اللحن الأول
-
في مدينة جدة
الساعة 10:30م
واقف في الجزء المظلم من المجمع
يراقب بدقه الداخل و الخارج من المجمع
ينتظر فريسته الجديدة
ابتسم بخبث وهو يشوف سيارة ام دبليو
نزل منها ثلاث بنات وشاب خمن انه في الـ20 من عمره .. رفع قبوع جاكيته الرصاصي على راسه وثبت نظراته
ومشى بسرعه بتجهم وبحركه مقصوده صدم بكتفه بوحده
من البنات الثلاث وبحركه خاطفة سريعه وخفيفه
دخل يده في شنطه البنت وسحب البوك منها ودخله بكم جكيته..كل هذا صار في اقل من خمس ثواني.. البنت التفتت له وهي ماسكه يده بالم/انت ما تشوف!!؟؟ (هو) يمثل الارتباك/اووه سوري كنت مستعجل وما انتبهت
مشى عنهم بسرعه بدون ما يسمع ردهم .ابتسم وهو يفتح
البوك ويستخرج منه كل الفلوس
ويرمي البوك وراه ..ضحك بقوه وهو يسمع صوت الشاب يصارخ يطلب منه انه يوقف.. وبدون مايلتفت لهم ركض بسرعه وهو يتجاوز زحمة الناس حتى طلع
للشارع الرئيسي
وبما ان اليوم ويكند كان الطريق مزدحم .. وبدون تفكير وبتهور قطع الطريق وهو يتجاوز السيارات متجاهل البوري وصراخ اصحاب السيارات اللي كانت بتصدمه
وصل لطرف الثاني وهو يبتسم بغباء
وهو يشوف سيارة صاحبة اللي واقفه على جنب اتجه لها وركب بسرعه /دحوم حرك بسرعه
عبد الرحمن عدل جلسته وحرك السيارة بسرعه/ها نويف اشوفك رجعت بسرعه عسى لقيت لك صيده تحرز!!؟ نواف طلع الفلوس ونثرها بحضنه /شوفة عينك وانت؟! عبدالرحمن بتوتر/خلك مني انا . احم!!طارق دق علي
نواف ابتسم/صدق!!ماقال متى بيرجع!! عبدالرحمن/رجع
نواف عدل جلسته بخوف/وتوك تتكلم!! والله لو يدري اني طلعت ان يذبحني رجعني للبيت بسرعه
عبدالرحمن/هد هو بعد في المطار
نواف/انت متى كلمته!؟ عبدالرحمن/قبل نص ساعة
نواف برتباك/يووه امداه وصل للبيت تكفى استعجل
عبدالرحمن زاد السرعه وهو متوتر
وصلو للحارة وقف السيارة خلف مبنى مهجور
نزلو بسرعه
مشى عبد الرحمن و نواف وراه وصلو لخلف بيت نواف
عبد الرحمن /بسرعه تسلق الجدر ونط
نواف /لحظه بتصل بوعد قبل اشوف إذا وصل او لا
عبد الرحمن سحبه و وقفه قدام الجدار/مو وقتك بسرعه نط
نواف بإرتبك /طيب هات يدك
عبد الرحمن شبك كفوفه ببعض لأجل يصعد عليها نواف..مسك نواف كتف عبد الرحمن ورفع رجله على كفوف عبدالرحمن ونط على للجدر وقدر يركب فوقه
عبدالرحمن يقبض كفوفه من الالم /لا تنسى تدق علي تطمني
نواف رفع ابهامه باوكية ونقز لداخل حوش البيت
..
نواف رفع ابهامه باوكية ونقز لداخل حوش البيت
جلس شوي على الارض بالم من رجوله وقف بسرعه ودخل بهدو
من باب المطبخ الخلفي تلفت يمين ويسار يتطمن ان الوضع آمن
-
.وقف بسرعه ودخل بهدو
من باب المطبخ الخلفي تلفت يمين ويسار يتطمن ان الوضع آمن ودخل للمخزن فتح غطى القدر
القديم وطلع ملابسه منه وبدل ملابسه بسرعه ونزل المشد اللي على صدرة!!!!!! ولبس او (لبست)ملابس البيت العادية
فكت شعرها القصير اللي كانت رابطته بعشوائية بربطة صغيره..خذت نفس عميق وطلعت للصالة وهي ترسم على شفايفها ابتسامه غبيه.. وهي تشوف خواتها متسدحين عند التلفزيون يتابعون مسلسل تركي ..ماعاد وعد اللي واقفه عند الشباك و واضح عليها انها تراقب ..مشت لها وهي عارفة من تراقب..ضربتها على كتفها بخفيف لأجل تنتبه لها
وعد شهقت بخوف وهي تلف عليها/ووجع يا نويف طيرتي لي عقلي
نوف بسخرية/اللي يسمعك يقول معك عقل
وعد فتحت فمه بتتكلم
قاطعتها نوف وهي ترفع اصبعها على فمها
تسكتها/اششش
قربت للشباك وهي تشوفه واقف في بشموخ ٌجذب ورجوله طاغية ..السكسوكه سوداااااء كثيفة مع بٌياض بشرته ..وعيونه الرمادية ناعسه.. ابتسمت بسخرية وهي تسمع وعد تمدحه
وعد/وفديت الرزه انا اه ياربي ليتني مكان عمتي شارملا
ويحضني مثلها
نوف /لا تتاملين فيه كثير ترا مايفكر في اشكالك
وعد بعصبيه/ليه وش ناقصني ها؟؟ نوف مشت عنها وهي تلوح بيدها بمعنى "مجنونه"
طلعت له في حوش وهي تسمع ضحكته وهو مسك وجه امه ويمسح دموعها
نوف بمرح/هـلا بالعيال..طولت الغيبة
طارق ابتعد عن امه وهو يبتسم لها/هلابــك عسى اشتقتي لي
نوف قربت له وهي تضرب كفها بكفه
كـ"مصافحة/تخيل اشتاق لك
طارق شدها من يدها وهو يلف ذراعه حول رقبتها
ويشد عليها بمزح..
ويبعثر شعرها/كيفك!! نوف تحاول تحرر نفسها منه /بخير قبل اشوفك
طارق يشد اكثر/بخير اجل؟؟!! نوف/يمه شارملا فكيني من ولدك
شارملا تبعد يد ولدها عنها وهي تاشر له بأنه يتركها
طارق بعد عنها وهو يضحك على وجهها الاحمر/هههههه عشان خاطر امي تركتك
شارملا تاشر لهم يدخلون
للملحق الصغير اللي في طرف الحوش
دخلو للملحق اللي كان عبارة عن صالة صغيره بجلسات ارضية ومطبخ صغير وغرفتين
جلسو في الصالة
شارملا تاشر لهم انها بتجيب لهم العشاء
طارق راقبها حتى دخلت المطبخ
عدل جلسته وبجدية/صار شي بغيابي!؟ نواف بكذب/لا اللي يسمعك يقول انك غايب شهر مو اسبوع
طارق رفع حاجبة بحده/انتي تسوين مصايب بيوم
نوف ضحكت بتوتر/ههههه الى هذي الدرجه مافيه ثقة؟! طارق بحده/بجيبها من الاخر طلعتي في غيااابي!؟ نوف بعلت ريقها /تحقيق هوو !!لا ماطلعت
طارق /نوفــ
نوف وقفت قبل يكمل واخذت العشاء من يد شارملا /..
-
نوف وقفت قبل يكمل واخذت العشاء من يد شارملا /اممم الجوع كافر
نزلت العشاء اللي كان عبارة عن كبسة دجاج..طارق عرف انها تصرفة
شارملا اشرت لهم يمدون ايديهم
نوف بهياط/حقك ان نذبح لك خروف بمناسبة رجعتك بس مره ثانية ههههه -
-
طارق بجمود/ما تقصرين
مدت يدها بتاكل وقبل توصل لصحن
مسك طارق يدها بقوه وهو يفتح كفها ..وبحده/وش هذا؟؟؟؟ نوف تحاول تسحب يدها بإرتبك/وش فيك
طارق بسط كفها /يعني عصيتي امري وطلعتي؟
نوف رفعت عيونها لكفها اللي كانت ممشوخه
من اثر تسلقها للجدر قبل دقايق
نوف شتت نظرااتها بعيد عنه
طارق بزعل نفض يده منها وقف ودخل غرفتة وقفل الباب بقوه
شارملا ناظرت نوف بعتاب
نوف هزت كتوفها ببلاهه ووقفت/بروح اكلمه
فتحت باب الغرفه ..وشافته جالس على الارض ويطلع ملابسه من شنطته
دخلت وقفلت الباب رفع عيونه لها بحده/اطلعي من وجهي لا اجرم فيك
نوف ببرود/ليش معصب!؟ طارق /لاا تجننيني
نوف جلست على السرير/روق هذا انا اطلع معك يعني بتفرق اذا طلعت وانت مو موجود
طارق شد على اسنانه بغيض/انتي عارفة ان طلعتك من الاساس مو راضي عنها ..و مكره اخاك لا ابطل..واقلها اذا طلعتي معي تكونين تحت عيني واكون متطمن عليك
نوف صدت عنه
طارق /من طلعتي معه وكم مره طلعتي؟
نوف/طلعت مع عبدالرحمن وما طلعت الا اليوم بس
طارق/اذا عبدالرحمن معك اكيد سرقتو صح
نوف ابتسمت بغباء/ايه
طارق/ليش رجعتي تسرقين!؟ما اتفقنا تبطلين ؟! نوف بسخريه/ابطل شي تربيت عليه!؟ "وبحده"وهذا وانت عارف ان هو اللي
يجبرني من كنت صغيره الي يومك هذا
طارق بضيق/كم طلب منك هذي المره؟! نوف/5000 ريال وابشرك في الليلة وحده دبرتها
طارق /اموت واعرف وش ماسك عليك..اللي اعرفه انه مايمد يده عليك ابد بعكس خواتك
نوف بتصريف/خلك من التحقيق وقول لي اخبار سفرتك؟! طارق صد عنها وكمل ترتيب ملابسه
نوف ابتسمت بسخرية اكيد انه
زعلان عليها يحق له ..لا مايحق له لأنه يعرف الوضع اللي انا وخواتي فيه.
.من وراء راس ابوي .. مدري كيف كانت بتكون حياتي لو ابوي ما تزوج عمتي شارملا ورضعتني مع ولدها طارق اللي من زوجها السابق اللي يشوف طارق
يقول انه في 25من عمره مو في 20 بسبب
طولة المميز وملامحة الحادة هذا غير
عيونه الرمادية اللي ورثها عن عمتي شارمل
ا باكستانية الاصل وكانت متزوجة قبل ابوي برجل من اهل
الشرقية لكنه طلقها بعد ما فقدت قدرتها على الكلام وجات لجدة عند اختها وبعد تزوجت ابوي اللي يعشق الحريم وكان شرطها ان طارق يكون معها.. انفتح باب الغرفة و
-
-
انفتح باب الغرفة وقطع كل من تفكير طارق ونوف
شارملا كانت شايلة صحن العشاء في يدها دخلت ونزلته على الارض بدون ما تطالع فيهم وبدات تاكل وهي تسوي نفسها تتلذذ بطعم
طارق ونوف ناظرو في بعض و وقفو بحماس وجلسو بسرعه جنب شارملا وبدو ياكلون بسرعه
شارملا /هههههههههههههههه
شارملا /هههههههههههههههه
نوف وطارق/ههههههههههههههههههههه هذا هو وضعهم ما يقدرون يطولون في الزعل
وقفت نوف/ يالله استاذن بروح اناام ميته نوم..تامرون علي شي
شارملا/اشرت لها بلا .... دخلت البيت وهي تسمع صراخ وهواش زوجات ابوها كا العادة ..دخلت المطبخ اللي كان محيوس وريحة التكشينة مالية المكان
تكت على باب المطبخ تناظر خواتها الثنتين الكبار منهمكين في الطبخ
نوف بضجر/هاا عندكم طلبية بكره؟! سعاد/ايه مثل ما انتي شايفة
مهره/الا تعالي متى رجعتي؟! نوف/قبل نص ساعة
سعاد قربت لها/طارق عرف انك طلعتي؟! نوف ببرود/يس
مهره /هاوشك؟؟ نوف لفت عنهم وطلعت وهي تهز راسها بـ ايه
دخلت غرفة النوم
وهي ميته تعب ،،فتحت عيونها على وسعها
وهي تشوف الغرفة مقلوبة فوق تحت
و الملابس وقمصان النوم مرمية على الارض.. وصوت الاستشور المزعج..عفست وجهاا وهي تشوف منى تستشور بدرية
فركت عيونها من تحت النظارة برهاق. .وبصوت عالي/طفي الاستشور
منى تستشور بدرية بضمير/هااا
تقدمت وفصلت المحول/اقول لك طفي
الاستشوار بنام
بدرية وجزء من شعرها ناعم و الجزء الثاني كاش.
.تخصرت بعصبية/نعم نعم!! وبالله وين استشور شعري!؟ نوف ترمي نفسها على فراشها الارضي/وما حصل لك تستشورين الا تالي الليل
منى شغلت الاستشوار وكملت شغلها بصمت بدرية شتت نظراتها بحزن
نوف استغربت صمتهم
رفعت راسها واسندته على يدها..مستغربه
من سكوتهم/وش فيكم!؟ ماردو عليها
عدلت جلستها وبشك/لا يكون!! منى هزت راسها ب ايه
نوف رمت راسها على المخده
وهي تشد شعرها/ااه
-
-
نوف رمت راسها على المخده وهي تشد شعرها/ااه
بدرية تتصنع الابتسامه/عاااادي تعودت وبعدين كلها شهر او شهرين وارجع لكم ..ههههه وغير كذا ابي اغير جو واسافر واعيش فتره من العز و الرفاهيه
منى/هههههههههه رفاهية اجل مع الشايب
نوف/وكم عمر عريس الغفله!؟ بدرية/على حسب كلام ابوي يقول ان عمره70
منى بتشجيع/الله الله في الاسواق حاولي تسحبين منه اكبر قدر من الفلوس لا تخلين شي في خااطرك
بدرية بحماس/لا توصين حريص هههههههه
نوف غمضت عيونها بقرف من حياتهم ابوهم يكسب من راء تزويج خواتي مسيار لشيبان ورجال في نص عمرهم وطبعا كلهم من الطبقة الراقية يتزوجون مسيار شهر شهرين و يطلقون ..وصار الوضع عادي متعودين عليه.. وقفت بضيق من كلامهم وطلعت لسطح.. عقدت حواجبها بقرف وهي تشوف رهف تشيش بشراهه
و وعد تكلم جوال... "سطح مرتبين لهم في جلسه يتجمعون فيها ،،وكانت عبارة عن فرشة كبيرة ويتوسطها صناديق بلاستك الملونه القديمه مرتبينها جنب بعض كـ طاولة وحولها علب حليب "بودره " يستخدمونها كـ كراسي لهم...مع حمام صغير وغسالة يدين خارجيه..وغسالة ملابس ويتوسط السطح حبل ينشرون فيه ملابسهم بعد الغسيل..كل هذي افكار مرة ابوهم المصرية"
جلست على الطاولة/انتي وبعدين معك ما تتعبين من كثر ماتشيشين؟؟ رهف /نوو تعودت
نوف بحقد/ليت ابوي يدري انك تسرقين شيشته وتشيشين فيها قسم ان يعلق مشنقتك
رهف/هههههههه خبرك قديم قد عرف وبعدين هذي حقت ابوي القديمه شريت له وحده جديدة مقابل يعطيني حقته
نوف/فرحانه انتي ووجهك؟! رهف بروقان/ايه مررره
نوف /اجل جعلك من هذا و اردى رهف/ هههههههههه امين".وبصوت عالي"
دخلت السطح هاجر وهي تركض بسرعه/سمعتو اخر الاخبار
نوف بطفش/بدات نشرة الاخبار مع هاجر
هاجر سحبت الجوال من يد وعد/خلاص قفلي عندي لكم خبر
وعد همست بعصبية/هاتي جوالي لانتفك
هاجر رجعته/قفلي بسرعه لافضحك
وعد خذت الجوال/الوو..سوري حبيبي هذي اختي تمزح...هههههه.... اوكي اكلمك بعدين حبيبي..بــاي.. هاجر تتهزا فيها/باااي مالت عليك..هذا اي حبيب فيهم خابره قلبك فندق خمس نجوم
وعد وهي تجلس /اذكري الله..انا حبيبي واحد مافيه غيره..."ونظراتها على نوف"طاارق وبس"
نوف ناظرتها بإستحقار وصدت عنها
هاجر بحماس/المهم اسمعو اخر الاخبار..بسمه مات زوجها الشايب اخيرا وبكره بتوصل لجدة
رهف بصدمه/صدق؟؟؟؟؟ هاااجروه لو تكونين كذابه والله لامسطك بـ الشيشه
هاجر بفرح/والله ما اكذب
وعد /ماا اصدق اخيرا بعد ست سنوات من زواجها بترجع ونشوفها..
---
-
ونشوفها..والله ان شتقت لها حسبي الله على زوجها حرمنا منها ست سنوات حتى صوتها ما سماعناه .. رهف/ههههه مفروض تدخل موسوعة جينيس لعائلة الـ راشد
الان زواجها استمر لاكثر من سنه بالعاده اللي تتزوج من عايلتنا زواجها مايطول اكثر من 6 شهور
وعد بسخرية/ليه لايكون نسيتي الانسه نوف!؟ لها سنتين متزوجه
نوف قبضت يدها بحقد لاكثر شي تحاول تنساه او تتناساه وهذي بكل برود تتمسخر.. رهف/لااا نوف ما تنحسب لأنها حتى شكل زوج الغفله ما تعرفه ولا قد قابلته
وعد /اكيد هج ههههههه مو معقوله بس ملك عليها واختفى ولا الاخ مطلع لها صراف ويرسل لها راتب شهري
نوف هجمت بشراسه على وعد ومسكتها من شعرها/وعدووه والله الذي لا اله الا هو اذا ما بلعتي لسانك ان اقصه لك هذاني حلفت
وعد برعب رفعت يدها على فمها/خلاص بسكت..بس تكفين فكي شعري
نوف دفتها بعيد عنها وجلست وهي تتافف
رهف بهدو/نوف هدي .. وبعدين اتوقع انه قد طلقك او مات لان مو معقوله دافع مهر عاالي جدا واختفى هذا غير المصرف الشهري اللي يرسله
نوف بجمود/ما توقع لانه لو مات او طلقني كان. قطع المصروف..عساه الموت..ماهمني وبعدين اليوم اللي بيخذني فيه بيكون يوم وفاته
رهف /وانتي وش عرفك ان المصروف ما انقطع!؟ اذا الصرافه مع ابوي وهو اللي ياخذ الفلوس لنفسه
نوف رفعت جوالها على الرسايل النصيه اللي من البنك/من الرسايل كل شهر ينضاف لحسابي المبلغ هههه ما يمر يوم الا وابوك ساحبه ..
هاجر وقفت وهي عاقده يدها على صدرها/خلصتو هواش وفلسفه!؟..اكمل لكم باقي الاخبار
رهف بطفش وهي تنفخ الدخان على فوق/كملي كملي
هاجر بحماس/تخيلوو الاخت بسمه عندها ولد بنت تووام
رهف/كح كح نعم نــعم
وعد رفعت يدها على راسها/يويلي حنا ناقصين ..بيتنا بينفجر
من الزحمه اوف
هاجر/بـ العكس وناسه يكون عندنا اطفال
هاجر تكمل نشرت الاخبار/وسارة كلمتني تقول انها في سويسرا ..هههه وتقول شكل الرجل بدا يطفش واحتمال الاسبوع الجاي تتطلق..و بدرية زواجها بكره من شايب سبعيني..وقبل امس سمعت ابوي يكلم جوال و واضح انه يكلم واحد خاطب عنده وقاله ينتظر اسبوع لاجل تنتهي عدة مهره ويزوجها له...وبكذا انتهت اخبار عائله الـ راشد
هههه
ـــــــــــ
عائلة الـ راشد
راشد متزوج اربع
زوجته الاولى هنى(مصرية) بناتها
سعاد 35 ، بسمه 33 ، سارة30 ،بدرية 27
هاجر 21
زوجته الثانيه سوزان(برماويه) بناتها:
مهره 29 ،منى26،رهف 24 ،وعد22
الزوجة الثالثه "ام نوف مطلقه،"سعودية" عليها بنت نـوف 20
الزوجة الرابعه شارملا
"باكستانية" ولدها من زوجها السابق
طارق21
واخو نوف فقط من الرضاع
_
-
...... صحت من النوم على صوت ازعاج ..جلست بكسل تلفتت ف الغرفه فاضيه..لبست نظارتها ..و وقفت وطالعت لمصدر الازعاج
عقدت حواجبها وهي تشوف عمتها نهى تبكي و هي حاضنه بدرية.. مسلسل ينعاد بشكل مستمر في بيتهم تحت عنوان الزواج المسيار
والمستفيد الوحيد راشـد.. منى وهي تودع بدرية/يالله كلها كم شهر وترجعين
سعاد/ لا تنسين نصايحي
رهف/ وكل ما اعطاك فلوس اجمعيها الين ترجعين لنا
بدرية وهي واقفه قدام المراية/طيب طيب...بس قولو لي كيف شكلي حلو؟! هاجر /تهبلين بس لحظه المسكره مبقعهة تحت عينك"قربت منها تمسحها
دخل راشد بهيبته وجسمه الجبر وبحده/بعد ما خلصتو!؟ سعاد برعب/الا خلصنا
راشد قرب من بدريه/يله رجلك ينتظرك
بدرية ودعت خواتها م معاد نوف اللي
مازالت على وقفتها ابتسمت لها بدريه وهي تاشر لهم ب مع السلامه..وارخت النقاب على وجهه..وطلعت لـ زوجها لتكمل مسيرة خواتها.. .
________
بعد ما طلعت بدرية دخلت المطبخ وبكل برود
فتحت الثلاجه وخذت توست وجبن واكلت بهدوء عكس الازعاج اللي في صاله ...عقدت حواجبها مستغربه من الهدوء الغريب فجاءه اختفى الصوت من الصاله .. لكن ماهي الا ثواني وعرفت سبب الهدوء
وهو دخول ابوها لصاله..بلعت ريقها وهي تسمعه يسال عنها.. دخل المطبخ وبجبروت/نويف الحقيني لغرفتي
نزلت توست بدون ماتكمله /ابشر
خذت شهيق وزفير وتهدي ضربات قلبها المرعوب.. وقفت ودخلت لغرفتهم طلعت الفلوس الي جمعتها امس ودستها في جيبها..واتجهت لغرفة ابوها مره بصاله وهي تشوف نظرات القلق على وجيه عماتها وخواتها
هنى ربتت على كتف نوف "وبلهجتها المصريه"/هو انتي عامله ايه
نوف تجاهلتها ودخلت وقفلت الباب
وراها..شتت نظراتها بالغرفه تحاول تتجنب نظرات ابوها الحاده.غرفة ابوها خااص له هو باثاث فاخر وراقي عكس غرف بيتهم اللي اثاثه بسيط مع ان بيتهم عماره كبيره قديمه بدور واحد
راشد بهدو/تعالي اجلسي
غمضت عيونها واجلست في المكان اللي اشر لها عليه.. نوف طلعت فلوس اعطتها ايه/جمعت المبلغ اللي تبيه
راشد ابتسم وهو يقلب الفلوس في يده ويعدها/كفو ..مو غريبه عليك... راشد ابتسم بخبث وهو يرمي عليها الفلوس
نوف ناظرته بصدمه
راشد بمكر/اعتبريها هديه لك
نوف رفعت حاجبها بسخريه/هديه اوه هه وش المناسبه..او خليني اقول وش المقابل؟! راشد بجديه/تروحين معي بكره للميناء
نوف برعب/لااا لالا لاا ما اتفقنا على كذا انت قلت جيبي لي خمس الاف واعفيك من المهمه
راشد/وانا كنت صادق..كنت بعفيك منها بس طلع عندي شغل اهم
فمالي الا نواف
نوف بعصبيه/لا مستحيل يكفي اللي صار اخر مره رحت فيها
-
-
نوف بعصبيه/لا مستحيل يكفي اللي صار اخر مره رحت فيها ..من اليوم اعتبر نواف ماات
راشد/المهمه بسيطه جدا..وبعدين انا اللي سويت نواف وانا اللي بيدي اموته ...ربي ما رزقني بـ ولد.. لكن عطاني اياك انتي ومن صغرك وانا معودك على شغلي..لاني ابيك تكونين غضدي اليمين.
نوف وقفت بهدو /تامر على شي ثاني
راشد باستغراب ظن انها اقتنعت/لا طلعت من عنده بدون ما تلتفت لـ اسئلة خواتها.. طلعت للسطح وقفلت الباب وراها .. جلست بتعب من وضعها...وكلام ابوها يتردد في راسها.. من كانت طفله وهو ما يلبسها الا الملابس الصبيانيه ويقص شعرها مثل الأولاد وياخذها معه لسوق السمك تبيع معه.. حرمها من كونها طفله وتعيش طفولتها مثل باقي البنات اللي يكون اكبر همومهم لبس دميتها وانه يكون معها دب تحضنه وقت نومها....حرمها تدخل المدرسه وتتعلم مثل
غيرها بحجة انه بيتولى تعليمها ..وبـ الفعل ما قصر علمها على السرقه وكيف تكون يدها خفيفه..... هذا غير
حرمانه لها بان مايكون لها ام مثل باقي خواتها.. زواجه من امها كانت اكبر صفقه بنسبه لراشد ..
. في ايام الحج قبل 21سنه لقى راشد رجل بين الحياه و الموت طايح في منى بسبب الزحام..وقل الاكسجين عنده..فساعده راشد وانقذ حياته ..و وصله للمستشفى واللي صدمه هو الاهتمام الكبير من المستشفى للمريض وتخصيص غرفه خاصه له وراقيه خمن راشد ان الرجال له مكانته الاجتماعيه وسال عنه ما خب ظنه طلع من طبقات المجتمع الراقيه و الاستقراطيه..بعد ما استعاد الرجال صحته قرر يرد المعروف لـ راشد..وقال له الطلب اللي تبي
وراشد بكل ذكاء طلب يد بنت الرجال لأجل يستفيد بـ اكبر قدر منها ومن ابوها وبالفعل تزوج راشد بنت الرجل اللي هي ام نوف..ما مره اكثر من ست شهور الا وام نوف تطلب الطلاق بسبب عدم التكافؤ الاجتماعي ورفعت قضية خلع لانها عرفت بلاوي راشد ..وراشد كان شرطه اذا طلقها تدفع له مبلغ وقدره ..و انها تتنازل عن طفل له ..وفعلا بعد والادتها بنوف بشهر اخذ راشد نوف وسلمها لـ شارملا تهتم فيها وترضعها ..ولكن هذا ما منع ان ام نوف تقابلها مره كل سنه في شهر رمضان اذا نزلت من الدمام تزور مكه
وتتصل فيها بين فتره وفتره هذا غير الهدايا اللي ترسلها لنوف..
ــــ
رفعت جوالها بتردد فتحت على الاسماء..وقفت عند "امي"
مشتاقه تسمع صوت امها وتنطق بكلمة "يمه" لها شهرين تقريبا ما كلمتها ..وبالعاده ام نوف هي اللي تدق..و لاول مره تتجرا نوف تبادر وتدق على امها.. رفعت الجوال على اذنها بتوتره..
-
-
حنانكِ أمي شفاءُ جروحي وبلسمُ عمري وظليِ الظليلُ لَعَمرٌكِ أميَ أنتِ الدّليلُ إلى حضنِ أمي دواماً أحنُ لَعَمرٌكِ أميَ أنتِ الدّليلُ
-
رفعت الجوال على اذنها وهي متوتره... عفست وجهها بضيق بعد ما انقطع الخط.. دقت مره ثانيه مع اول رنتين فتح الخط
نوف بسرعه/الوووووو ....
بصوت ناعم ودلع/الوو.. نوف عقدت حواجبها باستغراب/من انتـي؟ بنفس الصوت الناعم/عفوا انتي اللي دقه وتسالين!؟؟ نوف بدفاشه/عطيني صاحبة الجوال ولا يكثر ..
..... باستغراب/اوكي ثواني بس
نوف "من هذي!؟ياعليها صوت،،ههههه شكلي صدقت اني ولد وخقيت على الصوت ههههه حسبي على
ابوي اللي كذب الكذبه وانا صدقتها"
قطع تفكيرها صوت امها/الووو
نوف بلهفه/الووو يمه
ام نوف باستغراب/نـــوف هلا ماما
نوف بلهفه/كيفك
ام نوف بهدو/الحمدالله تمام انتي كيفك وكيف الاهل
نوف ابتسمت باشتياق/كلهم بخير
ام نوف/نوف يا ماما صاير شي!؟ محتاجه شي
نوف عقدت حواجبها /هااا لا مو صاير شي
ام نوف باستغراب/اجل ليش متصله
نوف للحظات تمنت انها ترمي الجوال
وتصارخ بقهر..بإحباط/يعني لازم يكون صاير شي لاجل اسمع صوت امي و اتطمن عليها .."تنهدت"اسفه شكل اتصالي ماكان بوقته بس قلت امي لها شهرين ما اتصلت فـ اكيد صاير لها شي
ام نوف بهدو/معليش حبيبتي انشغلت شوي حقك علي
نوف/مو مشكله.." بتردد"يمه رمضان بعد شهرين بتزورين مكه فيه..ولا مثل العام ما شفتك فيه
ام نوف/حبيبتي انتي عارفه العام كنت مسافره للخارج مع جدتك لأنها مريضه والسنه هذي والله ما ادري بس اوعدك احاول
نوف/ان شاء الله تجين
ام نوف باستعجال/باذن الله..نوف حبيبتي تبين شي قبل اقفل لاني بطلع!؟ قبل اقفل لاني بطلع!؟ نوف بياس/لا سلامتك
ام نوف/يالله في امان الله انتبهي لنفسك
نوف نزلت الجوال بدون ماترد عليها وقفلت الخط..ابتسمت بسخريه "هذا هو وضعها مع امها مكالمتها معها تقتصر على السوال عن الحال فقط واذا كانت محتاجه شي..ما عمرها سالت عن دراستها ولا عن اكلها ولا عن ابوها كيف يعاملها..وكانها تادي واجب فقط ..وحتى إذا قابلتها تكون معاملتها لـ نوف برسميه او إذا صح القول بجفى"
وقفت وقربت من سور السطح وتكت عليه غمضت عيونها ،،تتمنى تبكي او تصارخ تعبت وملت من حياتها البارده مرات تتمنى ترمي نفسها من السطح... فتحت عيونها وهي تسمع احد يسولف ..كان مصدر الصوت من بيت جيرانهم اللي ملاصق لبيتهم ويفصلهم عن جيرانهم الجدار اللي فاصل الحوش فقط.. ثبتت نظراتها وهي تشوف ....
-
-
وهي تشوف
صاحب البيت يكلم جوال.في سطح بيتهم. كان شاب في 35 من عمره ملتحي بملامح عاديه .. ياكرهي لك يا انه يضغط كل ما شافني ازور خواته يهاوشني ويطردني يخاف اخرب عليه خواته مالت عليه .. مو مصبرني عليه الا حبي لخواته ولزواجته.
فتحت عيونها على وسعها وهي تسمعه يكلم
ناصر/ياحبيبتي كلها نص ساعه واطلع من البيت وعلى ما اوصل لمكه يبي لي نص ساعه يعني احسبي لي ساعه ونص واكون عندك..ههههههه..اي مطعم طلبتي منه..انتبهي من اللي يوصل خليه ينزل الاكل عند الباب واذا تاكدتي انه راح خذيها..عنوان شقتنا!؟..طيب خذي اكتبيه عندك..شارع الملك فهد يخذ يمين بعد النفق حتى يجيه تقاطع على شكل حرف تي يخذ يسار شقه رقم 110...هههه اوكي انتبهي لنفسك ..وانا اشتقت لك..باي
نوف رفعت يدها على راسها..هلا هلا مسوي لي فيها شريف مكه ويغازل شكل الاخ متزوج على زوجته ..طيب طيب ياناصر اذا ماربيتك ..ابتسمت بمكر وهي تطالع جوالها
ودقت على سارة اخت ناصر
نوف/الووو
ساره/هلا والله اخبارك يا القاطعه
نوف/تمام ههههه انا القاطعه ولا من اخوك الثور ههههه
سارة/يادبه اشتقنا لك ..اسمعي نصور بيطلع مكه ياخذ عمره بعد شوي تعالي وتغدي معنا
نوف"ايه هين قال ياخذ عمره قال"/اجل افتحي الباب انا جايه
ساره/لااااا لحظه بعد ما طلع اذ طلع بدق عليك
نوف هي تنزل من السطح..بستهبال/افتحييي ولا يكثر..قفلت
قبل تسمع رد ساره .دخلت غرفة البنات واخذت عبايتها و لبستها بسرعه
مهره/ويين وين!؟؟ نوف /بروح لـ جيرانا اذ سال عني طارق قولي له اني عندهم ..لبست نقابها طلعت بسرعه .. ... فتح لها ناصر الباب رفع حاجبه بحده بعد معرفها من عيونها يده على صدره بعصبيه/خيير؟! يا ام المصايب
نوف بروقان/جعلك ما تشوف الخير كذا ترحب بضيوفك..وخر بدخل
ناصر/لا والله انا كم مره قلت لك لا اشوفك جايتنا!؟ طلعت نوره وساره
نوره /ناصر الله يهديك اتركها تدخل
ساره/تكفى ياناصر
ناصر بصراخ/ادخلي انتي وياها..وانتي فارقي على بيتكم
نوف بمكر/اي بيت 110؟! او اللي فـ شارع الملك فهد!؟ الا اي تقاطع اخذ يمين ولا يسار من تقاطع اللي على شكل تي!؟ ناصر فتح عيونه على وسعها بصدمه..التفت وراه وهو يشوف نوره وساره ينظرونهم بستغراب..دف نوف برا وطلع وقفل الباب وره
ناصر يخفي خوفه/نوووفوه وش قصدك
نوف عقدة يدها على صدرها/مسكينه نوره بينكسر خاطرها اذ عرفت..
ناصر /الله يكسر راسك..وش ناويه عليه
.
نوف/خلك من نواياي و قولي هذي حبيبتي وش تطلع!؟زواجتك ولااااااا
ناصر بغيض/لووي يلوي لسانك..هذي زوجتي يا متخلفه
نوف/......!؟
-
توقعاتكم
insta : g_rwa12