اتصلوا لعمو ونحنا كلنا كنا قاعدين قالو ليهو مطلوب حضورك ضرورى ف مشكلة صغيرة خاصة بولدك محمد..انا قلبى قبضنى💔💔..شكلو حساا بأنو دا حيكون أشئم يوم ف حيااتى😢😢
خالتو تغريد قالت الا تمش مع عموو وخالوو بس رفضو وقالو ليها الموضوع صغير لمن نصل بنتصل ليك..
انا جريت بيتنا بغاادى وشلتا تلفونى اتصلتا ف لاب لحية مرتين م رداا التالتة شغل فينى الخط وقفل التلفون💔💔...راسي بقي يودى ويجيب قلتا اصلاا بكون ف مريض العملية فاتت فيهو وراح فيها واهلو اتشددو او بكون عمل حادث وكتل ليهو زول...بس بقيت اخمن م قادرة استوعب شي وقلبى كان مقبووووووض..
ناس عموو وخالوو وصلو المكان الوصفوهو ليهم ع حسب وصف الزول المتصل...لمن وصلوو كانت عمارة تلاتة طوابق بتاعت اسرة دخلوو لقوو 4 اولاد اخوان وابوهم واخوان ابوهم اتنين..واب لحية مقعدنو ف نصهم زى الضلعة ف نص الصينية..
قعدوو وضيفوهم والحاج ابو الاولاد عرفهم بنفسوو واولادو وقال ليهم انا جبتكم ضرورى هناا او اكتر من ضرورى..اناعندى بتى وحدة اسمها اميرة شغالة مع محمد ولدكم ف مستشفى واحد وقبل اليوم حكت لينا انو محمد دا بتصرف معاها تصرفات بتضايقهاا ف المستشفى ونحنا قلنا ليها اعملى حسابك منو لو كررها بنتصرف..ولدكم م وقف من تصرفاتو لحدى الليلة ف المستشفى كذب ع بتى وقال ليها انو اموو تعبانة ف البيت ولازم تمش معاهو عشان تساعدوو لانو هى عندها ضيق نفس ومحتاج زول يساعدو واترجاها وبتى قلبها طيب وبتتأثر ركبت معاهو ف عربيتو بعد دور العربية قال ليها انا كذبتا عليكى واصلا انا عايز اوصلك بيتكم بسس لانو لو طلبتا اوصلك م كان وافقتى ...لمن وصلها لحدى الباب صادف اخوها الكبير دا طالع من البيت وشافوو وسلم عليهو ودخلوو البيت ونادانا...ونحناا م عندنا لف ودوران بما انو جارى ورا بتى وعايزها فلازم نعقد اسي الليلة قبل بكرة..ونتم العرس..لانو بتى واحدة وم بلعب بيهاا..
خالى وعمى كانو مصدومين😱😱...اب لحية قال لعموو ي ابوي بما انك سمعتا كلاموو جاا دورى تسمعنى..انا بتو اميرة دى مجرد زولة شغالة ف المستشفى زيها وزى اي دكتورة..م عندى بيها احتكاك ولا معرفة شخصية..هى البتتعمد تجينى ف عيادتى واخرها الليلة جاتنى بتبكى وقالت لي انو امها وقعت ف البيت ومعاها الا الجيران وبما انى اخصائى قلب فهى مرة جاتها ذبحة وطلعت منها واترجتنى امش معاها عشان اقدر اسعف امها...ومهنتى كدكتور لازم امش معاها ركبت معاي ولمن قربنا للبيت مسحت دموعها وقالت لي يلا اقيف ياهو البيت..نزلت وانا قبل انزل اخوها جا طالع...سلم لي وقال لي اتفضل انا افتكرتو هو عارف انو انا جيت عشان اساعد امهم بس بعد دخلتا وجو باقى اخوانها وابوها ونادوهاا الفت ليهم القصة وصدقوهاا..
نطا اخو البت قال لمحمد ي زول كلام كتير م ينفع..عمرها اميرة م قاعدة تكذب وتعقد عليها ولا على كيف...عمى وخالى حاولو يقنعوهم بس طلعو ناس صعبين...وابوها دخل ف طلاق تلاتة...اب لحية قال ليهم لو عقدتو لينا اتاكدو اسبوع م حتقضيهو وح ارجعها ليكم..قالو موافقين بس يعقدوو..وفعلا عقدوو وحددو العرس دور اليوم..وطلعو خالى وعمى واب لحية..
انا بهنا جانى هبوط بقيت بزحف زحف لانو كنا بنتصل ف تلفون عموو وخالو وكانو مقفلات..بعد صلاة العشاا بمسافة حتى جو داخلين واب لحية كان متغير 560 درجة وطوالى دخل غرفتو وقفلها عليهوو..
خالو وعموو بدو يحكو لينا ف الحصل..لمن وصلو لنقطة انهم عقدوو انا تانى م حسيت بشي بقيت مااشة ع بيتنا لحدى م جيت جمب باب البرندة ووقعدتاا والباب ضربنى ف راسي...جروو بي المستشفى فتحتا الا تانى يوم بالنهار ...لقيت اب لحية ف وشي لانو انا ف العناية وهو دكتور ماف زول بمنعوو وباقى ناس البيت برة...عاينت لاب لحية ودموعى جروو...قلتا ليهو مبرووك ربنا يسعدك..قال لي حتى انتى ي اختى م مصدقانى💔💔...كان املى الوحيد انك تقيفى معاي وتساعدينى احل المصيبة دى..يعنى نسيتى اخووك بالسهولة دى واتخليتى عنوو ف اصعب ظروفوو..مسكتا يدوو وقلتا ليهو نسيت انك ابوى قبل تكون اخووى..ولو اختك م صدقتك ح يصدقك منوو..ومستحيل اخلى اخوى ف مشاكلو براهو وانا اتفرج..ووعد من اختك ح اقيف معاك للنهاية..ولحدى م نشوف اللعبة دى نهايتها وين😊😊
عاين لي والدموع ف عيونو قال لي بسس انتى ساعدينى اطلع من الورطة دى وعمرى تانى م بطلب منك شي😭😭...انا زاتى بكييت معقول اب لحية الماعندو اخلاق داك والدايما زهجان وشايف نفسوو الليلة ببكى😭😭..قلتا ليهو بقت بينا ف طلبات ...ولا اصلا م معتبرنى اختك😢😢..قال لي العفوو والله م قصدى بس انتى ساعدينى ي فطوومتى😭😭
قلتا ليهو م حاقصر بس حاليا م بنقدر نعمل شي مالم الحيوانة دى تجى البيت وحكيت ليهوو لمن انا كنت ف عيادتو اليوم داك قالت لي شنوو وانها حتعرسو غصبا عننا وكداا..
طلعونى من المستشفى وجا يوم العرس واصلاا اب لحية قال لا زفاف لا جرتق..نطت اميرة قالت لاخوانها لمن جبرتونى عليهو ورضيت بيهو كمان م تعملو لينا جرتق الزفاف خليناهو😒😒...انا اتمالكتا اعصابى وف قلبى قلتا ليها اصبرى ي كلبة ي واطية لمن تعتبى بيتنا ح تشوفى الويل قال جبرتونى احييييي ي قلبى منك ي تافهة😠😠😠
وفعلا عملو جرتق ف بيت ناس اميرة وطبعا اب لحية بدون حنة وجلابية عادية..خلص الجرتق وجبنا التافهة معانا البيت..بعد وصلنا البيت طبعاا ماف ليها مكان الا غرفة اب لحية...اب لحية خلى ليها الغرفة ورحل الديوان..وبدينا ف الدرامات ..اليوم التانى اب لحية مشى الشغل وخالتو عملت الفطور بعد فطرنا كانت المفاجئة
يتبع
