خالد اتغير فجاءة و عيونو حمرت و وقف العربية 😰
سارة : 😧 مالك في شنو !!
خالد : مافي حاجة بس حسيت بي صداع حبة
سارة : سلامتك
خالد : تسلمي كتييير
خالد دور العربية و اتونس مع سارة طول السكة و وصلها الجامعة
سارة : شكرا كتيير على التوصيلة ☺
خالد : دا الواجب 😉
سارة قالت في نفسها : يارب يقول لي عايز رقم تلفونك
و في نفس اللحظة خالد قال ليها
خالد : لو سمحتي ممكن رقم تلفونك اذا ما فيها اذعاج و اكون شاكر جدا لو اديتيني ليهو ☺
سارة : 😳،، اتفضل سجل الرقم و تمليهو رقمها
خالد حفظ الرقم و عمل ليها رنة
سارة: حفظتو و قالت ليه : بالمناسبة انت اسمك منو 😁 ، نسيت اسالك هههههه
خالد : هههههه اسمي خالد ، تشكري يا عسل ، بس عايز اسالك انتي بالجد كدة يعني !!!
سارة : كيف ما فهمتك !!!
خالد : يعني انتي اصلا حلوة كدة 😍
سارة خجلت : 🙈 شكرا ليك عن اذنك عشان ما اتاخر ☺
خالد : اذنك معاك ، اتوقعي مني تلفون و فرصة سعيدة
سارة : انا الاسعد ☺
سارة دخلت الجامعة و شغالة تتبسم براها 😍 و اتذكرت خالد و كلامو و وجاهتو و لاقتها صحبتها منال
منال : بسم الله الرحمن الرحيم ، بتتبسمي براك مالك يا بت 😳 ، جنيتي 😂
سارة : انا فضل فيني عقل ، ياخ انتي لو شفتي الشفتو انا ، مش حتجني و بس ، يااااخ دا رهييييب و فظييييع 😍😍
منال : دا شنو دا ،، احكي احكي ،"شوقتيني يا زولة 😁
سارة : ولد فظييييع انا ما شفت زيو في حياتي ، لا في التلفزيون لا في الحقيقة لا في زي الوان و لا تركي 😍
منال : هههههههه انتي جادة يا بت ، لميتي فيهو وين دا ، مهند دا 😁
سارة : مهند شنو التقارنيهو بيهو ،،تقولي الزول دا من سلالة سيدنا يوسف من شدة جمالو 😍 ،، واااي لو بقى من حظي
منال : ياخي احكي ، الشمار كتلني
سارة : وصلني للجامعة و قال شافني هنا لمن كان بوصل قريبو
منال : لالا ، دي دايرة قعدة عديل ، اقعدي و احكي لي بالتفصيل 😁
سارة حكت لمنال الحصل كلو
منال : كمان عندو شركة و الله حظك يا بت المحظوظة ، دا تقبضي فيهو قوي 😃
سارة : دا كلامك ههههه ، اصلا ما بفوتو 😃
و هي بتتكلم معاها خالد اوصل عليها
سارة : اهو متصل 😍 ، ابن الحلال عند ذكرو ببان هههه
منال : ردي سرعة
سارة : الو
خالد : وصلتي القاعة
سارة : اي وصلت
خالد : خلي بالك من نفسك
سارة : شكرا ، حااااااضر و انت كمان خلي بالك من نفسك
خالد : بس اتصلت اطمن عليك
سارة : تسلم و قفلت الخط
منال : ووووب علي 😍😍 ، شكلو زول راقي اها قال ليك شنو
سارة: ااااااه انسي بس ، اتصل يطمن علي وصلت القاعة او لا ، دايرة الصراحة انا اتكسرت فيهو عديل 😍😍😍
منال : يا بت ابردي ، من اول يوم كدة ههههه
سارة : انتي لو شفتيهو من اول نظرة حتتكسري فيهو 🙈
منال : هههههه الله يورينا ليهو البكسر دا
مشو دخلو المحاضرة و دوامهم انتهى ، قام خالد اتصل على سارة
خالد : كيفك سرو
سارة : سرو كمان ههه
خالد : انا منتظرك برا جنب الباب مش خلصتي
سارة : 😧 عرفتني كيف خلصت ، انا ما وريتك !؟
خالد : انا مافي حاجة ما بعرفها و خصوصا عنك انتي ، من شفتك المرة الاولى سحرتيني بجمالك و حافظ جدولك كمان
سارة : خلاص ما تخجلني ☺
خالد : طيب اطلعي سرعة
سارة : ان شاء الله دقيقتين و بكون معاك
و الخط فصل فجاءة تيت تيت تيت 😰
سارة : الو الو
يتبع