قيود بين سلاسل الماضي
البارت ٢٠
ريتاج الموسوي
...............................
ملاحظه
قبل ما اكتب بقية قصتي احب انوه الشي بعض التعليقات يكولون عن القصه ماكو هيج شي سبق وكتلها للكاتبه ونوهت إلها انو ما اريد اي اضافه تخص الشخصيات المذكورين بالأخص من تتمحور عنهم القصه واخذت منها عهد انو كل كلمه تنكتب او اي حرف ينكتب يكون حقيقي ومابي اي زياده لان القصه باقيه بمرور الزمن واني وغيري راحلين وتاركين خلفنه اعمالنه وافعالنه حبيباتي اني الي دااكتبه حقيقه بحته خاليه من اي اضافات او تشويقات وقسما برب الكون سرى سوت كل هاي الافعال الي ذكرتها والي راح اذكرها بالبارتات الجايات قبل كنت كثر ماانصدم باافعالها اني نفسي مااصدك هي عدها هيج أفكار ومكر مخزي حتى الشيطان متمر عليه هاي الافعال وهذا دليل على تحمل الي تحملته منها ومرات اصفن اكول أفعالها هاي مشفتها غير بالمسلسلات مكاره ومنافقه والي راح تسويه بالجايات اكبر والله يشهد عليه منطقت غير الحقيقه دون زياده او نقصان بالعكس راعية الله بيها هواي حتى لاابات ضالمه وابات مضلومه لكن ضميري مرتاح من يم اي شخصيه نذكرت بالقصه وخلوني ابدي وياكم الي وكفنه يمه
من شفنه الحجار الي يتشامر علينه والباب يروح ويرجع
متنه خوف
وبقينه واحد شابگ الاخ ونبجي موقف يعادل الف يوم
ربع ساعه ونسمع الولد يصيح
...عمو لاتخافون اجو اهلكم
..شويه
اجو اهلي من بيت عمي وصعدوا عمي وابويه وابن جيرانه يطاردون للسطح
ونزلونه كلنه من السطح واحنه حالنه حال بس الله يدري بي
امير،،، هاي شنو شبيكم شنو الصار
أفنان
سولفنة كل الصار كدامهم وبعد ماسمعوا منه أبويه بقى صافن وكال هاي انتوا تخافون يجوز اولاد واطفال الجيران ديخوفوكم وسكتنه على هالشي بس الي لاحظته أبويه وجه نخطف
وأخذ عمي على صفحه
امير ...اكلك خويه هذا الشي ماينسكت عنه
خاف البيت مسكون
مازن...لا ابو سيف انته تصدگ بهاي الشغلات خرافات
تلكاهم خافو وكامو يتخيلون
امير،،،يتخيلون شنو
هسه لو كايلي همه جان كلت خافو وتخيلو بس هذا ابن جيرانه سمع صوت بجيهم وصياحهم
والحجار الي يتشامر عليهم
مازن،،، الحجار هذا اكيد ولد المنطقه درو بيكم طلعتو ويردون يخوفونهم ويضحكون عليهم
وبعدين لو مسكون جان شفتو بيه شي من زماان
امير،،،اي والله عشت بيه عمر ماشفت شي
مازن،،،هسه انته حاول تمتص الخوف منهم خطيه مدام تخيلو راح يبقون يرعبون من اتفه الاشياء وتصير حياتهم جحيم
،،،اي والله
شورتك وهداية الله
الوالد
يله باباتي كل واحد بيكم اختبره واذا نجح باختباره انطي هديه
واحد واحد بيكم يصعد للسطح يجيب شي معين من السطح عوده او اي شي موجود
واليصعد وميخاف اله هديه مني
أفنان
عرفت أبويه جاي يمتص الخوف منه بهاي الطريقه وفعلا
بدينه نصعد واحد واحد وهو ينتظرنه بااول الدرج ويتلكانه وينطي الكل من يصعد
وينزل بوسه وفلوس
أفنان
أبويه مرات تحس عنده حنية الكون كله بي ومرات تحسه انسان مستحيل تكدر تعيش وياه من عصبيته وأفعاله
وصل السره الي وصعدت
وكان صعودي خوف بخوف وهاي حقيقه لازم اذكرها كنت حيل خايفه
وكل درجه اصعدها احس روحي اقترب من شي خطر أكثر وأكثر جان رعب بالنسبه الي
وي كل خطوه كانما اعدم نفسي
مثل الجايبينه لحبل المشنقه
وصلت الاخر درجه واباوع للسطح مالتنه كبالي صار موكدين مال نار ونار تشتعل الوحدها
وعليها جدرين مال اكل
وطفل يركض بتجاهي عمره ويتجاوز ٣ سنوات يركض بتجاهي وشايل بيده كلاص وكال اريد منكم ملح امي كالت روح وجيبلي منها ملح
أفنان
اريد اندار لبويه حتى احجيله او حتى اصيحه او مجرد احد ينتبهلي ماكو
اسمع أبويه يصيح
أفنان أفنان
أفنان
اريد اردله بس مااكدر لساني مشكول ورجلي طابكه بالأرض متتحرك والخوف مسيطر
على روحي وقلبي اريد احجي وي الطفل او اخذ الكلاص حاولت حاولت
بدون اي جدوى باوعت للسماء وكلت بكلبي يارب بحق ابا الحسنين علي فكني وبديت اقره قرآن فجاءه محسيت بعد الا واني
بفراشي فتحت عيوني باوعت ع االمكان بغرفتي
تذكرت الشي الصار
احس روحي
راحت وامي يم راسي وتكول يومه اسم الله وج يومه همزين فتحتي عيونك
أفنان اني وين
الوالده يمه بفراشج لتخافين
أفنان
منو جابني هنا
الوالده
صعدتي للسطح وابوج يباوعلج وصلتي البيتونه مال السطح مابيها دقايق وكفتي
وبده جسمج يروح ويجي وصعد ابوج يطارد وكعتي بين ايده يمه الله سترج وموكعتي من فوك للكاع
أفنان ماما بيش الساعه
يوميه ب١٢ ونص نامي ارتاحي توه الليل
بده وابوج راح للصيدليه يجيبلج ابره حتى يضربها الج يكول حتى لا ترجع النوبه القلبيه عليج
أفنان
ابتسمت يانوبه
الوالده
لعد شنو الخلاج تفقدين
أفنان
لالا ماكو شي اريد انام تعبانه حيل
اي يمه نامي والصباح رباح
بحيل الله تصيرين احسن
أفنان خطيت راسي واني كلي وجع مو وجع جسدي لا
وجعي وجع روحي
كل مااهم واريد احجي الامي احس لساني ينعكد وشي يمنعني احجي
الي شفته شيجيبك ياصبح وادز على عمتي واحجيلها الي شفته بس هي تعرف الي ديصير بي شنو
رحت جوه بطانيتي
وكل شويه يتراوالي الي شفته يارب منو هذا الطفل ومنين هاي النار خفيت واني افكر بهالشي وطلع صباح جديد واول مكعدت كلي أمل انو الي شفته مجرد كابوس ومو حقيقه
امير، صباح الخير أفنان
أفنان ،،،صباح النور
،،،شلون صرتي اليوم
أفنان
احسن ليش شنو الي بيه
امير،،،، اموت واعرف توكعين ونشيلج للمستشفى السبب كلبج
من نسوي كل الاجراءات الفحوصات تطلع سليمه بابه أفنان انتي من شنو تشكين بالضبط يعني شتحسين قبل لاتوكعين
أفنان
بابا دكات كلبي ونخزه بصدري تصير قويه حيل بحيث مااكدر بعد أجر النفس
امير،،،
هيج من ذاته كلبج يخربط لو اكو شي معين يخليج هيج تصيرين
أفنان،،،
افهمت قصد بابه بس خفت اكوله او احجيله شنو السبب الحقيقي
شرد اكوله اكوله من اشوف هذا الرجال عليك لو احجيله من شفت النار والطفل
اوف ياكلبي شتتحمل بعد
امير،،،،
اشو سكتي أفنان
أفنان
لا بابا هو من كيفه هيج يصير بي
أفنان
عافني وراح للمستشفى وقبل لايطللع
وصه امي وكلها اخذي أفنان خل تطلع تغير جو مااريدها تنحبس بالبيت احتمال صاير عدها ضغط نفسي وهيج داتتخربط
أفنان
يا هاي من شوكت بابا هيج يكول الله يهديك يا بابا
اتذكرت من خابرني عماد وكالي
راح يجي يخطبني
أفنان
اليوم على اساس عماد يدز اهله واني ما الي اي واهس ابد يارب عديها على خير بحق محمد وال محمد
سرى
بعد ماصرخ عمي على عماد بكل صوته طلعت عمتي من الحمام وجاوبته
هلا حجي عماد بعده بشغله خير ليش تعيط
من يجي ابنج كوليله
يجي اريده داخل للغرفه اصلي
ام عماد
اباوع للحجي عيونه تجدح نار وكتله صار بس ردت اسالك مريت على البنات حتى نروح البيت ابو سيف من وكت
الحجي سدي الموضوع ومحد ميحجي بعد بهيج موضوع كدامي
،،،،،،ليش حجي خيرك شنو الي صاير ليش انقلب الوضع مو ابنك متخبل على البنيه شراح تكوله
راح يجي
واني أكعد اتفاهم وياه المهم اليوم مترحون وابنج اتركي عليه
ام عماد،،،،
صار الي تريده يجرالك
الحجي دخلت الغرفتي ونار واجه بكلبي واقره بالرساله مره ومرتين
وكان اعيط بعلووو صوتي
ام عماد
سمعت الحجي يصيحلي ورحت اطارد عليه طبيعته من يعصب يحرك الأخضر واليابس
،،،،ها حجي صحتني
ابو عماد،،،،اي تعاي اكعدي هنا
ام عماد
كعدت وكال
راح اسالج سؤال واحد وقبل لاجاوبين فكري بااجابتج كل الزين اليوم منو عزل الطرمه وغسلها
ام عماد اني
ابو عماد،،، ملاحظتي اي شي بالكاع
ام عماد،،،، لا من غسلتها خليتها تبرج وملاحضت اي شي بيها
الحجي
،،، منو دخل منو طلع
ام عماد ،،،محد لاطلع ولا احد اجانه
الحجي
الباب ندكت اليوم قبل جيتي
ام عماد
لا حجي والله
الحجي بصوت عالي ،،،، ،،وج تخبليني تذكري زين
واحجي لا تنسين شي
ام عماد
انت لو بس تفهمني شنو الصار
الحجي
مالج علاقه انتي اعصري دماغج وكوليلي مشفتي ملاحظتي شي
ام عماد
بقيت صافنه وبكلبي اكول والله ياسرى شفتج من ذبيتي الورقه
بس يارب اعذرني مااكدر احجي الصدك لان بس عماد يعرف راح تصير مشكله
كبيره واني اخاف على ولدي لايتقاتلون بينهم بس ياسرى وين راح ترحين من الله
خربتي مشيت البنيه الج الله ياافنان فزيت على صوت الحجي اخرسيتي انعكد السانج احجي
ام عماد لا حجي
محد دخل ولا احد طلع
سرى
رحت اسمع على عمتي وعمي وشلون عمي يحقق بعمتي اي همزين الحمد لله
عمتي مشايفه شي
وكعتي بيدي ياافنان والله والله محد يخلصج مني
والا ادفعج ثمن غلطتج غالي
لعد اني سرى تجي
وياي بالبيت جنه مثل افنان
حته تعرف كلشي عني وتفضحني
بس تصير وياي اقل عركه بيني وبينها تروح تكول لاحمد
ام عماد
ردت أطلع من باب غرفتي وشفت سرى طارد بتجاه غرفتها ولج ياوكحه البنات
ماتبطلين سوالفج الشينه اوف الك الله يومه عماد
هاي بنت عمك
مراح تعوفك بحالها
ورجعت أشر بهدوم البيت واذكر كل سوالف سرى من يوم دخلت البيتنه لليوم
كضتها كلها
بوك ومشاكل ولج حتى بنت خالتج ماسلمت من شرج شذكر وحده ثنين أذكر من كان
عمها يجيب الفلوس مال حاصل البستان ويضمه حتى اني ما اعرف وين يضمهن
يجي ٢ يوم يلكاهن ناقصات بوقتها ابو عماد گلب الدنيا علينه
خطيه تعب السنين راح
بيوم وليله والمشكله انه متاكده منها هيه الباكتهن بس هيه جديده علينه بس
مااكدر احجي لان ماعندي دليل عليها
لو لذكر من عماد شكد
بوكت فلوس ومن ابني الصغير رحيم مال شغله شكد باكت اوف بس مثل
ومكيول حرامي البيت الي متمسكه شكم عصه تضربه هاي سرى وهاي سوالفها كانت حتى المواد الغذاءيه نطلع من البيت تلزم
وتأخذ منها وتروح تبيعها حتى تحصل شكم فلس ماخلت على حالنه حال
وعمها الشفيه من نكوله على سوالفها وافعالها يكول ماشفنه بعينه زين
بعد وين توصلنه بنت اخوك وتعترف على روحها
عماد
دخلت للبيت المغرب وفرحان حيل لان اليوم راح ادز اهلي دخلت للبيت والكل كالب وجهه
كعدت على القنفه وسلمت
وكتلهم ,,,,,خير شبيكم شنو ليش الوجوه مكلوبه
ابو عماد
تعال هنا أكعد يمي
بدون اي مقدمات البنيه الي تريدها منريدها احنه
عماد
باوعت على سرى وجهه يضحك من سمعت حجي أبويه
رجعت باوعت الوالدي خير شكلبك الصبح كنت مقتنع شنو الغيرك
الحجي
هاك اقره وانت تفهم
عماد
مديت ايدي على ورقه أبويه نطانياها
وفتحتها وبديت اقره واقره وكل كلمه اقراها احس خناجر تضرب بكلبي ضرب فزيت على صوت أبويه
.....اقره بصوت عالي خلي الكل يعرف ليش و شنو السبب
عماد ....كلام أبويه خلاني اتخبل بالزايد
شنو تريد تفضح البنيه
الحجي....
ليش نفضحها
هي اصلا مفضوحه
والا منو هذا الي تحبه ويحبها
وتريده ودازلك تهديد تبتعد عنها وهو عنده علاقه وياها من زمان اقره منو الي يعرف بروحتنه الهم اكيد هي كالتله راح نجيهم
ودزلنه التهديد
عماد..... وانت صدكت بهيج ورقه
الحجي.... اي ليش لا البنيه الشريفه محد يجيبها بالطاري
عماد
أفنان شريفه واني اعرف منو الي سوه هيج
الحجي .....لا تبقى تصيح على راسنه البنيه موشريفه وهذا الدليل عدنه
أم عماد....
اباوع على عماد راح ينفجر من التعصيب وكل شويه اريد احجي
بس مااكدر لازم اسكت لان اذا عرف هاي سرى هي الي شمرت الورقه راح يقتلها مو بس ياذيها
عماد بقيت دايخ
اعرف سرى الي سوتها بس للاسف ماعندي اي دليل عليها اذا حجيت واجهتها
بدون دليل راح تنكر وراح توصل لهلها وأهلها لازمين اهل أفنان من ايد التوجعهم بقيت اتصايح اني والدي وخليت وطلعت واحس حتى ضغطي نرفع من العصبيه والتوتر
سرى...
بكلبي بعد شفت يا عماد مو كتلك مادام بالحياة مستحيل اخليكم تنجمعون
انت وافنان وكمت دخلت الغرفتي ومليانه فرح اوف اله اطفي نار كلبي هاي اولها ياافنان بعد شفتي مني عماد رحت المكان عملي اتصلت على بيت أفنان
واول مكالت
الووو
كتلها والله احبج ومراح اتركج
وداعت ربي انتي الروح الي بين جنبيه وما احب ولاحبيت بنيه بكد ماحبيتج
وداعت شبابي ياافنان مااتركج ولا راح اشوف اي بنت غيرج بحياتي انتي الي لو مو اليوم لو بعد ١٠٠٠ سنه متصيرين الغيري
أفنان
اسمع كلامه الي جان ينزل على كلبي مثل الشهد بس عرفت ورى كلامه هذا عدم جيه وحسيت صاير شي
أفنان... عماد كملت كلامك
عماد..... كملت بس لو تردين الصدك لا
أفنان ...
احجي اسمعك
عماد
سرى خربت جيت اهلي
افنان،،،، سرى شلون
عماد،،،،رجعت للبيت فرحان ومتونس ع اساس نخطبج
لكيت ابوي كالب الدنيا
ع اساس جايه ورقه بيها تهديد واحد يحبج ويقتلني اذا خطبتج وابوي مصدك وقافل
ع السالفه
وانه متاكد هاي من تدبير سرى
أفنان
عماد الورقه وين عماد يمي
أفنان
اريدك تدزها حتى اقراها
عماد.... ادزها بس بشرط توعديني متنقهرين من الكلام البيها
أفنان.... الهلدرجه الحجي البيها مو حلو
عماد.... اي والله ابد موحلووو
أفنان..... عماد ميخالف دزها واوعدك ماانقهر
عماد .....
صار الصبح توصلج
أفنان ...
ماشي اني اترخص منك أبويه على جيه
عماد.... اي ماشي الصبح نتواصل
مع السلامه
عماد ...مع السلامه
عماد
ما اعرف ليش حسيت أفنان دمرت من سمعت بالرساله ونقهرت حيل
صح مبينت كدامي بس اني حسيتها
اوف ياافنان من ورأيه شصار بيج وشحيصير بعد بيج
سرى
صبح الصبح واول مكعدت رحت للمطبخ لكيت عمتي محضره الريوك
....صباح الخير عمه
ام عماد
بصوت ناصي لاهله بهالصبح الي انتي بي ياام المصايب
سرى ....
ادري عمتي دردمت صح مسمعتها شكالت بس والله مااخليج تنغصين عليه فرحتي ولسه ماشفتو شي مني
تريكت بسرعه
وكتلها عمه
اليوم عندي مراجعه وي دكتورتي البنات بعدهم نايمات وبدل مااروح للعياده وتقطني الدكتور كومه اروح إلها للمستشفى وافض السالفه شغلة نص ساعه وارجع
اي روحي بس لاتتاخرين
سرى... صار
وبكلبي اكول اوف لو تدرون شضامتلكم
رحت غيرت هدومي
وطلعت بسرعه بعد ما اخذت جنطتي وبيها تكملة الخطه الي بديت بيها
وصلت للمستشفى وفعلا رحت داويت ممعقوله اخلي دليل عليه ورحت يم غرفة
ابو أفنان ولكيت هواي مراجعين يم غرفته بقيت أراقب الوضع وطلعت الضرف من جنطتي ونطيته الوحده من المراجعات
هلا حبي صباح الخير
اهلا صباح النور
سرى
هاي شكد مراجعين اليوم
اي هواي اوكفي سره هسه يوصل سراج
سرى لا والله
مستعجله ممكن اطلب منج خدمه
اي حبيبتي تفضلي
بس يوصل سراج هاي الضرف انطي الدكتور امير
كوليله فاعل خير دزه الك
اوك بس ليش مدخلين انتي
لامااكدر لان عفت أطفالي بالبيت وهسه الكاهم يصارخون
ماشي جيبي اني اوصل الامانه
سرى
نطيتها الضرف وبسرعه توجهت لهلي اكمل باقي الخطه دخلت البيت اهلي
وبعد السلام على اهلي طلعت ميس من المطبخ تمشي مثل البطه توها مكمله غسل المواعين باوعتلها ومسلمت عليها ولا حتى
هي سلمت عليه
سرى... اماني ترحين وياي اريد أطلع الرأس الشارع اشتري اوكسجين وصبغ اريد اغير لون شعري اماني لحضه خل ابدل
سرى
بسرعه البنات نايمات وعفت بس بيبيتهم يمهم
اماني ماشي يله كملت
ميس ...
ابد ولا ارتاحيت الجيت سرى هاي شعدها من صباحية الله جايه وهي توها طارحه وفوكاها تريد تصبغ شعرها والله يا الله
سرى ...
اخذت اماني وطلعت ووصلنه الرأس الشارع وكفت وكتلها ولج اني هيج حجيت حتى ميس متعرف الحقيقه
اماني... شنو قصدج
سرى.... تعاي واني افهمج بالطريق شسويت
نمشي واسولف إلها ووصلنه الاخر نقطه الي راح نذب بيها الورقه ٣
وفعلا ووصلنه البيت خالي
دكيت الباب وصاحت مرة خالي تفضلو ومن ردنه ندخل شمرت الورقه بالحديقه
مال بيت خالي بدون مانخلي احد ينتبه النه كان هذا اتفاقنه اني واماني انو تراقب الوضع واني اشمر الورقه
افنان
اجتني عمتي الصبح امي راحت تسوي جاي من شفتها شمرت نفسي بحضنها
اشهگ وابجي
جنان،،، بعد عمتج
لاتبجين سودة عليه شصاير بيج
وتبجي
مسحت ادموعي بأيديها ورفعت راسي
،،،بگلبج حجي اعرفج
شنو احجيلي شفتي نفس الي تشوفينه كل مره
افنان،،،لا عمه مو نفسه الي اشوفه كل مره
وحجيتلها الصار
حضنتني وكالت
،،،،عمه لاتخافين انتي روحج شفافه لذالك تشوفين هيج ان شاءالله ماكو شي
بعدها تحجي واندفر الباب بقوه
واسمع ابوي يصيح
،،،،، افناااااان
يتبع،،،،،
وللحكايه بقيه انتظروني واشكر كل انسانه تدعيلي وتشجعني على الاستمرار احبكم