وراء كبرياءه عاشق

«وراء كبرياءه عاشق»

الفصل الخامس

مر يومين بدون احداث تذكر وجاء يوم الجمعه وجاء وقت حضور محمد وابنه اشرف ودخل حسن لبنته فى اوضتها
حسن :- ايه يا بيبه خلصتى خلاص لبس
حبيبه :- بدموع اه يا بابا
حسن :- بزعل على بنته وأخرتها يا بنتى ودموعك على خدك من يوم ما وافقتى على الموضوع
حبيبه :- مش قادره اتقبل الموضوع يابابا
حسن :- طب ماانا قولتلك من يومين بلاش الموضوع وانتى صممتى ان يمشى
حبيبه :- ماما ردت عليهم ولو رافضنا الموضوع بعد كده هتحصل مشاكل احنا فى غنا عنها
حسن :- بس انتى هتيجى على نفسك جامد
حبيبه :- سبها على ربنا لو فى نصيب هيتم غصب عن الكل لو مفيش يبقى ربنا هيحلها من عنده
حسن :-ونعم بالله طب يلا يا حبيبتى خلصى نفسك علشان هما على وشك الوصول وسبها وطلع
……………………………………………………
فى قصر عزالدين

كان قاعد عزالدين مع ولاده
عزالدين :- ايه رأيك فى الشغل يا أدهم
أدهم :- زفت
عزالدين :- ايه
أدهم :- اه والله زى الزفت وممل
سيف :- علشان انت مش واخد على الاحترام عايز الهلس وبس
أدهم :- أحياة امك ياشيخ مش كفايه كنت بشوفك فى البيت وبس لا وكمان بقى فى الشغل ارحمنى ابوس ايديك
سيف :- لا انا اللى هموت واشوفك ده انا كل ما بشوفك بتحسر على الرجوله
أدهم :- طب وجاى عليك بأيه كل ده ما تريح نفسك من وشى واعتقنى من ام الشغل ده
سيف :- لا وانا وراك لحد ما تبقى راجل
أدهم :- طب عملت ايه فى السكرتيره اهو تكون حاجه طريه تهون عليا الشغل فى المكتب
عزالدين :- انت بنى أدم مستفز ومعندكش دم يعنى مش مراعى ان انا قاعد ولا مراعى أخوك ولا محترم نفسك فى الكلام علشان أختك قاعده
أدهم :- و انا قولت ايه طيب انا بسأل على السكرتيره
سيف :- من بكره فى سكرتير هيجى يستلم الشغل
أدهم :- نععععععم سكرتير ليه ان شاءالله
سيف :- علشان انا عايز ابعدك عن مرض البنات مش معقول هجيب ليك البنات لحد عندك
أدهم :- بغيظ يارب انت على المفترى
وفى الوقت ده رن رقم عصام على تليفون ديمه
ديمه :- اول ما شافت الرقم اتوترت وخافت وكنسلت عليه شويه ورن تانى
سيف :- مين بيرن عليكى كتير كده
ديمه :- د.د.دى صاحبتى اسراء
سيف :- طب ما تردى
ديمه :- ها ل.ل.لا م.م.مش مهم خلاص ابقى الصبح اكلمها علشان مصدعه شويه
عزالدين :- الف سلامه عليكى يا حبيبتى
ديمه :- الله يسلمك يابابا ا.ا.انا هدخل انام تصبحوا على خير 
الكل :- وانتى من اهله
……………………………………………………
فى بيت حسن جادالله

وصل محمد وابنه اشرف وامه سهير وعمته سماح
وبعد السلام والترحيب
محمد :- امال فين عروستنا
حسن :- فى اوضتها
سهير :- ده انا مشتاقه اشوف حبيبه من كتر الكلام والوصف اللى بيقوله اشرف ابنى عليها
حوريه :- ما هو انتى اخر مره شوفتيها كانت لسه صغيره خالص لكن دلوقتى ادورت وبقت زى القمر
سماح :- بنت أخويه ست البنته كلهم زى عماتها تمام
حسن :- طبعآ يا حبيبتى طول عمركم اسمكم زى الجنيه الدهب والبلد كلها تشهد بكده
سماح :- عشت يا اخويه
اشرف :- طب يلا يا مرات عمى نادى على بيبه بسرعه خليها تيجى
حوريه :- من عنيا يا حبيبى
ودخلت حوريه الاوضه لحبيبه
حوريه :- ايه اللى انتى لبساه ده فى واحده هتتخطب النهارده تلبس كده
حبيبه :- ماله جيبه واسعه وعليها بلوزه
حوريه :- ليه ما لبستيش فستان حلو من اللى عندك وحطيتى شوية ميك اب كده تدارى بيهم عيونك المنفخه من العياط دول
حبيبه :- لا هو كده لبسى عجبنى ومش بحب احط مكياج يا اما كده يا مش طالعه خالص
حوريه :- خلاص يا اختى طالعه فقريه لابوكى واخوكى تموتوا فى النكد زى عنيكم امشى خلصى
وخرجت حبيبه وحوريه من الاوضه ودخلو الصالون
اول ما شفتها سهير قالت
سهير :- اسم النبى حارسك وصاينك قمر 14ماشاءالله تعالى سلمى على مرات عمك وحماتك ان شاءالله
حبيبه :- من غير نفس ازيك يا مرات عمى
سهير :- كويسه يا حبيبت مرات عمك
سماح :- ما تسيبى البت تسلم على الباقي
حبيبه :- اذيك يا عمتو
سماح :- اخدتها فى حضنها وقالت كبرتى وبقيتى عروسه زى القمر يا بيبه ده انا لسه فكره لما كنتى مولوده وعماله تعيطى وصوتك طالع بالعافيه وكل شويه تعمليها على ابوكى وامك تقرف تغيرك واغيرك انا
حبيبه :- بحب ربنا يعلم بحبك قد ايه ياعمتو ده انتى ليكى معزه خاصه فى قلبى
سماح :-  انتى بنتى اللى مخلفتهاش ده انا اللى ربيتك لحد ما مشيتو من البلد
حبيبه :- ربنا يخليكى يا رب
محمد :- انتى بتعيبى على سهير وانتى اسخم منها ما تسيبى البت شويه
حبيبه :- سلمت على محمد وعلى اشرف من غير نفس وقعدة جمب ابوها
محمد :- انت طبعآ يا اخويه عارف احنا جاين ليه علشان نطلب ايد بنتك حبيبه لابنى اشرف واحنا مش عايزين منك حاجه البيت فى البلد فى دور مخصوص لاشرف ابنى ومتجهز من كل حاجه وهندفع مهر لعروستنا علشان تنزل تجيب هدومها ولو فى حاجه نقصها والشبكه اهى بتاعة المرحومه امك كنت مشتريه منها ومخلى لعروسة ابنى ها ايه رأيك
حسن :- طبعآ يا محمد ده شئ يشرفنى ان بنتى يخدها ابنك بس طبعآ الرأى الاخير للعروسه
محمد :- مش هى العروسه وافقت وجينا على اساس كده وبص لحوريه وقال ولا ايه يا ام عمر
حوريه :- اه طبعآ موافقه يا اخويه حتى اسألها
محمد :- ايه رأيك يا عروسه
حبيبه :- ………………………
محمد :- ها يا بنتى ردى عليا
حبيبه :- بزعل موافقه
محمد :- نقراه الفاتحه دلوقتى ونلبس الشبكه وعلى أخر الشهر الفرح
حسن :- ايه بسرعه كده انتو مستعجلين كده ليه
محمد :- يا اخويه خير البر عاجله ومدام كل حاجه جاهزه يبقى ليه نستنا
حوريه :- عندك حق يا اخويه
حسن :- بص على بنته شاف دمعه نزله من عينيها قال بحزن ماشى موافقين
محمد :- طب يلا نقراه الفاتحه وقراه الفاتحه ولبس الشبكه والكل خرج وساب اشرف مع حبيبه
اشرف :- مبروك يا عروسه
حبيبه :- من غير نفس الله يبارك فيك
أشرف :- يااااه انا مش مصدق انك بقيتى بتاعتى ياروح الروح ومد ايده يمسك أيديها
حبيبه :- زقت أيده وقالت لو سمحت أحترم نفسك ومتلمسنيش تانى
أشرف :- ليه بس مش انتى خطيبتى
حبيبه :- خطيبتك مش مراتك يعنى مش مسموح تلمسنى
أشرف :- كلها اسبوعين وألمسك براحتى  يا قشطه انتى
حبيبه :- بنفاذ صبر اللهم طولك ياروح لو سمحت اتكلم بأحترمك معايه ممكن
أشرف :- انت تأمر يا قمر
حبيبه :- لا كده كتير ممكن نطلع ليهم
أشرف :- ما تخلينا قاعدين مع بعض شويه 
حبيبه :- قامت واقفت وقالت لا انا طالعه ليهم بره عن أذنك وسابته ومشيت
أشرف :- وراكى يا مزه لحد ما تحبينى
……………………………………………………
كان الكل قاعد ودخلت حوريه المطبخ تحضر حاجه يشربوها ودخل وراها محمد:- خدى يا ام عمر حلاوتك اهى وادها ظرف
حوريه :- شدته من ايده وقالت من يد ما نعدمها كام دول
محمد :- 50 الف يا مرات أخويه
حوريه :- ايه بس ده قليل اوى ده انا عملت مجهود كبير اوى على ما خلتها توافق
محمد :- يا ام عمر خديهم ومتطمعيش
هى الجوازه كلها مش هطلع منها بحاجه
حوريه :- ماشى مع انى كان عندى امل تكون الفلوس اكتر من كده بس يلا بقى اهم حاجه عندى سعادة بنتى
محمد :- اه ما انا عارف بالاذن وخرج وسبها
حوريه :- مسكت الظرف وباسته وقالت مش مصدقه نفسى ان معايا المبلغ ده
بس اهم حاجه اخبيهم ومحدش يعرف بيهم واخدتهم ودخلت الاوضه خفت الظرف اللى فيه الفلوس فى الدولاب وخرجت وعملت العصير وطلعت بى من المطبخ 
وانتهى الوقت وروح الكل على بيته ودخلت حبيبه غيرت وخرجت من أوضتها وراحت عند أوضة أخوها عمر
……………………………………………………
فى قصر عزالدين

دخلت ديمه أوضتها وقفلت على نفسها الباب بالمفتاح واتصلت على عصام
وانتظرت الرد
عصام :- ايه يا بنتى برن عليكى بتكنسلي عليا ليه
ديمه :- كنت هتودينى فى داهيه عمال ترن وانا كنت قاعده مع بابا واخواتى تحت
عصام :- اوعى يكون فى حد حس بحاجه
ديمه :- لا عرفت اتصرف وقولت عليك واحده صاحبتى
عصام :- شاطره يا قلبى وبعد كده سيبى تليفونك فى الاوضه واقفلى الباب لما هتكونى معاهم
ديمه :- حاضر
عصام :- حاضرك الخير يا قلبى
ديمه :- مامتك عامله ايه دلوقتى
عصام :- لسه عامله العمليه وتعبانه
ديمه :- الف سلامه عليها
عصام :- دى هتجن وتشوفك من كتر كلامى عنك
ديمه :- بجد يا حبيبى
عصام :- اه ده انا مصدعها بيكى
ديمه :- ربنا يخليك ليا طب هات اكلمها
عصام :- لسه واخده العلاج ونايمه لما تصحه هخليها تكلمك
ديمه :- خلاص ماشى
عصام :- ديمه هو لو انا طلبت منك تيجى تبصى عليها هترفضى
ديمه :- بقلق ب.ب.بس مينفعش يعنى شكلى هيبقى قدام مامتك وحش
عصام :- بزعل خلاص يا ديمه قوليها بصراحه انتى خايفه منى
ديمه :- لالا يا قلبى انا عمرى ماخفت منك بالعكس انا مش بحس بالامان غير وانت جمبى
عصام :- ماشى خلاص يا ديمه عايزه حاجه هنام انا تصبحى على خير
ديمه :- استنا هنا انت زعلت
عصام :- لا انتى عندك حق انتى عايشه فى قصر ايه يغصبك تروحى تبصى على واحده فى شقه صغيره متجيش قد اوضه عندكم فى القصر
ديمه :- لالالا انا عمرى ما فكرت بطريقه دى أبدآ طب خلاص هات العنوان وانا بكره لما ابيه يوصلنى ويمشى هركب تاكسى واجي اطمن على مامتك
عصام :- خلاص يا ديمه مفيش لزوم
ديمه :- وحياتى عندك ما تزعل وقول بقى العنوان
عصام :- مشكلتى ان بحبك ومش بقدر ازعل منك خدى العنوان اهو
ديمه :- بمووووووت فيك يا عصومى تصبح على خير
عصام :- وانتى من أهله يا قلب عصومى من جوه
……………………………………………………
فى بيت حسن جادالله

خبطت حبيبه على باب اوضت عمر وسمعت صوته بيأذن ليها بدخول
حبيبه :- فتحت الباب وقالت بتعمل ايه
عمر :- من غير ما يبصلها ولا حاجه
حبيبه :- مجتش ليه قعد معانا
عمر :- واقعد فى مكان مش حابب الناس اللى فيه ليه واقعد فى موضوع مش موافق عليه من اساسه ليه
حبيبه :- علشان خاطر اختك
عمر :- اقعد علشان أختى لو عارف ومتأكد انها هتكون مبسوطه وموافقه عليه بأردتها مش موافقه على واحد هى مش بطيقه اصلا
حبيبه :- اه مش بطيقه بس برضه حياة بابا مهمه بالنسبالى وعارفه ماما عناديه قد ايه ولما تكون عايزه تمشى حاجه بتمشيها غصب عن الكل وابوك دلوقتى مش زى الاول ابوك قلبه تعبان واى توتر اوعصبيه ممكن يروح فيها وده كان ممكن يحصل لو قولت لا انا عندى اعيش مع واحد مش بحبه وتعيسه ولا ان بابا يحصله حاجه ويسبنى
عمر :- بعد الشر عليه طبعآ بس انتى برضه يعتبر رايحه للموت برجليكى لما تعيشى طول عمرك تعيسه وقلبك مكسور
حبيبه :- ياحبيبى كل شئ بأيد ربنا ولو ربنا كاتبه ليا يبقى ده خير علشان ربنا مش بيكتب حاجه لحد وحشه
عمر :- ونعمه بالله بس انا عايزك تعرفى ان هفضل طول عمرى وراكى وفى ضهرك واى حاجه هتحصل ليكى هكون انا معاكى فيها ومش هسيبك
حبيبه :- ربنا يخليك ليا يارب
عمر :- حضن حبيبه وقال ويخليكى ليا يا ضيى عنيا
وشويه وخرجت حبيبه وراحت اوضتها ونامت بعد يوم طويل وشاق 
……………………………………………………
اشرقت شمس صباح يوم جديد فى سماء عروس البحر ليستيقظ سيف من نومه دخل حمامه واخد شاور وطلع لبس هدومه وخرج من اوضه ونزل من على السلالم وصبح على ابوه وقعد
سيف :- امال فين أدهم وديمه
عزالدين :- أدهم سبقنا على الشركه وديمه لسه فى اوضتها
سيف :- بأستغراب أدهم يسبقنا على الشركه دى غريبه
عزالدين :- ما انا برضه استغريت لما قالى كده
سيف :- ربنا يهدى
وفى الوقت ده جت ديمه
ديمه :- صباح الخير
الكل :- صباح النور
ديمه :- اسفه ان اتأخرت بس راحت عليا نومه
عزالدين :- ولا يهمك يا حبيبتى
سيف :- اقعدى يلا افطرى علشان متأخرش اكتر من كده
ديمه :- لالا يا ابيه مليش نفس يلا بينا
سيف :- يلا ومشى سيف وديمه وصلها لجامعه ومشى بعربيته
ديمه اول ما شافت عربية اخوها اختفت وقفت تاكسى واديته العنوان وراح عليه
……………………………………………………
فى بيت حسن جادالله

استيقظت حبيبه من نومها وهى حزينه
تشعر بكل ما حوليها باللون الاسود ونزلت دمعه من عينيها مسحتها
بضهر ايديها وقالت
حبيبه :- كفايه دموع بقى انا مش هقبل اكون ضعيفه تانى ولو الجوازه دى فيها خير ربنا يقربه ليا ولو فيها شر ربنا يبعده عنى
وقامت من على سريرها ودخلت حمامها اخدت شاور واتوضت وخرجت لبست هدومها وادت فرضها وخرجت من اوضتها
حبيبه :- صباح الخير
الكل :- صباح النور
حوريه :- رايحه فين كده
حبيبه :- ايه يا ماما مش خلاص حصل اللى انتى عايزه سبينى اروح الجامعه بتاعتى
حوريه :- ماشى يا حبيبه روحى
حسن :- طب اقعدى يا بنتى كلى لقمه
حبيبه :- لا يا بابا مليش نفس
عمر :- طب استنى انا خلصت خلاص تعالى اوصلك معايا
حبيبه :- ماشى يلا
ونزلت حبيبه مع اخوها عمر وركبوا التاكسى وصلها الجامعه وراح هو على شغله
……………………………………………………
فى شركة عزالدين

كان أدهم قاعد فى مكتبه ومقعد السكرتيره بتاعة مكتب ابوه على رجله
أدهم :- تعرف يا جميل ان انا صاحى بدرى وجيت الشركه دى فى الوقت ده علشان عيونك انت
السكرتيره سمر :- بدلع بجد يا ادهومى
أدهم :- يخربيت جمال اسمى من شفايفك دول قوليه تانى
سمر :- بدلع ادهومى
أدهم :- قرب على شفايفها وبسها ودخل عليه فاجئه كريم
سمر :- قامت وقفت وقالت احم ت.ت.تأمرنى بحاجه تانى يا استاذ أدهم
أدهم :- بغمزه لانبقى نكمل كلامنا بعدين
سمر :- ع.ع.عن اذن حضرتك وخرجت تجرى من المكتب
أدهم :- ايه يا عم فى حد يدخل كده علطول مش تخبط الاول
كريم :- بصدمه ايه اللى انت بتعمله ده احمد ربنا ان انا اللى دخلت عليك مش اخوك ده لو كان سيف كانت حصلت حريقه فى الشركه ومكانش حد هيعرف يطفيها
أدهم :- يا عم فكك بقى مش كفايه نزلنى الشغل غصب عنى سبونى بقى امتع نفسى بدل الملل اللى الواحد فيه ده
كريم :- يا أدهم فكك من السكه اللى انت ماشى فيها اخرتها وحشه واتقى ربنا شويه فى بنات الناس
أدهم :- هما مش بنات ناس لو بنات ناس مش هيقبلوا يخرجوا مع شباب ويسهروا معاهم مش هيقبلوا حد يمد ايده عليهم ده الواحده دلوقتى هى اللى بتطلب من الراجل انه ينام معاها ويعاشرها فى الحرام يبقى ازاى نقول عليهم بنات ناس
كريم :- بس فى ايدك انت تبعد عن السكه الحرام دى وتشوف ليك بنت حلال بجد تصونك وتبقى ملكك انت لواحدك وتبقى فى الحلال وبما يرضى الله
أدهم :- لا انا مليش فى سكة الجواز دى انا بحب التجديد يعنى ازهق من واحده اسبها وادور على غيرها علطول
كريم :- ربنا يهديك يا ادهم
……………………………………………………
عند ديمه وصلها التاكسى للعنوان ونزلت منه وحاسبته وبصت على العماره من بره واتوترت وقالت
ديمه :- اجمدى يا ديمه عصام بيحبك مش ممكن يعمل فيكى حاجه وحشه واخدت نفس عميق ودخلت العماره وطلعت الدور اللى فيه الشقه وخبطت على الباب وفتح ليها عصام
عصام :- ازيك يا ديمه اتفضلى ادخلى
ديمه :- ش.ش.شكرآ ودخلت الشقه
عصام :- قفل الباب ودخل وراها وقال اتفضلى اقعدى على ما ادخل انادى على ماما
ديمه :- ماشى وقعدة.ودخل عصام وبعد شويه جه ومعاه كوباية عصير واداها لديمه وقال
عصام :- اتفضلى يا حبيبتى اشربى ده وشويه وماما جايه
ديمه :- لالا شكرآ مش عايزه
عصام :- ولو قولتلك علشان خاطر عصومك
ديمه :- ماشى واخدت منه الكوبايه وشربتها وشويه حست بدوخه
عصام :- مالك يا حبيبتى
ديمه :- مش عارفه حاسه ان انا دايخه والدنيا بتلف بيا ومره واحده اغمى عليها ومحستش بحاجه
عصام :- ديمه حبيبتى انتى نمتى وقعد يخبط على وشها ولما اتأكد ان المخدر عمل مفعول معها شلها ودخلها اوضة النوم وسلب منها اغلى ما تملك بدون رحمه ولا شفقه
……………………………………………………
بقلمى (دودو محمد)