هروبي من الجحيم الى المستحيل بسبب اهلي
للكاتبه/رانيا شكسبير
البارت الثالث عشر 💜💜
ونمت وكعدت بليل الساعه بال 7 مجد ماكو والمستشفى هوسه نزلت من السرير وفتحت الباب شفت هواي ناس
دياخذون المرضى وبعدين يرجعوهم يعني اهل المرضى ياخذوهم يحتفلون وياهم براس السنه...مشيت ببطئ وتعب
شفت المرضى فرحانين وديلبسون ومكيفين اني رجعت جوه قفلت الباب حيل مال غرفتي الي بالمستشفى وبجيت
لعد اني وين اهلي ليش ميحنون عليه وياخذوني احتفل وياهم ليش ليششش اهئئ
وبجيت بحركه اتمنيت لو مابيه سرطان كعدت ع سرير
مالتي وابجي بحركه فتحت الموبايل اتصلت بمجد ماكو لما صارت الساعه بال 11:00 المستشفى فرغت ماكو احد بس اكو ناس قليلين
فتحت الشباك واشوف الناس داتحتفل وتصيح والمنضر يموت وشعالات وهوسه واكو جسر يخبل مسوي من الشعالات ومشغلين اغاني اجنبيه عاليه
سديت الشباك واتذكرت براس السنه من ماما ماتت واتذكرت من جنت اصرخ كمت اصرخ حييل واختنكت كمت افرك بركبتي
اريد اتنفس ماكدر كمت اشهك ونزلت من السرير ووكعت كمت ازحف ع باب واشهك وصلت يم الباب وحيل ضربت بيها ، ماكدر اصرخ
بس محد سمعني من قوة الاصوت البرا كلت راح اموت بكلبي استشهدت لا اله الا الله ودخت و...اغمى عليه
كعدت لكيت نفسي ع سرير ومجد جايب كيكه وكاتب كل عام وانتي حبيبتي فرحت ونزلت دمعتي اريد احجي بس ماكدر لان حاطيلي جهاز استنشاق
مجد : ليكي شو جبت بدنا نحتفل انا وانتي بس ارتاحي هلاء لشوف الدكتور
شمس : هزيت راسي راح واجه شالو الجهاز وحضنته وبجيت
مجد : تؤؤ شو هيدا بكيفي بئا
شمس : مسح دموعي وكتله شكرا مجد على كولشي
مجد :لشو هل شكر ئومي البسي بدنا نروح نحتفل
شمس : ماشي كمت بدلت وطلعنه بالسياره اخذني على مكان كوله ورد يجنن مثل البستان واكو نافوره وورود هواي المكان كولش حلو مثل الخيال
فرحت حيل وكعدنا ع نافوره وجاب الكيكه وشعل الشمعه وكال كل عام وانتي بخير بحبك يا ألبي كتله ...واني كل عام وانته بخير واني هم احبك😊
وطفينه الشمعه وبدينه نكصص الكيك وناكل ونشاقى جان الساعه بال 4 الفجر والناس تحتفل وهوسه وهوه جاب اليه مثل الشعاله اني اشغلها
بال الاول خفت بس بعدين شغلتها وكامت تطير للسماء عااااا تخبل ههههه وتطلع الوان تجنن حسيت هاذا اليوم هوه احلى يوم ب حياتي
صارلي شكد مضاحكه بس مجد هوه الخلاني سعيده كولش ، ورجعت للمستشفى وحياتي صعبه بسبب مرض السرطان ومثل الروتين اليومي هوه الالم اتعودت
بعد مرور اربع سنوات ....
بعد ممرت اربع سنوات من حياتي واني لهسا داحارب هاذا المرض واني عسرير الموت داحجيلكم قصتي وهسه صار عمري 19 اتمنى اطيب واتعالج بس التمني يبقى مستحيل
وفديوم من الايام جنت كاعده ارسم ومثل العاده اجه يمي مجد وطلعنه وغيرت جو ورجعت بالسياره حطيت موبايلي ع شحن
وهوه هم حط موبايله ع شحن ف نزل هوه اشترى اجباس ونساتل واكلنه وسولفنه وضحكنا وبعدين وصلني للمستشفى واخذت موبايلي ورحت
كعدت ع سرير جبت ورقه وقلم علمود ارسم واسمع اغاني وفتحت الجهاز شفت بي صورت مجد ياااااا هاذا موبايل مجد غير غبيه اني خرررب
خطيه هسه يضل يدور ع موبايله فتحت موبايله دخلت لعبت بي شويه يعني من باب الفضول 😁دخلت ع تليكرام لكيت وحده اسمها جوليا
دخلت ع محادثاتهم اتخبلت شفته كاتب حبيبتي انا اسف رح اتزوجك وعد بس لتكون منيحا وخبرها بمشاعري الحئيئيه
ردتله...لا تكزب انته بتحبها من جد
رادلها...انا مبحبها بس شفئت(شفقت) عليها ئلتلها بحبك منشان تحس بالامل وتكون منيحا وتطيب اسرع وتخلص من الكأبه
كلتله...طيب ليش كنتو ماسكين ايدين بعض زاك اليوم
كللها...عم ئلك مجرد شفئه بس انا مبحبها خلص يااا افهميهاااا ازاهر مانو نافع الحكي معاك بااي بدي روح
كلتله...ماشي باي نلتئ(نلتقي) ونحكي
صورت المحادثات سكرين ودزيتها اليه ومسحت كولشي علمود خاف ينكر عندي دليل ، انقهرت طلع ميحبني بس شفقه اوووووف ياربي دخيلك ساعدني وبجيت
وورى دقايق اجه هوه فتح الباب كال موبايلي نسيتو هون
شمس : اني مو حاجت شفقتك عليه رووح منااا بعد ماريدك يا كذاب واخذ موبايلك
مجد : شو هيدا الحكي ليش هيك عم تبكى
شمس : اهاا شو هيدا الحكي هااك شووف(طلعتله المحادثات)
مجد : شمس اسمعي انا اسف بس ك....
شمس : قاطعته وكمت اصرخ واكول (شمس شمس ولك شمس ماااتت روح منااا شمس ماتت من زمان روووووووح)
مجد : بس تعي عيدي(اكعدي)هون
شمس : ولك اطلع اني مو حاجت شفقتك رووووووح لتشوفني وجهك مره ثانيه(وبجيت)
مجد : انا اسف رح روح مبرجع مره تانيه
شمس : روووح لترجع ، طلع وسد الباب بعصبيه وكعدت ابجي على حضي طلعت من المستشفى رحت مكان بعيد بالغابه
وكعدت اصرخ ومحد يسمع صرخاتي وصرخت وبجيت بحركه وشهكت للموت باوعت للسماء رفعت ايدي وكلت بصياح وألم
يالله ضاقت الدنيا عليه اخذني وخلصني ياالله افرجها دخيلك راح امووت كلهم تركوني دخيلك لتعوفني ياربي بس داتألم داتوجع محد يحس بيه غيرك
يالله العالم كله يكرهني دخيلك اخذني لعندك تعبت ماريد اعيش اخذني ياربي وريحني وبجيت بشهكه وهديت شويه
رحت للمستشفى وكتبت رسالة انتحار ( سأذهب عند الجسر ، لو ابتسم لي انسان واحد لن انتحر💔)
عفتها ورحت ع جسر بعد اذن الطبيب كتله اتنزه واجي ، وصلت ع جسر اشويه اتمشيت جانت دنيه ليل الساعه بال 10:23 ماكو احد باوعت
نضره اخيره للعالم كلت بكلبي(هاي النهايه)💔 ودمعت عيوني ولزمت السياج وباوعت ع ماي لونه اسود ميبين شي منه يخوف
غمضت كلت ( هاي نهاية قصتي المؤلمه)
وداطفر واجه ولد لزمني حيل وسحبني ووكعت فوكاه وحضني حيل ويبجي باوعت
بوجه طلع اياد....يتبع
شنو تتوقعون ردة فعل شمس من شافت اياد؟؟
متابعه مشوقه ...❤❤
لاتنسو التصويت و الكومنت❤