قيود بين سلاسل الماضي البارت التاسع ريتاج الموسوي .
......................................التفتت وجان اشوف امي وراي فاتحه عيونها بصدمه نزلت السماعه من اذني ...ماماا مريم...هذا منو ولج افنان
..ماما هذا عماد ابن حما خالتي سهام مريم تتقدم ع افنان
..شنو هذا الحجي الي اسمعه
افنان...ماما و الله مااعرفه وهذا السمعتيه كله حيل من اختج وبناتها هذا هوه واحجي
وياه اخذت السماعه مني كالت.
.الو تفاجئت من رد عليها يعني جان ع الخط ويسمع كل شي مريم.
..ها عمه ليش هيج افنان مااعتب عليها جنها صغيره وماتفتهم وحسابها بعدين بس العتب عليك انته الجبير ابن الأصول تقبل
واحد يحجي ويا اختك
عماد...عمه اوكفي لاسدينه خلي افهمج اني صدك اتصل بس هيه تصدني وماتحجي وياي
تره والله مااضحك عليها انه رايد افنان على سنة الله ورسوله
مريم..الي يريد عل على سنة الله ورسوله يمه يجي من الباب ويخطب مثل العالم
عماد...وهذا الي اريده عمه بس البارحه اختج دزت عليه ورحتلهم كالت احنه خطبنه افنان وأهلها وافقو ينطوها النه وانه عندي
بنيتي اماني ليش انطيها للغريب انته اولى بيها اتزوجها وانه مااريدها اماني حاسبها مثل اختي مريم...صح اجت اختي بس مافاتحتني بموضوع الخطبه اصلا انته فاجئتني هسه
افنان...امي تحجي بالتليفون واني بكلبي جمر منو يكول كلامك صح ومنو يكول ماتضحك عليه وخصوصا سرى بت عمك تجي هنا وهيه متزوجه وتتواعد ويا عشيقها
حته تشوفه بالمدرسه وحده خاينه منو يكول انته مو مثلها وعدكم الخيانه وراثه جنت افكر وقاطعني صوت امي
...افنااان التليفون يدك بعد ماتشيلينه مفهوووم مو ماعندي ثقه بيج لابس فكري زين ميس ببيت خالتج سهام واذا حست بشي راح تصير كراهيه بينها وبين اختج وهيج راح ينهدم بيت اختج مااريد مشاكل وخلينه بعيدين عنها البينه مكفينه
وابن خالتج اني راح اخابرها واكلها ماالكم نصيب يمنه افنان..واذا حاجو عمامي وبابا تره بابا اذا اقتنع بشي يمشيه علينه كلنه غصب
مريم...لاتخافين ماراح نجيبلها طاري ومانكلهم حجو بيج ارتاحيت نفسيا الحمد الله بلكي خلصت منهم بس بنفس الوقت متخوفه لا يرحون لبابا ويكلوله وساعتها ماراح يشوف بيهم شي ينرفض وخصوصا انو احنه سبق ونطيناهم ميس للعصر دك التليفون اسمع امي شالته..
.الوو هلا يمه ميس شلونج ياا بعد عمري شبيج هاا انه باجر اجي واخذج للطبيبه طلعت من غرفتي بسرعه ...هاا ماما شبيها ميس تاخذينها للطبيبه
مريم.....مابيها شي ضهرها يوجعها وخالتها كايلتلها خلي امج تاخذج للطبيب
افنان...ليش ضهرها يوجعها شنو الخلاه يوجعها
مريم...انرسمت ابتسامه على وجها...عادي الم الظهر مثل الفلاونزه كلها هيج عدها لثاني يوم امي راحت لميس حته توديها للطبيب قلقانه عليها اخاف بيها شيللعصر اجت امي
اول ماشفتها ركضت عليها...هاا ماما شكالت الطبيبه شعدها مريم...بفرح و ابتسامه وعيونها تحجي قبل السانها
... كالتلها حامل يعني راح تصير ام وانتي راح تصيرين خاله من كالتلي هيج مااعرف بشنو حسيت فرحه ماتنوصف ماعرف شلون اعبر عن فرحتي بقيت اكمز كلنه فرحنه بوقتها
حته بابا جان موجود من حجت صح ماكال شي بس بابا اذا فرح يبين بعيونه بس يكابر مايعبر عن فرحته يمكن عنده اذا ضحك وشاركنه الفرحه هذا الشي راح يغير شخصيته لو ينقص
منها بابا جان اغلب اوقاته عصبي ومايتحاجه بس مرات نكدر نحاجيه ونطلب
منه ويوفرلنه كل شي صح مو هواي يعني نادرا بس جنه اذا جابلنه شغله
احنه نريدها نفرح شعور حلو لما تطلب من والدك شي وتشوفه يسمعك ويليام الي اتريده لليل صبينه العشا ناكل اني وخواتي وسيف
ومحمد يتعاركون ع الفواكه وبابا مدنك وياكل اما اني انتبهت ل امي بالها مو ويا الاكل وحسيت اكو غصه بكلبها و ساكته كملنه العشا وكل وحده عليها شغله موزعين الشغل ومن نكمل
الي تلتهي بدراستها والصغار يلعبون اما اني متعوده اسوي عصير طبيعي نارنج برتقال واحضر اوراقي واكعد ارسم كملت العصير واخذته خليته بالغرفه واتذكرت امي اكيد عدها شي مو خاليه دكيت الباب
مريم...منو دخلي
...ها يمه افنان هاي انتي تعالي رحتلها مليت راسي بحضنها وهيه تمسح على شعري
...ماما واحنه نتعشه حسيتج مو على بعضج شبيج صايرلج شي بابا ضربج
مريم..لا يمه بس اليوم من رجعت ميس لبيت اعيالها وكلتلهم حامل خالتج تضايقت وعصبت ابد مافرحت بحمل اختج كتلها
مبروك تكول على شنو تباركيلي قابل صارلها سنين وماعدها اطفال افنان خالتج مو الأوليه حيل متغيره وانه خايفه على اختج منهم ذوله مايخافون ربهم يمه لو شمايصير لا تتقربين لعماد ابن عمهم تره الشر مبين بعيونهم هذاك هوه
افنان...ماما ليش كلما احاول انسه تذكروني مريم...لازم تتذكرين يمه لان حياة اختج بين ايديج افنان..يعني شنو بين ايديه ماما الحياة بيد الله حرام عليج وبعدين اني ماعندي شي ويا الولد يكفي الكلام الي حاجيته عليه اختج
وبناتها كمت وعفتها مفرفحه على ميس يمكن لان هيه متزوجه وفاهمه الحياة وتعرف شنو العيال وشنو الرجال لهيج خايفه على ميس صعدت للسطح واني اباوع ع السما والنجوم جان القمر كامل والدنيا كمره طلعت اوراقي وكعدت ارسم ارسم بوقتها رسمت صدام حسين شخصيا وكتبت عليه
....اذا قال صدام قال الشعب....جانت بالالفين وواحد وختمت رسمتي بدموع الحزن والقهر الي جنت احس روحي ترد واني ارسم لثاني يوم الضهر دخل بابا وجان لازم بايده تلفزيون عادي
يصير لونه احمر ماجنه نعرفه شنو بس عيونه تتسائل وحده تباوع ع الثانيه شنو هذا
امير...جبتلكم تلفزيون تشوفون بيه مسلسلات وافلام كرتون شكله وشغله فرحنه كلش صح بابا مجان مخلينه بنقص
بس هالشي فرحنه حسسنه انو هوه يفكر بينه بوقتها ماتغدينه بس نباوع ونضحك متونسين للعصر جنه نباوع على افلام كرتون
مالت نيلز شويه وانقطع وطلع خطاب الرئيس وقبل لا يطلع حجه واحد قبله قدمه اسمه هشام سالم اسم هشام اخذني لذكرى قديمه من جنت صغيره جانت بنت عمتي اعز صديقه
الي نطلع اني وياها للقطعه الي بصف بيتنه المزروعهكلها خضره وخباز وابقى اركض اركض ورى الفراشات كل همي اصيدهن واخليهن بالجنطه مالة عرس امي وماارجع
البيت الا واني صايده أكثر من فراشهومن ارجع ابدي اطلعهن حتى اطيرهن بس للاسف ماتطير لان ماتت وانيالي كنت سبب موتهن بس بدون قصد عقل طفله أدخل البيتنه الكاه
مشحون شحن مشاكل وصياح وعياط وكتل بدون رحمه من والدي الي ويانه كان مثل الوحش بتصرفاته وي الناس اوف
يالناس يصير مثل الملاك بيت جدي بنفس المنطقه أطلع اروح الهم أدخل اباوع الحب والاحترام والود بين بيبي وعمي وعمي وزوجته وعمي
وزوجته واولاده ابقى صافنه الله شيصير لو حياتنه مثلهم عميمن يدخل واولاده وبناته يتلكوه حضن وبوس وكلام
حلوووو عكسنه من يدخل والدنه لحد ميطلع واحنا نخاف حتى النفس نتنفسه اوف شكد ارتاح بيت جدي وشكد اتاذه بيتنه
صار عمري ٨ سنوات واني اسمع عمي الصغير كل يوم يركضون وراه الامن لان رجل دين وعنده كتب دينيه وبيوم اجه الوالد يركض
يركض لان سامع من مصدر ثقه الامن عنده مداهمات وبكل سرعته دخل البيت جدي وهو يصرخ وينكم منو هنا بيبي اني يمه تعال شصار شنو البيك امير...يمه الامن أخويه ابو هاشم وين
بيبي...يمه سوده بوجهي راح اخوك من ايدينه الامن مو
امير...اي يمه بساع احجي
بيبي...يمه اخوك بالبستان وي اخوك ابو محمد
امير...الكتب الكتب وينها وين مخليها
بيبي...ام هاشم ام هاشم اركضي افتحي الغرفه وطلعي كل الكتب الامن مداهمات ام
هاشم...اي نعم عمه صار وج بسرعه راح يروح وليدي شمتانيهطلعت تركض وهي ركضه واني وراها ودخل الامن على بيت
جدي كسروا الباب ودخلوا مداهمه لحد يتحرك زوجة عمي بقت من صدمتها متكدر تتحرك واني وراها وهي مخليه ايدها ورى ضهرها
والكتب بيدها اخذتها منها وخلتهابتنورتي ونزلت التشيرت عليها كلهم وجوهم تقره موت واني بديت أطلع من الغرفه
لان طفله وممحسوبه عليه المشيه وبكل هدوء وصلت للباب اريد أطلع باوعلي الضابط
وصاح وين يا حلوه كتله اروح البيتنه وين بيتكم هنا بالفرع تعالي اسالج سؤال
واذا جاوبيني صح انطيج هديه اي عمو اسال هذا البيت بي كتب تندلين وين مخليهااي عمو اكو كتب صاح عفيه شاطره وينها كتله تعال اني ادليك بعد ماكلبو البيت كلاب
وهجموه تهجم واني واكفه اباوع على عيون بابه الي تحجي أشكال والوان وين الكتب عمو تعاي دليني تعال ورايه واني ادليكم وطلعت
بيهم على بيتنه الي دخلوله بدون اي استاذان وانتشروا بي مثل الجراد يله وين الكتب وفتحت غرفة بابه ودليتهمواكفه بعيد واشرت الهم الكتب بهاي الغرفه ودخلوووا مثل الاسد المفترس
واني شردت للسطح ومناك السطح الجيران طفرت من الحايط عدهم تنور طين ومليان رماد دفنت الكتبكانت كتابين ورجعت السطحنه اطارد وتوني اريد انزل وهم طلعوا بقيت بمكاني لحد
ماطلعوا وهم يهددون بااهلي وبيت
جدي .....هالمره عدت ومالكينه غير كتب طبيه المره التجي ياويلكم منه وطلعوا واهلي حالهم حالرغم صغر سني بوقتها بس لحد الان
اذكر شلون من ردت انزل وصاروا كبالي ويهددون بكبارنه طلعوا واني بقيت على اول درجه اريد انزل بس اخاف من ابويه يجوز فهمني خطاء ويجوز راح اليوم انكتل كتله معدله
اباوعلهوبعيوني أسأله واكوله والله هذا الي كدرت اسوي حتى لايسجنون عمي صاحت بيبي تعاي انزلي يمصخمه الوجهبيبي من تكول هيج معناها مسويه شي كبيربيبي اخاف انزل
لالتخافين انتي اليوم سويتي شي بس الله يدري شلون انجازيج بيافنان كولي والله متكتلونياكولج انزلي واني بضهرج واشوف
منو اليكتلجنزلت وكل هذا والدي ساكتصح هاي مو اول مره يداهمون بيت جدي كل مره عمامي اليصرفون بس هالمره اخذني الخوف من شفتهم بنص بيت جدي بدون مامسوين الي
ينقذهموالدي افنان انزلي وتعاي يميها راح تكتلونيبيبي لا وفتحت ايدها بكل وسعها تعاي هنا بحضن البيبي ولج انتي صدك طلعتي سبعه وبنت امج وابوجونزلت وحضنتني بيبي وتبوس بيه
منين اجتج هاانداره دكتوره هههههه هذا كان لقبي وشكد افرح بي فعلا كنت اتمنى اصير دكتوره وكانت امنيتي الي مكدرت احققها ابد ابويه خله وطلع العمامي يبلغهم شكد تمنيت لو كلمه عفيه او اي كلمه حلوه منه اسمعها
حيل كان جاف ويانه رغم هو مثقف ومتعلم وعنده شهاده عاليه بعدقاطع ذاكرتي صوت امي تصيح افنااان...التليفون يدك روحي جاوبي واذا طلع هوه سدي خووش
...صار ماما رحت وكلت بيني وبين نفسي خلي اغير صوتي اذا هوه مراح يعرفني واذا غيره راح يرد كلت الوو ماكو اسمع بس صوت سيارات وهواا عالي سديته دك مره ثانيه استوني اريد اجاوب دخل بابا امير...اوكفي لا تردين
انه راح اشوف منو طلعت وبقيت واكفه بالباب حاولت اسمع بس ماسمعت شي شويه واجه بابا عليه عيونه تجدح ناار اول شي سواه بدون مااحس ولا جنت متوقعه ضربني راشدي وكال...يتبع.....