سلااااااام
نكملووووو
و هوما هكذاك يهدرو حتى يدخل عليهم وحد جان هكذا ابيبري عمرو 26 سنة ييب هو نفسو لي راكم تخممو فيه
هي اييييز امييين انه المونقول تاعنا راح يخدم زعمة استاذ خخخ يعني رومبلاسون برك المهم دخل يجري
أمين : صووورييي جماعة جيت روطار😣
مريم : لالا كون زدت شوي مزال الحال خوذ راحتك😑
أمين : وااات ، بف المهم معاكم أمين نجوم نجوم نجوم (زعمة اللقب تاعو ، شوي سيريو) ،
انا أمين بروف رومبلاسون بسك لبروف تاعكم دار اكسيدون لبارح سووو انا هو استاذكم الجديد نياهاهاهاهاي😈😈 عمبالي راكم تقولو كشغل صغير شوي مي ماتخافوش راح ندير واجبي على اكمل وجه ان شاء الله و درك نبداو بالدرس و نتعرف عليكم اومامتون.
بدا أمين يقدم في الدرس تاعو مالغري هو طبيب ماشي استاذ مي قرايتو و تقربو من استاذو قالهاش هو مستر كروكوديل خلاه يعرف كيفاه يتعامل مع الناس و خاصة مع التلاميذ و يعرف يقدم المعلومات كوم ايلفو فغونشي يااه ، نوليو..
بدا يقدم في الدرس و مع الأسئلة الحمد لله يعرف يهدر بلهجتنا بسك هو لاعلاقة بالفصحى و هو يشرح أكيد كاين وحد الدودة لازم تحشر روحها في كلش و اللي هي مريم ياس بورتون مهبولة مي فضولية بالبزاف تحب تفهم كلش و كيفاه و منين جا بدات تسقسي فيه و هو يجاوب و عاجبو الحال بسك باسئلتها يزيد يتعمقلهم في المحتوى اكثر ، خلاصت الساعة تاعو و قبل مايتنفس لقا الغاشي كي الهمج لي تخرجهم من الحبس خرجو اوكل ييب انه وقت الغداء كمل أمين يلم في قراوزو📚📄📚
مريم : ايييي هايااااا مارياااا الواحد راهو ميت بالشر😫
ماريا : اصبري يا موكراشة نلم حوايجي😑
مريم : بففف ازربيي😤😤
ماريا : واقيلا انا ماذابيا نطول ياك😒 في عوض ما راكاي تعاونيني باه نزربو نخرجو قاعدة تشركي في فمك😠
أمين يسمع فيهم و يضحك و خرج اما مريم عاونت ماريا بسك هي كي لبغل طيحتلها ساكها و ساح كي الماء خخخخ كي عادو خارجين
لقاو أمين واقف و البنات دايرين بيه
ماريا حارت واش راه صاري راحت تقرعج اما مريم بغات تندب بسك جاعت و هي اصلا فهمت واش كاين نظن تعرفو التلصاق هاداك و كل وحدة تشيت عجبتني طريقتك و فهمت الدرس بيان و باطاطاطا و باطاطاطي راحت مريم جبدت ماريا لي كانت قريبة ليه.
مريم : هاياااااا خلينا من جدهم هوما راهم يشيتولو و انا واش ذنب كرشي يالااه😕😕
ماريا : يامريم خليني نقرعج شوي أسيدي
مريم : مالا انا ني رايحة و ربي يسهل عليكم
مريم دارت جات رايحة و يعيطلها أمين و شافتو جاي ليها
أمين : مادموزال نظن طيحتي تيليفونك هاكي.
و حكمها و كمل يمشي فيتاس و مبعدا حبس
نحات مريم ذراعها من يدو وقالتلو : عمبالي تاع تيليفون درتها سبة باه تهرب منهم بسك تيليفوني أهو عندي مي اخر مرة تزيد تحكمني خطراكش الخطرة الجاية مانظمنلكش ذراعك و يدك يقعدو مع بعض و درك صحا غداك استاذ و طشاااو👋👋
راحت و خلاتو حاير
أمين : يادين الله تزرب في هدرتها اكثر من مخلوفي بف خليني منها ليسونسيال ماهيش لصقة كيفهم😒😒
و راح هو تاني يرهج و روح للدار ديراكت بسك ماعندوش خدمة مع العشية كي دخل للدار لقا ليث قاعد يتفرج
ليث : اوهووو جا لبروف تاعنا واش مليحة
أمين : اسكت عليا هاداوين حسيت بإحساس مستر كروكوديل والله عذاب
ليث : تستاهل قلتلك اخطيك مي نتا نووو ما...
أمين : بلع عليا يرحم باباك ميش خاصني يايماااا و تشوف لبنات ياخاه لصقة كثرمن تاع لهيه😣
ليث : عمري بوقوص واش تستنا😜
أمين : راني بديت نتأكد بلي نتا guy
ليث : انا الرخيص لي قلت نطلعلك المورال😑
أمين : اعتراف خطير أصبر نجبد نسجلو اصبر
جبد أمين تيليفونو لقاه قريب يتحرق من لينوتيف في الانستا الفايس ومشتقاتهم
أمين : يايما لافاك اوكل بعثتلي واش هادا😖
ليث : هاداك العام لي قلنالك ما تحلهمش باسمك و لقبك تقول بلدية ياجدك😒😒
أمين : يانندب حتى التصاور ماخلاو ماصورو بفففف يفشلو تقوشي شافو براد بيت و ولاد عمو😓😓
ليث : هههههههههه هات نشوف
شاف ليث التصاور و كلاطا بالضحك بسك ماكاين حتى بوزيسيون تصلح لامين ولا قلبلو تيليفون
ليث : هممم أمين ياك انا خوك 😕
أمين : واش تحوس
ليث : كاينة وحدة نمدلك اسمها تحوس عليها اذا تقرا ثم ولانن
أمين : أمشي تلعب على روحك خطراكش قاعد علاجالك ياك
ليث : بفففف كاش خطرة دير هير في حياتك يالرب اوموا ينقصلك من عذاب جهنم ب ايطاج
أمين : نكون معاك صديقي نتعذبو كيف كيف
ليث : شوف نديرلك واش تحب كون تلقاها تقرا ثم شهر كومبلي
أمين : راك سير🙃
ليث : مدينا الكلمة شبيك
أمين : اوك مي عمبالك باسمها و لقبها و راك سير تعرف وين تقرا
ليث : اي اسمها نعرفو لقبها ندبرو من عند لعجوز هممم اذا تقرا وين تقري نتا العلم لله
أمين : ياحمار مالا تحوسني نشوفهالك وهي مانعرف لا حية ولا ميتة😠😠
ليث : ايييييي اسكت درك نشوف
أمين : مي اصبر شكون هادي و وين تعرفها نتا و خالتي سميرة احكي يالمرخص احكي تعلمت دير اسرار ياه.
وناض يجري موراه و الحاجة لي يلقاها مقابلاتو يشاليه بيها حتى خبط الحيط ب فاز ، حبسو للزوج و طرطقو بالضحك
ليث : هههههههههه يادين جدك كون قاسني
أمين : هههههههه كون شفت واش كاين داخلك برك
ليث : اواه نتا غلطو كي داروك طبيب نتا تقتل نص الناس و زيد بروف كملت بالبيان
أمين : هههههههههه ايا أرواح احكيلي يالتافه
ليث : اوك يالداب نجيب حاجة تتكل ونجي
اما مريم كملت نهارها نورمال روحت تعشات غسلت لماعن و الى الهاتف طبعا ميش راح ترقد ذرك و بينما هي تسمي باسم الله باه تبدأ المسلسل تاعها -العشق الفاخر ايز ذباسط- تلحقها نوتيف نحاتها و كملت تتفرج أكيد سمانة و هي تستنا في الحلقة و بينما هي تشاهد الحلقة
لاي لاي لاي لاي لاي🎵🎵🎵🎵
نظن عرفتو المتصل
أمال : شكون عيطلك
بعدما زدمت عليها كي سمعت الاي لاي
مريم : ياو راح نبدل الصونري راني نجرب برك😅
أمال : انا اصلا حرت بسك هاد الاغنية سمعت وسيم يغني فيها نتي لي علمتيهالو ياك
مريم : آه انا شكون وسيم -بامتسامة غيبة-😅
أمال : عطاني ربي مهبولة و خلاني
خرجت مريم راحت للفايبر لقات السيد باعثلها جرنال ماقرات حتى كلمة راحت بعثتلو طول < واشبيه عزرين جدك الكلب تحوس تباصيني واقيلا. ياو كون تزيد تعيطلي ياوحد الكلب تشوف ياخاه نندب افهم روحك شوي يالرب ذرة كرامة ماعندكش يعني للدرجة هادي انقرضو الرجال اووو ديجا شوف خليني ساكتة نروح نكمل خدمتي خيرمن نهدر مع حيط كيفك>
ليث : راني شاك بلي وجهك قريب يطرطق من الاحمرار هههه مي سمحيلي تهدري بزاااااف
مريم بعدما كوبات عليه : ر** ماتفهمش نتا😡
ليث : واش حبيت نهدر معاك برك😊
مريم : مانهدرش مع الحيوانات
ليث : بصح راكي تهدري نورمال
مريم : يسما عارف روحك حيوان حاشا الحيوانات لي ماعندو مادخلهم في النص مساكن
ليث : اهاه وين راكي تقراي🤔
مريم : في لافابو عندك بروبلام
ليث : سيريو سينون نعيط لباباك و نخرط عليه شوي
مريم : اذا حبيت نروح نعيطلو يجي يهدر معاك منا لاه تخسر ليزينيتي باطل عيب اخاه
ليث : هايا قوليلي وين تقراي باه مانزيدش نعيطلك
مريم : نقرا في لونفي لي جاية في الجامعة لي جاية في الولاية لي جاية في دزاير لي جاية في افريقيا لي جاية في الكرة الأرضية لي جاية في المجموعة الشمسية ، هاه عرفت درك كون راجل و ماتزيدش تعيطلي
ليث :زيدي زيدي تحاسبك ولا خلاصو المعلومات ، لاه انا قلت في لاكريش اصلا لاكريش و مانعرف يقبلوك ولا نن ايا اهدري سينون الليلة ماترقديش
مريم : كاينة عفسة يسموها نطفي التيليفون اذا ماتعرفهاش
ليث : هايااااا بليييييييز😔😔
مريم : زيد حاولني شوي
ليث : بلييييييييييييييييييييييييييييييييييييييييييييز
مريم : همممم كشغل مالحقش الميساج
ليث : إصبعي قريب يطير ونتي تتمسخري
مريم : اااه شنهي
ليث : هاياااااااا مادموزال مريم اذا سمحتي و تكرمتي عليا بمكان دراستك راح نكون ممنون
مريم : اف تمام وجعتلي قلبي بهدرتك بوعق ، نقرا في جامعة نجوم نجوم نجوم (الاسم ) مي نتا لازم تجري على عمرك عبالك 🤔🤔
ليث : ايا اوك ، ا ااه لاه
مريم : ياخويا لا كرامة لا هيبة لا رجولة لاسيدي زكري غير روح لكاش طبيب قبل ماتطفر فيك
ليث : اوك اوك صحا
مريم : ذهاب بلا عودة ان شاء الله
ليث : ماتفرحيش بزاف ميش كي مانزيدش نعيطلك سما مانبعثلكش دي ميساج😁😁
مريم : نتا فري رخص
وخلاصت المحادثة نظن فهمتو لاه ليث سقسا مريم السيد دارها في راسو و من زهرو طبعا لقاها تقرا في نفس الجامعة لي يخدم فيها أمين
New day
يوم جديد اليوم الخميس
أمال : ياطفلة نوضي راهو راح الحال ياخااااه على مزود النوم لي عطاهولي ربي نوضيييي
مريم و هي مزالت مغمضة عينيها: اوففففف ماما ياك الجمعة واش ندير خليه لمبعدا و نديرو زغبة تاع رقاد و محرومين منها😴😴
أمال : ختك وي نوضييييييي اليوم الخميس يالرهج
مريم ناضت كي الجرادة من السرير للتاقة التيليفون باه تتأكد أمال كي شافتها هكذاك خرجت عمبالها بالاعصار لي راح يصرا درك
و في هذه المدة القصيرة وجدت مريم روحها بأعجوبة و خرجت بلا ما نفطر نعم اليوم معجزة بسك جاااامي راحت مريم تقرا و مافطرتش{ انا اصلا يحيروني لي يخرجو بلا فطور كون مانسمعش الحس في الكوزينة مانوضش }
تلاقات بماريا لي شكرتها بزاااف على الروطار. و راحو مع بعض ......
---------------------------------------------
هاااااااااااي جماعة الشر تووووووحشتكوووووووم
ديزووووووليييييي على الروطار مي والله ماكاينة القعدة و نظن عمبالكم اليوم شنهي ياس ليوم دخلنا نكغاااااو و ان شاء الله تكونلنا بداية موفقة و نتمنا تاني لصحاب لافاك لي ماننساوهمش ربي يعاونكم
احم بارت صغيرون
رايكم
توقعاتكم
طشاااااااو و الى الملتقى👋👋👋