واكفه ومبتسمه جنها العافيه 😻
هيه هاي ام الحجايه الدافيه 👌
صارحتها وهيه تدري شراح #اكول 😌
وكالت اعرف بيك نيتك صافيه ✋
فززت بيه ورود_الياسمين🌸
وفززت بيها الفراشه الغافيه 😍
.............................................
مساؤؤ يلا نكمل ..💚
رواية "عنودية الشيخ أنمار"
روِأّيِّةّ بِقِلَمَ أّلَګأّتّبِةّ "أّلَجِوِدِ"..
الجدة ..راح تجي أم مروان و عمتة هنا حضري الضيافه بين ما يجون
صبا..ماشي رحت للمطبخ شي غريب شعدها جايه اهووو بس لا تخطبني اه ياربي بلكوة رحت من يمها من العرس اففف لله يعديها على خير حضرت عصير و كيك ورحت بدلت ملابسي نفس ما كالت امي ايي لا تضوجين صبا يمكن هيج زيارة جايين لا تهتمين هوااي للموضوع صعدت فوك بدلت ملابسي لبست ثوب لون نيلي حلوو طلع عليه سرحت شعري حطيت عطر و نزلت جوة ورة شوية اندكت الباب راحت ام انمار فتحت الباب طبن كعدن بالصالة رحت اخذت الصينية و طبيت جوة سلمت عليهن السلام عليكم
ام مروان ..وعليكم السلام لله مصلي على محمد وال محمد تبارك الرحمن شنو هل جمال
عمت مروان ..ياهلا ولله صحيح ياا ام مروان طلعت لبنية كمر مال لله
صبا ..شكرا الج خالة قدمت الضيافه الهم وبعدين رحت وكفت بالمطبخ يم فاطمة وضلن يحجن لحد ما فتحن موضوغ افف ياربي ماريد اه ..
ام مروان ..ولله ياا عيني جايين نخطب ايد بتكم الأبني مروان وانتو بعد تعرفون شنو الصار ب مروان و أبنة
الجدة ..ولله ياخية النة شرف من ناسبكم بس هم لازم ناخذ الحجي ماعندي رأي من بعدة
ام مروان..اكيد واحنا ننتظركم لله يقدم بي الخير ونشالله نسمع الموافقة
الجدة ..نشالله هو وين نلكة مثل الشيخ مروان البتي
ام مروان..يلاا خية احنا بعد لازم نروح
الجدة..لا ولله ما طلعين عشاج هنا
ام مروان..غير مرة ولله ام عبدلله(عمت مروان)عدها سفرة راح تسافر للعمرة هي ورجلها واجتي وياي اليوم لأن هي تعتبر مروان مثل أبنها و اعز يلاا ما نطول
الجدة ..براحتج تروحين و ترجعين بسلامة
عمت مروان..شكراا ونشالله نسمع الأخبار الطيبة منكم واني من اروح ادعيلكم لله يقدم البي خير
الجدة..لله كريم
ام مروان..يلا نترخص احنا ونتظر المخابرة خية
الجدة..مرخوصين اكيد
صبا..ضلوو شوية يحجون اوفف ياربي شنو تزوجني الواحد ما اعرفة ولا يعرفني ولا عندة طفل ولله لوو مادري شيصير ما اتزوجة شذنبي أني اتروط وياهم راحوو ورة شوية صاحتني امي رحت و كالت
الجدة ..سمعتي المرة شكالت والرجال خوش رجال شيخ عشيرة و الكل تتمنا ماعندج مانع اكيد على هيج واحد
صبا..يا امي شنو ماعندي مانع انتي تعرفين المن راح تزوجيني الواحد متزوج و مرتة ميتة و عندة طفل يعني جاي ياخذني خدامة الة و الأبنة ماا ما وافق على زواج
الجدة..شنوو عادي هوو طفل و بعدين الرجال ميتعيب وبالأخير القرار يرجع الأبوج ماعدنة بنات يعترضن
صبا..لااا يام هذا مصير اني راح اتزوج موو انتي وبعددين وزواج و ما تزوج هااا شنو تسون سوو
الجدة..انجبي ولا كلمة تعلين صوتج علي صدوك ما تستحين امشي ولي من كدامي اصلن القرار مو الج
صبا..عفتها و صعدت فوك الغرفتي ركض سديت الباب و كعدت ابجي ليش هيج يسون ماريدة شنو هي كوة رجال ما احبة ماخذني اخدم ابنة يارربي ماريد اتزوجة ضليت ابجي بال3 ساعات لحد ما اندكت الباب كلت منوو جان يطلع أنمار رحت فتحت الباب و كال
الشيخ أنمار..بعد مرور يومين الحمدلله ايدي صارت زينة بقة بس الجرح يطيب و تمارا بعد ما شفتها بس مرة وحدة حجيت وياهة بالتليفون بعد ما حاجيتها اخذت أجازة مرضية ماكدرت اداوم بالمستشفى اريد اعرف منو الي سوة هيج بية ولله ماعوفة أذا ما اندمة على الساعة الجة بيها الهاي الدنيا لحد هسه ماعرفنا شي عنهم الرقم مال تليفون ضلينا ردنا نعرف عل اقل الموقع ماكوو رجعت للبيت الساعة ب 9 بالليل لأن جنت يم جماعتي بالكهوة سلمت عليهم و كعدت كال الحجي
شيخ حسن..أبني أنمار رايدك بموضوع
الشيخ أنمار..خير حجي كولل اكوو شي
الشيخ حسن..ولله يا ابني نعامة كالت اليوم عل اساس جاية ام الشيخ مروان تطلب ايد صبا الأبنها مروان
الشيخ أنمار..ايي عل خير احلة خبر الصراحة خوش رجال وهو هم صديقي احسن اختيار بس شبيكم احسكم مقابلين عليه
الجدة..ابني هوو وين نلكة احسن منة ترباية و أخلاق وشيخ عشيرة بعد ابوو بس صبا ما قابلة علية
شيخ حسن..اي ابني مقبلت علية
الشيخ أنمار..ليش حجي شلون متقبل الرجال ونعم منه ينرفع بي الراس
الجدة..تكول راح ياخذني خدامة الة و الأبنة
الشيخ أنمار..شنوو هل حجي من شوكت عدنه نسوان هيج تحجي وينهة هية هسه
الجدة..فوك من عرفت لي هسه منزلت روح ابني وقنعها ماريد تنزل وجهنا كدامهم
الشيخ أنمار..يصير خير نشالله صعدت فوك دكيت الباب فتحتهة كلت عادي نحجي شوية
صبا..ايي تفضل شيخ
الشيخ أنمار..طبيت وكعدت على الكرسي وهي كعدت مقابيلي كلت صح الي سمعتة انتي مقابلة على شيخ مروان
صبا..اي صح شيخ ماكدر اخذ واحد ماخذني اخدم ابنة و بعدين هي حياتي ماريد اتزوج هذا الرجال
الشيخ أنمار..منو الكال هيج انتي لا تحكمين على الناس عل هذا الأساس انتي ممتعرفة علية و بعدين حراك هذا طفل ليش هيج تكولين ويتيم امة ماتت من جابتة يعني خطية شنو ذنبة الطفل فقد امة وهو مشايفها انتي فكري بالموضوع بأيجابية
صبا..الصراحة بعد كلام الكاله انمار شوية اقتنعت بس هذا الشي ميخليني اخرب مستقبلي عمودة كلت شيخ ماريد اتزوجة لا تجبروني عليه
الشيخ أنمار..صباا شنو هل حجي ميصير ارفضا و اولا اني رايد مصلحتج لو ما اعرفة شلون ما انطيج اله بس الرجال اعرفة وصديق عزيز عندي و اخلاقة و هيبتة الكل يحلف براسة
صبا..رجاااااء ماريد ماريد اتزوجة هي شنو اجباري
الشيخ أنمار..لا تعلين صوتج اولا ثانيا ما ارفض وتجين يوم من الأيام تشكريني لان قبلتة عفتها وطلعت يعني اني لو ما اعرفة ما انطيا يعنب عمود عندة ولد لله يهديج وتعرفين الصح من الغلط نزلت جوة ضلينا نسولف على هذا الموضوع شوية و دك تليفون الحجي كال
الشيخ حسن..الوو هاا وليدي شلونك
ابو علي..بوية انتة شلونك امي الولد شلونهم
الشيخ حسن..زينين الحمدلله يسلمون عليك ايي اشوو من شلت ماشفناك شنو مصدكت
ابو علي..لا ولله بوية بس التهينة اني جاي اسوي بالصيدلية و علي و أنس بالمحل مصار النة مجال ايي ابوية باجر عازمك على غدة بمناسة بيتنا الجديد و عزمت اصدقائي الي هنا هم يجون
الشيخ حسن..زين تسوي نشالله باجر نجي محتاج مساعدة ادزلك صبا و فاطمة
ابو علي..لا بوية مكفيات هناا
الشيخ حسن.. لا ابني العزيمة هاي ثكيلة راح ادز الك صبا تجي تساعدهن
ابو علي..بكيفك بعد اني اترخص موو تنسة باجر
الشيخ حسن ..لا ما أنسى مرخوص وليدي
الشيخ أنمار..خيرر حجي شنو رايد عمي
الشيخ حسن ..مسوي عزيمة و عازمنة و عازم اصدقائة هاي فرصة عمود تاخذ صبا ال تمارا بلكي او لعل تقبل
الشيخ أنمار ..ايي وهي هيج لعد فاطمة روحي كولي ال صبا تحضر نفسها عمود اوديها بيت عمي
فاطمة ..حاضر
الشيخ انمار..راحت فاطمة تكول ال صبا اجتي من الله عمود اشوف بت گلبي اففف ولله مشتاق الهة اه اه بس الحمدلله هنا ولا بغداد قريبا عليه الصراحة من راحت احس اخذت البيت كله وياهة واحلة شي بيها عنادهة اهووو عليها عناد يوزن بلد كامل بس عليها بجمال عبالك مادري منين مخلوقة ورة شوية نزلت صبا لابسة العباة وكالت
صبا..بعد ما راح أنمار ضليت ابجي على حضي افف ورة شوية اندكت الباب كلت منو طلعت فاطمة كالت الي بدلي عمود اروح اساعدهم هناك هي هم اجتي عمود اغير شوية جو كمت مسحت دموعي عدلت شكلي لفيت الشال لبست عباة و نزلت كالت جاهزة يلا نروح
الشيخ أنمار..ماشي يلا رحنا ركبنا بالسيارة ورحنا البيت عمي دكيت الباب طلع علي سلمت علية ردت اروح بس مخلاني طبيت وكعدت بالصالة ورة شوية أجتي تمارا يالله عبالك صالي سنة مشايفها جايبة الضيافة قدمت وكالت
تمارا..بعد مرور يومين ما شفت أنمار بس مرة وحجيت ويا بالتليفون بعد ماحجيت ضليت هل يومين ويه امي على البيت صح مابي شي و نظيف بس رادلة تعديلات اليوم كعدت الساعة ب 9 الصبح عمود ابدي اقرة للسادس كمت غسلت وجي و رجعت عدلت الغرفة طلعت الكتب مالتي حطيتهن على المكتب الموجود بالغرفة جان بغداد كلت ال بابا يجيبة لأن ماعرف اقرة اذا ماكعد علية حضرت كتب بديت بمادة جغرافية لأن هي درخ ميحتاج افتهم صارت الساعة ب11 نزلت جوة لكيت ماما وسارة جاي يسون غدة رحت صبحت عليهن سويت لفة واخذت چاي وصعدت ضليت اقرة لحد ما اجة بابا من الشغل هو و علي و انس رديت نزلت جوة سلمت عليهم و رحت اساعدهم بتحضير الغدة صبينا وخلصنا رحنا جاي نتغذة كال بابا
ابو علي..باجر راح اسوي غزيمة واغزم الشيوخ الي نعرفهم و اهلي اريد منج ام علي ما تقصرين بشي او اي شي تحتاجي كولي
ام علي..تدلل نشالله هنة بس هذني الأشياء الي نحتاجهن بالعزيمة
ابو علي..سهلة هاي اليوم اجيبهن واي شي تردي كولي
ام علي..ماشي تمارا سمعتي ابوج
تمارا..ايي والمطلوب
ام علي..يعني يا حبيبتي تكعدين من وكت موو مثل كل يوم
تمارا..ماما هو اني اكعد من وكت اليوم كعدت من 9 كعدت اقرة للسادس
ابو علي..عفية بتي اريدج ترفعين راسي بس هم وية امج ميصير و حدة
تمارا..من عيني بابا خلصنا الغدة كمت اني وسارة غسلنا الماعين و خلصنا رجعت صعدت فوك طبيت للحمام (تكرمون)سبحت وطلعت لبست بجامة لون ماروني و بيها اسود كلش حلوة سرحت شعري لأن البيت كلة سبالت اخاف استبرد صارت الساعة ب 6 أذن اذان المغرب كمت صليت و خلصت و نزلت جوة ضليت كاعدة نسولف اني و أنس و سارة لحد ما صارت الساعة ب8 كمنا نسوي عشى كملنا رحنا تعشينا كلنا خلصنا كمت اني وسارة شلنا السفرة غسلنا الماعين بابا دك على جدي عمود يجي باجر للعزيمة اكيد انمار راح يجي وياا شتاقيتلة مادري شلون صار ورة مسد الخط بابا كال راحت تجي صبا ولله مشتاقة اله و ماعندي رقمها عمود احجب وياهة ورة شوية اندكت الباب اكيد اجتي صبا كام علي فتج الباب طبت صبا سلمت عليها و سمعت صوت أنمار اجتي ماما و كالت حضري الضيافة رحت سويت عصير و كيك عدلت نفسي حلووة رحت دكيت الباب طبيت سلمت علية رحت انطيتة الضايفة كلت شلونك أنمار
الشيخ أنمار..الحمدلله بخير وانتي
تمارا..دوومك ياربي الحمدلله شلون صارت ايدك
الشيخ أنمار ..زينة ورسمت شبة ابتسامة على وجي
تمارا..ضليت احجي ويا و صافنة على عيونة ياربي مشتاقة احضنة اه ورة شوية صاحت سارة علي راح و بقيت بس اني و أنمار كلت لعد هيج يومين لا تسأل و لا تكول اكيد مصدكت اطلع عمود تخلص مني
الشيخ أنمار..ضلت تباع علية بس شلون طالع بت الاذينة غير تجنن شنو من جمال شايلة راح علي و كالت 👆 كلت اني اخلص منج ولج انتي النفس الي جاي اتنفسه شنو تكولين
تمارا..خجلت و كلت ايي مبين شلون دكيت كلت بالجذب دكيت خمس دقايق مطولت
الشيخ أنمار ..تمارا انتي تعرفين شنو جاي اسوي لا تسألين وبعدين اريد منج شي
تمارا..اي شنو هذا الشي بلة
الشيخ أنمار..لا تحجين بهاي الطريقة وياي و بعدين اريدج تقنعين صبا على شي الصار اليوم
تمارا..ليش شنو صار
الشيخ أنمار ..اكيد هي تكلج يلاا اني لازم اروح محتاجة شي
تمارا..لا سلامتك دير بالك على نفسك طلعنا من الصالة رحنا وكف يم الباب و رفع حاجبة و كال
الشيخ أنمار..طلعت جاي ارجع للبيت اجتي تمارا وراية بس ملابسة شال رفعت حاجبي وكلت هاي شلون طلعين هيج غير تخلين شال على راسج
تمارا..حبيبي ماكوو احد بعدين ضلمة الدنيا منو يشوف هسه
الشيخ أنمار..كلت بصياح تماررااا افهمي انتي مو صغيرة وبعدين اذا اشوفج مرة ثانية محاطة الشال يصير شي ميعجبج ولله وكولي مكلت
تمارا..اففف صدك ضوجني يعني ليش هيج يصيح مكلت شي غلط حبي ماكوو داعي للصياح شال مرة ثانية البس ولا يهمك بس لا تصيح عليه
الشيخ أنمار..روح فوتي جوة طلعت برة و سديت الباب قوي رجعت للبيت طبيت سلمت على امي و فاطمة و صعدت فوك بدلت ملابسي و تمددت على الجرباية و شوية و نمت ..
تمارا..افف طلع وسد الباب قوي خفت شبي هذا ولله حيرة مرة يصير طيب و حنون و ماكو منة و مرة يصير عصبي و ينرفز الواحد و مينبلع رحت طبيت جوة كالت ماما اخذي عمتج فوك اخذتها و صعدت للغرفة مالني سديت الباب اشو هاي كامت تبجي شكد ردت اسكتها ماكوو كلت شبيج صباا ليش هل بجي ماكوو داعي كولي شكوو شصاير كالت
صبا..رحنا للبيت سلمت عليهم ورة شوية اخذتني تمارا و صعدنا فوك ما كدرت استحمل كمت ابجي هي تسكت بية و اني ابجي اكوو غصة بكلبي لحد ما حسيت نفسي ارتاحيت اخذت نفس و كلت التمارا كل الي صار...........
تمارا..لا صبا تفكيرج غلط يعني موو مال ياخذج خدامة و بعدين هذا طفل صغير يعني واذا ربيتي شيصير مثلاا
صبا..يعني شذنبي اني اول مرة اتزوج وو اخذ واحد متزوج و مرتة ميتة و اربعي ابنة ولله تعبت ماريدة
تمارا..حبابة لا تسوين بنفسج هيج انتي ما شفتي الرجال حتى تحكمين علية
صبا..وللجج اني مو هذا الأريدة اني اطلع من سجن افوت بسجن ثاني
تمارا..ااا كافي عاد هذا نصيبج ولازم تقبلين بي وبعدين مبين من حجيهم خوش رجال و اذا على كولتج صديق أنمار يعني خوش زلمة وشمدريج يمكن يطلع صاك هه ايي شنو هل ضحكة الحلوة
صبا..ههه صدك ضحكتيني اه ماعرف شنو اسوي تعبت ولله
تمارا..كومي توضي وصلي صلاة استخارة وهسه تنحل يلا كومي
صبا..شنو الفائدة قبلت او لا ماعندي رأي اني اصلن ايقبلون علية حتى لو ما قبلت
تمارا..افف ياربي اه كامت تبجي و بالكوة يلا سكتت ضلينا شوية نسولف و خطية هي من التعب و البجي نامت اني كمت ضليت اقرة ساعتين و رحت بدلت ملابسي و علكت السبلت و نمت ثاني يوم كعدنا الساعة ب 7 الصبح لكيت عمتي ماكوو اكيد جوة رحت سبحت و لبست برمودة و نزلت جوة صبحت عليهم ردو
..صباح النور
ام علي..يلاا تمارا بتي تعالي تريكي عمود تبدين بشغل البيت
تمارا..ايي ماما رحت اكلت و كمت غسلت و بديت انظف بالبيت بديت بالصالة الصالة مالتنا كبيرة كلش كنستها و مسحتها و مسحت الأخشاب و التخم و نظفت البردات و حطيت معطر مال جو عكلت السبلت و طلعت سارة نظفت غرفت الضيوف و الاستقبال طلعت على الطرمة حطيت على راسي شال رشيت الزرع و نظفتها رحت على الكراج هم نظفته خلصت تنظيف البيت رحت اساعد صبا و ماما بالغدة سويت الزلاطات و الخضورات و حطيتهن بماعين وحضرت الماعين مال صب سوينا غدة تمن برياني وتمن ابيض و فاصوليا و لوبيا و طرشانا و سمج و دجاج شوية حطينا فوك تمن برياني ورة شوية بدو يجون المعازيم صعدت بدلت ملابسي لبست بدي مخطط و بنطرون لون اسود .. ملابسي 👇
وشلت شعري ذيل احصان نزلت سلمت على عمتي ام انمار و الجدة وفاطمة رحت ساعدتهم بالصب صبينا للزلم و خلصنا اجة علي و أنس و زين و احمد و دو الأكل حضرت الچاي اني و الستكاين وبعدين صبينا النة أكل اكلت شوية وكمت على الچاي صبيتا اجة علي اخذة الچاي خلصو هم صبيت الهن چاي كمنا اني و صبا و سارة و فاطمة على الماعين ورة شوية خلصنا اماعين رحنا كعدنا يم ماما و عمتي و الجدة طب علي مادري شكال البيبي و كامت تهلهل سألتها كلت خير بيبي شنو هل هلاهل كالت
الجدة..الحمدلله الحجي كال هو موافق و حددو موعد الخطوبة الخميس الجاي
صبا..شنوو
تمارا..ضليت صافنة شنو حددو موعد الخطبة باوعت على صبا خطية مصدومة يعني شنو هل سرعة راح علي و كامت امي و عمتي يهلهلن كالت صبا
صبا..ارتاحيتي يام هاي راح تزوجيني هذا الي ما اعرفة شلون هيج تسون بية شلوو اني موو بتكم ليش تسون هيج بية ليش تجبروني على واحد ما اريدة
الجدة..انجبي ولا كلمة ماريد اسمع صوتج هم عايز البنات ينطن رأيهن لعد تردين تضلين كاعدة متتزوجين لأصغر منج تزوجن و عدهن درزن مال جهال
تمارا..يالله ضليت صافنة على صبا شلون جاي تبجي و تحجي ياربي ليش هيج يسوون وياهة ورة شوية كالت الجدة
الجدة ..يلا روحي لبسي راح نروح للبيت عدنة كومة شغل
صبا..هاي هيه يأست من الحياة صارت بدون اي معنى هاي امي هيج تسوي بتها ولا على شنو لان شيخ خرب اسغفرلله رحت صعدت فوك بدون اي كلمة لفيت شالي و لبست العباة باوعت على شكلي بالمراية عيوني مورمة من البجي صايرات حمر نزلت جوة ما حجيت وية اي واحد بس سلمت على تمارا و طلعت لبست حذأي (تكرمون) كمت رحت بالسيارة مالت عباس ركبت اجتي امي هم ركبت جاي نمشي بنص الطريق وكفت كالت امي
الجدة ..شكوو يمة ليش وكفت السيارة
عباس ..ولله مادري يا حجة هسه اشوف
صبا..افف اي كلمة ماحجيت وية اي واحد رجع عباس و كال
عباس ..حجة السيارة عاطلة المحرك وكف مالتها
الجدة ..هسه شلون
صبا..كاعدة جان توكف سيارة بصف سيارتنا لون سودة ما اهتميت طلع من السيارة نفس هذا الرجال الي رزلني هذيج المرة شجاي يسوي هنا هذا طلع امي و اني هم طلعت ضليت واكفه هوو صاك شكلة حلوو و جسمة معضل ولابس دشداشة و عكال كال الامي
الشيخ مروان ..هاا حجة محتاجة شي ليش واكفين هنا
الجدة ..ولله زين واجيت يا ابني السيارة عاطلة
الشيخ مروان..لعد تعالي اني اوصلج بالسيارة ميصير تضلن و اكفات بالشارع
الجدة ..لا ابني مروان ما نريد نتعبك ويانة
الشيخ مروان ..لا تعب شنو تعالن تفضلن
الجدة ..امشي يمة
صبا.. ضل يحجي هذا الرجال وية امي ماعرفت منو بس من كالت اسمة عرفت ان هذا مروان هو الي راح ازوجة اففف ياربي شلون راح اعيش وياا وهو عصبي مبين من شكله ضليت اباوع عليه لحد ما خزرني وصعدت بالسيارة شبي هذا لا خير نشالله طول الطريق بس من اصعد عيني اباوع علية عاقد حواجبة و ضايج وصلنا للبيت امي كالت
الجدة ..شكراا الك وليدي تعبانك ويانة
الشيخ مروان ..تعبج راحة خالة محتاجة شي بعد
الجدة ..لا سلامتك وليدي
الشيخ مروان ..ماشي مع السلامة رجعت ركبت بالسيارة و رجعت للبيت هسه لازم اعرفكم على نفسي السلام عليكم اسمي مروان عمري 32 سنة شيخ عشيرة أب عن جد من بعد ابوية لله يطول بعمرة اني عمري 29 سنة و تزوجت البنية هاي تكون بت خالتي خوش بنية و مرباية احسن ترباية مر على زواجنة سنة و ماكو ضنة ما يأست استمريت وياهة صارت سنتين و هم ماكو ضنة هاي بعد ما رحنا للدكتور و فحوصات الحالتة كل شي سليم حبلت و الحمدلله الكل فرح بهذا الخبر و اكيد اني هم فرحت مر على الحمل مالته اربع اشهر وكلش تعلقت بي الولد واني هم رحنا ردنا نعرف نوع الجنين طلع ولد الحمدلله شيجي من لله نعمة بس صدمني بخبر ان هي متكدر لازم تنزل الولد لأن خطير على صحتها يهدد حياة واخد منهم لو نفقد الجنين لو الأم اني حرت بس اكيد اختار الأم كلت الهة بس هي مقبلت تكول انتضرت كل هذا و تريدني اذبة عاندت و مقبلت صارت ب الشهر السابع كلش تعبت بحيث ما تكوم من الفراش شكد اقنع بيها متقبل فات الأوان بعد شهرين صارت ب 9 صار وجه ينطي الوان وحالتهة تعبت كلش وديناهة للمستشفى سريع للأسف ما لحكنا عليه بس قبل لا تموت كالت ادير بالي على الولد واخلي وحدة صدك تحبة و تربي ماتت وهاي الصدمة رحنا نغسل اله و وديناهة للنجف دفنوها يعني كلش انقهرت عليه رجعت للبيت و شفت أبني الحمدلله كلش حلوو ملاك مال لله سميته على الاسم الي رادتة هي يزن كبر وصار عمرة 4 اشهر ضلت امي اتصر علية ان اتزوج ميحتاج اني اربي مقبلت ونفس الموضوع يتكرر الحد ما اجتي يوم كالت
ام مروان .. يمة شفت الك خوش بينة و مترباية احسن ترباية واهلة خوش ناس وانتة تعرفهم
شيخ مروان ..يام انتي تعرفين ماريد احجي بهذا المرضوع وهاي هية
ام مروان ..ابني بس اسمع البنية بت منوو وانتة كول بعد
شيخ مروان..بلة منوو هاي الي ماخذة كل عقلج ماكوو غير سيرتها بهذا البيت
ام مروان ..تصير بت الشيخ حسين عمت أنمار صديقك البنية يحلفون براسها على الترباية هاي
شيخ مروان ..بعد ما سمعت حجي امي تذكرت هاي البينة الي من جانت كاعدة هنام و جان اكول زلم طابة طالعة رزلته بس شلون بنية صدقة تجنن كلت يام التشوفي سوي عفتها و رحت عدت شكم يوم بيت عم انمار عزمونة يصير صديق بوية حسين ابو علي عدة اليوم كعدت الصبح طبيت سبحت و لبست دشداشة و عكال وحطيت عطر و طلعت اني و ابوية رحنا الهم استقبلونة خوش استقبال و هم اكوو بعد شيوخ جاين تغدينة و خلصنا اجة الچاي و كعدنا نسولف الحد ما بوية كال
ابو مروان ..شيخ حسن ولله عندي طلب منك
الشيخ حسن ..أبشر ابو مروان اعرف شنو هو طلبك يعني شلون نرفض هيج رجال
ابو مروان ..الحمدلله لعد نقرة الفاتحة
الشيخ حسن ..لله يتممهة على خير نشالله
شيخ مروان ..قرينة الفاتحة ورة شوية بوية راح وية شيخ حسن اني ردت اروح للبيت ركبت السيارة وكفت نص طريق جان اشوف عباس وكفت السيارة نزلت و حجيت وية الحجة ورضت تركب وياي وشفت نفس هاي البينة بس مبين على ملامحة ضوجة و البجية مهتميت بس ضلت تباه علية غير تصعد بالسيارة خزرتهة يلا صعدت بالسيارة وصلتهم و رحت للبيت و كلت الامي كالت
ام مروان ..الحمدلله ابني يوم اشوفك عريس و افرح بيك واشوف جهال جهالك
شيخ مروان ..نشالله لعد وين يزن
ام مروان ..فوك عد اختك سوسن
شيخ مروان ..اني رايح اشوفة يلا تصبحين على خير
ام مروان ..وانتة من اهل الخير
شيخ مروان ..رحت صعدت فوك دكيت الباب و طبيت شفتة جاي يبجي و سوسن جاي تحاول تسكتة اخذتة و كلت .........يتبع
..............................................
السلام عليكم شلونكم نشالله تكونو بخير...😻🎶
ل(())..مّـْـٌـَـّ(..ٱلـّـٌخّـّـٌيـْرٌ..)ـَـٌسْ اءِ. .(())....
شلونة بارت اليوم!؟
شنو تتوقعون هذا الزواج راح يصير خير على صبا او لا !!
تكولون راح تسكت على الي سوو بيه لو لا! !
انتضرو البارت الجاي من الرواية و هذا البارت طويل ٣٥٠٠ كلمة ...
مع تحياتي الكم ...😊
# الكاتبة "أّلَجِوِدِ''"...🎩💜