قيود بين سلاسل الماضي
البارت 22
ريتاج الموسوي
سالم... الو
أفنان... خليت الخاولي على حلكي وكلت الو
نعم.... تفضلي منو وياي
أفنان... اني زوجة استاذ ضرغام
سالم....
نعم ست تفضلي اهلا وسهلا بيج
أمر خدمه
أفنان.... لا يأمر عليك ضالم استاذ انت زميل النه بالعمل وعمرنه مشفنه منك الا الخير واخ عزيز
سالم....ست احنه اخوه قبل لا نكون زملاء عمل تفضلي امري
أفنان.... أستاذ صح انت اكبر منه كلنه وتعتبر استاذنه وعلى راسنه جميعا بس
هذا ميمنع انو تعرف الحقيقه
سالم.... ياحقيقه ترى كلبي كام يرجف خيرج ست شنو الصاير
أفنان.... اني اتصلت عليك حتى اشكيلك وبنفس الوقت يكون عدكم علم كااهل زوجي وبنت اختك سرى عدهم علاقه وجاي يخوني
وياها واني بعد ما اتحمل صبرت هواي عليهم بس كافي لهنا وبس استاذ سوي حل البنت اختك والا ميصير خير ابد رغم كل احترامي لحضرتك بس الاحترام وحد والحقيقة وحد
سالم.... انتي شجاي تحجين معقوله لوتشاقين
أفنان لا مااشاقه وعندي ادله هواي يله استاذ من رخصتك وقد أعذر من انذر مع السلامه
وسديت الخط
كعدت على القنفه وكلي خيبة أمل معقوله هاي اني الي هيج سويت صعب وموقف
يحمل كل معنى من الالم انك تعيش عمر كامل انسان سوي ومسالم وطاهر وجوهرك جميل يتلوث بهيج أفعال بس الضروف
جبرتك تعيش وتصرف حسب ماتحكمك المواقف أحيانا بس الإنسان ملزم يكون
انسان بكل وقت صح اني تربيت بيت امي انسانه همها الاول إرضاء والدي بس الشهاده لله كانت انسانه فقيره وعمرها مااذت
احد وعلى حد فطاريتها وفقرها كانت اذا المقابل يصفعها بهالخد تنطي الخد الثاني
وصح كان والدي انسان ماملتزم دينيا ويشرب وكان قاسي ويانه بس عمره معلمنه انو ننتقم من اي بشر كان دائما يوجهنه الصلاة
ويعلمنه التسامح بحق الي يغلط ويانه يمكن مو بشكل الصحيح او المطلوب بس عمرنه
مشفناه حاول انو يجرنا للاذيه الغير رغم كل اذيته النه وحياتنه عشناها بيد البيبي الي كانت مثال للام وللاب يمكن افتقدنا هواي من
امنا وابونا لكن هي كانت الي ترمم كل فراغ وكل شي مهدوم بينه اذا ياافنان منين صارت عندج الجراءه بالانتقام من سرى حدث
وولاده تصنعها المواقف تجبرك تصرف تصرفات عمرك مخطرت بالك تسويها السبب
السبب الي حواليك والي تقودهم عقول مليانه خبث ورذاءل سرى حتى تحفظ سرها ومتنكشف
حاربة كل شي حلوو بحياة أفنان بس مكانت تعرف انو هذا الحرب الي شنته نتائجه قد تكون معكوسه والتعالي
على أمور ربنا يريدها تصير واحنا نحاربها هذا هو الكفر بحد ذاته ممكن تحارب شخص تجرحه تهينه وتاذي لكن شنو موقفك لو ربك هو الناصر
والمعين اله ماكو شخص ميخطاء سبحانه الكل خطاءين بس شي جميل من نوكف يم اخطاءنا ونحاول نصححها مو مثل سرى كامت
تداوي غلطها بااخطاء اكبر واوسع بس حتى تغطي عن خطاءها الاول
أفنان بين الي متندمه وبين اكول هاهي هي الي بدت دخلت والدتي عليه وكالت صح الي سمعته
أفنان اي ماما
صح لهنا وكافي بعد ما اتحمل اسكت سرى اذتني حيل ولازم اوكفها حدها
امي وتلطم على صدرها من شوكت وجاي فنونه هيج تنتقم وترد نفس الالم للمقابل ولج أفنان تخبلتي تالي عمرج
أفنان اي اي انتي الكلتيها تخبلت وكمت اشهك وابجي تخبلت من حاولت اعيش
حالي حال اي طفله ومكدرت وتخبلت من شفت نفسي بمكان يليق بيه والكل حارب هالمكانه ويريدني اكون تحت نقطة الصفر وتخبلت
من ردت اعيش حالي حال اي بنيه وأخذ لو جزء بسيط من حقوقي صفنت لحضه وكتلها هاي اني أفنان انسانه غير الي تعرفونها ولدتني الضروف وحكمتني المواقف ودخلت الغرفتي كعدت
وخليت راسي بين رجليه اشهك وابجي واني صايمه احس روحي ماعت دخلت عليه امي وكالت والله ياافنان اني رايده سعادتج بس الغلط
ميداوه بغلط وانتي باامي متربيتي على الانتقام أفنان انتي هيج صرتي مثلها ورديتي عليها وفضحتيها كدام خالج هسه هاي
هم عمله باامي وتعمليها مفكرتي بااختج زين اني امج مكلتي هاي بنت اختها وراح ينتقمون منها لان كلتي الخالج
أفنان مارديت وبقيت بس عيوني تصب دموع باوعت عليها وكتلها والله تعبت
تعبت باامي واني اسمع واشوف حتى شرفي طيحته بالكاع سرى ومحد بيكم يأخذ حقي تعبت واني اشوف الي ربيت بيهم عمر ويعرفون عني كل الخير يسمعون عني عندي علاقات وسوالف محلوه واني بريءه مااكدر حتى أثبت الهم براءتي
وج أفنان منو
يكدر يجيبج بالموزين هذا ابوج بكل سطوته وجبروته وهيمنته علينه وتعامله القاسي مشفتي شسوه من شاف الرساله مو تعامل وياج بكل هدوء هذا شنو معناه باامي معناه ممصدك الي
سمعه لان الحقيقه متغيبها الشمس
أفنان دنكت وكتلها خلص الصار صار وممتندمه ابد
امي كومي تعلميني بيج روحي للسطح هذا اليوم اول يوم من رمضان وبدل
هالدموع والبواجي ادعي الله وهو ينصرج ولو الكلام معاد يفيد هو ياامي صبرتي صبرتي باقي يوم وتنكشف ليش ستعجلتي باوعت عليها
هيج نضرة استفهام وكتلها اختج هم تعاتب بنتها على عمايلها السوده مثلج
اوف ياامي صح الي تحجي بس زمنا ناسه كلها غلط بغلط المباديء والقيم
صارت عدهم مثل المي المهدور بالكاع متكدرين الا تمسحين هالمي حتى تكدرين تمشين ومتزلكين بي
أخذتني من ايدي وكالت
كومي وياي للسطح اهناك اريح الج اذكري الله ومثل ماكو شين اكو زين والدنيا بعدها بخير المثل يكول لو خليت قلبت
والله بعده مكالبها للدنيا
أفنان رحت للسطح كعدت على آخر بابه واتذكر وجابتني الذكريات من الصغر الهالعمر
نزلت
دخلت لغرفتي حته ارتاح اشويه
سمعت التليفون دك
،،،هذا اكيد عماد مسحت ادموعي بكفوف ايديه وكمت فعلا اني محتاجه احجي ويا هسه
جبت التليفون خليته بغرفتي
افنان بصوت مقهور..الو هلا عماد
عماد...هلا عمري فنون شلونج
...الحمدالله بخير
...بس صوتج ماعاجبني افنان بيج شي
...لا بس تعبانه شوي
...لا مو تعب انتي جنتي تبجين صح
افنان...لا ماابجي يتهيأ لك
عماد...بصوت عالي...افناااان لاتضمين شي عليه احجي
افنان...تبجي...عماد الصارلي موشويه
يجوز انته عندك هالشي صغير بس بالنسبه الي جبير
اتهموني بشرفي واخلاقي عمااد
عماد...افنان لاتبجين والله جاي تگطعين گلبي
ان شاءالله كلشي راح يخلص باقرب وقت صدكيني
افنان...سديت التليفون وابجي
فجئه فتحت الباب امي ودخلت بسرعه مسحت ادموعي
مريم...افنان ليش تبجين يمه
والتليفون شيسوي يمج
..سكتت ماحجيت
...جنتي تحاجين عماد
هاا ماتحجين ،،،،هزيتلها براسي بمعنى اي
مريم...ماما ميصير تحجين ويا هذا يبقه رجال غريب
واني من سمحتلج اخر مره
لان يريد يحل مشكلتج ف خليتج تحجين ويا هسه مابقه شي
فدوه ماماتي بهذا الشي جاي اضرين اختج
حسيت على صوت أبويه الي بدخلته الكل تأخذ إنذار وصاح وين أفنان
أفنان نعم بابا
تعاي عندي موضوع وياج
رحت وراه يمكن الخوف هو سيد كل المواقف دخلت وكتله نعم بابا كال
ادري بيكم كل رمضان تعزلون وتنضفون وهاي الأمور بس انه اريد بعد الفطور اليوم نضافه غير شكل
أفنان يعني شلون مفهمت
والدي غرفتي
اريد تدخلين عليها وتنضفيها تنضيف من الحياطين ليجوه مو بس نضافه حتى تسمين عليها وتطهريها تطهير كامل
أفنان
قبل شهر هيج سويت من وصيت امي
الوالد اليوم هم هيج اريد
أفنان بكلبي قبل هالمره
من سمعت امي وصتني شكد تمنيت وتاملت كلت يجوز راح يتوب بس اشو فتره ورجع نفس الشي
هاي المره هم نفس
الشي راح انضف واطهر ويوم يومين ونفس العاده مراح يتغير شي يا والدي
الوالد وين صفنتي أفنان لا مصفنت وياك اي اليوم راح اغسلها واعزلها
ردت أطلع كال سدي الباب
وراح اريد انام ساعه زمن
طلعت وسديت الباب ورأيه وصار الليل وفطرنه ومثل موصاني لزمت الغرفه من الحياطين ونازله غسل ونضافه فول كملتها وطلعت
وكل وحده بينه احنه الخوات على شغله كملنه شغلنه ساعه ٩ بليل دخل والدي وصاح على امي
راحتله
الوالد اليوم اريدج تاخذين البنات والولد للنوم من وكت
عكس كل يوم
امي صار
الوالد تبقين يمهم ومثل كل مره ممنوع لاطبه ولاطلعه للنوم مباشرة لا هذا يريد يشرب
ولاهاي تريد تاكل ممنوع منع باتا هاي الأمور تصير حدكم لل ١١ تبلغين الكل بكلامي اجي الكه الكل نايم حتى انتي
امي ميخالف ابو سيف تامر شي ٢
الوالد لا يله كل من على شغلته
امير
بعد ماسألت ولد اعرفه بالمستشفى يعرف بهالسوالف يعني روحاني
حجيتله ع الي يشوفونه اولادي
كلي ...خويه بيتك هذا بيه ارواح شريره يعني مسكون
...اعوذ بالله بس انه عايش بيه عمر ماشفت بيه شي
لو مسكون جان لمحت شي
او خفت
ابد هذا العمر كله مرتاحين بيه ولا واحد من عدنه شكى منه
...اي ابو سيف صح كلامك
بس بيتك يجوز استوه مسكون وشويه شويه يطور
دير بالك تلاحگه بسرعه تره تتعقد الشغله
ويتسودنون جهالك
امير..يا ساتر يالله
والحل شنو
...الحل تجيبلك واحد يقرا ببيتك ويعزم حته يطلعون من البيت
امير...وليش اجيب واحد انته مو تعرف بهالسوالف علمني وانه اسوي
...يخوي صعبه عليك ماتگدر
امير...انته بس علمني وماعليك انه اقرا شنو هيه طلاسم وايات
...تروح وياي للبيت انطيك الكتاب
...فعلا رحت وياه للبيت واخذت الكتاب اسمه قاهر الأرواح
....شوف ابو سيف قبل لاتقرا تحصن نفسك ب آيه الكرسي وتكعد بغرفه ضلمه ونظيفه وتسوي مثل مامطلوب منك
واي غلط ينگلب عليك وعلى عائلتك دير بالك وترا اني حذرتك مو تگول ماگتلك
امير...ماعليك مادام كلشي مكتوب اطمئن
اخذت الكتاب ورحت للبيت طلبت من البنات ينضفن الغرفه
اجت امي وبلغتنه بكلام والدنه الي سابقا الكل يعرف كلمته وحده متصير ثنين
مريم...شوفن يمه ابوجن يكول لحد تطلع بعد هاي جبتلجن الماي واكل
خاف تجوعن لاتسوي مصيبه فدوه العمرجن
وفعلا صار الوقت حضرنه حتى السحور ودخلنه كلنه للنوم تنفيذا للااوامر
الكل خضع الاوامره حتى العيون الي متريد تنام لازم تنام الا عيني اني شكد حاولت انام مكدرت اجه والدي على ساعه ١٢ ودخل
الغرفته طبعا امي كانت يمنه احنا وتسولف النه قصص حتى نكدر نام ما اعرف شلون
بعد دخلت والدي كدرت عيني تنام الجو حيل بارد وجوه اللحاف وامي تسولف النه قصص أخذني الدفا والتعب وغفيت كعدت ساعه ٢ وعشره اول شي سويته باوعت للساعه
وكلت بيني وبين روحي بعد وكت أكعد خواتي واخواتي للسحور خل ابقى بفراشي وانتظر لحضات وحسيت امي مموجوه يمنا تاركتنه وطالعه بس اسمع صوت أبويه يحجي ويسولف
وي امي ويكولها اشعلي نار خل يرحون منا هم يخافون من النار وامي تبجي بصوت خافت
أفنان بداخلي منو ال يروح وليش تشعل نار بهيج وقت كلام غريب وليش أبويه يرجف صوته هيج وامي تبجي بصوت خافت
بهاللحضه وسمعت أبويه صرخ بصوت مؤلم جدا بحيث رفعت لحافي اريد اروحلهم بس صاروا كدام عيني شخصين من دخلوا من باب الغرفه رغم هي مقفوله بس دخلوا بدون حتى ميفتحوها
وللحكايه بقيه انتظروني احبكم
شوفو هاي مراسله ويا البنيه صاحبة القصه
فشلتوني ماكو تفاعل