قيود بين سلاسل الماضي
البارت 27
افنان
دخلت لغرفتي ابجي وارجف من الخوف ماعرف شنو المصير الينتظرني الصبح واني اعرف
بابا اذا عصب شيسوي يگلب البيت على راسي
بس هالمره غير ينحرني نحر بدون ميرفله جفن
وينك ياعماد
ليش تخليت عني بأصعب الضروف
ليش خيبت املي بيك مو انته الگلت مااخليج ليش من احتاجيتك
التفت مالگاك مو خابرتك وگتلك بابا راح يذبحني بسببك ليش ماجيت وبررت
الف ليش وليش اجت ابالي اتذكر وابجي
ضليت اليل كله بين الگاعده وبين النايمه
كلما انام افز اكول هسه يدخل للغرفه
ماعرف شلون نمت
كعدت الصبح صار بوجهي بابا
واني مو شفته احس روحي راحت
بس تفاجئت من ردت فعله
خزرني بعينه ودار وجهه وراح للدوام
كعدت على حيلي وبقيت ابجي ليش هيج يعاملني ببرود
لو لازمني ومگطعني تگطع ولا هالعذاب الي خلاني بيه
مثل القنبله المؤقته ماعرف شوكت تنفجر عليه
اجتني امي
...هاا شبيج تبجين
...بابا ماعرف ليش جاي يعاملني ببرود
...حيل وياج تستاهلين
حته تتعلمين بعد متاخذين شي من وره اهلج وتأمنين بأحد وهاي نور اذا شفتها هنا ببيتنه اكسر رجليها بعد
عافتني وراحت
نور
اتمشة وادعي الله كون ماافشل كدام ابن عمتي والكه أفنان وحدها وامها بالمسواك وصلت البابهم ودكيتها وطلعت بخطوات ثقيله حيل احسها تريد توكع من طولها
نور... صباح الخير
أفنان ....هلا نور صباح الورد
نور
رادت تدخل البيت سحبتها من ايدها ورى البرده مال البيت وكتلها بصوت ناصي امج هنا
أفنان... لا بالمسواك
نور... ماشي لعد طبي جيبي عباتج وتعاي وياي عندي شغله مهمه وياج
أفنان
سحبت ايدي من نور وكتلها رجاءا اتركي ايدي وطلعه وياج ما الي روحي نور اعرف من دازج الي
نور
لطمت على خدي وكتلها الولد راح يتخبل ويكول اذا مجتي وياج اله اروح الابوها للمستشفى واواجهه
أفنان ....نور وخروا عني ما الي حيل لاتهديد ولا قوه البيه مكفيني وروحي العماد كوليله بينت حقيقتك وهاي المرجيه منك وشكرا على موقفك الحلوووو
الي سويته من شفتني اريد اوكع الغدر من شيم كل الزلم والله وحده يعلم شكد متندمه لان وثقت بي واني الي استاهل احط ايدي بأيد واحد
بنت عمه سرى العايقه شراح يصير والي صار بركبته هو وسلميلي عليه كوليله كفيت ووفيت النار من اشتعلت بضلوعي طفيتها بيدينك وبروحك
نور
كملتي كلام ورب الكون لروح اكوله البنيه وحدها وتكول الي يريدني هو اليجي واخلي يجي لهنا وشيريد يصير يصير
أفنان.... نور شهالحجي تخبلتي اكيد
نور ....اي وروح عمي تخبلت اكولج الولد متخبل وانتي دزيلي هيج حجي مخبله صاحيه امشي جيبي عبايتج لاوروح عمي اسويها واروح اكوله
هي دقيقتين وارجعي
أفنان.... مااروح وشتردين تسوين سوي
نور
خليت وطلعت ورحت فعلا على عماد كتله هيج وهيج
كالت واني كتلها راح اخليه
يجي وبقى متحير كال مستحيل ااذيها واروح البيتهم ومستحيل ارجع ومشايفها نور روحي مره ثانيه
إلها كوليلها اطلعي جاي البيتكم حتى يشوفج وحتى لو يصير بيها
دم هم لازم اليوم اشوفها خليها بس تمد رأسها من الباب وبس تشوفني جاي بتجاه بيتهم هسه راح تجي وياج
نور
فعلا رحت وسويت مثل ماكلي عماد وكتلها مدي راسج من الباب وشوفي… ترى ما اكذب وروح الاعزاز
أفنان …خليت البرده على راسي ومديت قسم من راسي شفت عماد يمشي بااتجاه بيتنه
ولطمت على صدري وأشارت اله ارجع مرجع وبقى يمشي بااتجاه بيتنه
وكل خطوه يخطيها احس روحي تروح بيها وركضت على نور وج نور اروحلج فدوه امي على جيه اطلعي اخذي البيتكم واني جايه والله مااتاخر
نور …اكيد
أفنان… اي وروح بيبي جايه بس دقيقه وحده واطلع
نور… اوك اروح ارجعه ولو هو مصر يجي بس احاول
أفنان… روحي بساع امي على جيه
نور
طلعت واول مطلعت طكيتها بضحكه والله يا عماد سوالفك بالهدف جابت نتيجه
عماد… يعني راح تجي
نور …اي تكول بس دقيقه وحده
عماد… هي بس خل تجي والله كريم
نور …الله يسعدكم يارب والله تستاهل كل الخير ابن عمتي
عماد …اشكرج
احجي واني كاعد على نار اللحضه احسها ساعه والدقيقه نهار
أفنان …رحت غسلت وجهي ولبست عباتي وردت أطلع وصارت امي كبالي ها أفنان وين على خير
أفنان …تردين الصدك لو لا
امي… احجي ولج طبعا الصدك
أفنان… يمه هاي أوراق عماد ورفعت ايدي وراويتها إلها
امي… اي شبيها
أفنان… رايحه ارجعها النور الي جابتها الي
امي… وليش مدزين عليها هي تجي تاخذها
أفنان… اني متقصده اسوي هيج
امي… و شنو قصدج
أفنان
حتى هي هم ابلغها بعد ماالها اي جيه لهنا وتكطع عني ما اريد شي يذكرني بيهم الي صار البارحه واليوم وعاني على أمور هواي واهم شي وعيت عليه مااثق باي بشر مهما يكون
امي… أفنان ترحين واعدلج عد والله والله اذا تتاخرين عن جيتج الا اخلي ابوج يسوي بيج الي مسواه اليوم
أفنان ماشي ماما
امي… يله بسرعه وراح ابلش عد
ابتسمت على حجايتها ابتسامه صغيره هو بس الطريق يحتاجله للاالف يله اوصل هاي لساها تحسبنه الاطفال الي من تريد منه شي تكول اعدلكم للعشره انتوا يمي والله يامامه صدك سوالفها سوالف
فعلا مشيت وكانت هاي نيتي وي عماد وي نور انهي كل شي يخصني وياهم رحت واول مدكيت الباب انفتحت بسرعه محد ماكو
شلون لعد انفتحت دخلت ونسدت الباب ورأيه باوعت الورايه منو سد الباب شفته عماد واكف ورى الباب ومبتسم ابتسامه خفيفه حيل
بس عيونه كلها حجي
أفنان …هاي اجيت خير شعندك وداز من الصبح عليه
عماد… الناس تكول صباح الخير تكول الحمد لله على السلامه
أفنان
شكد كنت حاقده على عماد لان مااجه بليلتها بس من كال تكول الحمد لله على السلامه …
احس كلبي تخربطت دكاته وبلاوعي كتله خير شبيك شنو الصاير بيك حادث شي احجي
عماد …على كيفج عيني لاحادث ولا شي وبعدين شدعوه هيج كلبج رجف عليه هيج الهدرجه تحبيني
أفنان …متوهم عماد
عماد… وهاي الدكات مال الگلب الي راح يطلع من الصدر هم جذب
أفنان …استحيت ودنكت وكتله هسه شرايد
عماد …اسف عالبارحه ا
أفنان … درت وجهي وحجيت
لاتتاسف الي صار بينك على حقيقتك عادي ماكو شي
عماد… لزمتها من عبايتها هيج لزمه خفيفه ودرت وجها عليه كتلها من تحجين احجي
وانتي تباوعين عليه ليش ديرين وجهج عني
أفنان… رفعت راسي وكتله غير هالشي مطلوب أمر ثاني مني
عماد… أفنان شبيج
أفنان …مابيه شي بس فرحانه والدنيا مواسعتني من فرحتي
عماد …أفنان ابوج سوالج شي
أفنان
ياريت لو مسويلي شي كان اريح الي من سكوته هذا الي معذبني وذابحني أبويه جاي يحاسبني ويعاقبني بتجاهله وسكوته دايخليني ادمر نفسيا واتعذب ضميريا اكو اسوء من هيج عذاب
عماد… اليوم تنحل
أفنان… لا لهنا وكافي كافي اتعذب وانهان واني ساكته الخاطرك واول ماالتجات الك الكاك مموجود حتى تشيل وياي الحمل الي انت طرحته عليه
عماد …أفنان لضلميني
أفنان
ياضلم برأيك هذا لو الي مريت اني بي من البدايه لحد الان واني اتحمل مصايب مصيبه ورى مصيبه بسبب سرى وأهلها واول مااوكع ماالكاك يمي
حتاجيتك حيل وانت مفكرت حتى تتصل وتطمن على وحده تجيبها وترجعها بكيفك
عماد …حجاياتج كبار وانه مااتحملها
أفنان …مو كد النار الي بكلبي
عماد
أفنان انه جنت بزياره متحملت من سمعت كلامج كلت اروح يم علي امير المؤمنين هو الي يوكف النه بهاي المعضله
أفنان ...والمطلوب مني اصدك
عماد
براحتج هاج شوفي هاي صوغه وجبتها الج وياي
أفنان… اباوع صدك هاي صوغه والعلاكه مختومه باسم النجف صدك رايح
عماد
أفنان لتخافين الله ويانه واني امنتج باامان الله وطلبت من ربي المساعده بحضرة علي ع
أفنان… عماد سمعتك وانت هم اسمعني
عماد… اسمعج
أفنان
هاي اوراقك وهاي المداليا الي كانت بيدك بيوم العرس اخذهن واني محللتك واهبتك عوفني بحالي اترجاك عوفني بروح احبابك وبروح الامام علي
الي كنت يمه
عماد …سمعت حجيها لو تخبلت وكتلها روحي الي تردي يجرالج واباوع والأوراق
والمداليه ودموعي تصب اول مره ابجي بسبب بنيه واول تخوني دموعي وتنزل كدام بنيه شعور شمااحجي عنه مااوفي حقه لان الرجال من تنزل دموعه معناه همه فاق تحمله
أفنان
خليت الاوراق والمداليه بيده وطلعت ودموعي بدت تتناثر وي طلعتي وتنزل عشره عشره
حبيتك وحبيت من كل كلبي واول مره أدخل بهيج تجربه وكانت حيل قاسيه وقسوتها هاي هي الي كانت تقربنه من بعض أكثر اه اه ياعذاب الروح
منين ماالتفت الكه نار تجويني نار اختي نار امي ونار أبويه الي كل الي سواه دار وجهه عني الصبح وحتى كلمه وحده مكال ولاحجه لو نار حبي الي اول مره احس بهيج احساس عماد حبك
مو وكته هيج اكول وأمسح بدموعي وصار بوجهي حسام الي احسه تخبل من شافني امشي وأمسح بدموعي باوعت
اله ورفعت راسي لله وكتله ربي ساعدني اخاف اني هسه كوه عايشه بين هالنيران
انوب هاي النار الي صار كم مره يصير بيها كبالي ليش و شنو المسويته حتى يارب تعاقبني هيج لو نار وجت وبنص كلبي سرعت خطواتي وهو يباوع وي كل مشيتي لحد مدخلت البيتنه
واول مشافتني امي صاحت أفنان سويتي الي كلتي عليه
…كتلها اي طمني رجعت كل شي وحتى نور بعد متجي
امي… يمه فنونه والله احسن للكل
أفنان… اي صح احسن للكل بس مو الي
امي… ولج حتى الج
أفنان …لا مو الي الج و الاختي وللكل الا اني وكمت اشهك وابجي حيل
عماد
جنت بكربلاء بالزياره وخابرتني افنان
انو ابوها شايف الرسائل بس سمعت هيج لو نار وجت وبنص كلبي وركض للكراج
مال السيارات طلعت مثل الهايم وما اعرف شسوي ولا اعرف شصرف أذكر كلت الافنان
جايكم بس لا رجلي أخذتني المكان الي احس بي بالامان والاطمئنان أكثر اخذت سياره وكتله أطلع قبل لاتقبط حتى
عماد …حجي أطلع
السايق… عمي وين أطلع نفرات بعد هواي وتقبط
عماد… أطلع حجي اني أدفعها الك
السايق... بوي استهدي بالرحمن هي كم دقيقه وتقبط ونطلع على شنو مستعجل متكولي
عماد
نزلت من السياره ورحت الغيرها وكتله تطلع
الولد... كال تقبط واطلع
عماد... أطلع اني ادفع كل الحساب
السايق ...ماشي يله طالعين
طلعت وبوجهي كبل العلي رحت امشي وبحركة گلب دخلت زرت ودعيت ومن كلبي كتله يا علي أفنان وحياتها أمانة عند الله
سيدي بجاهك عند ربي ارفع ايدك الربي وادعيلي ميصير شي وافنان ماتتاذه خلص گلبي يا سيدي وتعب من مصيبه المصيبه
رحت صليت وبعدها هم رجعت دعيت وكتله عشت عمر محد كدر يمتلك روحي مثل ما ملكت هالبنيه روحي وماحسيت بشي اتجاها بالحرام سيدي واني اريد قربها بالحلال ما اريد الدنيا والوكت والناس تجبرني اسوي الي بيوم ماسويته خنكتني العبره وبجيت شويه احس روحي ارتاحت
وكلبي هدء واستقر حسيت باامان واطمئنان عجيب صار الصبح طلعت أتمشى بكل هدوء شفت لعابه كلش عجبتني نازله بالأسواق جديد طفله وشايله كتاب وتقره انكليزي الحروف تعددها اشتريتها كلت هسه أفنان تفرح حيل بيها صح هي مو العمرها بس حسيتها مثل روحها بريءه
واني أتمشى أخذتني رجلي المحل يبيع ساعات كلش حلوه بقيت صافن واباوع اي وحده اختار واي وحده تناسب حبيبتي بقيت لحضات صافن دقايق وكتله اريد هاي
ابو المحل ...صار تدلل
طلعها من الجامه وكال هاك شوفها عن قرب وتأكد اذا هي الي تريدها او لا
عماد
شلتها بيدي كانت ساعه ذهبيه ونازكه حيل وناعمه كتله اي هاهي رايده
ابو المحل صار بس شلون تريد ألفها الك عادي لو تغليف هديه
عماد لا غلفها تغليف هدايا
ابو المحل صار دلل ها يعمي وين صفنت اكيد ماخذه الخطيبتك
عماد
ابتسمت وكتله اي والله طلبتها من علي امير المؤمنين وان شاء الله تصير من نصيبي
ابو المحل ان شاء الله دام الله موجود كل شي يهون عمي
عماد بحيل الله
وطلعت من النجف ورجعت للكراج حتى ارجع البيتنه واني بسياره ذكرت كلامي الافنان
هسه شكالت عني وشفكرت بي يمكن هسه كرهتني ويمكن هسه حست بالخيانة
لالا أفنان اكبر من هالشي مراح تفكر هيج الطريق كله حسبه تروح وحسبه تجي وروح الزهراء اليوم اله اخلي سرى بنفسها تروح تخطبها الي
وهاي اكبر واشد عقاب ممكن اعاقبه إلها عذاب الروح اذا مخليتها تتمنى الموت ومتلكاه اني مو عماد
وصلت ونزلت ورحت البيت اهلي ودخلت غرفتي حتى ارتاح من الطريق شوي دقايق
وفزيت أفنان لازم اتواصل وياها لازم اعرف شصار بيها بعد الاتصال ورحت بكل سرعتي المكان عملي وبديت اتصل ومحد ميرد اتصل ومحد يرد أكثر من مره بده كلبي ينغزني
وبده عقلي تجي بي الف سالفه ردت اطك وردت بس خبر او حتى كلمه اسمعها عنها دخيلك ربي هربت من نفسي الك لاتفشلني
واجيت الباب من ابوابك ونخيته وطلبت سلامة البنيه منك يارب امنتها وانت خير المستودعين لاتفشلني سيدي احلفك بااعز خلقك الك
محمد وآل محمد لا تخيب رجاءي يارب وطلعت بوجهي البيت خالي على نور دكيت الباب اعرف الصبحيه اهلها اغلبهم يرحون للبستان
عدهم حصاد وتعبات وهي دايما تبقى لان مخطوبه وخطيبها ميقبل تروح للبستان فتبقى تشتغل وتنضف لحد مايرجعون اهلها
عماد
دخلت البيت خالي وكتلها النور هسه بسرعه تلبسين عباتج وترحين الافنان تشوفين شكو ماكو حجيت شي مختصر إلها
نور ...عماد استهدي بالرحمن ترى الوضع ميتحمل اي خطاء البنيه تروح بيها والله
عماد... اخ وج نور لعد هو شجابني اريد اعرف شنو الي صار بعد آخر مكالمه نور نقذيني
ترى روحي مفرفحه تفرفح اريد بس خبر واحد او حتى اي كلمه عنها
نور ...ميخالف أكعد واني اروح اشوف الوضع واوعدك حتى شوف اخليك تشوفها بس انت ادعي امها مهنا وطالعه حتى اكدر عليها
عماد
روحي بسرعه لاتتاخرين ابد
نور
...ماشي اصبر الصبر حلووو ونهايته حلوه
عماد
... شمصبرني عالمر غير الحلوو اوف يله استعجلي ترى هواي بطيءه هي عبايه احطها على راسي وافض السالفه
نور ....هههههه شبيك بصلتك محروكه درينه الحب هيج بس مو الهالدرجه
عماد.... بروح الاعزاز فضيها عاد
نور.... ماشي هاي رايحه يبووو على الي يحب احوووو احوووو
وكمت اضحك وافر بيدي
شويه واجتني افنان بس ماقبلت مني اي حجي
ورادت اعوفها ونفترق
رغم اعرفها تحبني عيونها نضراتها وخوفها يبين هالشي
بس هيه رادت هالشي
ضليت ابجي ماسيطرت على نفسي كتلها الي تريدي يصير عفتها وطلعت
افنان
كاعده الضهر وحتى غده مقبلت اتغده اجه عمي وكعد يتغده هو وابويه كالعاد
كالعاده اسمع عياط اخواني وخواتي ولاهتميت حتى مكلفت نفسي اكوم اساعد بالغده بعدني بغرفتي كعدت وخليت كل الكتب والأوراق
كدامي وكمت ارسم بلا وعي ساعه ارسم ساعه اشخبط صح اغلب الكلام يجي المسامعي بس ماركزت على اي كلمه من الكلام الي يكولوه ابد
بس اسمع واحد يرفع واحد يكبس ساعه يضحكون هناك ودخلت مرة عمي الغرفتي وكالت كومي وياي اعتذري من ابوج وبوسي رأسه تفاجأت من حجيها
أفنان... ليش اعتذر
مرة عمي.... تعرفين ليش يله يومه كومي الف لو كان يبقى هو الاب وانتي المحگوگه اله
أفنان.... ما اخاف اخاف ميتقبلني
مرة عمي... ولج كومي معليج عمج كاعد يمه وهو الكلي روحي جيبيها الابوها شلون يعني تكسرين كلام عمج
كمت حيل وكتلها حشا بس اني خايفه قاطعتني كولي يالله ترى امرج صار بيد ابوج وعمج وشيفصلون انتي لازم تلبسين
أفنان.... صار هاهي أمركم
دخلت للصاله على أبويه وعمي كاعد بصفه وكانوا يتحاجون عن واحد أسمعه يكوله العمي ردت واحد من الناس ينطيني زله وحده عليه حتى احاججه بيها ماكو
ابو مازن مو كتلك ذهب صافي
انت الربحان بكل الحالات خويه
كطعوا حجيهم بس شافوني دخلت رحت بست رأس أبويه وكتله اسفه
وردت أطلع صاح عمي اكعدي عدنه حجايه وياج
أفنان كلبي يدك احسه راح ينفجر ماعندي اي جراءه ولا حتى اي قوه تخليني ارد بحرف عليهم كعدت مدنكه وسمعت حجيه
اني بعمركم هم مريت بهيج قضيه وشفت الي محد شافه المراهقه مثل الموت حتميه على كل إنسان وانتي بالأخص مكنت اخاف عليج
ابد لان كنت اعتبرج بالف رجال وكنت دايما افتخر بيج انتي بالذات حتى كدام اصدقاءي المقربين اكول ممخلف بنيه لا مخلف ولد
بعشر زلم وهواي فضلتج على خواتج هسه تكولين شوكت وشلون مراح اكولج بس كم وحده كلهم رضيت يبطلون من المدرسه والوحيده الي
ردت اخسر اخوتي وي أخويه على مودها هو انتي الوحيده الي من تركت دراستها بقيت افكر شلون اعوضج وعندج علم كم مره
اروح بنفسي واشتري كتب وأوراق وأقلام خاصه بالرسم حتى اعوضج لي كنتي تحلمين بي الوحيده الي اكول اكلج طيب واريدج انتي
التطبخين ولذلك ومااقبل احد يوكف غيرج عالخبز والطبخ الوحيده الي رغم اكبر من خواتج بس لوردتي تطلعين ماامانع ابد ولو مرضتي
اشيلج مثل الطفل واركض بيج رغم اعرف أعالج حالتج بس وياج مااكدر فالتجء الغير دكتور وبعد كل هالكلام اريد اكولج صح الاوراق الي قريتها مو منج من الولد وصح الولد نيته شريفه
ومو قصده يلعب بس عدنه البنيه عيب تحب ولان اني قبل لعبوا بي النسوان وحرموني وقشمروا الي حبيتها وزوجوها غيري بس اكولج شغله وحده مراح اوكف بوجهكم واذا الولد شاريج وانتي تكلين اي عليه فماعندي اي مشكله
أفنان
هاي اني وين ياربي اخاف اني بحلم فززني صوت عمي عندج مجال منا الحد مالناس تجي موافقه بيها الخير مموافقه كولي حتى نعرف شنصرف
أفنان اباوع على امي تكولي وتاشر بيديها بمعنى كولي لا
أفنان
رجعت بتفكيري شنو الصار شلون أبويه وعمي قبلوا وليش هسه بالذات هاي لان نهيت كل شي وي عماد هسه صرتوا تهتمون المشكلتي وينكم قبل مانتفارك
مرة عمي حجت وندارت الامي ليش ليش تاشرين للبنيه بمعنى لا ترى احنه نعرف كلش
زين شجاي نسوي
امي ...صح اعرف بس نسيتوا ميس بيت اختي ونسيتوا بنتهم تحب ابن عمها يعني حتصير ميس بالرجلين
عمي
بصوت حاد و شنو احنه مو زلم وبعينج ومنعرف نصرف لو صارت محد يوكف وياكم الا احنه ترى احنه موجودين وحماكم بعد الله
امي... دنكت اسفه داد مو قصدي بس والله ليدمرون حياة ميس كول ماكالت
عمي... الله كريم نحلها وحده وحده كومي عمو روحي وفكري عدل ورجعي خبر بيد مرة عمج ولتخلين احد يسيطر عليج الترديه هو اليصير
دام الله راضي بي
أفنان
اريد أصرخ اريد اكولهم يا ناس يا عالم الحجي بعد ميفيد اني وعماد تركنا بعض بس خوفي وحياءي يمنعني من النطق كمت بكل هدوء ورحت لفيت راسي جوه مخدتي وادهك وابجي
على حضي كمت من نومتي اتمنى يكون الدااعيشه حلم واصحه منه احجي وي ربي وابجي ربي ساعدني انت اقرب الي من حبل الوريد
ربي استحي اطلب منك بس اني بحاجة احد يأخذني من ايدي ويكولي هذا الطريق الصح خلص امشي بي هذا اامن شي الج كعدت الحيلي فتحت كنتوري اخربط بالغراض وارد اصفط بيها
لحد مصارت ساعه ٤ العصر
اتذكرت حجايت بابا لمن گال اني النسوان حرموني من البنيه الأريدها وشمروها وزوجوها
زين شلون صار هيج والگالته الي امي شنو
اهووو اني شعليه
انتبهت على صوت الباب تندك صحت ماما الباب تندك اطلعوا افتحوها
بعد لحضات واسمع صوت امي دخلت صاحت أفنان كومي عدلي روحج واطلعي سلمي وبوجهج للمطبخ سوي الضيافه
أفنان ما اطلع الاي احد ولا اريد اشوف بشر
امي حتى اهل عماد كالتها وتضحك
أفنان مدنكه بالكاع من سمعت امي كالت هيج رفعت راسي وكتلها شجابهم
امي جايين على مود مشيتج
أفنان مااصدك
امي بكيفج اروح اكولهم متقبل تطلع مريضه
أفنان ها لالا هياني طالعه لحضه
كمت الملم بشعري وعدلت روحي بس رغم التعديل مبين عليه شبعانه بجي
طلعت سلمت عليهم ودخلت الهم وكانت الصدمه الأقوى من شفت سرى بينهم كاعده وتحجي وي اخت عماد من الصدمه ردت اوكع من طولي بس تحملت حتى لا احد ينتبه الي وصلت بالسلام إلها جريت نفسي وطلعت حتى سلام مسلمت عليها وهي احسها تخبلت طلعت من الصاله بتجاه المطبخ حتى اسوي الضيافه سمعت التليفون يرن صاحت عمته أفنان ردي هذا عماد كال اول ما توصلون اتصل خلي هي ترد عليه
امي لا داده شلون يصير
عمة عماد يصير هسه هم الكل يعرف بحبهم والبنيه حاليا صارت بحكم خطيبته ماكو بعد اي مانع يمنع ترد عليه
أفنان باوعت بوجه امي كالت ردي عادي
رديت واول مصحت الووووو
كال بسم الله الرحمن الرحيم
يازكريا انا نبشرك بغلام اسمه يحيى
هاي الايه يسموها اية البشرى
وحبيت ابدي وياج بشارة حبنه واستفتحها بالقران
أفنان ساكته مكدرت كل شي ارد بس دموعي تصب ورغم كل الحواليا بس فرحانه فرحانه حيل
عماد ساكته او بالاحرى ليش تبجين
أفنان فرحانه وبنفس الوقت مستغربه شنو الصار وهيج تغير الوضع
عماد مو كتلج الصبح رحت وطلبتج من علي ع مصدكتي شوفي هاي وكفات ابو الحسن
أفنان والنعم منهم
عماد بعد سويتلج مفاجأه ٢ دزيتلج السعلوه الحد عندج وهسه انتي حره بتصرفج طرديها تخليها براحتج تلزميها ودك بالنعال هم براحتج ويضحك واني اضحك وياه كتله مو قليلة ادب اني راح اتعامل
وياها بالي متربيه عليه واخليها هي وربها اعرف واحكم بيها وبينه وسديت الخط ورحت للمطبخ اكمل الضيافه الي بدت بيها مرة عمي
وللحكايه بقيه انتظروني احبابي بالله نشوف هالمره سرى راح تستسلم لو راح الخطيءه تجرها هي وأهلها لذنوب اكبر وأعظم أحيانا يوصل بينه التمادي بااذية الغير والتفنن بعذابهم انو نعذب وناذي ارواحنه ومنحس الا والعتو والطغيان والظلم والمفسده غركتنه الهامة روسنه وماكو للطرف المقابل سوى الدعوه واللجوء إلى الله والختام سلام
احبكم❤