Chapter Song: Because of U by Monsta X
Matapos kong makapagbihis ng pantulog ay lumabas na ako sa banyo. Naabutan ko naman si Cindy na nahiga sa pangalawang kama at malapad ang ngiti nya na nakatuon ang atensyon sa cellphone nya. Katext nya siguro si Jooheon kaya ganyan na lang ang mga ngiti sa labi nya.
Mabuti lang talaga at hindi nya nakita si Hyungwon.
Pinasadahan naman nya ako ng tingin nang mahiga na ako sa kama.
"Queen,"
"Hmm?,"
Tiningnan ko sya.
"Okay lang ba na tanungin kita tungkol sa picture na yun?," nag-aalinlangan ang tono ng boses nya.
"It's okay. Hindi rin naman totoo yun," tinanguan nya ako.
"Wala ba talagang kayo ni Hyungwon?." umiling ako.
"Wala. As in wala," muli syang tumango.
"Pasensya na at ang dami kong tanong sayo, nalilito kasi ako," kumunot ang noo ko sa tanong nya.
"Nalilito?," binalik ko ang tanong.
"Yeah. Napapansin ko kasi na parang merong ano sainyo ni Hyungwon pero naisip ko naman na nililigawan ka ni Kihyun kaya imposibleng meron," napakagat sya ng labi nya nang magtama ang mga tingin namin.
"Ah. Nevermind me Queen. Naiirita ka na siguro sakin," umiling ako.
"Hindi no, gusto ko nga na may kaibigan akong babae dahil nakakapagkwentuhan ng ganito," napabangon sya matapos kong sabihin iyon.
"Kaibigan? As in Queen! Friends na tayo!?," natawa ako sa reaskyon nya.
"Oo naman. Girlfriend ka ni Jooheon tsaka mabait ka sakin kaya bakit hindi," tumalon-talon sya dahil sa tuwa?
"Omg! Friend kami ng Queen!," natatawa lang talaga ako sa reaksyon ni Cindy ngayon. Masaya din ako dahil may kaibigan na akong babae. Hindi kasi ako palakaibigan na tao kaya bilang lang talaga ang mga kilala at tinuturing kong kaibigan.
"Ah. Cindy, alam mo ba ang Bro Code?,"natigilan sya sa pagsasaya saka nag-isip. Nalabas lang kasi sa bibig ko ang tungkol sa sinabing iyon ni Minhyuk.
"Bro Code? You mean, Bro Code ng Monsta X Clan?," tumango ako.
"Hmm...sa pagkakaalam ko, kapag may gusto ang isa sakanila ay susuportahan nila ito 100%. Ganun kasi ang ginawa sakin, parang nilagawan din ako ng anim sakanila. Tapos kapag nagkagusto sila sa iisang babae, dapat irespeto nila ang magiging desisyon ng nagugustuhan nila. Bakit mo nga pala natanong Queen?,"
Mabilis akong nag-isip ng isasagot.
"Wala, nasabi lang ni Minhyuk kaya natanong ko," I honestly said. Mukhang mapagkakatiwalaan naman si Cindy sa mga ganitong usapan.
"Hmm..ganun ba, anyway, kelan mo nga pala sasagutin si Kihyun? Dapat hindi mo na pinapatagal ang panliligaw nya sayo! Mabait naman si Kihyun at sigurado akong gusto ka talaga nya, kung alam mo lang talaga Queen na ikaw lang ang mukambibig ni Kihyun kapag kami ang kasama nya," binigyan nya ako ng nanunuyang tingin.
"Sa totoo lang, kailangan ko pang kausapin ang dad ko tungkol dito, baka atakihin sa puso yun kapag nalaman na may boyfriend na ako," sagot ko. Hindi ko pa talaga pwedeng ibigay ang sagot ko dahil kay dad.
Natapos ang usapan namin dun dahil nagtelebabad si Cindy kay Jooheon. Sinubukan ko na lang na matulog para mabawi ang lakas ko dahil napagod talaga ako ngayong araw. (Huwag ka ng mag-iisip ng kung anu-ano ngayong gabi. Tama na Mozy.)
Kinabukasan ay nauna akong nagising kay Cindy, ang aga kong nagising sa hindi ko malaman na dahilan. Sabado naman ngayon kaya walang pasok kaya hahayaan ko ng matulog si Cindy.
Ginawa ko ang morning routine ko at matapos iyon ay naisipan kong lumabas ng kwarto para maglakad-lakad. It's actually, 5:30 a.m. Nayakap ko ang sarili ko nang tuluyan na akong makababa sa building. Ang lamig kasi ng hangin.
Nagstretching ako bago tuluyang maglakad.
Nilibot ko ng tingin ang Monsta X Academy. Ganito din katahimik noong unang araw ako dito. Naalala ko bigla yung araw na nakilala ko si Kihyun. Napapangiti ako kapag naalala ko yun.
"Ang aga mo nagising ah,"
Napatigil ako sa paglalakad at nilingon ko iyon.
"Good morning girlfriend ni Kihyun," nginitian ko si Wonho.Napansin kong medyo pawis sya at may hawak-hawak syang puting towel at gatorade.
"Good morning Wonho, bakit ang aga mo rin?," tanong ko.
"Nagjogging kami nila Shownu pero nauna na sila sa hideout," napatango ako.
"Tara sa hideout?,"
Sumama ako kay Wonho patungo dun at nang makadating kami ay sumalubong ang masarap na amoy samin. Naabutan kong nagluluto si Shownu. Ang cute nya tingnan lalo na sa suot nyang apron.
"Good morning," bati ko. Pinasadahan naman nya ako ng tingin.
"Good morning Mozy. Dito ka na magbreakfast," tumango ako. Hindi ako aayaw sa alok na yun dahil mukhang masarap ang nakikita kong pancake ngayon.
"Sige Shownu. Yung iba nga pala? Natutulog pa?," tanong ko.
Sakto namang lumabas si Minhyuk galing sa kwarto. Nakita ko ang pagkagulat nya nang makita ako.
Nginitian ko sya at binati ng "Good morning,"
"Good morning din," aniya saka pumunta kay Shownu.
"Mozy maupo ka muna dito," rinig kong saad ni Wonho kaya sumunod ako sa mini living room nila.
Pinasadahan ko sya ng tingin.
Err. Nakatopless sya at ang ganda ng katawan nya.
"Hoy Wonho! Magbihis ka na nga! Lagot ka talaga kay Kihyun! Sineseduce mo pa si Mozy," tiningnan ko ang kagigising na si Jooheon saka tinapunan ng damit si Wonho.
"Good morning Mozy," ngumiti ako sakanya. Ang cute ng mata nya dahil kakagising nya lang talaga.
"Gago, nakaboxer ka nga lang e," tatawa-tawang saad ni Wonho.
"Nakasando naman ako ungas, ikaw pinaglalandakan mo yang abs mo!," sagot ni Jooheon.
"Sige maliligo muna ako Mozy," kinindatan ako ni Wonho bago umalis. Natawa lang ako.
Umupo naman na ako at pinagnood ang tatlo (Shownu, Minhyuk at Jooheon) na busy sa kusina. Ang cute nilang tingnan at talagang komportable na sila sa isa't-isa. Naisip ko tuloy yung sinabi ni Cindy na para sa mga boys ay kulungan tong academy, pero sa nakikita ko ngayon, this is their home and where they really belong. Ang swerte nga nila dahil kahit only child sila ay para narin silang may kapatid sa ganitong set-up.
"Gusto mo ng kape Mozy? Masarap magtimpla si Minhyuk!," tanong ni Jooheon.
"Sige, salamat," sagot ko.
Napatayo ako nang makita ko ang nakahilerang bmx nila. Lumapit ako dun at isa-isa silang tiningnan. Lahat kulay itim maliban sa bmx ni Hyungwon na kulay pula.
Bakit nga ba hindi ko narealize kaagad na mga gangsters pala sila, bmx palang dapat alam ko na e.
"Kanino tong may teddy bear?," tanong ko.
"Kay I.M yan!," sigaw ni Jooheon.
Napatango ako. Mahilig ba sa teddy bear si I.M? Pansin ko kasi.
Napalingon naman ako nang marinig ko ang malakas na 'Hala' ni Jooheon.
"Bakit?," sabay na tanong ni Shownu at Minhyuk. Lumapit naman ako kay Jooheon.
"May patay na daga," ani ni Jooheon.
"Akala ko pa naman kung ano," saad ni Shownu.
Nagkibit balikat si Jooheon samin.
"Sa nagulat ako e," aniya.
Natawa ako sakanila. Ang cute nilang pakinggan. Talaga bang mga gangsters ang mga to?
"Mozy, pakigising sina I.M, Kihyun at Hyungwon kung okay lang," agad akong napatango kay Shownu.
"Sige ba, walang problema," ani ko at nagdire-diretso na sa unang kwarto na nakita ko.
Kumatok ako ng tatlong beses saka tuluyan ng pumasok at kwarto pala to ni I.M.
Nilibot ko ng tingin ang kwarto nya. Bakit ang linis? Talaga bang mga lalaki ang nakatira dito? Dinaig pa ako sa kalinisan.
Tiningnan ko naman ang natutulog na si I.M.
"Gigisingin ko ba to o ano?," natanong ko ang sarili ko dahil mukhang sarap na sarap sya sa tulog nya. May yakap yakap pa syang teddy bear. Mahilig nga sya sa teddy bear.
Lumabas ako sa kwarto ni I.M nang maisip kong huwag na lang syang gisingin at pumunta sa katabing kwarto. Kumatok ako saka pumasok.
"Kwarto pala to ng Sleeping Pills," saad ko nang makita ko sya. Pinasadahan ko ang laman ng kwarto nya. Wala namang kalaman-laman sa totoo lang. Mga furnitures lang ang nakikita ko.
Nilapitan ko ang natutulog na si Hyungwon at si Cutie na nasa mukha nya. Natawa ako. Close talaga sila ni Cutie.
"Hyungwon," tawag ko. Baka kasi gising na to.
"Huy Gising na! Sleeping Pills!," niyugyog ko sya pero tinigil ko rin nang maalala kong dapat ko nga pala syang hayaan kapag ganitong tulog sya at baka nananigip sya ngayon.
Imbes na si Hyungwon ang magising, nakatingin sakin si Cutie saka nagstretching.
"Sorry, nagising kita," ani ko. Lumapit naman si Cutie sakin kaya kinarga ko sya at tahimik kaming lumabas sa kwarto ni Hyungwon. Hayaan na natin ang Sleeping Pills na yun.
Huli kong pinuntahan ang kwarto ni Kihyun. Pagkapasok ko ay nakita ko ang tulog din na si Kihyun. Okay lang kaya na gisingin ko sya?
Dahan-dahan akong lumapit sa kama nya.
"Meow," hinaplos ko si Cutie para tumahimik.
"Shh..ako na ang gigising sakanya," saad ko.
Pinasadahan ko ng tingin si Kihyun. Ang cute nya rin matulog. Sa totoo lang, sila atang lahat e.
Napunta naman ang tingin ko sa mga stickers na nasa dingding. A L A S K A. Basa ko.
"Meow," inilayo ko si Cutie sa kama at ibinaba sya.
"Shhh," ani ko.
Nakapameywang kong tiningnan si Kihyun.
"Gisingin mo na Mozy," saad ko sa sarili ko.
"Kihyun? Gising--," napatigil ako sa paggising sakanya nang maramdaman kong mainit sya. I mean mainit na mainit sya.
"May lagnat ka," hinaplos ko ang noo nya. Ang init init nya!
"Meow," ani ni Cutie na nasa paanan ko.
"May sakit si Kihyun Cutie, ang taas ng lagnat nya," mabilis akong lumabas at lumapit sa mga boys na nakaupo sa counter.
"O? Nasaan na yung tatlo?," bungad ni Jooheon sakin.
"Ano kasi..May lagnat si Kihyun, may gamot ba kayo?," tumayo si Wonho at pinanood ko syang pumunta sa drawer.
"Ang taas ng lagnat nya," pinasadahan ako ng tingin ni Wonho. Iba yung tingin nya sakin.
"Oy Mozy, iba na yan," tinukso nya pa talaga ako.
"Sira, kahit sino naman sainyo magkasakit aalagaan ko," nilingon ko ang mga boys na naghihiyawan. Napailing ako.
"Awe. Ang sweet naman nun Queen," ani ni Jooheon.
"Nagkasakit naman yun dahil sayo e!," nagtawanan sila Shownu.
"Kainggit naman si Kihyun," ani ni Jooheon. Parang walang Cindy e.
"Teka, bakit may kuting dito? Kaya pala may patay na daga dito e," napatingin ako kay Cutie na lumapit sakin. Kinarga ko sya.
"Si Cutie to," pakilala ko. Ibinaba ko rin naman si Cutie nang matapos si Wonho sa pagkuha ng gamot.
Hindi ko na lang pinansin ang mga tukso nila at nagpatulong kay Wonho na magdala ng tubig at bimpo. Nagpaiwan naman din ako at nagprisinta na ako na ang mag-aalaga kay Kihyun. Expert ako sa pag-aalaga ng may sakit dahil kay mom. She used to be a doctor when she was alive.
Pagkalagay ko ng basang bimpo sa noo nya ay inayos ko ang kumot nya.
Napahinga ako ng malalim. Now that I remember my mom, hindi ko mapigilan na hindi maging emosyonal. She died seven years ago and I was just 10 years old. Si Mommy Rose na tinawag ko ng mom ay bestfriend ni mom at nagkagustuhan sila ni dad. Syempre dahil gusto kong maging masaya si dad matapos mawala ni mom ay pumayag akong magpakasal sila. Mabait din naman si Mommy Rose at nakikita ko rin si mom sakanya. Kaya nga nang maghiwalay sila ni dad nakapagdesisyon ako na umalis na sa bahay na yun dahil hindi na ako pwedeng maging anak ni Mommy Rose, magiging hadlang lang ako sa bagong kabanata ng buhay nya. May mga bagay talaga na hindi ko pa kayang ikwento sa iba. Kaya rin siguro hindi ko na mabawi ang mga alaala ko, wala na kasi si mom para tulungan ako.
Napatingin naman ako sa pintuan nang may kumatok saka pumasok si Minhyuk.
"Kain ka muna, magiging maayos din si Kihyun," binalik ko ang tingin kay Kihyun saka napatango.
"Sige," saad ko. Nakaramdam na rin ako ng gutom.
"Nanlalamig na yung kape mo," napangiti ako.
"Salamat Minhyuk," pahayag ko at sabay kaming lumabas ng kwarto ni Kihyun.
Author's Note:
Updated ❤
Don't forget to:
Vote.
Comment.
Be a fan!