قيود بين سلاسل الماضي
البارت ١٦
ريتاج الموسوي
سرى
من طلعت ميس من بيت اهلي قررت
انو اخلي الأمر الصالحي وانهي هاي المهزله واوكف عماد عند حده
اموت ومااخلي عماد يتزوجج يا افنان
بعد ما طلعت كعدت اني وامي واختي اماني نفكر شنو نسوي
سهام ...يلا كولي شراح اسوين الولد راح يروح من ادينه وياخذ بت مريم
وانه شحصل
سرى...
ماعليج يمه عوفي هالسالفه عليه
ميس وطلعت بس
شلون راح نصرف عماد ذا عرف اني الي ايد بطلعتها راح يكول كدام عمي واحمد وراح ينتقم مني خلونه نحول الأمر الصالحنه
اماني ...شلون يعني فهمينه اكثر
تره مثل الاطرش بالزفه
سهام ...
كوموا وياي اني اكوللكم شنسوي
سرى
لا اسمعوني وبعدين نقرر اني جبت الرسم وياي آلي اخذته من أفنان
وراح أكعد اكتب ورقه وراح اكتب كلام هواي على اساس أفنان دازته العماد
واكتب تعال واخطبني من اهلي وامي تأخذني ونروح الخالي الكبير ونراويه هاي الاوراق ونكول أفنان عدها علاقه بعماد وهذا الدليل
اماني ...هيج راح نتغده بيهم قبل لايتعشون بينه
وج والله فكره
ماتخطر ابال ابليس نفسه
سرى.....هههههه كتلكم وراح اكولها أفنان مستحيل تصير العماد مستحيل
كعدت اكتب وبعد ما كملت كتابه رسمت عين ومنزله دموع منها وعليها توقيع
حتى يصدكون من أفنان لان الكل يعرف بيها ترسم كملت ورحت على امي ...
ماما يله اني خلصت
سهام...اي لحضه خل البس ونروح بس اني وياج مراح ناخذ اماني
سرى... اماني اي والله انتي ابقي واذا اجه
محمد كوليله الصار بس بهاي الطريقه كوليله امي وسرى عدهم ادله على أفنان
وراحوا يودون الأدلة الخوالي ومن سمعت ميس تركت البيت بدون علمنه
اماني.... اي ماشي يله روحوا واتركو الأمور عليه بجية محمد
سرى
طلعت وي امي والطريق كله اتوعد أفنان ووصلنه البيت خالي ودخلنه البيتهم
وبعد ماسلمنه امي حجت وكالت
....خويه اسمعني جايتك بمشكله والحل من ايدك هاي الايدك هاي
احنه واكعين بورطه
سالم ... اي تفضلي والله وبخدمتج اختي الجبيره وعين فراش وعين غطه
سهام...ميس تركت البيت بدون علمنه وراحت لهلها
الخال ليش وشلون هيج بدون مشكله
او سابق إنذار
سهام...لا خويه هي اكو بس مو ويانه
سرى جتنه وداتسولفلي على علاقة أفنان بعماد وهي سمعت وتخبلت علينه بقت تعيط و تصيح علينه آخر شي لمت اهدومها وشردت
سالم...ينتفض من مكانه ويكوم
هاي شنو ومنين الكم هيج هالكلام وبياحق بنتج تحجي على بنت خالتها أفنان هيج
انه اعرفها افنان كلش زين
واعرف اخلاقها ماتسوي هشكل هاي تربية مريم
سهام...يخويه لاتنغر بيها
وتشوفها حبابه وساكنه تره ياما تحت السواهي دواهي
صاح بيها سالم بصوت عالي
...سهااااام كافي عاد
هاي بت اختج وعيب عليج وناقصه من تجيبيها بالموزينه وتتهميها
هيج اتهام باطل
سرى كمزت من مكانها وكالت ....
لا مداتتهم باطل اني عندي ادله اتفضل شوف بعينك هاي الاوراق الدازتهن أفنان العماد
سالم... ومنين جبتيها ولج
سرى
بقت ساكته
... هاي شلون راح تنحل شكوله
سالم... مو داالغي منين جبتي الاوراق سرى احجي
تره روحي وصلت لخشمي
سرى ...خالي جبتها من غرفة عماد لكيتها على المكتب مالته
واني جنت اسمعه يخابر بنيه بس مجان بفكري انو هاي افنان لحدما دخلت لغرفته انظفها
وشفت الرساله وبصفها الرسمه
ماتدري شصار بيه اتخبلت معقوله هيج افنان تسوي
وتخون اهلها اجيت وكلت لامي
لازم نحطلها حد
سالم...وهو يدري بيج ماخذتها منه
سرى لا ميدري بس اني كلت احسن ميصير شي بينهم بالحرام وتنزل روسنه
خل نكولك الك وانت تصرف .
سالم ...مو من حقي اتصرف عدها اب وعمام هم أولى بيها بس انتي يالجبيره
شلون تخلين بنتج تأخذ خصوصيات حماها وتدخل غرفته بدون علمه
سهام....والله ياخويه هي هم بنت اختي وكلت احسن ما يضحك عليها السالفه تكبر
افهم من حجيك انته راضي ب الي تسويه
سالم طبعا لا بس عدها اهل يحاسبونها
صح انه خالها وهم يلوحني حجي منهم بس ما الي حق اتصرف اي تصرف
على كل حال جيبوا الاوراق وروحوا وبعد لاتدخلون بهيج أمور اني اصرف
خل اشوف الأمور شلون تصفه
سرى
دانطلع باب بيت خالي وصارت السياره كبالنه ونزلت منها خالتي ام أفنان
واحنه طلعنه وحتى سلام ماسلمنه عرفنه من شكلها وضعها طالعه زعلانه
حيل وابو زايد يستاهلون
..................................
عماد
رجعت للبيت وعرفت بالي سوته سرى وكلت اليوم اله أدفعها ثمن عمرها
مشايفته من دخلت البيت واني كاعد ساعه انام ساعه اتكلب وساعه ابقى صافن البنيه حتضيع
واني السبب كمت وبدون وعي وماشفت غير رجلي ماخذتني لبيتهم وادك بابهم
اريد أثبت للكل هاي البنيه اشتريها بروحي لو حتى يصير قاتل ومقتول
هم مااعوفها دكيت الباب وكلبي يكولي هي الي راح تطلع لي بس تفاجأت
متقبل تفتح الباب وبعد الحاح مني عليها فتحتها
افنان...عماد اروحلك فدوه روح انته جاي ادمر حياتي الله يخليك روح
احجي ودموعي تنزل
سمعت صوت اجاني من الشاارع
...افناااان
من سمعت الصوت احس روحي ماتت بداخلي من الخوف
راسن طبكت الباب بقيت وره الباب ارجف ياربي بس لا عمي منو هذا شويه الصوت تقرب اكثر
عرفته حسين ابن عمي
الحمدالله مو عمي بقيت اسمع من وره الباب
اسمعه بعد ماسلم عليه
كله جنت جايب اغراض خالتي ام افنان ناسيتهم عد بيت عمي
وبعدها راح
اندك االباب مره ثانيه بقيت شويه يلا فتحت الباب
حته ميحس عليه جنت اتسمع وراها صحت منو
...انه حسين شعنده عماد جاي لهنا
افنان...هاا
امي ناسيه ملابسها ببيت خالتي وجاييبهم
حسين ...ونتي شلون تفتحين االباب االرجال غريب هاااا
افنان...غير اخذ منه الاغراض لعد شلون
ومحد موجود وامي تعبانه ونايمه
حسين...هاي المره سويتيها مره ثانيه
ماتلومين الا نفسج افتهمتي ماعدنه بنات تحجي وي الزلم
وعافني وراح ولا كالي المن جاي
عماد
بعد ماسمعت بالصار وانو اهل افنان رافضيني
وماينطوني افنان قررت اروحلهم للبيت
وافهم بطريقتي
مو انه الي اريد شي ومااحصل عليه
مو شغلة اعناد بس فعلا افنان اخذت گلبي وقفلته بحبها
شغلت سيارتي ورحت على بيت عمها مازن الجبير
دكيت الباب
ودخلت لكيت كاظم هم موجود بعد السلام والكلام
كلت
...عمي انه سبق وان حاجيت عمي كاظم
وكتله يحاجي ابو سيف اريد اطلب بنته على سنة الله ورسوله
لان بصراحه متردد اروحله اخاف من ردة فعله
بس تفاجئت من رفضني هيج بمي بارد
غير كون اكو سبب
مازن..مو بس ابو سيف رافض
لاكلنه رافضين زواج افنان منك والسبب انته تعرف بيه
مستحيل ندمر حياة ميس
في سبيل انته تعيش حياتك هذا مو صوجنه صوج عمامك
اذا عندك مشكله روح حلها وياهم
عماد ..يعني اخر كلام عدكم
مازن ...اي اخر كلام كتلك ما الك نصيب يمنه افتهمت
عماد..يكوم من مكانه وعلامات الغضب مبينه على وجهه
شوف عمي انتو كلكم كاعدين
افنان الي يعني الي بالغصب بالطيب انه ماعرف المهم الي
لو ادري اخطفها خطف منكم
لو يصير قاتل ومقتول
كاظم...جاي االبيتنه وتهددنه
اطلع بره واعلى مابخيلك اركبه
عماد...سهله يصير خير
................................
أفنان بعد الي صار بقيت
حابسه روحي بغرفتي ومااقبل أطلع ابد لا اكل ولاشرب بس مرات احس روحي مختنكه
حيل أكعد اكتب بدفتر مذكراتي او ارسم بيومها كعدت اشخبط بلا وعي
وماحسيت على روحي غير ارسم وارسم بدون توقف بيومها ارسمت أكثر من لوحه
لحد ما تعبت ونعست ومدريت بروحي غير نايمه على أوراقي والصبح فزيت على صوت امي
... أفنان أفنان
هاي وين نايمه الليل كله هيج نايمه كومي كومي يمه وعدلي نومتج ميصير هيج
هسه تتمرضين كعدت الحيلي اباوع كل الكتب والأوراق مطشره وبكل مكان
صاير وضعي اشبه بسجينه وملاكيه غير الرسم والكتابة تعبر بي عن كل الدايصير بيها
كمت واول كومتي دنكت الملم الي مطشر بالكاع واذكر كل كلمه وكل فعل وكل موقف صار وديصير بيه
واريد اعرف منو السبب وليش هيج الناس مترحم والقلوب أصبحت
حجر العمر الي عشته وين وداني ولوين حيوصلني طفوله صعبه ومراهقه مميته للمشاعر
مو من حقي احجي مو من حقي احب ولا من حقي اعبر عن اي شي احس بي تأخذني
الذكريات لبعيد وترجع بيه واني بينها وبين واقعي هذا الف قصه وغصه بقلبي طلعت من غرفتي
بعد مالملمتها ورحت للمطبخ لكيت امي مسويه الريوك وجاي تطبخ للغده هاي اول طلعه
الي من غرفتي بعد الي صار وبعد التهمه الي وجهوها الي بيت خالتي
امي تعاي تريكي حتى تفزعييلي يشغل البيت
أفنان صار بس ما اريد ما تشتهي
نفسي اكل اي شي
يومه اكلي ترى هيج راح توكعين
لا ما اريد خليني براحتي اريد اجلف المواعين ووكفت على السنك وندكت الباب مال البيت وطلعت والدتي تفتحها
واسمعها تكولها هلايمه نور هلا والله يالكاطعه شلون اهلج
نور اي والله هاي صوتها شجابها
اسمع نور تسال امي عمه أفنان وين
امي... بالمطبخ داتغسل المواعين دخليلها اني عندي شوية ملابس
أطلع للسطح اشرها وارجع
نور
دخلت واني اعرف أفنان متريد تشوفني لان زعلانه عليه من ذلك اليوم بس حكم القوي وهذا ابن عمتي ولازم اكون بجانبه
أفنان... نور هاي شجابج
نور... هيج لاسلام ولاكلام هذا الي الله كدرج عليه
أفنان... العفو بس ممتوقعه تجين وبهيج وكت
نور... ولج إسألي الجابني شنو
أفنان... شكو كولي وكعتي كلبي
نور
عماد رايح العمج البارحه بليل وبعد الحجي والقال والقيل وعمج رافضه مره الثانيه
عماد كايللهم بنتكم الي لو اخطفها ولتكولون مكال الزلم متخبله من حجياته
أفنان... اي موتايها عنده وبعدين هو ليش هيج دايسوي
نور ....الحب الحب يعمي كل شي يسوي
أفنان... وج ياحب نور اني وياه ماكو شي يجمعنا
نور ...على كل حال اني جايه وهاي امانه جايبتلج ويايه اخذيها قبل لا تنزل امج
أفنان
شي بداخلي يكولي اخذيها وعقلي يكولي رفضيها ولاتخلين مشكله تصير مره ثانيه
نور... أفنان شبيج صافنه هي تسجيل بكرة مال قراءة قرآن ليش متردده ماكو شي لزمي اخذيها
أفنان ازمتها صدك والله
هاي كاسيت تسجيل بس شنو وليش هيج يدزلي اخذتها ورحت خليتها بالكنتور وطلعت النور
لكيت امي واكفه تودعها
وطلعت وهي الابتسامه شاكه حلكها شك هاي شبيها الخبله اشو تضحك من كيفها
كملت ورحت الغرفتي
اجيت وخليت المسجل حتى افتح الكاسيت واني افتح الكاسيت وكعت منه ورقه
شلتها وفتحتها وبديت اقره بيها
كل كلامه كان بالنسبه الي أشبه بالحلم الجميل
ما اعرف شنو الشعور الي نتابني بس كلماته كانت مثل السحر
وكان اندماج قوي واني اقره كلماته الي مشفت بيومها وليومي هذا مثلها ولاسمعت احد كتب الحبيبته هيج كلمات
رغم هاي السنين المرت ولازالت كلماته اجمل واحلى وأصدق كلمه كتبها
الي دخلت الكاسيت
ولكيته فعلا قرآن عبد الباسط بس هي كانت فكره حتى يكدر يوصلي مكتوبه صح
طريقه غريبه بس بوقتها لامست قلبي وصار عندي شعور اتجاه عماد
صح قليل بس نعم حسيت يمكن لان كان صادق وحاول يوصلي بعدة طرق
كان من ضمن كلامه يوعدني انو اليوم بالذات راح يخلي بيت عمه يرجعون ميس
وصار الليل وطلعت للمطبخ اغسل مواعين العشه من دخلوا خالتي ومحمد جايه
ترجع ميس ابتسمت وكلت بكلبي هاي المره الثانيه
توفي بوعدك يا عماد وكانما تصرفاته هاي وأفعاله لكسب قلبي
وبعد نقاش حاد وي اهلي وصياح مره وهدوء مره اتفقوا انو يرجعون
ميس وتنتهي كل المشاكل بس بشرط واحد وبعدها ميكون اي تدخل من عيال ميس
انو والدي يرفض عماد وتنتهي السالفه وفعلا تم الاتفاق بين عمامي
وبيت خوالي انو ميس ترجع وعماد يرفض رفض قاطع بس بعديش بعد مادغدغ قلبي بحبه
وبدء بالسيطره على احساسي وصار اله نصيب وانشغل القلب والعقل بي
يتبع......
وللحكايه بقيه انتظروني بسرد قصتي وكتبولي توقعاتكم عن الي جاي يا ترى شنو الي راح يصير عماد يستسلم ويترك لو يبقى مصر وافنان راح تحب عماد وتضحيله مثل ماهو حبها لو راح تخضع للامر وتكون ساكته هاي المره هم عن حقوقها مثل كل مره باعتبار امها و اختها راح يكونون ضحايا الناس ماعدها اي رحم ولامخافة الله احبكم وشكرا الكل وحده جاي تترك بصمتها من خلال تعليق حلووو اودعوه حلوه ودايما أردد رب اني مغلوب فانتصر
محدثتكم أفنان شخصيا