قيود بين سلاسل الماضي
البارت ١٧
ريتاج الموسوي
...........................
نلملم أنفسنا بصعوبه ونحاول ان نعطي لكل شيء معنى 😔
اجت علينه خالتي سهام
و بوجهه الشماته مبينه جبتلها جاي وقدمته الها
اخذته مني وكالت
...مشكوره حبيبتي ان شاءالله اشربه بعرسج
وضحكت
ماعرف ليش كلامها نرفزني وحسيتها تقصد شي ومو ل الله
بقيت كاعده واسمعها تحجي ويا امي
مريم ...سهام اانتي اخيتي وانه من انطيتج بنتي امنتها عندج وكلت مايصونها غيرج
وانتي تعرفين كلش زين الناس الي اجو خطبوها
ونتي اجيتي وكلتي ل ابني وماتصير الغيره
كلت ياا فرحتي
بنيتي وعد اختي تحسبها مثل بناتها احسن من الغريب المانعرفه
تالي هيج تسوين
سهاام...يووو عليج ي مريم شكد تحبين العتاب كتلج الصار وخلاص
لو غيري وحده تشهركم شهيره على سواية بناتج بس غير خالتهن واحبهن وماريد الفضايح
وهسه اريدج تنسين الصار وانه ولا چنه صاير
أخذوا ميس ومن وصلوا الباب البيت
التفت خالتي الي وابتسمت ابتسامه كلش كرهته بوكتها وكانما تكول انتصرت عليكم والي ردناه سويناه بيكم
..............
ميس
لميت جنطتي فرحانه ماصدكت
مو معنى اني مرتاحه ويا خالتي وبناتها بس مااريد حياتي وحياة ابني تتهدم
لملمت اغراضي وطلعت
شفت محمد جان واكف بالباب باوعتله والدمعه تلالي بعيني
ودي بالشارع اگعد واعاتبه ليش هيج ماسالت عليه
لهالدجرجه اني رخيصه عندك
نزلت دمعتي ومسحتها بسرعه
شافني امسح بدموعي وماحجه شي طول الطريق جان السكوت سيد الموقف
بس كل شويه اشوفه يباوعلي بالمرايه
وصلنه للبيت ماعرف ليش گلبي نغزني وحسيت بضيگه خلگ وكانو جابوني لمكان اعدامي
عفتهم ودخلت لغرفتي
شفتها شلون وصخه والاغراض مطشره
وملابس محمد عايفها ع الجربايه
بدون غسل گلت بگلبي امه بس تعرف تصيح ماتعرف تدخل غرفة ابنها
وتغسل ملابسه
نزعت عباتي وبقيت اسفط بالملابس وانظف بالغرفه
شويه ودخل محمد وسد الباب
باوعتله ودرت وجهي ماحجيت شي
گال ...
شبيج ماتردين تشوفين وجهي
..باوعت عليه ورفعت حاجبي ورجعت اسفط
محمد...منو المفروض يزعل انه لو انتي
ميس انتي اهنيني بطلعتج هاي وفشلتيني گدام اهلي
وحسستيني انو انتي ماتحترميني ولا تقدريني
ميس باوعتله مصدومه من كلامه
محمد انته الي تزعل على شنو
لك انته مافكرت تجي عليه وتگلي ليش طلعتي
اسبوع اني بالفراش وحالتي حاله مافكرت حته ترفع سماعة التليفون وتگول شلونج
ابنك الي مهدد بلاسقاط ماسالت شلون صار
اليل ماانامه بس ابجي والاكل مايدخل بحلگي اخاف
اطلگ واني احبك
كل هذا بسبب اهلك والمفروض انته تزعل
انته يا محمد
محمد ...انتي بطلعتج بدون اذني بينتيلي انه ولا شي يمج ولا تحبيني
ميس ...ليش اني طلعت بإرادتي غير خالتي وبناتها دارن عليه ضرب وطلعني گوه
وفوگ هذا اتهمن اختي بأخلاقها
محمد ...لحظه شويه شويه
هذا حجي جديد افهم من كلامج انو امي السبب
واختج بريئه من الي سمعته
لعد والرساله والرسمه
...افنان مالها ذنب والله مضلومه
والرساله هاي جذب وحته الرسمه امي اخذتها بدون ماتدري ونطيتها ل سرى قبل لانتزوج
سويت هالشي لخاطرك بس ماجنت اعرف بيها ماتستاهل وتاخذ هالشي
ضدي وضد اختي احجي وابجي
محمد...تقرب مني ومسح دموعي بكفوف ايديه
ميس حبيبتي لاتبجين ماعاش الي يبجيج
صدگيني حجو عنج حجي لو انتي
بمكاني جان صدگتي
بس امي وخواتي دبارهم عندي الي تصرف ثاني وياهم
.......................................
رجعت امي بعد ما طلعوا وكانت كلش مبين عليها وكانت ابد ممرتاحه الوضع ميس
بس متكدر تحجي شي هاي أحكام وقوانين الزلم الي تلغي المراه بوجودهم ولازم تسمع وتنفذ فقط مر الليل اه يا ليل ما اعرف
ليش بده عماد يتردد على قلبي بكل هدوء وعفويه وكانما مثل نسمة هوى..... تلاعب الروح وبكل هدوء ورقه اسرح بخيالي بملامحه
وكلامه ومواقفه وبجراءته الي كانت بكل قوة بس بأدب واحترام للمقابل
أذكر من بده يتقرب إلي وصرت بينه وبين الحايط وشلون بده يشرط عليه حتى يفتح الباب لو اول نضره جمعتني وياه
شلون كانت وملامحه الي اول مره اشوفها عن قرب اتخيل وابتسم الحد مافزيت
على قرارهم الي قبل ساعات اتخذوه بدون حتى ميفكرون شنو عواقب هالقرار
أفنان
اني لازم أترك التفكير بعماد ملازم اسمح النفسي أفكر بي اختي وامي هم حياتي ومستحيل ااذيهم
او اكون سبب بااذيتهم طلع الفجر
واني اخذ وانطي وي نفسي وفارك النوم عيوني وجفاها وين تريد توصل بينه الحياة ال يامطاف أسمعه إذن الأذان كمت توضيت ودخلت اريد اصلي وكعدت والدتي
الوالده.... يمه أفنان فرشي السجاده الي حتى اجي اصلي
أفنان... بلي ماما ودخلت للغرفه كملت صلاتي
وردت اروح احاول وي نفسي حتى انام وسمعت امي
....أفنان أفنان
....نعم ماما
....تعاي عندي حجايه وياج
وبدت امي تسولف وياي عن الي صار بكعدت الزلم
يمه انه اعرفج كلش زين وواثقه من تربيتج
ولا عبالج صدكت بالي حجو خوالج لعمج انه اتذكر الرسمه الي
نطتها اختج ل سرى وهذا دليل كافي على برائتج
وحته الرساله موصحيحه
مدام اتهموج بالرسمه انتي گبال عيوني ماشفت شي عليج يخليني افقد ثقتي بيج
بنيتي حبيبه اريدج گد هالثقه ولا تنزلين راسي گدام عمامج
ابوج لو يسمع بالي دار بينهم جان ذبحج بس الله ستر وعمج سكت
ولاتنسين الشرط الي صار تره سعادة اختج بهذا الشرط خليه گدام عيونج
ونتي فاهمه وعقلج اكبر منج واكيد راح تتفهمين خوش ماما
وبقت توصيني انو دايما اخلي الشرط كدام عيني واليوم وبكره وبعده ابقي وماانساه بلحضه
أفنان.... صار دللي
الوالده... يله يمه كومي اصعدي للسطح اخبزي الخبز عجنت تالي الليل
حتى يكعد ابوج ويلكه الخبز حار
أفنان اي هسه صاعده بس اريد ١٠ دقايق مو اكثر
الوالده ...يمه موتتاخرين
أفنان ...لا صار مراح اتأخر
أفنان
رحت الدفتر مذكراتي وكتبت كل الي صار بعدها صعدت اخبز الخبز الي كل يوم بيومه حار بحار هاي طلبات الوالد
عماد
بليلتها سمعت بالشرط الي شرطوه الزلم
وانو أفنان مستحيل تصير الي الليل كله مثل السمجه المزهوره بس اتكلب
شيجيبك ياصبح والله لكلب الدنيا على روسهم كلب ما اعرف شلون غفيت
كعدت على صوت سرى تحجي وتسولف بصوت عالي وي بناتها الي عرفته من كلامها كان تريد تلبسهم حتى تروح لهلها
ولج اني الج تردين ترحين تشمين الأخبار من اهلج السكط
والله هاي فرحتكم مااخليها دوم ابد كمت ونفضت روحي من فراشي وتوجهت للحمام حتى اسبح واول مشافتني
سرى...
صباح الخير عماد والضحكه شاكه حلكها
عماد... الله لايصبحج ولايربحج اضحكين مو
سرى... غير اصبح بوجه ابن عمي وحمايه
عماد...
ولج سرى ماكو احد كدي عارفج روحي من وجهي لااطلع كل حركتي بيج
سرى... شبيك هاي من الصباحيات هيج
عماد ...امشي ولي ومن ترحين لهلج كوليلهم عماد مراح يجوز من أفنان
لو الدنيا كلها توكف بوجهه أفنان الي الي وتعرفوني شلون من اقفل على شي واريد
سرى
باوعت عليه شلون يحجي بثقه
حرك كلبي حرك وغيب ضحكتي بكلامه الأخير
رحت كملت تبديل البناتي حتى اروح لهلي والتفكير شغل بالي اعرف عماد مراح يترك أفنان
واني لازم اسوي حل من اروح لهلي راح أكعد وي امي وخواتي ونتفاهم
عماد اسبح والهم معطي كل ملامح وجهي
طلعت من الحمام شفت والدتي محضره ريوكي صبحت عليها وكتلها يومه شيلي الاكل ما تشتهي نفسي اي شي
دخلت الغرفتي
لبست وتعطرت وطلعت على اساس الشغلي امشي والطريق كوله أفكر شلون راح احلها وي عمام أفنان وآبوها
اول موصلت العملي شلت بيدي التليفون وبديت اتصل بدون حتى ماافكر ولاباوعت للساعه رن اول رنه وال٢ وب٣ صاح الوووو
عماد... بيت ابو فلان
امير... لا عمو غلطان
عماد.... العفو عمو اعتذر منك
امير... مو مشكله
عماد
سديت التليفون ونار احس بكلبي وينج ليش طلع لي ابوج أفنان ردي لاتخبليني
باوعت الساعه ب٧ ونص الصبح
يا بعد وكت الطلعته
اصبر بروحي كل نص ساعه وارجع اتصل ومره أبوها ومره امها ومره اختها
تخبلت وتهسترت من الوضع هواي انتبه عليه صاحب الشغل وكال.... ها عماد مو على بعضك اشوفك
عماد ...لا ماكو شي
...علينه بويه ترى الكتاب باين من عنوانه
عمي اخذ استراحه اليوم ولاتشتغل روحلها اذا مجاي ترد عليك
عماد... وين اروح
...بويه روح لهلها وكلهم لو تنطوني بنتكم لو انهبها
صدكني راح يوافقون لان شاريها هههههه
عماد ....هههه والله طلعت موهين
....لاعمي موهين عبالك بس انت توكع بالحب صح سبقناك بس الگلب بعده طري
عماد
نسولف ونضحك واباوع للساعه ٩ ونص رفعت التليفون وبديت اتصل رن ورن وجاني الرد الوووو
صحت الو وكلبي ينكط دم هم موهي بس هالمره مراح اتردد ابد
...اني اريد احجي وي أفنان
الاء...انت منو حتى تحجي وياها
عماد... انتي منو حبابه
الاء...اني اخت أفنان وانت
...اني عماد صيحيلي أفنان حبابه ولتكولين كدام ماما
لحضه اصيحلك أفنان
عماد
مصدوم من السمعته معقوله راحت تصيح أفنان وراح اسمع صوتها وقاطع صوتها كل تفكيري الووووو
عماد ..الوووو
مريم...ها عمه شرايد
عماد
صفنت على روحي شحجي واني الكنت متامل اسمع صوتها انوب صاحتلي امها
عماد...عمه اريد احجي وي أفنان
مريم
عمه متحجي ولا راح اسمحلك تحجي كافي الصار بسببك لهنا وكافي
كلام الزلم وصلك انو ممنوع تصير أفنان الك
عماد
خناجر وتضرب بصدري واني اسمع حجيها ترخصت منها وكلي خيبه
سديت التليفون واني صرت نار وكمت احرك بروحي حرك
أفنان
واكفه بعيد اسمع شلون امي تحجي بعصبيه وي عماد وشلون تذكره بالشرط
خنكتني العبره ما اعرف ليش يمكن لان احس بسببي جاي يتعذب وينهان
رحت الغرفتي خليت كتبي واوراقي واقلامي وكعدت ارسم وارسم
صار الضهر بين الغده والشغل
والكل بعد الغده يريد ياخذله قسط من الراحة متعودين نام وقت الضهر تسحبت للغرفه
واخذت وياي التليفون واتصلت على عماد بعد ماتاكدت الكل نام واول مكال الووو
أفنان ...بصوت كلش ناصي الووو
عماد ...ممصدك أفنان وياي
أفنان ...اي واريد منك طلب
عماد... كولي عيوني الج
أفنان... ما اريد عيونك
عماد... كولي
أفنان... توعدني تنفذ طلبي
عماد... غير اعرف شنو هو
أفنان... لا وعدني
عماد... صار بس احجي
أفنان
عماد انت جاي تعذب روحك واني مهاين عليه اسمع امي او غيرها يحجون وياك
بهيج طريقه اترجاك يا عماد تترك الأمر وتعيش حياتك اني مااصلح اكون زوجه الك او حتى الغيرك اصلا ممفكره بزواج حاليا
عماد
خلصتي كلامج
أفنان... اي وهذا طلب ورجاء عوفني تعيش مرتاح واهلي يرتاحون هم اختي وامي حرام علينه نهدم حياتهم
عماد
نهدم ليش نهدم
أفنان.... اي تنهدم مشفت الي صار بسبب خطوه وحده سويتها انت
عماد
اي لان اني وحدي وايد وحده متبني كل هذا الخراب كوني وياي أفنان وخل نتحد ونقاوم كل الصعوبات سوه
أفنان ...اني ماعندي اي مشاعر اتجاهك عماد مااكدر اسوي مثل متكول
عماد
أفنان كل الي صار وتكولين ماعندي مشاعر الك
أفنان ...اي ماعندي
عماد ...متاكده
أفنان... اي متاكده
عماد ...لا أفنان انتي غلطانه وعندي دليل
أفنان ...شنو الدليل
عماد... مكالمتج هاي
أفنان
لا غلطان هاي المكالمة بس حتى اخلي النقط على الحروف
عماد
لا هاي بداية للي جاي هسه تردين تنهي
أفنان
اني وين وانت وين تحجي
عماد ...اتراهن وياج أفنان هاي البدايه
أفنان... لا هاي النهايه عماد
عماد... مستحيل وراح تثبتلج الأيام
رجعت التليفون ورجعت الغرفتي حسيت بارتياح مو طبيعي وشعور بالفرح يملي كلبي
معقوله مكالمه وحده إلها هيج تأثير على الروح
عماد
رجعت للبيت فرحان حيل بمكالمة أفنان كان عوزي بس اطك اصبعتين هههه بس ما اعرف
واول مدخلت صارت سرى كبالي اعوذ بالله صرت اشوفها واشوف بليس بعينه مشيت
وتركتها حتى السلام مرديته إلها ومرة الأيام كل فتره احاول اكلم أفنان مرات احصلها ومرات
لا ومايوم بينت أفنان كدامي انو هي تبادلني نفس الشعور كانت جدا هادءه وطبيعيه صح نضحك ونسولف ومرات نشاقه
بس هواي لمحت المشاعري إلها وهي لا وصار الوضع هيج لعدة أشهر يمكن شهرين او ٣ واحنه نتواصل بالاتصال الى ان اجع يوم الي صار بي الي مجنت متوقع يصير بي الي صار
..................
ميس
حامل حاليا ٧ أشهر وبطني ولد الصبح كعدنه مثل كل يوم وبعدنه ممتريكين ودخلت سرى علينه شايطه بكل قوتها
سرى وينها اخت....... ام الولد الساقطه اليوم اله اخليهم عبره للناس
ام محمد.... ولج سرى شبيج نسيتي نفسج حامل توج شهرين وداتنزفين شبيج تخبلتي من الصبح
سري
اي اي تخبلت وينها خل تطلع اخت.....
ام محمد.... ولج اسكتي الجيران نفضحنه شبيج هوستج الاخر الشارع
ميس ..
لبست هدوم البيت وطلعت عليهم وهي طلعه وهي هجمه سرى هجمت عليه ماخلت شي ماضربتني بي
ام محمد ولج سرى مرة اخوج حامل وانتي هم ولج هدي البنيه وخل نفهم
سرى
اضرب بميس واصرخ اختج متركت عماد اختج .....لساها تتخابر وياه اليوم اميتج اليوم اخليهم يشيلون اسمج من الدنيا
ميس
احاول اسيطر على سرى وضربتها مثل ماضربتني بس بطني كانت عاليه واخاف على ابني ركضت منها ودخلت الغرفتي
وسرى لحكتني للغرفه واني اطارد بكل سرعتي دخلت واني ادفع بالباب وهي تدفع تدفع
واني ادفع بكل قوتي واصرخ ومحد يخلصني منها كدرت اقفل الباب
بس بعد معانا وهي راحت للمطبخ اسمعها تكول جيبوا سجين اليوم اكسر الباب عليها
ميس
من حركة كلبي وكمية الضرب والدفع الي دفعته عليه صدكت راح تجيب السجين وتجي اي اي هاي تسويها حقيره
كمت اطارد واصرخ ورحت على ميز الغرفه سحبته بكل قوتي وخليته ورى الباب
بعدها ردت ارجع
ومحسيت الاغبت عن الإدراك والوعي وش صار بعد ما اعرف
وللحكايه بقيه انتظروني بسرد قصتي أفنان احبكم كل من يقرء يتركلي دعوه حلوه واني جاي اقرء تعليقاتكم وحده وحده