الجن العاشق

١٣

فجاءة سارة خنقت الشيخ و المساعد بتاعو واصل في القراية و حبة حبة قوة سارة ضعفت و فكت رقبة الشيخ  و نامت

محجوب : انت كويس يا شيخنا 😰
الشيخ : الحمد لله كويس
محجوب : الحصل شنو ، مالها بتي بتعمل كدة !؟
الشيخ : دي ما بتك ،، دا الجن هو البعمل كدة
محجوب : لا حول و لا قوة الا بالله ،، حيحصل شنو هسي 😰
الشيخ : ما تخاف مع الجلسات حتتحسن اكتر و حيطلع منها باذن الله

منال جات لسارة و طمنتها انو ما تخاف و اي حاجة بتتصلح ان شاء الله ووعدتها تزورها طوالي

منال اخدت درس و اتعظت من الحصل لصحبتها و بقت تتحصن طوالي و تقرب لربنا اكتر

تاني يوم محجوب جاب سارة المركز بتاع الرقية الشرعية و الشيخ قرا على سارة و سارة كوركت شديد لان  خالد كان بضرب فيها 👹

سارة : لا ما تضربني يا خالد
خالد :: انتي لي بس و انا ما بخليك لغيري حتى لو بالضرب ، انتي ملكي 👹
سارة : لاااااا ما تضربني لااااا 😭

و الشيخ واصل في القراية و كل مرة الضرب بزيد على سارة و شغالة  تكورك اكتر و خالد هدد انو حيشوه سارة و حيطلع بي عينها 👹

اخوان سارة و اخواتها كانو معاها طوالي و بدعو ليها كتييير

استمر الشيخ يقرا على سارة لاسابيع  و الجني كل مرة بضعف و شوية شوية بقت سارة تتذكر القران الكريم  لحدي ما اختفى خالد و ساب جسم سارة و  بقى ما بظهر ليها ، لكن للاسف انتقام خالد كان كبير و طلع من سارة عن طريق عينها الشمال و فقدت عينها و بقت تشوف باليمين فقط 😔😔😔

ماريا اتاثرت جدا و الاسرة و صحبتها بفقد عين سارة 😔 لكن كمان فرحو انو بتهم طلعت من الكابوس الهي فيهو و فرحتهم كانت اكبر من حزنهم لفقدان عينها لان اي حاجة تحصل ليها كانت ارحم من العذاب الهي فيهو 😥

سارة كانت وردة ، بعد الحادثة دي بقت كئيبة و خايفة و الحادثة دي اثرت فيها و ما قادرة تنساها و كل ما تشوف عينها المافي بتبكي 😭 و تتذكر غرورها الزمان بجمالها و عرفت انو الجمال زائل  و ندمت انو ما كانت انسانة صالحة و بقت تخاف من اي حاجة و حبة حبة بقراءة القران و التحصين و الرقية الشرعية بقت تتحسن يوم عن يوم و الخوف بعد عنها و رجع طبيعية

و عاصم حكا لي جمال الحصل لسارة

جمال : 😳 لا حول و لا قوة الا بالله ،  يادوب فهمت انو شفتها قبيحة لشنو ،  بسبب الجن العاشق يعني
 
عاصم : اي دا السبب ، هسي الحمد لله سابها و اتحسنت لكن للاسف عينها الشمال اتقلعت 😔

جمال : لا حول و لا قوة الا بالله ، هي هسي كيف ؟

عاصم : والله اتغيرت جدا و بقت انسانة ملتزمة ، حتى كمان بتدي دروس في الجامع للحريم

جمال : ما شاء الله عليها ،،  انا ما حاخليها و حاتزوجها و هي اكيد بتكون فهمت موقفي المرة الفاتت

عاصم : انت جادي يا جمال 😧 ، لكن انت بتهتم بالشكل اكتر ، الغير موقفك شنو !؟

جمال :  اتاكدت انو دوام الحال من المحال و انو الجمال زائل ،، بالجد الحصل لسارة دا اثر فيني جدا و عايز اساعدها و اطلعها من الهي فيهو ، انا بقيت ما عايز غير زوجة صالحة و هي بكلامك دا نعم الزوجة الصالحة و ان شاء الله اقدر اسعدها و انسيها القصة دي 😊

عاصم : شهم والله و ابن اصول 😊 ، قليل البفكر زيك

جمال : نهاية الشهر ان شاء الله نمشي نتقدم ليها

عاصم : معاك طوالي

بعد سارة اتحسنت شوية ، جمال جاءها راجع و طلب يدها من جديد  و سارة  اتاثرت جدا لانو كانت قايلة مافي زول حيتقدم ليها تاني بسبب عينها 😔😔 و كانت طلعت فكرة الزواج من راسها و قالت ليهو   : انت متاكد من قرارك دا 😧
جمال : ايوا انا عايزك و ما عايز غيرك 😊
سارة بكت 😭و قالت :  شايف عيني !!
جمال : اي شايفها و شايفك ام اولادي ان شاء الله 😍
سارة : انا موافقة  😭
جمال : طيب لييه بتبكي
سارة : من الفرحة ، انا اسفة كتير لاني اتعاملت معاك كعب
جمال : نحن اولاد اليوم ، انسي الفات كلو و خلينا نبدا صفحة جديدة 😊
سارة : حاضر و نزلت منها دمعة فرحة 😍

سارة اتغيرت جدا بقت مواظبة على صلواتها و على الاذكار و التحصين صباح و مساء 😍 و اتزوجت جمال و كانت ليهو نعم الزوجة الصالحة و هو كمان بقى ليها نعم الزوج و عاشو في سعادة و حياة ملئية بطاعة الله و ربنا رزقهم بالذرية الصالحة 😍😍

في قصتنا دي

الجن موجود  و عادي جدا ممكن يتلبس في الانسان اذا عجبو و هو بجي للناس الغالبا بتعاين  في المرايا كتير و بتكون شبه عاريه و خاصة بالليل  و للناس البتدخل دورات المياة بدون تعوذ و للناس البعيدة عن ربنا سواء بترك الصلاة و عدم التحصين

و الجن العاشق بجي للنساء و للرجال ايضا و من اعراضه انو امور الزواج ما بتم اما الزواج يفركش بدون سبب او  الممسوس بشوف الطرف التاني مشوه او في صورة كلب او غيرو   او العكس انو الطرف التاني يشوف الممسوس قبيح جدا و حتى كمان ممكن يعشق زول متزوج و بحاول ينفرو من زوجتو او زوجها و يكرهو بدون اسباب للطرف الاخر  و كمان كثرة الاحتلام عند  الرجل و المراة لكنه لا يستطيع فض غشاءة البكار

ة للمراةالعذراء إذا رأته الفتاة وحدها، بحيث لا يراه المحيطين بها، فلا يمكن للجن فض بكارتها، لأنه لم يخرج بعد عن ناموس الجن إلى عالم الإنس، فرؤيتها له هي مجرد خيالات حقيقية و ليست وهما ، وإن أمكن تلذذ الفتاة بمعاشرته، أو الرجل بمعاشرتها إن كانت جنية، والشعور بجميع مراحل المعاشرة، بحيث تقذف المرأة منيها، أو يقذف الرجل منيه، فهذا كله لا يربو عن كونه حلم من الشيطان وتخيل، ولا يفضي إلى فض بكارة الفتاة.
اما اذا ظهر للعيان في الحالة دي بتكون عندو صفات الانس  و ممكن يفض للبنت غشاءة البكارة لكنه بكون ضعيف جدا لذلك هو ما بظهر للعيان لانو قوته بتضعف وعشان كدة هو ما بخاطر بالتصرف دا و اذا ظهر للعيان لازم يتاكد اولا انو الزول العايزو مستحيل يتصلح حالو او يتوب

للتحصين منو يجب علينا استعمال السنة في حياتنا اليومية و قراءة سورة البقرة دائما او سماعها و قبل النوم قراءة اية الكرسي لان البقراها قبل النوم لا يمسه شيطان حتى يصبح و التحصين صباح ومساء لان التحصين درع واقي للمسلم من كل شر سواء كان جن او سحر او عين و البقول بسم الله الذي لا يضر مع اسمه شئ في الارض و لا في السماء و هو السميع العليم تلاتة مرات صباح و مساء لم يضره شئ و كمان ما تنسو التعوذ اثناء دخول الحمامات

كمان بنبه انو في فرق بين شيخ الرقية الشرعية و الدجال و لازم تكونو  واعيين و تعرفو تفرقو بينهم و ما تجرو ورا الدجالين لان الرسول صلى الله عليه قال في حديث انو من اتى كاهنا او عرافا فصدقه بما يقول فانه كفر بما انزل على محمد 

و البجي للكاهن او العراف و لم يصدقه لا تقبل صلاته اربعين يوما و الدجل يشمل ذلك كله

و ربنا يحفظنا جميعا و بتمنى تكون استفدو من القصة و اخدتو العظة منها

و بشكركم جدا للمتابعة

اختكم

تهاني محي الدين
❤❤❤❤