قيود بين سلاسل الماضي
البارت السابع
ريتاج الموسوي
.................................................
تفاعل ماكو بالقصه ليش معاجبتكم
صاحبة القصه تشوف تعليقاتكم
عفيه لاتفشلوني اريد توصلون البارت ١٠٠ تعليق
سوو تاكات للبنات ادري بيكم متقصرون
.............................
افنان...الو
...لتحجين بس اسمعيني ولتجاوبين اي شي
اني تقصدت اوكع المفاتيح وطلعت حجه حته اسمع صوتج
اخذي الميداليه ورجعيلي المفاتيح
افنان...مجاوبت اي شي انصدمت ماحسيت الا واني ساده التليفون
مريم...هاا شكالج
افنان...ها اي بس سألني ع المفاتيح
مريم بشك...اشو ماحجيتي شي شلون سألج
افنان...لا ماما بس كال ديري بالج عليهن مفاتيح البيت لا يضيعن
مريم...اهاا
وانتي مفاتيح مو الج المن تشيلينهن هسه يضيعن وتجينه بلوه تصير بت مريم اخذتهن
انه مو منبهتجن وانتن اصغار ماتشيلن شي مو الجن
افنان...احتاريت شجاوب اخاف اكللها هوه شمرهن عليه
اكتفيت بالسكوت
واخلي الحق عليه.....راحت امي لغرفتها
اني متت خوف اول مره احجي ويا ولد غريب
رجعت الغرفتي حاولت انام ماكدرت
بقيت اليل كله اتكلب بالفراش فكره تجيبني وفكره تاخذني
هذا منو شيريد مني وليش كالي هيج ومنين يعرفني اصلا
ماحسيت الا واني نايمه كعدني صوت التليفون يدك
..............................
الاء...الو
...السلام عليكم
الاء...وعليكم السلام منو
...انه عماد
الاء..اي عماد ماعرفك
عماد...الي مفاتيحي عدكم اكدر اجي اخذهن
الاء...اهااا اي اي تكدر تجي
اهلا وسهلا
انهت المكالمه
احنه من عاداتنه لازم نطبخ اكل للعرسان وناخذه الهم
لمدة تلث ايام
ومو بس احنه حته نسوان عمامي وبناتهم يعني العائله كلها
رحت للمطبخ امي والبنات يطبخن
سويتلي لفه جبن وجاي واكلت وره ماكملت
افنان بصوت ناعس ....ماما تردين اساعدكم
مريم...فتحي عيونج اول مره وبعدين ساعدينه
...ماما شسوي انعس وتعب البارحه بعده لهسه مأثر عليه
مريم...حيل وياج منو كلج تعالي جان بقيتي وي خواتج بالبيت
هااج دامج كاعده سوي الزلاطه وخليها بوحده من الحافضات حته ناخذها علما اصب الاكل بالسفر طاس
جنت اقطع ومندمجه واسمع الباب اندك
راحت الاء تفتح الباب شويه ورجعت
الاء...ماما هذا عماد يريد المفاتيح
...مجرد سمعت اسمه خفت بدون ماادري جرحت ايدي بالسجين
مريم...هااا شبيج غير تنتبهين يا ماما
دكومي كومي عوفي الاء تكمله غسلي ايدج ولفيها وروحي جيبي المفاتيح للولد علما اروح اغسل و اسلم عليه
غسلت ايدي وخليتلها لزكه
دخلت للغرفه واني متردده اسوي مثل ماطلب مني واخذ الميداليه لو اعوفها
جانت خمس دقايق بس حيرة شهر كامل
آخر شي صفيت على انو فصلت المفاتيح عن الميداليه وضميتها بالكنتور
اخذت المفاتيح ورحت لأمي اسمعها تكله
مريم..هلا عمه شلونك امك شلونها
عماد...الحمد لله عمه كلنه بخير
انتم اشلونكم
..اني هنا كتلني الفضول منو هذا
ويعني امي تعرفه زين وتعرف اهله احنه ليش مانعرفهم واول مره أسمع بيهم ليش سووا هيج
صرت وره الباب ونطيتها المفاتيح
وبعدها رجعت للمطبخ امي التهت تحضر بلاكل وتجهزه
اندك التليفون راحت امي تجاوب
مريم..الو الو منو الو
سدت التليفون بقه كل شويه يدك تشيل التليفون امي و الاء بس محد يجاوب
جنت ماره من يم التليفون ودك صاحت امي...افنان ردي ع التليفون واذا محد جاوب رزليهم حته يجوزون وبعد ميدكون
...الو
عماد...الو هلا شلونج
افنان...منو حضرتك
عماد..ليش معرفتيني
أفنان...لا منو حضرتك
عماد...انه الي ضاعت مني المفاتيح
افنان...بدون اي تفكير كتله...ليش تكذب وتكول ضاعت مني انته وكعتهن ويلا مع السلامه
عماد...اذا سديتي التليفون ابقه اتصل وحته لو يطلع ابوج اريد بنتك
افنان...انته شكد جريء ومتستحي شنو هالوقاحه
عماد...ههههه اشاقه بس خلي اكمل كلامي
مريم....هااااااااا افنان منو جاوبوج
...رأسن سديت التليفون
لا ماما محد يجاوب
مريم....عوفيهم ذوله ناس فارغه وتريد تلعب
تعاي ساعديني
....ماشي هسه اجي
كملنه الاكل واخذته امي هيه ونسوان عمامي وراحن اما احنه بقينه بالبيت
جنت مشتاقه لميس هواي واحس اكو فراغ بالبيت ونقص ميسده غيرها
جنت ادخل لغرفتها واذكر سوالفها وضحكها اضل ابجي
جنت احسب يوم يوم للسابع حته نروحلها
وبها الوقت جان التليفون يتصل بين فتره وفتره واني اتعمد مااجاوب
شلي بالطلايب
جان سابع يوم لميس كعدت من الصبح حضرت روحي وبدلت ملابسي لبست كوت طويل كلش حلو بس مخصر على جسمي
اتفقت ويه امي انو بابا يوديني الهم من الصبح حته اروح وياها للصالون
وخواتي وامي يجن للعصر وفعلا رحت ويا مسافة الطريق وصلنه
اول مادخلت سلمت عليهم
السلام عليكم
...ردو وعليكم السلام بس كوه ووجوهم بيها غيظ
استغربت ليش ردهم وسلامهم بارد
يلا يجوز همه هيج طبعهم شعرفني بيهم خالتي لااعرفها ولاتعرفني حقها ماالي مكان بكلبها
.افنان... خاله وين غرفة ميس
سهام وبالكوه تحجي عاقجه الوجه...هاي الغرفه الكدامج
افنان...اتعجبت عليها هاي شبيها والله يالله
دخلت للغرفه بس شفتها حضنتها
جني سنه ماشايفتها
افنان...مشتاقتلج ولج ميس ماتدرين البيت شلون صاير بدونج خنكه
ميس...اهاا حته اني هم مشتاقتلكم
افنان..اكلج شو ردج بارد شبيج صايرلج شي
ميس...كومي قفلي الباب وتعالي
كمت قفلته كتلني الفضول شعدها
قفلته يلا احجيلي شبيج
ميس...مابيه شي بس راح اختصرلج الحجي
راح يجونج خطابه هاي الفتره نصيحة اخت لختها لا توافقين
افنان...خطابه
منو ذوله
ميس...اخو زوجي محمد بس لاتوافقين اذا وافقتي لا اني اختج ولا اعرفج خوش
افنان..ليش
استوها تريد تحجي واندك الباب
كامت فتحته ميس
محمد...هااا افنان هنا شلونج شخبارج
افنان..الحمد لله خويه بخير انته شلونك
محمد..تمام الحمد لله
باوع على ميس ليش قافلين الباب
رادت ميس اتجاوب وسبقتها اني
افنان...اني قفلته ردت ابدل ملابسي
محمد...اهاا بس شنو انتي شطالعه اليوم شنو هذا الكوت جنه مثل هذا الي يلبسنه الممثلات البالمسلسلات
الله عليج انطيه لميس
خلي تلبسه بلايام الجايه
افنان...هههه ميخالف انطيه الها
جاوبته واني بالي مو وياه افكر بكلام ميس ليش كالتلي هيج وليش همه تعاملهم وياي جاف
الوحيد محمد الي طبيعي ويشاقه ويضحك
طلعنه من الغرفه ورحنه للمطبخ حته اساعدهم لان عدهم طبخ وعازمين ناس
اباوع للوجوه مجفيه متتفسر شبيهم ماادري
صاحت خالتي
سهام...يالعروس تعاي جيبي التمن من فوك السطح
....باوعت لميس مدارتلها بال
كمت اني بسرعه وافكر ليش ميس ماتحاجي خالتي معقوله متعاركين وياها قبل لا يصيرلها ٧ ايام عدهم
نفضت الافكار من راسي وكتلها
...خاله اني اكوم اجيب التمن بس دلوني وين الكاه
استوني صعدت اول بايه
وسحبتني خالتي
سهام...تعاي انه راح اصعد لصعدين
انصدمت منها شبيهم ذوله والله خبلوني
وره نص ساعه رحنه للصالون من عاداتنه قبل نسوي بيوم السابع حفله وتجي الناس وتباركلهم لان العرس ماسوو بالبيت صار بالفندق
طول مااحنه بالصالون اريد احاجي ميس وافتهم منها السالفه ماكو
خوات محمد سرى واماني لازكات لزكه ولا يتحركن ويباوعلي صفح مااعرف شبيهن
كلت بكلبي شبيهم تغيرو فجئه بالعرس جانو كلشي مابيهم ويعاملوني عادي
هسه نضراتهم كلها كره
كملت اختي ورجعنه للبيت طلعت تخبل احلا من العرس
جنت كاعده يم خالتي سهام واسمع النسوان تكللها
...منيلج هاي الجنه سبحان الله جنها ممر
سهام بصوت ناصي...والله لو ندري هيج مجان تورطه واخذناها
افنان...سمعتها هيج كالت متت قهر مااكدر ارد عليها نسوان هواي كاعده
ع اساس ميتين عليج اشو انتي كتلتي روحج عليها
لو السالفه راجعتلنه لا نعرف ولاتعرفينه
وره شويه دخلت امي وخواتي
وعمتي ونسوان عمامي وبناتهم صارت لمه حلوه وجايبين هدايا هواي لختي جنه فرحانين كلش بوقتها لليل صار لازم نروح للبيت وقبل لا نطلع امي كالت لخالتي
مريم...شوفي سهام اليوم اربعاء وباجر خميس اخذوها زوروها الإمام الكاظم
عروس لازم تدخل على إمام حته يحفظها ويحميها
والجمعه معزومين عدنه كلكم ع الغده
سهام...ان شاء لله
.....................................
رجعنه للبيت وثاني يوم الخميس
مريم....اليوم اختجن اكيد راح ياخذونها للزياره
البارحه كلت لأمير كال اوديجن
كومن لبسن حته نروح بلكي نلكاها هناك وهم نزور
افنان...اي ماما صار هوااي مازايرين اذكر آخر مره رحت وامي صغيره بلابتدائيه
حيل مشتاقه لزيارة الإمام الكاظم اروح فدوه لأسمه
مريم...يالله جا كومن لبسن حته من يجي ابوجن يلكانه جاهزين تره بس تتأخر يبطل ماياخذنه
رحنه بدلنه وره ساعه اخذننه بابا
امير...يالله حدجن ساعتين بس وارجع اخذجن الكاجن بهذا المكان
مو تروحن منا منا واضل ادور عليجن تره مابيه حيل ادواره واتفرفر اذا مالكيتجن اخلي وامشي مو تكولن ماكلت
مريم...صار تلكانه بنفس المكان لاتشيل هم
اول مادخلنه للصحن شفت خالتي وبناتها وميس
رحنالهم سلمنه عليهم وكعدنه
اباوع على ميس تباوعلي بنضرات غريبه وجهه بيه عتب
وعيونها مغوركه بالدمع
ضليت احوس بمكاني مااكدر اسألها واكلها شبيج عيالها يمها
افنان...ماما نروح اني وميس نزور ونرجع
مريم...وين تروحن خاف اضيعن
افنان...شسالفه ماما وين انضيع نزور ونجي هسه
....يلا بس مو تتأخرن
لزمت ايدها ورحنه طول الطريق هيه ساكته مافتحت حلكها بكلمه استغربت وصلنه للإمام بشويه جرت ايدي ووكفتني
رفعت ايدي للإمام
ميس...كولي وحق هذا اسد بغداد ماعندي علاقه ويا ابن عمهم عماد
افنان...بقيت مصدومه مااكدر استوعب كلامها شنو علاقه شنو ابن عمهم اريد احجي وادافع عن نفسي بس الصدمه جانت
اكبر ماتوقعت اسمع هيج حجي ومنين من اختي بعدني اباوع الها وصار كبالي حسام
وهنا ألف مصيبه ومصيبه احس نزلت على راسي
صدمتي بكلام ميس لو صدمتي بحسام الي مختفي صارله ٣ اشهر مااعرف عنه شي
لو صدمتي بالصدفه الي جمعتني بهيج شخص بهيج مكان وبهيج وقت
شافنه اجه
حسام...السلام عليكم
...وعليكم السلام
حسام....شلونج ميس ع الخير والبركه شايفه كل الخير
ميس...الله يبارك بيك خويه اشكرك رحم الله والديك
حسام...افنان شلونج
افنان...الحمد لله زينه
سحبت ايدي من ميس اريد امشي
ميس...وين رايحه بعدني ماخلصت كلامي ابقي
باوعتلها بنضرت عتب...راح امشي كدامج
مشيت خطوات بطيئه واني احجي ويه روحي ليش هيج مكتبولي اتعذب
حسيت بشعور ماادري شنو ولا اعرف سببه ليش من اختفى ترك الم بكلبي جبير
ومن رجع جمعتني بيه صدفه بيهج يوم هواي الأسئله الي سألتها الروحي بس ماكو اي اجابه
اجت ميس
....يالله احلفي
افنان...على شنو
ميس...على انو ماعندج علاقه بعماد
افنان...مو من حقج تحلفيني على شي مااعرفه
ميس انتي تخبلتي عن ياعلاقه تحجين شبيج
بدينه نمشي داير مداير الصحن وكامت تحجيلي
ميس...اوووف ماتدرين شسوو بيه من ثاني يوم رجعتنه من الفندق خالتي كلبت الدنيا عليه
وتريد اي حجه حته تتعارك وياي بيها
من غير سرى واماني الي يتعاركن
وياي ع الطالعه والنازله بسبب وبدون سبب
على شنو مااعرف ولا جني عروس
اشو وره فتره كالو نريد نخطب افنان ل حبيب
الي هوه حماي استغربت
لذالك من اجيتي حذرتج لا توافقين شحصلت اني منهم اشو شفت شرهم قبل خيرهم
ومن رحتو من عدنه بليل اجتني خالتي تكول اختج افنان تعرف عماد وعدها علاقه ويا
سألتها منو كلج تكول اماني
رحت لأماني لغرفتها لكيت يمها سرى
...اماني صدك هذا الحجي السمعته
اماني...وشنو السمعتيه
ميس...انتي كايله لأمج افنان عدها علاقه بعماد شهالحجي
اماني...اي حبيبتي عدها علاقه بيه وتعرفه من زمان ماشفتيه بيوم العرس شلون راح
وجابلها موطه ومي وببسي وسوالف وضحك
واني يمهم
عفتهن
وطلعت بعدني بالباب مارايحه واسمع اماني تكول لسرى
....عماد الي ومااخليها تاخذه مني اني احبه
هنا اني متت قهر بين المصدكه وبين المامصدكه معقوله افنان تسوي هيج
وتخليني بموقف حرج كدامهم وتفشلني
لج اليل مانمته بس افكر
افنان...لا تصدكين اصلا بيومها هيه الي حاجته يجيب مي النه واني والله ماشايفته ولااعرفه
ميس...بعد مااعرف همه هيج تاهمينج
وبيومها اكثر من صدمه صارتلي مااعرف ليش اني هيج منحوسه القدر والناس المقربين يمشون عكس مشيتي اني ضحكت ضحكة وجع
وجعي كان مخفي بكلبي ليش البشر الي نحب نشوفهم نتواصل وياهم منلكاهم ويوم الي تريد تتواصل وياهم يختفون وبعد معاناة نفقدهم وتوها الروح متعلمه تنساهم او تتناساهم
يضهرون بحياتك بااصعب ضرف واصعب وقت والناس الي تضنهم اهلك احبابك وسندك بااول فرصه يطعنوك يتهموك ويغدروك ومنا
بدت اول رحلتي وي عذاب وانتقام الاهل والاقرباء وهاي كانت اول محطه للعذاب الحقيقي الي اي شخص يعجز عن ايصال صورته الحقيقيه اتمنى اليقره يدعيلي ربي اني مغلوب فانتصر
وللحكايه بقيه انتظروني
يتبع....