زواجك بالاكراه وعلاجك قدري ( صكر الصخرة)

الفصل الثالث عشر

انجمعو على العشا كلهم ماعدا حنين .. شوي ويطب عليهن علي وفرحه شايلة شبل ..

اندارو الكل عليهم .. كال الشيخ ..

جاسم .. علي .. هلا بيك بويه .. منو جايب وياك ..

اندارت حليمه بابتسامتها وكالت .. هلا يمه .. ومعاه ضيوف

علي .. اعرفكم .. فرحه مرتي .. وشبل ابني ..

جاسم وسميه .. شنوووو

علي .. مثل ماسمعتم. زوجتي فرحه وابني شبل ..

كام الشيخ من مكانه وهو عصبي .. تعب من اولاده الي كل زاحد عنده مصيبه شكل وكال

جاسم .. شنو زوجتك ..ومن يمتى .. لاجايب وياه ولد همين ويكول ابني .. اني وين ادير وجهي الكم تضربوني كف ..

كالت حليمه ..حشاك ياشيخ .. خلي نفتهم ..

جاسم ..شتفتهمين .. يكبج متزوج وعندا ولد بعد ..وهسى يلا اجا ابابه يكول النا ..

الكل ساكت بس يباوع .. رد علي وكال

علي .. بويه هاي زوجتي وابني وتيجان على راسي .. اني ماحجيت لان جان عندي ضروفي الخاصه .. واني مسويت شي غلط .. تزوجت بالحلال ..

راد جاسم يحجي كلمه وحلوه على فرحه .. صاح من يمى صكر وكال .

صكر ..انا اعرف .. واني الي كتله لاتحجي ..

انصدمو الكل .. وجاسم كال

جاسم .. انت شلون اتقرر من يمك .. اشو اعتبرتك ايدي اليمين كمت تصعد فوق ضهري وتاخذ قرارات ابكيفك .. لو اتريد ايصير مثلك ماعدنا كلمه عليه .. اسمع ياابن هاشم لهنا وكافي .. والا راح ...

مخلاه يكمل .. كلب صكر الميز كله على الكاع وكال ..

صكر ..لاتجيب بطاري ابوي على لسانك زين .. ودير بالك تحجي على اخوي ..

صارت الكعده كلها مشحونه بين صكر وجاسم .. وحليمه اتهدي بالاثنين .. وهند سحبت علي وفرحه واخذتهم لغرفة علي .. وحليمه اخذت جاسم ودخلو لغرفتهم دايهدون الوضع وبقا صكر اخذا سامر ورضا وطلعوه برى ..
اما سميه فجانت ادردم وتتشمت باولاد حليمه ونضال كاعده تتفرج وسجاد كاعد مثل امه مصدوم من الي صار ِ.

بالغرفه جانت هند اتهدي بعلي وفرحه .. الي شايله ابنها وتبجي ..

هند. . اهداء علي ...ولاتتعصب ..هسى كلشي ينحل
اندارت على فرحه .. ومسحت عيونها وابتسمت الها وكملت وكالت .. اشوف هذا الملاك الحلو الصغير ..
شالت هند شبل وضلت اتبوس بيه وبعدين انطته لامه وكالت .. الله يخليه الج .. شوفي حبيبتي ..انتو ابقي اهنا .. اروح انزل اشوف صكر وانت علي تعال وياي زين .

علي .. زين ..

فرحه .. علي اني خايفه

علي .. لاتخافين

ظلت فرحه بغرفه هند وصكر .. ونزلت هند ويا علي .. طلعو لبرى شافت صكر واكف ويا الشباب مراحت اله .. بس من شافها هو اجا . باوع بيها وكال .

صكر .. لويش نزلتي ابقي ويا مرت علي ..

هند. . نزلت دااشوفك .. اقصد دااشوف لايكون تتعارك ويا الشيخ ..

صكر .. لاتخافين ماكو شي علي ..اني .. صعدي يم فرحه لاتخليها وحدها ..

هند .. امرك .. طول عمرك راح اتظل تنطي اوامر بس ..

صكر .. لازم تتعودين

هند ..عمري مراح اتعود ..

عافته واندلرت رجعت للغرفه ..وبقت يم فرحه .. شويه وشافت حنين دخلت .. ابتسمت الها هند وكالت.

هند .. تعالي حنين .. شوفي منو اجا يمنا ..

حنين .. منو هذول .. وليش اكو هوسى بالبيت .

هند . هاي فرحه .. مرت علي وابنهم شبل ..

اول نره انصدمت حنين بالخبر .. بس بعدين لما شافت طفل ابتسم .. وراحت كبل اتشوفه .. فرحه كالت .

فرحه .. انت حنين مو .. شكد جان يحجيلي عنج علي .. وبس ردت اشوفج ..

حنين .. صدك .ِ

فرحه ..اي والله .. زجان يكول اكثر وحده تفرح بشبل هي حنين .. هاج شيليه اذا تردين ..بس ديري بالج على راسه بغدا صغير ..

بوستها وانطتها الطفل .. وجانت حنين كلش فرحانه بيه ..
اما بالنسبه للشيخ جاسم ..جان يكسر ويرمي كلشي يشوفه على الكاع ويصيح ويكول.

جاسم .. اني معرف اربي شكلي .. كل واحد من اولادي طعتي من صفحه الي يسوي بكيفه والي اناني والي عقله مو براسه .. والاكثر ابن اخوي يتامر مع اخوه من وراي .. هاي تاليها ..

حليمه اتحاول اتهديه وتمتص غضبه وتبرر الهم وتكول

حليمه ... ليش اتكول هيج .. انت ماسمغت منه. .هو كال جان عنده ضروف خاصه .. يعني لازم نفهم ..

جاسم .. اشو ياهو الي يتزوج يكول صارت ضروف خاصه واني اهنا مو ولا كانه شيخ عشيره .. زين شنو موقفي اني هسى بين عشيرتي وناسي ها ..اذا ولدي ميسمعون كلامي الناس شلون تسمع مني .. ولكم نزلتو راسي بالكاع ..

حليمه .. انا ادري كلامك حق .. بس شنسوي ..خوما نطرده ..هو وابنه .. ميصير هيج ..

جاسم .. شوف دااكلج .. هذا ميعيش وياي اهنا بالبيت .. هذا صارله متزوج الله يعلم شكد .. وجايب مرته وجاي .. من باجر يطلع من العشيره ماريد اشوفه ..مو اني تحكم للناس ومااكدر احكم على بيتي فهمتي ..

حليمه لطمت على صدرها وكالت ..فدوه شيخ لااتكول هيج هذا هم ابنك ..شلون يجي من كلبك .. لاتطرده .. خليه ..واسمع منه .. وبعدين ..

جلسم .. دااكلج .. ماريد اشوفه اهنا . فهمتي .. والي يريده يروح وراه ..

تتوسل بيه حليمه وتبوس ايديه ورجليه وهو وبايقبل بعد يغير رائيه ..
طلع وعافها .. ومن شافهم برى واكفين .. راديروح يضربه لكن صكى وكفه ..وكال.

صكر . ياشيخ جاي اتمد ايدك على ابنك الي هو رجال واطول منك .

جاسم . مالك دخل انت .. لاتداخل كله صوجك قويتهم علي .. جا لعد يروح يتزوج مادري من وين جايبها وتخلف منه بعد ..

علي . عيب يابه لاتحجي هيج مرتي بنت عالم ..ويتيمه واخذتها ..وسترت عليها .. وبالحلال ماسويت شي غلط .

جاسم .. شوف دااكاك ..تاخذ مرتك وتطلع من اهنا وماريد اشوف وجهك ..الي يكسر جلمتي ماله عيشه وياي ..

علي.. هاي اخر كلام عندك مو ..

جاسم .. اي ..

صكر .. محديطلع من اهنا .. واذا طلع من اهنا ياشيخ ..اطلع وراه ومتشوف وجهي بعد .. اكسر الشر وافهم منه وبعدين ..

جاسم .. الي يريد يطلع خلي يطلع ...

علي .. عوفه اخوي .. بعدين يتندم .. ابوي واعرفه اهم شي مظهره كدام الناس . لعد ليش ماريد اعيش اهنا ولاطايق العيشة وياكم ..اني غلطت واجيت ..

سامر .. اوكف يابن خالي خلي نحلها .. صكر احجي ويا اخوك .

صكر .. اذا اخوي يطلع اني اطلع وراه ..

اندار علي وصعد لغرفة صكر .. كال لفرحه بعصبيه ..

علي ..هذول الي كتلتي نفسج حتى تجين لهنا وتشوفيهم لو لازم يعرفون بزواجنا .. شفتي شلون استقبلوج .. حتى تعرفين ليش اريد ابتعد عنهم .. امشي ..حظري غراضج راح نرجع

هند .. اهدى علي ..وين ترجع الدنبا ليلي ..على الاقل باتو اهنا وبعدين ..الله كريم .

علي .. شوفي دكتوره .. اني اشكرج .. بس ماابات لحظه اهنا .. يلا فرحه .. استعجلي ..

صعد وراه صكر وحليمه دايريدون يتراجع عن قراره ويبقى للصبح لكن اصر انه يطلع .. كال

علي .. اني راح انتظرج بالسياره انت من تخلصين تعاي وراي . اني مابقى ذقيقه وحده اهنا ..

وطلع هو لبرى .. وصكر راح يحجي ويا عما للمره الاخيره .. ليش مايسمعون صوت اطلاقات نار برى .. هذوله انرعبو .. وصكر ماصاح غير عليييييي

ركضو لبرى ديشوفون وين الصوت .. ماشافو شي غير علي متصاوب برجله .. ومكوم بالكاع .. راح عليه صكر مثل المخبل وراه رضا وسامر .. وجاسم وكف من بعيد وكانه جمد مكانه ..
والنسوان تصرخ جوا من الخوف .. صكر ..كال

صكر . علي .. لاتخاف اجتي الطلقه برجلك .

علي .. داتوجع صكر .مدااتحمل الام.

صكر ..لاتخاف .. ولك لو ما خريج كليه الشرطة شلون راح تشتغل طول عمرك ويا السلاح .. تعال سامر اسند وياي .. وامشي انوديه للمستشفى ..وانت رضا .. شوفلنا منو هذوله الكو... الي علمو علينا ..

رضا ..صار امرك ..

اما بالداخل طلعت حليمه تركض وتظرب بروحها وهند وراها وفرحه تبجي وتلطم وتصيح علي .. جانت خايفه كلش وسميه لازمه بنتها من الخوفه ..وشبل يبجي اختنق بالبجي وفرحه تلطم ..لما عرفو انه الي اتصاب علي .. اما جاسم فجان مصدم بس ..سجاد يحاول يحجي وياه وميجاوب ..
بذيج الاثناء شالو علي يودوه للمستشفى وحليمه بالكوه بعدوها عنه .. اندارت وراحت على جاسم وتضرب على صدره وهند لازمتها تبعدها عنه وتكله

حليمه . كله صوجك .انت راح اتخليني اخسر ولادي ..لو جنت سامعه ومنطيه مجال يحجي..لو ماطارده مجان اتصاوب ..انت واحد اناني ..

هدتها هند بالكوه ودخلتها .. وكعدتها جابتلها ماي .. وهدت فرحه .وفهمتها انه اتصاب برجله بس . لكن فرحه مقبلت تبقى رادت اتروح للمستشفى .. فكالتلها ..

فرحه .. الله يخليكم ودوني اله .. اني مااكدر ابقى هيج اهنا وهو اهناك .. عفيا اخذوني اله ..

هند ..اني اخذج حبيبه بس اهدأي .. حرام عليج ابنج بعدا صغير ..ميصير اتعوفيه وتطلعين .. بس اسمع منهم اخبار زينه اوديج ..

فرحه .. عوفوني اروحله هذا ابو شبل ..هذا السند والقلب

هند. اهدأئي دااكلج . حنين اخذي مرت اخوج .وديها لغرفه علي .. ولاتعوفيها .. وعينج عليها ..
وانت ام صكر كافي اتلطمين مو زين عليج يصير بيج شي .ِ

حليمه .. يمى اني شمسويا الله يمتحني باولادي .. شصار واجت براسنا هاي المصايب وحده وره الخ

يمامه بدون وعي جاوبت .. من يوم الي دخلت هالدكتوره لبيتنا والمصايب وراها اجت كلها صوجها ..

باوعتلها هتد بعين وسيعه وكانه ضربتها كف ..بس محجت شي .. وامهو كرصتها من ايدها ..وكالتلها ..

سميه ..انت دخلي لغرفتج مالج دخل .. خلي اروح اشوف اخوي .. لايكون صار بيه شي ..

حليمه هدت عليها وكالت ..كلها من وراه . كلها علمود الناس لاتكول هيج ولاتحجي هيج ضيع الولد من ايدي .. اشو شراح اتسويلنا الناس ..

سميه .. يعني مثل ماهو ابنج ابنه . مو تكولون برجله .. انشالله يصير زين بسرعه ..

وطلعت سميه اتشوف اخوها ..جان كاعد على الكرسي ويمى سجاد .. يواسي بيه .. كالت اخته

سميه .. خويه .. شلونك انت ..خوما بيك شي .

جاسم .. لا مابيا ..بس منظر ابني ينزف كدام عيوني ورا ماطرتده ماادري شصار بيا ..

سميه .. قضاء وقدر .. هو هم اتجاوز عليك وطلع متزوج ومكايل ..شنو راح يكون رده فعلك طبعا هيج ..انت شمدريك راح يطلع من اهنا ويجون يصاوبوه من اهنا ..

جاسم .. لازم مجنت اطرده واحنا هيج مهددين .. بويه سجاد كوم وديني وراهم ..اشوف ابني

سجاد . تامر ياشيخ ..هسى اجيب سويج السياره

طب سجاد جاب سويج السياره واخذ ابوه وراح وراهم للمستشفى .. اما بالمستشفى فجانت حالة علي مستقره ..لكن الطلقه فتت العضم. والدكتور كاللهم انه ممكن يبقى يعرج طول عمرا .. صكر كاله اوديه لاحسن مستشفى بالعراق لو بالخارج .. كال الطبيب اله .انه ميفيد . هذا راح تبقى هيج رجله ..اتخبل صكر من كال هيج الدكتور اله وضرب بايده الحايط كلش قويه حتى ايده كامت تنزف .. حاول يهديه سامر .. بس هذا عصب اكثر. كل يوم مشكله جديده وكله بسبب عما الشيخ وهذا عدوان الي جاي ينتقم منهم بسبب جاسم ..

صكر .. شهدا سامر شهدا.. لما اشوفكم واحد واحد داياذيكم هالجبان ومااكدر اسوي شي .. كلي شلون اهدا ..

سامر .. داندور عليه والا نشوفه وين يكون خاتل يعني ..

صكر .. بس لو اكضه بيدي الا اشرب من دما ..

وبدخله جاسم وسجاد .. شافهم صكر مااهتم ..جانت النار تطلع من عيونه شكد مجان حاننق ومتعصب عليه ولانه مدابكدر يعرف وينه عدوان ..
اتقدم عليهم الشيخ وسجاد كال

سجاد .. ها صكر .. شلونه علي ..طمنا ..

مجاوب صكر بس سامر كال .. خير .. الطلقه جانت طالعه اصلا من رجله وضمدوها وخيطوها .. لكن العضم متفلش ..وممكن يبقى اعرج ..

سجاد .. شلون يعني .. ماكو غير مستشفيات ..

سامر ..ميفيد يكول الطبيب حتى لو اخذتوه وين مجان ..نفس الحجي حيكولولكم ..

جاسم .. وهسى هو شلونه . اكدر اشوفه ..

صكر اهنا جان حيطك لو مايحجي وهو يروح ويجي بالممر مثل المخبل وكال

صكر ..كله صوجك .. اولا لان طردته وثانيه بسبب شريكك والانتقام الي جاي ياخذا .. دانشوف منو راح تدفن اول واحد ..

جاسم .. لاتحجي وتزيد ..يكفي الي اني بيه .

صكر .. كلنا بيه .. كلنا دانتأثر بسببك ..مانعرف باجر الدور على منو ..

سجاد .. صكر مو جنك كمت تحجي ابكيفك . لاتنسى الي داتحجي وياه شيخ العشيره وعمك ..

صكر .. شيخ العشيره مسوؤليته يخاف عليها ويحميها ..مو يوديها للهلاك بيده وواكف يتفرج ..

سجاد . منو كلك واكف يتفرج ..هو خلاني اتكفل بايجاد عدوان .. وباجر الصبح انشالله يوصلني خبر عنه ..

صكر .. اي زين ..خلي انشوف ..

المشاحنات اتزيد والنار مشتعله .. شويه ودك تلفون صكر جانت هند ..جاوب

هند ..الو .. صكر .. طمني شلونه علي مرته راح تخبل اهنا

صكر ..مابيه شي ..زين باجر يطلع واجيبه لايظل بالكم

هند .. اي زين .. عرفتو منو الي سواها ..

صكر ..لا لسى ..

هند ..اجتي الشرطه للبيت .. وجان رضا واكف يحجي وياهم ..لازم واحد من الجيران متصل ..

صكر .. زين ..هسى اشوف شسوا ..سدي حتى اخابر رضا ..

هند .. زين .. سلامات لعلي ..

صكرا .. اي والله شكرا ..

سدت التلفون هند وهي جانت كاعده ويا فرحه وحنين بغرفه علي يواسوون فرحه ..وطمنتها انه مابيه شي وباجر يطلع .ويحي للبيت .. جان شبل يبجي بالكوه سكتوه وكلوه ونام .. وظلو كاعدين لحد تقريبا نص الليل ..
..................

كاعد وكدامه اكو سلاح مخليه على الطاوله مقابيله .. وهو دايباوع بصور عائله جاسم ويكول
عدوان . كلكم راح تدفعون الثمن واحد واحد
شويه واجا واحد من الحرس مالته كال

الحارس .. اجالي خبر هسى انه الشباب ضاربين علي ابن جاسم وهو حاليا بالمستشفى ..تامر اي اوامر اخرى

عدوان .. لا ..بس اريد منك اتخلي عينك على جمال ..شكله راح يخوني .. اي تصرف منه خلي طلقه براسه

الحارس .. تامر ..

وطلع الحارس يروح يراقب جمال ..اما عدوان فشال التلفون دايخابر جاسم .. دك عليه جاوبه قعدوان كال

عدوان .. ها .. شلون الهديه الخ .. عرفت اني جدي بالتهديدات مالتي لو لسك مامعتبر كلامي جديات ..

عصب جاسم وصرخ بصوت .. ولك انت .. من ياجهنم طلعت ..

عدوان ..بعد ماشفت شي .. راح اخليك تتجوه بناري الي اتجويت بيها ..

صكر من شاف عما معصب عرف انه ديحجي ويا عدوان .. راح واخذ التلفون من ايده وكال .

صكر .. ولك ياعاق ياساقط ..اني الك .. شوف هاي صار عندي رصاصتين الك .. بس وحده تكفي حتى اخلص عليك ..

عدوان ضحك وكال ... واني هم بصراحه اريد اشوفك ..اكو هوايا اشياء متعرفها يجوز اتغير حياتك ..

صكر .. راح اغير حياتك اني .. بس الزمك ِ

عدوان .. يلا لعد منتظرك اني ..

وسد التلفون .. دائما يسوي هيج بعز الحجايه يسد التلفون ويخليهم يغلون وهاي طريقه حتى يلعب باعصابهم ..
اما بالبيت بالكوه غفت فرحه .. وطلعت هند من يمها .. جانت حنين كاعده ويا امهو بالغرفه مالتها .. واثنينهم جان بالهم كلش يم علي لكن هند طمنتهم

هند .. اني اكول لو تنامين وترتاحين ..مو زين عليج هيج ..

حليمه .. شرتاح وولدي بعيدين عني ..

هند ..ماكو شي بيهم .. باجر يطلعه ويجي ينور البيت . كومي خاله ارتاحي . ِ

حليمه ابتسمت وكالت .. هاي اول مره تكوليله خاله .لو تكولين يمى بعد احسن ..

سكتت هند مجاوبت .. وابتسمت الها وطلعت رجعت لغرفتها .. طول الليل مكدرت اتنام وتفكر بحياتها شلون داتصير والى اين راح تاخذها هالحياة الي داتعيشها وياهم ..

اندك تلفونها جان اخوها وصوته مرعوب وخايف .. بهاليله مجان موجود جان عتدا مأموريه خارج الصخره ومن سمع بالي صار كبل خابر عليها . جاوبه هو متلهف يسمع صوت اخته وكال

رعد .. هند ياروح اخوج .. هسى سمعت صاير يمكم حادث طمنيني عنج

هند .. هلا خوي .. احنا بخير وعدت سلامات ..بس اتصاوب اخو صكر برجله

رعد ..زين ..وانت شنو وضعج .. وماتعرفين منو

هند. سمعت كالو واحد اسمه عدوان . بس هذا الي اعرفه وهو جان شريك الشيخ كبل .. شكله راجع ينتقم

رعد .. هسى اشوف وادور . يااختي شلج بالعائله وشلون دخلت بيناتهم بس لو ادري

هند . شسوي هاي قسمتي ..بس انت دير بالك ..امبين هالعدوان ..صدق عدوان ويخوف .. ولاتكول سمعت مني

رعد .. لا تخافين هذا شغلي .. باجر اجي اشوفج بالدوام ..

هند ..انشالله .. بس اكول تجي اتشوفني لو تشوف ربى

رعد .. ها .. لا اشوفج طبعا ..

هند تبتسمت وكالت .اي اهلا وسهلا ..تعال ..

رعد .زين لعد ديري بالج على روحج واذا صار شي خبريني

هند .. اوكي ..تصبح على خير

رعد وانت من اهله ..

سدت التلفون هند .. واتمددت هلى الجربايه .. لان اتوقعت صكر مايجي راح يبقى ويا اخوه. . هما متعودين انه هي اتمام على القنفه وهو على الجربايه لان متقبل اتنام يمى ..
لكن جانت الفجر ب4 هيج لما اجا صكر رجع للبيت .. دخل شافها نايمه .. راح غطاها .. واخذ هدوم من الخزانه مالته وطب يسبح .. هي على صوت سده باب الحمام قعدت ..عرفت انه اجا لان صوت الماي بالحمام يعني ديسبح ..
قعدت هي على حيلها .. وانتظرته على تسال على علي .. شويه وطلع .. وهو داينشف شعرا شافها كاعده ..

صكر .. خير اشو كاعده ..

هند ..من سمعت صوت فزيت .. شلونه علي شلون صار ..

صكر .. زين ..ماكو شي عليه ..باجر انطلعه .. يعني اقصد اليوم الضهر .. شلونها فرحه والطفل

هند .. خطيه كلش انقهرت عليها ..تبجي وتلطم .. لحد مانامت

صكر ... اي .. مراح اخلي دموعها ولادموع اي واحد منكم اتروح هدر الا اخذ حقكم ..

هند عقدت حواجبها وكالت ..

هند .. هما واحنا .. منحتاج ثاركم ولا تاخذثن حقكم ..محتاجيكم انتو .. شنو الفايده لو رحت اخذت حقك منهم وصار بيكم شي او جان علي يتاذى اكثر. .شستفدتو بعد جرحك مطاب ..

هو من سمعها هيج تحجي .. وداتضم نفسها ويا اهله وخاصه من كالت محتاجيكم ..فرح كلش وبينت ابتسامه على وجهه .. اتقدم منها .. وكال

صكر ..اتخافين علي هند .مجنت متوقعه ..

هي حاولت تغير الموضوع وكالت ..

هند .. لا .. بس قصدي اختك بحاجتك امك ..اخوك حتى ابن اخوك الصغير ..امبدال متهتم بيهم وتحتفظ عليهم ..اتروح تعرض نفسك للخطر ..

ابتسم هو وكال .. صحيح حقج . لكن بعد مااسوي الي برلسي ..

ذب الخاولي من ايده لبس ساعته الي ذبها قبل ميطب يسبح اخذ تلفونه ومحفظته وسويج السياره ودايطلع يرجع للمستشفى لزمت هند من ايده وكالت

هند. . وين رايح

صكر. . راجع للمستشفى ..

هند .. مجوعان .. اقصد ممحتاج شي ..

صكر . لا شكرا .. بس ديري بالج على نفسج ..ولاتعوفين فرحه وشبل .. امانتج هما ..

هند .. لاتخاف والحمد لله على سلامه علي ..

هز براسه الها وطلع .. وهي رجعت داتنام مكدرت .جانت داتفكر انه هي ليش صايره هيج وياه .. ليش بدت تتاقلم على حياتهم ليش صلرت تنتظر نظره من عينه لو حجايه منه .. ملكت جواب لنفسها . وبين ماهي تفكر ..ماغفت لمن مابين الصبح .. لكن منامت اهواي ..لان حنين صحتها جانت ب 8 الصبح .. لان شبل حرارة ارتفعت .. ورادو اتشوفه هند ..
فعلا راحت شافته جانت مرتفعه شوي ..انطته علاج جان بالبيت عدهم .. وكمادات مي بارد وصار زين .. للضهر .اجوي الشباب وياهم علي ..ملفوفه رجله ..
هند جانت شايله شبل بيدها ..لما طب على وصكر والجماعه .. وركضت فرحه عليه داتشوفه .. ودخلو ..

شويه وبدت العالم تجي لان كلها سمعت بعلي .. والبيت انترس .نسوان جوا والرياحيل برى ..
وياهو الي يجي ويسال على مرت علي .. ويعتب عليه ومن هالسوالف .. ليش اتزوج وماكايل ووشكد عيب ممراعي ابوه الشيخ ..ويشتغل بكيفه..ومن هالحجي ..
بس هند متحملت هذا .. كالتلها لفرحه اخذي ابنج وصعدي لاتنزلين ..اصلا هو مريض .. واني كل شويه اصعد اشوفج

فرحه .. شكرا ماادري شلون اجازيج .

هند .. لاتهتمين. احنا خوات اهنا .. يلا صعدي فوك ..

صعدت فرحه ..وهندصاحت على حنين ..

هند .. حنونه تعالي هنا شويه ..

حنين .. ها شكو ..اريد اصب جاي ..

هند .. اشو الرياجيل التمو بالمضيف شكو .. عبالك عدهم طلابه ..

حنين .. اي لعد شعبالج .. اولا علمود سلامه اخوي ..وثانيا ..لان هو متزوج ومكايل ..فلازم يسون محكمه عليه ..ههههه

هند .. هاي شنو محكمه من صدك ..

حتين .. لا شببج دااتشاقه .. بس هو هيج راح يستلون اسئله ولازم يجاوبهم .. مثل ليش اتزوجت وليش مكلت ..يعني ..

هند .. وشلهم علاقه هاي حريه شخصيه .. وبعدين الولد مسوا شي عيب لو حرام .

حنين .. بس سواها من ورا علم ابوي ..وهاي كسرة بحق الشبخ .. بعدين خلي صكر يفهمج

هند .. اييي ينرادلي سنين حتى افتهم .. المهم روحي كملي شغلج .. واني اروح اساعد ام احمد بالغدا ..

وهيج كضو طول النهار بين الشغل والتحضيرات حتى مستشفى مراحت .. وخابرت اخوها حتى لايروح ..لان جانو متفقين يتشاوفون بالمستشفى .. لكن من يوم الي اتزوجت وهي متشوف يوم راحه . ولا شغلها مثل اوادم ..

للعشره بالليل يلا خلصو الناس وطلعو .. ساعدو علي يدخل جوا .. بقا بالفراش الي جان ينام عليه صكر من انصاب .. وفرحه وابنها بقو بالغرفه مال علي
رخل صكر للغرفه جانت توها هند سابحه وداتمشط شعرها .. وهو لما دخل .جان تعبان وهلكان طول النهار واكف يسلم على الناس
اول مطب كبل ذب نفسه على الجربايه .. وهند كالت

هند .. شلونه جرحك ..

صكر جاوب من وره هشمه بتعب .. زين يسلم عليج ..

هند .. مدام هيج داتحجي يعني زين .. اكول ..

صكر ..كولي بسرعه تعبان اريد انام

هند .. يمتى اظل نايمه على القنفه اريد جربايه مال نفر ..

صكر ..محد لازمج .. نامي يمي سرير وجبير ..يسع اربع نفرات ..

هند . لو اموت ماانام يمك ..

صكر .. لعد هاي مشكلتج

هند .. صدك انت بلا احساس مره مكتلي تعالي نامي مكاني ..

صكر .. والله ماارتاح الا على جربايتي .. ومكان اكو .فانت بكيفج بعد ..

غمض عيونه ..يعني بعد ماريد حجي .. وهي مجاوبت لان النقاش وياه دائما يصل الى مكان مسدود .. راحت هي اتمددت على القنفه وهو نام مكانه ..
ثاني يوم الصبح جان كاعد صكر من وكت لان اصلا منام هوايه .. جان ديفكر بعداون وين يلكاه .. وباخوه الي راح يبقى طول عمره اعرج ولسى ببدايه عمره .. دايفكر باخته الي جانت حتروح من ايديه .. دايفكر بهند الي دايحبها ..وميريد يورط نفسه وياها .. شويه ويقطع سجاد تفكيره اجاله وبيده التلفون وكال ..

سجاد ... عرفت مكان عدوان ..

صكر .. شنو .. وين ..

سجاد .. امشي .. وانه ادليك

صكر .. خليني اروح وحدي

سجاد .. لا اني جاي وياك .. يلا .. مراح اعوفك ..

وطلعو الاثنين رايحين للمكان الي متخبي بيه عدوان حتى يتخلصون منه ..