سارة عاينت للدم و عاينت لخالد البضحك 👹و قررت انو تمسح الدم عشان خالد يزيح منها 😔
ماريا كانت عايزة تمسح ليها الدم لكن الدجال وقفها
الدجال : لازم امسحو ليها انا بنفسي 😈
ماريا : لكن يا شيخنا 😔
الدجال : انتي شكلك ما عايزة بتك تتعالج ، قومي سوقي بتك و امشي
ماريا : خلاص خلاص سكتا ، اتفضل 😔
الدجال مسح لسارة الدم و اتحسس جسمها بشهوة و الدجال قرا ليها كلام ما مفهوم
سارة في عالم تاني و ما حاسة بالدنيا و لا البعملو فيها الدجال 😔 و بعد خلص قال ليها تقعد لمدة نص ساعة و هي متمسحة بالدم و بعداك تغسلو و بعد تغسلو تجيهو عشان يديها حجاب و الجلسة الجاية بعد يومين لكن تجييب معاها مليون جنيه
ماريا : مليون جنيه تاني
الدجال : انا قلت ليك ما تجادليني
ماريا فكرت : الا امشي ابيع الغوشيات حقاتي
الدجال : بتك دي معمول ليها عمل بنجاسة ، انا لازم ارقد معاها عشان تبقى كويسة و الجن يخليها
ماريا : 😳 دا كلام شنو يا شيخنا ، كيف ترقد معاها ،، بتي دي ما متزوجة و نحن ما حنرضى بي كدة 😡
الدجال : امشي فكري في الموضوع دا كويس لحدي الجلسة الجاية ، و شوفي الاهم شنو !!! ، علاج بتك و لا شرفها 😈
ماريا قلبها مقبوض و حاسة انو الدنيا لافة بيها ،بعد نص ساعة غسلو لي سارة الدم
و جو للدجال و اثناء هم قاعدين معاهو أذن تطبيق اذان الضهر في تلفون ماريا و الدجال اتخلع 😰و اتكبكب و الحاجات الجوا الغرفة بدت تتطاير و ماريا و سارة و سعاد خافو جدا و طوالي طلعو و ركبو اول امجاد لاقتهم
ماريا : 😡 دا شنو يا سعاد ، الراجل دا ما شيخ لانو خاف من الاذان و الحاجات الطارت دي شنو 😧
سعاد : والله انا ذاتي خفت
ماريا : لا حول و لا قوة الا بالله ، يا رب اغفر لي و ما تحاسب بتي بغلطتي دي و اشفي بنتي ، دا شكلو دجال بتعامل مع الجن ، كمان يا دوب لاحظت انو ما قرا قران نهائي على بتي ، استغفر الله العظيم و كمان طلب ينوم مع بتي ، يارب سامحني 😭
سعاد : انا اسفة يا ماريا لاني ما كنت قايلاهو كدة 😔
ماريا : ما حنجي ليهو تاني ، بعدين بكلم محجوب انو يشوف لينا شيخ رقية شرعية
سعاد : اي كلميهو
وصلو البيت و سارة بقت كئيبة جدا و جمالها بقى ينطفي و يزبل و لسه شايفة خالد بضحك 👹
ماريا رقدتها و مشت تعمل ليها اكل
خالد جاء لسارة
خالد : بصوت مخييف : انا ما بخلييك انتي لي و لو ما بقيتي لي بقتلك و ما حاطلع منك ابدا 👹
سارة : زح مني قلت ليك و بقت تصرخ
ماريا جات مخلوعة و بقت تهدي في سارة و قرت ليها و سارة اتضايقت اكتر
ماريا ساقتها المطبخ معاها و عملت ليها الاكل 🍛
ماريا : تعالي اكلي يا سارة
سارة : ما قادرة والله ، ما عندي نفس 😔
ماريا : حتبقي كويسة كيف لو ما اكلتي 😔
سارة : ما قادرة
ماريا : حاولي عشان خاطري
سارة حاولت تاكل لكن استفرغت كل الاكل 😢
ماريا بكت لحالة بنتها و قالت لي سارة : طيب حاولي نومي 😭
ماريا رقدها في السرير و غطتها و سارة نامت و ماريا رجعت المطبخ و هي بتبكي
سارة و هي نائمة ظهر ليها خالد في الحلم لكن المرة دي كأنو عايز يغتصبها و طوالي صحت قبل يغتصبها و بقت تكورك ،، بقت ما قادرة تغمض عيونها و خايفة 😰 و ماريا جات جارية
سارة : ما تخليني يا امي انا خائفة😭
ماريا : انا جنبك يا سارة ما بخليك
سارة حضنت ماريا قوووي
محجوب وصل البيت و جاءهم في الغرفة
محجوب : هسي بقت كيف و الحصل شنو ؟
ماريا ورتو الحصل كلو
محجوب : 😡 انتي مرة ما نصيحة ، كيف تمشي لدجال ، استغفر الله العظيم
ماريا : والله ما كنت عارفاهو دجال
محجوب : لا حول و لا قوة الا بالله ، لبسي البنت نوديها لشيخ رقية شرعية
ماريا لبست سارة عباية و محجوب ساقها لمركز تداوي بالقران
و دخلوها للمركز و هنا بظهر الفرق بين مكان الدجال و مكان الشيخ الحقيقي لان المركز كان نضيف جدا و ريحة المسك منتشرة فيهو لكن سارة كانت بتنقبض اكتر و تتضايق اكتر
محجوب و الدموع في عينو : يا شيخنا بنتي حالتها متاخرة جدا ،، ارجووك حاول ساعدها 😭
الشيخ : ان شاء الله ، كلو بتعالج بفضل الله ،، تعالو معاي جوا انتو الاتنين و معاكم بنتكم و لما ابدا في الرقية انتي حاولي استري جسمها و ما تخليها مكشوفة
ماريا عرفت الفرق بين الدجال و الشيخ التقي و استغفرت على العملتو و الدموع في عيونها 😭
و قعدت سارة و الشيخ جاء معاهو المساعد تبعو و بدا الشيخ يقرا لسارة الرقية الشرعية و الايات
سارة بقت تتكلم لكن بصووت مخيييف و هو صوت الجني خالد
سارة : انا ما بطلع ، اسكت قلت ليك ، دي ملكي و ما بخليها 👹
الشيخ واصل في القراية
سارة : لو ما سكت ممكن اشوهها و اطلع بي عينها او اقتلها 👹
الشيخ : لعنك الله و واصل في القراية بصوووت عالي
فجاءة سارة خنقت الشيخ 😰 .....
