ام محمد : ياسين 😲
بيسان : 🙊
محمد : ( فارت اعصابي من ضربت ياسين وبنص البيت كدام اليسوه والمايسوه ضربني .... ماعرف شنو السبب بس مهما كان المسوغ ماله حق يضربني .... فارت اعصابي وهجمت عليه جان يصد ضربتي ويتكامش وياي ) لك ### منو انت لحتى تضربني
لين : ياسين 😰 محمد ( ادخل ادم ساحب محمد بينما لزم مرتضى ياسين والغلط والفشاير عالكه بينهم )
محمد : ادم اتركني خل اطبيح حظه 😠
ياسين : لك طايح الحظ ا... 😡مو بس طايح حظ انت واحد بلا شرف 😠 لك حتى بسام اشرف منك
بيسان : ( من ذكر ياسين سيرة بسام تحولت انظار محمد عليه ... يمه انخطف لوني من نظرته حيل رعبتني ) 😨
ام محمد : لك ليش تضرب اخوك 😡
ام ادم : ( همست لبيسان جانت واكفه ورا مرتضى ) اذا طلع الج دخل بالقصه اموتج
بيسان : 😓
الجده : ياسين 😡 ....
ياسين : منو بيكم يرضى تضل عسل بالشارع و الرايح والراد يباوعلها 😡
لين : ( عزااا بس لا عرف بسالفه عقيل 😨)
ام محمد : شتخربط انت 😡
ياسين : جاوبوني تقبلون ؟
ادم : لا طبعا ما نقبل
محمد : بس بيسان تختلف عن عسل 😡
الجده : 😞
ام محمد : لا متختلف اثنينهن بناتنا
ام ادم : بلي اختي ... بيسان تختلف عن عسل ... من كل نواحي ... عسل بتنا بينما بيسان دخيله علينا
الجده : سهاد 😠
بيسان : 😠
محمد : ( دفعت ادم عني ) لك تضربني علمود هلساقطه
بيسان : ( بغضب ) احترم نفسك محمد 😠
ياسين : لك ماكو ساقط غيرك 😬 ( نرفزه حجي رجع هجم عليه بس اني رفسته بطنه برجلي مما زاد غضبه راد يهجم مره لخ بس ادم وامي لزموه بينما سحبني مرتضى للخلف )
الجده : ولكك كافي 😠
ام ادم : ( جريت بيسان من شعرها واخذت اضرب بيها ) لج كله منج اليوم الا اموتج
بيسان : اااااه تركيني 😣
لين : ( ادخلنا اني وجدتي لنخلص بيسان من خالتي ) كاااافي ولكم كااافي جزعتونا بحياتنا ... تيته الله يخلج زوجي بيسان لانور خل نفتك من هلمشاكل اتوسل بيج 😭
بيسان : 😯💔😿
الجده : ( سحبت بيسان منهم ) راح ازوجها لانور تحلمون تشوفونها بعد
ام ادم : فد نمونه 😑
ام محمد : ( اخذت الجده بيسان وطلعوا برا البيت ) وانت ليش تضرب اخوك
ياسين : اخذ بيسان للمحكمه وذبها بالشارع ورجع
ام محمد : 😳
ام ادم : وتضربه ؟ 😡
ياسين : خاله شنو ماعدنا شرف احنا والله لو بنيه غريبه ما نتعامل هيج وياها هيج علموتونا لو اني غلطان
ام ادم : انجب لا تراددني ... ولي عن وجهي لغرفتك 😡
ياسين : ( بغضب نفضت ايد مرتضى عني وصعدت لغرفتي )
محمد : ( بس صعد مرتضى جرتني اني لغرفتها واخذت ترزلني لان تركت بيسان هناك ) 😤
ادم : اوووف واخيرا خلصنا
مرتضى : شخلصنا مشفت ياسين شلون معصب
ادم : خيولي ياسين هوه الغلطان
لين : لا ادم محمد غلط مع الاسف عليه
ام ادم : عوفوكم من هلسالفه لحد يحجي بيها بعد
ورد : ( رجع عقيل معصب وجهه مايتفسر ) حبيبي شنو صار ؟
عقيل : ماكو شي اختي اكلي لا شغلين بالج ( من رجع قيس كالي ان هذي البنيه بنت قدوس وان هوه ماحجى لحتى لا يزيد المشاكل بينا كولش عصبت لو ما صديقي جان ذبحته )
ام عقيل : ورد ... كومي اريد احاجيج بشغله
عقيل : شنو يوم صرت غريب ؟
ام عقيل : سوالف بنات ابني لا تحشر خشمك
عقيل : ها العفو اخذو راحتكم
ورد : ( بس دخلت لغرفتها سطرتني بكف كلب خدي احمر ) 😳
ام عقيل : شنو هذي الصوره .... منو هذا 😡
ورد : ( شمرت عليه صور بيها اني ومرتضى ) 😱
ام عقيل : ( لزمتها من شعرها ) لج احجي منو هذا😠
ورد : ااااه ماما شعري 😣
ام عقيل : لج احجي لا انطي الصور لاخوج
ورد : ( وطعت جوه رجليه ابوس برجليها ) الله يخليج لا تكوليله 😭 ماما لا تكوليله راح يضوج مني 😭
ام عقيل : مو بس يكرهج ... راح يذبحج 😠
ورد : لا تكوليله ماما اترجاج 😢
ام عقيل : متشوفينه بعد 😠
ورد : احبه والله ماما وهوه رايدني بشرع الله ( ضربتي ع راسي و جرت بشعري ) 😭
ام عقيل : والله اكوله اذا حسيت ملتقيه بيه 😠 جيبي تلفونج
ورد : ماما 😭
ام عقيل : جيبيييه 😠
ورد : ( اخذت تضرب بيه الى ان اخذت التلفون مني كسرته كدامي وكسرت الشريحه وطلعت ... نمت بفراشي واني ابجي ياربي شهلعيشه ماريد من الدنيا غير اكمل البقى من حياتي وي مرتضى. 😭 .... غفيت واني ابجي 😿 صحيت ع لمسات عقيل )
عقيل : شبيها عيونج
ورد : ( حضنته واني ابجي ) 😭
عقيل : ( حضنتها بقوة ) شبيج حبيبتي شصار ؟
ورد : كابوس 😿
عقيل : شششش اهدي يروحي لا تخافين اني يمج وحضل يمج مراح يصيبج اي مكروه دامي اشتم الهوا
ورد : الله يخليك الي ( غمضت عيوني بحضنه جان احس بالم حاد بصدري ) اااه 😣
عقيل : شنو 😯
ورد : ا .... مي 😣
عقيل : ( ركضت جبتلها مي واخذت امسح ع ظهرها خلف قلبها الى ان هدى المها ) انتي بخير ؟
ورد : احسن 😥 لا تخاف
عقيل : شلون مااخاف شعندي غيرج
ورد : الم بسيط لا تخاف سولفلي هسه ... انت ماتحب ؟
عقيل : هههه شهلسؤال ؟
ورد : عقيل اني مااعرف ياساعه يخطفني الموت اريد افرح بيك
عقيل : ( انعصر قلبي من كلامها ) شهلحجي ورد لا تحجي هيج راح تشوفين اولادي واولادج واحفادي واحفادج .... راح نشوف ايام حلوه .... راح تزوجين وتسكنين يمنا واني يوميه اجيلكم
ورد : تجي وي مرتك ؟
عقيل : ههههه اي اجيبها
ورد : صارحني تحب ؟
عقيل : لا والله
ورد : اخطبلك اني ؟
عقيل : بالج وحده ؟
ورد : اي الصراحه جنت دوم اتمنى تزوج بنت عمي كولش احبها
عقيل : منو ؟
ورد : ياسمين بنت عمو جابر
عقيل : ها تردين بنت الشيخ 😉
ورد : مو لان بنت شيخ لا والله بس البنيه مراقبتك ودوم تسالني عنك
عقيل : امممم مدري افكر
ورد : اي فدوه فكر بشكل جدي بالموضوع
عقيل : اوعدج .... ترا كولش طفيت وماانام الا تنامين
ورد : هههه والله حتى اني نعسانه
عقيل : راح انام بغرفتج الليوم
ورد : لا تخاف عليه روح نام بفراشك
عقيل : ها طرديني ؟
ورد : عقيل مايهون عليه تنام ع القنفه واني بالفراش والله انقهر
عقيل : بس الليوم اريد انام يم اختي .... لا طرديني والله ازعل
ورد : اوووف منك
عقيل : يلا نامي لا تخلينا نسهر
ورد : تصبح ع خير
عقيل : تلاكين خير
حيدر : ليش منايم لهسه ؟
ياسين : حيدر مالي خلك احجي اي شي
حيدر : سولفلي ادم عن الصار من رايي الخاص مجان لازم تمد ايدك ع اخوك الكبير حتى لو غلط اكو اسلوب لتفاهم وين عايشين تروح تضربه كدام طليقته
ياسين : عادي تنهان بيسان بس من توصل السالفه لمحمد لا ميصير
حيدر : الحجي وياك ضايع اكول اخمد احسن
ياسين : طالع اني مجايلي نوم
حيدر : لا تطلع برا البيت بهيج وقت وتخبصنا عليك
ياسين : لا صير اثول نازل للحديقه
حيدر : سد الاضويه وراك 😒
ياسين : ( نزلت للمطبخ شفت غدير تمسح بالطاوله ) روحي مامي عوفيها ع باجر
غدير : خلصت ما ضل شي ... اوووف والله هلكت بالشغل الليوم رنا مدتشتغل شي
ياسين : احجي وي ماما اسماء
غدير : اكيد ختوكف ضدي 😪
ياسين : لا عيني ماما اسماء مرة حكانيه احجي وياها اذا مادخلت اني ادخل ذيج الساعه
غدير : ماشي .... اكو شاب دخل الليوم ع جدتك للغرفه ... سالت رنا تكولي لا تدخلين
ياسين : تعاي ( اخذتها لكامرات الحديقه .... رجعنا بلقطات الكاميرا الليوم حتى وصلنا لصورة الرجال )
غدير : هذا
ياسين : ( منو هذا 😕 صورته بتلفوني ) لج هذا ابن عمي خوفتيني
غدير : لعد شبيها رنا مكلتلي 😑
ياسين : لصيرين حشريه 😏 سمعت الليوم ان عيسى يدور عليج
غدير : 😨
ياسين : لتخافين محد يكدر يجبرج ترجعيله
غدير : بس اخاف اهلك يعرفون ...
ياسين : مراح يعرفون لا تخافين
غدير : اتمنى 😧 بكل حال شكرا لوقفك بجانبي
ياسين : كتلج ماكو شي بلاش
غدير : اوووف لو اعرف شتريد
ياسين : فكري 😜
غدير : ليش كاعد لهسه روح نام 😒
ياسين : ضجت من الصار وي بيسان الليوم 😧
غدير : خطيه بيسان 😧 بس تدري زين سويت بمحمد والله كبرت بعيني
ياسين : برايج تصرفي صح ؟
غدير : طبعا لان محمد مو جاهل لحتى تكوله عيب تترك بتنا بالشارع حتى لو طلكتها لا .... محمد يعرف هلشي خطا مع ذلك اتصرف بهلشي
ياسين : ماعرف شلون يفكر ساعات اكول يمكن الماس تحرضه ع بيسان بس طلع العكس الماس ... الماس تحب محمد وجاي تحاول تضغط ع نفسها وتبعد عنه هلفتره بس لحتى لا تتاذى بيسان ... اختي تحجي وياها دوم وتسولفلي ... بس محمد مدري شبيه ليش هيج يعامل بيسان ماادري
غدير : وانت ليش تشيل هم الكل
ياسين : مااحب اشوف احد ينظلم كدامي واضل اتفرج
غدير : ياريت الناس كولهم مثلك
ياسين : هههههه هاي شنو
غدير : والله 😶
ياسين : هههه ( ربتتت ع كتفها ) روحي نامي واني همات صاعد انام
غدير : تصبح ع خير ( راح واني ضاله مصفنه عليه .... شنو كلت اني 😳 .... عععع شكد عيب 😵 هسه يكول دجاملي مدري تتلوك خرررب بحضي شكد لغويه 🙅... يتبع