قيود بين سلاسل الماضي
البارت العاشر
جنت واكفه بالباب بلكي اسمع شي
ماسمعت بس كلام بابا نهى المكالمه شويه واجه صاح عليه
...افناااان هاي انتي مجاوبه ع التليفون
افنان...اي
بعدي محاجيه شي وراها
ماحسيت الا بابا ضربني راشدي ووراها لزمني من شعري
امير...شلون تسدين التليفون بوجه دكتور امجد هاااا
شتردينه يكول عليه
امير ماعرف يربي بناته
افنان... موجوعه ..بابا ولله ماسديته كلت الو محد جاوب وسديته
امير...مره ثانيه تتاكدين يالله تسدينه مفهوم لا راسج اكسره
عافني وراح لزمت شعري موجوعه
رحت لغرفتي ابجي ودموعي تصب شيصير لو ابوي مثل باقي الآباء
ليش ميصير مثل عمامي وشلون يعاملون بناتهم ونسوانهم يطلعونهم ويونسونهم
بقيت اراجع ذكرياتي الحزينه ووحده من الذكريات جانت قبل جنه عايشين
ببيت واحد
بنت عمي كاظم صبا عمرها سنتين جنت احبها واموت عليها طفله صغيره بس مونسه الكل
بيوم من الايام جانت امها كاعده توكل بيها واني بصفها واضحك وياها
شويه واشوف البنيه كامت تسحب نفس وتكح اختنكت
امها ركضت بيها للمغسله
غسلتلها شفتها ازركت حيل
ركضت على امي صحتها ومرت عمي تصيح
...الج لحكي عليه صيحي عمامج
ركضت صحتلهم اجو بسرعه
اخذوها للمستشفى وامها بقت بلبيت تفرفح من البجي
جانت دقايق بس الم سنين فجئه دخلو عمامي وكدامهم عمي كاظم
شايل صبا وراسها مايل صفح
ووجهه ازرك تلكته مرت عمي ودموعها تصب مصدومه
...شبيها بنيتي كاظم احجي شبيها
هز راسه وهوه يبجي
...مالحكنه عليها راحت لربها
بوقتها امها تهسترت من البجي والصريخ ماخلت شي بجسمها سالم ووجها زوركته من اللطم
ووشعرها وكعته بالكاع
واحنه نبجي لبجيهم راحت صبا الي جانت ضاويه البيت بضحكتها
ولعبها واخذوها من امها بالقوه وغسلوها وكفنوها وجابوها حتى تودعها اصعب موقف
مر بيه واني اشوف الام تملخ بشعرها وتصرخ بكل لوعه لان ضناها فاركها واجو
عمامي الباقين واخذوا للدفن وبقى ابوها حزين عليها للااربعين كل يوم يروح
ويزور قبرها ويرجع والحزن مخيم عليه وكل العائله تشبع قهر عليه
جانت مجرد ذكريات بالماضي كلها حزن بحزن
اتذكرها وابجي
وبلحضه وحده ينتابني ذاك الألم ونغزات بصدري فضيعه
الم متكرر ونغزات متراوحه اريد اتنفس من الألم مااكدر
وماحسيت بعد بشيء
ميس
جنت اغسل مواعين واجت عليه اماني
اماني..اكول حبي مياسه جنتنه شلونها
ميس...سكتت للحضه واني احاول استوعب الي سمعته معقوله افنان وافقت....
..جنتكم منو
اماني...يا شبيج اقصد على افنان
ميس...بس امي ماوافقت شلون تكولين جنتنه
اماني...اول وتالي هيه جنتنه
بس لا انتي ماراضيه تجي جنه النه
ميس ...مو اني مو راضيه افنان الي متريد
اماني...اي هنا الحجي مو اكلج تريد عماد وبينهم علاقه تكولين لا
ميس...اماني الزمي حدودج وتكفي الشر
عوفي افنان بحالها يمج بكرباج وتحجين عليها
اماني...اني عايفتها بحالها بس كلي لختج تعوفني بحالي وتترك عماد
ميس..لا تره مصختيها ولسانج يرادله كص
قاطعنه صوت خالتي
ميسسسس شهالحجي هاي اول واخر مره اسمع صوت يعله بهالبيت على وحده من بناتي افتهمتي
عفت الماعين ورحت لغرفتي كعدت ابجي واندب حضي
ياربي شحصلت اني ويريدون يجيبون افنان بعد
......................................................
فتحت عيوني بتعب ورجعت غمضتها
كعدت على صوت بابا
...افناان افنااان شبيج كعدي
ويضربني راشديات حته اكعد اسمع صوت امي تبجي واسمع صوت بابا بس مااكدر
افتح عيوني من الألم الي بصدري حسيت على بابا شالني وركض بيه خلاني بالسياره
وبعدها نقلوني للمستشفى سوولي تحاليل عامه
وتصوير كامل لقلبي
كالو لازم تاخذوها لطبيب اختصاص
بابا مرات تحس عنده حنيه كل الدنيه متملكها ومرات تحسه انسان
ماعنده اي مشاعر وكانما قلبه ميت
وصارت امور هواي خلتني اراجع هواي امور بححياتي طلعت من المستشفى والكل شايلني على جفوف الراحه حتى والدي كان جدا رحيم وياي
اماني..بضحك...اكول حبي تدرين لو لا
ميس ترتب بالملابس...شعندج احجي تره ماالي خلكج
اماني...ياا خطيه انتي ماتدرين
ميس...وكفت على حيلي وصرت كبالها
احجي شعندج وشنو المادري بيه
اماني.بمياعه ..لا امج متقبل احجي تخاف ع البيبي
ميس...احجي بسرعه ولاتضلين تلفين وادورين انتي لاتحبيني ولاتحبين الي ابطني ف احجي بسرعه
اماني..افناان
...شبيها
...واكعه وهسه داخله مستشفى
مااعرف شصار بيه ركضت بدون وعي ع التليفون
خابرت على امي
..الو
مريم...هلا يمه ميس شلونج
ميس...يمه عوفج مني افنان شلونها فدوه طمنيني احجي وابجي
مريم...لا يمه لاتخافين والله زينه وهسه طلعناها وكاعده كلشي مابيها
منو كالج انتي
...اماني كالتلي
مريم...ااوووف منهن عود كتلها خالتج لاتكليلها تضل تبجي موزين عليها
ميس...ليش هيج يمه اسمع من الناس وانصدم
غير تكليلي شنو اني مواختها
مريم...يمه خفت عليج والله تره كلشي مابيها
ميس...الحمد لله بلكي هالاسبوع اجيكم اشوفها
الله وياج
مع السلامه
افنان..
بقيت كم يوم واني اسمع التليفون يرن باليوم ٢٠ مره واكثر ومح يرد واني
احساسي يكول هذا هو الي دايتصل بعد فتره كمت اشتغل عادي ورجعت صحتي احسن دكت باب البيت ورحت افتحها ولكيت بنت جيرانه بالباب هلا نور شلونج
....هلا افنان وين امج
....موجوده تفضلي
دخلتها واني امشي وراها
السلام عليكم عمه شلونج
امي هلا عمه شلونج امج شلونها
نور بخير عمه رايده منج طلب ولاترديني
اي يومه تفضلي بعيني تامريني امر
عمه اريد افنان تروح وياي
بس تعلمني طريقة الكيكه خطوه خطوه وارجعها بيدي
لاعمه
لا ابوها ميقبل روحي جيبي اشياء الكيكه وهنا تعلمج ابيتنه
عمه والله اهلي كلهم طالعين وبس اني بالبيت محد اكو اخاف يجون اهلي ويلكوني مموجوده عمه الله يشهد اقل النص ساعه وارجعها بيدي
وهاي اول طلب هي كيكه
مريم...عمه افنان مريضه وانتي تعرفين حالتها ابوها مايقبل تطلع
نور...شسالفه عمه هسه
الي يسمعج يكول راح اشغلها اوعدج
ابد مخليها تجيس شي بس تحجي واني اسمع
وبعد الحاح كبير من بنت جيرانه امي
افنان روحي وبسرعه ترجعين بس مترجعين وحدج هي ترجعج بيدها
نور... اي عمه من عيوني بيدي ارجعها
ورحنه اني وياها ودخلنا البيت وفعلا كان بيتهم فارغ مابي اي احد بس هي
نور ادخلي افنان البيت فارغ اخذي راحتج
افنان... اوك يله وين غراض الكيكه
نور انزعي عباتج والله امان ماكو احد لاتتقيدين
افنان ...لا والله هيج مرتاحه كنا اني وياها
بالمطبخ كاعدين وهي تسولف وياي وتحضر بغراض الكيكه وكامت الحيلها وكالت
افنان تعاي اوكفي هنا
...ليش نور
نور...لا بس اريحلج
مااعرف ليش انتابني شعور حيل غريب وحسيتها متقصده توكفني هنا
وفعلا كان شكي بمحله لكن رفعت راسي وصارت عيني على شباك الغرفه
الي وكفتني كبالها وكان اصرخ من صار كبالي
باوعت على شباك الغرفه منو هذا صح الدااشوفه لو اني متوهمه هو اي والله هذا هو وبكل
سرعتي توجهت الباب البيت دااريد أطلع وسبقتني نور والله مطلعين الولد جاي من درب
البعيد بس يريد يطمن عليج وانتي تردين تطلعين بدون حتى متسمعيه
ابقي بس لحضات مو دقائق بس اسمعي كلامه افنان ترى الولد نيته شريفه وصافيه
أفنان وج ياشريفه شلون تسمحين
النفسج تكذبين هيج كذبه عليه ولج وثقت بيج وانتي منين تعرفين هذا وابجي وااشر بيدي
نور ولج بس اهدي واسكتي واني افهمج
ولج شتفهميني احجي منو هذا وش يصير منج احجي بسرعه
نور هذا ابن عمتي اصير بنت خاله ليش انتي متعرفين صلة كرابتنه
لا ومااريد اعرف طلع عماد
من الغرفه وهو مبتسم ابتسامه خفيفه لأول مره اشوفه بشكله الحقيقي عن قرب كان الموقف أشبه بفلم رعب لان متدرين شنو الي
راح يصير بعد لحضات أو دقائق دنكت راسي وهو تقرب ونور كالت اروح اكمل غسل الملابس احجوا وافهمي منه ولاتسرعين
ولج نور وين والله اذا تتحركين
أصرخ والم الناس كلها عليكم افتحوا الباب خل أطلع
عماد هاي العصبيه كلها على مود بس اريد اشوفج
أفنان منو انت وليش تشوفني
عماد والله ماعندي اذيه الج ردت احجي وياج وانتي رافضه تسمعيني بالتليفون وصار كم يوم من سمعت ايدج محتركه وراها نايمه
مستشفى وكل هذا ساكت واكول بلكي ترد بيوم بس انتي هواي اذيتيني ومكدرت اوصلج اله بهاي الطريقه
أفنان وهسه شرايد مني افتح الباب خل أطلع تأخرت هواي
عماد افتحها بس بشرط اشوف حرك ايدج
صفنت بوجه لحضات ورجعت دنكت وبكلبي اكول معقوله هذا انسان والله شكله ملك ونازل على الأرض مستحيل هذا بني ادم
اشكر والعيون عسلية وكان لابس اخضر وهو طويل باختصار جماله يلفت نظر هواي وكان بياضه تحس الدم ذاك هو يلمع بي
عماد اشو صفنتي وين صفه بيج الوكت
أفنان انتبهت على كلامه وكتله لا أفكر بشرطك التعجيزي شنو رايك تفتح الباب بكل هدوء وتخليني أطلع لو أطلع بالقوى واروح اسولف الامي وهي تعرف شلون تصرف وياك وي نور
عماد اطلعي اذا تكدرين
انداريت اريد افتح الباب حتى أطلع وهو بكل هدوء بتعد واني احاول افتحها ومن فتحت ابد ندرت واني بنضرة امل وجهته اله
عفيه افتح الباب والله امي راح تسوي لي مشكله واني ما اتحمل هيج مشاكل والي ميعرفه هو بده كلبي يخربط ورجع يالمني ومقاومه وما اريد يعرف الي ما يصير بي
عماد تدرين انتي حلوه هواي
اي اعرف بس افتح الباب
عماد افتحها والله بس بشرط
شنو الشرط اذا تشوف الحرك فلا ميصير حرام وهاي كانت اللحضه الي زاد بي الم قلبي وبديت اتخربط واني مصره أقاوم
عماد لا مو اشوف الحرك اريد مكالمه وحده من تكونين فارغه وبعد مراح اضايقج ابد
اني هزيت براسي بمعنى اي واشر على الباب افتحها
عماد اي راح افتحها نور نور تعاي وصليها لان لونها تغير وصارت صفره
نور اي اجيت بس اجيب عباتي وصلت نور اليمنه واني ااشر على الباب بيدي
واسمعه يكول اي افتحها هاي راح افتحها وفعلا فتحها وبركضه وحده وبدون حتى ماانتظر نور رجعت البيت ودخلت البيت وهي ورايا وصلت باب المطبخ امي ها مامه اجيتي
ااشر براسي اي
نزعت عباتي ودنيا تفتر بيه فر لكيت والدتي غاسله الملابس اخذتها واني احاول ماابين كدامها بيه شي رفعتها للملابس واسمع نور تكول عمه هاي الامانه وصلتها بنفسي
امي اي عمه عاشت ايدج
أفنان اصعد بالدرجات والالم يزيد أكثر وأكثر وصلت اخر درجه وحسيت شي اسود نزل على عيوني ومدريت شصار بعد
يتبع....