Hollaaaaaaa
نكملووووو ديزولييييييييييييي على روطار هههه
طلعت تلقاهم يهزو في لماعن هي قالت سلام و هوما حبسو دنقو فيها وحد التدنيقة الخبيثة المبخثة المُتبوخِثة و المبخوث عليها بخبث متخبث (مرقتها اي كناو) المهم مريم راحت ديراكت للكوزينة - واحدة من الأسباب الرئيسية للعودة الى المنزل- لقات لحوايج مزالو فوق الطابلة هزت حبة تفاح تاكل و تنحي في خيمارها
مريم : اممنمنمنم وكتاه شريتوه
جوري : احم احم جابوه العائلة المستقبلية
مريم : وااات
أمال تخنزرت في جوري و قالت: جابتها طاطاك سميرة
مريم : ايه صح لاه جاو
جوري : جات باه ت...
قاطعتها امال : باه تحمد لباباك السلامة
مريم : هاااا مليح انا نروح نبدل و نصلي ونجي
امال : اوك
راحت مريم لبست اللباس الرسمي للبيت " بيجاما " صلاة صلاتها والى الكوزينة قم و الأكل وفيه تبجيلا لولا الاكل لما كنت حيا { الشعر ياااه} المهم في هاد لبيريود امال راحت هدرة مع محمد
امال : درك نقوللها نورمال ياك
محمد : هاو لاه يخي الهدرة عليها ولا
امال : وي صح درك نقوللها
محمد : اصبريها تاكل شوي لا توقفيهالها
امال : ااااه هاديك كون تقوللها درك تقوم القيامة تقوللك ناكل شوي و نرقد و ربي و رحمتو
محمد : ههههههههه لشتا
مريم : ماماااااااااااا
امال : درت غراتااان راهي في لفريجيدار حمي واش تاكلي
مريم : اوكاااااااااي
راحت مريم جبدت تحمي باه تاكل و جوري تغسل في لماعن و امال لحقت
مريم حطت تاكل : اهاه كاش جديد
جوري : ههههه غير هو
مريم : اووووو ازرعي ينبت ازربيي
جوري : ابلعي و مبعدا اهدري
امال : جورييي روحي جيبي السكر من الديبارا( مركز تجمع القضيان خخخ)
جوري : اوففف ديما تليكيديني
امال : طيري و بلعي و شوفي بنك وين راهو هامل
جوري : نظن راهو عند اسماء الفوق
امال : جيبي واش قلتلك
راحت جوري بالسيف اما مريم قعدت ترهج هزت راسها تلقا امال واقفة عند راسها
مريم : واش نبع الحنان خير لاه واقفتلي كي الجدارمي عند راسي
خبطتها امال لراسها و قالتلها : ماتحشميش تقولي لامك هكذا
مريم : ههههههه تشبيه برك
امال : نحوس نقولك حاجة
مريم دارت جاست تاع وقفتلها : اح اح اح مام من وكتاه ونتي تشاوريني باه تقوليلي حاجة
امال : نتي لي يجي يهدر معاك مسقم يندم
مريم : ههههههههه ايا قولي من الصباح و انا حاسة بلي كنتي تليكيدي في جوري بالذمة
امال : ايه بسك هي ماتحكمش فمها ، المهم درك نهدر معاك و ماتقاطعينيش حتى نكمل هدرتي اوك
مريم تهدر في قلبها( همممم شي واش راح تعتارفلي هممم كلاولي سهمي تاع ديسار ولا مدت الروبة النوار لي كانت تهددني بيها بسك جامي لبستها مي تعجبني ولا مانيش بنتهم اووو الاحتمال الأخير مستحيل بيكوز لي زاناليز يأكدو العكس همممم )
امال : ياهاااااااو وينك
مريم : ااااه واشي قولي
امال : عمبالك بلي درك راكي كبيرة ياك
مريم : ماكالاه تقوليلي تطيشي البوبون تاع سبونج بوب ولا تمديه لوسيم من اللخر
امال : اني بديت نشك بلي غلطولك في لاج
مريم : هاه اني قلت برك
امال : المشكل ماهوش هنا المشكل هنا
مريم : كاش عفسة حلوة ولا
امال : خلينا من الماكلة ايه ، عمبالك لاه جات سميرة
مريم : باه تحمد السلامة لبابا مثلا
امال : و كاينة حاجة اخرى
مريم : اي والله و انا وين علابالي
امال : ڤري بغل عبالك
مريم : شكرًا على الاطراء
امال : تحوس تخطب طفلة لبنها
مريم : خليها تحوس
امال : و تعرفيها
مريم : وانا وين نعرفها ، ايييي ماتقوليليش تحوس على أميرة - بنت جيرانهم - اي المخلوقة كون تسمع ( و تمتمت ) غدوة يروح يخطبها لبوي فراند تاعهاههههه
امال : سمعيني واش راكي تهدري
مريم : نن والو جيست مانظنش أميرة تقبل
امال : ياربي على الطفلة لي عندي نتي نظن كون يديرولك راديو على راسك يلقا داب مقيل ثم
مريم : شكرًا على الإطراء مرة ثانية
امال : تقلقي عبالك و تزيدي تقوليلي شكرًا نقتلك
مريم : اريgاتو ( زعما باليابانية ههه)
امال : اوففف خليني نهدر
مريم : تفضلي
امال : جات تخطبك نتي لبنها ليث
مريم : يااا جات تخطب ا.... وااااااااااااااااااااااااات شكوووووووووووووون
امال : ايه تخطبك نتي واش فيها
مريم : اصبريني نستوعب قبل
امال : المهم جاو قبيل و هدرة مع باباك اذا قابلة يجيو يديرو خطبة رسمية و تتفاهمو على شروطكم
مريم : لق.....
امال : قاللها يخليك تقراي نورمال و عمبالو طب
مريم : مي مزلت صغيرة
امال : منيتك راكي في لافاك ابنتي
مريم : نخمم و نشوف ، و درك كاش حاجة حلوة
امال : واو حسبتلي تروحي لشمبرتك و تأخذي قرار حياتك المصيري مي بسلامتك مزالت كرشك هي لي تهمك
مريم : ودي عايزة كلام ، يابنتي كرشي قبل كلشي الفائدة في الصحة شبييك
امال : عمبالي ، شوفي لفريجيدار كشما تلقاي
مريم : K
راحت جبدت كلات غسلت ماعنها و راحت لشمبرتها حطت تيليفونها يتشارجا و وجدت حوايجها تاع لقراية ريفيزات شوي قربو لي كومبو ، تولهت لتيليفونها شاعل لقات 5 ابال من عند ليث
مريم : يهيهيهيهيهيههيهي شكون عيط ارواح لهنا
أكيد ماعيطتلوش جيست قعدت تكونيكتي حتان عيط هزت عليه
ليث : وين راكي هادا
مريم : الووو
ليث : لاه ماهزيتيش
مريم : مممم ماكنتش قاعدة مثلا
ليث : واش كنتي ديري
مريم : حوايج مايهموكش
ليث : راح يهموني منا و جاي
مريم : و علاه ا بوي
ليث : لاه ا ما ماقالولكش تاع الدار
مريم : بف واش يقولولي مثلا
ليث : هايا ماتلعبيهاليش مونقولة عمبالك بلي ماما جات ليوم و هدرة مع باباك عليك
مريم : و ابري
ليث : راح تقتليني بالبرودة تاعك ، ها واش قلتي قابلة ياك
مريم : اوووو مداير كونفيونص كبيرة في روحك ، ممم وعلاه نقبل مثلا
ليث : و علاه ماتقبليش مثلاا
مريم : شوف انا نقوللك من اللخر هادي راك محيرني فيها و ماحبتش تدخل لراسي تاع نهار الاول حكمت نيميرو و مبعدا تعيط كل يوم و تهبلني شوي هكدا نلقا لبروف تاعي صاحبك و
مع الأخير تخطبني ، ايه و ماكالاه تقوللي ماجيتينيش كيما لبنات لي عقبو عليا ولا حب من اول نظرة بسك ما نأمنش بعاد الخرافة هو يعني انا اصلا ما نامنش بالحب هادا المهم معليش تعطيني جواب مقنع
ليث : خلصتي
مريم : اعععع أهدر
ليث : والله صح انا الاول ماعلاباليش لاه لاصق فيك جامي لصقت في طفلة العكس هوما لي باتيكس مي والله والو نتي لي توسوستي برك انا كي شفت روحي كثرت عليك و راني سمعت بالبروبلام تاع هاداك الطفل لي هدر معاك و مانيش حاب نديرلك دي بروبلام جيت من الباب الواسع و خطبتك من عند باباك و اذا عندك شروط قوليلي و ان شاء الله نتفاهمو و اذا عاد عندك كاش واحد في حياتك مالغري من معلوماتي ماكيش من جور تاع كل يوم بواحد نبعد نورمال مريم : واو حسبت غير انا لي نكثر الهدرة ظهرت نتا اكثر مني ، و واش ا سي محمد شنهي معلومات ما معلومات لا تكون FBI وانا لا خبر
ليث : هههههههههه لالا مي سقسيت عليك
مريم : نن انا ماعنديش و جامي كان عندي
ليث : همالا قوليلي شنهي السبة لي ماتخليكش تقبلي بيا ، مانظنش تقزيزستي عندك تاع " انا نتزوج بلي نحبو" مادامك قلتي ماتامنيش بالحب لي طبعا راح نعلمك كيفاه كون تقبلي بيا برك
مريم : نتا راك موسوسني مي ، هممم كاين عفايس بزاف
ليث : اولهم
مريم : نظن عمبالك بلي السنة وين طلعت للجامعة و ناوية نكمل ميدسين و يو ناو ذات ماهيش ساهلة و تطول
ليث : نورمال نخليك تقراي و تحبي حتى تكملي تقراي لهيه نورمال نحاول نبدل خدمتي و ندير لي عليا باه نروحو للندن نورمال ، زيدي
مريم : همممم نسيت امممم تكون معايا راجل و هادي هي العفسة لي محفزتني انو مانخممش في جد الزواج مرره بسك عقبو عليا عباد بزاااف مع الاول يعاملها كشغل راح تعيش مع برانساس و مبعدا غير الذل و الاهانة
ليث : انا راني قلتلك كون جات عيني في حاجة اخرى كون ماخطبتك
مريم : نشوفو
ليث : اهاه شروط اخرى
مريم : مانعرف واقيلا هادو هوما ، ايه و تاع اللبسة و الهدرة و الخرجة ماكالاه انا مانقوللكش نهدر مع نامبورت كوا ولا نهار كامل و انا برا و نلبس لي مايتلبسش نن بسك نعرف حدي و نمشي كيما رباني بابا مي الغيرة الزايدة لي دير لي بروبلام ماكالاه
ليث : ايييييي يسما من هدرتك قابلة
مريم : تشبا انا وين و نتا وين
ليث : انا راني في الصح هههه ، مانعرف لاه حاس مور السيريو هادا كاينة طفلة مهبولة لاعلاقة بالسيريو
مريم : ههههههه مانعرف نشوفو
ليث : وكتاه العرس
مريم : ا بن عمي لاه مزروب هكذ مزلت حتى ماتاكدتش من روحي و مانعرف بابا واش يقول وأمك نتا يايمااااا درك كيفاه نهز راسي في وجهها
ليث : لاه واش درتي حتى ماتهزيش راسك في وجهها
مريم : انا من بكري نحشم منها و يادلالي
ليث : ياعمريي تعجبيني تولي طماطم
مريم : استغفر الله ماهازا الكلام شوف انا خاطيتني الهدرة هادي يسما ماتطمعش من عندي بزاف فهمت
ليث : هههههه نورمال قابل بيك و انا نعلمك
مريم : تعلم ناناك وي واش تعلمني والله ايا ديجا بون نوي
ليث : صاي صاي ماقلت والو ماتكوبيش صاي
مريم : اه لالا ماشي على هدرتك شنهي عمبالي درك تزيد شوي تزدم عليا أختي اصلا من لي روحت و المخلوقة حاكمة روحها باه ماتهدرش كلش و اذا سمعتني نهدر هاديك هي تكمل عليا بالبيان
ليث : ههههههههه اوك بون نوي غدوة و نهدرو و ان شاء الله تقبلو
مريم : ان شاء الله صحا
كوباو
عند ليث هو كوبا و تبسم و يزدم عليه الجيش الانكشاري
امين : يا الخائن يا الرخيس ماظنيتكش هكذا تدور بيك الدنيا و تولي هكذ
تيم : ااااااه و انا نقول السيد واش صرالو ماحب يعرشلي على طوموبيلو لا والو واثرينتك نتا مشبك حبكة صحيحة
ليث : نقوللكم من درك الأفلام الهندواسبانية المحتلة مخيخك نتا وياه غير امحيوها اوك
هوما هكذاك يتهارشو و تزدم عليهم سميرة
سميرة : ..........
هاااااااي
كيفاه رااااكوم مع العو... شبه عطلة
ياخاوتشي انا راني هابلة مع الضياف ماريحت ماقريت ماندبت
المهم البارت هادا افكارو جاوني كي كنت مع لماعن خهههه ايا قولولي
رايكم
توقعاتكم
اند ثانكس على ريدين ماتنساوش تخلولي كومونت اوك وجوه الشر