عادات وتقاليد اعدمت حياتي(نهوه) 🔞🔞

البارت 7

قمر. ولي ولي حقير اكرهك الله يأخذك سديت الخط بوجهه شكد لزكه هل ولد وكفت كدام المرأيه انتبهت الوشم كاعد يخف لونه لان اني داكته مؤقت وصارلي هواي من مسويته كلت عادي لان أنتدمت من سويته ما حلو ومبالغ بي كملت اغراضي العصر نزلت يم بابا واللي مني انووو

جليل. بويه قمر من اليوم ورايح راح نرجع للعماره ونسكن بيت جدج

قمر. شنووووو وليش عود وهذا البيت الكم يبقى

جليل. بويه الشيخ أمرني انو نرجع بين خواني وانه كل عمر بعيد عنهم خلي اخلص آخر ايامي يمهم وبينهم

قمر. اسم الله عليك بابا ليش تحجي هيج

جليل. بنيتي أنه ما دايم الكم يجي يوم وراح اموت وانتن لا سند ولا تلد ما عدجن اخوان تسندان ضهرجن عليهم ع الاقل هناك عمامجن و ولد عمامجن يلا بويه تزهبن علمود نرجع الديرتنه

قمر ابوي يحجي بس احس من كلامه بي شي كتله. ليش تحجي هيج بابا عمرك طويل

جليل. لا تخافين حبيبتي ما بيه شي بس اريد اكعد ويه اخواني كافي غربه 30 سنة كاعد هنا وبعيد عن اهلي

قمر. اوك بابا اللي تريده بس لا تحجي هيج

جليل. عفيه عليج بويه يلا حضرن اغراضجن

جنه. بس بابا وشغلي شلون

جليل. لا تفكرين ابن عمج شهم تكفل بكلشي وراح تشتغلين بالمستشفى اللي هو يشتغل بيها

جنه. اوك اذا هيج

قمر كملنه اغراضه يوم ثاني العصر ودعنه خاله ام تحسين وعمو ابو تحسين والولد وطلعنه كل واحد بسيارته الطريق كله افكر شنو راح يصير وياي هناك وصلت البيت جدي قبل ابوي و جنه لان امشي سريع عكسهم المهم وكفت سيارتي فجاه بدون ما اشغل الاشاره ما احس غير اجاني ضربه من وره قويه بحيث رأسي انضرب بالسترين حسيت صار عندي ارتجاج بعقلي نزلت وكالعادة الوحش كدامي كتله. اعرف انته متحلف للسياره كل يوم والثاني داعمها

صكر تحجي وانه منتبه ع جبينها ينزف بسرعه تقربت عليها وكتلها. بيج شي اخذج للمستشفى

قمر. بعد بعد ما بيه شي بس اريد اعرف ليش هيج وياي

صكر. لا تعصبين والله ما منتبه

قمر. مليق بعد عني تركته ودخلت للبيت احس رأسي يوجعني خليت ايدي مكان الضربه وفركت مكانها وشفت دم بسرعه غسلت بالحديقه ودخلت للبيت شكد اضوج من هذا البيت طبعا هو بيت جدي بس عمامي رادو حصصهم من البيت ف عمي ابو شهم هو اللي اخذه البيت وانطاهم حصصهم وبما انو عمي ابو شهم هو أكبر واحد بولد الشيخ والشيخيه من بعد الشيخ عزام الشيخ صكر فجدي كاعد وياه بنفس البيت بيت كبير كثير أولاد عمي ابو شهم اربعه منهم متزوجين وبنفس البيت هم وجهالهم دخلت للغرفه اللي كانت بس من اجيبهم اكعد بيها بس هسه صارت غرفتي الجديدة شوي وصعدو الجنط مال الملابس فتحت الكنتور اريد ارتب ملابسي شفت ملابس رجاليه بالكنتور طلعتهم ع صفحه وكعدت ارتب ملابسي كملتهم لان اني مرتبتهم من قبل بس اخليهم بالكنتور نزلت اريد اشوف واحد من الولد علمود ياخذ السياره للتصليح شفت شهم وكتله. شهم طلبتك لا تردني