قيود بين سلاسل الماضي
البارت الاخير ج2
أفنان ,
بقيت مرعوبه شنو الي صار بعماد وليش هيج انتبهت الروحي داارجف ساعه اوكف وساعه أكعد وساعه أكعد يمه واحط ايدي على كصته
ياربي سترك نار أكعد بي اهز بي ماكو اي تجاوب منه كمت اشهك وابجي واباوع الله يارب حتى بهيج ليله مكتوبلي بدل الفرح دموع وخوف
كانت ساعات مرعبه اول ليله الي بحياتي الجديده الي متلت خوف ودموع وقلق اه يانار كلبي المن اروح والمن اكول مااكدر اتصرف اي شي
لان محسوب عليه التصرف بقيت مثل المشلوله واكفه واباوع الوجهه واتلمس بي كمت الحيلي طلعت وصلة شاش وجبت مي بكاسه وكعدت اسوي كمادات اله الخمسه الفجر وفزيت
على صوت دك الباب البيت بكل قوه صح رعبت حيل بس بكلبي فرحت كلت بلكي يسمع الباب داتندك ويكعد اندكت الباب بكل قوة ٣ مرات بعدها راحوا معرفة ليش اندكت ومنو الي دكها وليش بهالقوه رجعت نظري العماد سمعت القاريء
يقرء قرآن قبل الأذان وتوجهت الربي بكل خشوع وكتله ربي كل الاطلبه منك اذا كان امتحان أو كان ابتلاء فاسالك الصبر ربي...... لان بدون الصبر يااللهي راح انتهي ومراح انجح واجتاز هالامتحان وبقيت احجي وي ربي وادعي العماد
بالعافيه ويهون عليه مرضه سمعت المؤذن يصيح الله اكبر كمت من مكاني وابتعدت عن عماد وكمت اشهك بصوت حيل عالي يعني معقوله الدااشوفه
اباوع اله ونرعبت حيل خشمه برزت بي حبايه حيل كبيره والي داير مداير شفايفه تحول عباره عن حب صغار وكبار ردت أطلع اروح اصيح الاهله بس خفت حيل وخفت لااعوفه بهيج حاله ويتاذه أكثر حالي حال الله لايراويه الإنسان تقربت منه وهميت اهز بجتفه واتوسل بي عماد عماد عماد أكعد كافي نوم أكعد صلي داياذن بعد محاوله وياه افززه بآخر مره فتح عيونه وبقى.... يكول هاها شكو
أفنان
شهكت حيل وبجيت مكافي نوم داياذن أكعد صلي
عماد
حاولت اكوم مكدرت أشرت إلها ساعديني مدت ايدها وكالت صباح الخير
عماد ...صباح النور ردت اوكف الحيلي حسيت روحي مساعدني
أفنان
شبيك عماد ليش هيج حالك همس باذني بصوت ناصي اريد اروح للحمام اسبح بلكي تتحسن حالتي
أفنان,,,, ماشي اخذته وصلته للحمام دخلت وياه كاسرت المي وكتله ابقى جوه المي
اروح احضرلك ملابس وارجع
عماد
دخلت جوه المي واحس جسمي من الصخونه مكسر تكسر سبحت ومن ردت أطلع شفت أفنان واكفه وشايله ملابسي بيدها وتنتظر طلعتي
أفنان,,, سبحة العافيه
عماد ,,,الله يعافيج
أفنان
بشر شلونك هسه
عماد
احسن بحيل الله لتخافين ازمه وعدت
أفنان
وهو يلبس ليش انت تدري شصار بيك
عماد... لا كل الاذكره نمت وبعد مدريت بشي
أفنان
حجيتله عن وضعه شلون صار واخذته من ايده وكتله شوف وجهك وخشمك شصاير بي
بقى عماد يباوع بالمرايه وكال يله مو مشكله هاي من الصخونه تروح وتوجه للصلاه واني هم فرحت نوعا ما من شفته كبالي واكف الحيله رحت توضيت ورجعت اصلي
عماد
صليت وكملت وبقيت صافن وبيني وبين روحي لمت روحي هواي وبقيت اكول شلون هيج سويت بنت الناس هاي المفروض تكون احلى ليله بحياتها هيج صار بي وخربت عليها كل شي اسولف وي روحي واجت أفنان ,,,,كالت صدك عماد
قبل اقل من ساعه الباب اندكت حيل ٣ مرات وما اعرف منو دكها وليش
عماد
ابتسمت وكتلها هاي اهلي حتى يكعدونه على الصلاه
أفنان ,,,,هههههه ليش هو هيج بهاي الطريقه
عماد
لا بس هاي حتى ينبهونه انو صار الفجر ولان عرسان لازم نسبح قبل الصلاة
أفنان ,,,,بقيت فاتحه حلكي وليش نسبح
وضحكت
عماد,,, غير عبالهم مثل كل ٢ يزوجون
أفنان
خجلت منه ومن كلامه دنكت ورفع راسي بيده وكال أفنان,,, آسف
أفنان,,, على شنو
عماد,,, لان هيج صار والمفروض هاي احلى ليله بحياتنه
أفنان
لا تهتم المهم انت وعافيتك المهم كمت الحيلك هاي عندي بكل الدنيا
عماد,,,, قربتها الي وبديت احضن بيها وهي هم بادلتني نفس المشاعر ورمت روحها بحضني
حاولت اقترب منها كزوج عندي رغبه حقيقه اتجاها بس من توصل للصدك مااكدر مره ومرتين و٣ وهم مكدرت شي لاارادي يمنعني منها ابتعد عنها تصير الي رغبه اقترب منها كأنما شي بارد وينزل على جسمي ويحول بيني وبينها
أفنان
شكد كنت خايفه من لحضة الزواج تقرب عماد مني بس من شفت وضعه هيج حاولت اضغط على روحي وساعدته هواي بس بدون جدوى يتقرب بلهفه وشوق بس توصل الصدك يتركني بقينه هيج طول الوقت بعد عدة محاولات كال ممعقوله الدايصير وليش هيج اكو شي مو طبيعي
أفنان مثليش
عماد
أفنان اني متاكد من نفسي اكو خلل والخلل اليوم صار
أفنان ,,,مداافهم
عماد,,, شلون افهمج والله حتخبل
أفنان,,, جريت رأسه وخليته على صدري ليش تتخبل حبي
اذا مو اليوم باجر واذا مو باجر بعدها شنو الجابرنه نستعجل وانت هسه تعبان ومصخن يجوز بسبب هالشي وضعك اختلف
عماد
ليش نسيتي انتي كولتي المرة خالج كل شي تمام
أفنان ,,,صح و شنو المشكله
عماد,,,, المشكله الصبح صار واهلج راح يجون واول طلب راح يطلبوا منج هو البياض
أفنان
صح بس هم انت حالك اهم من هالشي
عماد,,, حضنتها حيل وكتلها بس احنه كلنالهم الأمر صار
أفنان
بقيت صافنه ومرديت كل شي افكر شراح انطيهم جواب وشلون اشرح الهم منا عماد وحالته ومنا اهلي الي اكيد هسه خالتي ومرة خالتي وصلولهم خبر ومنا وضع عماد الخاص الي زاد قلقي أكثر
بقيت افكر وافكر لحد مااجتني فكره وقررت انفذها بدون علم عماد لان مستحيل اطعن برجولة عماد واكولهم مكدر يتقربلي رجع عماد لفراشه واخذته النومه من جديد رحت بعد متاكدت منه نام
طلعت سرنجه وشوية كطن وسحبت البياض المخليه وكعدت سحبت من الوريد مال ايدي دم وبديت الطخ الوصله بالدم بعدها خليت الكطنه على مكان سحب الدم ورحت رجعت كل شي مكانه ورحت مددت بصف عماد الي بس حس بوجودي
فتح ايده وخلاني بحضنه ونمنه ٢ فد نومه فزينه على صوت الباب يندك كمت عدلت روحي بسرعه شفت البياض بعده بالكاع شلتها وخليتها جوه الدوشك المفروش بالكاع باوعت للساعه ساعه ٨ وربع يله رحمه من الله نمنه ساعه ونص رحت صحت منو
جاوب ,,,عمي ابو عماد اني
كتله ,,,لحضه
دخلت بسرعه كعدت عماد وكتله ابوك بالباب
كال,,, اي روحي افتحيها عيب يبقى بالباب
حطيت الخاولي على راسي ورحت وفتحت واول مشافني بارك لي وكال وين عماد يله خل يطلع اتاخرنه
طلع عماد يفرك بعيونه وكله وين
ضحك عمي ببتسامه وكله يمعود بيت عمك اهل أفنان مسوين
صباحيه وانت توك كاعد الناس تنتظر واحنه اتاخرنه حيل
عماد
ماشي ربع ساعه أجهز روحي ونطلع
عمي يله بويه سويلك همه لان هم هم يردون يجون يشوفون بنتهم
أفنان
ردت اطبك باب البيت صاح عمي لطبكيها عمتج ومرة حماج ورايه جايين يباركولج
عماد اتفضل ليش واكف أكعد واني اطب اسبح واتحضر
عمي بسرعه بويه عيب من الوادم
دخل عمي للبيت وكعد وبعد كم دقيقه دخلوا عمتي وسرى وسلموا وباركولي وكالت عمتي وين عماد
أفنان بالحمام
عمي ,,,عريس بعد
عمتي ,,,يسبح سبحة العافيه والهنا
اباوع السرى ممصدكه التسمعه وتبتسم وكانما متاكده انو عماد ممتقربلي
كامت من مكانها وراحت بتجاه الفراش بحجة تلملم وكان الرب تقصد يخليها تروح وتشيل الدوشك من الكاع وصارت عينها على البياض انصدمت صدمت العمر بنظره سريعه الي ونضره للبياض شالته بيدها وخلته جوه المخده
واشرت بيدها على اساس مستحيه تحجي كدام عمي وكالت الامانه حطيتها جوه المخده
أفنان
اباوع إلها صارت صفره كركم هزيت إلها راسي وكتلها عاشت ايدج دنكت عمتي وكالت ها يومه أفنان نمتوا عاد بليل لو لا سهرايه للصبح
أفنان
فرصه واجتني اليمي عرفت من كل الي عشته وشفته بعرسي انو فعلا عماد امره مو طبيعي والمي والتراب كانوا متقصدين بي صرت واثقه هذا سحر فحبيت اقهر سرى وارجع إلها الالم المين
كتلها العمتي بخجل لا والله مكدرت انام لان عماد منام ابد و٢ ضحكنه اني وعمتي
كامت سرى وكالت اترخص اروح
عمي كلها توج اجيتي
سرى
هسه البنات كعدوا من النوم اروحلهم
أفنان وحق هاي الليله الي مرت بي وحق كل دمعه بجيتها بيها الا ادفعج ثمن كل الي سويتيه بي وبعماد
ياسرى احجي بكلبي
عماد
بالحمام اسبح وما اعرف ليش من بده ينزل المي على جسمي ذكرت المي الي رشوه بوجوهنا شلون جفلت منه نفس الشي يصير بيه من احاول اقترب من أفنان بقيت افكر شلون ححل هاي المشكله
سبحت وطلعت لبست هدوم الطلعه وتعطرت ورحنه اني والدي واخوتي البيت أفنان من عاداتنا وتقاليدنا الريوك بيوم الصبحيه على بيت العروس وبين مايتريك العريس واهله ام العروس واختها ونسوان عمامها
يأخذون الريوك العروسه ويجيبون بياضها وياهم أفنان طلع عماد وبعد شويه دخلت مرة عمي وباوستني وباركتلي وكالت هاي ريوك من امج ومكدرت تجي لان الناس بعدها عدهم وتسلم عليج ومن رادت تكوم كالت كومي انطيني الامانه
أفنان
كمت وكلبي يرجف رجيف اخاف لاانكشف خليتها بعلاكه وانطيتها إلها ابتسمت كالت مبروك فنونه خوما محتاجه طبيبه شي منا منا
أفنان ,,,لا الحمد لله مابيه شي
ماشي يله مااوصيج بعد حافظي على بيتج وحياتك وزوجج تحطي بين عيونج
طلعت وبعد نص ساعه رجع عماد وشفت عليه ملامح عدم الارتياح
عماد
بقيت افكر بحالي والي صار بي وعرفت حالي مو طبيعي عرفت انو اني ملعوب بااحوالي
أفنان عماد اجتني زوجة عمي ورادت الامانه
عماد,,, وشكتيلها خوما كتيلها شي
أفنان,,, اكيد لا
عماد,,, أفنان اني اعرف ضلمتج هاي الليله بس والله مو بيدي
أفنان,, لتهتم المهم انت بخير
عماد
يا خير هذا اليجي من سرى وامها
أفنان
يعني انت هم شاك مثل ما اني شاكه
عماد ,,,اي ماكو غيرهم هالمره يردون يحاربوني برجولتي الحقراء
أفنان
واحنه شنو ذنبنا وهيج وصل بيهم الحال يعني شراح يستفادون
عماد
يستفادون بهذا فعلهم انتقموا مني ومنج
أفنان
صفنت على كلامه وسكتت وذكرت اني نطيت اهلي شي وما اعرف صح لو غلط هيج سويت
عماد ا,,,شو ساكته بس لاضايجه
أفنان ,,,لا بس
عماد,,, بس شنو
أفنان
اجيت ودخلت بنص حضنه حضنته حيل وكتله اني يمكن سويت كارثه بس والله نيتي انو محد يمسك بكلمه
عماد
صفنت ورفعت رأسها وكتلها احجي لتخافين
أفنان كتلك زوجة عمي جتي وسألت عن البياض
عماد اي
أفنان,,, اي وانطيتها
عماد,,, شنطيتيها
أفنان,,, كعدت اسولف اله شسويت ليلتها وفتحت ايدي وراويته الوريد
عماد
مدري اضحك مدري انقهر والله هي هاي سوايه وسوين هيج
أفنان ,,,ملكيت غير هذا الحل
ما ادري هواي فكرت وكلت يله هو دم اخلي وافض الشغله احسن مااخليهم يروح بالهم بغير شي
عماد
ابتسمت ورجعت حضنتها حيل وكتلها ليش هو هذا الدم مثل هذا
أفنان يعني شنو
عماد يختلف
أفنان يعني رحت بيها مو
عماد ,,,لتخافين هو منو هسه يدور هيج سوالف خليها على الله هو الي يوكف النه
أفنان ,,,والنعم بالله
عماد
كمت من يم أفنان ورحت طلعت الهديه الي كان لازم انطيها إلها بنفس الليله بس حتى هاي مكدرت انطيها إلها
كنت قبل الزفه بليله نايم بالبيت وكعدت اسوي بيها بيدي ملكيت شي اعبر بي عن فرحتي بيها واهدي إلها غير اسوي هديتي إلها بيدي وقررت اجيب ورد استطناعي وسويته على شكل مداليه وخليت بين كل ورده ورده فلوس صارت كلش حلوه
تقربت من أفنان ولبستهاإلها وكتلها هذا أبسط شي أقدمه الج وبستها بكصتها
أفنان
فرحت حيل بهدية عماد رغم بساطتها بس كانت عندي اجمل شي وارقى هديه لان مسويها بايده وهذا الشي ميزهاحيل عندي شلتها من ركبتي وعلكتها بالزاويه مال الملابس
ورحت وكعدت بااحضانه وكتله انت عندي تسوه كل الورد والفلوس
بقينه بهذا وضعنه ٣ ايام لااكدر احجي ولا اكدر اسر اي انسان كلت مستحيل اخلي كلمه تصيب عماد لو العمر كوله يبقى هذا حالنه
مرت هاي الايام ٣ كنا اني وعماد مثل عصافير الحب صح ماكو تقرب بس بحبه وحنانه ودلاله وتصرفاته الحلوه حتى هذا الشي مخلاني افكر بي
عماد
شكد حاولت اتقرب بهاي اليومين من أفنان مكدرت رغم نفس الحب ونفس الرغبه لكن بس اتقرب إلها جسمي كله يبرد وابتعد لحد متعبت هاي الليله ال٣ واحنه نفس الوضع
أفنان
من شفته هيج ضايج حيل من نفسه عدنه صوره كبيره للمولى ابي الفظل العباس ع كانت من ضمن ديكور البيت وترتيبه رحت وشلت المداليه الي لبسها عماد الي وكتله يا ابا الفضل هاي هديه مني ومن عماد الحضرتك نذرا اجيبها الك
بس تنحل مشكلتنا اني وياه ما اريد الي ميخاف من الله ينتصر بشيطانه وأعماله الشيطانية
يا ابا الفضل اريد اشوف اليوم وكفتكم وياي وي زوجي وما اريد يتخيب املي
عماد
شفت أفنان من مشت وراحت علكت المداليه بصورة العباس ابتسمت إلها لان سمعت بعض من كلامها واشرت إلها بيدي انو تعاي بحضني بوقتها كنت متمدد واجتني خليتها على صدري وكتلها هذا سر بيني وبينج
أفنان
اكيد وربي يشهد ميطلع الاي انسان الي بينه يبقى بينه وميطلع الاي بشر
عماد
بليلتها حاولت اتقرب إلها شكد حاولت وكل مره افشل بيها يزيد غضبي على سرى وامها انتابتني مشاعر مختلطة وهواي من صوب خربوا فرحتي وحاربوني برجولتي ومن صوب اريد اعيش حياتي ومن صوب اريد انتقم منهم
وارد الهم نفس الالم بقينه الاخر الليل هيج بعد عدة أمور حصلت بقيت مصر انو لازم هاي الليله يصير شي وكنت مصر لدرجه شديده وطلبت من أفنان بليلتها ساعدني وفعلا تحقق الي نويت عليه وكدرت احقق الي حاز بنفسي ومخلي فراغ بيني وبين أفنان
كمت من يمها وكتلها خوما اتاذيتي
أفنان
بصوت هاديء وبخجل لا
عماد ,,,بوستها بكصتها وكتلها مبروك
أفنان
خليت البطانيه على راسي وكمت ابجي بصوت ناصي بدون ما اخلي عماد ينتبه الي
وبدت رحلة حياتي مع هالتحدي هذا وكانت هاي اول محطه بحياتي الجديده وبدينه نعيش ايامنه وليالينه احلى ايام واحلى ليالي كان عماد مثل البلسم للجرح اعجز عن وصفه مشت الأيام وصار حاليا شهر متزوجين
وانتظرت موعد ال..... وماكو وانتظرت ٩ ايام بعدها رحت اني وامي للدكتوره وبيومها عرفت حامل فرحنه حيل اني وامي وبيومها رجعت وخبرت عماد وهو هم حيل فرح دنك على اذني وشاورني
كال احذري تكولين كدام اي شخص لتنسين شسووا بينه بيوم العرس
أفنان ,,,ماشي لتوصي حريص
عماد ,,,ماشي تحتاجين شي
أفنان ,,,اي عاجبني وجاي على بالي برتقال
عماد ,,,ههههه هاي بعدج باولها وهيج تشهين
أفنان,,, هههه غير اتوحم
عماد
من عيوني دللي بعد رايده شي
أفنان اي
عماد اامري
أفنان اريد لفة همبركر وتمر هندي
عماد من عيوني
أفنان
سالمه عيونك ورحت بوسته من خدوده ٢ بده عماد يهتم بي أكثر وأكثر بحيث كنت ملكه عنده راواني ايام وليالي يعجز اللسان عن وصفها وكان كل شي ملبى الي وكان يخاف عليه لدرجه اذا دخلت للحمام يبقى واكف بباب الحمام لحد ما اطلع الكاه واكف
وشايل المنشفه بيده واول ما اطلع يلفني بيها ويشيلني على ايده ويدخلني للغرفه ويبدي ينشف شعري ويسرحه ويمشطه كنت احس روحي طفله بين ايده حسسني هو أبويه هو أخويه هو صديقي هو زوجي وهو حبيبي كنت اشوف بي كل هاي
علاقتي بيت عمي طيبه وحلوه صح مااروح الهم رغم بينه بس الحايط بس عمتي وحمواتي وحتى حمويني يجون ومرات يتعللون عدنه مضه على حملي شهرين و٢٠ يوم بليلتها عمتي سألتني
,,,ها يومه بشري مصار عدكم نونو
أفنان
ابتسمت وكتلها الله كريم
حجت ,,,عمتي وكالت سمعتج قبل يومين ذبين من راسج كلت اكيد تتوحمين وتتنسين وغامه عليج روحج
أفنان صح كنت اتقيء شويه كانت نفسي لعبانه
عمتي يعني
نكول مبروك
أفنان ,,,ضحكت ضحكه بسيطه
كالت عمتي بالمبارك يومه تكومين بالسلامه
أفنان ,,,الله يسلمج عمه
سرى
كنت كاعده ودخلت عمتي وكالعادة اسألها اريد اتاكد عماد وافنان بينهم شي عايشين مثل اي متزوجين لو لا وكل مره ما احصل اي اجابه الا هاي المره من دخلت عمتي فرحانه سمعتها تكول العمي حجي عماد راح يصير اب وما شاء الله مرته شالت من اول شهر
الحجي ,,,خير يارب انشاء الله الولد الصالح
الام ,,,اي والله يستاهل بعد امه
الحجي ,,,عساه بتوم يارب
سرى
نار نار وشبت بين ضلوعي واني اسمع هالكلام
شكد احاول ماابين بس مااكدر
أفنان
دخل علينه محرم وهاي اول ايامه والناس بدت تطبخ ثوابات للاامام الحسين ع وحاليا صار عليه ٣ وشويه بيومها كنت دااغسل ملابس واشر على الحبل كملت وندكت الباب افتحتها طلعت بنت حمايه طفله عمرها ب٧ سنوات بت سرى شايله
ماعون بايدها بي تمن وقيمه كالت هاي دزته بيبي الكم انتي وعمو
أفنان
شكرا وكل ضني من كالت بيبي يعني ام عماد مااجه ببالي ابد بيبيتها ام سرى
دخلت ومثل كل مره شلت خاشوكه من المطبخ واكلت اول لكمه وال٢ وب٣ طخت بالي حجايتها من كالت من بيبي طلعت للباب وهي تلعب يم الباب كتلها حبيبتي هاي من يا بيبي
كالت من بيبي ام محمد
اني هنا ردت اتقيء بس سمعت كلامها وكام كلبي يشمر شمر ما اعرف ليش حيل خفت وحيل حسيت انو اكو خلل شمعنه واني ما احجي وياهم
يدزولنه رغم كل الصار اكيد وراهم مصيبه نخيت الله وكتله ربي اني غافله انت مكاني وكان لااحساسي هذا وقع حقيقي قرب الليل وبديت اتلوه من وجع خفيف بطني استمر الالم طول الليل
بليلتها مكدرت انام صح وجع خفيف لكن خوف وقلق والم منعني انام كعدت الصبح على خطوات عماد يتجه بااتجاهي كالمعتاد قبل لا يطلع للعمل يترك بصمته على خدي ردت اكوم
كتله عماد
عماد صباح الخير حبي
أفنان صباح الورد للورد
عماد
ليش كايمه ابقى نايمه واني أطلع للعمل أفنان حابه اوصلك للباب
عماد ماشي تعاي واخذتها تحت جناحي وبدينه نتجه للباب
أفنان بأول الخطوات وحسيت شي نزل مني صحت عماد
عماد ها
أفنان صفنت بوجهه وكتله ممكن ادخل الحمام وانت تنتظرني
عماد ماشي
أفنان
رحت وتفاجءت وصرخت عمااااااد
وللحكايه تكمله انتظروني هذا كان الجزء ال٢ من البارت الأخير وراح استمر وياكم بنشر قصتي وحيكون عدنه جزء ٢ وبارتات جميله بحيل الله اتمنى من كل من يقرء قصتي يتعض ويعتبر لان الحياة محطات لا ندري ولا نعلم اين تقف بنا اتقوا الله بكل وقت ومهما ضلمتكم الحياة او الناس الي حواليكم لا تحاولون الانتقام او حتى الرد لان الزمن يبدع في تصفية الحسابات وانك تبات مظلوم خير من انك تنام وانت ضالم احبكم كلكم وطبعا اقره تعليقاتكم الحلوه كلها تعليق تعليق وماافوت اي تعليق اشكركم لان تعلقون وتصوتون تحياتي الروحكم الحلوه احبكم جميعا محدثتكم شخصيا أفنان