نظن عمبالكم البارح شنهي + الضياف سووو هادا كتبتو في الليل ان شاء الله يعجبكم
المهم نبداو
امين : اصبري ريحي درك نفهمك لاه تفاعلت هكدا
مريم : منيتك متوقعني نريح و ندير رجل فرق رجل نشرب و قهوة بعد للي قريتو اااااه
امين : اوك عندك الحق تتنارڤاي مي اسكتي خليني نفهمك
مريم : أبدا مادامني مزلت حاكمة في روحي
امين : لازم تسنيي على الورقة هاديك
مريم : لاه ابوي ، و كون مانسنييش تقتلوني ولا تقتلو لافامي تاعي هممم تهديد مليح يااه
امين : انا مانيش نهدد فيك بالعكس نحذرك بسك رانا متكلين عليك
مريم : ههههه واو و انا لي حرت كيفاه هادا لي خيرني غير انا مالغري رخستو مي نوو قعد لاصق و مع اللخر عرفت بلي صح الدنيا مصالح مي سمحلي نتا تاني ماحسبتكش هكدا ، و نقوللك من اللخر انا مانيش راح ندخل في المعمعة هادي فهمت غير دبرو وحدا اوخرى تبيع روحها تحت مسمى الوظيفة انا عندي اولويات في حياتي
و ناضت هي جات خارجة حكمها امين و قاللها : خليتك تهدري و سمعتلك مي درك لازم تخليني نهدر بلا ماتقاطعيني بلييز
مريم قلبت عينيها و راحت قعدت و دارتلو براسها تاع أبدا
امين : شوفي انا ميش راح نحكيلك كلش بسك هادو حوايج يخصوك نتي و ليث و لازم تحكيوهم وحدكم مي انا حاب نفهمك برك بلي ليث ماكانش ناوي هكدا طول مي الخدمة جات هكذ و هددوه بعدما عرفو بلي يحوس عليك مالغري دار البوسيبل باه مايعرفوكش مي ههه واش يخفى على لFBI وي هو يخدم ثما و الخطرة هادي كي سنيا على الميسيون الاخيرة كي البغل ماقراهاش كانو كاتبين يولي يخدم لصالح البلدين انجلترا و الجزائر و لازم يلقا متدربين جدد للفريق و في حالة ما اذا تزوج لازم مرتو تخدم معاه وووو.. كاين بزاف بنود المهم
هوما كي سمعو بلي خطبك قالولو لازم يوفي بوعدو سينون راح يخسرك و نظن راكي فهمتي كيفاه يخسرك و درك هو راهو ثما و نظن راهو مكرز بسك الصباح عيطلي خسر عليا زوج كلمات برك
سو انا نخليك تخممي مي ماتطوليش بسك قدما زربتي قررتي قدما ربحنا وقت
مريم كي قاللها هكداك خرجت بلاما تزيد كلمة لقات ماريا واقفة مقلقة بسك طولت الداخل كملت تمشي و خلاتها تعرش عند راسها
مريم العشية كومبلي و هي ساكتة و تايهة تخمم درك تقولو تقدر ماتقبلش و تكمل تعيش نورمال مي مادامهم عرفوها اذا ماعاوناتوش أكيد ميش راح تعيش اليز ، خلصو لي تيدي تاوعهم و خرجو في نص طريقها لحقها ميساج من عند امين قاللها اتهلاي في روحك و ماتريسكيش بسك قاللي راهم يراقبوا فيك
مريم خبات تيليفون و كملت تهدر مع ماريا باه ماتبينلها والو هوما كانو يستناو في ألبيس و تعقب عليهم طوموبيل كحلة فيمي مامكتوب فيها والو طيشو ورقة على مريم و راحو مريم زربت هزت الورقة هاديك قبل ماتشوفها ماريا و خباتها كي طلعو للبيس قرأتها كانت مكتوبة بلونجلي <احم احم راح نطرجملكم :)> كتبو : السلام لن يدوم فكل من يكتب اسمه على قائمتنا لن يخرج الا اذا مات
مريم قعدت تسب في داخلها شنهي البلاء هادا لي طاح عليها زعما يقولو ل FBI يعاونو ميش العكس
و مزالت حايرة لدرك لاه لصقو فيها مالغري ماعندها لاخدمة لامؤهلات لا صوارد لاوالو . ليسونسيال كملت طريقها عادي روحت للدار ذسايم روتين بعدما تعشات(رغم المصائب الاكل اولى ) و راحت لشمبرتها بعثت ميساج لليث مالحقش سوو راحت قالت لامين يقوللو يعيطلها ليث كي سمع فرح و مافرحش فرح بسك تحوس تهدر معاه مي عمبالو بلي درك راهي تخمم بلي هو دارها بالذمة و كلش كذب راح لشمبرتو تكسل و عيطلها
ليث : سلام مريومة سافا
مريم : في رايك بعد السوربريز الهايلة لي سمعت بيها اليوم كيفاه راح نكون
ليث : عندك الحق تتقلقي و تسبيني نورمال مي ماتغلطيش و تتهمي بلا ماتعرفي لافيريتي
مريم بكل برود : اللي هي
ليث : نظن امين حكالك على كلش و انا والله ماكان في بالي بلي راح توصل للمواصل هادي و ماكالاه ديري في بالك بلي طيحتك في الشبكة و انو هدرتي كانت كذب و تمسخير انا كنت ناويك للحلال و مازالني (مازالني على ديداني مزاااال ههههه ( فهمتي
مريم : درك كي راك تحاجي و تفسر علاااه صاي هوما عرفوني و فراات تكثار الهدرة هادا ماكالاه
ليث : يعني ....
مريم : حابة نعرف كي ندخل معاكم واش راح ندير مثلااا
ليث : راح يخليوك تكملي قرايتك سيرتو كي عرفو بلي ميدسين و اكيد راح تخدمي لمصلحتهم
مريم : و لازم نتزوج بيك
ليث : كرهتيني ياك
مريم : في رايك
ليث : وي لازم و اذا تطلب الامر نقعدو في لندن في فترة قرايتك اوووكل اييه و ماتنسايش هاد الهدرة لازم مايسمع بيها حتى واحد كي نقول حتى واحد يعني ولا مخلوق فهمتيني لافامي تاعي لحد الان ماعلابالهمش بخدمتي
مريم : تشفا نهار عيطتلي اول مرة و قلتلك نتا من المافيا ولا FBI
ليث فرح كي مزالت تشفا على هدرتهم : وي هههه
مريم : المافيا اهون منك عبالك
ليث : مانهدرش بسك عمبالي راكي منارفيا غراف واش نقوللك
مريم : راني قابلة مي عندي شروط
ليث : اييي ..................... وااااااااااااااااااااااااااااااااات قابلة
مريم : طرشتني يالز العقل برك
ليث : شنهي شروطك
مريم : مانقعدوش لهنا في دزاير و لافامي تاعي لازمنقوللهم يالوكان لعبد واحد برك و اذا صبت كل وحد بدارو ووو اذا تفكرت راني نقولك
ليث : منيتك كيفاه تاع كل واحد بدارو ياك متزوجين نن
مريم : على الورق وي ماديرش في بالك بلي قبلت علاجال زينك فهمت اصلا هاد الفترة مانيش مستحملة نشوفك
ليث : اوووووووووووووووو معليه مي الزواج هادا قدما زربنا فيه قدما كان خير
مريم : هههه حتى عرسي ميش راح نديرو كيما لبنات ياجدك ايييه وي انا درك نقوللهم قابلة و نتا دبر راسك
ليث : اوك و ماتخافيش والله غير نديرلك عرس دزاير اوكل تسمع بيه و نعيشك خيرمن لبنات اوووكل
مريم : واش نقوللك ان شاء الله
ليث : بون نوي و ماتتقلقيش فيها خير
كوبات عليه و طفات الضو بعدما قالتلهم بلي عيانة حابة ترقد باه مايديرونجيوهاش ريحت في بلاستها تخمم واو الدنيا هادي كيفاه جيبلك البلا لباب الدار مي فرحت كي عاد ميش هو السبة تاع الصح مي بغباؤو صرا هكذ و اكيييد ميش راح تعقبلو كلش بالساهل لازم تمرضو شوي
نروحو عند ليث لي من لي كوباو و هو يخمم يسما صاي كرهاتو و راحو مخططاتو في ذاك الشي مبعدا تفكر البارتي تاع غدوة اكيد غدوة راح يجبدولو السوجي . ولا عيط لامو هدر معاها شوي مبعدا هدر مع امين للي من لي هدر معاه و هو حاكم كرشو من الضحك بسك قعد يحكيلو على رياكسيون تاع مريم و كيفاه خلعاتو تزيد شوي تقتلو و هو حكالو بلي قريب العرس هات يقبلو والديها برك
نيووووووو داااااااي
اليوم الجمعة مريم ناضت على الثمنية ( واش تغيضني عمري كي نبكر في الويكاند الزهر المعوج) شافتها امال هزتها بتزغريتة
امال : يويويويووييوووووووووووووي شكون جاااااا واشمن داب مات لي نضتي بكري
مريم : صباح النور مام
امال : واش نوضك
مريم : ممم شبعت نوم و جعت
امال : عمبالي غير كرشك لي تنوضك
مريم : هي الصح شبييك ههههههههه
امال حطتلها تفطر و قعدت تدور مع الغداء مريم ناضت باه تعاونها حبستها امال كي قالتلها روحي زمي راسك مانيش حابة نلقا الشعر في الماكلة
مريم: هاااااااااااااعععععععع اوك
(هو يعني يحيروني تاع سميرة تيفي كيفاه يخدمو بشعرهم المسشور تقوشي رايحين للعرس و مايلقاو حتى شعرة يابنتي انا نزم شعري بعمامة ابو جفر و الشاش تاع المرحوم جد جدي و هكداك و نلقا شعرة اكثر مني في الطول تحير )
راحت زمت شعرها و دارت معاها لغدا دارو شخشوخة حاااااارة في الشباب في الواعر في.... تفاعلت
المهم و بينما هم يحضرون الغدا قالت امال (مود فصحى خخخ) : واش مريم واش قررتي
مريم : احم صاي قررت و اخيرا انو كي تعودو مروحين لعشية تشريولي الشيبس الحار هاداك لمليح القاطو اذا حبيتو مثلا تقلشوني بباط مانقولش لالا
امال : انا وين ونتي وين ياو نحوس على هاداك لي جا خطبك ليث واش قابلة؟
مريم : بابا واش قاللك
امال : ونتي لاه تحوسي على باباك ياك نتي لي راح تتزوجي ميش هو
مريم : انا اذا عدتو قابلين قابلة
امال : سييير؟؟؟
مريم : لالا صباط
امال : حمار طيري من قدامي
مريم : ماقلتيليش واش رايكم نتوما
امال : باباك علاحساب هدرتو راهو قابل بسك يعرفهم من بكري
مريم : هممممممم ماتنساينيش في شيبس مبعدا
امال : راكي سير راح تتزوجي السيد راح يتبلا بطفلة صغيرة ميش راح يتزوج بمرا
مريم : ثانكيوووو على المدح
وهربت تجري لشمبرتها بسك امال تزيد شوي تشاليها بكوكيطة نورمال
راحت هزت تيليفونها لقات ميساج من عند ليث هي قراتو ناضت تضحك على الهبال تاعو قاللها : ...............
هاااااااااااااااااااااااااااااي صوري على البارت الاشتر بسك راني غراااف شارجي و كي كملت كتبتو واحد ماهو قدي اصلا كتبتو خوفا من تهديداتكم الجميلة (هاد الكتبة حسيتها كون تخطيني البارت يجي ناقص ههههههههههه ) المهم واش رايكم انا بانلي بارت ممل مانعرف لاه
رايكم
توقعاتكم