بارت ...٣٦
#انين_الرووح
💬رهف....
هنيالك تنام الليل مرتاح
متهني وماتمر حسبه اعله بالك
وانه اگضي الليالي بغيبتك محتار
احن ال شوفتك واحضن خيالك
هيه قسمه وعلي مكتوب الفراگ
ولانوبه الوكت ياگلبي صفالك
🗨جراح ...
يا غائبين بكىٰ الزمان لبعدكم
فـهـل لـنـا بعـد الـغـيـاب لـقـاء
ٱشتقنا لكم يا ليتنا لم نفترق
فـالـبـعـد فيه مذلـة و شـقـاء
لا تقطعوا سبل المودة بيننا
فـأن الـقـلـب يـفـرح بـالـقـاء
عهداً سنبقىٰ دائماً في ذكركم
و عـهـد الـحـر يـتـبـعـه الوفاء
💬جراح
يسالوني عنك
وكلهم كلشي انتهى ...وكلمن راح بطريقه
بس انه اكذب عليهم ....والله موهاي الحقيقة
تره بكلبي كاعد ..وطيفه ميفاركني دقيقة
يكولولي شنو الصار ..مو جنتو عين وجفن
كتلهم كلمن ياخذ نصيبه...كالو نصلحكم
كتلهم ...ماخليت طريقة
كالوا هي الكلب ..صدكوا هي احلى رفيقة
يعني من هذا كلامك بعد صدك نويت اطلكني
انتي تردين هالشي انه الف مرسال وديت الج مالكيت غير التجافي منج
ماشفت ريك منج حلو او يساعدني اشد العزم وجيلج
واني شفت ردج الاخير الي وفهمت انتي ماتردين تردين البيتج والجهالج والرجلج
جراح انت فاهم غلط
شنو الصح لعد فهميني انتي
رهف ...
🗨اباوع عل درب بلكت تجي وارتــاح
وتبرد نار كلبــــــــي وتهده اشواقي
صرت مدمن ابحبك انــــــي للموت
واذا حبك نسيته مـــــــدونه بوراقي
ترى كلمة احبك مـــــو كلام السان
ولا كلمن نطقهه صااااااااار فد راقي
ترى كلمت احبــــــــــك هيه بالروح
يحس بيهه الكلب وســــاكنه اعماقي
تضل جيتك عــزيزه ونتضر ملكاك
واضل طول العمر انـــــي إلك باقي.
هذا ردي الك
اقراه عدل وتمعن بي اهواي وفكر صح وردلي الجواب
مايحتاج افكر انه شاريج وبعمري ما ابيعج
رهف انه كتلج حبيتج وحبي الج رجعني مراهق
عاشرنه النحبهم احلى الايام
ونشتاك بعطش للعاشرونه
مو احنه الكطعنه بالاحباب
الغير هو الغدرنه وفاركونه
ماغير طبعنه طول الفراك
ع الغالين تعمه هاي العين
اذا طال الغياب وما اجونه
اليسمع كلامك عن الحب يصدكك ويكول شكد تحبني ومتكدر اتعوفني
بويه والحمزه احبج واموت عليج وبعادج دمرني اذاني جنني
بس افهميني انه رجال ماحب
لا اتخبل من واحد يردني او يرفضني
والنوب مره تكلي اجزعت شنو معناه كارهتني وماتريدني
عمي انه افتحت عيني عالدنيا محد يكلي لا ولا يرفضلي شي
انه كلمتي مسموعه عند الكل
البيت العشيره الجبير كبل الصغير
بويه رهف انه احبج واموت عليح
مو من هسه انه كايلج من اول يوم شفتج بي
بس انتي يابنت الناس تتلفظين بكلمات ما اعرف ماتوازنيها بدماغج ماتعرفين شنو معناها
كبل تجطيها بالوجي مايصر هيج يابعد بيتي
الرجال مو كل كلمه تنكال اكباله اكو اصول اكو احترام
صح انتي زوجتي وانه زوجج واثنينه واحد بس كلشي اكو اصول ياحبيبتي
مايجوز نتخله عن هاي الاصول
يعني يصير انتي تصيرين رجل وانه اصير مره
لا ميصير لان كلمن الله خالقه بهيئه
ف مايصير تجاوزين وتغلطين وتححين كلام اعوج
قبل لا احجي افكر بالكلمه بدماغي عدل يصير اكولها لو ما يصير
يتقبل هو هالححايه لو لا يابويه
يله كافي بجي وعقلي لاتخليني اثني عليج وشبعج بواجي هههههههه
حلو كلامك ياريت تبقه هيج اتحبني طول العمر وما تأذيني
جراح اني محرومه حنان
من اني طفله محرومه اب وتوني اكبرت انحرمت ام
صرت وحيده بالدنيا
محتاجه اليضمني الصدره ويشيل عني كل فكره
محتاجه خوف اب وحنان ام
جراح اترجاك لا اتوجع كلبي بعد
تره البعد عن جهالي حيل اذاني احسهم صارو ايتام واني عايشه
جراح ..حبيبتي وعيونج وحك الحسين اكون الج
الاب والام وغطه وفراش الباجر من غبشه الله تلكيني يمج
لا لا خلي احجي ويه اختي بالاول وردلك خبر اني
افضل الي والك بس اني من هسه اكلك شرطي من ارجع انعيش ابيت النه اني وياك فقط
ليش هيج رهف انه ما اكدر اعوف هلي ابوي اخوي امي خواتي يحتاجوني
انت مو بعيد عنهم ابني بيت ابصفهم كمل البيت الي ابستانك اني المهم ما ارجع الهذاك البيت
هذا العندي كلته الك وانت بعد حر
صار رهف تدللين غالي والطلب رخيص
........
رهف ثاني يوم صبحنه الجمعه طه جابلنه سمج وراده شوي عالفحم
كعدنه نحضر الامور
اني اشتغل وافكر شلون راح اكول الرفيف
هاي عصبيه ومتتفاهم مراح تقبل ارجعله
هااا هااا شكو 😣😣😣
هاي اشببج رهف صار ساعه اصيح عليج وانتي سارحه ولا يمج
شكو شعندج ليش سارحه
لا ماكو شي
رهف اني اعرفج من اكو شي براسج
ف احجيلي قبل الغده
ترددت احجي بالاول بس بعد هاي هيه لازم اكول خوما اظل ساكته
رفيف جراح خابرني يريد يرجعني
😠😠😠😠 اي وانتي اشكتيله
شكله يعني اذا مو علموده ارجع ف علمود الجهال
اي من صدك تحجين انتي يعني قابله ترجعين للذل والاهانه والضرب مالته مو
لا رفيف هو حلفلي راح يتغير وبعد ما يمد ايده عليه
رفيف ..اي كالوا للكذاب احلف كام وحلف مو اختي
لج انتي ثوله حيوانه غبيه فهميني شنو نوعج انتي
شنو ترجعيله ليش هو يستاهل
اني ارجع الجهالي
انعل ابو جهالج ابيش راح يفيدوج اذا
ضربج وسكطج فديوم
لج هذا مو انسان هذا حيوان
هسه يدكلج ناعم حتى ترضين وترجعين
ومن اتكونين يمه راح يرجع يهينج ويضربج ويدور عليج نسوان
يتمسكن حد ميتمكن
انتي درستي وبقه فتره وتمتحنين ودخلين جامعه ويصير عندج شهاده وتتوظفين ويصير عندج اسلاح
شنو رجال شنو جراح شنو انعال
عيشي حياتج انتي جربتي جراح انسان اناني ميحب غير نفسه
هم ترجعين اله وللخدمه
والله انتي حيوانه اذا فكرتي ترجعين
رفيف اني الخاطر جهالي
هم كالت جهالي
بابا افهمي جهالج مراح يموتون عايشين وبعلمج احلى عيشه والكل يداريهم
رفيف اني شرطت عليه يطلعني ابيت وحدي
لججججججججججج انتي شنو
طه ..ليش هالعياط شكو
تعال اسمع هاي الحيوانه تريد ترجع الهذولاك الكبور
ترجع للحيوان الشمرها وذلها
طه ..اي من حقها ترجع هي مره وتعرف اتفكر عدل
انت شتحجي اريدك عون تطلع فرعون
اكلك ماريدها ترجع الهم
مو ابكيفج رفيف .هي عدها جهال ورجلها يحبها
وكل الناس تغلط سبحان الي ميغلط
ويتعلم من غلطه
بس مو معناها هاي هيه نترك ونفكر بالطلاك وهجمان بيت وعائله واطفال
يما اني وانتي نتعارك ونزعل ونطول بالزعل بس بالاخير نرجع ونلتم وننسه ونبدي من جديد
هي هاي الحياه يوم عسل ويوم بصل
خوما كلها عسل اتريديها انتي
لتقارن نفسك بهءك الجلب اني وانت من نتعارك عركتنه خفايف متضربني ولا اتسبني مو مثله ايده والضرله السانه والغلط
انتي مالج حق نهائيا لاتدخلين ابحياتها
هي مره عبرت السن القانوني عاشت يمنه كم شهر
وشافت حياتها قبل وبعد جراح واكيد فكرت صح وقررت لا توكفين ابوجها
اتمنيلها الخير والسعاده وخليها ترجع البيتها والرجلها
اليوم احنه عايشين منو يكول باجر نظل يمكن نموت تظل هي طايفه ابنفسها ميصير هيج رفيف
الرسول صلوات الله عليه يكول
(حب لاخيك ما تحب لنفسك )
مو انتي عندج بيت واطفال وزوج
وهي تحرميها حرام حبيبتي
يله كومي بوسي راس اختج وتمنيلها السعاده وراحه البال
رفيف ..بعد كلام طه فكرت صح هاي منو الها اني مدايمه ولا عدها هي احد غيري
والله صح المره مالها غير بيتها وزوجها مهما كبرت وعلت وصارت شي بالدنيا
لازم الها سند وظهر يحميها كمت عليها حضنتها وبجينه وحجيت وياها
صح اني ما اتمنى ترجعله لان هو نكس بس هاي بعد حياتها
بس والله راح اظل اله بالمرصاد وخلي يرجف يحاجيها بكلمه ازعلها بعد
شوفي هو كلج ابني
خلي يبني ويجي ياخذج ماعدنه اشكال
بس هسه لا ميجي اله ينطيج مفتاح بينج وبرجليج تدخلين بي افتهمتي هذا صوتي اليسمعه
غير الهطلب لا مترجعين افتهمتي
رهف ..من فرحتي اضحك وابجي 😃😭 لان ممصدكه راح ارجع الجهالي وخليهم بحضني ونومهم ع صدري وشم عطرهم
طفرت ع التلفون خابرت جراح وكتله بالكلام الكالته رفيف كله
هو ما اعترض ع كلامها بالعكس كال حقها وماطلبت شي غالي
وبعد اسبوع اخذلي صور للبيت ودزهن الي
اصبري شهر يكمل كلشي بالبيت لان حتى صبغ صبغته حسب الالوان الي انتي ردتيها
طبعا هو عنده بيت بالبستان مالته جان باني عالنص وعايفه
بقيت ابيت اختي اقره حتى امتحن اخير السنه كتله ابوكتها وما اعترض
بالعكس شجعني او وعدني يدخلني جامعه بالبصره
دخلت امتحنت وجانت تقريبا الاسئله زينه
ما ابالغ وكول سهله لا والله جانت حيل صعبه
واني اصور اطلع اكمال لان جتي اسئله الكيمياء والرياضيات حيل صعبات
جراح ابهاي الفتره ابد ما اجه ولاشافني يكول اني وعدتج اول جيه الي اخذج وخليج تدخلين بيتج وبرجلج
بيوم النتائج انصدمت صح طلعت اكمال بس كيمياء وناجحه ابكل الدروس
الحمدلله
والله جنت حيل خايفه من النتيجه
رجعت للبيت وخابرت ع جراح وكتله بس جنت اني ميته بجي لان الصدك انقهرت لان اكمال
بس هو شجعني وخفف من ضوجتي
وظل يتغزل ويدز مسجات حب
وبشرني بعد باجر راح يجي ياخذني وادخل بيتي الجديد
طلعنه اني واختي اشتريد شغلات الي وللبيت والجهالي
وكتلها راح يجي جراح بعد باجر
هي هم راح تجي ويايه وتشوف البيت وتطمئن عليه وع وضعي
ظليت عايشه يومين حلوات انتظر جيت جراح الي ورجع وياه الجهالي
عده اليوم والبعده وجراح ماكو
لا اجه ولا اتصل عليه
دكيت عليه ميجاوب ...واني ماريد ادك ع رضا او ع واحد منهم
ظليت بحاله قلق وخوف ماعرف ليش عندي احساس جراح متأذي او صاير وياه شي
ظليت ادك عليه بس ماكو جواب
طول ع غايبه عني اسبوع من وكت كلي راح اجيلج وما اجه اتخبلت ماعرف شسوي
طلبت من طه يدك ع رضا ويحجي وياه
اتصل بس رضا ماحجه شي بس يكول الحمدلله
اخر شي دست ع نفسي وتصلت ع زينب
الووو هلو زينب شلونكم شخباركم
اكلج اشو ادك ع جراح صار اسبوع بس ميجاوبني شنو اكو شي صاير عليه هو شي
جهالي شلونهم
زينب ..بخير محد متأذي كل عايشين وبخير
ليش شكو زينب شنو صاير اكو شي
اهل يعكوب رجعوا يرمون علينه صارت حرب بينه وبينهم
جراح طلع كل اهلي من البيت والبستان واخذنه الديره ثانيه
يعني وين هسه انتوا مو بالبصره
لا النسوان خذونه الذي قار عدنه كرابه اهناك وبيت الجدي موجود فتحنا وكعدنه كلنه بي احنه النسوان اهلي ونسوان العمام كلهم
وجراح وين زينب
جراح والزلم بالبصره باقين مايرضون يسلمون الكاع
جهالي 😢😢😢 وين
لا تخافين يمنه ومحروسين بعين الله
فدوه اروحلج زنوبه اخذي بالج ع جهالي
ان شالله احصل جراح واعرف اشوكت ارجعلكم
هله بيج احبيبه عين الصواب والله جراح وجهاله بس يسولفون بيج
ردي يارهف تره ماينفعج غيرهم هم عزوتج واهلج
اي ان شالله زنوبه .فدوه لا تكطعين خبريني بكلشي والله كلبي مثل النار عليكم كلكم
تسلمين عمري ان شالله
اتفض ونرد لبيوتنه
مع السلامه
الله وياج
سديته من زينب ورجعت دكيت ع جراح وهم مايرد
كعدت اصلي وقره قران ودعي الله يحفظه هو والي وياه
والله هذوله اهل يعكوب شلون ناس
الدنيا واكفه ع تك رجل وهذوله يوميه مشاكل ومعارك ياربي خلصنه منهم يارب
لليل جنت نايمه وفزيت من حلم
كمت ع حيلي استغفر وتعوذ من الشيطان
شفت عود اكو حيه حيل جبيره بالبيت
وهاي الحيه متتقرب ع احد بس من شافت جراح كبل جتي عليه وكرصته من ظهره
شفت الدم شلون يطفر من ظهره وهو وكع كدام عيني
جنت حيل خايفه من هالحلم
ودا افكر بي شلونه هسه جراح وين اراضي شيسوي
كلبي مثل النار عليه
وفزيت ع صوت تلفوني 😬😬
باوعت المتصل جراح
كام كلبي وطلع من اضلوع
وايدي ترجف مثل السعفه بس اريد اشيل التلفون
الطف ياربي نطقها كلبي قبل لساني
اباوع ع الاسم ومتردده ارفع الخط او لا
ماريد انصدم بخبر مامتوقعه اسمعه
كوه خليت اصبعي ع زر الفتح وفتحت الخط
ما حجيت ظليت ساكته لان خايفه من كلمه الوووو
انتظرت بهدوء وعيوني مغمضه وكلبي ينزف
الوووووو رهف وينج شلونج ياعمري
😮😮😮😮😮 شلونك يابيتي ياروحي يا انفاسي
شلونك يا احلى شي ابعمري
وينك هاي الفتره كلها والله كلبي مثل النار عليك
ليش مجنت اترد عليه
ليش ياجراح خليتني اعيش بخوف وقلق عليك
هاااا حبيبي صدك خفتي عليه
اي والله ياعمري صار لا ليلي ليل ولا نهاري نهار
بس افكر بيك واريد اعرف اخبارك
اخر شي خابرت زينب وحجتلي هم بذي قار وانت والزلم بالبصره ويمكن محاصرين كالتلي
اطمني حبيبي اني زين ومابيه شي وهذوله الجلاب نعلنه اهاليتهم نعل
لشوف بعد منو يكدر يوصل صوبنه او يتعده حدوده ويانه
يعني شنو جراح
بعد ماكو شي رهف ان شالله باجر ارد الاهل للبصر وبعدها اجي عليج وردج الحضني والكلبي والبيتي يازهره عمري
رهف
محتاجك تعال وكحل العيون
تعال من البعد ارجوك كافي
شته فراكك كظيته بدرب بردان
وجمر صيفك مشيته بدرب حافي
غفه كلبك شجاك ونمت مرتاح
ولافزيت من حلمك يغافي
ماصادفك رسمي بليل الاحلام
يالنايم رغد نوم العوافي
...احبك لو علي تمطر بالسيوف
واحبك حته من تبعد تجافي
امس بالطيف وجهك غازل النوم
وامس طاحت شفافك على شفافي..
جراح ..
دخيلك ياترف ماظل عــقل عـــندي
حاير شحجي منين الك ابــــــــدي
بعيونك اوصف لو بالرمـــــــــــوش
هواي اوصاف عندي خاف متكفي
بحر هنة العيون ويغرك من شــــاف
وسر العشك بيهن ربك مـــخــــــلي
ويل وجهك ينور ظلمة اللــــــــــــــيل
اظــــــــــــن حتى الكمر منك مضــوي
ومن تهمس الشفة وتلاعب الكلمات
شعر احــــــــــلى من العسل تنطي
دخيلك مرجحنا الهوى يجيب ويودي
تفاح الخدود ومرمر الوجــــــــــــنــات
ولون الشفة احمر ينطي على الوردي
مجــــــــــنون بجمـــالك اعترف والله
لان كل ما اشوفك ميظل عقل عندي
ههههه فدوه رحتلك
اني اروحلج فدوه ياكلبي يله حبيبي روحي نامي ورتاحي انه وراي طريق لازم ارتاح اشوي حتى اطلع الهم وردهم للبيت
تروح وترجع بالسلامه ياروح روحي
جراح
عيون جراح كلب جراح
هم واحد كايلك احبك
لا
اني احبك ههههههههه
خبله والعباس
ليش لان احبك
لا ...لان تسئلين حالج وجاوبين
يله جراح فضها وتعال والله مشتاقه الك والجهال بكد رحمه الله
ان شالله حبيبي
باي ياعمري
دزيتله مسج لغنيه شكثر مشتاك
🗨
شكثر مشتاك لو تدري شكثر مشتاك ياعمر
ابوس اعيونك الحلوه وضم صدرك ع صدري
انتظرت اهواي اشوفك جاااااي
ليله من العمر رايه انا وياك نتلاكه
وكلك شوف هاي الروح ع شوفك مشتاكه
كافي اغياب اكليبي ذاب
حبيبي ويانظر عيني ياحلى ايامي وسنيني
يروحي ويابعد عمري فراكك حيل مأذيني
انتظرت اهواي اشوفك جاي
ردلي برساله
💬جراح
حبك بحر ماله حدود واسمك بكلبي موجود
انتظرك طول العمر
وكضي عمري كله اوعود
تعال انسه يلي فات خلي اشوفك بس لحظات
صدكني مكدر انساك حبي الك للممات
بس كلي اشفت مني بهاي السرعه تهجرني
معقوله اهون عليك تروح وتبتعد عني
بعدك خله ليلي انهار منتظر منك اخبار
عالدرب تنطر عيني ما امل الانتظار
حبك ماله حدود واسمك ابكلبي موجود
ثاني يوم كعدت فرحانه وسعيده حيل حسيت رجعتلي الحياه من جديد لان الصدك جراح ماكو منه طيب كلب وحنون وهو يحبني اهواي ادري بي
اخذت نظفت البيت كله غسلته وبعدها طبخت برياني ودجاج
بعدها كعدت لعبت ويه الجهال وبس اريد النهار يخلص
احسه صارت الساعه تمشي دقيقه
جتي اختي وكتلها
كالت زين الباجر خميس حتى اروح وياج وارجع السبت علمود الدوام
كمت حضرت كل غراضي بجنطه
واني احضر وتخيل الجهال وجراح عبالك الحياه انرسمت اكبالي من جديد
صار الليل واخيرا
راسلني جراح وكلي ان شالله الباجر يجي علينه
ظلينه للفجر نسولف اخر شي كلي يله راح اطلع وحرك السياره وجي عليج
الصدك خفت عليه لان خطيه منام ابد واني اشكد اتوسلت بي ينام بس هو مجان يرضه يروح
جراح حبيبي جيب الجهال وياك فدوه رحتلك راح اموت ع شوفتهم
وخلينه عالخط ع طول الطريق
هههههه تعرفين رصيد ابو ال ١٠٠ ميكفينه اذا ظليت عالخط
لا حبيبي يعني
قصدي كل مكان توصله دزلي مسج او اتصل حتى اعرف وين وصلت
صار تدللين يله باي حييبي
ظليت كاعده تقريب ساعه بس غلبني النعاس ونمت نومه مال اهل الكهوف محسيت بعد ع شي
يله كومي كافي نوم ساعه ١٢ الظهر مشبعتي
اسمع صوت اريد افتح عيوني بس اثكال حيل
رفيف عوفيني
داكلج كومي
ركزت هذا موصوت رفيف
افتحت اعيوني بكسل وحاي اركز عالوجي
وكمزت مثل المخبله حضنته قوي وابوس بي من كل جانب شميت عطره وضليت حاضنته
حبيبي حبيبي حبيبي 😘😘😘😘😘😘😘😘😘😘😘😘😘😘😘😘😘😘😘😘😘😘
فديتك ياعمري شكد مشتاقتلك يا اللللللللله
يتبع