#أبي_لم_يكن_إنساناً
البارت الثاني
للكاتبة لبنى الموسوي
بـ هالأثناء وهم مشغولين بالصياح والضرب
صرخت عمة نهاية
- ولك حامد الحگ المرة مدتتحرك خاف صارلها شي
اباوع على ماما متتحرك
وجها مينشاف من الدم ومرجعة راسها على حضن عمة نهاية
كل الي واگفين يمي صافنين عليها
وحقهم يصفنون
اكيد مصدومين من حقارة أبنهم الي ما الها أي مبرر
ما استوعبت الصار
چانت برائتي بهذاك الوقت أكبر من أن استوعب مثل هيچ جريمة بشعة بكل مقاييسها
مشيت بخطوات بطيئة بـ أتجاه ماما
وصلت يمها گنبصت
صرت أمسح بـ أيدي الصغيره على عيونها علمود أوخر الدم منهن وتشوفني لمن احاچيها
قربت راسي من أذنها وهمست
- ماما حياتي اگعدي
شبيچ ليش هيچ مغمضة يلا فتحي عيونچ وباوعيلي
ما احس إلا عمو حامد دفعني
سحبها الحضنة بسرعة راد يطلع رجع نظرة على بابا
- والخلقك ي رزاق
اذا صار بالمرة شي بس الله يخلصك مني
تسمعني ولكككك
بس الله وحده اليگدر يخلصك مني حيوااااااااااااااان
حچاها وطلع
سحبت عمة نهاية عبايتها وركضت ورى
بعدني أباوع عليهم سمعت بيبي وجدو يرزلون بـ أبوية
بدل ما يعتذر ويعترف بغلطة
صار هو أبو الراهي
الـدرجة ظل يغلط ويسب بـ حظور أمة وأبو
وحچايـة والثانيـة صاح
انتم الزوجتوها الي وانتم التتحملون نتائج هـ الزواج
عافوا يصيح وطلعوا من المطبخ
هو هم لحگهم
رحت ورى گعدت بالزاوية خايفة
باوعت على بابا رجع يشرب بـ البطل ويغني ويا روحة
بذاك الوكت مچنت اعرف شديشرب
بس كل الي أعرفة هذا الـ يشربة شي مو زين
لأن جدو وعمو حامد چانوا يحتجون علي بـ أستمرار بـ هالكلمات البسيطة
شلون تريد الله يرحمك ؟!!
وانت تشرب بـ هالسم الهاري يوميا ودربك للحرام عدل متغير طريقك ابد
ظليت گاعدة بـ مكاني وعيوني عليهم
جدو وبيبي يروحون ويرجعون گدامي متوترين وكل شوية يغلطون على بابا
اما هو ولا يمة الموضوع گاعد يشرب ويضحك ويهز بـ أيدة بدون ميجاوبهم حرف واحد
نزلت دموعي بخوف صوت صياحهم أخذ گلبي
شوية وصرت اشهگ
گبل انتبهت بيبي علية اجت تركض ضمـتني الحضنها
- بيبي طيوبة
روحي نامي بـ فراشچ تأخر الوقت كلش يلا حبابة گومي
- لا بيبي اني أخاف انام وحدي انتظر ماما تجي تنومني
- بيبي أمچ أحتمال تتأخر تعالي نامي بحضني بين متجي
لزمت أيدي تمشيني سحبتها أناشغ
- لا وخري عني مااا اريد انام يمچ اني أريددد ااااامي
بس حچيتها نزعت عمة علية نعالها واجتني تركض
- اليوم اگطع هالنعال على راسچ وراس امچ
بت الكلبةةةةةة
يعني احنة ناقصيچ حتى گاعدة تتنعوصين بروسناااا
ما احس إلا ضربتني على راسي
رجعت للخلف سحبتني عليها حيل وظلت تضربني بنعالها اللاستيك وين ما تجي أيدها و ويا كل ضربة أعيط من گلبي
طفلة بريئة ما أملك غير صوتي ودموع عيوني
اباوع الـ بابا بنظرات رجاء
عسى ولعل يرف گلبة علية ويگوم يخلصني منها
بس للأسف يقابل نظراتي هاي بنظرات السخرية وكأنو عندة وياية عداوة أو ثار وفرحان الذلتي
ظلت بيبي تصيح عليها
حاولت تبعدها عني بس ما گدرت ما بيها حيل خطية
فجأة صاح عمو محمود
- خليها يمة
خلي تضربها بلكي تتربى وتصير ادمية شوية حتى تبطل تلاسن الأكبر منها
دخل جدو بـ هالأثناء من الحديقة شاف حالي شصاير
گبل صاح بـ عمتي
- عليةةةةةةةةةةةة
قسماً بالله العالي العظيم اذا ما فكيتي عن البت ياخه لأگوم أحرگچ انتِ وأخوانچ
علمود اخلص منكم ولا تنحسبون علية عاراااااااااااات
بس حچاها تركتني
باوعت عليها بخوف چان تگول بنبرة تهديد
- بسيطة بت نسرين اني أعلمچ بس خلي يروح جدچ
گبل رجعت للزاوية
گعدت بهدوء وخليت راسي بين رجلي
شحچي عن يا وجع
الحرگ لو الذل الگاعد احس بي حالياً بيناتهم
لو وجع گلبي على أمي واني ما أعرف شديصير وياها هسة
ظليت على هالحالة ساعات وساعات
محد گدر ينام بيومها
الكـل عيونهم ع الباب ينتظرون خبر من عمـو يطمنهم بي على أمي وطفلها
اخير شي تعبت كلش
رجعت راسي على الحايط وقفلت عيني
ماكـو توني نايمة فزيت على صوت الباب أندفع
منشوف إلا عمو حامد دخل يركض بـ أتجاه بابا ويصيح
- لككككككك كتلت البنية مجررررم
كتلتها حيوووووان
لكككك اليوم روحك أطلعها بـ أيدي... اااني الك عاااار
حچاها وضربة بوكس بوجهة
باوعت الـ بابا من أول ضربة تكوم بالگاع ماگدر يقاوم عصبية عمو حامد وهو بـ هالحالة
گبل ركض عليهم عمي محمود وعماتي ويا
صاروا بيناتهم يحاولون يفاككوهم
ظليت صافنـة بـ أستغراب شنو هاي شديصير هنـا ؟!!
ذولة يصيحون ويتضاربون بيناتهم
جدو وگع ع القنفة لازم گلبة ويصيح الله أكبر
بيبي ذبت شيلتها وگامت تصرخ يبو بكل صوتها وتصيح اويلي عليچ ي نسيرين
بعدچ بعـز شبابچ وين رحتي وعفتي بنيتچ الوحدها
بمثل هالحالة متريد الطفلة غير أمها
ظلت عيوني تدور عليها
فجأة صار صوت كلش قوي درت وجهي بـ أستفهام
شفت المزهرية مكسورة يم رجل عماتي
ركض عمو حامد سحـل بابا من قميصة وهذا يسحـب بـ روحة يريد يفلت منة والغلط على لسانة
محمود.. حاااامد شبيك تخبلت هد الرجال وبسك عاد
حامد.. ااااااي تخبلت ي محمود
ليش أخوووووك بسوايتة هاي خلة براسي عقل بعددد
حاول يسحبة من أيدة ما گدر
عمو محمود يجر منا وعمو حامد يجر منا
اما بابا صاير بالنص دايخ وكـل شويـة يوگع ويگوموا
محمود.. ادري وين ماخذة هسة غير تفهمنة
حامد.. اسلمة للشرطة غير
قابل تريد يسوي عملتة ونسكتلة ؟!!!
لا والخلقك اليوم ميرتاح گلبي اذا ميبات رزاق بالحبس
محمود.. يمعود صدگ تحچي !!!
من كل عقلك تريد تسلم أخوك للشرطة علمود مررررة
بس حچاها دگ عمو حامد على راسة بصياح
- لتخبلني محموووووود
شنو علمود مررررة ولككك غير هاي إنسانة تعرف شنو يعني إنسانةةةة لو لاااااااا
تريد يروح دمها هدر وبدون ذنب
ومنو السبب أخوك الحيوان الميخاف ربه ولا يعرفة
ولو لويش داتعب نفسي وياك
هو انت شتفرق عن رزاق نفسـة حيـوان ما طـول هذا تفكيرك
هو گال هيچ لو عمو تخبل
ظل يصيح ويدفع بي بس ولا گدر على عمي حامد
بالأخير سوة الـ براسة وأخذ بابا وطلع
وصل للباب واني أسمعة يغلط ويسب على أبوية لحد ما أختفى صوتة
ظليت بمكاني متصنمة من الخوف
اباوعلهم وأبجي
ما أريد شي غير بس حضن ماما أنام بي واني
مطمأنة حتى انسى كل شي صار بـ هالليلة المشؤومة
صارت عيوني على عماتي
نظراتهن كلها حقد گبل ركضت يم بيبي
خطية گاعده بالگاع تبچي وتصيح ولچ نسرين تعااالي يمة وين رحتي مو وكتچ ولچ مو توة عودچ فرع
بعدت أيدها من حضنها وگعدت
نزلت دمعتها بللتني
رفعت أيدي أمسح وجها بـ أطراف اصابيعي گبل باستني
- بيبي ليش تبچين شبيها ماما وين راحت يعني
- ولچ اااااخ ي بيبي ااااااااااخ
صاحت صوت وگامت تبوس بوجهي
وراها حضنتني حيل
ظليت صافنة
شبيها ليش هيچ تبچي وتنوح ؟!!! ابد ما شايفتها قبل بمثل هـ الحالة
التفتت على جدو بصدمة
حاط أيدة على عيونة ومدنگ راسة للگاع
حتى من تعاركوا عمامي ما تحرك من مكانة ولا حاول يهديهم
مشيت يمة مستغربة
بعدت أيدة عن عينة وهمست بصوت مخنوگ
- جدو حبيبي شبيك؟!!
رفع نظرة باوعلي.... شنو راسك يوجعك ليش دتبچي
- تعالي جدو اگعدي بحضني خلي اشمچ شوي
بس گعدت صار يبوس بية
شويـة وگام يبچي بصوت عالي اختنگت مـن الموقف شبيهم ديبچون وليش أمي ما رجعت لسة !!!
ظليت گاعدة بـ حضنة
بيبي ما بطلت بچي اما البقية گاعدين بالطرف الثاني من الصالة وصافنين على أمهم وأبوهم
ساعـة ودخل عمو حامد
گمت علمود اسألة على ماما شفت عمـة نهايـة دخلت ورى وبـ ايدها اثنين جهال صغار كلش
ركضت عليهم فرحانة
- عمة شنو هاي ماما جابت اثنين؟!!
دنگت بـ مستواية ودموعها نزلن قبلها بحرگة
- اي يبعد عمتچ جابتلچ أخو وأخت
باوعت وراها ادور على أمي
- لعد وين ماما ليش ما اجت وياكم شنو مريضة
- اي حبيبتي
تعبانة شوية وظلت بالمستشفى باچر تجي ان شاء الله
هزيت براسي أي
اباوع عليهم ممصدگة صار عندي أخوان چان أفز على صوت عمي محمود يصيح
- ولك حامد صدگ سويتها وسلمت أخوك للشرطةةةة
- اي لعد شتريد يابة
ان شاء الله تريدني ابقي هنا والبنية ممددة بالمستشفى جثة بلا نفس
لك من ورى أجرام أخوك المرة وگف گلبها
ما تحملت الي صار
راحت بعمر الـ 19 وعافت وراها ثلث جهال محد الهم غير أخوك الهمجي المو گد هاي المسؤوليه
- شدعي عليك حامد
هسة الناس شيگولون علينة من يعرفون أبنة بالسجن من ورى سوايتك هاي
- والله اليريد يحچي خلي يحچي للصبح
وبعدين أخوك بالسجن من ورى عملتة القذرة موو من وراية محموووود ااااافندي
اسمعهم يتناقشون واني صافنة بلا فهم
شنو بابا بالسجن ؟!!
ووين يعني ماما راحت وعافتنة شنو قصدة عمو حامد من هالكلام
نص ساعة والبيت مگلوب عزة
بيبي وجدو وعمة نهاية يبچون وواحد يصبر بالثاني عمو حامد صاير أعصاب يسب ويغلط على بابا وعلى عمو محمود
عماتي حايرات بينة وبين ابوهم وامهم ميعرفون يهدون منو بيهم
أخير شي حطيت أيدي على أذني
صوتهم ديأذيني كلش
ما احس إلا عمـة نهايـة سحبتني الغرفتها ظليت يمها هناك لحد ما غفيت
الصبح فزيت على صريخ النسوان
گمزت من مكاني خايفة
باوعت من ورى الباب لگيت البيت مخبوص بالنسوان
أنرعبت من المنظر
صوت بچيهم وصياحهم ترس المكان
من الخـوف ركضت للكنتور فتحتة وختلت بي كاتمـة حتى أنفاسي
عيوني على فتحة الباب
لمحت عمة نهاية دخلت للغرفة تدور علية گبل طلعت أركض الحضنها
- يااااا شـ مطببچ هنا يمة
- عمة ليش النسوان يصيحن هيچ
شديصير وين ماما ؟!!
التفتت على الچرباية لعد أخواني وين شو مموجودين بمكانهم مثل البارحة
- عمة اخوانچ يم أقاربنا
راح يظلون كم يوم لأن هنا النسوان يصيحن وأخاف عليهم لا يخترعون
- زين لعد وين ماما شو ما أجت لسة ؟!!
بس حچيتها حضنتني وبچت
- عمة امچ راحت يم رب العالمين بالسما فوگ هناك راح ترتاح أكثر
- شنو راحت فوگ يعني بعد مترجع أبد !!!!
- أي حبيبتي اليصعد فوگ ميرجع بعد
- واني شلون عافتني وحدي ؟!!
- مو وحدچ يعمري انتِ
اني موجودة
وعمو حامد وبيبي وجدو كلنا موجودين وياچ لتخافين
- بس عمة اني اريد ماما... بچيت
- طيبة حبيبتي ركزي وياية
تذكـرين بابا شلون چان يضرب بـ ماما ويأذيها گدامچ
- هزيت براسي ابچي
- وهسة راحت يم رب العالمين
ارتاحت من الضرب مالت ابوچ وهناك بعد محد يضربها ولا ينزل دموعها الحلوة
- صدگ عمة متبچي يعني هناك
- لا أبد متبچي بالعكس فرحانة هي
مو أحسن هيچ ؟!!
انتِ ترديها تروح حتى ترتاح
لو ترديها تظل يمچ ويوميا بابا يضربها ويبچيها خطية
- لا عمة خليها تروح
ما أريد بابا يضربها ويبچيها... سكتت شوية
بس عمة شلون اني اشتاقلها اذا اشتاقيت الها شسوي
گبل سحبتني الحضنها بخنگة
- اذا شتاقيتيلها تعالي أحضنيني لان هي قبل لا تروح وصتني
گالت حبيبتي نهاية
من تشتاقلي طيوبة خلي تحضنچ واني من يمي أحس بحضنها الحلو
شديت قبضتي على حضنها ودموعي تنزل بحرگة
- ها ماما حسيتي اني مشتاقتلچ هوااااي والله هواااي
بس حچيتها عمة صارت تناشغ
شويـة وأخذتني لـ بيت أقارب بابا يمنة بنفـس الفـرع
دخلت لگيت كل ولد عمامي هناك
أول ما شفت صالح وصفاء گدامي ركضت عليهم
گعدت بيناتهم
ما أرتـاح غير بـس وياهـم أحسهم يحبونـي مثل حـب أمهم وأبوهم الي
صالح چان عمرة 13 سنة
اما صفاء أكبر مني سنة هي هستوها 8 سنوات واني 7
صالح.. طيوبة والله ردت أخذچ وياية قبل لا نجي بس چنتي نايمة
- اي گعدت على صوت النسوان
خفت كلش
بس همزين عمـة أجت طلعتني من الكنتور چان ظليت مخنوگة بي
- عرفتي امچ ماتت
- يعني راحت يم الله غير
- اي
- عرفت وأحسن هيچ
خلي ترتاح هناك يم الله ميأذيها
واني هم بلكي اروح وراها يم الله حتى أخلص من بابا وبيت جدو
بس حچيتها حضني يبچي
- مترحين لـ أي مكان ومحد يگدر يأذيچ واني موجود يمچ لتخافين حبيبتي
هزيت راسي بتعب
عدت أيام الفاتحة صعبة بشكل
كـل الليل أخلصة ابچي لأن مشتاقة الـ أمي ومتعـودة أنام بحضنها بس چان صالح مينـام اذا مينومني قبلة
اليوم أجت عمة نهاية رجعتنا البيت جدو
أول ما دخلت شفت اخواني گدامـي ركضت حضنتهم بفرحة
باوعت عليهم وروحي ترفرف من الحب
- عمة شنو سميتوهم
- ما أعرف اسألي عمو حامد
حامد .. ما سميناهم لسة انتِ شتردين نسميهم طيوب
- ما ادري بكيفك عمو يلا گول شسمهم
- شنو رأيچ نسميهم رحمة ورحيم
- الله عمو كلش حلو بس شنو يعني ؟!!
- من أسماء الله الحسنى
معناها المغفرة والخير والمطر الوفير
بلكي الله يرحمهم برحمتة الواسعة ويجفيهم شر أبوچ
أبتسمت بـ وجهة ورجعت اباوع عليهم
حتى ما اگدر اتحرك من يمهم
فرحانة بشكل مو طبيعي ممصدگة صار عندي أخوان
لأن وللأسف مچنت أعرف حجم المعانات المنتظرتني بعد هاي اللحظه
بعدني منسجة وياهم أنفتح الباب
باوعت دخل بابا
الكل أنصدم برجعتة اما اني صرت أرجف أول ما أجت عينة بـ عيوني مو بـ أيدي اخاف منة خوف مو طبيعي
رزاق .. ولك حامدددد
شلون تشتكي علية وتذبني بالسجن اني الك بسيطةةةة
حامد.. شلون طلعت فهمني
هذا يا كلب أبن الكلب الطلعك بـ هالسرعة هيچ فالتـة
- هه لك غير الدولة كلها بـ أيدي
وأوعدك هاااا
هاي الـ 3 أيام الخلصتها بالسجن راح أدفعك بـ مكانها حياتك كلها وهسة تشوف
دحام.. لتهدد عاااار
امشي أطلع من بيتي بسرعةةةةة
واياك ثم اياك تراويني خلقتك الزفرة بعد اليوم تسمع
رزاق.. أي اطلع
بس أخذ جهالي واروح ما اروح وحدي تحلمووووون
صفية.. لا دحام الله يخليك
كل شي ولا الجهال
اذا اخذهم وراح ينذلون لا تطردة لخاطر هالأيتام منو الهم غيرنا من بعد رب العالمين
حامد.. شو هي الشغلة بكيفة حتى ياخذهم ويروح
رزاق.. جهالي طبعاً بكيفي
ومثل ما هسة طلعت بـ رمشة عين من السجن اخذهم واروح هم بـ رمشة عين
حامد.. لككككك حيوااااان
شنو دتلوي أيدنا بجهالك لـ هالدرجة ماكو رحمة بگلبك
رزاق.. والله هذا العندي
يعجبكم اهلاً وسهلاً ميعجبكم اسوي الـ براسي ومحد منكم يگدر يمنعني
ظلوا يتجادلون هواي
ناس تجر بـ الطول وناس بـ العرض
اخر شي ظل بابا لأن ما گدروا يخلوا يطلع وياخذنا ويا
واگفة يم عمة وملزمة بـ دشداشتها
اجة بابا
أخذ أخواني وغراضهم من يمنا ودخل بيهم للغرفة گبل صاحت بعمي
- حامد شو أخذ الجهال
ذولة للصبح مينامون قابل يظل سهران وياهم ويسوي الهم ممات ويهز بيهم طول الليل
حامد.. خلي أم صالح خلي
بلكي الله من يسهر ويتعب وياهم ربچ يحنن گلبة الحجر عليهم ويهدي شوية
حتى طيبة خليها تروح وياهم
لازم يتحمل مسؤوليتهم اني ما دايم الهم
هو أبوهم وهو اليدوم بس كون الله يصلح حالة ويهدي
ظليت گاعدة وياهم بالصالة
شوية وگاموا ينامون
غسلتلي عمة وگالت يلا روحي يم أخوانچ حتى تنامين
مشيت ودموعي بعيني
حيل مفتقدة الـ ماما ومشتاقة أنام بحضنها
فتحت باب الغرفة
لگيت أخواني نايمين وبابا گاعد يشرب بالبطل كالعادة
گعدت يم راسهم
دقايق واني صافنه بوجههم البريء
شگد حلوين يربي
شوية وگعد واحد منهم ما أعرف الولد لو البنية وعلى صوتة گعد الثاني يبچي
رزاق.. ليش ديعووون طيبة سكتيهم لا اگوم احرگهم
باوعت عليهم خايفة
شلون اسكتهم أخاف أشيلهم ما اعرف
قربت أيدي من حلگهم شو گبل فتحوا يمكن جوعانين خطية
- بابا يردون حليب سويلهم حباب
- ماكو زقنبوت
حچاها وشال قوطية الحليب فرغها من شباك الغرفة
ظلوا يبچون
باوع عليهم يأفأف خفت كلش
عيونة صارن دم من العصبية ليروح يضربهم ويضربني وياهم
گمت على ركبي
ظليت أهز بيهم بلكي يسكتون شوية
بس بالعكس
زادوا بالبچي أكثر أيدي تعبت وگفت عن هزهم أرتاح
رزاق.. دسكتيهم بت الكلب لا والله أحرگچ انتِ وياهم
- بابا شلون يسكتون
انت ذبيت الحليب وهم جوعانين يردون ممة خطية
بس حچيتها گمز علية مثل الطلقة
ما احس إلا جابني بلطمة على وجهي من شدتها صارن عيوني يوجعني وخدي جمر
لزمت وجهي وبچيت
شو هذا فجأة عافني ورجع عليهم
رفع أيدة ضربهم على وجههم ضربة صوتها رن بـ أذني
باوعت عليهم أمسح بدموعي
الوجه صار أحمر دم وفحطوا من البچي بحيث ميطلع منهم صوت بعد
گبل فتحت الباب ورحت أركض العمة نهاية
دگيت عليها مثل المخبلة
شوية وطلعت مبين چانت نايمة سحبت نفس بشهگة
- ها عمة ليش تبچين أخوانچ صارلهم شي اااحچي
- اي عمة اي أخواني
فدوة تعالي خطية جوعانين كلش
بابا ذب الحليب من الشباك وضربهم لان يبچون
حتى بعد ميطلع منهم صوت الحگي اخاف يموتووون مثل ماما....
يتبع
لتنسووون ⭐⭐⭐⭐⭐⭐
كل الحب ❤🥀