قيود بين سلاسل الماضي
البارت 26
صباح الخير عليكم احبتي ❤
ولي قلب كالمستَشْفَى .. 🌺
يرتمون فيه عند الألم، 🍀
ويغادرونه عند الشفاء !😔
عماد
يبووو هاي ام البلاوي هم مدري شبيها شوكت نخلص من بلاويها ومصايبها
رفعت راسي شهالصباح
هذا الي أكعد بي على بلاوي هالسعلوه هاي كمت من فراشي تمشيت بخطوات ثقيله..... حيل راسي مصدع الليل كله منايمه وصلت
للمطبخ اسمع امي تكول للوالد
.... اي حجي سألتها ليش هيج متاذيه وهيج دمج ماخذ الغرفه جاوبتني
بونه تكول هاي ميس ضربتني البارحه متعمده لان سمعت بي حامل ومتريدني احبل
الحجي...معقوله اكو هيج مره متخاف الله وتقتل طفل بريء ما اله ذنب
امشينه خلي نشوفها نوديها للطبيب
هااا بويه سرى شبيج
سرى...عموو الحگلي راح اموت ابني مات
وخطيته برگبة ميس جنتنه
هيه ضربتني على بطني تعمدت توگع الطفل لان تكرهني
ااااخ
عماد
بقيت صافن هاي بالموت وهيج تحير شلون تفنن وتصفط كذب الله لايوفقج ياسرى الكلبه هالمره عليج ميس هاي مكدرتي على اختها لفتي عليها بهالحجي
ودخلت امها دك وتلطم و تصيح كله من وراهن بنات الزنا والله لعمل بيهم العجايب اليوم
يريدن يموتن بتي يكرهنها من الله لا ينطيهن ولايهنيهن
وكلام من أبشع ما سمعت اذني كامت تصفط عليهن بقيت صافن بوجهها والله لاهله ولامرحبه بهالصباح الي شفت وجوهكم بي ياوجوه البومه
وكامت هي والدي هو يسألها وهي تصفط علي جذب تصفط
الحجي...ام محمد هاي الي اسمها ميس شعدها وياها
هيج بكل برود ضربتها لازم اكو سبب
سهام...تبجي كذب...والله ياخويه بدون سبب
كتلك هاي جنتي تكره بناتي وتتعارك وياهن على اتفه الأسباب
تريد بيت الوحدها تاخذ ابني وهوه وحيدي
بس انه ماخليتهم كامت وتعادت ويا بناتي وهسه شوفت عينك راحت بيها بنيتي
وتبجي
الحجي...عفوو عليج لاتبجين انه احطلها حد شنو ما الها رداد يردها ويوگفها عد حدها
هناك وعطت بعلووو صوتي كملتوا حجي كملتوا تهم وانتي ياخاله مستحيتي على روحج
مو الخاله بمثابة الام شلون نطاج كلبج هيج تحجين على بنات اختج مو هاي اختج لحمج ودمج لو نسيتي اخاف نسيتي اذكرج واخاف
عبالكم مالي خبر بروحتكم البيت عم أفنان لا اصحوا على رواحكم كل الكلام عندي علم بي واعرف كل زين بنتج شسوت وليش وصلت الهل الحال
هذا وانت يا والدي ياجبير كل كلمه وصدكتها شبيك وين صومك وصلاتك وين خوفك من الله معقوله بحجايتين خلوك
تصير وياهم اسمع الحجي بنت اخوك الي مستخطيها هي وامها البارحه تكذب عليك تكولك رايحه للطبيب وهي تأخذ امها وتروح البيت عم أفنان ومن الله يوكعها بشر أعمالها تصيح ضربوني
الحجي.... باوعت على ام سرى وكتلها بصوت حاد صح حجي عماد
بنتج وانتي رايحين البيت عم البنيه بياحق ترحون وشعدكم ترحون
سهام ....بأرتباك...لالا حجي الي كلكم يكذب عليكم رحنه للطبيب ومن رجعت سمعت ميس بسرى حامل وتضاربت وياها حتى تطرحها
عماد.... الله لايوفقكم شكد عينكم كويه وانتي رجلج والكبر وهيج صفطين بالحجي
على بالج الحق ميطلع والله والله الا اخذ والدي من ايده واراويه الحقيقه كوم حجي كوم
نروح العم البنيه وبنفسك افهم منه على مايبدوا مرة اخوك وبنتها ناس عدها الكذب زلاطه وخوف الله بالعيه من زمان
الحجي ....والله اذا طلع حجي عماد صدك مالها بنتج اي كعده عندي ويجي رجلها وهو هم يصرف
سهام.... كمت ابلعم تبلعم عزه هاي شلون ورطه ورطتنه بيها سرى شراح اكولهم بقيت مصره على كلامي حتى لااطلع كدامهم كاذبه الحجي عافني ودخل على سرى
واسمعه يصيح بعلووو
صوته هاي بعدها البنيه مدخلت بيتنه وهيج واصله بينكم لعد باجر عكبه شراح سوون والله فضايحكم اتوصل السابع سمه
مو سابع جار
سرى حقيره انت تضحكين عليه تكليلي رايحه لامي على الطبيب تالي ترحين لعم البنيه اليوم اله اخليج غركانه بدمج وحتى طبيب مستحيل توصلين
عماد
احجي ام البلاوي سكتي مو بلعتي لسانج هسه لبالج ما اعرف وين ترحين وين تجين
الحجي ....عوفها واني اعرف شلون اربيها هالمره
عماد ....وحق رب العرش
قتلها حلال هالعار هاي
سهام ...حجي على بختك على كيفك ليش هيج ثنينكم عليها كذب مرحنه الي كلكم كذاب
اتركوا بنتي داتموت والله شيصير عليها بركبتكم كلكم
الحجي... مصره انو مرحتوا مو
سهام ا...ي مرحنه وين دليلك
عماد ...حجي مو كتلك مشينه العم البنيه تأكد بنفسك منه على مايبدوا مدبغين بالكذب عايلة اخوك
الحجي ...خابر على اخوك الجبير يجينه حتى نروح سوه اليوم اله اعرف اصل الحجي شنو عماد كدام الكل ان طلعت ميس ضاربه سرى وطرحت بسببها زواج من أفنان ماكو وان طلعت سرى وامها رايحين البيت عم البنيه فسرى بعد ماالها مكان بينه
عماد
ماشي حجي كلامك هو الي يصير
سهام ...حجي يعني مصر تكذبنه وتصدك بحجي سامعه عماد
عماد ...اني بنفسي رحت البيت عم أفنان وعرفت كل حجيكم عني وعن البنيه وهذا اليوم يوم فاصل بينه وبين الحقيقه
لازم الكل يعرف الصدك وين
سهام ....حجي البنيه داترجف من النزف شوفلنه سياره اوديها للمستشفى
الحجي ...بصوت حاد انتي اخذيها ماالكم عندي اي شي لحد مااكشف الحقيقه
سرى
اسمع كلامهم وصياحهم واكول حيل وياج ياروحي وهاي ضيعت بسبب غباءي طفل ثاني اني اعرف كل الزين هذا ولد ولان ولد طرحته هيج الله وطلعها الي بساعيتها
اخ اخ وكمت أصرخ واسمع عمي يكول لامي مالنه شغل بيها رجلها يصرف وياها بالأخص لو طلعت هي الي واصله البيت عم البنيه الا اشمر حكها عالقنادر واطلكها
سهام
كمت ادك والطم على صدري ليش هيج عماد هاي بنت عمك حرام عليك هيج سويت
عماد
انتوا هم الكم اللسان وتحجون بالحرام وين محمد يعرف بالي جاي تسووه انتوا وبنتكم بمرته شلون راضي عليكم
سهام
هو كال محمد لو حسيت روحي راحت وعطت بكل صوتي وانت شعليك بمحمد ومرته منو شاكيلك منهم احد كايلك ميتيها جوع لو عطش
عماد ....هي هاي العايزه تموتها جوع وعطش وكل هذا الخير اللي بي انتوا خير رجلها
سهام.... ابني قبل لا يصير زوجها
عماد.... اي خوش والله ام مراعيه حق الله بي مبين هواي
بعدني اصادم بالكلام وياها ودخل أخويه الجبير احمد
....انصدم من شاف سرى غرگانه بدمها
هاااي شنو شبيها سرى
دنگ يريد يشيلها وزمخ بيه ابوي
الحجي...عوفهااا هالكلبه تموت تستاهل يوميه جايبتلنه مصيبه
احمد ...شصاير فهموني
عماد ...احمد بعدين افهمك بالطريق امشي ويانه مستعجلين
باوعلها احمد وكال ....
مادام ابوي هيج معصب اذن مسويه مصيبه مطلعه روحه
راد يمشي صاحت وراه سهام
...يمه احمد ماعليك بحجيهم فدوه مرتك راح تموت
احمد...جر ايده منها حيل
عساها تموت وارتاح منها هذا ثاني طفل بريء يصير ضحية عمايلها الشينه
خلي تتحمل نتيجة اغلاطها السوده
اخذنه الحجي وبدون اي كلام طلعنه ورحنه البيت عم أفنان وش صار بعدها بسرى وامها منعرف المهم لازم أبويه يصير على بينه بلي داتسوي سرى وامها واني أقسمت هالمره اوكفها عند حدها ووعدت أفنان بهذا الشي
أفنان
اليوم حيل قلقه منا امي واختي ومنا وعدي العماد ومنا أبويه الي لحد هاي اللحضه منعرف شنو حتكون ردت فعله اذا عرف عماد راح يدز اهله بقيت حايره لااكدر اكول كدام امي ولا اكدر ارتب البيت صح هو البيت نضيف طول الوقت بس هم يرادله تعديل كل اسمي اعرف بجيتهم
اوف ياكلبي شحملت حمل حتى بااسعد يوم بعمري مااكدر اشارك احد بفرحتي ولا اكدر اضهرها اه يانار كلبي قبل الضهر بساعه دك التليفون شلته وصحت الووو
عماد ...هلا أفنان
أفنان.... هلا بيك
عماد ...أفنان عندي الج خبرين
أفنان.... يا الله خير ان شاء الله
عماد... خير خير
أفنان... يله احجي والله كلبي لعب
عماد.... لتخافين حبي الأمور الصالحنه
أفنان... شلون
عماد
الاول سرى طرحت وتهمت ميس بطرحها
ال٢ نكرت هي رايحه البيت عمج واحنه قبل نص ساعه كنا يمه اني والدي واخويه الحقيقه بينت كدامهم وعمج حجه كل الحجي للوالد والوالد حلف الا يربي سرى
أفنان ...يعني عمي حجه وي والدك
عماد.... اي وتفاهموا بينهم بس اليوم
أفنان.... شبي اليوم
عماد ....عمج رفض اليوم احد منه يجيكم
أفنان... ممكن اعرف السبب
عماد.... عمج اتفق وي والدي إذا وافقوا ينطوج الي لازم بيت وحد
أفنان ....يعني شنو
عماد... يعني ماازوج بيت اهلي لازم بيت وحد خاص بي هاي اذا ابوج قبل ينطيج
أفنان ...و شنو كان ردك عليه
عماد ....وافقت هاي امنيتي
أفنان... بس انت هيج راح تتكلف هواي زواج وبيت هواي
عماد
ميخالف المهم ابوج هسه مو هاي المهمه البيت كتلهم بشرط تنطوني مده وعمج يكول هاي ترجع السالفه بيد والدج
أفنان .....عماد اترجاك لتجازف لتحمل نفسك فوق طاقتها هو منو بهذا الوقت يكدر على زواج وبيت
عماد أفنان ربج يسهلها المهم حبنا يطلع للنور
أفنان ....منو مطفي الضوه عليه
عماد.... اكو غير السعلوه
أفنان.... هههههههه
عماد
اي اضحكي يمعوده هو العمر كم مره ينعاش
أفنان... مره وحده بس وياك كل يوم عمر جديد
عماد ....يعني تحبيني
أفنان ...لا
عماد... بداعتي
أفنان... اي وهواي
عماد ...مصدك بس موبكدي
أفنان ...لا اني أكثر
عماد... لا اني
أفنان
اهووووو عمي لا اني ولاانت هههههههه ٢ هيج احسن
عماد ...يله اروح اشوف
وجه البوم شنو موقفهم من نكشفت حقيقتهم
أفنان ...عماد الله عليك لاتعصب الله وطلع الحقيقه أتركها هي والله
عماد ....ههههه وج هالمره اله ادبغ جسمها يم الدباغ اني وابويه
أفنان
عماد بداعتي عوفها البي هي هسه اكبر عقوبه من الله ترى الله متركنا ليش نصير مثلها
عماد ...أفنان
أفنان ....نعم
عماد
خو كولي لتروح اريد ابقى اسولف وياك
أفنان ...يلعن ابليسك على هالتفكير عمي روح الله وياك
عماد ....شبيج يعني حتى شقه مااكدر اشاقه وياج
أفنان... شلون شقه عاد
عماد... شبي معاجبج
أفنان... لا
عماد... زين وصاحبه
أفنان ...حتى صاحبه ميعجبني
عماد ...ها
أفنان... اي
عماد
لعد خل اروح عمي طلعنه منعجب وشقانه مر يله يله عمي نترخص
أفنان.... هههههههه والله مااكدر عليك
عماد ...والله كدرتي وسويتي بي الي محد كدر يسوي قبلج
أفنان ...شسويت
عماد ...كلبتي كل حياتي شسوون بعد
أكثر
أفنان... عماد ممكن سؤال
عماد.
... جواب إسألي
أفنان ....انت شنو الحبيته بي وهيج بقيت مصر عليه الهالدرجه
عماد... كل شي حبيت بيج صوتج ضحكتج شكلج طولج كل شي بيج يعجبني واحبه
أفنان.... يله روح موتكول اني اخرتك
عماد... لاعفيه ابقي
أفنان.... لا مااكدر والله هسه يحسون بي
عماد ...اوف ماشي
أفنان... باي
عماد... بس باي
أفنان
ههه لا باي حب
عماد ...مع السلامه حبي
أفنان
...الله وياك
وبقى فاتح الخط ومسده
بقيت رافعه السماعه انتظر يسده
عماد ...سدي انتي اول
أفنان.... لا انت بالاول
عماد... لا انتي
أفنان ...لا انت
عماد هاي شلون شغله عمي خلي ثنينه نسده سوه
٢بنفس الوقت كلنه مع السلامه حبي
أفنان
اوف يارب احلى شعور واحلى لحضات ودقايق كنت أعيشها وياه كل مكالمه كنت احس روحي اوصل للسما من السعاده مو لان يحجي كلام حب وغزل لالا لكن لان حسيت وعشت وياه الامان
الي طول عمري ابحث عنه اي يا عماد هم يجي يوم ونكون البعض وكلامنه هذا يتحول حقيقه مو مجرد كلام من خلف سماعه
شعور جدا جميل تعيشه وي الشخص الي تحسه قريب القلبك وروحك لحضات
بقيت لليوم كل مااذكرها ابتسم واكول الله لويرجع بينه الوكت لااحبك بكد هذا الحب عشرات المرات لو كنت اعرف راح تنقضي هاي الايام رغم كل الصعوبات البيها كان حاولت اتمسك بيها
أكثر واعيشها أكثر كان احتفظت بكل احساس وكل كلمه كان اقلها صورت او سجلت هاي الايام وكل مايفرقنه الزمن أكعد اعرضها واتابع أحداثها وياك واذكرك بيها واكولك
لاتنسى بيوم كان كلامك هذا الي اني حبيت الإنسان الجوهره الي بداخلك ...حبيت نقاءك حبيت روحك حبيت تفانيك.......
وتضحياتك الي حتى بس تكسبني حبيت صوتك الي قضيت ليالي وليال انام على مسامعه
وي كل نفس شهيق وزفير كان النه شي حلوو عشنا وي كل كلمه كان النه فعل سويناه الحياة محطات متعرف بيامحطه ممكن توكف الدنيا بيك اه يا دنيا شكد ضلمتي ناس وشكد هانت عليج اوادم وشكد بجت بليلج عيون حرامات بيوم تبجي شكد ناس كل همها تعيش وتوصل وي احبابها البر الامان
عماد
رجعت فرحان حيل ادندن وي نفسي دخلت البيت ولكيت أبويه يكول لامي تبلغيهم بنتهم بعد ماالها طبه لهنا من ترجع احط صواب برأسها
واموتها ويعد ويصف عليهم الي فهمته انو امها ماخذتها وطالعه بعد طلعتنه مباشرة اي اكيد خافت وجه المكبح اسود
أفنان
أخذني الواهس وكملت شغل ورحت الغرفتي اكمل تعزيلها بعدين صار الضهر واجه والدي على الغده وصاح
يله شمسوين غده ترى ميت جوع
امي مسوين بانيه خضره وتمن وخضروات وطرشي وزلاطه
الوالد... اكو فلفل حار
امي ....اي عدنه البارحه جبته خوش فلفل
الوالد ...حضروا الصينيه مال الغده لحد ما اغير ملابس الدوام
وانتي أفنان روحي البيت عمج صيحي كوليله أبويه ينتظرك على الغده
أفنان ...اخاف تغده
الوالد... لا بعد وكت قبل شويه حل من شغله ما اعتقد لحك يتغده
أفنان
اذا سال شنو الغده شكوله
الوالد ...كوليله اكو فلفل حار وبقى يضحك
أفنان ....يعني اكوله غدانه فلفل حار
الوالد
هو وينزع بقميصه اي هيج كوليله حتى شكو يم ايده يركعج بي
أفنان ....لعد شكوله
والدي ...وج شكد غمه لعد روحي كوليله وبس تعال غداك عدنه
أفنان
ماشي مرات أبويه بطيبه وحجيه يخليك تحس نفسك ملك وتكدر تتقرب اله وممكن تحجي وتأخذ حتى اللبس الي لابسه ومرات بركان
متعرف شوكت ممكن ينفجر ولاباي لحضه ممكن يدمرك فلذلك كنا جدا حذرين بالتعامل وياه وكنا نفذ كلامه بحذافيره وبدقه متناهيه اسمع من امي هواي حجي عن ماضيه وشلون
كان يحب بنت عمه حب اليومنه هذا يسولفون بي ويضربون بي المثل وشلون النسوان خربت نصيبهم
ماما شلون يعني كطعن نصيبهم النسوان
مريم...حسب ماعرفته من بيبيتج الله يرحمها انو هيه يتيمه وعايشه ببيت عمها
الجبير والوسطاني
وابو امير جان الصغير عازل ببيت الوحده يجي للبيت علمود عمه ويشوفها صار بينهم حب
وبعدين كام يجي يحجي وياها بالباب
نسوان عمام البنيه عارفات
بينهم علاقه ورايحات حاجايات لزلمهن وخطيه لازميها ومكطعيها تكطع
فضحتينه كدام العالم ونزلتي روسنه هسه الناس كلها شايفتكم بالباب تحجون
ومن هالحجي حلفو يزوجوها لأي واحد يدك بابهم وماينطوها لأمير
وفعلا اول واحد اجه خطبها وافقو بدون حته ميسألوها او ياخذون رأيها قابله او لا
ومن عرف امير ماخذ ابو ورايح خاطبها بس طاردينه ومتعاركين ويا و ضاربينه
امير.،،،بصياح..هاا عمي راح تزوجونها و ماتنطوني ميس مو
والله والله اذا ماقتلت العريس بالزفه انه فلا اطلع امير
...امشي ولي منا لا اخلي دمك بطولك امشي
وبعدين ابو رايحله يبجي كاله مااريد اخسرك وماعرف شنو ماعرف شلون اقتنع
وجان
وقت الدراسه راح لبغداد يدرس الطب
وحاول يتناسها
الشرطه طوقت كل المنطقه لان كان مهددهم يقتل العريس بالزفه
ههه يعني هم عنده تاريخ حافل بالحب لدرجه اول بنت الامي والابويه سماها على اسم حبيبته يعني اختي ميس على اسم حبيبة بابا
يكولون الضلم ضلمات والي يصيب الأهل يصيب العيال واعتقد اني هم هذا عذابي ورث من والدي اي مو يكولون العرق دساس
ماشاء الله واني ماصابني غير العرق الي موجوع وطايح حضه الله يعين كلبج ياامي يعني فوك كل هالقهر انوب يسمي بنته على اسم حبيبته امي هم انكتب عليها الظلم
تشوفه بكل شي حتى باابسط حقوقها كزوجه او
كمشاعر مزوجه ماالها حق بيها اخ اخ يادنيانه وين راح توكف بينه المحطه الجايه
أفنان وعيت من صفنتي وكلت باله وكتها هاي صفنتي خل اروح اصيح عمي قبل لا يطلع والدي من الحمام ويسويني غده
بدل البانيه بس هو شنو قصده وي الفلفل الحار وليش كل مانجيبه للفلفل يكول صيحوا عمكم يتغده ويايه
اوي واني شدخلني خل اروح احسن ما احصل كتله
طلعت ووصلت اليمهم
دكيت الباب ودخلت وبلغت عمي لكيته فعلا دايصلي
طلعت. وبطلعتي رفعت. راسي صارت عيني بعينه انصدمت
اباوع هذا هو لو اني متوهمه اي اي هو بس هذا شصاير بحاله ليش مزين صفر
وضعفان حيل زين ليش هيج صاير شكله باوعتله ولكيته صافن بوجهي حتى عيونه مترمش دنكت ومشيت خطواتي
بثقل شيصير لو اعرف وين كان كل هاي المده
زين واني شعليه ليش هو من اختفى هم فكر وكال خل أترك خبر عني بقيت
بين الي اريد اعرف وبين الي احجي على روحي واقسي نفسي واكول ميستاهل اصلا اكلف نفسي افكر بي اصلا
حسام
من شفتها تمشي من بعيد بتجاه بيتهم مباشرة رحت امشي بتجاها ردت اشوفها
عن قرب صار بحدود 8أشهر مشايفه استغربت حيل من نضرتها الي تجاهلتني مباشرة وحاولت متتواصل بالنظر باتجاهي عرفت
من طريقة تصرفها زعلانه من غيابي بس شسوي حكم القوي
وهاي أحكام صدام لبست بس 8 أشهر والكل يحجي بالحرب وهسه نزلت اجازه واول منزلت ردت بس اشوفها
صح مابينه اي شي حتى سلام ما بينه بس النضرات بس هالمره ما اعرف ليش نضرتها
الي غير عن كل مره
يمكن لان اختفيت كل هاي المده حقها والله
أفنان
رحت بكل سرعتي ودخلت للبيت وحتى اجنب التفكير بي رحت صبيت غده العمي والوالدي وكملت كل شي على حسب الأصول وكتلهم
بقى بس التعزيل مال الغده اني نعسانه حطب ارسم شويه وانام وانتوا عزلوا البيت ومن أكعد اغسل المواعين وارتب
امي روحي بس تغدي بالاول
أفنان ....ما تشتهي نفسي اي شي كمت توضيت وصليت ودعيت وبعدها رحت الغرفتي حطيت كل كتب الرسم والأقلام والأوراق
وبديت ارسم وارسم واسمع عمي وابويه ضحكهم واصل السابع جار شقه ونقاش وسوالف حلوه كانت لمتهم حيل حلوه اسمع
يحجون على الحرب بس ممهتمه لان اشو مشينه العمر من حرب الحرب حرب ايران وهسه حرب أمريكا وقبلها الحصار وحرب
الحياة ومخاضاتها الي كل يوم مخليتك بولاده متعسره شكل العالم هذا بده حرب وينتهي بحرب كملوا غده واسمع والدي يصيح
صبوا الجاي يله وينكم
طبيعته هو وعمامي بس يخلص اكل كلاص الجاي يكون حاضر يمه
استغليت لمتهم وسوالفهم ورحت طلعت رسايل عماد وكعدت اقره بيهم قريت الأولى وبديت اقره با٢ من دخل والدي للغرفه واني صرت بين بينين لااكدر اكمل واتجاهل الوضع ولا اكدر اضمها اكيد راح يشك تقرب مني وكال اشو منايمه
أفنان ...دااقره
الوالد ...شتقرين
أفنان... صفنت عالورقه وكتله مذكرات
كال... مال شنو
كتله هيج مذكرات أكتبها اني
ابتسم ابتسامه خفيفه وكال شستستفادين منها اني هنا أخذني الكذب واستمريت اشرح واجاوب على كل سؤال
كتله هيج احب اكتب واقره بعدين
الوالد... جيبي الاوراق
أفنان
ماع كلبي بالكاع حسيت هاي نهايتي خلص اليوم موتي حكم أفنان بعدني ممكمله الحجي
وي نفسي وعاط بيه مسمعين
جيبي الاوراق واطلعي بره وطفي الضوه خل اقره بيها وانام
أفنان ...عزه العزاج أفنان شراح تقره قابل هي كتاب ومثل كل مره تقره شوي وتنام على نعستك
انطيتها اله وكلبي يدك
الف باللحضه وصار وجهي ألوان وكمت امتمت والله ممكمله كتابه
الوالد... اكولج طفي الضوه
أفنان ...حكم القاضي وصدر إعدامه اصلا رحت امشي بخطوات ثقيله حيل وكلبي وعيوني يم الاوراق بس شكدر اسوي بهيج موقف
صعب بعد طفيت الضوه من دااطلع من الغرفه شفته مدد على الجربايه وبده يقره بأول ورقه ضربت خدي وطلعت بركضه ونهزمت فوك السطح عدنه مبرده عطلانه شلت وحده من أبوابها
ودخلت بيها وسديت الباب عليه. ضلمه وحاااره
عبالك تابوت
تحنطت لان اعرف شراح يصير على لحضه واموت كل شويه واتشاهد واستغفر ربي
وكل دقيقه واكول هسه يجي ويلكاني ويذبحني انتظر وانتظر وماكو ساعه وصارت أكثر والبيت صنطه لابيه أطلع واكشف مكاني ولابيه
ابقى تخبلت تهسترت كمت اضرب بروحي بكل قوتي اني موكدها شجابني على الحب وارهابه شسويت بروحي ملخت روحي تملخ كمت
حتى اخرمش بروحي يمكن بوقتها لوجاي وذابحني أهون من الي عيشني بي بقيت بس اندب حضي وابجي بكل قوتي شراح يصير
بي شنو الي حكوله اله شلون حتصرف هناك وسمعت كحته هو من يكح بصوت عالي أسمعه يكول الامي هاي الاوراق ترجعيها البنتج وتفتهمين منها منو و شنو وبس ارجع الكاها كبالي كمت اضرب بروحي حيل واعيط بكل خفيه حتى لايسمعوني
عيونه نار والصوت نبرته تخوف اخ اخ شسويت بحالي طلع من باب البيت واني اباوع اله واراقب بي مره اكول انهزم ومره اكول اروح العمي احجيله ومره اكول أواجه والي كاتبه الله يصير بس بتعد بخطواته وعاطت امي أفنان وينج
أفنان... جاوبت بصوت كله خوف نعم
امي ...انزلي تعاي كليلي شمصخمه
أفنان
انزل الدرج بايه بايه احس روحي ماكو بثقل انزل اتمنى الدرج ميخلص طول العمر وصلت يمها وجان أول حجايتها الي.... عماد مو
دنكت ...وكتلها واني افرك بيدي
....اي هو
....شوكت وشلون وصار شكد
أفنان
افرك بيدي حيل والله هي بس مرتين دز أوراق بيد نور
الوالد.....ه ها اي واني اكول نور شعدها كامت تطب اثاري وراها مصايب
كتلها والله ماعندي شي وياه وروح بيبي
الوالده... شلون تقنعين ابوج وهو شاف بعينه الحجي مالته
أفنان
والله الحجي مابي شي مو حلووو
الوالده
هاي بعد انتي وابوج شكد قبل حذرتج بس هاي تاليها زرعتي احدي ثمن اخطاءج
أفنان
كمت اشهك وابجي والله ماعندي شي وياه والله
عافتني ومشت عني وهي تمشي كالت روحي للغرفه ومطلعين لحد ما يجي ابوج شوفي شمحضرلج موته حرك لو ذبح الله اعلم
أفنان
طبيت للغرفه اشهك وابجي دخيلك ربي ساعدني احنه عدنه الحب يعني مصيبه وياريت بس سامع لا قره وشاف بعينه شلون
يحب بنته عزه العزاج أفنان
بقيت ساعتين بغرفتي مطلعت الا ان دخلت امي وكالت عينج على اخوتج اروح اجيب عمتج واجي اقلها اذا رجع ابوج اكو احد يوكفلج هي تكدر عليه لان يحبها ويحترمها حيل
أفنان... كمت الطم يعني حموت هاهي
الوالده ...كله من ايدج شكد حذرتج
شكد حجيت
أفنان... والله والله يا ماما ناوي يجي يخطبني بس عمو
ابو مازن منعهم كلهم لحد ما نقنع أبوها
الوالده... عمج يدري
أفنان ...اي وهو الي منعهم يجون اليوم
الوالده... اي الحمد لله احسن اقلها اكو شاهد
أفنان.... يعني مراح تذبحوني
الوالده... تستاهلين الذبح ورغم عمك يدري بس هم اروح العمتج اصيح إلها
طلعت وعافتني غركانه بدموعي الي ماعندي غيرها سلاح هي والدعاء شفت البيت هدوء بعد ما طلعت امي رحت شلت السماعه وبدون وعي اتصلت على عماد واول مكال الو
أفنان... اشهك وابجي عماد الحكني
عماد... أفنان شبيج
أفنان
عماد أبويه قره الاوراق وراح يذبحوني
عماد
اهدءي هسه اني هياني جاي وسد التليفون من يمي وانتظر وانتظر ولليل
وعماد ماكو معقوله عماد خاني وخان وعده الي معقوله عافني بس حمت الحديده ونفذ بروحه معقوله من شافني غركانه ممد ايده
الي وطلعني من الموت عماد انت اول انسان اثق بي معقوله تخون ثقتي بيك بقيت انتظر التالي الليل لا عماد ولاابويه صارت ساعه ١٢ وايست من جيت عماد ونزرع الشك بداخلي اتصل عليه ميرد ولاكرر اتصاله هو ساعه ١٢ ونص اجه والدي وكالعادة شارب
وكوه مثبت ع الكاع ودخل
صاح بصوت مخربط على والدتي وين بناتج
امي... نايمات
الوالد... افتهمتي من بنتج شنو هاي الاوراق
امي اي بعدني اريد احجي وافهمه صاح افرشي فراشي اريد انام وحسابكم بعدين ويهز برأسه
وللحكايه بقيه انتظروني
احبكم ❤