قيود بين سلاسل الماضي
البارت الأخير ج1
#إذا حدثتك نفسك عن الأبواب المغلقة ..
والتفاصيل المعقدة والمستحيل الذي
يطارد آمـالك ..
فأخبرها أن الله جعل بالدعاء :
النار برداً وسلاماً على إبراهيم
وأغرق الأرض نصرة لنوح .. ونجى يونس
من بطن الحوت .. ورد يوسف على يعقوب
أفتتعاظمه آمالك الصغيرة وأنت تدعوه
ميس
أخذوا امير مني وطلعوا وكالوا رايحين دزوا ابو الولد وعمامه حتى يحضرون وخلوني فاقده وطلعوا بعد أقل الربع ساعه دخلت مامه وكامت تصرخ و تبجي وتهدء بي واني فقدت فد مره كمت
اخربط بالحجي وكمت اعيط الله ينتقم منكم انتوا السبب كله من وراكم ابني مات وكمت اريد املخهم تملخ وامي تجرني ماخليت كلمه ولاخليت كلام مضموم بكلبي حجيت
كل الي كانت تسوي بي من كنت حامل شلون كانت تضم الاكل وشلون كانت تحبسني بغرفتي وماخليت شي احجي وابجي وشيفيد الحجي وي ناس ماتت انسانيتهم بعد ساعتين أو أكثر دخل محمد واخوته وكالوا خلص دفناه ومحمد دموعه
تصب على اموري باوع عليه شلون منهاره وفاقده وكمت اكوله كوله من ورى اهلك ابني راح شكد حجيتلك شكد شكيتلك
وانت تكول مااصدك يطلع هيج من اهلي هاي تاليها راح ابنك وهم السبب واضرب براسي بالحايط واعيط صاح محمد
.....كومي بعد ماالنه كعده هنا توني يله عرفت حجيج صح كومي نطلع وكام يغلط ويفشر ويسب
ام محمد .....وين يومه قابل انت اول آخر واحد يروح ضناه
محمد ....انتي آخر وحده ممكن تحجين كعده بعد ما الي هنا لا اني ولاميس مكفاكم السويتوه بميس انوب الطفل مسلم منكم
ام محمد
يومه هذا يومه وهو مصاحي مريض يعذبك ويعذبنه ترى الولد سكط من جابته
ميس ....اباوع على محمد صار نار وشرار وكام يصرخ بعلووو صوته ليش لساج كاعده كومي
ام محمد... وين تطلع شتريد تسوي سوي طلعه ماكو
محمد... أطلع وشيريد يصير خل يصير واشوف يا كوا.....اليمنعني
محمد.... تمنعوني وانتوا طلعتوا سبب كل الدايصير
ام محمد... الله لا يرضى عليج ميس حشيتي رأس ابني ضدي ارتاحيتي هسه والله لويبقى يوم واحد من عمري هم مااعوفج تتهنين بي
محمد
كافي تهددين بحجيج لهنا وكافي
....ولك محمد هاي تاليها ترفع صوتك على امك الربتك صدك لو كالوا يامن تعب يامن شكه ويامن على الحاضر لكه هاي تاليها
محمد ...شكد حاولت ما احجي الي سمعته بس لهنا وكافي منو الي البارحه المغرب واكف بالطرمه ومطلعه صدرها جوه السمه وتدعي على ابني باذني اسمعتج تدعين وتكولين ذبيحه للعباس اودي بس يموت ابن ميس
ليش يومه ليش ابن ميس مو حفيدج مو ابني قبل لا يصير ابن ميس تدعين على خلفتي بالموت شكد كانت ميس تكولي واكذبها
واكولها مستحيل امي تاذيج وادافع عنج كدامها بس من سمعتج باذني كل شي وضح عندي ولهنا وكافي روحي روحي ياامي ودي وفي نذرج ابن ميس مات اخذي ذبيحه وروحي للعباس
كوليله دعيت على ابن ابني يموت وهاي جيتي اوفي النذر كومي ميس كومي لحضه وحده ماالج هنا بعد خل نهج ونطلع منا
ميس
بقيت صافنه على حجيهم معقوله اكو ام تدعي على خلفة ابنها معقوله اكو هيج بشر بالدنيا اي ام انتي واي قلب حامله اي مشاعر حامله
بقيت صافنه مهدوده هد منا موتت ابني ومنا اسمع هالحجي الي عمري كله يبقى يرن باذني ومستحيل انساه اي مستحيل بيوم انساه كمت من مكاني وبقيت ارجف الوجه اصفر والروح ميته
أخذني محمد ولبسني العبايه وطلع توجه بيه الباب البيت واسمع الدعه والشغه والحجي من امه بفلس ونص وهو يراددها ومسكت ابد على حجيها طلعنه صعدني بسيارته وطبك يم بيت وكال انزلي هنا دك الباب طلعت مريه كبيره بالعمر
كلها خاله اني المؤجر الي أجر البيت البارحه خلي مرتي يمج نص ساعه وارجع بس اروح اجيب فراشي وغراض البيت
جاوبته روح يومه ولا تهتم مرتك امانه يمي والبيت عزلته وغسلته الكم بس جيب غراضك واكعد
محمد تسلمين خاله زاحمتج
محمد
صعدت بالسياره ورجعت للبيت اخذت فراش وغراض الي اكدر اشيلها وطلعت رحت الميس لكيتها شبه منتهيه بس الي صار اني من ليلة البارحه كنت مقرر بعد مسمعت امي تدعي على امير يموت
رحت اجرت بنفس اليوم الهذا السبب من اخذت ميس كنت محضر كل شي جبت الغراض ونزلتها ورتبتها كان البيت عباره عن غرفه وطرمه صغيره
وصحيات فلذلك ابد متعبني بعد مكملت رحت وجبت ميس من يم المره ودخلنه للبيت مباشرة افرشت إلها وكتلها نامي لتهتمين الباقي الأمور كل شي بمرور الوقت يصحح ويتعوض
ميس
الا ابني راح يا محمد ومراح يتعوض ابد
محمد الله ارحم الراحمين وبديت اواسيها واهدي بيها الحد ما غفت من التعب والبجي طلعت من يمه ورحت جبت اكل من المطعم واجيت خليته يم رأسها حتى شوكت متكعد تلكه لكمه تاكلها صح موتت امير اذتني والمتني بس ابقى رجال واتحمل
أفنان
اجه والدي بعد تاخير طال ٤ ساعات دخل للبيت يصفك ايد باايد وصاح على امي كومي كومي روحي يم بنتج لو تلحكين عليها لو لا
امي ليش شصاير اسم الله
والدي ابنها لكيته ميت بكاروكه ٦ ساعات واختج الك.. متدري بي اخ يابويه والله نكسر ضهري والله لو شايلين محزم شاب من كدام عيني
ولا شفت ذاك المنظر مال امير وامه وكلها بجفه واختج السافله بجفه اسألها تكولي مصار شي من كعد ورضع وهو صار له ٦ ساعات ميت اوف حوبت امير بركبت اختج
امي
كامت ولطمت على صدرها وصاحت أفنان يومه لحكيني بعباتي اروح الاختج أفنان صار
جبتلها العبايه وخلت وطلعت اقل الساعه رجعت كالت علكت بينهم ومحمد اخذ ميس وطلع
وحتى الي مرضه اروح وياهم كال محد يدخل مرتي واطلع بيها بس هسه لازم اتصل على أخويه لازم اعرف وين اخذ ميس لان وضعها يبجي الصخر
وفرفحت روحي من البجي اتصلت امي على خالي وحاجته وطلع يعرف بسالفة البيت جاوبها لتخافين أجر يمنه بنفس الفرع
ونطانه العنوان وبعد اقل من ساعه رحنه اني وامي وعماد عليهم وفعلا لكيناهم بالبيت بس لكينه ميس توها نايمه
كعدت امي واني بديت ارتب بالبيت وكملت على حسب الأصول بسرعه لان اصلا محمد مخلي كل شي مكانه وهي كم غرض سألته امي شلون محمد راح تبقون هيج انت طلعت بس ماعندك غير بس غرفتك وفراشك
محمد
هسه خاله أطلع واجيب طباخ وصوبه وكم غرض اروح اشتريها ابقوا انتوا يم ميس واني رايح
أفنان طلع محمد وكعدت ميس
من النوم الوجه صاير ليمونه كامت امي تلف بالأكل وتحاول توكلها رغم مكانت تقبل تاكل بس بالحاح منه كلنه اكلناها كم لكمه اجه محمد مشتري نواقص البيت طباخ وصوبه كهربائيه وكم غرض للبيت وقنينة غاز بقيت اشتغل لحد مصار الليل بعدها ترخصنه منهم كنالهم حالكم حال ناموا وارتاحوا وتوسلت امي بمحمد وبميس تاخذها ويانه مقبلوا ٢ طلعنه منهم ومرت الأيام والليالي
والاشهر عماد كان يعاملني بهاي الفتره احسن واجمل وارق معامله بحيث قضيت وياه اجمل واحلى ايام خطوبه وكان انسان بمعنى الكلمه ورجال حقيقي ميس سوده عليه صار مرتين يصير عدها وتوصل مرحله حلوه بالحمل فجاءه تولد ولاده مبكره
والطفل يجي ميت والدكتوره جزعت وملكت سبب حقيقي او مرض معين كل التحاليل تقرء نضيفه ومابيها اي شي لاهي ولازوجها وهالشي حيل اذانه بالأخص امي وميس الي كانت تموت الف موته حتى تعوض امير وطبعا السبب كان مجهول
طبيا والنه حاليا عماد دايبني قريب من اهله بعد مااشترة ارض من والده بصف بيتهم والبيت صح صغير بس مرتب وحلووو حسب كلام عماد لان مشايفته بعدني صار مخطوبين ١١ شهر بعد شهر ونزوج اني وعماد بيومها اجه
عماد وكال البيت كمل و باجر أطلع اني وصديق الي نشتري الغرفه ونجيبها بالبيت وبعدها اجي اخذج تشوفيها
أفنان ماشي بس اني عندي طلب يمك
عماد كولي عيوني الج
أفنان... تسلم اني لحد هاي اللحضه ممشتريه ذهب والحمد لله مناقصني شي اني اريد اشارك بالبيت واخلي لمستي بي
عماد... شلون يعني
أفنان... اني ذهبي وسعادتي وجودك بحياتي والفلوس متجيب السعاده اترجاك تقبل حكي الي نطيتوه الي بيوم المشيه هديه البيتنه
عماد ...لا هذا حقج وميصير تخلي علبيت
أفنان ...واني وين راح اودي هو هذا بيتي وبيت حبيبي احسن ما اشتري ذهب اعاونك واثث البيت وياك
عماد
كتلج لا اني ااثثه وبعد ما اسمع هيج حجي
أفنان ....لزمت ايده وكتله ما يرد الكريم الا البخيل وهذا طلبي ولاتردني وخليت الفلوس بيده
عماد... راح اقبلها بس بشرط
أفنان... كل كلامك ممقبول اعتبرني مشتريه ذهب ولتفكر باي شي اني وانت واحد وانت مقصرت وياي ابد بيت وغرفه وحك وزواج وأثاث
كل هاي يراد لها فلوس واني رايدتك الك واذا نبقى هيج يجوز زواجنه يتاخر واني حابه ااثث بيتي بفلوس الحك
عماد... براحتج بس والله مراضي
هذا حقج وعيب عليه اخذه منج
أفنان ...اني راضيه
عماد
براحتج وفعلا بعد يومين بديت أطلع وي امي ومرة عمي واشتري كل شي يحتاج البيت واهلي فزعولي هم والدي هم اشترالي أكثر من حاجه
وهيج صار بيتي عباره عن جنه مصغره عماد اشترى غرفه حلوه حيل فرحت حيل من شفته بدت ايام العرس بالع التنازلي وبديت ارتب كل شي بالبيت استعداد الحياتنه الجديده مرت فترى كلش حلوه عليه عماد كان كل لحضه أعيشها وياه
احس نفسي بيها اميره فعلا كنت اميره بحبه واحترامه وتعامله الراقي رمضان حاليا وزواجنه بعد رمضان مباشرة بديت أجهز كم قطعه الي من ثياب نوم ومكياج وملابس وحتى العماد كنت اخذ اله أكثر من مره والدي يدزلي فلوس ويكول خل تساعد خطيبها لان زواج وبيت لازم تتعاون وياه حتى يكدرون يعيشون خلص رمضان وبعد رمضان
بيوم كالوا باجر نجيب جهاز أفنان وفعلا عزمنه وحضر الكل اقرباءي واقرباء عماد وكان من ضمن معازيم عماد بيت خالتي عيال ميس صارت كعده حلوه وكطعوا مهر السيد بيومها وبعد ما انتهى اليوم بخير وسلامه بدوا الكل يروح البيته خالتي ام محمد كانت كاعده بمكان معين وبعد مطلع الكل بدينه نعزل ونرتب كل شي ونشتغل كالعاده جاي نضف وشفنه شي غريب كلش شلته بيدي ورحت الامي
أفنان... مامه مامه
امي... ها يومه خير
...هاج شوفي شلكيت
امي... وين لكيتها
أفنان ...جوه رجل خاله
امي... ياخاله بيهم
أفنان... ام محمد
امي... افتحيها نشوف شنو
أفنان
كانت وصله ملفوف بيها شي بس بديت افتح بيها عاطت امي لا لا لتفتحيها أفنان يمكن هاي عمل
أفنان... عمل شنو عمل
امي... يجوز هاي سحر
أفنان
بقيت متصنمه يعني شنو سحر
امي ...جيبي اني هسه اروح وارجع بعد شويه
أفنان ...وين رايحه ماما
امي
البيت ام جواد مره كبيره بالعمر وتعرف بهاي الأمور بس اسألها عن هاي شنو حتى نتاكد شنو
أفنان
ماشي راحت امي ورجعت بعد نص ساعه
وكالت مثل متوقعت هذا عمل وحذرتني منه تكول هذا عمل شيطاني
أفنان
ضحكت والله عليكم سوالف انتوا الكبار يا سحر عمي شبيكم انتوا
امي ...وج أفنان السحر الله ذكره بالقران وهذا حقيقه وهواي يشتغلون بي بس اموت واعرف منو مسوي النه و شنو قصدهم بي
أفنان
اني واضحك كتلها مبينه الشغله والله ياامي اختج بعد ماايست وشافت عرسي قرب التجاءت الدرب السحوره هالمره لان تعرف نفسها هي وبنتها اي تصرف ينكشفون
امي ...يله يمه خليهم هم والله يجازيهم هي يومين وترحين اللبيت رجلج
أفنان...
ابتسمت وكتلها الله كريم قبل العرس بيوم رحت فرشت الغرفه ونصبنه الفرشه عليها واخذت ملابسي للبيت عدلتها وصفطتها بالكنتور
البيت كان صغير بس مرتب وحلووو حيل أشياء بسيطه وأثاث على حد الي نحتاجه وطبعا بعض الهدايا الي اجتني من اهلي وعمامي فقط
اما اهل عماد واقرباءه مشفت الهم اي هديه حتى خواته المزوجات واخوته ولا حتى اهله بيني وبين نفسي استغربت هالشي زواج وبيت شلون محد ممقدم اله اي مساعده او حتى هديه بعدين عرفت عماد هو الي رافض يستلم منهم اي شي
ليش معرفة غير بعد فتره كملت وطلعت وي حماتي للصالون عدلت نفسي حفيت وصبغت شعري وخليت ميش عليه شعري كلش طويل لذالك طلع كلش حلووو بعدها طلعت من الصالون
شفت باقي وقت على المغرب كتلها الحماتي ما اريد ارجع البيت اهلي تاخذيني البيتنه اريد اكمل كم شغله باقيه بالبيت وفعلا رحت وكعدت ارتب واعزل بالبيت أخذني الواهس
وبقيت ارتب بي لليل خليته يلمع بعدها اجه عماد وعرف من اهله اني بالبيت دك ،الباب ودخل وكانت هاي اول مره يشوفني بيها اني ونازعه حجابي رغم كنه عاقدين المهرين بس ولامره نازعه حجابي كدامه دخلت للغرفه ردت اخلي حجابي على راسي ابتسم وكال على شنو تلبسي
هي بس باجر وانتي يمي جره من ايدي وبده يقربني اله وتلمس شعري كال طالع حلووو كتله اي حتى الي بالصالون كالوا حلووو
تقرب أكثر وباسني بكصتي وكال راح اروح اجيب عشه كتله لا اتأخر هيج كال ميخالف اني اوصلج ابتسمت وكتله ماشي راح وبعد نص ساعه رجع وجايب وياه عشه من المطعم .....كتله ليش من المطعم ليش مرحت جبت من بيت اهلك
اقرب وانضف ابتسم وكال لا احسن هيج اني استغربت حيل تصرفه حتى اكل ميرضه يجيب منهم بقت الفكره بالي
بس حاولت مااذكرها كدامه تعشينه سوه واخذنه بيومها كم صوره اني وياه بغرفتنه بوقتها وعشنه ساعه كلش حلوه ضحك ونسه وشقه وسوالف بيومها كنت اتمنى ابقى يمه وابد ما ارجع البيت اهلي
عماد كان شخص صعب بنيه تلكه مثله بوقتنه يكفي انو تكون البنيه واثقه ومامنه بي لدرجه انو لو العالم كله يخونك او يخذلك تكتفي بي وتلتجء اله بعد الله حفر مكانه بكلبي بااسلوبه الحلوو
وتفهمه وأخلاقه الي تجبرك تحبه وصل بي الحال احبه لدرجه كمت اقلده بكل شي بدون ماانتبه الروحي اقلده بكعدته وسوالفه وحتى باكله حبيت هواي اكلات كنت مستحيل اكلها بس لان هو يأكلها صرت اكلها وهواي أمور يطول شرحها صاروا اهلي يشوفون بي عماد ٢ ودايما كانوا يكولي صايره بكلشي مثله
أفنان
بعد هاي الساعات الي قضيتها وي عماد وصلني البيت اهلي وكنت حيل مرتاحه وياه وكان ٢ يوم هو يوم الحنه وفعلا صار يوم الحنه وصارت حنه تجنن بنات عمامي علكوها علك وكانت ليله كلش حلوه بعد مخلصت الحنه اجه عماد وشافني بليلتها بقه اقل الساعه وراح حسيته حيل مرتاح وفرحان
كال اليوم مراح ابات بيت اهلي راح ابات بيتنه لان دااسويلج مفاجأه واريد أكملها بدون ما احد يزعجني ابتسمت اله وكتله ماشي ومثل كل مره يترك بصمته على كصتي ويطلع
عماد كان انسان هاديء جدا تصرفاته هادءه حيل بحيث يخليك تتمنى الفعل منه تمني راح عماد وكان اليوم الي بعده هو يوم زفتنه اني وياه كعدت الصبح حيل تعبانه صاحت امي أفنان ساعه ١٠ شوكت ترحين للصالون مو تأخرتي حيل
أفنان ...عفيه ماما والله تعبانه بعد شويه
امي... ولج والله مراح نلحك ترى هذا شته واليوم يركض ركض كومي اسبحي حتى ترحون للصالون يادوب نلحك
أفنان
نقضت نفسي وطلعت من الغرفه ودخلت للحمام سبحت وطلعت وبطلعتي من الحمام لكيت الكل موجود نسوان عمامي وبناتهم والكل دك وتركص واول مطلعت من الحمام استلموني بصراخهم وصياحهم ودبجتهم وركثهم كان يوم حلووو حيل
اجه والدي ونزل بنص بنات عمامي وبده يركص وياهم هاي عادته وي كل بنيه تتزوج اذا من عدنه او بنات عمامي يركص إلها وي البنات ويطش إلها فلوس والبنات يصيرون طحين
من الونسه والضحك جرني من ايدي من نص البنات وباسني بكصتي وصاني هواي وصايا وكان كلامه حيل حلووو ومفيد بعدها طلعنه للصالون ورجعت ساعه ٣ العصر لكيت الدنيا كلها حاضره بيت اهلي ساعه وكالوا اجت الزفافه واني ما اعرف خوف أو مستحه أو فرح مشاعر ملخبطه تلخبط
بعد شوي كالوا سووا درب العريس حيدخل وفعلا دخل عماد وكان وياه والده وباقي الرياجيل بقوا واكفين بالباب لان ممنوع يدخلون دخل عماد واسمع البنات كلهم يحجون وي نفسهم ويكلون شلون طالع بعد احلى من العروسه
فعلا بيومها كان عماد طالع فد شي اني نفسي بقيت صافنه عليه بين هاي الهوسه كلها كالوا يله ناخذهم ونروح نزفهم ونفتر بيهم
وبعدها نوديهم البيتهم فعلا طلعوني من بيت اهلي بحجاب وبركع والكل كان فرحان صعدونه بالسياره وبقوا يفترون بينه أكثر من ساعه ورجعونه البيتنه واول مردنه ندخل نزل عماد وبقه يضرب بالجو طلق الجيران والأهل والأقارب الكل
دخل ويانه وفرحانين على فرحنه بدينه نسوي المراسيم مال تغيير الحلقات ويشربونه مي الورد بالايادي وبااثناء ماعماد دايشربني رش بوجوهنا مي منعرف منو الي رشه وليش رشوه بوقتها ٢ خترعنه لان كان الجو بارد وفجاءة صار الموقف بس منو الي رش بقينه نباوع بالوجوه ونكول منو الي رش المي محد جاوب انتهت المراسيم وبدوا الكل يطلع كالوا اتركوا العروس وي اهلها فقط والعريس ناخذه نزوره ونرجع وفعلا الكل بوقتها راح بقوا بس بيت عمامي واهلي كعدوني على الجربايه واول مكعدت باوعت للكاع واشوف شي مرشوش بالكاع بشكل يلفت نظر صحت على مرة عمي وكتلها شنو هذا
بقت صافنه وكالت ما اعرف هاي ياسافله راشه تراب هنا
وكان تراب كلش هواي
بقت مرة عمي تسال محد جاوب والكل بقه مستغرب منين اجه هذا التراب والفراش كله جديد
كاموا نسوان عمامي نضفوا المكان
وعدلو كل البيت ساعه وكالوا العريس اجه وبدوا نسوان عمامي يطلعون وكل وحده تطلع تشمر حجايه ونصيحه وتبوسني وتطلع بوقتها من كثر الكلام السمعته خليت ايدي على اذاني واكلهم كافي ما اريد اسمع بعد حجي وهم باقين يحجون وينصحون ويضحكون ويبسمرون بالكلام
دخل عماد باب البيت واسمعه يكوله الوالده ما اريد احد يبقى هنا والا وجلال الله أفرغ هذا
المسدس براسهم أفنان هاي على منو ديحجي ويهدد هيج بعدها عرفت اهل سرى جايين للعرس بس كاعدين بيت اهل عماد ويردون يباتون لذالك عماد هدد ابوه انو محد ميبقى جاوبه والده هم يباتون عدنه انت شلك دخل بيهم
عماد
هسه تروح تطردهم وتكولهم محد يبقى لاوروح الاعزاز أطلع اكلبها عليهم عزه واحط هاي الطلقات بكصصهم
أفنان
بقيت مرعوبه شنو الي صاير وهيج عماد عصبي وميريدهم يبقون
اسمع والده يكوله أدخل بويه عيب الناس طلعوا ومرتك وحده أدخل واني احلها معليك باي شي
أفنان
دخل عماد وسمعت خطواته بااتجاهي اني كمت بكل سرعتي ورحت ورى باب الغرفه وضميت روحي دخل بقى لحضه يباوع يمنه ويسره ماكو صاح وين ضميتي روحج
اطلعت من وراه وضربت على كتفه ضربه خفيفه اندار وباوع من فوك ليجوه عليه وفتح ايده بوسعها وحضني حيل بوسني وكال مبروك كتله يبارك بيك
عماد
شلتها وخليتها على الجربايه وبديت اشاقه وياها حاضنها وردت اكوم مدت ايدها على خصري واخذت المسدس مني وكالت تريد تسويها عزه مو
عماد
ابتسمت وكتلها اي وربي الي يحاول يخرب فرحتي اليوم اخرب عمره كله
أفنان
ضحكت على كلامه ورحت حضنته حيل وكتله مادام اني وياك سوه أنه لتهتم باي شي ثاني
عماد ..يله كومي
أفنان.. وين
عماد.. كومي بدلي حتى تتوضين وتصلين
أفنان... ماشي
عماد ..صلي ركعتين شكر لله وركعتين اهدي ثوابها للقاسم ابن الحسن ع
أفنان
ماشي حبي وكمت غيرت ودخلت سبحت وطلعت توضيت حتى اصلي لكيت عماد يصلي
عماد
صليت واجيت اكعدت على الجربايه احس نار وجت بين ضلوعي كام كل جسمي يون ون
أفنان كملت صلاة واجيت يم عماد كعدت
كعدت يمه اباوع عليه عماد بيك شي ابتسم ابتسامه خفيفه وكال عبالك صخنت
أفنان.. ليش اسم الله
عماد
احجي وي أفنان وبديت احس على روحي صرت بغير عالم بده كلبي يخربط بدكاته والصخونه صارت فول
أفنان
كمت رحت للثلاجه طلعت دوه وكتله هاك اشرب هاي الحبايه تصير احسن
عماد
ماشي اخذتها وشربت منها المي وحاولت أقاوم لان هاي اول ليله شلون هيج يصير بي
كمت الحيلي وكتلها أطلع اسلم على اخوتي وابويه والي عدهم عيب الكل ينتظر طلعتي
أفنان ..ماشي
عماد ..جريتها و حطيتها على صدري وكتلها اخاف بطلعتي وحده من النسوان تدخل الج كوليلها كل شي تمام وابد لاتحجين غير هالكلمتين
أفنان... ماشي تدلل
طلع عماد واول مطلع دخلت مرة خالي وخالتي ام سرى
وكالوا ها بشري شنو الوضع
أفنان.. تمام
مرة... خالي مبروك يومه شايفه كل الخير منه المال ومنج العيال
أفنان.. تسلمين
اما خالتي فبقت تباوع على كل شي بالبيت وركزت نضرها على الجربايه وتفكر بينها وبين نفسها اني هم مقصرت كمت اعدل بالجربايه واصفط بالبطانيه بمعنى كانت مخربطه وهسه دااعدل بيها
صاحت مرة خالي يومه اتركي التعزيل ميصير بعدج عروس لتشيلين اي ثقل
هنا خالتي ولليوم هذا ماانسى نضرتها بوقتها بقت مصدومه من كلامي وكلام مرة خالي
مرة خالي يله يومه تتهنين حبينه بس نطمن صح مو حقنه هذا حق اهلج بس يله احنه هم مثل امج
وشتحتاجين كولي امانه اخاف تحتاجين طبيبه شي استفسار اني يمج لان اهلج كلهم راحوا
أفنان
ابتسمت ابتسامه خفيفه وكتلها شكرا ماعندي اي اذيه تسلمين
خالتي باقيه بس تسمع الكلام ومشاركة باي حديث حتى مبروك مكالت وكانما عدها شي معين جاي تتأكد منه فقط
أفنان ...دخل عماد وهم كاموا كالوله بالمبارك يومه وطلعوا واول مطلعوا
عماد... ها سالوج شي
أفنان... اي
هواي حاولوا يجرجروني بالحجي وكتلهم كل شي تمام
عماد ...أفنان جوعان يله خل نتعشه
أفنان
رحت طلعت الاكل الي محضري اهلي وكعدنه نتعشه اباوع العماد وجهه صار شلون قطعة القماش الحمره
عماد... بيك شي
اي جسمي يون وعظامي توجعني مااكدر حتى اتحرك
أفنان مو اخذت علاج ليش هيج
عماد
ما اعرف تركت الاكل من ايدي وكتلها ساعه وحده وكعديني أفنان لزعلين مني اريد انام شويه يمكن من التعب هيج صار بي
أفنان
ليش ازعل اخذ راحتك كمت من مكاني وساعدته وخليته على الجربايه وغطيته بعد أقل من الدقيقه باوعت اله رايح بسابع نومه
بكلبي صح نقهرت حيل بس راحته اهم ولازم ينام لان حيل تعب او بالاحرى كان اكو شي مخفي وهاي علاماته بدت تضهر علينه وللحكايه
جزء ٢ اذا حابين تعرفوها اتمنى تصويتكم وتعليقاتكم وتوقعاتكم الي راح يصير بهاي الليله و شنو كان المخفي احبكم كلكم
محدثتكم أفنان❤