هااااااااااااااااااااااااي ثاااااااانكس على الف فووت و صوري على الروطار القراية دارتها بيا
نبداو
وهوما قاعدين حتى يسمعو الاي لاي حارو بسك ماهمش مالفين يسمعوها ايفيت هادي صونري تاع تيليفون مريم راحت تجري ليه لقات نيميرو ماتعرفوش ولات كوبات جات امال سقساتها قالتلها ابال انكوني ولات راحت لجوري و بنها على سعدها يمسحو الحالة اما مريم كملت تكونيكتي حتى زادو عيطو بنفس نيميرو حارت شكون هادا ماحبتش تهز حتى لحقها ميساج
" انا امين صاحب ليث معليش تهزي عندي هدرة معاك "
مريم " ديزولي مانقدرش نهدر معاك ، خلي لغدوة "
امين قرا الميساج فهم بلي ماهيش اليز قاللها " اوك و ديزولي على ديرونجمون"
مريم " معليش اي بون نوي "
امين "بون نوي "
مريم حارت لاه يحوس يهدر معاها امين و بدا يخدملها الميساج تاع ليث
مريم : سيير شي وين راه رايح ربي يبقي الستر برك
المهم هادو رقدو
# نروح لليث لي راهو درك قريب يلحق للندن الطريق كومبلي و هو ساكت مداير ليكيتمان و عقلو يخمم يادرا فيها خير الطريق هادي ولا
لحقو لثما على الثلاثة تاع الصباح لفيلا جاية بعيدة و وحدها هكذ
هبطو من لهيليكوبتر لقا جاك واقف ثما يستنا فيه سلمو على بعضاهم و كملو يمشيو
ليث : واش جاك خير شنهي سبة لانفيت لايرجون هادي
جاك : البووس جا و حاب يهدر معانا و مافهمتش لاه مي أكد عليك نتا
ليث : مانعرف لاه ، نشوفوه درك ولا وكتاه
جاك : نن روح ريح درك على السبعة نتلاقاو في بلاسة العادة ( وطيشلو زوج مفاتح ) هادو تاع لابارتومون و الطوموبيل حوايجك مزالو كيما كانو ماتخافش
ليث : هههه لالا غير يمسوهم ايا صحا مبعدا و نتلاقاو
راح لليث للفيلا هاديك طلع ديراكت للابارتومون تاعو نحا سباطو طيش لمفاتح و حط تيليفونو يتشارجا ضربها بدوش لبس سيرفات برك لاتريكو لاهم يحزنون و رقد طول فطن على الصون تاع رافاي ناض تدوش لبس هكذ
و خرج حبس توال شركة كبيرة تبان كيما باقي الشركات مي اكييد ماهيش عادية كيفهم دخل ليث لي يشوفو يتشوكا ليث كمل طريقو كلي ماشاف والو دخل للبيرو ديراكت لا احم ولا دستور لقا جاك قاعد هو و واحد مور البيرو بونجر عليهم للزوج و قعد بلا حتى كلمة نطق العبد لي كان مور البيرو نايل
نايل : اييي وي مستر ليث واش راك مداير فيها
ليث بوجه بارد :عادي ماصرا والو ، وين راهم لخرين
نايل : اوك ، رينيون هادا معاك برك
ليث سكت و نايل كمل يهدر : شوف عمبالي بلي اخر مرة الغاشي اوكل حسبوك متت سيرتو كي خرجت من لبروجي تاع لاسويس مي درك و مادامك في دزاير بيانسير هوما سمعو بلي راك ثما و ماحبوش يسكتو علينا سو تفاهمنا و قلنا تولي تخدم مصلحة البلدين للزوج باه تقدر تدي حريتك ثما
ليث : و ماعرفتوش لي يحوسو يقتلوني الخطرة هاديك جات في صاحبي الخطرة الجاية فيا
نايل : وي عندك الحق مي ...
ليث خبط البيرو و قاللو : شوف لافامي تاعي و صحابي مانسحقش شعرة منهم تتقاس فهمت
نايل : اوك
ليث ناض رايح مي حبساتو الهدرة تاع نايل لي قاللو : و الطفلة هاديك واش درت فيها قبلت بيك
ليث دار ليه و مزال بالبرود تاعو مالغري كون صاب كون راهو مرمدو : كاين مليار طفلة لاه تحوسو عليها هي بالذات
نايل : ماتخافش تتزوجها نورمال مي بشرط دخلها معانا سينون مانوفرلها لا حماية لا والو اك فاهمني نظن
ليث : بفففففففففف
نايل : نتمنى تقدر تعجل الموضوع قدما قدرت راح تقعد هنا سمانة و تولي
ليث : اوك ، و واش ندير في السمانة هادي
نايل : كاين حفلة بعد 3 ايام ماكالاه تقوللي مانجيش كي عادتك و نهار تعود مولي أعقب ليا لهنا
ليث : برك
نايل : وي
خرج ليث راح ديراكت للاصال دو سبور ماحبسش حتان حس بلي لكور تاعو تدقدق راح للدار دوش و قعد يكونيكتي بعث ميساج لامين سقساه على الحالة و عطالو خدمة يديرها
# في شوكوبيستان
اليوم كيما باقي الأيام ناضت مريم راحت تقرا هي و ماريا حكاتلها كلش و ماريا مع السمير تاعها واش نحكي و واش نخلي المهم كي هبطو من البيس نطقت ماريا : اييي اليوم قررت نولي راقية
مريم : لاه كنتي مشعوذة حتى تولي راقية
ماريا : يابغل قصدي نولي كلاس
مريم : لاه شكون قاللك ماكيش كلاس
ماريا : احم احم عمبالي انا لاكلاس مي لاڤوا تاعي و مشيتي برك لي شوية هاه شوفي درك نمشي و قوليلي رايك
راحت ماريا مشات شري و ولات لمريم
ماريا : واش رايك في مشيتي الجديدة
مريم : ياسوبهان الله حسيتك مونقول يتعلم يشطح زومبا
ماريا : هاروحي لاكشما نسبك ديجا اصلا نتي واش تفهمي في هاذ المواضيع
مريم : يمالا لاه تسقسيني
و هوما هكداك حتى تسمع مريم واحد يعيطلها دارت لقاتو امين تفكرت البارح مريم قالت لماريا تستناها تهدر معاه و تولي
راحت مريم توال امين : صباح الخير امين
امين : صباح النور سافا
مريم : الحمد الله ونتا
امين : الحمد لله ايه ديزولي البارح غلطت كي عيطتلك ان شاء الله مانكونش درتلك بروبلام برك
مريم : لالا معليش ، مي حيرتني خير ان شاء الله
أمين : عندي امتحان و حاب نجربو مي خفت نكون يا صعبتو ولا سهلتو قلت نمدولك تجربيه نتي بسك لحد الان غير نتي لي نعرفك بيان و ان شاء الله تقبلي
مريم : اوك نورمال مي وكتاه
امين : عند الڤيد في بروجرامك اليوم
مريم : عندي الساعة الاولى مع العشية
امين : تقدري تجي للبيرو تاعي
مريم سكتت ماعرفتش واش تقوللو بيانسير هادي حاجة انورمال تروح تقعد هي و ياه في لبيرو تاعو وحدهم امين فهمها قاللها
امين : انا ماراحش نقعد معاك مانيش حاب ليث يقتلني هههههه تقدري تجي نتي و صحبتك بشرط ماتعاونكش
مريم حشمة من هدرتو تبسمة و قالتلو مبعدا ان شاء الله بلاما دنق ليه امين قعد يضحك عليها
مريم لحقت لعند ماريا اللي تقرعيج كلاها كي شافتها هجمت عليا طول
ماريا : واش صرا لاه عيطلك لاه طولتو واش قاللك لاه راكي حمرا احكييي
مريم : يايمااا احبسي شوي قاللي "حكاتلها واش صرا "
ماريا : هممممم يسما ليث راهو سيريو مي كشغل مزلتي صغيرة نن
مريم : مانعرف والله ماني فاهمة
ماريا : مبعدا و نشوفو هايا ندخلو درك (كانو قريب للونفي )
و هوما راح يدخلو سمعو حمزة يعيط عليهم ماريا و مريم دخلو طول دارو رواحهم ماسمعوهش طول
عقبو الساعة الاولى نورمال الساعة الثانية خدمو في دي قروب و علا زهرهم طاحو مع هشام و أنور مريم بغات تندب قالت للبروف تخدم وحدها مي ماقبلتش الموصيبة ولات لبلاستها قعدت نطق
أنور : واش مادموزال مريم ميش عاجبك الحال كي عدتي راح تخدمي معانا
مريم : وي عندك بروبلام
أنور : هاد الساعة نتي لي عندك لي بروبلام انا ماقلت والو
جات تهدر مريم نطق هشام : ايا جماعة في عوض ماراكم تضيعو في الوقت فيدونا في حاجة
مريم : اوك نتا تكتب و تبريزونتي و حنا نقسمو الخدمة على ثلاثة هشام دير المقدمة انا و ماريا نديرو الباقي
أنور : اييي لاه شكون قاللك نتي الشاف ديكيب
مريم : راسي ، اذا ماعجبكمش التقسيم قولو لأفكار تاوعكم و ازربو شوي باه نحيو علينا
هشام و ماريا : عجبتنا
مريم دنقت في أنور هكذ
كملو الجماعة خدمتهم و خرجو تغداو و مبعدا مريم تفكرت لكومبو تاع امين و أكيد كركرت ماريا معاها
راحو امين كان داخل البيرو وجد الوراقي و ستيلو
سمع طبطيب في الباب عرفها هي حل عليها قعدو واقفين { قعدو واقفين يااه العبارة التي حيرت العلماء و الأدباء و الندباء }
قاللهم ريحو ماريا قعدت و مريم جات اقعد قاللها نتي ارواحي قاللها اقعدي هنا ( وهو يشور على كرسيه في البيرو ) مريم راحت حطلها الورقة قاللها اني برا كل ربع ساعة نجي مريم هزت راسها تاع اوك و بدات تحل اما ماريا قاعدة تكونيكتي بسك مع الاول انسيستات عليها تدير معاها مي ماحبتش بسك مدتلو كلمة
المهم عقبت نص ساعة لقاها خلصت جيست غلطت في عفايس خفاف صححهملها و زاد حطلها ورقة كانت راح تهدر مي هو اشارلها تاع تقراها برك مريم حطت راسها تقرا فيها و عينيها تحلو تاع الشوك هزت راسها دنقت في امين ولى دنق لماريا قالتلها مريم روحي درك نلحقك خرجت ماريا و مريم ناضت من الكرسي بقوة لدرجة انو طاح
مريم : وشنهي هذاا
أمين : ريحي درك نفهمك
...........
هااااي بارت صغير اي ناو ماتسبونيش
اوحشتكممممممممممم
واش راكم واش أحوالكم مع البرد هدا
صوري على البارت و اذا قدرت نزيد واحد بأسرع وقت بما انو الأفكار كاينين جيست نرتبهم في مخي
رايكم
توقعاتكم
في رايكم شنهي حكاية ليث
و
واش صرا لمريم
دمتم و نلتقي قريبا
عمبالكم كاين عرس في الكارطي راني نكتب و نغلي كي الدودة في بلاستي نشطح لي تصرالها كي خالتي ترفع راسها ههه