيته على اذاني وسويت نفسي احجي ويا .
شونك ابو يمامه هههههه
لج ابو غايب محد يعرف
يمامه ..امممم ..العفو نسيت من الفرحه . خليته بصدري .ورحت حضرت لابويه الحمام والعشه . .
خلص .. تعاي مااستاهل تفرجين رجليه مو جبتلج تلفون
..واني بدون تلفون اخدمك بعيني شعندي غيرك ..بست رجليه ..وفرجتهن . ياعمري وكل اهلي . اسمعه يون ونته تزرف كلبي . تعب ابويه وهو جبير .سوده بوجهي .. المثله كون مدفه ومهفه وهو بلشته كاتله البرد وبلصيف بالحر
ذبيت التلفون ونمت لمن نام ونته ضيعت كل فرحه بيه
ظليت افكر اذا صار بي شي وين اروح . ماتحمل اني العيشه بدونه هو كل دنياي .. ماخلاني احس اني يتيمة الام . ابد ولا خلانه بعازت شي مرات اكول اني اتشرط عليه وهو تعبان جيب وجيب بس هو رغم فقرنا مدللني حبيبي اتمنه يقبل اخيط .لو اطلع اشتغل بس مايرضه . واني هم . اذا بعمري ماطالع .شون اعرف .. بس اعرف اقر واكتب ..لان من ماتت امي جنت بالثالث ظلينه لحد السادس وبطلني ... واجينه هنا وهو بعد ضمني من عيون الناس يخاف عليه
كعدته الصبح ورحت احضرله . جايبله ترمز جبير يكول الولد تشرب جاي يمي . وذاك صغير استحي . كريم وانت ماعندك .. فدوة اروح لشيباتك . اليوم بس بيض وبتيته عدي سلكتهن ... وخليتهن اله . . تريكنا حليب . وجبن . لان اليوم . بلاعيمه مطبكه مستبرد من امس عرفته من ونته . بالي ييمه . ردته مايروح بس مارضه .
شاهين .اليوم حجي مالك خلك
اي والله جني استبردت
..لا سلامتك ..خلي اجيبلك علاج من يمي .
جبتله فلو اوت وكبسول . . وخذته يمي للمكتب شعلتله التدفئه .. .
خطيه جان تعبان كلش . تمدد على القنفه ونام دزيت ولد يوصي ام علي على غراضه . .. جاب اكله والترمز . فتحته بيض سلك .وبتيته .. .صحت على العسكري دزيته على معلاك وكباب .و كعدته من جابوهن حتى نتغده .
..ليش كلفت نفسك .
شاهين ...شدعوه كل يوم تعزمنه .اليوم نردها الك . .يله اكعد .
ماكل شويه . وكام .
كتله ليش ماكلت
هاي شبعت . . الحمد لله
صبينا الجاي ..كتله بس هذا منك منبدله هههه . والله حجي جبت نفس الخبطه الكتلي عليها بس مصار هيج طعمه
كال ..مو اخلي على الجوله ونار هاديه من الفجر .اصلي . واتريك .. .وهو يخدر براحته .
شاهين . كام يروح كتله اوصلك ..
لا .اصلا دواك بي العافيه . كلش زين هسه .
طلع . وبالي يمه . .
ابو غايب رجعت للبيت حتى غراضي عفتهن بمكتب الملازم شاهين . نمت . ويومين تدك بيه الصخونه
يمامه ..رجع مريض . وانا متت عليه اسويله كمادات واخاف لامثل امي يروح .ويعوفني .. تلفونه يدك مكتوب ملازم شاهين
بس مارديت ..اخاف
وين يله صحه .وردت عافيته . جاوب .. تلفونه وشفت وجهة تغير .ويكول هلا . هلا بيكم . بساع سده واجه كال كومي روحي ختلي ولاتطلعين ابد .
شاهين دريت بي مريض . وماجه .خطيه هذا رجال ماعده احد .سئلت ام علي كالت حسن يندله .
كال اني اذبه بهذا الركن ..دكيت عليه كال جايك
اني ومحمد .. وفريد جماعتي جينه وجم عسكري يحبونه
وصفلنه ورحناله .شفته متغير وتعبان .
طبينه البيت رغم منطقه تجاوز وتشوفه من بره تكول هذا شنو اكيد زباله من جوه بس فتنه صدك اثاث قديم .. بس نظيف .ودافي والريحه طيبه اكو لمسه حلوة بي
.جاب جاي
وصب .بستكاين واني بكلاص يعرفني اخرب على جايه .
شون عايش وحدك جان تزوجتلك عجوز تونسك .هههه
.بعد يله حسن الختام يازواج .
شاهين لا بعدك شباب .. عمي اني ادورلك عجوز اكلها شون شايب ام بيت معدل ..بشرفي احسن مره متلحكك بلترتيب والنفس الطيب بلاكل
.. من طيب اصلك سيدي بس سويتني فرد مره .هههههه .
يمامه اسمعهم يحجون ويضحكون . ويا ابوي واني خاتله
شويه والصوت ابتعدت وسمعت سلام بينهم اجه ابوي كال طلعي راحو..
.لكيت علاليك كومه مسواك وفواكه .وعصير و ولحم .
هاي شنو يابه .
. هاي ملازم شاهين جابهن هو وربعه لان مريض
كمت اعزل بلمسواك .. ومكيفه .ماشيل هم شراح اطبخ لغده والعشه فد جم يوم .
طلعت معلاك لابويه اشوي اله . كصصته واكو خشب بلترك ورا القطعه لميته .. وشعلته .وذبيت المعلاك والجاي عليه متعلمه مرات اخلص غاز ونفط وابوي يتاخر هيج اشتغل بيهن ..
شويتله . على الخشب .ام اسماعيل خابزه جابتلي جم كرصه . .. طبيت للمطبخ واسمع صوت واحد يصيح ابو غايب .. ابو غايب يتبع .. ..
مسائكم ياسمين ..🌼🌼🌼هاهو لقائنا يتجدد
يحمل معه اشواقي لكم رايكم ببدايه قصتنا
شدتكم .... النشر راح يكون يومي باذن الله