صكر مر ع وجودهم 6 ايام بس خليتها تكره هاي الايام اللي بقت هنا كله من ايدها من صبح الله تنزل تكمز وتركض بالحديقه لو لبسها الحقيره تخلي ولد عمي بس مصفنين عليها وع اختها من طاح حظهن كون مو صوجهن لا صوج عمي اللي تاركهن ع راحتهن يوم العقد هوسه انريد نروح البيت عمي طبعا هاي نازكه ما تحب الهوسه فما راجت الصبح هي والبنات بقن بالبيت اني بيومها الصبح عندي شغل فما رحت للعصر تقريبا الساعه ب2 رجعت للبيت اتغديت وكملت صعدت دخل للحمام بطلعتي شفت هاي البلوه شلابسه وتريد تطلع هيج لا والله تحلم رحت وسحبتها ودخلتها للغرفه وليدي ع حلكها علمود ما تصرخ كتلها. راح ابعد ايدي اذا صرختي لو سويتي حركه يا ويلج
قمر هزيت رأسي بمعنا أي بعد ايده وكتله. تخبلت شبيك
صكر هو أنه متخبل بيج بس شسوي لازم اسكت عاينت عليها نظره مستفزه وكتلها. راح تطلعين بهذا لبسج
قمر ضليت اباوع ع ملابسي ما بيهن شي كتله .ليش بيهن شي
صكر. ولج كو... اخليج تطلعين هيج روحي غيريهن لا والله اشككهن عليج
قمر. اشو بعد عني انته منو حته تآمر علي بعد
صكر مهرتي وكحه وما تكعد وتسكت تريد تلعب بذيلها بس اني الها لزمتها من شعرها قوي وكتلها. كلت يتغيرن وبسرعه فهمتي
قمر. مو بكيفك بعد عني والله آكل لشيخ عليك بعد
صكر. أنه الشيخ وابوي شيخ واجدادي كلهم شيوخ عدنه سمعتنه بين الناس مو تجي تطلعين من بيت الشيخ بهذا لبسج يلا ولي غيريهن
قمر تجمعت الدموع بعيوني هو ضخم شكل من طبيعي ايده قويه ولازم شعري بقوه جمعت قوتي كلها ودفعته وكتله. انته ما دخلك فاهم ما دخلك بعد فاهم حقير اكرهك الله يأخذك
صكر. قمر السانج وكسر الشر لا تخليني اطلع اخبالاتي عليج فاهمه يلا ولي غيريهن
قمر تركته وطلعت دخلت للغرفه وضليت ابجي هذا منو حاسب نفسه حته يدخل بحياتي ويشترط والله اكرهم ماريدهم اوووف ربي ابوي ما ماد ايده علي هذا يجي الله لا ينطي كطع شعري الحقير والله ما ابقى هنا هسه ارجع البغداد ضليت كاعده وابجي اندك الباب مسحت دموعي وكلت منو
جنه. هاا قمر كملتي
قمر. بس لحظه دخلي
جنه دخلت وكعدت ع الجربايه. هاا قموره يلا بسرعه لا نتاخر
قمر كنت محتاجه واحد ابجي بحضنه ومهما يكون هاي اختي رحت عليها حضنتها وضليت ابجي
جنه استغربت منها اول مره تحضني صح احنه خوات بس قمر بعيده عني بشكل مو طبيعي مااعرف ليش اتمنه انو تتقرب مني وتحجيلي اللي بقلبها و وحده تحجي الثانيه أسرارها بس قمر دائما تبعد عني كل ما احجي وياها تتركني وتمشي المهم رفعت رأسها وكتلها. معقوله هلي قمر اللي تبجي من يمته تبجين ما اصدك
قمر. تعبت والله ما عاد اتحمل
جنه. احجي شنو بيج يعمري انتي احجي
قمر. هذا الوحش ابن عمج
جنه. ياهو منهم صكر
قمر. يي هذا العقده
جنه. وانتي تبجين علموده ولج خلي يولي انتي غاليه ودموعج غاليه ليش تنزلين هل الدموع يعمري
قمر. يعني ترضينها بابا عمره كله ما رافع ايده علي يجي هذا الحقير يمد ايده علي انا
جنه. شنووو وليش بلا يمدها عليج شنو مسويه انتي
قمر. علمود ملابسي ما عاجباته ويريدني اغيرها
جنه. والله اكسر راسج اذا تسمعين حجيه ابوي ما يتحكم بينه مو يجي هذا ويكعد يحاسب بينه
قمر كنت عملت مكياجي وطلعنه ع نفس الملابس ما غيرتهم اريد اشوف شلون يحجي نزلت شهم و سعد كاعدين بالصاله كلت. السلام عليكم
سعد و شهم. وعليكم السلام
جنه. شهم احنه نطلع وياك اوك
شهم. بين عيوني اخليج ااا اقصد اخليجن
قمر ضحكت ع شهم اشوف سعد يباوعلي ما اهتميت شوي ونزل الوحش شافني وعيونه صارن بكصته اتباوعت الجنه وابتسمت هي كالت
جنه. يلا شهم خلي نطلع
شهم. يي يلا كومن
قمر طلعنه كلنه سوه حسيت كاعده العب بالنار ويه هذا الوحش مستحيل ايعديها ولو يموت ما راح اخضع الواحد مثله صعدنه بسيارته شهم اني وجنه وسعد والبنات ويه صكر
•••••••••همممممممم خلي خلي نتعرف ع شهم و جنه •••••••
شهم. هلا اني شهم اخو صكر أكبر منه تقريبا سنه او اقل لان ما عدنه مره تتبطر وتكول ما اريد خلفه اذا تحجي هيج يخلون مره ثانيه ع رأسها طبعا هسه تكولون هذا تخلف بس هاي عقليتهم عندي 4 اخوان غير صكر و 3 خوات أخواني الصغار متزوجين كلهم اربعتهم بس اني وصكر ما متزوجين طبعا اني عندي شوي طباكات وماكو وحده دخلت عقلي و قلبي خريج طبيه جراح دماغ اني و صكر روح وحده
مواصفاتي طويل طولي 188 وزني تقريبا 83 معضل غيوني سود كبار اسمراني مالي بسوالف والشيخيه والكعدات عكس صكر يموت روحه ع الفصول
جنه. هلا اني جنه اخت قمر أكبر من قمر بسنتين خريجه تحليلات اشتغل بأحد مستشفيات بغداد اني وقمر كتلكم ابد ما تربطنه غير الدم انقهر من اشوفها ويه ثائر يعني هو ولد وغريب عليها بس كله وياه من تصبح لحد ما تمسي حته من كانو بالكليه الكل يفكر انو هم مرتبطين ع كد ما يمشون سوه وما يتفارقون مواصفاتي بيضه عيوني عسليه ع ماما عاطفيه بشكل مو طبيعي قلبي يقرر بدال عقلي
قمر المهم وصلنه البيت عمي ابو حسن نزلنه ولك تارسه الشارع والباب دخلنه بسرعه شفت جده كاعده رحت كعدت يمها
جده. ليش ما ترحين ويه البنات كاعده وحدج هنا
قمر. ماادري جده احس انو هن ما يريدني يمهن
جده. لا ولج ليش تحجين هيج روحي ويه البنات يلا مو هاي جنه كله ويه بنات عمامج كومي يلا كومي
قمر كمت سئلت تقى كتلها وين البنات كالت بغرفه ساره صعدت شفتهن كاعدات يعدلن بمكياجهن بنات عمامي اكثريتهن متزوجات واكو بيهن بعدهن لسه ما متزوجات كعدنه ساره بنت عمي عمرها 22 سنة ما متزوجه لسه كالت
ساره. اكلج قمر
قمر. كولي حب
ساره. يمته ترجعون البغداد
قمر. والله مااعرف يمكن باجر
ساره. اذا هاي ابقي هنا و باجر واحد من الولد ياخذج البيت الشيخ
قمر. ماعرف اذا بابا يوافق ماعندي شي
ساره. اوك شوفي انتي و جنه نتعرف عليجن
قمر. اوك بعدين احجي وياه ونشوف ضلينه كاعدين كملن البنات ونزلنه كلنه سوه البنات شغلن اغاني وكعدنه نركص اني احب الركص اموت عليه بحيث حته بدون مناسبه اشغل اغاني واركص تقريبا نص ساعة وكالو خلي نروح الاهل البنيه طلعن البنات كلهن طشن ما شفت ولا وحده منهن حذائي انفتح السحاب مالته و بالكوه يلا كدرت اسحبه طلعت البنات ماكو وين اولي غير اصعد ويه البنات خو ما اروح واجيت باي سياره
صكر من بعد ما طلعت اعرف زعلت مني بس والله الا اشوفها انجوم الضهر شنو اخليها تطلع هيج ااااخ يا عمي لو جايبهن من هن أصفار وكاعدين هنا اخليها هيج تطلع لو السانها مثل السان بنات بغداد شفت الدموع تجمعت بعيونها وصارن يلمعن اوووف بيهن سحر صدك لو كالو للعيون سحر مرات استغرب من نفسي شلون كدرت احبها ياما شفت وعفت بس هاي دخلت قلبي طلعت من الغرفه اني بسرعه غيرت ملابسي لبست دشداشه جوزيه و غتره وحزامي ع خصري وخليت السلاح وعطرت ونزلت شفتها كاعده بس مبين عليها باجيه و ع نفس ملابسها لا هاي اليوم ناويه ع روحها طلعت ويه شهم وهذا الناقص سعد وياهم يا يابه يا بويه لو بيدي أكسرهم اثنينهم لعنت الشيطان وطلعت البنات وياي وصلنه البيت عمي بس اني بالكوه متحمل أعصابي نار دخلن البنات انوب هي واختها نشاز كلش يعني لا ملابس مثل الناس ولا مستورات نزلت سلمت ع عمامي والولد ضلينه نسولف بس يا قلبي شسويله شوي وعمي كال خلي نطلع لا نتاخر ع الناس طلعن النسوان كلهن بس هاي المصيبه ماكو كلهن صعدن وهي هم ما طلعت شوي وطلعت ضلت تعاين ع السيارات غير صعد الدم الراسي انعل شيب الخلفوها رحت عليها بسرعه سحبت ايدها وكفتها يم السياره وكتلها. ولا حرف صعدي بسرعه
قمر واكفه اعاين ع السيارات اريد اشوف وحده من البنات ماكو ما احس غير ايدي انسحبت شفت هذا الوحش ضليت امشي واتعثر وكأني يم سيارته والله لو اموت ما اصعد وياه كتله. ماريد شكرا
صكر لا هاي تريد ابتلي بيها والله صحت. تصعدين لو شلون يلاااا
قمر شفت عصبيته لا يروح يسويلي سالفه صعدت طلعن السيارات هو مشه وياهم اني ما حجيت هو ساكت نزلت دمعتي بس بسرعه مسحتها شنو مفكر نفسه حته يتصرف وياي هيج شكد اكرها
صكر. لا تبجين ما راح اسويلج شي
قمر. اسكت ما اريد اسمع صوتك
صكر. قمر اني ما رايد منج شي المصلحتج بربج هذا لبس مقتنعه بي شنو ساتره من جسمج ايدي ورجليج طالعات شعرج صدرج كلشي طالع وين الستر ما تكليلي شساتره بس طياح حظج انتي واختج كل وحده اطكع من الثانيه طالعه بالتليفزيون وكل خلق الله تعاين عليج تتمضحكين وياهو الجاي ماخذ وياج صوره ياهو الجاي يعاين عليج ما تستحين اذا ابوج ما يادبج اني اكسر راسج فاهمه كاعد احجي وياج فاااااااهمه
قمر يحجي وابجي ليش يدخل بحياتي صدك كرهته وعاد اني شلون احبه من صرخ بوجهي طفرت من مكاني وكف السياره وانطاني بطل مي ما اخذته
صكر. شلون راح تخليني اتخبل عليج اخذي غسلي وجهج
قمر مت رديت عليه نزل من السياره واجه علي فتح الباب وفتح بطل المي وغسل وجهي عصبت منه أكثر ملابسي صارت كلها مي بسببه خلص البطل علي ورجع صعد اخذت كلينكس ومسحت وجهي عدت من يمنه سياره شهم وياه جده طلعت جهازي واتصلت عليه
شهم. هلا
قمر. وكف سيارتك خلي اصعد وياكم
شهم. ليش انتي ويامن صاعده
قمر. ويه صكر يلا فدووه اوكف
شهم. اوك باي
قمر. باي انداريت ع صكر وكتله نزلني
صكر استغفر الله هاي شلون بلوه ما رديت عليها كملت طريقي وعبرت شهم وصلنه البيت العروس هي نزلت بسرعه اني غلست عنها شسويلها يعني اذا عمي قابل الها وكفت السياره واجه علي شهم يضحك
شهم. شمسوي للبت ومخليها تطنكر عليك
صكر. ما شفت لبسها انعل شيب الخلفوها
شهم. يي والله يا خوي لبسهن لا يستر ولا يدفي
صكر. شكلك واكع ومحد مسمي عليك
شهم. هو بس انه لو حته انته
صكر. شكلهن بنات جليل راح طيحن حظنه
شهم. امشي امشي والله سالفتنه سالفه
صكر دخلنه يم الزلم بالديوان ضلينه نسولف شوي وكالو خلي نعقد راح الشيخ عقدلهم
قمر دخلت البيت بسرعه رحت للحمامات رتبت مكياجي وطلعت عيوني ورمانه من البجي بس بسيطه اني اعلمك يا صكر أفندي عبالك امشيها الك بس اصبرلي رحت البنات كاعدات كتلهن بصوت عالي. حقيرات غير تنتظرني نطلع سوه وانتي عود اختي تاركتني ومشيتي
جنه. هههه تعالي هاي شبيج كعدي
قمر. لا والله صدوك ليش هيج خليتني ويه هذا الوحش
جنه. يبوووو هو جابج
قمر. يي يي هوه
جنه ضحكت عليها اعرف هذول الاثنين ما يتحملون بعض صكر و قمر هذول واحد نار واحد بارود وما يتراهمون
قمر. يلا يلا لا تضلين بس تتمضحكين المهم حفله عاديه شوي ورجعنه البيت عمي دخلنه للبيت ساره حجت
ساره. تره هناك كلشي ما شفنه خلي نحتفل هنا
قمر. يي والله فدووه شغلي فد شي خلي نهز
ساره. اويلي يابه بنت عمي تموت ع الهز
قمر. اشد حزام الحزن ع خصري واخلي يفرح
ساره. هههه يلا يلا
قمر شغلنه اغاني وكعدنه نركص آخر شي شغلن دبكه اني اطرب عليها بس بالتنوره مااكدر ضليت واكفه البنات يركصن اجت ساره وكالت
ساره. هاا انسحبت اتفضلي
قمر. اريد بس مااكدر من التنوره
ساره. تعالي انطيج بنطرون
قمر. وك صعدنه الغرفتها طلعتلي بنطرون اسود لبسته وأخذت فلات منها ابيض رفعت شعري وكتلها يي هسه تمام امشي
ساره. اوك يلا خلي ننزل
قمر نزلنه طلعت دبكه تركيه وكفنه اني وجنه مع بعض و البنات وحده تلزم ايد الثانيه تقريبا 8 صرنه اشتغلت الدبكه وطبعا اني اللي استلمت بدايه الدبكه اول شي ع كيف احركهن
بعدها شوي شوي خليتهن ما يكدرن يسونها بسرعه مثلنه اني وجنه احنه دائما نركص الدبكه بسبب ثائر تعلمناها دائما يركص واحنه وياه فتعلمنه المهم نركص وضحكنه عالي لليل الكل تجمع اني بقيت لابسه البنطرون اريح اكدر اتحرك بي مو مثل التنوره حصر دخلو الولد حضرنه العشه وكملنه كعدو يأكلون اني ميته جوع من الركص كل اللي اكلته بالغده نزل اكلنه البنات شي يغسل مواعين وشي ع الجاي وشي ينضف بالبيت اني ضليت انضف ويه ساره و سمر بالصاله هم كاعدين بيها بس من الجهه الثانيه كملناها وكعدنه يمهم الكل يسولف
سمر. اكلج قموره
قمر. كولي حب
سمر. بعد يمته تبلشين برنامج جديد
قمر. حياتي والله ما اعرف بس هاي الفتره مستحيل اوقع ع عقد اريد ارتاح اقل شي كون 6 اشهر ارتاح وبعدها افكر انو ارجع اشتغل
سمر. بس هواي 6 اشهر
قمر. والله حب تعب الإعلام لا تفكرين انو بس اجي وافتح الكاميرا واكعد احجي هو بس إعداد الحلقه ياخذ أكثر من ساعتين
سمر. الله يساعدج
قمر. حياتي انتي اممم بابا اليوم نبقى هنا لم ساره اني وجنه
جليل. براحتجن بويه
صكر كاعدين بالصاله وهاي كاعد تنضف ويه البنات بروح ابوج ستري عليه كل شوي ومندنكه والولد كلهم كاعدين ااااخ يا قلبي شنو راح يصير بيك من وراها ردت اكوم اسحلها وانوب لابسه البنطرون وحصر عليها لا وانوب تريد تبقى هنا الا والله بس ع موتي أنه الج اشوف شلون تبقين وانه شيخ صكر
قمر كاعدين نسولف اتصل شهم رديت عليه . الووو
شهم. هلا قمر بعدكم بيت عمي
قمر. يي ما نرجع اليوم
شهم........
هلا والله شلونكم اخباركم أحوالك مشتاقتلكم حيل ادري زعلانين مني بس شسوي والله خلص النت وهستوني يلا فعلت اتمنه تعذروني وطبعا اكوو بعد بارت بس مو هسه فد ساعه اكمله وانشره بس راح يكول بارت قصير يعني 1500 كلمه مو أكثر كتعويض عن الايام اللي ما نشرت بيهن اوك مو تزعلون علي والله احبكم باي