لبستا اكياسي وشرباتى وطلعتا ماشة بغادى بغنى ومبسووطة..لقيت اب لحية ف وشي ..انا كنت ناوية م اشوفو الا يوم التخريج وافاجئو باللون الجديد بس هو فاجئنى😢😢
انتبه للشرابات وكشكشة الاكياس ساقنى من يدى لحدى بيتنا بغادى ..لقى علبة الكريم قاعدة ف السرير ..
حمر لي وقال لي طلعى الشربات دى..طلعتها ..قال لي وبرضو الزبالة دى طلعيها قصدو الاكياس😢😢طلعتهم..شال الكريم دفقو وجدع العلبة...قال لي جابت ليها فسخ وقلة ادب...فاكرة نفسك كبرتى وحتعملى العايزاهو مش😠😠تانى ابقى مرة وامسحى كريم..عشان السلخ العايزاهو دا الا اسلخك ليهو بالسكين😠😠😠والتخريج البتتمسحى عشانو دا ف الاحلام م حتشوفيهو😠😠😠ورزع الباب وطلع😱😱
انا كنت مصدوومة😱😱ليييه بعاملنى زفت كدا😱😱كمان حتى جسمى يتخصص فيهو...بقيت ابكى وقلتا انا استاهل لانى من صغيرة مدياهو الحق يتأمر فينى😭😭😭
نمتا صحيت ع صوت امى قالت لي جدعتى الكريم دا لييييه..حكيت ليها الحاصل..قالت لي اصلا ياهو لونك ظبط م تزعلى وكان للتخريج مستحيل يمنعك بخوف فيك سااي..
التخريج جاا ورسمنا مع ميثاق ومشينا الكوفير يوم التخريج وسقنا معانا امى..مكيحوهاا وطبعا مطقمة معانا بس مكوزة طرحة بجوة التوب..اما انا وفدا سرحونا نفس التسريحة ومكياج هادى كدا..والحنة مع اللون والفستان الكبدى تسوى كدى👋👋👋وطرح بيجية شفافة لانو اب لحية ح يدفنا حيين لو مشينا بدون طرح😢😢
طلعنا ركبنا ترحال لانو العربات فاتونا ولمن وصلنا لقينا التخريج بداا..لمن ندهو ميثاق زفيناها لحدى المسرح وطلع معاها خالتو وابوها واب لحية❤❤
بعد سلموها الشهادة نزلت وربينا الحفلة ربة تمام واب لحية يشيل ويحمر لي..وانا ولا شغالة بيهو شغلة😌😌😌
التخريج انتهى وشايفة البنات صحبات ميثاق يتراشقن والساعة والتانية ميثاق تنادى اب لحية تعرفو ع وحدة جديدة ...
التخريج انتهى ورجعنا ..وبقيت اتفادى اب لحية وم بشوفو ...زعلتا منو المرة دى جد جد..لانو بقى يتدخل ف حاجات م بتخصوو..
النتيجة ظهرت وعملتا 88.4 ..اامى جابت لي شنطة بتاعت ملابس شيلة بس😂😂😂وكمال صاحب فداا عزمنا انا وفداا وامى وجاب لي قفة فرح ومعاها لبستين وعبايتين بجزمهم وشنطهم..
اما الجنتل مان اب لحية ف يوم كدا الناس كانو بغادى بشربو ف الجبنة جا لقانى قاعدة بغسل قام غمض لي عيونى ...طوالى عرفتو من لمست يدوو ..قلتا ليهو يعععع طفولة متاخرة😂😂قال لي فتحى يلاا ..فتحتا لقيت قدامى تلفون ايفون ولابتوب ❤❤قال لي واحد هدية تامن والتانى هدية تالت❤❤
جا التقديم ورغبتى كانت هندسة نفط❤❤وفعلا شالونى فيهاا ❤❤نزلتا الجامعة..واتعرفتا لي ع واحد اسمو عادل❤خريج وعندو عربية تقول ي ليل👋👋👋
ف كدا عادل حلف الا يوصلنى وفعلا وصلنى بس نزلنى ف لفة قبل البيت..الكلام دا قبل الضهر..ودعتو ومشيت البيت..لقيتو فااضى كالعادة..استحميت وغيرتا وسخنتا لي اكل اكلتاا..
جا اب لحية داخل سلم لي وقال لي بما انك جيتى يلا ارح ف مستلزمات ناقصة نجيبهم ونجى ....درعتا عبايتى ومشيت معاهو...وقف قدام ڤيلا كدا..قلتا ليهو دا شنوو..قال لي دا بيت صحبى مرتو ولدت نبارك ليها ونطلع..دخلنا وكانت المفاجئة
يتبع