قيود بين سلاسل الماضي(مكتمله)

بارت ٣٣

قيود بين سلاسل الماضي
       بارت ٣٣
السلام عليكم

دخلت البيت وبس دخلت شفت البيت عباره عن مهرجان مال اطفال وصخ بنات سرى ال ٤ يلعبون وسرى بالحمام تسبح ومرة حمايه ال٢ هي وزوجها بغرفة النوم كاعدين على الجربايه وابنهم بينهم والزواع مغرك الجربايه تغرك الثلاجه مفتوحه

وشكو اكل بيها الي مشمور والي مكسر والي تلفان والغرفه اخ يالغرفه عباره عن مستنقع مال وصخ وقذاره الواير مال التليفون ممدود بالكاع واصل البيت عمي والصونده ممدوده من الحايط البيتهم الهدوم مطلعيها من الكنتور ويشمرون بيها الفوك وتنزل بالكاع هههههه شحجي أكثر شي يعبر عن انك تكون انسان غير سوي وماعندك اي انسانيه

انك تدخل مكان مو الك وتلعب بااشياء موملكك ولايحقلك انك تلمسها مجرد لمس بس شتكدر تحجي او تسولف وي بشر حكموا على أنفسهم يكونون بمرتبة الحيوان ويتخلون عن انسانيتهم مقابل انو يشفون حقد كلوبهم الوصخه مباشرة وكفوا الحيلهم وبدوا يشردون تكمز بدون حتى ميعتذرون صح كانت دقايق ولحضات بس شفت بيها كل الحقاره الي ممكن تطلع بسنين بقت بس سرى الي بقو بناتها يكلولها اجت عمه أفنان

والي ما اعرف من شوكت داخله للحمام واني اكتفيت بالسكوت مو لان مااكدر ارد لا بس حماي وزوجته شردوا والبنات بعدهم صغار بقت بس سرى الي اول مطلعت وتفاجءت بشوفتي

وحتى قبل لااسمح إلها بالكلام مباشرة كتلها سؤال واحد وجاوبي عليه وبعدها اطلعي بدون ما اشوف وجهج بعد
سرى كولي
أفنان لو هاي غرفتج او بيتج تقبلين احد يسوي بيها مثل ما انتوا مسوين هيج بيتي وبغرفتي
سرى وشحده الي يدخل غرفتي والله البسه ثوب ملابسه

أفنان
ابتسمت وكتلها فعلا انتي اصلا لبسج واخلاقج ومستواج ميسمح بعد حتى اجاوبج لان جاوبتي جواب يدل على وصخ روحج ولتشوفين هذا الوصخ ممكن ياذيني شخصيا بكد مجاي تاذيج وصاخة روحج
سرى ماي ماعدنه وكلت اسبح شصار قابل غربه
أفنان لا موغربه بس كان طبيتي باادب وطلعتي باادب
سرى مو بس اني وبناتي حتى مرة امجد وامجد كانوا هنا وكاعدين هنا يعني مو بس احنه الوصخنه
أفنان ابتسمت وكتلها وبعد منو كان هنا

سرى تستهزءين هاج شوفي بعينج الزواع مال ابنهم
أفنان ماكو داعي شفتهم مو سبق وكتلج هاي وصاخه ماديه تتنضف بس شلون بالوصاخه الروحيه منو الي ينضفها
سرى شتقصدين
أفنان عندي شغل ممكن تركيني وحدي قبل لا يكعد الطفل

اخذت ملابسها وطلعت وبديت انضف من فوك الي جوه واني بعدني موجوعه شفت الويل بذاك اليوم بس يله يهون المهم رجعت البيتي والحياتي وهم اعرف هذا موقفهم شنو القصد من وراه مستحيل اخليكم تصيرون سبب بمشكله مع عماد وترتاحون وتكلون بسببنه صارت مشكله هي وزوجها

نضفت وغسلت البيت وشلت الفرشه وغسلتها وحضرت للغده بعدها بقه عندي شوية حضاين وجبه وحده رحت خليتها بالغساله قريتها واجيت حللت محمد وغيرت حفوظته وبدلتله ورضعته خليته يرضع ورحت للغساله وبديت انشر ملابسه باوعت للساعه ٢ الضهر هاي وقت جيت عماد لازم اكوم احضر الغده

عماد
هاي الفتره الي غابت بيها أفنان عن البيت صرت مثل الغريب وما عندي احد صح اهلي يمي بس ممرتاح ابد أدخل للبيت شمااحاول اتاقلم صعب كاعد بيت اهلي
سرى عماد عفيه ماعدنه تليفون الخط عاطل بلكي تجيب التليفون مالتكم أفنان مهنا اخابر على اهلي ومن تجي نرجعه

عماد أجيبه بس اول متكملين ترجعوه
سرى عماد شصار هو تليفون

عماد رحت جبته وكتلها هاج بس حافظوا عليه
سرى عماد شوكت تجي أفنان عماد بعد يومين
سرى هااا
عماد ليش
سرى لا هيج حتى نرجع الجهاز قبل لا تجي

عماد
طالع للشغل ومن اجي اخذ الجهاز سرى بس طلع عماد كتله والله الا اخليها تعلك بينك وبينها بيوم التجي بي واطلع فرحتها من خشمها
أفنان نشرت ملابس محمد وصحت من على الحايط على عمتي كتلها اريد الجهاز مال التليفون جابته وخلته على الحايط سحبته ودخلته بالغرفه وبعدها سحبت الواير ورجعته المكانه حسيت الباب تنفتح
عماد شفت باب البيت بيها مي بكلبي كلت معقوله رجعت أفنان

لالا شلون ترجع واني ما ادري اقلها اروح اجيبها
فتحت الباب واول مدخلت شفت ملابس محمد منشوره على الحبل طكيتها بهلهوله واني حاط ايدي على الباب واسدها ورأيه صارت أفنان كبالي واجت طارد بتجاهي حضنتها حيل وشلتها وافتر بيها بالطرمه ابوس بيها واكول توه نور البيت ردت روحي بشوفتكم
أفنان حضنته ونمت بين صدره افيش ياريحتك الي تخليني احس روحي ورده وانت مايها بقى عماد يفتر بي بالطرمه ويكول مشتاقلكم وتوه نور البيت
أفنان عماد فدوه دخت نزلني

عماد ماشي وين الفصعون الصغير
أفنان بالغرفه دايلعب
عماد شدايلعب

أفنان ضحكت بضحكه كانت حيل عاليه تقصدت اسمع بيت عمي وكتله يلعب شناو
وختيلان
عماد لابربج مو كتلج هذا سبع مثل ابوه
أفنان شيلعب عماد غير محللته يحرك ايده ورجله هيج
عماد يعني هيج يسموه دايلعب
أفنان اي

عماد رحت ودنكت عليه وبديت اناغيله والعبه ماشاء الله ورده ومفتحه
الي يشوفه يكول اكبر من عمره لان من احجي وياه يصفن بوجهي ويبقى يباوع الي
أفنان عماد انت مصلي
عماد لا
أفنان يله حتى نتغده ترى جعت
عماد صبي قبل الصلاه لان اتأخر بيها
أفنان ماشي جبت الصينيه وكعدنه وكل شويه وياخذله فره عالبيت بنضره ويكول هسه وين وقبل متجون وين
أفنان عماد سؤال
عماد كولي

أفنان سرى وبناتها منين جابوا المفتاح وداخلين للبيت
عماد ما ادري ليش شوكت طابين
أفنان اليوم لكيتهم كلهم بالبيت سرى تسبح وبناتها يلعبون وامجد وزوجته بالغرفه وابنهم كاعدين هنا عالجربايه بعدني مكملت كام نفض ايده من الغده كال وبعد شمسوين

أفنان خفت منه كتله هيج مزعبلين جهال تعرف بيهم ميكعدون
عماد اخذت شحاطتي وطلعت لهلي وصحت سرى خره وينكم
ام عماد هيانه يومه تعال شبيك تصيح
عماد وينهم جناينج الكحاب خل يسمعوني زين بياحق دخلون للبيت وافنان مموجوده
ابو عماد من داخل

عماد
جناينك هم وجهالهم والبيت كالبي كلب
سرى والله مو بس اني رحت اسبح اخذت وياي بس الصغيره بس امجد ومرته جون ورايه والبنات وياهم والعتب عليهم ليش يخلون البنات يلعبون بالغراض اني كنت بالحمام شمدريني حيسوون هيج
مرة امجد انتي الجريتي التليفون والصونده وكتيلي خل نخلص الماي حتى من تجي أفنان

متلكه مي وتتعارك هي وعماد هاي خطتج انتي لذبيها براسي
عماد هلا هلا انوب سرى وانتي صايريلي عصابه على وحده نفسه توها والده مكلتوا عدها طفل وتجي متلكه مي مستحيتوا من روحكم

سرى
ولج لذبيها براسي مو انتي حطيتي ابنج على الجربايه وكلتي حتى يزوع وتنقهر من تشوفها مو انتي الي شلتي لباس ابنج الي توه منكس بي وذبيتيه بيتهم وكلتي حتى من تجي تشبع شغل وتشيل نكاست جهالنه
مرة امجد انتي الكلتيلي تعاي نروح حتى نقهرها اكيد اليوم تجي ومن تشوفنه راح تتخبل

عماد اسكتوا ياكحاب ياامهات المصايب والله والله الي اشوفها معتبه باب البيت الا اكسر رجلها وتعالوا شوفوا الي ردتوا تقهروها شلون منضفه البيت ومسويته يلمع أمهات الوصخ قذرات دايحات

ابو عماد حيل بيكم والله تستاهلون بس انت هم عماد على كيفك شدعوه هم نسوان بيناتهم
عماد اشوف وحده توصل بعد لهناك أمهات الدوده وطلعت وركعت الباب ورأيه
أفنان دخل عماد عاتبته بنظره
باوعلي وكال لعد هيج احسن تجين وتتبهذلين بدال ماهم هسه قايمين بيج

ولو معليهم عتب خل بالاول ينضفون وصخهم الجايفات
أفنان رحت حطيت راسي على صدره وكتله الله لا يحرمني منك يا نور عيني
عماد طبيت اسبح وطلعت اصلي صارت وكت طلعتي للعمل بوست حمودي وامه وكتلها ديري بالج على روحج وعلى الفصعون

أفنان
ماشي حبي الله وياك وطلعت اسد الباب وراه لحضات والباب ندك
أفنان اكيد عماد نسه شي
رحت افتحت الباب طلع عمي ابتسمت بوجهه وكتله هلا
عمي بالسلامه
أفنان الله يسلمك
وين حمودي
أفنان جوه تفضل

دخل عمي وخله حمودي بحضنه فرحان بي وبقى يهوس اله شايله ويصيح صلوا عالنبي
بقيت اباوعله وفرحانه على فرحته
دخلت عمتي بعده وهم كيفت على حمودي وبقت تصلي على محمد وكالت وج يومه خرزه زركه وعلكيها بحضينته والله ابنج يجيب العين
أفنان عمه منو يشوفه هو انتوا واهلي

عمتي لا عمه هسه حمواتج وحموينج نسوانهم كلهم يسمعون ويجون يتحمدون الج
أفنان الله كريم وبكلبي كلت بعديش يجون هي بالبدايه ومحد بارك هسه ذكروا
وفعلا بدوا الأحباب والأهل يجون يشوفون النونو والكل فرحان بي مرة فتره قليله هدوء وسرى من يومها بعد محجيت وياها

ابد كاعده الصبح واسمع سرى دندن يم الحايط الي بينه وبينهم وتغني ومنطلقه واني هم افرفر بالبيت واشتغل وأحضر للغده ساعه ١٠ ورج المنطقه صوت انفجار رج المنطقه رج والكل بدت تصارخ والتليفونات تركع ركع كل واحد يتصل يطمن على احبابه واهله وإخوته رن التليفون رحت شلته اهلي
الو أفنان مامه خومابيكم شي
أفنان لا مامه الحمد لله

امي سكتت
أفنان مامه وانتوا
امي الحمد لله ما بينه بس
أفنان بس شنو
ابن خالتج استشهد
أفنان منو بيهم
امي ادم اخو سرى

أفنان لا خطيه الله يرحمه ليش شلون شوداه بالانفجار
امي قدره بعد رايح للعمل وصار الانفجار
أفنان خطيه بعده طفل شاف من عمره وفوكاها عنده طفل ومرته حامل خطيه والله
امي يله يومه رايحه ديري بالج حصني بيتج ورجلج وابنج بااية الكرسي
أفنان ان شاء الله

مع السلامه 

أفنان مع السلامه 
سديت الخط واسمع سرى شلون دندن  رغم الانفجار والناس تتلاطم وكلمن يدور على ابنه الا هي باقيه بغير عالم ومااسمع غير الدندنه

رحت يم الحايط وصحت سرى سرى
سرى تفاجءت أفنان تصيحلي كتلها خير شبيج
أفنان بقيت ساكته اكولها لو لا شلون والله خطيه الف لو كان أخوها وماكو اعز من الاخ
سرى ها أفنان

أفنان وج داتغنين واخوج تصوب بالانفجار
سرى سمعت أفنان ما ادري شكالت كتلها شنو عيدي مسمعت
أفنان سرى اخوج بالانفجار بعدني مكملت ردت اكولها متصوب مردت اكولها مستشهد مطاوعني كلبي
اشو هاي كامت تصرخ و تصيح راح أخويه اسمعها وكلبي كام يبجي دم والله صدك ماكو مثل إلاخ مستحيل

سرى
دخلت ادك والطم واصرخ راح أخويه طلع عمي يريد يفهم مني مكدر باقيه اصرخ فقدت لبست وطلعت للشارع بلا وعي وعمي لحكني وكف سياره وصلني البيت اهلي وهناك شفت الي اول مره اشوفه بحياتي
أفنان صح سرى هواي اذتني بس من سمعت صرختها ولوعتها متحملت ابد والف

لوكان هذا ابن خالتي هم مثل الاخ طبيت للغرفه ابجي بهدوء اوف شراح نشوف بعد بالعراق العظيم بعد استشهاد اخو سرى باايام رحنه اني وامي سلمنه عليهم ميس هم حضرت عزه حماها وذوبنه الزعل الي بينه وهناك شفت سرى كل شوي هي وخواتها يفقدون وياخذوهم للمستشفى يجيبون وحده ويأخذون وحده كان حالهم حال الله لايراويه العبد بشر

عدت الأيام والاشهر حاليا محمد عمره حيصير سنه ماشاء الله عين النبي عليه يخبل ابيض واشكر مدنفش والعيون نرجسيه ينكرط كرط قررت اسوي عيد ميلاده بالبيت واعزم اهلي وأهل عماد وبس وفعلا بديت احضر العيد ميلاده اليوم بالذات شهر الواحد تاريخ ١٧ /١/ ٢٠٠٦ زينت كل البيت

وجملته وعماد سوه البيت جنه حتى مصور جاب للبيت دخلت سرى وكالت اني مااكدر احضر عيد ميلاده اعذروني أخويه مصارله سنه وهاي هدية حمودي ودنكت عليه بوسته وطلعت طول هاي الفتره كانت تصرفاتها توحيلك انو هي فعلا صارت زينه وبدت صفحه جيده

بحياتها اقلها من ناحيتي اني وابني وزوجي للعصر وبدوا الخطار يجوني صح مو غربه اهلي وأهل عماد بيومها صار عيد ميلاد خرافي الاهم الي كان حاضر هو الحب والتعامل الحلوو الي شفت اغلب العواءل مفتقدته حتى بعاءلتي

معشته لكن مع عماد وبعده ابني عشت اجمل ايام واجمل ليالي صح متخلوا الحياة من المشاكل بس كان الطابع الغالب هو الحب ومن اكول الحب اجمع شكو شي حلووو بالحياة بهاي الكلمه سرى حاليا عدها اربع بنات وميس صار عدها بنت تشبه البزونه بنعومتها وجمالها شكره والعيون زرك

والوجه صينيه ابيض عبالك جركه اوف تخبل اما أبويه نوعا ما صار اهدء اخواتي ال٢ الباقين زوجوا كل وحده بعد ال٢ ب٤ أشهر اما عيالي تربطني بيهم علاقيه طيبه صح ما ادخل الهم بس يجوني وعمي وعمتي يتغدون او يتعشون عندي اغلب الاوقات يتعللون سرى التزمت الصمت

اما حمواتي فكانوا من النوع المسالم جدا جدا و حبابات اخوتي الجبير يشتغل والاصغر والاصغر مدارس اما امي فياروحي ياامي ياكعبة روحي ياامي مكيفه على بنت ميس أكثر مما مكيفه على ابني حمودي واختي ال٣ هم حامل وال٤ بعدها

اما اختي الخامسه

الي عمي مربيها حاليا جاي نصيبها ونهاية الشهر تتزوج هاي الأحداث اختصرتها الكم من بداية ال٢٠٠٥ لل٢٠٠٦ بدايتها يعني أحداث سنه ونص تقريبا حاليا شهر الخامس ٢٠٠٦ شهدنه كلنه العراقين بهاي السنه تحديدا مصايب لاصارت ولامرت على احد تلكه القتل على الهوية والانفجارات تارسه الشوارع وكل يوم مصيبه شكل
والأحداث بتصاعد مستمر سنه دمرت هواي ناس بيوم واحد هز منطقتنه ٣ سيارات مفخخه وراحوا بيها عالم وناس ماينحسبون بالعدد الي تيتم والي ترملة والي فقدت ابنها والي راح أخوها هواي كانت الانفجارات بنفس اليوم ونفس الساعه كل انفجار يفرق عن انفجار ١٠ دقايق تنفجر السياره

وبس يجتمعون الأهالي يردون يشيلون الضحايا تنفجر ال٢ وهكذا حاليا شهر ال١٠ ٢٠٠٦ انتظرت موعد الدوره ماكو مضت ٤ ايام حللت طلعت حامل تقريبا مفرحت بس بكلبي لان كنا بوضع ميسمح تفرح اذا مو انت الحزين اكيد جيرانك او اقرباءك  حمودي حاليا عمره سنه و١٠ أشهر وبنت ميس عمر بنتها ١١ شهر وحاليا ميس هم حامل

بس أكثر مني ب٢شهرين اما سرى صار عدها ٤ بنات وتتمنى تجيب الولد وحاليا هم حامل عليها ٦ أشهر واني توني حامل شهر اول
أفنان ماما اريد اخذ رايج بشي
الام كولي ماما

أفنان ماما هواي داافقد أشياء من بيتي
امي مثليش
أفنان حتى ملابس أشياء هواي متنعد ولاجاي اعرف وين تروح
امي منو يطبلج عدى عيالج
أفنان محد اصلا اني بس الكم اجي مااروح لحد ولا احد يجيني
امي دوريها زين مامه هو بيتج واكيد تقفلين من تطلعين
أفنان هو هذا الي حيخبلني
امي شنو
أفنان اقفل واطلع واجي الكي البيت مكلوب ماكو مكان مملعوب بي
امي عزه وساكته
أفنان ماماشحجي قابل اخون عيالي الي مابيوم شفت منهم شي مو زين
امي لعد منو سرى شلونها وياج

أفنان كل هاي المده ماكو اي مشكله من آخر مشكله صارت وحتى لو اشك بيها ماعندي اثبات عليها
امي لعد شنو الحل لازم تراقبون البيت بعد طلعتكم منه هذا احسن حل وهيج تتجنبون الشك
أفنان يجي عماد واحجي وياه
عدت الأيام حلوه ومره وكل مره أطلع بيها الكه أشياء مو شي واحد مفقود من البيت

خبرت عماد نراقب البيت كال خليها عليه مرة فتره ومعرفنه منو الايد الي تطاول على بيتي هاي الفتره الناس تعبت ماديا وصار الفقير ميكدر ياكل زين اذا صابه وجبه باليوم والغني يادوب ملحك على متطلبات الحياة غاز نفط قله جدا والكهرباء عدم سرى وبناتها حيل ضرورا بهاي الفتره لان كان زوجها ميشتغل كاعد والعيشه صعبه وهي حامل

وضعنا كان احسن بحكم ماعندي اطفال هواي وحمودي كانت رضاعته السنه ونص طبيعي بس كنت احتاج حفوظات وعماد كان يعمل كمت اذا اطبخ اقسم الطبخ نصين نص النه اني وعماد ونص اشيله واودي السرى وبناتها مقصرت ابد ربي يشهد كل شي كنت اكدر اسوي كنت اسوي وكنت اساعدها بكل احتياجات بناتها حتى طبيب او غير شي  حاليا عليه اربع اشهر وسرى ٨ أشهر وباقيه تريد تروح الطبيبتها متكدر اتصلت بميس
الو ميس
ميس هلا أفنان

شلونج حمودي شلونه
أفنان كلنه بخير اكولج ميس اريد اروح الطبيبتي كلت نتفق اني وياج
ميس ليش لا نروح
أفنان شوكت
ميس باجر بحيل الله
أفنان اوك لعد احجزوا اليوم حتى منتاخر
ميس لا عادي نروح ترى السكرتيرة طببنه عادي
أفنان اوك ماشي
ميس ماشي
أفنان ٢ يوم رحت السرى وكتلها يله تحضري ترحين وياي
سرى وين
أفنان رايحه أراجع يم بابه وحجزتلج وياي
سرى لا مااروح منا لما يصير عندي وجع مبقى شي
أفنان امشي نروح سوه  واذا على لفلوس فكلها علينه
سرى منو انتوا ليش منو حيروح بعد
أفنان اني وميس وانتي
سرى بقيت امتمت وكتلها يله بس مااسوي سونار
أفنان ليش
سرى اخاف لاافشل مثل كل مره
أفنان استغفري ربج هذا رزقه والبنيه رزقها أوسع من الولد كولي يا الله احنه شخالقين ايد رجل
سرى بس احمد راح يموت ويشوف الولد يكوم يكعد يعير بي كان هسه ابني بطولي وانتي متخلفين الولد
أفنان خل نروح والله كريم
سرى ماشي يله بس ابدل

رحنه والدكتوره حالتنه كلنه على سونار من بدينه ندخل
سرى خايفه حيل والله كلبي يرجف
ميس توكلي على الله
أفنان كولي يا الله والله خلق البطنج وسواه شراح نكدر نغير
سرى صعدت على السديه حتى افحص سونار والدكتوره بدت طمني على صحة الجنين وكالت
الدكتوره مامه شكم طفل عندج
سرى ٤
وهاي الخامسه
الدكتوره هذا ولد ماما مو بنت
سرى شنو مسمعت ممكن تعيدين كلامج فدوه
الدكتوره ولد ماما ولد مو بنت
سرى خوشت عيني وكلبي كام يرجف وحسيت راح يغمه عليه صحت أفنان
أفنان شفتها تخربطت من سمعت ولد وصاحتلي اجيتها وكتلها مبروك يوم التشوفيه بعينج
سرى أفنان مداشوف بعيني وكلبي يرجف عفيه ساعديني اريد اكوم

أفنان مديت ايدي وسحبتها وكومتها الحيلها وطلعتها بره كعدتها وكتلها ارتاحي
وصار سره ميس الي هم طلع عدها ولد والفرحه بوكتها صارت تجنن
اما اني من وصل سرايه فكنت قبل لااخذ السونار اعرف شنو بطني وفعلا طلع مثل متوقعت ولد بس من طلعت كتلهم مبين لان عماد كان منبه عليه بهالشي رجعنه للبيت كلنه فرحانين ومرت فتره رغم قساوة الأيام والدنيا بس عشناها

مع الأشخاص الي نحبهم سرى هاي الفتره مصدر منها اي شي ولدت ولد وبيت عيالي وبالأخص زوجها فرحوا حيل اما ميس كان حملها متعلعل مثل كل مره بس بالإصرار وامي تاخذها يمها طول فترة الحمل صاروا عدها بنت وهسه هذا شهرها الولد دخلنه ال٢٠٠٧ وكانت سنه متبوعه للقبلها بالأخص منطقتنه شبعت هظم وضيم وتفجيرات وخطف وفقد احبه من كل حدب وصوب حاليا حامل بشهري السادس

حمودي ماخذ الدنيا كلها بلعبه وصياحه وحركته وشقاه هو وابوه أعجز عن ذكر محبة عماد الابنه حمودي كان اب بمعنى الكلمه عشنه وياه مثل الزهور وهو ماينه الي تذبل بدونه عماد ثبت ابوته بكل جداره وحب وتضحيه كان اب بمعنى الكلمه
حب وحنان ودفء وعطف واحتضان واحترام حتى وي ابنه
أفنان عماد يله نتغده صار الغده
عماد ماشي لحضه واجي
أفنان دخلت للغرفه وشفت عماد يسولف بالموبايل وي شخص ومفهمت على شنو يحجون
عماد كعدت نتغده وي البطل ابو جاسم وليدي وي أفنان الي صارت طوبه بهذا حملها صح بطنها موحيل كبيره بس خطيه تتعب شغل وبيت وطفل

مسؤليه
أفنان عماد اشو هالايام كاضيها مخابرات
عماد اي والله شغل ودانقدم عليه بلكي الله يسهل علينه
أفنان و شنو هالشغل هذا
عماد رزق أوسع من رزقنه الحالي

أفنان الحمد لله ممحتاجين شي المهم الله ساترنه
عماد والنعم بالله بس احنه هم عيلتنه كبرت وصار عدنه اطفال ٢ لازم نطور الحال
أفنان ممرتاحه الشغلتك هاي عماد اترجاك أتركها
عماد مخبل عاقل أترك هيج فرصه
أفنان عماد أتركها والله ميكطع
عماد كتلج فرصه متتعوض هي كلها شهر وشويه اسافر وارجع بوضع احسن
أفنان شهر وشويه تريد تتركنه

عماد والله موهين بس هم الخاطركم لتنسين
أفنان مااخليك وهذا الموضوع تنساه لو اني وابنك لوهاي الشغله
عماد أفنان صارلج ٣ سنين وياي وخطوبه سنه ٤ مايوم سمعت منج هالكلام شلون تخيريني ليش هو اني المنو دااسوي هيج
أفنان عماد اترجاك وكمت اشهك وابجي

عماد كولي يا الله خل تصير هي الله كريم الوكتها
مرة ايام قليله حياتنه جدا هادءه وحلوه بليلتها نايمه ودك التليفون كمت الحيلي وصحت الو
الو الو
واسمع صوت امي تصيح بصوت بعيد وغميق حيل عماد راح عماد راح عماد راح
فزيت من النوم مرعوبه من وبقيت أتلفت شفت نفسي بفراشي وعماد يمي يا الله الف الحمد لله طلع حلم شكد كان حلم قصير بس كانت كلمات امي مرعبه وصوت مناداتها احسها للموت او للفقد رديت تحمدت الله انو طلع مجرد حلم ورجعت الحضن عماد ونمت
بعد يومين اجاني عماد وكال
أفنان أفنان

أفنان ها حبيبي كول
عماد تعاي هنا يمي
أفنان ماشي بس انصي النار
ورحت وكعدت يمه ها حبي كول
عماد الشغله رهمت وبعد باجر مسافر واليوم تركت الشغل الي حاليا اني بي
أفنان هو كلي هيج لو احس الدنيا كلها وكعت فوك راسي
أفنان متفقنه هيج قبل أيام

عماد أفنان وقربتها الحضني اسمعي حبي هاي فرصه ومتتعوض اني وين رايح هي كلها كم يوم وارجع الكم وراها حياتنه تتغير للأحسن ونكدر نربي أطفالنا احسن تربيه ونوفر الهم كل شي لاتعارضيني اترجاج كليلي مبروك ولتزعلين حبيبج
أفنان كمت ونزلت على رجله وبستها وكتله عماد نموت بدونك افهمني منكدر بلياك ساعه تريد ايام نصبر
عماد ربي يشهد حتى اني هيج شعوري بس اني رجل لازم اشوف عمل والعمل الي يناسبني كرجل واب وزوج
أفنان احجي وابجي لحد مكال خلص النقاش حضريلي جنطتي امشي نروح الاهلج
أفنان ليش

عماد اخوج ومحمد رجل ميس مسوين حادث نروح نتحمد الهم بالسلامه
أفنان كمت واني امسح دموعي وكتله اروح بس رجعه ما ارجع وياك
عماد سحبتها اليمي وقربت راسي الراسها وكتلها وتركين حبيبج بدونج هاي الليله وهي كلها بس باجر واروح
أفنان يعني مصر
عماد اي بحيل الله

أفنان اروح ابدل وأحضر حمودي لان مستحيل بعد اخليك تشوفه اقلها من هسه انت بعتنه
عماد أفنان لزيدين همي شوفي الدنيا تتمنى تلكه عيشه حتى تعيش وانتي مترضين تضحين بكم يوم الخاطر اطفالنه
أفنان سكتت وكتله الي تشوفه صح سوي اني مالي دخل بس ذكر اني مراضيه ابد
عماد اروح فدوه لام طنكيره اراضيج اراضيج وين ترحين

أفنان رحنه البيت اهلي وتحمدنه بالسلامه وقبل لانطلع منهم كام عماد الحيله وكال عم بعد مااوصيك وصيتي الأولى والأخيرة أفنان وحمود والبطن أفنان لحد ما ارجع
أفنان اني سمعت هيج لو نار وكبت بداخلي وحركتني حرك أخذني وطلعنه وبيومها رجعنه مشي بقه الطريق كله لازم ايدي ويكول ويوصي بي وابابنه ويعلمني شلون اتعامل وي الحياة بغيابه وصلنه منطقه مابيها ناس هادءه جدا حطني تحت جناحه وكال الدااسوي الكم باجر من تعيشون راح تنسون

هاي الكم يوم الصعبه الي حتمر بيكم رجعنه للبيت وليلتها عشنه ليله احلى ليله بعمري واجه اليوم الي لازم عماد يبتعد بي عنا
عماد أفنان ساعه ١ طيارتي
أفنان أحاجي وخانكتني العبره

قربت اغراضه وجنطته اليمه وكتله عماد اسمعني الاخر مره اذا تعزنه وتحبنه لتروح 
عماد حاس بوجعج والله بس اصبري هونيها وتهون
أفنان والله مااكدر مو بيدي مدااستوعب فكرت بعدك عنه
عماد يله عمري جيبي المي حتى ترشي ورأيه صار الوقت

توادعنه وحضنته بكل قوتي بحيث احس روحي طلعت على صدره ردته يكول هاي مجرد كذبه هذا حلم اصحي منه بس للاسف حقيقه وحقيقه مره حيل طلع عماد وطلعت روحي وياه اليم باب بيت اهله وصل وصرخت عمااااد

عماد انداريت إلها وكتلها هايروح عماد كولي
أفنان لاتتركنه اترجاك
عماد اندعيلي اتحمل بعدكم مااوصيج بعد بااولادنه
أفنان يعني هيج بعتنه هانت عليك العشره وتكدر تسافر وتبعد عنه عماد ارجع ارجع واتقرب منه دنكت ابوس باايده وبخده وكتله اموت والله اموت
عماد حجي طببها ترى ما بقى صبر عندي كلبي دايتكطع

أفنان اباوع العماد ودموعه تصب وي دموعي ويباوعلي وكل شوي يرجع ويبوس باابنه اوف اوف شلون كان موقف كتله روح مودع بالله بس أذكر اني مراح اكدر اعيش بغيابك فرحمني وخلي نرجع

عماد
لزمتها وبستها بكصتها وكتلها أفنان متموتين انتي سبعه انتي تربيتي والخاطري راح تعيشين وتصبرين 
تركتها وبديت ابتعد بخطواتي واباوع إلها شلون انهارت هاي اللحضات باقيه ومحفوره بالذاكرة حفر
أفنان ابتعد عني عماد بجسده بس روحه احسها وياي ودعته وعلى امل يرجع ويكول مراح اروح ما اتحمل بعدكم

بعد ساعتين من مشيته كالوا راح انطلقت الطياره بي هنا يله ايست من رجعته وكعدت ادهك وابجي لحد ما حسيت الكاع الي كاعده وابجي عليها نقهرت على حالي بقيت اترقب اتصاله حتى يطمني انو هو وصل يوم ويومين وال٣ وعماد اي اتصال ماكو وهنا بدت مرحلة فقد عماد الي بيومها أكثر من خبر طلع عليهم ومحد يعرف الحقيقه

ناس تكول نخطفوا وناس تكول انقتلوا وناس تكول مخليلهم سم بالاكل وقسم ميتين وقسم بعدهم عايشين
راح عماااد راح وترك جمره فراقه بقلبي وترك طفل على ايدي وطفل بطني اهنا نهاريت وبدت حياتي تصير بالنازل وتتجه للاسوء

وللحكايه بقيه انتظروني بنات اروح فدوه الروحكم أذكروني بدعوه جميله مثلكم لعل أحدكم يكون اقرب الى الله ويحقق كل مااحلم بي وكل حلمي هو راحة البال والرزق الحلال يحفظ أطفالي وابوهم ومن نجاح النجاح بالأخص أطفالي واخص بالذكر ابني محمد يارب قر عيني بي بحق محمد وال محمد  انتظروني وأحداث أخرى احبكم