وراء كبرياءه عاشق

«وراء كبرياءه عاشق»

الفصل الثانى

اشرقت شمس صباح يوم جديد فى الاسكندريه
وبدأت حبيبه بالاستيقاظ فتحت عينيها بتثاقل وتذكرت ماحدث بالأمس وقالت
حبيبه :- اعمل ايه ياربى شكل مصطفى مش ناوى على خير ولو قولت لعمر مش هيسكت والمشاكل هتزيد وهتفضح اكتر فى الحاره لا كده كتير بقى الموضوع ده ملهوش نهايه ولا ايه
وقامت من على سريرها دخلت حمامها واخدت شاورها وخرجت لبست هدومها  وطلعت من اوضتها وقالت
حبيبه :- صباح الخير
حسن :- صباح النور يا حبيبتى
عمر :- صباح العسل على عيونك ياجميل
حبيبه :- ده انت اللى جميل وعسل كتك القرف فى حلاوتك كده ههههههههه
عمر :- لالالا انا كده هتغر بقى
حبيبه :- من حقك يا قلبى ده يا بختها وحظها اللى انت هتخدها
حوريه :- اتكتمو شويه واقعدو كلو بقى
حبيبه :- حاضر
عمر :- حاضر بس متزقيش كده فى الكلام يا حاجه
حسن :- هههههههههه ده انت مشكله يا عمر
……………………………………………………
عند سيف صحى من نومه ودخل حمامه اخد شاوره ولبس هدومه وخرج من اوضه ونزل
سيف :- صباح الخير يابابا
عزالدين :- صباح النور يا حبيبى اقعد افطر يلا
سيف :- قعد وقال امال فين البيه
ديمه :- نايم فى اوضه يا ابيه
سيف :- واحنا مش قولنا نلتزم بالنظام والمواعيد
أدهم :- وهو نازل من على السلم سورى يا سيف بس طول الليل كنت سهران بذاكر مش قادر وسطى اتكسر
سيف :- رفع حواجبه وقال تذاكر من امته ده
أدهم :- اصل كلامك دخل عندى على مركز المخ علطول واقنعته الصراحه
سيف :- ياررراجل
أدهم :- اه مش قادر اقولك على جمال المذاكره وسهولتها مفيش احسن من كده
سيف :- بذمتك مش مكسوف من نفسك
أدهم :- بقولك ايه اللهى يسترك بلاش محاضراتك على الصبح
سيف :- طب راعى ان عندك اخت بنت واللى بتعمله فى البنات ما يتعملش فى اختك
ادهم :- بجديه ده انا اقطع رقابتها لو تفكر تعمل كده
سيف :- وانا قبل منك بس راعى ربنا فى بنات الناس علشان ربنا يسترها على اختك
أدهم :- قام وساب الاكل وطلع اوضه
سيف :- بنأدم مستهتر
عزالدين :- ربنا يهديه يا ابنى
سيف :- يارب يا بابا وقام من على الاكل وبص لديمه وقال لو اكلتى يلا علشان اوصلك الجامعه بتاعتك
ديمه :- ا.ا.اه خلاص يا ابيه وقامت ديمه من على الاكل ومشيت مع سيف وصلها الجامعه وراح هو على شركته
……………………………………………………
عند حبيبه فطرت وقامت هى وعمر علشان يوصلها  الجامعه وصلها عمر وراح على شغله
دخلت حبيبه الجامعه وهى خايفه من مقابلة مصطفى وقعدة تبص حواليها
اول ما شفوها صديقاتها رنا ورشا طلعو يجرو عليها وحضنوها
رنا :- حبيبه وحشتينا ايه يا بنتى الغيبه دى كلها
حبيبه :- معلش يا رونى كان عندنا ظروف منعانى انزل والله
رشا :- ومكنتيش بتردى علينا على التليفون ليه دا احنا قلقنا عليكى وكنا هنيجى عندك البيت بعد الجامعه نسأل عليكى
حبيبه :- معلش يا روشا بقى والله ده انا عدت عليا ايام ما يعلم بيها الا ربنا
رنا :- ليه احكلنا ايه اللى حصل
ميرهان :- انا اقولكم اصل الهانم اتقفشت مع مصطفى فى وضع مخل بالاداب وقضت ليله فى الحجز
استوب :- (ميرهان حسين بنت اشهر رجل اعمال فى مصر مغروره جدآ فى نفسها بسبب جرى الرجاله وراها علشان ينوله رضاها متبرجه جدآ فى نفسها ولبسها ملفت للانظار بتحب مصطفى وبتغير من حبيبه جدآ ومش بتحبها )
نرجع تانى
رشا :- ايه الكلام اللى بتقوليه ده استحاله حبيبه تعمل كده
ميرهان :- اهى عندكم اسألوها كلامى صح ولا لا.
رنا :- انتى واحده كدابه مستحيل حبيبه تعمل كده وبصت على حبيبه وقالت سكت ليه ياحبيبه ردى عليها وكدبيها
حبيبه :- بصت ليهم و عيطت 
ميرهان :- ههههههه شوفته بقى ان كلامى صح وسبتهم ومشيت
رشا :- حبيبه انا عايزه اعرف ايه حصل بالظبط
حبيبه :- وهى بتعيط محصلش حاجه والله
رنا :- اهدى ياحبيبه احنا عارفين انك محترمه واستحاله تعملى حاجه وحشه اكيد ده ملعوب من اللى اسمه مصطفى خطيبك
حبيبه :- ا.ا.انا سبته خلاص
رنا ورشا :- فى صوت واحد نعمممممم
رشا :- لا بقى انتى تيجى نقعد فى الكافتيريا وتحكى لينا الحكايه بتفاصيل
حبيبه :- طب بعد المحاضره
رنا :- لالالا مش هقدر اصبر ده انتى سيبتى مصطفى الثقيل ده بعد ما كنا انا ورشا بنتحايل عليكى تسبيه وكنتى بتقولى بحبه ومقدرش اعيش حياتى بعيده عنه يلا بسرعه احكلنا ايه اللى حصل
حبيبه :- حاضر تعالو الكافتيريا احكلكم دلوقتى وامرى لله
وراحو التلاته الكافتيريا وقعدوا وحكت ليهم حبيبه كل اللى حصل
رشا :- يا نهار اسود ازاى يعمل كده ده ندل وجبان
حبيبه :- ولو ربنا مبعتليش الشخص اللى انقذنى من ايده كان زمانى دلوقتى متحطمه من اللى كان هيعمله فيا
رنا :- ابن ال يعنى هو كان نيته سوده من الاول انا قولتلك بلاش شكله مكانش مريحنى وكانت نظراته ليا بتخوفنى من كتر وقاحتها
حبيبه :- اهو سبته وخلاص
رشا :- انتى لسه بتحبيه
حبيبه :- احنا ملناش يد فى قلوبنا يا رشا
رنا :- بس نقدر نتحكم بعقلنا يا حبيبه افتكرى اللى حصل معاكى واجبرى قلبك يكرهوا
حبيبه :- مش بسهوله دى مش لما عقلى يقتنع الاول ويكرهو ابقى اكره قلبى فيه
رشا :- حتى بعد ما كان هيخطفك وكان ناوى شر ليكى
حبيبه :- يمكن الموضوع ده اللى خلانى اخاف منه شويه بس برضه مكرهتهوش
رنا :- ربنا يكرهك فى يا حبيبتى ويبعت ليكى راجل بجد يستاهل حبك ويقدره
حبيبه :- انا وانتو يارب
رشا :- طب يلا ندخل المحاضره
رنا وحبيبه يلا
……………………………………………………
عند سيف فى الشركه كان قاعد مع كريم فى مكتبه 
سيف :- بس ونزلت من العربيه وانا سبتها ومشيت
كريم :- انت ايه معندكش دم تسيب البنت تروح بيتها فى الوقت ده لوحدها طب افرض البنأدم اللى كان بيجرى وراها فاق وخطفها تانى
سيف :- وانا مالى ما تولع وبعدين اللى كان بيجرى وراها اخد علقه تنيمه فى سريره اسبوع ميتحركش منه
كريم :- طب كنت كمل جميلك ووصل البنت لبيتها
سيف :- خلاص يا ابنى احنا مش هنقضى اليوم كله نتكلم عنها نركز شويه فى الشغل بقى
كريم :- ماشى خلاص مفيش داعى تتعصب اتفضل اتكلم فى الشغل
سيف :- احنا دلوقتى هنجتمع مع اصحاب التصميم الهندسى ده انا سهرت طول الليل عليه وانا عارف ومتأكد ان صاحب البرج لازم يطلع عيب فيه بس لو مقتنعش بالتصاميم دى و اتكلم نص كلمه النهارده نلغى العقد معاه علطول 
كريم :- بس الشرط الجزائى اللى محطوط فى العقد كتير اوى هنخسر مبلغ كبير لو لغينا العقد معاهم
سيف :- تولع الفلوس بس محدش يتحكم فيا ويعدل على تصميمى اللى بسهر طول الليل اصممها وبسببها شركه   عزالدين لبناء والتعمير  بقت رقم واحد فى السوق
كريم :- طبعآ دى بقت اشهر شركه فى مصر كلها
وسمع سيف صوت خبط على الباب
سيف :- اذن للى بيخبط الدخول
السكرتير :- يا افندم الاجتماع فاضل عشر دقايق ويبدأ
سيف :- ماشى اتفضل روح مكتبك
السكرتير :- عن اذنك
كريم :- سيف اهدا كده شويه جوه فى الاجتماع وبلاش عصبيه مع العمله الله يكرمك
سيف :- ربنا يسهل
كريم :- مش مطمن ليك يلا يا بينا يا اخويه
ودخل سيف وكريم غرفت الاجتماعات
……………………………………………………
عند أدهم فى الجامعه كان قاعد وسط شلته الفاسده ( شريف ووليد وخالد وميرنا و جومانه )
شريف :- هنقضى الليله فين يابرنس
أدهم :- انا مش فى المود خالص يا شباب ومليش نفس اسهر النهارده
ميرنا :- بدلع ليه كده يا ادهومى ده السهر ما يحلاش الا معاك
وليد :- بقى البوص ميسهرش معانا النهارده ليه ايه حصل فى الدنيا
أدهم :- النهارده سيف اخويه كلمنى كلام زى الزفت قفل مودى
خالد :- هو اخوك ده مورهوش غير النكد انا فى حياتى كلها مشفتش بنأدم زى اخوك ده قفل كده وعلطول كشرى ومبيعرفش يفرح
جومانه :- بس الحقيقه موز اخر حاجه ده انا هتجن ويبص ليا حتى بصه واحده
أدهم :- ريحى نفسك اخويه بيكره اى شئ مؤنث وبيكره الحريم اوى علشان كده متحوليش مش هيعبرك
ميرنا :- المهم يا ادهومى هتسهر معانا النهارده
ادهم :- شد ميرنا فى حضنه وقال علشان خاطر عيونك انت يا جميل هسهر معاكم
……………………………………………………
فى بيت حبيبه كانت قاعده حوريه وبتتفرج على التلفزيون وسمعت خبط على الباب
حوريه :- قامت تفتح الباب وكان على الباب محمد اخو حسن من الصعيد ومعاه اشرف ابنه
محمد :- اذيك يا مرات اخويه
حوريه :- يا اهلا وسهلا اذيك يا محمد وبصت لاشرف وقالت اذيك يا اشرف بسم الله ماشاءالله ابنك اشرف كبر وبقى راجل
محمد :- ههههههه ده عنده سبعه وعشرين سنه يعنى راجل ودكتور كمان
حوريه :- الله واكبر ربنا يخليهولك
محمد :- طب ايه يا ست حوريه مش هدخلينا ولا ايه
حوريه :- يوووه يقطعنى اتفضلو 
ودخل محمد واشرف الصالون وقعده فيه
محمد :- امال فين حسن اخويه
حوريه :- فى الشغل وزمانه جاى
محمد :- وقف وقال خلاص نمشى ونبقى نيجى فى وقت تانى بقى يكون اخويه موجود
حوريه :- ابدآ والله ما انتم ماشين الا لما تتغدو والعيال يسلمو عليكم اقعدو بس
محمد :- قعد وقال امال عيالك فين
حوريه :- عمر فى الشغل وحبيبه فى الجامعه
محمد :- بسم الله ماشاءالله هى كبرت ودخلت الجامعه
حوريه :- اه فى كلية الهندسه وعمر اتخرج من كلية الشرطه
محمد :- ربنا يخليهوملك وتفرحى بيهم
محدش فيهم ارتبط
حوريه :- لا والله لسه وبعدين منين هنجوزهم وهو كل الجاى على قد اللى رايح
محمد :- ربنا يرزقكم برزقهم يارب
حوريه :- ثوانى هدخل اعمل ليكم حاجه وجايه
محمد :- ملوش لزوم التعب
حوريه :- تعبكم راحه ده انتو نورتونا النهارده
محمد :- تعيشى يا مرات أخويه
ودخلت حوريه المطبخ
محمد :- بص لابنه وقال زى ما فهمتك تبلف البت بنتهم علشان تتجوزها وتغصب عليها بعد كده تتنازل على حقها فى الارض ليك
اشرف :- حاضر يا ابا بس بدل الجواز ده كنا قدرنا نخلوها تمضى بمية طريقه تانيه
محمد :- لا مش مستعد اخاطر بحاجه مش مضمونه تخلينا نتكشف
اشرف :- وافرض البت موافقتش بيا
محمد :- هتتجوزها بالعافيه
اشرف :- ازاى بقى
محمد :- عن طريق امها نغرى امها ونملا عنيها وهى هتقدر تغصب بنتها على الجواز
أشرف :- وانت ضامن امها دى
محمد :- اه حوريه طول عمره بتحب الفلوس اكتر حاجه فى حياتها حتى اكتر من عيالها وانت بقى وشطارتك
أشرف :- وافرض طمعت اوى يبقى الارض دى بخساره علينا
محمد :- يا عبيط مهما هندفع مش هيبقى حاجه من اللى هيجى من وراه الارض دى
وفى الوقت ده دخلت حوريه
حوريه :- لمؤاخذه يا خويه اتأخرت عليكم
محمد :- لالا خدى راحتك
حوريه :- وانت خاطب بقى يا اشرف
اشرف :- لا يا مرات عمى
حوريه :- ربنا يرزقك ببنت الحلال
محمد :- ده مصدعنى كل شويه بحكاياته مع بنتك وهما صغيرين
حوريه :- مش قاعدو كام سنه مع بعض وهما صغيرين
أشرف :- ده انا هتجن واشوف حبيبه اوى بعد ما كبرت
حوريه :- دى كبرت وادورت وبقت قمر
اشرف :- شوقتينى اكتر يا مرات عمى هى لسه قدامها كتير
حوريه :- لا ساعه بكتير وتكون هنا
اشرب يا محمد اشرب يا اشرف
محمد :- من يد ما نعدامها يارب
……………………………………………………
فى شركة عزالدين
كان عزالدين قاعد فى مكتبه ودخلت السكرتيره ليه
عزالدين :- نعم
السكرتيره :- فى واحد بره عايز حضرتك
عزالدين :- مين ده
السكرتيره :- واحد من العمال اللى هنا اسمه حسن جادالله
عزالدين :- ماشى خليه يدخل
طلعت السكرتيره ودخلت حسن وقفلت الباب وراها
عزالدين :- اذيك يا حسن اتفضل اقعد
حسن :- شكرآ يا عز بيه انا كنت عايز اكلم حضرتك فى موضوع
عزالدين :- اتفضل انا سمعك
حسن :- انا كنت تعبت من فتره صغيره ورحت لدكتور وقالى عضلة القلب ضعيفه ولازم استريح فى البيت علشان مع المجهود بتضعف اكتر ومحدش عندى فى البيت يعرف الموضوع ده وكنت بتمنى مسبش هنا غير لما ادخل بنتى عندك فى الشركه بس ملحقتش فاكنت بطلب من حضرتك ان بنتى تيجى تحجز وظيفه لحد ما تتخرج
عزالدين :- الف سلامه عليك يا حسن واحنا مع بعض من زمان وطول عمرك سمعتك الكل بيشهد بيها طب بنتك فى كلية ايه
حسن :- كلية هندسه
عزالدين :- طب تمام دى فى نفس مجالنا ماشى يا حسن شوف هتقدر تنزل من امته وانا هدخلها مهندسه تحت التدريب مع سيف ابنى يدربها
مع انك هتقطع بينا والله يا حسن
حسن :- ربنا يكرمك يا عز بيه والله الواحد زعلان ان مش هيشوف حضرتك تانى
عزالدين :- تبقى تيجى كل فتره كده تسلم علينا
حسن :- ان شاءالله مع السلامه يا عز بيه
عزالدين :- مع السلامه يا حسن
……………………………………………………
عند سيف فى الاجتماع
سيف :- ها ايه رأيك فى التصاميم
العميل :- مش بطال
سيف :- يعنى ايه مش بطال
العميل :- يعنى مفيش تصميم احسن من ده شويه
سيف :- تصميم احسن من ده ازاى يعنى  التصميم ده احسن شركات بره طالبه منى بس انا قولت فى بلدى احسن
العميل :- ياسيف باشا تحس حضرتك ان مدخل مساحات كتير فى التصميم ده وانا عايز استغل المساحات بشكل افضل من كده
سيف :- بعصبيه والله حضرتك شغل الخياطين ده مش هنا اللى بقى ليا حطت قماش علشان اعملها فستان للبت لا دى شركه محترمه وانا عارف شغلى ايه مش هيجى واحد زيك يعرفهونى هو ده التصميم اللى عندى عجبك عجبك مش عجبك يبقى معندناش تصاميم تانيه واعتبر العقد لاغى
العميل : - انت قد كلامك يعنى انت عارف معناه ايه
سيف :- ايوه وفلوسك هتخدها على الجزمه القديمه
كريم :- اهدا بس ياسيف وسبنى انا اتكلم وبص للعميل وقال اتفضل حضرتك اقعد نتفاهم
العميل :- بعد ما اهنى فى شركته
كريم :- احنا اسفين ليك اتفضل
وقعد العميل مع كريم
كريم :- بس حضرتك الموقع بتاع البرج هو اللى حاكم علينا بتصميم ده علشان الجبهه اللى عليها الارض حواليها مرافق كتير وانت طلبت مننا قبل كده نقلل فى مساحات الشقق ونكتر فى عدد الشقق واستاذ سيف سهر طول الليل عليه علشان يطلعه ليك كده وبالفعل لما بعتنا التصميم بالفاكس فى بلاد بره طلبو مننا نفس التصميم بس سيف رفض وقال الاوله بلادى تكون فيها التصاميم دى 
العميل : - اوكى كلامك على عينى وعلى راسى بس حضرتك انا عايز استغل الارض بأكتر شئ ممكن
كريم :- والله حضرتك هو ده التصميم اللى متوفر حاليآ عندنا وصعب الباشمهندس سيف يصمم غيره دلوقتى علشان عندنا ملتزمات هنبدء فيها من بكره  شوف حضرتك عايز ايه واحنا معاك هتقبل بالتصميم اوكى هنبدء من بكره مش هتقبل يبقى هتتضر تستنا شويه لحد ما يكون فى وقت متاح للباشمهندس ويصمم ليك تصاميم تانيه واحنا تحت امر حضرتك
العميل :- لا استنا ايه خلاص اوكى اتوكل على الله وابدء الشغل من بكره
كريم :- خلاص اوكى من بكره ان شاءالله هنبدء الشغل
العميل :- شكرآ ليك يا كريم باشا
كريم :- العفو احنا تحت امرك فى اى وقت
العميل :- الامر لله السلام عليكم
كريم :- وعليكم السلام ومشى العميل وقعد كريم قصاد سيف
كريم :- مش ناوى تبطل عصبيتك دى اللى بطفش بيها العمله
سيف :- بعصبيه ده راجل ابن ستين **** مش عاجبه حاجه خالص
كريم : - انت لوكنت اتكلمت معاه بهدوء كنت قدرت تكسبه زى ما انا عملت
سيف :- والله انا كده ومش بضرب حد على ايده علشان يجى يتعاقد معانا ويمسك شركتنا شغله الكل بيجى على سيرة شغلنا وسمعته
كريم :- يا سيف الحياه ابسط من كده فك شويه مش كل حاجه عصبيه وخناق الحاجه بتيجى بالهداوه وضحكه حلوه كلمه طيبه
سيف :- انا كده شخصيتى كده مش بحب الدلع ولا الحال المايل بحب النظام مش بحب الدوشه مش بحب الاعتراض مش بحب اعيد كلامى اقول كلمتى مره واحده
كريم :- الله يكون فى عون اللى هتخدك وتعيش معاك عمرها كله ده لو مكنتش هتخلص عمرها بدرى
سيف :- وانا اخد ليه واحده واتحمل زن وصداع الستات وتتقمص وتتلوى وتمد بوظها شبرين انا استحاله افكر فى صنف الحريم ده كلهم غشاشين وبتوع مصلحتهم ومش بيحبو حاجه فى حياتهم غير الفلوس وبس
كريم :- مش كلهم ياسيف فى بنات كويسه وعايزه تعيش
سيف :- تعيش بعيد عنى انا عمرى ما فكر فى صنف الحريم ده نهائى
…………………………………………………
بقلمى (دودو محمد )